رواية حضن بنكهة القسوة كامله بقلم حنان حسن
رواية حضن بنكهة القسوة كامله بقلم حنان حسن
رواية حضن بنكهة القسوة كامله
بقلم حنان حسن
بردانة..وعريانة..
وخايفة..
ومش شايفة اي حاجة حواليا
وفوق دا كلة...
اكتشفت ان راسي بتنزف دم بغزارة
ودا معناه اني..
ممكن اموت في اي لحظة
دا الوضع الي صحيت لقيت نفسي عليه
وانا نايمة في المقبرة
الجزء الاول
للكاتبة..حنان حسن
ونبدء الحكاية
ايه ده؟
الحقوني يا ناس
سقف البيت بيقع علي راسي
الحقوني...الحقوني.. الحقو......
واثناء ما كنت بصرخ
وانا مفزوعة... اتنبهت
وفتحت عنيا
فا عرفت اني كنت بحلم.. وصحيت
لكن...بعدما فتحت عيني مشوفتش اي نور
ايه ده؟
هو انا مش بشوف لية؟
انا اتعميت ولا ايه؟
وايه المكان الضلمة
الي انا نايمة فيه ده؟
وحاولت اتحرك عشان اقوم..
وافتح باب... ولا شباك
لكن..
شعرت ان جسمي كلة كان بيوجعني
ولما لمست جسمي...
لقيتني بدون ملابس تقريبا
وكنت مش فاهمة
انا فين؟
وليه نايمة عريانة في المكان المخيف ده؟
واية سبب الالام الي في جسمي دي؟
ولية راسي كانت هتنفجر من الصداع؟
وكنت عايزة اتحرك.. واقوم
لكن
اجبرني الالم اني ارجع ارقد تاني في مكاني
وكل الي قدرت اعملة
اثناء ما كنت مستلقية في الارض
اني .. اتحامل علي نفسي وازحف بجسمي ع الارض
وانا بستشعر بايدي المكان حواليا
و اثناء ما كنت بستشعر الارض بايديا
ايدي لمست ( جسم ادمي)
وده معناه
ان ..
كان في (جث..&ة )
جنبي علي الارض
هو انا في مقبرة ولا اية؟
وانفجرت بالصراخ
الهستيري المتواصل
لغاية ما
سمعت صوت خبط... ورزع...
كان جاي...
من خارج المكان الي انا فيه
وبعدها بثواني..
ظهر ادامي شعاع نور ..
اخترق الظلام الي كان حواليا
فا عليت صوتي بالصراخ
و فضلت استغيث
واقول.. الحقوني خرجوني من هنا
وفي اللحظة دي
اتفتحت الباب الي جاي منه شعاع النور
وظهرت ادامي
واحدة ست عجوزة
كانت بتبصلي بعين واحدة
و شكلها كان مخيف
فا كمشت في نفسي
وانا ببصلها
وفضلت اترعش
وفي الاخر
سالتها
وقولتلها..
انا فين؟
فا بصتلي بعينها السليمة
وقالتلي..
انتي هنا في ( المقابر)
قلت..واية الي جابني هنا؟
فسالتني الست المخيفة
وقالتلي..
المفروض اني انا الي اسالك السؤال ده
وسالتني
وقالتلي..
انتي مين؟
وايه الي جابك هنا؟
واية الي قلعك هدومك؟
وعورك كده؟
قلت..انا......؟
ولقيت نفسي مش عارفة اجاوب علي سؤالها
فا قولتلها
انا معرفش انا مين ولا حتي اعرف اسمي ايه؟
انا.... مش فاكرة اي حاجة
فا بصتلي بغضب وسابتني
للحظات
وخرجت من المقبرة
وبعدها..
رجعت ومعاها شوال كبير
مفتوح من الجهتين
وحدفتة عليا
وقالتلي..
خدي استري نفسك
و يلا امشي من المقابر بتاعتي
فا هزيت راسي بصعوبة
وقلت..حاضر حاضر
همشي حالا
وفعلا..
دخلت جوه الشوال بصعوبة
وسترت نفسي
وحاولت بعدها اقف علي رجلي
عشان امشي
لكن...
مقدرتش
فا فضلت اجر في نفسي ...
وازحف علي الارض
لغاية ما خرجت من المقبرة
الي كان فيها اكتر من ج..&ة غيري
وفعلا..
نجحت اني اخرج للنور اخيرا
وفي اللحظة دي
بصيت علي نفسي
واتفاجئت بان الملابس الداخلية الي عليا...
كانت غرقانة (دم)
لدرجة ان جسمي تقريبا بقي لونة كلة احمر
فا اتفزعت من منظر الدم
الي عليا
وكنت علي وشك ان يغمي عليا
لكن....
حاولت اتماسك
لغاية ما اخرج من المكان المخيف ده
ويبدوا ان الست المخيفة لاحظت
اني بزحف بصعوبة
فا فكرت شوية
وفي الاخر
قالتلي..
لو تعرفي مكان اهلك... او بيتك
قوليلي عليهم
عشان اخلي (حارس المقابر ) ياخدك ويوصلك لاهلك
فا رديت
وقولتلها..يا ستي بقولك
صدقيني...
انا حاسة كأني لسة مولودة دلوقتي...
ومش فاكرة اي حاجة ابدا
فا بصت الست المخيفة ناحية البوابة الحديد
الخاصة بالمقبرة الي احنا كنا فيها
وقالتلي..
اهو حارس المقابر جه اهوه
قلت.. والحارس هيعملي ايه؟
قالت..ده التربي الي بيدفن الموتي
وهو حارس المقابر دي
وعارف اصحابها كلهم
الميتين والي لسة عايشيين
اهو جاي علينا اهوة
وفعلا...
شوفت عربية كارو بحمار
وقفت ادام البوابة الحديد من برة
والعربية كان عليها حاجة زي صندوق الزبالة
ولما الحارس وصل
بص ناحيتي...
وبعدها بص علي الست المخيفة
وسالها
وقالها..مين دي يا روح؟
فا ردت عليه (روح)
وقالتلة..
دي جثة ردت فيها الروح
لكن...
صاحبة الجثة لما فاقت لقت دماغها
اتمسحت...
وناسية نفسها
فا سالها الزبال
وقالها..وازاي اتدفنت هنا بدون منا اعرف
ومين الي دفنها
هي خارجة من انهي مقبرة بالظبط ؟
فا ردت روح وهي بتشاور علي المقبرة
الي خرجت منها
وقالت..
خرجت من المقبرة دي..
فقال..التربة دي تبع عيلة
ابو الدهب
وقرب الحارس مني وفضل يتحقق من شكلي
ولما اتحقق مني كويس
سال روح
وقالها..
اية الدم الي عليها ده؟
فا ردت روح
وقالتلة..
الجثة خارجة كدة من المقبرة
يعني..
كانت غرقانة بالدم من قبل ما تدفن
فا رجع االحارس للخلف تاني
وقال...
ايه ده ؟
يعني الجثة مكنتش مدفونة شرعي ؟
لا ...لا...
انا كده مش هقدر اوصلها لاهلها
لان اهلها ممكن يتهموني بقتلها
فا ردت روح
وقالتلة
طيب ما تروح تتقصي
وتعرفلنا ايه الحكاية
ولو فيها مكافئة هناخدها
...ونرجع الامانة لاهلها
لكن..
لو الحكاية فيها عوق..
يبقي نرجع الجثة للتربة تاني
ولا من شاف ولا من دري
في اللحظة دي
انقبض قلبي واترعبت
بمجرد ما سمعت انهم ممكن يدفنوني تاني
لكن..
صمدت علي ما الحارس يروح زي ما قالتلة... ويجي
وفعلا...
غاب الحارس بعربية الزبالة بتاعنة شوية
وبعدها ....
رجع ومعاه واحدة ست
والست دي كانت جاية لابسة اسود وبتعيط
واول ما دخلت من بوابة المقابر
دخلت تجري زي المجنونة
وكانت بتسال بلهفة
وتقول...هي فين؟
اختي فين؟
وبمجرد ما وقع نظرها عليا
جريت عليا
وهي عمالة تصرخ
وتقول...معقولة؟
اختي (اماني ) عايشة؟
الف حمد والف شكر لك يارب
وفضلت تحضن فيا وتعيط
وانا مش عارفة مين دي؟
الي بتقول اني انا اختها؟
فسالتها
وقلتلها..هو انا اختك ؟
قصدي يعني انتي اختي؟
فا ردت
وقالتلي..ايوه يا قلبي
انا اختك (سعاد)
انتي مش عار فاني ولا اية؟
فا اتدخل الحارس في الكلام
وقال..
اكيد الست فاقدة الذاكرة
منتش شايفة يا ست الكل التعويرة
الي في راسها؟
اكيد وااخدة خابطة ماثرة علي دماغها
فا بصت سعاد علي راسي
وقالت...يااااه
ده جرح كبير فعلا
ولولا شوية( البن)
الي اتكبس بيهم الجرح
كان زمان دمك اتصفي
فا استغربت من وجود البن في الجرح الي علي راسي
وقلت..
ازاي الجرح اتكبس بن وانا
في المقبرة؟
وقبل ما الاقي اجابة في راسي
لقيت سعاد اختي
بتسال الحارس
وبتقولة..
هو محدش شاف ابن الحرام الي عمل في اختي كده؟
فا رد الحارس
وقالها...
انا لسة واصل للمقابر من شوية
ومعرفش مين الي دفنها هنا
وزي منتي
شايفة
مفيش حد بيدخل في المقابر هنا غيري....
يعني مفيش حد نسالة
عن الي حصل
فا استغربت من كلامة
وقلت ..هو ناسي الست الي اسمها روح ولا ايه ؟
وبسرعة بصيت علي المكان
الي كانت واقفة فيه روح
وفضلت ادور عليها بعنيا
لكن ..ملقتهاش
وفهمت ساعتها
ان روح اختفت عشان تتنصل من اي مسؤلية
وكان مفروض اسالة عن روح
لكن...
ساعتها الالام الي كنت حاسة بيها
مخلتنيش اركز مع الحارس...
ولا اجادلة
المهم
في اللحظة دي
اختي طلبت من الحارس
(حارس المقابر )انه يساعدها
ويرفعني معاها
لغاية ما يركبني عربيتها الي واقفة بره المقابر
وفعلا...
ساعد الحارس مع اختي وركبوني سيارتها
وبعدما الحارس اخد مكافئة من اختي
اختي طلبت منه انه ميقولش لاي شخص بالي حصل ده
يعني يبقي خبر رجوعي للحياة سر
محدش يعرفه نهائي
فا وافق الحارس
وبعدها
طلعت اختي بالعربية
واثناء ما كنا في طريقنا للبيت
انا وسعاد
كنت ملاحظة انها محتارة
و عمالة تفكر
وبعد شوية
سمعتها وهي بتكلم نفسها
وبتقول...
اعمل ايه دلوقتي بس ياربي؟
فا بصتلها
وسالتها
قلت..هو في ايه؟
فا قالتلي
هقولك كل حاجة بس بعدما نوصل البيت
قلت..ماشي
وبعدما مشيت بالعربية فترة طويلة
وقفت العربية
وقالتلي...
انزلي يا اماني عشان تاخدي حمام سخن...
وتغيري هدومك
عشان بعدها هنروح للمستشفي
ونطمن عليكي
وفعلا نزلنا من العربية
ودخلت معاها البيت
وكان بيت جميل
في مكان شبة منعزل
لكن...
لما دخلنا لاحظت ان مفيش حد معاها في البيت
فسالتها
وقلت..
ما تفهميني بقي؟
انا عايزة اعرف انا مين ؟
و مين الي عمل فيا كده؟
ولية؟
ولما لقيتها ساكتة ومش بترد
سالتها..
وقلت...
هو انا و انتي مقطوعين من شجرة ولا ايه؟
قالت...لا طبعا
ليه بتقولي كده؟
قلت..
امال ليه مفيش حد في البيت هنا؟
قالت
عشان..
البيت ده.. بيتي انا
وانا عايشة فيه لوحدي
انما بقي...انتي ليكي بيتك الخاص بيكي
وفي كمان بيت العيلة
وده هتلاقي فيه العيلة كلها
هناك
... اخواتك... واولادك .. وكل عيلتك هناك
قلت...
يعني انا متجوزة وعندي ولاد؟
قالت..ايوه طبعا٠
عندك
ولد ..وبنتين
الولد عازب
و البنتين متجوزين
يعني ولادك في سن الشباب
قلت..ولية محدش من ولادي جه ياخدني
قالت..لان الحارس قابلني انا. بالصدفة
وقالي علي مكانك
وانا جيت بدون ما اعرف حد من العيلة
فسالتها بغضب
وقلت..
وليه ما اخدتنيش ليهم ؟
انا عايزة اروح لبيت العيلة
قالت..
مينفعش ارجعك لبيت العيلة دلوقتي
فا اتعجبت من كلامها
وسالتها
قلت..ليه؟
قالت...
لان بيت العيلة ده
كل الي فيه مشكوك فيهم
وممكن يكون حد فيهم هو الي حاول يقتلك
فسألتها بدهشة
وقلت...
وايه الي خلاكي تشكي في كده؟
فاردت اختي
وقالت..
لاني لما سالتهم عن سبب اختفائك
كل الي في بيت العيلة
اجمعوا ان وفاتك كانت بسبب الغرق
واوهموني انك غرقتي
ودلوقتي انا اتاكدت انك اتعرضتي لجريمة قتل
ومعني كدة
ان الي حاول يقتلك حد في بيت العيلة
واالمشكلة دلوقتي...
انك مش فاكرة حاجة
ولو رجعتك لبيت العيلة هيبقي فيه خطر علي حياتك
ووراد جدا
ان القاتل لو عرف انك لسة عايشة
يحاول يقتلك تاني
وللاسف...انا مقدرش ابلغ البوليس
عشان الفضايح..وسمعة العيلة
والمصايب الي حصلت في العيلة
قبل كدة كمان
تمنعني اني اتكلم دلوقتي نهائي
قلت...انتي بتقولي ايه؟
انا مش فاهمة حاجة؟
قالت...هتفهمي كل حاجة
بس الاول
تعالي ادخلك تاخدي حمام سخن
عشان مش هينفع نروح المستشفي بمنظرك ده
وفعلا
دخلتني سعاد للحمام
وساعدتني اني اخد دش واغير هدومي
و بعدها..
فضلت سعاد تفكر
وتقول.
.لو روحنا لمستشفي
هببقي فيها سين وجيم
طيب والحل؟
وبعدما فكرت
قالت..مفيش غير دكتور ممدوح
وده صديق قديم ليا
واكيد هيحفظ السر
وفعلا
روحنا علي عيادة دكتور ممدوح
وبعدما الدكتور اطمن علي الجرح الي في ر اسي
فحصني فحص شامل
وبعدها..
طلب من سعاد انه ينفردبيها لوحدهم
وفعلا خرجتني سعاد من غرفة الكشف
ورجعت هي للدكتور تاني
وبعدما دخلت وغابت عندة شوية
طلعت وهي بتبصلي بزهول
فسالتها
وقلت..
الدكتور كان بيقولك ايه؟
قالت..
اصبري لما نروح البيت هقولك
ورجعنا للعربية
وطول الطريق وسعاد بترمقني بنظرات غريبة
لغاية ما وصلنا
ولما وصلنا البيت
سالتها بعصبية
وقلت...في ايه؟
فا ردت سعاد باسف
وقالت..
الدكتور بيقول انك اتعرضتي لاعتداء
قلت..وايه المفاجئة في كدة؟
ما منظري كان باين بدون كشف
اني اتعرضت لاعتداء
قالت..اقصد
.اعتداء جن&سي
يعني اتعرضتي ( لاغت&صاب)
قلت..اية؟.. اغتصاب؟
اغتصاب ايه؟
انتي مش بتقولي اني عندي اولاد؟
يعني انا اكيد متجوزة؟
ويمكن الي حصل ده من......
وقبل ما اكمل
قاطعتني سعاد
وقالتلي
انتي مطلقة..
.وعايشة لوحدك
انتي و......
وانوقفت سعاد عن الكلام
فسالتها
قلت...
اتكلمي انا عايشة مع مين؟
قالت..مع ابنك
قلت...انا مش فاهمة حاجة
هو انا كنت عايشة في بيت العيلة
ولا عايشة في شقة مستقلة مع ابني؟
قالت..
انتي كنتي بتجتمعي معانا في بيت العيلة ديما
لكن...
كنتي عايشة انتي وابنك الشاب الجامعي في شقة مستقلة لوحدكم
بعيد عن بيت العيلة
قلت...
برضوا انا لسة مش فاهمة حاحة من كلامك
طالما انا واحدة مطلقة... يبقي الحمل الي في بطني دا من مين؟
فا ردت سعاد وصدمتني بحقيقة حياتي البشعة
وقالت........ ؟
لو عابز باقي احداث الرواية صلي علي رسول الله
وطبعا مش هننسي نضع عشر ملصقةت مع متابعة صفحتي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
انتي اتعرضتي للقتل والاغتصاب...
والوحيد الي كان عايش معاكي هو.. ابنك
دا الكلام الي قالتهولولي اختي
بعدما فقدت الذاكرة
تعالوا نكمل الحكاية
الجزء الثاني
حضن بنكهة القسوة
للكاتبة..حنان حسن
بعدما اخدتني سعاد للطبيب
اكدلها حاجتين
الحاجة الاولي..
اني اصيبت بفقدان الذاكرة بسبب
( الخبطة الي اخدتها علي راسي)
والثانية..
اني اتعرضت للاغتصاب
للكاتبة..حنان حسن
وفي اللحظة دي
انا اتفزعت و... اتجننت...
واصريت ان سعاد تعرفني انا مين؟
و تفهمني انا ايه حكايتي بالضبط؟
وفعلا
بدات سعاد تحكيلي حكايتي
وقالتلي..
انتي اختي...
و لينا اخت ..واخ تاني
اسمهم... شادية... و شادي
يعني احنا ثلاث بنات وولد
ابونا ..مات من زمان
وامنا قبل ما تتعب..
جوزتنا كلنا..
وانتي.. وشادية... وشادي
خلفتوا وعندكم اولاد
لكن..
انا مخلفتش ومعنديش ولاد
وبصتلي سعاد
وقالتلي
وانتي برضوا ..
عندك بنتين وولد
ابنك اسمة معاذ...
وعندك بنت اسمها عزة ..
وبنت اسمها هبة
بناتك الاتنين متجوزين
لكن
الولد لسة عازب
وبيدرس في الجامعة
وهو بس الي عايش معاكي
فسالتها
وقلت..
لية قولتيلي انك شاكة
ان الي حاول يقتلني
واحد من العيلة؟
قالت...
اصل كل راجل في العيلة دي مغلول منك
ولية عندك ثأر
قلت..لية انا عملتلهم ايه؟
قالت..
لانك بدون ما تعرفي...
روحتي جوزتي بنتك هبة لواحد شمام ومدم..&ن
وجوز بنتك
علم ابنك معاذ
الشم.. والادم..&..ان
وانتي لما عرفتي كدة
طردتي ابنك من البيت
وفضحتية..
وبلغتي عن زوج بنتك... وحبستية
قلت..تقصدي ان حد فيهم حاول يقتلني
عشان الي عملتة دة؟
قالت..معرفش
اصلك عاملة مشكلة تانية مع جوز بنتك عزة ...
كمان
واتهمتية بالسرقة
فا قدم ضدك بلاغ ...
واتهمك فيه
انك عملتي لابنة الوحيد عاهة مستديمة في عينة
قلت..وليه اتهمني الاتهام ده؟
قالت...
لانك فعلا ضربتي ابنة بعصاية
والعصاية اصابتة في عينة.. وقفلتهاله
قلت...ينهار مش فايت
والولد عامل ايه دلوقتي؟
قالت..للاسف حالته صعبة... وعينة ضاعت طبعا
وبكده ابوه اعتبرك
السبب
في ضياع عين ابنة و مستقبلة كلة
عشان كدة برضوا
في احتمال يكون زوج عزة هو الي حاول يقتلك
قلت...ايه ده؟
هو انا كنت صعبة اوي كدة؟
قالت...ايوه للاسف
انتي عصبية جدا
فا فكرت في كلامها شوية
وبعدها
سالتها تاني
وقلت..
انتي قولتي اني امي مريضة؟
قالت..ايوه
قلت
هي عايشة مع مين من ولادها؟
قالت..
مش عايشة مع حد فينا
قلت... ازاي؟
امال مين الي بيخدم امنا في مرضها؟
قالت...
بيخدموها في المصحة
قلت..مصحة ايه؟
قالت..
للاسف امنا تعبت نفسيا
واحنا حاولنا في علاجها... وفشلنا
فافضلت حالتها تدهور
لغاية ما الدكاترة كلهم نصحونا
اننا ندخلها مصحة نفسية
قلت..مصحة نفسية ؟
قالت..ايوه
...وانتي بنفسك الي دخلتيها المصحة
للكاتبة ..حنان حسن
قلت..ينهار ازرق ...
انا دخلت امي مصحة نفسية؟
قالت...ايوه يا اماني
منتي كنتي معذورة
اصل امك حالتها كانت صعبة اوي
واصبحت خطر علي نفسها...
وعلي المحيطين بيها كلهم
دي حتي بنتك بتعاني بسببها لغاية دلوقتي
قلت...
بنتي بتعاني بسبب امي لية؟
قالت...
اصل امك قبل ما تروح المصحة جتلها حالة هياجان
فا حاولت عزة بنتك تهديها
فا هجمت امك عليها وفضلت تضرب فيها
لغاية ما اصابت عزة في ر اسها با اصابة خطيرة..
وده السبب الي خلاكي تدخلي امك المصحة
قلت...
وبتتي عاملة ايه دلوقتي؟
قالت..
للاسف بنتك حالتها خطيرة...
وحياتها في خطر
والدكاترة اجمعوا انها لازم تعمل عملية وبسرعة
قلت..وعملتوا لها العملية؟
قالت.. لا
قلت..ليه؟
قالت..للاسف العملية هتتكلف مبلغ كبير
و الحالة المادية بتاعتنا كلنا متسمحش..
اننا ندفع ثمن العملية
والوحيدة الي كان معاها الفلوس وتقدر تدفع.... هي (انتي)
والبنت تعبت اكتر بعد ما قالوا انك غرقتي
والمشكلة ان..
الكل فاهم ان انك اتوفيتي
والي مات مينفعش نورثة غير با اعلام وراثة
واعلام الوراثة ...
مش هينفع نستخرجة...
الا....بشهادة الوفاة
وشهادة الوفاة
لازمها تقرير طبي
والتقرير لازملة جثة...
والجثة مش موجودة
با اختصار
مش هينفع حد ياخد قرش من فلوسك
طالما مفيش جثة
قلت...طيب والحل؟
اموت بجد يعني ولا اية؟
قالت..تموتي ده ايه ؟
دنا كنت هموت لما سمعت انك غرقتي
وحسيت ان الروح ردت فيا لما شوفتك تاني
قلت..
ماشي برضوا وبعدين؟
منا لازم اعمل العملية لبنتي
وبالتالي...
لازم اظهر ادام الناس...
واعرفهم اني لسة عايشة
عشان اقدر ادفع لبنتي ثمن العملية
فاردت سعاد
وقالت
انتي لو عملتي كده ...
وحد عرف انك عايشة
ممكن متلحقيش تنقذي بنتك
لانك هتتعرضي للقتل تاني
قلت..طيب والعمل؟
ردت سعاد
وقالتلي..
استنيني لحظة
ودخلت اوضة من الاوض
وغابت فيها شوية
وبعدها ..رجعت ومعاها هدوم سودة
وقالتلي..
دي عباية..ونقاب
هتلبسيهم طول منتي ادام الناس
عشان تخفي وجهك
ومحدش يتعرف عليكي
قلت..
برضوا مفهمتش ؟
هنتصرف ازاي عشان ادفع لبنتي فلوس العملية؟
قالت..
انا عندي حل..
قلت..
اتفضلي قولي الحل
قالت...
انتي لسة مطلعلكيش شهادة وفاة
يعني تقدري تتصرفي في ممتلكاتك...
و ممكن تيجي معايا الشهر العقاري...
و تعمليلي توكيل رسمي عام شامل
عشان اتصرف بدالك في كل حاجة
وساعتها هقدر ابيع العمارة بالتوكيل...
وادفع لبنتك ثمن العملية
للكاتبة..حنان حسن
في اللحظة دي
معرفش ليه
شكيت في سعاد
فا فضلت ابص علي الصور الي هي حاطاها في الصالون عندها
وانا بفكر
وبعد شوية..
سالتها..
وقلت..الصور دي بتاعة مين؟
قالت..دي صور لاخواتك
قلت..وانا فين صوري؟
لية انا مليش ولا صورة فيهم؟
قالت..اه صحيح
دي صورتك مش موجوده معاهم فعلا
قلت..ليه بقي اشمعني صورتي؟
هو انتي مش كنتي اختي
وحبيبتي زي ما بتقولي؟
يعني اكيد اتصورنا مع بعض قبل كده كتير
قالت..ايوه طبعا
قلت..طيب ممكن
توريني اي صورة ليا معاكي؟
فا بصتلي
وقالتلي...
انتي مكنتيش بتحبي تتصوري
فسالتها
وقلت.. فين بطاقتي؟
قالت..اكيد في شقتك وهبقي اجيبهالك
قلت..
هو انا ممكن اشوف بطاقتي وبطاقتك مع بعض؟
قالت..استني بقي لما ابقي اجيب بطاقتك
قلت.. طيب معلش عايزة اشوف بطاقتك انتي دلوقتي
قالت...
بطاقتي ضايعة
قلت..
امال ازاي هعملك توكيل بدون ما يكون معاكي بطاقة؟
فا ردت سعاد بتوتر
وقالت..
اقصد يعني ...
البطاقة مش معايا دلوقتي
اصلي نسيتها في بيت العيلة
لكن هجيبها
قلت..
طيب وانا ايه الي يثبتلي
ان روايتك دي صدق فعلا؟
فا ردت سعاد بعصبية
وقالت
قالت..لازم تصدقيني
لاني... انا اختك
و استحالة اكدب عليكي
قلت..
وهو ايه الي ياكدلي انك اختي اصلا؟
قالت..
هو كده
وانا معنديش اثبات دلوقتي
وبراحتك... تصدقي او متصدقيش مش فارقة
قلت...وانا اسفة
انا مش هعملك توكيل
غير لما اتاكد من بطاقتك واتاكد انك اختي
قالت..طيب اسمعي
انا رايحة دلوقتي علي بيت العيلة. ...
وهجيبلك بطاقتي
عشان تتاكدي اني اختك
خليكي هنا لغاية ما ارجع
و اوعي تتحركي...
ولا ..
حد يشوفك
لا تبقي كتبتي نهايتك المرة دي بايدك
قلت...حاضر
وفعلا..تركتني سعاد وخرجت
وكان مفروض
اني انتظرها لغاية ما ترجع
زي ما امرتني
لكن..انا مسمعتش كلامها
وبسرعة لبست العباية ...والنقاب
وبعدما استعديت
عشان اخرج وراها...
سمعت صوت
بيقولي..
متروحيش وراها
فا بصيت حواليا ملقتش حد
وطبعا شكيت اني بيتهيالي
وبسرعة اتجهت للباب
لكن..
قبل ما اخرج
النور قطع
ولقيت نفسي في الضلمة
فا خوفت اوي
وحاولت احط ايدي علي الكبس بتاع النور
واثناء ما كنت بحط ايدي علي الزرار
شوفت خيال واحدة ست في الضلمة
فا ترعبت ...وفضلت افتح في الزارر بتاع النور
لكن...مفتحش
فا سالتها..
انتي مين
قالت...انا روح
قلت..انتي روح الي انا شوفتها في المقابر؟
قالت...ايوه
قلت..ودخلتي هنا ازاي؟
وعايزة مني ايه؟
قالت
انا جاية احذرك
واقولك
متروحيش ورا سعاد
قلت..ليه؟
قالت.. هياكلوكي
قلت..
مش فاهمة تقصدي ايه
قالت..سعاد كدابة
وعايزاكي معاها عشان مصلحتها
و..بعدما هتاخد مصلحتها منك
هتاخدك ليهم
وهياكلوكي.... زي ما اكلوها
قلت..هما مين الي هياكلوني؟
ومين هي الي اكلوها؟
قالت...(امك)
قلت..طيب بس فهميني الاول
هي سعاد تبقي اختي بجد؟
قالت..اه
سعاد تبقي اختك
قلت..
يعني بني ادمة ومش وحش؟
يبقي ازاي بتقولي انها اكلت امي و هتاكلني؟
في اللحظة دي
مسمعتش جواب
واختفي الصوت
وفضلت انادي
يا روح...ياروح
لكن..
محدش رد عليا
ولقيت النور رجع تاني
فا سحبت نفسي وخرجت بسرعة من شقة سعاد
وبسرعة نزلت اجري من الشقة
وانا لابسة النقاب والعبابة السودة
لكن
علي ما نزلت
كانت سعاد مشيت بعربيتها
فا فضلت اسال نفسي
هروح وراها ازاي؟
وانا معرفش عنوان بيت العيلة؟
للكاتبة..حنان حسن
وفي اللحظة دي
لمحت السايس بتاع الجراج
راجع يقعد علي الكرسي
بعدما فتحلها الباب وطلعها بالعربية
فا عملت نفسي
ضيفة جاية لسعاد
وسالتة عن سعاد
وقلتلة..
لو سمحت هي مدام سعاد فوق؟
فارد السايس
وقال...
لا ...دي لسة ماشية بالعربية حالا
قلت...ياررربي.. اديني اتاخرت وملحقتهاش
وسالتة تاني
وقلت...اصل مدام سعاد صاحبتي
و انا سمعت ان شقيقتها ماتت
فا قلت اجي اعزيها
وسالتة
وقلت..
متعرفش عنوان بيت العيلة
لما اروح اعزيهم بالمرة؟
فا رد السايس
وقال...ايوه فعلا انا سمعت ان عندها حالة وفاة
عموما تقدري تروحي تعزيها في بيت العيلة
المكان مش بعيد من هنا
وفعلا ..
اخدت العنوان من السايس
وفضلت اسال
لغاية...
ما روحت علي بيت العيلة
واول ما صلت للبيت
شوفت عربية سعاد واقفة
فا اتاكدت انه هو البيت فعلا
فا فضلت واقفة اتابع من بعيد
واول ما قربت من مدخل البيت
لقيت البوابة الحديد
اتفتحت لوحدها
ولما بصيت جوه البوابة
شوفت بنت وولد صغيريين بعمر ست او سبع سنين
كانوا بيلعبوا في مدخل البيت
فا دخلت من البوابة
وبمجرد ما دخلت
البوابة اتقفلت عليا وانا جوه
المهم..
قربت من الاطفال
وسالتهم
قلت..لحظة يا حبايبي
هسالكم عن حاجة
فا بصلي الولد
وقالي..نعم
قلت.. انا جاية اعزي
بس مش عارفة فين البيت الي فيه العزاء
فا ردت البنت
وقالتلي..انتي جاية تعزي في تيتا؟
قلتلها..
هي المرحومة تيتا كان اسمها ايه؟
قالت..اسمها اماني
في اللخظة دي
فهمت ان الكلام عليا...
وده بيت العيلة فعلا
ودول احفادي
فا حبيت اعرف دول ولاد مين في ولادي بالظبط؟
فسالت الولد
قلت..انتوا ولاد مين بالظبط؟
وقبل ما الولد يرد عليا
سمعت صوت واحد راجل بيسالني
وبيقولي...
انتي مين؟
يا ست انتي وعايزة اية؟
فا التفت بسرعة عشان اشوف مين الي بيكلمني
ولقيت ادامي
شاب ...و معاه واحدة ست
وقبل ما ارد عليهم
لقيت الولد بيشاورلي
علي الست
وبيقولي..هي دي مامتي
ولما عرفت انها مامتة
فا قلت اكيد دي بنت من بناتي
ولو اتكلمت هتعرفني
فا التزمت الصمت و مردتش اتكلم
فا عادت الام عليا السؤال
وقالتلي..
ما تنطقي يا ست انتي
وتقولي انتي مين ؟
وعايزة ايه؟
وبرضوا سكت ومردتش عليهم
فا رد الشاب
وقالها
يظهر ان الست دي مجرمة
وكانت جاية تخطف الاولاد
اطلبي البوليس يا (عزة)
فا قلت في نفسي
عزة؟
هي مش سعاد قالتلي...
ان عزة...
عندها ولد وحيد
وعنية مقفولة؟
في اللحظة دي
فهمت ان سعاد كدبت عليا فعلا
و بما ان عزة معندهاش غير ولد وحيد وعنية طلعت سليمة
ومفيهاش حاجة
يبقي ده معناة ان كلام روح صح
لا... لحظة تاني كده
كلام روح صح ؟
عارفين ده معناه اية......؟
لو عايز باقي احداث الرواية
صلي علي رسول الله
وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
(٣)..اهربي قبل ما يأكلوا من لحمك زي ما اكلوا لحم امك
دا التحذير الي سمعتة من "روح"
(المراة غريبة الاطوار.. الي شوفتها في المقابر)
معقولة يكون في اكلة لحوم بشر.. في العصر الي احنا فيه
الاجابة هتعرفوها
لما نكمل الحكاية
الجزء الثالث
حضن بنكهة القسوة
للكاتبة..حنان حسن
.....
بعدما روحت لبيت العيلة..
وشوفت عزة ...وابنها
لاحظت...
ان بنتي عزة صحتها كويسة
وا بنها عينة سليمة...
فا اتاكدت في اللحظة دي..
ان سعاد ...
كانت بتكدب في قصتها الي روتهالي...
ومعني كده ..
ان روح...
كانت صادقة في كلامها
فا رجعت بتفكيري للكلام الي قالتهولي ر وح
وافتكرت جملة
(سعاد هتاخد مصلحتها منك
وبعدها.... هياكلوكي..
زي ما اكلوا امك)
ولقيتني بقول لنفسي
يظهر ان روح تعرف حاجة محدش يعرفها
صحيح انا مفهمتش قصدها بالظبط
لكن..الجملة بتدل ان حياتي في خطر...
وكان من الافضل
اني اغادر المكان فورا
واروح لروح المقابر
عشان افهم منها ...
واعرف هي كانت تقصد ايه من تحذيرها ليا؟
لكن..
همشي من هنا ازاي؟
وهما واقفين متربصين بيا كده؟
وفضلت افكر اخرج ازاي من
بيت العيلة؟
وفجاءة..
لمعت في راسي فكرة
وهي ..
اني استعين بسعاد
عشان...
تخرجني من هنا
وطبعا... مكنتش ناوية
اقول لسعاد
اني فهمت انها كدبت عليا
عشان افهم...
هي كدبت عليا لية؟
المهم..
عملت فيها خارساء
وفضلت اشاورلهم علي
عربية سعاد
الي كانت واقفة ادام باب البيت
فا سالني الشاب
وقالي...
انتي تعرفي صاحبة العربية دي؟
فا هزيت راسي
بمعني...ايوه
فا قالي..
عموما..صاحبة العربية موجودة فوق
هبعت اجيبهالك حالا
عشان اسالها ان كانت تعرفك
او ...لا
بس لو طلعتي بتكدبي...
فا يا ويلك من الي هتشوفيه مني
فا هزيت راسي بالموافقة
بمعني...ماشي هاتوها
وفعلا..
طلعت عزة بنتي لفوق...
وغابت شوية
وبعد كام دقيقية
نزلت...
ومعاها سعاد
واول ما الشاب شاف سعاد
سالها..
تعرفي الست دي؟
فا بصتلي سعاد وهي بتحاول تتاكد مني
فا كمل الشاب
وقالها...
الست دي
ظبطناها هنا في مدخل البيت..
ولما حاولنا نسالها عن سبب وجودها هنا..
لقيناها خارساء
ومش عارفة ترد علينا..
وفي الاخر..شاورتلنا علي العربية بتاعتك
وادعت .. انها تبعك
فا بصتلي سعاد
وقالت..ايوه... ايوه
الست دي انا اعرفها فعلا
دي قريبة جوزي
وكنا رايحين انا وهي مشوار
..
لكن...
انا سيبتها في العربية
وقولت اطلع اجيب حاجة من فوق... وارجعلها
فا بصلي الشاب
وشاورلي بحركة معناها
انه بيعتذر
وقالي...
احنا اسفين متزعليش
احنا فهمنا غلط
وقربت مني عزة
وقالتلي..اتفضلي عندنا فوق
فا ردت سعاد
وقالت..
لا...مفيش داعي
وشاورت سعاد لبنتي
وقالت..
خدي الولاد و اطلعي يا عزة انتي وجوزك...
واحنا هنمشي بقي عشان نروح المشوار بتاعنا
فا ردت عزة
وقالت..
لا يا خالتوا
مينفعش تمشي دلوقتي
لاني خلاص جهزت الغداء
يعني لازم تطلعوا تتغدوا
فا رفضت سعادة الدعوة
وقالت..لا مش هينفع
فا ردت عزة بنتي با اصرار
وقالت..
استحالة تمشوا بدون غداء
ده حتي..
عشان الضيفة الي معاكي
وفعلا..
اضطرت سعاد توافق انها تقعد.. وتاخدني معاها لفوق
ولما عزة وجوزها سبقونا علي فوق
اخدتني سعاد علي جنب
وقالتلي..
اوعي تنطقي ...ولا يسمعوا صوتك
وياريت تستمري في دور الخرساء
لغاية ما نمشي من هنا
انا هروح اجيب البطاقة الشخصية ...
وارجع اخدك ونمشي علي طول
قلت..حاضر
المهم..
بعدما سبقتنا عزة.. وزوجها.. والولاد
طلعنا معاهم فوق
وبمجرد ما طلعنا
سابتني سعاد
ودخلت تجيب البطاقة
وعزة كمان اخدت جوزها... والولاد
واختفوا داخل الشقة
بعدما سابوني كلهم في وسط الستات الي جاية تعزي
وقعدت انا لوحدي
وسط ناس كتير اوي
منهم الي جايين يعزوا..
ومنهم الي من العيلة
والغريبة اني لقيت اغلب الي قاعدين
عايشين حياتهم عادي
يعني..
بياكلوا ...ويشربوا
ويضحكوا
بالرغم من ان مفتش علي وفاة
المرحومة (الي هي انا)
غير يوم واحد
ولقيتني بقول لنفسي
بسخرية
يااااااااه ع الدنيا
الدنيا دي خدعة كبيرة اوي
لو البني ادم يعرف انه هيتنسي
بعد وفاته
بالسرعة دي
مكنش حد بكي عليها...
ولاحارب علي حاجة فيها
وفضلت ادور بعيني علي اكتر حد قاعد حزين عليا
وملقتش غير بنت شابة شايلة طفل علي ذراعها
فا قربت منها وقعدت جنبها
وفضلت اتابعها بدون ما اتكلم
وبعد شوية
سمعت واحدة بتنادي علي البنت الحزينة الي جنبي
وبتقولها..بطلي عياط يا هبة وادعي لامك بالرحمة
فا فهمت انها( هبة بنتي)
ودي الوحيدة الي كانت دموعها نازلة عشاني
انما عزة..فكانت ملهية في ابنها وجوزها
والناس الي جايين يعزوا
وكان نفسي اشوف معاذ ابني
واعرف شكلة ايه؟
لكن...مكنش موجود ادامي ساعتها
المهم..
فضلت اتابع بعيني باقي الي قاعدين
يكمن اشوف معاذ ابني
واثناء ما كنت ببص جنبي لقيت واحدة قعدت جنبي بتسال الي جنبها
وبتقولها...
هما ازاي بياخدوا عزاها ..وهما لسة ملقوش جثتها
فا ردت عليها الست الي بتكلمها
وقالت..
يعني هي اول مرة
ولا جديد عليهم؟
طيب علي الاقل المرحومة غرقت في البحر
الدور والباقي ع الناس الي بيختفوا من العيلة
ومحدش بيعرف هما بيروحوا فين
وكنت هسالها
واقولها...
مين الي اختفي من العيلة؟
لكن...
لقيت واحدة ست جاية عليا
وبتسالني
وبتقولي..
انتي لابسة النقاب ليه؟
ارفعية عادي
احنا كلنا هنا ستات
وفي اللحظة دي
حسيت ان اتوترت
والتوتر خلاني
نسيت تحذير سعاد...
ونسيت كمان..
ان مفروض اني خارسة ومبتكلمش
فا رديت
و قلت..
هرفع النقاب حاضر بس.....
شوية كدة
قالت...هو ايه الي شوية كدة ؟
ده وقت الاكل
وانتي لازم ترفعي النقاب عشان تعرفي تاكلي
في اللحظة دي
ارتبكت اكتر
.... وواضح ان التوتر بان عليا
لان وجوه النساء التفتت ناحيتي
وانتظرن جميعا اني ارفع النقاب
ومبقتش عارفة هخرج من الورطة دي ازاي
لولا
ان واحدة من النساء شاورت علي باب الاوضة..
وقالت...
مينفعش الست ترفع النقاب
عشان في راجل داخل علينا الاوضة
فا بصيت ناحية الباب
وشوفت
الراجل الي ...
شاورت علية المراة
ولقيتة..
راجل في الاربعينات من عمرة
ماسك في ايدة فنجان قهوة
وكان دخل يعزي
الستات الي موجودين
وكان واضح
من طريقة كلام الستات معاه
...انه قريب للعائلة...
بس معرفتش هو يقربلنا ايه بالظبط
ولسوء الحظ ان اول ما الراجل وصل لغاية عندي..
اتكعبل في السجادة
وفنجان القهوة الي في ايدة اتدلق عليا
فا فضل يعتذر
وقالي..
اتفضلي معايا
عشان تغسلي ايدك وتنضفي القهوة
وفعلا..روحت معاه
وفضل ماشي معايا
لغاية ما وصلني لباب الشقة..
وخرجني بره الشقة خالص
وكان واخد في وشة ونازل من علي السلم
فا استغربت..ووقفتة
وسالتة..
وقلت...
فين الحمام؟
قال...في حمام في الدور الارضي
قلت..تمام... اتفضل وريني مكانة
وفعلا
نزلت معاه
ودخلت الشقة الفاضية الي تحت
وبعدما وصلني
لغاية الحمام
لاحظت انة فضل وافف ادام الحمام
بعدما امسك
بقط شيرازي
وكنت مكسوفة ادخل الخمام وهو واقفلي كدة
لكن..
لقيتة اتلهي في القط
وفضل يتكلم معاه
وبالرغم من اني دخلت الحمام
لكن..
كنت علي مسافة قريبة منة تخليني اسمعة
والغريبة
اني سمعت الراجل بيكلم القط
و بيقولة
حاول تهرب من هنا يا مشمش..
لو استنيت اكتر من كدة هياكلوك زي ما اكلوها
فا قلت ...
انا سمعت الجملة دي قبل كده من (روح)
معقول يكون الراجل بيكرر كلامها؟
ورجعت اقول لنفسي
لا..لا...لا
الراجل بيلاعب القط.. وبيكلمة
واكيد ميقصدش
لكن الغريبة
اني بعد ما خرجت من الحمام
ووقفت ادام الراجل
لقيتة بيبصلي ...
وهو بييكرر التحذير
فا استغربت
وسالتة...
قلت..
حضرتك بتتكلم مع القط؟
فا هز راسة بالنفي
بمعني ..لا
فسالتة تاني
وقلت..يعني كنت بتوجهلي انا الكلام ده؟
فا سكت الرجل ومردش عليا
فسالتة تاني
قلت..
ممكن ترد عليا وتجاوبني؟
فا بص الراجل علي باب مقفول
وكانة بيقولي...
الاجابة هتلاقيها وراء الباب ده
وبعدها..
سابني الراجل ومشي
وبدات ابص حواليا
وكان واضح ان مفيش حد
في الدور الارضي
فا قربت من الاوضة الي الراجل شاورلي عليها
ومديت ايدي وانا في قمة التوتر
و فتحت الباب
وبمجرد ما الباب اتفتح
مش هتصدقوا شوفت ايه.......؟
صلي علي رسول الله وطبعا مش هننسي نضع عشر ملصقات مع متابعة صفختي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
(٤)الراجل ممكن ياكل الوحده بعنية...
لكن ازاي يأكلها بسنانة ؟
هو دا الي فكرت فيه
اول ما قابلت الراجل الي كان بيكلم القط
اصلي بصراحة اعتقدت خطأ انه هو الي عايز يأكلني
لكن بعدها...
اكتشفت ان الحوار اكبر و اخطر من الراجل الي واقف ادامي
وهتفهموا قصدي لما نكمل الحكاية
......
الجزء الرابع
حضن بنكهة القسوة
للكاتبة..حنان حسن
بعدما سمعت الراجل الي دلق عليا القهوة
وهو بيكلم القط
وبيقولة..
اهرب من هنا يا مشمش
احسن هياكلوك
.. زي ما اكلوها
خرجت من الحمام
وسالته..
وقلت..
انت تقصد ايه من كلامك؟
فا شاورلي الرجل علي غرفة مقفولة
وكانة بيقولي
افتحيها...
وبداخلها... هتلاقي الجواب
وفعلا..
فتحت الباب
وفي اللحظة دي
اتفزعت ..
لاني شوفت دم كتير في الاوضة
ومش كدة وبس
لا..
دنا شوفت كمان تحذير مكتوب علي التسريحة
والتحذير بيقول..
(اهربي.. قبل ما ياكلوكي)
وبمجرد ما شوفت الدم ...
و قرات التحذير
لقيت نفسي رجعت لورا
وانا بتنفض
والغريبة...
اني لما خرجت من الاوضة..
ملقتش الراجل الي وصلني للحمام
فا خرجت من الشقة الي في الدور الارضي
وجريت بسرعة علي البوابة بتاعة البيت
عشان اخرج من العمارة
و اهرب
وكنت خايفة اني الاقي البوابة مقفولة ...
لكن ..
لحسن الحظ
اني لقيتها مفتوحة
فا اطلقت رجلي للريح
وفضلت اجري
لغاية ما بعدت عن البيت
واول ما شعرت بالتعب
توقفت
وقلت انفسي
انا لازم اروح المقابر
واقاابل روح
عشان اعرف منها
اية الي انا شوفتة ده..
واية الي هي عايزة تحذرني منه؟
لكن...
هروح المقابر تاني ازاي ؟
انا اصلا معرفش ارجع تاني لوحدي
وحتي لو كنت اعرف اروح
فا المقابر
بعيد من هنا...
وانا مش معايا فلوس
عشان اركب واروحلها
طيب وبعدين؟
هعمل ايه؟
وهروح فين؟
وفي اللحظة دي
لاحظت ان في عربية كانت بتهدي جنبي
وسمعت السواق بينادي عليا
وبيقولي...
اركبي يا اماني
فا استغربت
مين الي عارف اسمي ؟
وازاي عرفني وانا لابسة النقاب؟
فا بصيت بسرعة ناحية السواق
الي قاعد في العربية
واتفاجئت..
بانه هو نفس الشخص الي كان بيكلم القط
والي نصحني بالهرب من شوية
فا روحتلة
وسالتة..
قلت...انت مين؟
قال..
انا خادم (روح)
وهي طلبت مني
اني اكون في خدمتك
قلت..ايوه فعلا
..كلامك زي كلامها
يبقي انت اكيد تعرف روح
ممكن توديني عندها
فا شاورلي علي الكرسي الي جنبة
وقالي..اتفضلي اركبي
وفعلا ركبت معاه
واخدني وطلع علي المقابر
وبمجرد ما وصلنا
نزلت من العربية
ودخلت اجري علي المقبرة الي قابلت روح عندها
وفضلت انادي
روح...يا روح ..ياروح
لكن..محدش رد عليا
فا خرجتلة تاني
وسالتة
وقلت..فين روح؟
قال..معرفش
قلت..ازاي متعرفش ؟
..مش انت بتقول انك الخادم بتاعها؟
قال..ايوه
انا خادمها وبطيع اوامرها
و هي لما بتعوزني بتحضرني ادامها..
لكن انا معرفش مكانها
فا وقفت محتارة
ومش عارفة
اوصل ازاي لروح
واثناء ما كنت واقفة بفكر
لقيتة بيقولي
روح امرتني اوصلك لبيتك
تعالي اركبي
قلت..
ازاي طلبت مني اهرب من بيت العيلة؟
وازاي عايز توصلني له تاني دلوقتي؟
قال..انا مش هوصلك لبيت العيلة
انا هوصلك للبيت
الي جهزتهولك روح
تعالي اركبي
فا بصتلة
وقلت بيني وبين نفسي
منا لازم اركب
عشان اشوف ايه حكايتك انت كمان
وفعلا
ركبت وبعدها..
سالتة
وقلت..
انت اسمك ايه؟
قال..اسمي سند
قلت..وده اسم ولا صفة
قال..
ده الاسم الي بتناديني بيه روح
ولو سمحتي مش عايز اسالة
ولا اي كلام
لغاية ما نوصل
فا هزيت راسي
وقلت..طيب
وبعد ما طلع بينا بالعربية
فضلت افكر في امر الشخص الي الي جنبي ده
وسالت نفسي
هو ازاي عرفني وانا في العزاء؟
دنا كنت لابسة نقاب؟
ومحدش هناك كان يعرفني
غير سعاد
معقولة؟
يكون متفق مع سعاد؟
ايوه اكيد متفق معاها
لان واضح
انه اتعمد يدلق عليا القهوة
لكن...
ازاي متفق مع سعاد؟
وهو بيكرر كلام روح
وروح حذرتني من سعاد؟
لا...انا مبقتش فاهمة حاجة
وسندت راسي علي كرسي العربية
وانا بقول لنفسي
دا ايه الحيرة الي انتي فيها دي يا اماني
ولما لقيت دماغي هنجت من التفكير
غمضت عنيا ....
وقررت ارتاح من التفكير شوية
وغصب عني روحت في النوم
وفضلت نايمة
لغاية ما سمعت سند
وهو بيقولي..
اماني.... اصحي
خلاص...وصلنا
فا فتحت عنيا لقيت العربية
واقفة ادام بيت قديم
مكون من دورين اتنين فقط
واثناء ما كنت بتحقق من البيت
سمعت سند
بيقولي..انزلي
فا نزلت...
ودخلت معاه للبيت
وفي اول دور
لقيتة بيفتح باب شقة
وبيقولي ...ادخلي
وفعلا دخلت
واول ما دخلت
بصيت لقيتة
بيعرفني علي الشقة ..
وعلي المكان الي هعيش فيه
وقبل ما يكمل كلامة
وقفتة..
وقلتلة..
انا عندي اسالة كتير عايزة اعرفلها اجابة
فا بصلي
وقالي..
ريحي نفسك
روح امرتني
باني متكلمش ...
ولا اجاوبك علي اي اسالة
قلت...يعني اية؟
قال..يعني انا العبد المامور
و مقدرش ارد علي اسالتك غير لما تامرني روح
قلت..
طيب حتي قولي انت كنت بتحذرني من مين؟
فا سكت سند ومردش
فا رجعت اسالة تاني
قلت..
طيب امي وابني فين ؟
ولية انا مشوفتهمش في العزاء؟
وبرضوا..سكت ومردش
فا رجعت سالتة
وقلت..
خلاص قولي
اية الدم الي انا شوفتة في بيت العيلة ده؟
في اللحظة دي
سابني سند وقام
يجهز نفسة
عشان يستعد للرحيل
فا سالتة
قلت..انت رايح فين؟
قال..همشي
قلت..وهتسيبني هنا لوحدي
قال..عندك الاكل في الثلاجة..
والمية في الخنفية
واي حاجة تحتاجيها
نادي علي روح
وقولي حاجتك
وهتلاقي الي انتي محتاجاه جمبك
وسابني سند ومشي
وانا قعدت لوحدي في البيت الطويل العريض ده
وبمجرد ما الليل دخل
حسيت اني خايفة اوي
والي زاد من حالة الرعب
الي انا فيها
ان النور قطع
وبعدها سمعت حركة في الشقة
فا ناديت
وقلت..سند؟
وفضلت انتظر انه يرد عليا
لكن..مردش
فسالت
تاني
وقلت..
مين الي هنا؟
وبرضوا محدش رد عليا
فا استعذت بالله من الشيطان
وانا بتنفض من الرعب
ودخلت الاوضة عشان انام
عشان اهرب من الرعب ده
لكن..
لما دخلت الاوضة
معرفتش انام...
وفضلت افكر برضوا
واقول لنفسي....
ياتري امي فين؟
ولية مشوفتش معاذ ابني لغاية دلوقتي؟
وياتري معاذ حزين و زعلان علي فراقي زي هبة؟
ولا مش فارقة معاه
زي عزة؟
واية الدم الي انا شوفتة هناك ده؟
معقولة يكون كلام روح وسند صحيح؟
يعني فعلا
عيلتي ممكن يكونوا
قتلواامي؟
وهما الي حاولوا يقتلوني انا كمان ؟
ورجعت ارد علي نفسي
وقلت..
بس انا لما كنت في العزاء
مشوفتش حد فيهم مجرم...
ولا حد يبدوا علية
انه بالبشاعة دي
بالعكس
دي عزة بنتي كانت مضيافة..
بالامارة مسكت فينا للغداء
وبنتي التانية هبة
كانت اكتر واحدة حزينة عليا
وكارهة الدنيا بسبب موتي
يبقي اكيد
روح ...وسند بيوهموني بحاجة مش حقيقية
انا ازاي سلمت دماغي لهم؟
وازاي اثق في اشخاص معرفهمش اصلا؟
دول حتي مش عايزين يفهموني اي حاجة
ولا بيدوني دليل علي كلامهم
ولقيتني بقول لنفسي
انا لازم ابحث عن اي شخص
يكون ثقة
عشان يقولي اعرف منه الحقيقة
وفي اللحظة دي
افتكرت هبة بنتي
وقولت..
هبة كانت اكتر واحدة حزينة عشاني
انا لازم اروح لهبة واعرفها اني رجعت للحياة
وهي هتفهمتي انا مين ؟
وايه هي الحقيقة بالظبط؟
بس هروح لهبة ازاي؟
ومين الي هيوصلني لها
وافتكرت كلام سند
لما قالي
لو احتحتي لاي حاجة
كلمي روح بصوت عالي..
واطلبي الي انتي عايزاه
وبسرعة فضلت انادي
واقول..ياروح ...يا روح
عايزة اروح لهبة بنتي
وفي ثواني
لقيت باب الشقة بيتفتح
ولقيت سند جاي
بيقولي
اؤمريني تحت امرك
عايزة اية؟
قلت..عايزة اشوف هبة بنتي دلوقتي
فا رد سند
وقال...حاضر
تعالي اوصلك لبيت هبة بنتك
بس بشرط
قلت..شرط اية؟
قال..هتشوفيها من بعيد
وهنرجع بعدها علي هنا تاني
قلت..هشوفها من بعيد ازاي
انا عايزة املي عيني منها
فا رد عليا
وقالي..
حاضر هخليكي تشوفيها
من مكان قريب
لكن...
وانتي جنبي في العربية
قلت..ماشي
وفعلا ركبت مع سند
ووصلني لبيت هبة بنتي
وكنت مستغربة
وبسال نفسي
ازاي سند بيدخل بيت العيلة عادي؟
وازاي بيتواصل مع بناتي عادي
بردوا؟
المهم..
روحت مع سند
وعشان كنا باليل
لقيتة وقف جنب بيت هبة
و اتصل بيها
وقالها...
انزلي يا هبة
انا منتظرك في العربية
عشان ..
معايا حاجة هديهالك
وبعدما قفل معاها
نبه عليا تاني
وقالي..حذار ترفعي النقاب
ادامها
ولا تتكلمي خالص
عشان متعرفش انتي مين
في اللحظة دي ..
اترجيتة
وقلتلة..
ارجوك سيبني اقول لهبة
اني انا امها
قال...لا طبعا
ممنوع تخالفي الاوامر
قلت.. مش هصارح حد بحقيقتي غير هبة
قال..برضوا لا
كده هتتاذي
ولازم تسمعي اوامر روح
وقبل ما ارد علية
شوفت هبة جاية علينا
وشوفتها وهي بتسلم علي سند بكل براءة
وبعدما..القت علية التحية
سالت سند
وقالت.. انت ارتبطت ولا اية
وفي اللحظة دي
فصلت افكر
هي ازاي هبة واخدة علي سند اوي كده؟
وياتري بتكلمة علي انه مين؟
وفهمت طبعا
ان سند كان مطمن اني مش هفهم حقيقتة
طول منا مش هكشف عن شخصيتي لهبة
لكن..
الي سند مكنش يعرفة
اني في اللحظة دي
كنت... قررت اعصي اوامرة
هو .. وروح
لاني بدات افكر تاني
بالمنطق كدة
يعني ايه؟ ولادي... واهلي.. وعيلتي ...
ياكلوني زي ما اكلوا امي؟
مفيش حاجة اسمها كده اصلا
ازاي عيلتي ياكلوني؟
وايه الضرر الي هيحصلي..
لما هبة تعرف اني امها؟
اكيد روح ...وسند
ناس مجرمين
وبيستغلوا فرصة اني فاقدة الذاكرة
عشان يعملوا مصيبة ولا جريمة
بس انا مش هعطي لهم الفرصة دي
ولقيتني قررت اني اكشف عن شخصيتي لهبة بنتي
وقبل ما سند يرد علي سؤالها
رفعت النقاب بسرعة
وقولتلها...
(انا امك يا هبة)
وفي اللحظة دي
حصلت حاجة لا يمكن كنت اتخيلها.......؟
صلوا علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
(٥)ارجوك كفاية بقي ارحمني..انا تعبت..
وجوزي جاي بكره من السفر..
يعني مش هينفع تيجي هنا تاني
دي التوسلات الي سمعتها من هبة بنتي لشخص كان معاها في اوضة نومها
ولقيتني بقول لنفسي
يادي النيلة..يعني هبة بنتي كمان طلعت اوس&خ من الجميع
وطالما هبة طلعت زفت كده
بدات اسال نفسي
واقول..
ياتري هبة هتوصلني لامي ولمعاذ ابني؟
والاجابة هتعرفوها معايا لما نكمل الحكاية
الجزء الخامس
حضن بنكهة القسوة
للكاتبة..حنان حسن
وهنبدء الحكاية من وقت ما وقفنا بالاحداث
......
بعدما قابلت بنتي هبة ...
وشوفت البراءة في عنيها...
لقيتني بسال نفسي
واقول...
ازاي الراجل الي اسمة (سند) قدر يقنعني ان عيلتي ممكن ياذوني ...وياكلوا لحمي؟..
زي ما اكلوا لحم امي؟
هما عيلتي ...ولا ..
اكلة لحوم البشر ؟
وانا ازاي وثقت في سند وروح وصدقتهم اصلا؟
وفي لحظة
ضربت با اوامر (روح ..وسند) عرض الحائط
وكشفت لبنتي عن شخصيتي
وبسرعة كشفت النقاب عن وجهي
وقلت..انا امك يا هبة
وفي اللحظة دي
لقيت بنتي واقفة تبصلي بصدمة
وبعدها...
صرخت وقالت مش معقول... ماما؟
انتي عايشة؟
انا مش مصدقة نفسي
واتجهت هبة...
ناحية باب العربية ..
الي انا قاعدة جنبة
عشان تيجي تلمسني... وتتاكد باني حقيقة فعلا
فا خرجت من العربية
واخدتها في حضني
وفضلنا نعيط احنا الاتنين
ولقيتها بتعيط
و بتقولي...
الحمد لله يا ماما انك بخير
انا كنت هموت عليكي
فا رديت
وقلت..
بعد الشر عنك حبيبتي
واثناء ما كنت بتكلم مع بنتي
بصيت علي سند
لقيتة بيبصلي وعنية مليانة غضب
وببتطابر منها الشرار
فا تجاهلت نظراتة
وقلت لهبة بنتي
اشكرية وخلية يمشي
فا اتجهت هبة ناحية سند
وقالتلة...
تسلملي يارب
انت قلتلي انزلي
عشان جايبلك حاجة
انا كنت فاكرة انك جاببلي الفلاشة
الي اخدتها مني من يومين
ومكنتش متخيلة
انك جاببلي المفاجئة الهايلة دي
فا بصلها سند
وقالها...
خلي بالك..
امك فاقدة الذاكرة
وانا اول ما لقيتها رجعتهالكم
فا خدي بالك منها
وانا هبقي اجي اطمن عليها كل فترة
فا شكرتة هبة
وقالتلة..
مهما شكرتك مش هوافي جميلك ده
فا رد سند
وقال..
طيب انا همشي دلوقتي
عايزين حاجة؟
فا ردت هبة
وقالت..
تعالي اطلع عشان تتعشي معانا
قال...لا شكرا عندي مواعيد
وفعلا..
انطلق سند بسيارتة
وسابنا واقفين مع بعض
ولما لقيت نفسي واقفة انا وهبة
لوحدنا
سالتها..
وقلت..
هو الشخص ده يقربلنا؟
قالت..معقولة يا ماما
مش فاكرة عماد ؟
قلت..عماد مين؟
قالت..الي لسة موصلك ده يبقي عماد (ابن عمك)
قلت..معقولة؟ سند يبقي
ابن عمي؟
فا بصتلي هبة بشفقة
وقالتلي..
دا باين عماد كلامة
حقيقي..
وانتي فعلا فقدتي الذاكرة
وفي اللحظة دي
عرفت ان سند يبقي ابن عمي
ومعني كدة
انه اكيد عارف حاجة
وكان بيحاول يحميني منها
بدليل الدم الي كان في بيت العيلة
فا قررت مقولش لهبة عن تحذيرة ليا
ولا حتي هجيبلها سيرة عن
( روح)
لغاية ما اتبين من الحقيقة بنفسي
المهم
هبة اخدتني من ايدي
وقالتلي..
تعالي يا حبيبتي احكيلي علي الي حصلك
واخدتني هبة وطلعنا لشقتها
واول ما دخلنا..سمعت صوت طفل رضيع بيعيط
فا شالتة هبة من علي سريرة
ووضعتة في حضني
وقالتلي..ده مودي ابني
حفيدك يا ماما
فا فرحت جدا با ابنها
و بمجرد ما ضميتة لصدري
حسيت اني رجعت لاهلي فعلا
المهم..
بعدما هبة جهزت العشاء اتعشينا وقعدنا نتكلم
وسالتني
وقالتلي..
احكيلي بقي انتي نجيتي ازاي من الغرق؟
قلت..غرق ايه؟
انا فوقت لقيت نفسي في مقبرة
ولما خرجت منها
لقيتني ناسية كل حاجة
وفضلت قاعدة عند ناس طببين
لغابة ما بقيت قادرة امشي
وبعدها ..
قابلني عماد بالصدفة
واتعرف عليا وجابني علي هنا
بس كدة دي كل الحكاية
قالت..يا حبيبتي يا ماما
انتي اتعذبتي اوي
بس الحمد لله ان ربنا نجاكي
قلت..الحمد لله
وجه الدور عليا في الاسالة
فا قلتلها..
عماد قالي
اني عندي ثلاث اولاد
بنتين وولد
عزة ...وهبة ...ومعاذ
انا اطمنت عليكي...
وعلي عزة
وسالتها
قلت..ممكن تطمنيني علي اخوكي معاذ؟
وتقوليلي هو فين؟
قالت..
للاسف يا ماما
معاذ بقالة فترة بيتعاطي مخدرات
ومن يوم ما اتعاطي المخدرات
وانا واختي واخدين منه موقف
ورافضين نتعامل معاه طول ما هوة مدمن
عشان كده
هو تركنا وسافر
مع صديقة عمر ..لشرم الشيخ
واخبارة اتقطعت عننا من فترة
قلت..طبب اديني رقمة؟
قالت..متتعبيش نفسك
اتصلت عليه وموبيلة مقفول
قلت..معلش اتصلي بمعاذ تاني دلوقتي
قالت..حاضر
وفعلا..
هبة جابت رقم معاذ علي موبيلها
واتصلت بية
وللاسف..
الموبيل كان مقفول فعلا
فسالتها
فين صورة معاذ؟
قالت..
جوزي قطع صور معاذ كلها
قلت..ليه؟
قالت..
جوزي رافض تصرفات معاذ..
ورافض كمان
يكون لينا به اي صلة
عشان كدة
قطع صورة وحلف عليا
اني لو دخلت معاذ البيت تاني هيطلقني
قلت..
يعني حتي مش هعرف اشوف شكل ابني؟
وبعدما قلبي اتوجع علي معاذ ابني
رجعت سالتها
وقلت..طيب و امي ؟
قالت..مالها؟
قلت..فين امي ؟
فا ردت هبة بضيق
وقالتلي..
من يوم ما انتي طردتيها
ومنعرفش عنها حاجة
قلت..انتي بتقولي ايه؟
انا طردت امي؟
قالت..ايوه يا ماما
انتي كنتي بتعاملي تيتا بقسوة
وكتير كنتي بترفعي صوتك عليها
واخر مرة قبل ما تطرديها كنتي.....
قلت...كنت ايه؟
قالت..كنتي هتمدي ايدك عليها...
وتضربيها
لولا تيتا خافت وهربت منك
ومن يومها منعرفش عنها حاجة
قلت..معقولة؟
انا ضربت امي؟
ينهار ازرق...
انا كنت فظيعة للدرجادي؟
يا ويلي من ربنا
فا ردت هبة
وقالتلي..
معلش يا ماما
متانبيش نفسك ..
كلنا عارفين انك عصبية
قلت..
طيب انا عايزة اوصل
لامي... وابني
باي طريقة
وسالتها..
وقلت..
تفتكري امي تكون راحت فين دلوقتي؟
وقبل ما هبة ترد عليا
سمعت رنين الموبيل بتاعها
فا اخدت هبة الموببل وابتعدت عني
وعملت مكالمة
وبعدما غابت شوية
رجعت بعدما خلصت المكالمة
وهي سرحانة وحزينة
فسالتها
وقلت..مالك حبيبتي
قالت..سامح جوزي كان مسافر برة
بقالة فترة..
ودلوقتي اتصل بيا
..
وبيقول انه راجع
بكرة الفجر
قلت..ومالة؟
ودي حاجة تزعلك اوي كدة؟
فا هزت راسها
وقالتلي..
لا مش زعلانة ولا حاجة
وشردت هبة بخيالها
وفضلت سرحانة
فرحعت اسالها تاني
حبيبتي انتي كويسة؟
قالت..
انا تعبانة شوية يا ماما
ولازم ادخل الاوضة بتاعتي وارتاح شوية
فا طلبت منها ..
انها تترك ابنها ينام معايا
وتدخل هي ترتاح
قالت...حاضر هجيبلك الرضعة بتاعة الولد وهسيبهولك
تنيمية
وفعلا..
سابت هبة ابنها معايا
وراحت لاوضتها
وبعدما رضعت الولد ونيمتة
استسلمت للنوم انا كمان
وبعدما
روحت في النوم
صحيت علي صوت هبد... ورزع
وصوت صراخ
جاي من ناحية غرفة هبة
فا روحت بسرعة
اشوف في ايه؟
و اول ما قربت من اوضة بنتي
سمعتها بتتوسل لشخص
وبتقولة...
ارجوك كفاية كده..ارحمني
انا تعبت..
وجوزي جاي بكرة
يعني بيتي هيتخرب
فا سمعت صوت شخص بيرد عليها...بغضب
وبيقولها...
مش همشي غير لما اقضي ليلتي معاكي
ولو فضلتي علي عنادك هرجع اضرب فيكي تاني
لغاية ما اكسر عضمك
وفي الاخر هاخد الي انا عاوزة
في اللحظة دي
عرفت ان بنتي في خطر
فا حاولت افتح الباب
عشان انقذها من ايد المجرم الي معاها جوه
لكن..
الباب كان مقفول من جوه
فا فضلت اخبط علي الباب بكل قوتي
عشان هبة تفتحلي
لكن..هبة مفتحتش
فا بدات اصرخ
واقول..الحقونا يا ناس
وفي اللخظة دي
فتحت هبة الباب
واول ما شافتني
وقعت مغمي عليها في حضني
فا بصيت في الاوضة علي المجرم
فا لقيت الشباك مفتوح
و ملقتش حد في الاوضة
وفهمت في اللخظة دي
ان المجرم هرب من الشباك
فا رجعت لبنتي
وحاولت افوقها
واول ما فاقت
بدات تسردلي حقيقة الي حصل
وقالت..
الشخص الي انتي سمعتية ده
استغل فرصة ان جوزي مسافر
ودخل عليا باليل
وشهر في وشي السلاح
واجبرني اني اقضي معاه ليلة في الحرام
والا هيقتل ابني الرضيع
وطبعا انا خوفت علي ابني
وغصب عني اتجاوبت معاه
لكن المصيبة
انه كان بيصور كل الي حصل
ومن بعدها بقي بيجي عندي كل ليلة
عشان يسهر معايا كل ليلة غصب عني
ولما كنت برفض...
كان بيهددني انه يفضحني
وللاسف
الوضع ده مستمر بقالة فترة
لكن...
جوزي راجع بكرة
وانا كده بيتي هيتخرب
ومش عارفة اعمل ايه؟
قلت..
طيب ما تيجي نبلغ عنة
قالت..والفضيحة؟
انتي فاكرة ان الناس هيرحموني؟
دنا بمجرد ما هبلغ عنه هينشر الفيديوهات
وجوزي هيعرف وهيطلقني
قلت..طيب والعمل
قالت..مفيش غير حل واحد
قلت.. اية هو الحل ده؟
قالت...
الحل... اني اعمل معاه ...
زي ما صاحبتي عملت مع حماتها
الي كانت مسودة عيشتها ليل نهار
قلت..وهي عملت ايه
مع حماتها ؟
قالت..
جابت من الصيدلية عقار
خاص بعلاج الاعصاب
وزودت الجرعة
عشان تصيبها بالشلل المؤقت
وفعلا
حطت لها العقار في الاكل
وبعدما حماتها اتناولت
العقار..
فضلت عاجزة عن الحركة لمدة شهر
وبعدما انتهي الشهر
رجعت لطبيعتها تاني
بس بعدما ندمت وعرفت ان الله حق
وبصتلي هبة
وقالتلي..
ممكن تساعديني يا ماما
عشان بيتي ميتخربش
قلت..طبعا يا حبيبتي
بس قولي عايزاني اعمل ايه؟
قالت
احسن حل انك تروحي لبيت الشخص ده
وتحطيلة العقار في اي اكل او
شاي..او او عصير
قلت...يعني..
.انتي عايزاني انا الي اروحلة واحطلة العقار؟
قالت..ايوه
لانة لو عرف اني انا الي عملت فيه كده
اول لما يرجع لطبيعتة هينتقم مني
عشان كده انا هدعي اني طااهرت ابني
و هعمل حفلة بمناسبة طهور ابني
وهعزم فيها ناس كتير
عشان اثبتلة اني مليش علاقة بالي حصلة
وطبعا هو هيصدقني
لان الكاميرات هتصورك
وهيتاكد ان الي عملت كده
واحدة مواصفاتها غيري خالص
وبعد ما فهمتني هبة هي
عايزاني اعمل ايه بالظبط
بصتلي باسف
وقالتلي
انا عارفة يا ماما
اني بورطك في مشكلة ملكيش علاقة بيها
لكن انتي كده هتنقذيني... وتنقذي سمعتي ...
وتنقذي بيتي من الخراب
فا فكرت شوية
وبعدها..
قلت..
هو انتي تعرفي مكان الشخص ده؟
قالت..ايوه اعرف بيتة
ومعايا مفتاح شقتة كمان
اصلة كان بيغصب عليا اروحلة هناك برضوا
قلت..تمام
اديني العقار والعنوان والمفتاح
واتصلي بيه
واعرفي منه هو هيغيب عن بيتة امتي؟
وفعلا
اخدت منها عنوانة
وروحت بيتة..
بعدما هبة اتاكدت منه انه في القهوة
المهم
بعدما دخلت شقتة
فتحت الثلاجة
عشان اشوف ايه الي ممكن احط علية العقار
وفي الثلاجة
لقيت طبق جبنة...
وطبق سلطة
فا حطيت علي الطبقين شوية من العقار
وقبل ما ادور علي اطباق تاني...
ينفع يتحط عليها باقي العقار
سمعت الباب بيتفتح
فا اتداريت خلف باب اوضة من الاوض
وفضلت اتابع من خلف الباب
وبعدها ...
شوفت شاب في بداية
العشرينات
دخل من الباب وترك مفاتيحة علي التربيزة
وبعدما غاب شوية جوه
رجع وفتح الثلاجة
وخرج منها شوية اطباق
وحطهم علي تربيزة في الصالة
وبدء في تناول العشاء
وقلت ..لنفسي
يارب يكون خرج طبق الجبنة والسلطة
المهم
فضلت انتظر انه يدخل لغرفتة وينام
عشان اقدر اخرج
لكن..مدخلش غرفتة... ولا نام
بالعكس
ده بدء ينازع ...
وفجاءة لقيتة بيتقيئ
فا استغربت
هو مالة؟ وبيتقيئ ليه؟ ولية ماسك بطنة وبيتالم
وفجاءة
لقيتة وقع علي الارض
وقلت لنفسي
معقولة تكون هبة كدبت عليا؟
وادتني سم
عشان تخلص من المجرم ده خالص؟
لا ..لا ...انا لايمكن اقتل حد
فا خرجت بسرعة
عشان اتاكد ان كانت اطباق
الجبنة والسلطة قدامة
والعقار هو السبب في الي هو فيه ده ولا ايه؟
وفعلا
لقيتة اكل من الجبنة والسلطة
فا شكيت في امر العقار
وقلت..اكيد العقار ده سم
مش زي ما هبة فهمتني
فا بدات اتوتر
وحسيت اني اتخنقت ومش قادرة اتنفس
فا رفعت النقاب عن وجهي
وحاولت انقذ الشاب
واول ما قربت منه لقيتة لف وجهة ناحيتي
عشان يشوف مين الي بيحاول ينقذة
وبمجرد ما الشاب بص في وشي
لقيتة برق عنية
وقالي..ماما؟
الحقيني يا ماما انا بموت
فا اتفزعت من كلمة ماما
وبسرعة طلعت المحفظة الي في جيبة
وخرجت متها البطاقة
وكانت الصدمة
لما بصيت علي اسم الشاب
الي كان مكتوب في بطاقتة
ينهار اسود
دا الشاب اسمة......
وصلي علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
(٦)من معاشرة الرجال في الحرام ...لعقوق الوالدين..
للقسوة وحدة الطبع
وصفات تانية منيلة كتيررر
كل الصفات الي فاتت دي ..
كانت وصف لشخصيتي القديمة
(قبل فقدان الذاكرة)
كل دا خلاني اتأكدت اني كنت
اقذر.. و اسؤ امراة علي وجه الارض
وللاسف انا مكتشفتش الحقيقة دي
غير بعدما (فقدت االذاكرة)
ايوه ..
كل الشواهد بتقول..
اني كنت امراة قاسية.. وقادرة..
لدرجة..
اني ..عاشرت الرجال في الحرام..
وكنت ابنة عاقة لامي ..
وكمان كنت ام سيئة ...
وربيت ولادي علي الانانية
ونميت فيهم روح الكراهية لبعض
لدرجة انهم بيحاولوا يقتلوا بعض دلوقتي
لحظة...
ازاي انا كنت بالبشاعة دي؟
وازاي انا رافضة شخصيتي القديمة وبفكر ارجع المقبرة واتدفن تاني
بمجرد ما اكتشفت حقيقتي؟
دا جلد الذات في حد ذاتة بيدل باني انسانة عندي ضمير؟
يبقي ازاي انا كانت تصرفاتي شيطانية قبل ما افقد الذاكرة؟
لا.. لا.. لا
انا مش هبرر لنفسي
انا كنت انسانة بشعة فعلا
بدليل الي حصل من هبة بنتي
الي خلتني اقتل ابني بايدي
ياتري انا كنت بالبشاعة دي فعلا
ولا انا كنت حد طيب
بدليل اني بكره الظلم وبفضل اني اموت علي اني ابقي بالبشاعة دي
دا الصراع الي كان جوايا
بعدما اتفاجئت بجريمة هبة الي نفذتها بايدي انا
وعشان تعرفوا حقيقتي بالبظبط
تعالوا نكمل الحكاية
الجزء السادس
حضن بنكهة القسوة
للكاتبة حنان حسن
......
بعدما وضعت العقار في الجبنة... والسلطة
والشاب اكل منهم
اتفاجئت..
انه بيتقيئ.. وماسك بطنة
وهو بيتقطع من الالم
فا فهمت ان هبة كدبت عليا.. وخدعتني
والعقار الي اخدتة منها
كان عبارة عن (سم)
في اللحظة دي
حاولت انقذ الشاب
فا جريت علية
عشان اشوف هسعفة ازاي
وبمجرد ما الشاب ما شاف وجهي
برق عنية
وقالي...ماما؟
الحقيني يا ماما انا بموت
فا اتفزعت من كلمة (ماما)
وبسرعة اخدت محفظتة...
وفتحتها
وخرجت منها البطاقة الشخصية بتاعتة
وبدات اقراء الاسم
واتصدمت لما قرات اسمة
ولقيتني بصرخ بفزع
وبقول..(معاذ؟)
يلهوي....
انا قتلتك بايدي يا ابني؟
ومبقتش عارفة اتصرف ازاي؟
وفضلت اصرخ
واقول ..غيتوني يا ناس ابني بيروح مني
وفي اللحظة دي
للكاتبة حنان حسن
سمعت هبد علي الباب
وقلت ..
يارب يكون حد من الجيران سمعني
و جاي يساعدني
وبسرعة فتحت الباب
لكن..
ملقتش حد من الجيران
و الي كان علي الباب هو.. عماد.. او (سند)
فا استنجدت بيه
وقلتلة..
الحقني يا سند
ابني اتسمم و بيموت..
وانا الي حطتلة السم بايدي
وبدل ما سند يدخل... ويساعدني
لقيتة ..
بيقولي..
مهو ابنك قام وبقي كويس اهوة
فا التفت للخلف بسرعة
عشان اشوف ابني
لكن قبل ما اتحقق من حالة ابني...
ولا اشوفة
شعرت بشيئ بيتحط علي وجهي
حجب الرؤية عن عنيا
وبعدها ...
لقيتني بغيب عن الوعي
وبعد فترة لقيتني بعود للوعي تاني
ولما فتحت عنيا
لقيتني في الشقة الي اخدني ليها سند
واول ما افتكرت معاذ ابني
فضلت اصرخ
وقومت ادور عليه في الشقة
الي انا فيها
لكن ملقتش حد غير سند
فسالتة
وقلت
ابني جرالة ايه؟
فين معاذ؟
فا رد سند
وقالي..اطمني ابنك كويس
لحقوة علي اخر لحظة
وهو..
بخير دلوقتي الحمد لله
قلت..يبقي خدني له عشان اشوفة
قال..ممنوع
قلت..هو ايه الي ممنوع؟
قال..
روح قررت انها تحبسك هنا
بعدما خالفتي اوامرها وروحتي لهبة
واديكي شوفتي مخالفتك
للاوامر وصلك لاية
كفاية ان ابنك كان هيموت بايدك
قلت..سؤال
قال..اسالي
قلت..هو البيت الي روحتة ده بتاع معاذ ابني؟
قال..ايوه
قلت..يعني هبة كانت عارفة انه بيت معاذ ؟
قال ...ايوه
قلت.. معني كده
ان هبة خدعتني.. و بتعتني عند اخوها
عشان كانت عايزة تقتلة؟
فا رد سند
وقال..
الحمد لله انك فهمتي اخيرا
قلت..يبقي انا لازم اخرج
قال...
.قلتلك ممنوع
قلت..
لا منا لازم اخرج
عشان اروح لهبة ...واحاسبها
لازم اعرف هي كانت عايزة تقتل اخوها ليه؟
فا رد سند
وقال...
وانا عندي اوامر انك متخرجيش من هنا..
الا بامر من روح
قلت..طيب فهمني انت
هبة قالتلي انك ابن عمي
يعني..
اكيد عارف حاجات كتير
فا ارجوك فهمني
قال..قلتلك ممنوع
وخلي بالك .. روح هي الي امرتني
اني اتابعك... واحميكي
ولولا روح
مكنتش مشيت وراكي... وانتي رايحة عند معاذ
يعني هي السبب
اني انقذت ابنك في الوقت المناسب
فا ياريت تطيعي اوامرها
وبلاش تخليها تنفض ايدها منك
قلت..لكن.....؟
قال..مفيش لكن
يلا سلام انا ماشي
وسابني سند وخرج
وانا فضلت لوحدي ورجعت للمتاهة تاني
وفضلت اضرب اخماس في اسداس
وللاسف
مفهمتش اي حاجة
ولما لقيت نفسي قربت اتجنن
للكاتبة..حنان حسن
قلت..
مفيش غير ..(معاذ ابني)
..
هو الي هيفهمني الحقيقة كلها
بس هخرج ازاي عشان اروح لمعاذ ابني؟
دي المفاتيح بتاعة السجن الي انا فيه.... مع عماد
وعماد عمرة ما هيديني المفاتيح
طول مهو حاسس اني هخرج... وهعمل مصايب تانية
وملقتش غير طريقة واحدة
وهي...
اني استعمل اللين مع سند
او (عماد)
واوهمة باني اقتنعت بكلامة..
ومبقتش افكر في ولادي
ولا في الخروج..
لغاية..
ما اسهية واخد المفاتيح من وراه واخرج
وفعلا..
نمت وصحيت تاني يوم
وبدات في تنفيذ خطتي
واول ما سند دخل من الباب
لقيتة جايب معاه اكياس بقالة
فا جريت عليه واخدتها منه
ودخلتها المطبخ
فا دخل معايا وهو مستغربني
فسالتة..
قلت..تشرب ايه؟
قال..شاي
قلت..حاضر
فا بصلي
وقالي...ربنا يهديكي
فا بصتلة انا كمان
وقلتلة..معلش يا سند...
اقصد..يا عماد
اعذرني
انا قبل ما اشوف تصرفات ولادي
كنت فكراهم يستهلوا اني ادور وراهم ..
واطمن عليهم
لكن بعد الي حصل امبارح
انا قعدت مع نفسي...
وفضلت افكر في اللي حصل
وفي الاخر
اتاكدت انك انت وروح عندكم حق ...
ولادي ميستهلوش اني افكر فيهم اصلا
عشان كدة قررت
اني اكبر دماغي منهم
والحمد لله لقيت بيت ياويني
وانت اهوه
مش مخليني عايزة حاجة
بجد الف شكر يا ابن عمي
فا ابتسم سند
وقالي..متقوليش كده يا بنت عمي
دنا افديكي بدمي
فا ضحكت
وقلتلة..
لا... بعد الكلام الحلو ده
انا هعملك اكلة حلوة
ولازم تاكل من ايدي النهاردة
فا ابتسم سند
ورد بحماس
وقالي..وانا هساعدك يا بنت عمي
وفعلا
وقفنا انا وعماد ابن عمي في المطبخ
طول النهار تقريبا
وفضلنا نتكلم واحنا بنعمل الاكل
و اتكلمنا كلام كتير اوي
لكن..
طبعا عماد مكنش بيكلمني عن حياتي الشخصية
ولا ذكريات الماضي بتاعي
للكاتبة..حنان حسن
المهم
بعدما اتغدينا ...واتعشينا مع بعض
وقضينا طول النهار سوا
حسيت ان عماد كان مبسوط اوي...
وكان بيتعامل معايا برقة متناهية
لدرجة انه طلب مني بنفسة
انه يخرجني
عشان نتمشي
انا وهو بره شوية
لكن..انا رفضت بحجة اني حابة جو البيت
وطبعا ده زادة سعادة
وخلاه اقتنع باني كتت صادقة في كلامي
لما قولتلة اني كبرت دماغي
من مشاكل ولادي
المهم...
بعدما مر الوقت
لقيت عماد بيبص في الساعة
وبيقولي..ياااه ....
ده الوقت اخدنا... وانا لازم امشي
فا بصيتلة بقلق
وقلتلة...
هتمشي وتسيبني لوحدي تاني؟
قال..هجيلك الصبح
فا قربت منة
وقلتلة..طيب ولية تمشي
ما تبات هنا يا ابن عمي
قال...لكن....
قلت...ارجوك وافق
لاني خايفة اوي ...
وعايزة اتونس بيك يا ابن عمي
فا ابتسم عماد
وقالي..ياريتك كنتي فقدتي الذاكرة من زمان
عشان .....
قلت..عشان ايه؟
قال..عشان تقربي مني...
وتحسي بيا...
زي ما كنت بتمني طول عمري
قلت...لا فهمني اكتر من فضلك
هو انت كنت؟ ....
فا رد عماد
وقالي..
ايوه يا اماني
انا طول عمري بحبك..
وعمري ما حبيت حد غيرك
والدليل اني متجوزتش لغاية دلوقتي
فا رجعت للخلف وفضلت افكر وانا بتعجب
بعدما عرفت المعلومة الجديدة دي كمان
وفضل عماد يشرحلي
هو اد ايه صبر عليا ...واتعذب
طول السنين الي فاتت
لاني مكنتش حاسة بية
وبعاملة معاملة قاسية جدا
وبصراحة..
انا مكنتش مصدقاه
لان مفيش راجل هيخلص في حبة لواحدة
لدرجة انه يحرم نفسة من الجواز عشانها
المهم..
وافق عماد انه يبات الليلة معايا
لما لقاني خايفة
واثناء السهرة
فضلنا نتكلم طول الليل
لغاية ما راحت عليا نومة علي الكنبة
وانا قاعدة معاه
لكن..
بعد شوية
قلقت تاني من النوم
ولاحظت باني نايمة علي الكتبة ومتغطية
وشوفت عماد نايم علي الكنبة المقابلة ليا
وفهمت طبعا ان عماد نيمني
وغطاني
و نام معايا في الشقة تلبية لرغبتي
وفي اللحظة دي
فضلت منتظرة اتاكد انه رايح في النوم
وبمجرد ما اتاكدت
سحبت ميدلية المفاتيح من جيبة ...
واخدت منه شوية فلوس فكة
وفتحت الباب ...
وخرجت بسرعة
وروحت علي بيت معاذ ابني
لكن..ملقتوش
فا خوفت لا يكون عماد كدب عليا
وابني جرالة حاجة
فا فضلت افكر هعمل ايه ؟
عشان اطمن علي ابني
استحالة طبعا هروح لهبة
بعد الي عملتة مع ابني
ولا يتفع اروح لسعاد اختي كمان
ولا ينفع اسالها...
لانها برضوا كدبت عليا
طيب اسال مين عن ابني؟
ايوه..
يبقي مفيش غير عزة بنتي
للكاتبة..حنان حسن
لكن...
هروح بيت العيلة تاني ازاي؟
لا مش هروح بيت العيلة
احسن حل..
اني اروح ادام بيت العيلة
وانتظر
لغاية ما عزة تنزل واسالها عن معاذ اخوها
وبالفعل روحت لبيت العيلة
وانتظرت لغاية
ما عزة تنزل...
لكن.... منزلتش
فا جازفت
وروحت لغاية البيت
ورنيت الجرس...
وبعد شوية
نزلتلي واحدة ست
ولقيتها
بتسالني
قالت...عايزة مين
قلت..عايزة عزة
وفعلا نزلت عزة تشوف مين
الي عايزها
وكانت مضيافة كا العادة
وطلبت مني الدخول
وبعد ما دخلت من البوابة
اخدتني معاها فوق
وفي الصالون
سالتني
وقالتلي
نعم؟..... اي خدمة؟
فاسالتها..
وقلت..
فين معاذ يا عزة؟
فا بصتلي بتعجب
وقالتلي..انتي مين؟
ولية بتسالي عن معاذ؟
فا رفعت النقاب عن وجهي
وقلت..انا امك يا عزة
وللاسف..
دا كان اغبي تصرف انا اتصرفتة
من ساعة ما خرجت من المقبرة
لاني اتصدمت صدمة جديدة
اكبر من صدمتي في هبة بمراحل
ومش هتتخيلوا الي حصل.........؟
صلوا علي رسول الله وطبعا مش هننسي نضع عشر ملصقات مع متابعة صفحتي الشخصية
مع تحياتي
الكاتبة
حنان حسن
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
الفصل السابع من هنا
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
متنساش ان الرواية موجودة كاملة في قناة التلجرام والواتساب
للانضمام لجروب الواتساب
( اضغط هنا )
للانضمام لقناة التلجرام.
( اضغط هنا )
لقراءة الفصل التالي اضغط علي السهم الموجود في جهة اليسار و لقراءة الفصل السابق اضغط علي السهم الموجود في جهة اليمين
↚
الفصل الثاني عشر والثالث عشر الاخير