#الجزء_الأول
اسمى ريم عندى 23سنه ماليش حد ابدا
ماما و بابا عملو حادثه و ماتو و سابونى لوحدى
كنت بنوته مدلله بمعنى الكلمه
مكنش بيتأخر لى طلب مهما كان تافه
كنت عايشه مش شايله هم لاى شئ
و ده كان اكبر غلط
بيتى بعيد شويه عن الدوشه
حواليه جنينه كبيره كلها ورد و خضرا
من اول ما فقدت اهلى و الكل بقى طمعان ف البيت و الفلوس اللى بابا سيبها باسمى ف البنك
بس انا فقدت اغلى ناس ف حياتى ف مش فارق معايا اى شئ
- ريم
-ايوه يا عمى
-بصى يا حببتى انتى تعمليلى توكيل عشان ادير مصالحك بدون ما ادوشك كل شويه لانى هحتاج امضتك عشان الشغل يمشى
* مضيت من سكات كان توكيل عام و انا عارفه انه عمى اصلا مبيحبنيش بس حسيت انه بعد وفاه اهلى انه حن عليا ف قولت اديله الثقه
مهما كان عمره ما هتوصل بيه الحاله انه يأخد فلوسى
انشغلت ف كليتى انا ف طب
كان حلمى انا و بابا و ماما انى اكون دوك قلب
و كنت خلاص ف اخر سنه ليا ف الكليه
جيت ف يوم اسحب فلوس بالكريدت كارد بتاعى ملقتش ف حسابى فلوس ف رجعت البيت
اسأل عمى
-عمو امجد
- ايوه يا ريم
-انا روحت اسحب فلوس النهارده عشان الكليه لاقيت حسابى مفيهوش فلوس خالص
* اتوتر شويه و صوته على اوى عليا
- الفلوس محتاجها ف الشغل بعدين نبقى نشوف كليتك دى
- حضرتك بتزعق لى ليه انا بطلب فلوسى مش بطلب فلوس حضرتك
-انا انك مش متربيه صحيح
* الجمله نزلت عليا زى جردل مايه سقعه ف عز البرد
-انا بابا و ماما ربونى احسن تربيه و حضرتك عارف ده كويس
- بلاش دلع بنات و متعمليش الشويتين دول و تعيطى مش هيفرق معايا
*طلعت من عنده بعيط و مش شايفه قدامى خبط ف واحد كان داخل اوضه المكتب بتاع بابا اللى عمى بيتصرف و كأن البيت بيته
-حاسبى خلى بالك
* كان هيمسك ايدى يسندنى قومت بعدت لورا
-اوعى تلمسنى سامع اوعى
-حاضر والله انا بعيد اهوه
- انت مين و بتعمل ايه ف بيتى
- انا ادهم المحمدى صاحب شركه هندسه ......و جاى لاستاذ امجد هو حضرتك بنته
- لا انا ريم بنت اخوه
* سبته و مشيت انا بيتى مبقتش عارفه مين بيدخله و من بيخرج منه مبقاش عندى حريه التصرف ف اى شئ بملكه غير اوضتى
مبقتش بخرج منها ابدا من بعد ما عمى جاب مراته و اولاده و قعدو ف البيت
لما بتعب محدش بيسأل عنى و لو مخرجتش من اوضتى اسبوع كامل محدش بيقول فيها ايه
دمعت لما افتكرت بابا لما كان يجيلى شويه برد
كان بيقوم الدنيا مش بيقعدها ابدا لحد ما اروق و اكون كويسه
اتفاجئت لما لقيت حد بيخبط على باب اوضتى
-مين
-انا عمك
-اتفضل
-بصى بدون نقاش كده فيه عريس اتقدم لك و انا وافقت
-نعم وافقت ازاى يعنى
-اللى سمعتيه ما هو بصراحه انا عايز البيت يفضى عشان الولاد يعرفو ياخدو راحتهم و اهو برده العريس شاريكى
-حضرتك سامع اللى بتقوله
-و معنديش كلام تانى غيره
* حسه انه قلبى وقف و الدنيا حواليا ضلمت و نفسى مبقتش عارفه اخده لكن فاض بيا صوت كتير اوى عمى اتوتر و مبقاش عارف هو هيسكتنى ازاى
-اهدى يا ريم
-اخرج بره
* صوت كتير و عيط اوى و فقدت الوعى
اخدونى المستشفى فضلت فاقده الوعى اسبوع كامل بس كنت سامعه كل اللى بيتكلم جنبى
- ممكن افهم ايه اللى وصلها لكده ؟
- ريم بنت اخويا متدلعه شويه
-حضرتك ريم كان هتروح منى و تقولى متدلعه
- ادهم لاحظ انى ف سن والدك الله يرحمه ف متعليش صوتك
-لا عندك انت بقى كله الا ريم اقسم بالله اولع ف الدنيا و اللى فيها لو حد بس خلاها تدمع و انت عارف انا اقدر اعمل كده كويس اوى
* عمى بيجى كل كام يوم مره يطمن انى لسه نايمه و يمشى
لكن ادهم كان كل يوم قاعد جنبى مبيتحركش
و بيتكلم
-قومى بقى يا ريم بالله عليكى ، انا هموت لو حصلك حاجه عارفه يا ريم انا عارف انا امجد اخد بيتك و فلوسك انا عرفت كل حاجه و والله هرجعهم لك تانى اوعدك بس انتى قومى بقى
نفسى اقولك كلام كتير اوى
على فكره انا ماليش حد ابدا
* مكنش عندى اى رغبه انى اصحى ابدا
ميقاش ليا اى حاجه اقوم لها
عايزه اروح لهم اوى وحشونى و وحشتنى الحنيه اوى
ادهم كل يوم بيجى و عمى مبسوط انه خلص منى
و للاسف الدوك فوقنى
فتحت عنيا لاقيت ادهم و الدوك
-حمدالله على سلامتك يا ريم
-الله يسلمك يا دوك
-حسه ب ايه
-حسه بدوخه بس
- دا لان جسمك ضعف جدا ف لما هتاكلى هتبقى تمام جدا
- حمدالله على سلامتك مره تانيه
*سابنا و خرج و انا متجاهله وجود ادهم
- حمدالله على سلامتك يا ريم
-الله يسلم حضرتك
- انا خوفت عليكى اوى
- ليه
-عشان كنتى تعبانه
-انا بقول خوفت عليا ليه اقرب لك ايه
-انا خطيبك
-نعم
-نعم الله عليكى يا حبتتى
- لا صلى على النبى ف قلبك كده انت غلطان ف العنوان
- لمضه 😂
- من فضلك اخرج بره
-ليه
-هو كل حاجه ليه ليه
-اه كل حاجه تخصك تخصنى
-اسمعنى يا استاذ انت امشى من وشى احسن لك
-رييييم صوتك ميعلاش سامعانى و هنتجوز و مش عايز اسمع اى كلام
دمعت -انت بتزعق لى ليه ؟
-ريم من فضلك اهدى و متعيطيش والله انا عايز مصلحتك
* نمت على مخدتى و غمضت عيونى و سمحت لدموعى انها
تنزل انا حسه انه قلبى بيدق بوجع
تعبت اوى و حياتى كلها ماشيه غصب عنى
سيبتونى ليه لوحدى انا مش عارفه اعيش و لا عارفه اتنفس خدونى
نمت
حلمت بيهم
-ماما بابا وحشتونى اوى
-حبيبه بابا لازم تكونى قويه
-ايوه يا ريم لازم ترجعى حقك
-انا عايزه اجى معاكم
-لا بعد الشر عنك يا قلب ماما
-انا بخاف اوى يا ماما
- ادهم هيطمنك
-اانا بخاف منه هو كمان
-ادهم هيساعدك يا ريم
ادهم هيساعدك
* صحيت بدور عليهم حواليا كنت بتمنى الحلم ده يكون حقيقه و حياتى كلها تكون هى الحلم
لما مش لقيتهم عيط تانى حضنت نفسى و قعدت
لقيته داخل
و حجابى كان وقع
دخل و بص لى و سهم كان شعرى مفرود
-انت ازاى تدخل كده هاه
-انا اسف مكنتش اعرف
* اخدت طرحتى و حطيتها على شعرى
- اوعى تفكر انى ضعيفه انا ايوه حساسه لكن مش ضعيفه سامعنى اخرج بره
- خارج لفى الطرحه كويس شعرك لسه باين و عمك و المأذون بره
- مأذون ايه
-هنكتب الكتاب يا ريم بالله وافقى انا خايف عليكى
- ليا شرط
-موافق
-مش لما تعرف
- قولى
- هنتجوز قدامهم وبس و لما ترجع لى حقى تسيبنى ف حالى
-طب ادينى فرصه شهر اذا مش حبيتنى اوعدك هرجعك حقك و هسيبك
- احبك انت دا انت بتحلم
-انا بعرف احقق احلامى 😉
* خرج بره و رجع و معاه عمى و المأذون و كتبنا الكتاب
و خلاص كنت هخرج من المستشفى ف ادهم اخدنى و ركبنا العربيه
- انت رايح فين ده مش طريق بيتى
- هنروح بيتك التانى
- انا ماليش غير بيت واحد
-اى حاجه بتاعتى بقت بتاعتك يا ريم
* سكت خالص و انا خايفه منه
ما هو انا مشوفتش من حد حاجه كويسه ابدا
وصلنا
كان بيته فيلا صغيره شبه بيتى اوى
طلع شنطى فوق
- دى اوضتك و انا اوضتى اللى قدامك دى
-ماشى
-ادخلى غيرى هدومك و تعالى عايز اتكلم معاكى ف حاجه
- ان شاء الله
* دخلت غيرت هدومى و حطيت الهدوم ف مكانها
و لبست الاسدال و صليت
و افتكرت انه كان عايزنى
-لا انا لازم اجمد كده و معيطش تانى
* طلعت لاقيته قاعد ف الصاله و حاطط اللاب على رجله و بيشتغل
- كنت عايزنى ف ايه
- اقعدى يا ريم
* قعدت بعيد اوى عنه
-قاعده بعيد ليه كده
-انا مرتاحه كده
- طب ليه خانقه نفسك بالاسدال ده
- امال عايزنى اقعد معاك بشعرى
ابتسم- انا جوزك على فكره
* الجمله هزتنى من جوا لكن حاولت اكون هاديه
-اه و بعدين
* لقيته جاى ناحيتى ف قومت امشى مسك ايدى
- انتى ليه خايفه منى
- عشان انا من بعد ما بابا و ماما سابونى و انتو بتعملو كل اللى انتو عايزينه و بتتحكمو فيا
عرفت ليه بخاف
-انا اخر حد يتمنى يشوفك خايفه
-ليه
- بحبك
-هاه
-لا هاه ايه بس ركزى😂
-على فكره غلط اوى اللى بتقوله يا باشمهندس هاه غلط اوى
* شكلى وحش اوى صح قولو مش تتكسفو ابدا😂😂
-اهدى يا ريمو
-لا معلش انا اسمى ريم
-اللهم طولك يا روح
-بتتحول والله
- اللى عايزك تعرفيه والله انا بحبك اوى
و خايف عليكى و كده كده كنت هتجوزك
- ازاى يعنى
- زى السكر ف الشاى😂😂متستعجليش
-هترجع لى املاكى ازاى
-والله هرجعهم لك متشغليش دماغك الحلوه دى
-امال اشغلها ب ايه
-بيا 😉
-مش محترم😒
- معاكى انتى بس
- الصبر يارب
-انتى مش مصدقه انى بحبك
-لا
* قرب عليا
-لا دا انا اثبت لك بقى😂😉
* طلعت اجرى و قفلت الاوضه عليا و ضحكت اوى
هو طيب بس عصبى مجنون بس حنين حاجه غريبه كده
#الجزء_التانى❤️
كانت الساعه 3العصر صليت و كنت حسه انى دايخه ف قعدت على السرير نمت بدون ما احس
كنت محتاجه ارتاح جدا
اول مره انام بره بيتى و لما كنت بخرج كنت بخرج مع ماما و بابا
لكن على الرغم من ده الا انى حسه انه ده بيتى و حسه فيه براحه غريبه
ف نمت و انا مطمنه
الساعه عدت 7 و انا لسه نايمه ف الوقت ده كان ادهم بيخبط على الباب كتير
و انا مش سامعه ف من قلقه عليا فتح الباب و دخل
-ريم .... يا ريم اصحى انتى كويسه
-.......
-ريم
- شويه كمان يا بابا و هقوم بص خمس دقايق
- ...........
* ابتسمت و كنت حسه انى لما هفتح عنيا هلاقى بابا قدامى ابتسامتى اتلاشت تدريجيا و دمعت
- كل ده نوم قوم يالله
-........
* ادهم قلبه حس بيا و بإللى انا بفكر فيه ف قرر يخرجنى من اللى انا فيه
-بس ايه الحلاوه 😉
* تلقائيا لقيتنى بحط ايدى اشوف الحجاب راح فين انا كنت نايمه بيه
-انت ازاى تسمح لنفسك تدخل هنا هاه
- ادخل اى مكان انتى فيه براحتى لعلمك
-عشان انا قاعده ف بيتك 💔😭
- والله ما اقصد يا ريم طب استنى
* قام جاب لى حجاب تانى و حطه على شعرى
- بالله عليكى اهدى انا مش ده اللى اقصده
- طب انت عايز منى ايه
-بصى يا ريم قومى صلى و تعالى هستناكى بره
-احنا امتى
-الساعه عدت سبعه
-طيب
-ادهم
* بص لى
-ممكن اطلب طلب
-انت تأمرى
-مش تدخل اوضتى تانى غير لما تخبط
- انا خبط كتير على فكره بس حاضر
* حسيت انه زعل و حسيت انى كنت قليله الذوق معاه
قومت صليت و طلعت له بره مكنش ف الصاله
-ادهم
-..........
* حسيت بالخوف لما مش لقيته
انا ايوه بخاف منه بس بطمن و هو معايا
دقيقه و كنت هعيط
-اادهم
-ايوه يا ريم
-انت فين
-ف المطبخ تحت
* نزلت اجرى تحت و هو كان طلع يجرى كان فاكر انى تعبت
خبطنا ف بعض و كنت هقع بس هو مسكنى
كنت مغمضه عنيا و مصدقه انى وقعت 😂
- ايه انا اتكسرت و لا ايه
-😂😂😂
* فتحت عين و قفله التانيه خايفه اتصدم لاقيته حضنى اتجننت
-الله
- 😂😂
-سيبنى
-لا
-ليه بقى ام شاء الله
-انا مبسوط كده
-و انا مش مبسوطه كده
* سابنى و ضحك اوى كان شكله كيوت و حلو اوى والله
مسك ايدى و انا ماشيه مغيبه جنبه
- يالله عشان ناكل
- انا معملتش اكل
- متقلقيش انا بعرف اعمل اكل و هنشترى اى حاجه المهم متشغليش دماغك بحاجه زاكرى انتى و بس
* عمل مكرونه و بانيه و دى اكلتى المفضله اساسا
اخد طبقى و حط لى فيه اكلى
تصرفاته بتفكرنى ب بابا اوى كان بيعملى كده برده
فلاش باك
- يا اهل البيت انا جيت
- نورتى يا لمضه
-جعانه اوى يا ماما
-حالا هجهز السفره غيرى هدومك و اندهى لبابا من اوضه المكتب و تعالى
- الله مكرونه و بانيه 👏
- مجنونه اقسم بالله 😂
-شكرا اوى يا ماما
* بابا اخد طبقى و قربه منى
-يالله يا حببتى اتغدى كويس
* كان بيأكلنى ب ايده
- بيأكلنى و انت لا يا ماما 😜
-كده برده طب انا زعلانه
-و انا اقدر
* كنا عيله حلوه اوى
باك
- ريم يا ريم روحتى فين
-هاه لا انا معاك اهوه
-طب كولى يالله اكلك هيبرد
-حاضر
* قومت شيلت الاطباق و غسلتهم
-تشرب ايه
-شاى زيك
-و عرفت انى هشرب شاى ازاى
- عارف عنك كل حاجه
* مشيت بدون ولا كلمه و روحت اعمل الشاى جبته و جيت
-اتفضل
-تسلم ايدك
-الله يسلمك
-انا عارف ان جوا دماغك الف سؤال و سؤال
- ايوه
-طيب ينفع نتكلم كأننا صحاب عشان تاخدى عليا
-ينفع
ابتسم لى
- باباكى كان بيشتغل ايه
-بابا كان دكتور ف كليه الهندسه جامعه القاهره
-الله يرحمه كان انسان محترم جدا و خلوق
- انت تعرفه
-استاذى و دكتورى و افضاله عليا كتير
-ازاى
-كنت طالب عنده و كان مشرف على الماجيستير بتاعتى ف الوقت ده والدى توفى
و مكنش ليا غيره ف الدنيا
لان والدتى ماتت و انا ف اعدادى
و ليا اخت واحده متجوزه و قاعده ف دبى مع جوزها
لما ده حصل والدك وقف جنبى لحد ما خلصت و اقترحت عليه فكره شركه صغيره و دعمنى جدا و الحمد لله الشركه كبرت اوى
بفضل ربنا ثم والدك
-ربنا يرحمه
- كنتى بتكلميه كتير اوى على الموبيل و انا قاعد معاه و كان بيضحك من قلبه
و كان بيتكلم عنك حتى لما كنت بروح له الشركه بتاعته
شوفت اول مره هناك
كل اللى بيشتغلو فيها بيحبوكى اوى قولت يمكن احتراما لوالدك
لكن اللى شوفته بعينى خلانى حبيتك زى ما هما حبوكى و اكتر
-شوفت ايه
- كنتى رايحه لباباكى وقتها كنت بتدرب ف الشركه بتاعتكو
لاقيتك بتضحكى مع عم محمد المسئول عن البوفيه
كان يومها تعبان اوى يومها وقفتى معاه و ساعدتيه و نزلتيه و ركب تاكسى و صممتى انه يروح
- امال ليه لما شوفتنى ف الفيلا سألتنى انا مين
و فكرتنى بنت عمو امجد
- اروبه 😂
- جاوب 😂
- كنت عايز اعرف انتى عارفانى و لا لا
- و انا هعرفك منين
- يا حلاوتك بقى انا بقالى اربع سنين بتمنى اليوم اللى تكونى ليا فيه
و ف االاخر متعرفنيش
-😂😂
-ضحكتك حلوه
-وبعدين
-حاسس انى متجوز عبده موته والله 😂
-اقل حاجه عندى 💅
-ايه الفخر اللى انتى فيه ده 😂😂
- 😂😂
-قوليلى يا ريم هو كان فيه مشاكل بين والدك و عمك
- بابا مكنش بيخلينى اعرف حاجه عن المشاكل دى لكن انا سمعته مره بيتكلم مع ماما عن مشكله بينهم
-طب احكى لى
فلاش باك
- امجد كان عايز حاجه ولا ايه ؟
- امجد مفكر انه الفلوس و البيت دول من ورث ابويا الله يرحمه
- ازاى دا عمى الله يرحمه ساب بيت العائله اللى امجد اخده لما رجع من السفر
و ساب كام فدان و اتقسمو بينكو بالنص
وقتها قولتلى انا مش عايز حاجه من البيت
هسيبه لامجد عشان طول عمره متغرب و احنا وقتها كنا قاعدين ف شقتنا القديمه
و قولت انه هو اولى بيه منى و انا احترمت كلامك ده
و بعدها بنينا البيت ده على الارض اللى ورثتها عن عمى الله يرحمه
و كتبته باسمى انا و ريم و مكنتش فاهمه انت بتعمل كده ليه
- كنت خايف عليكو يا ايمان انا مش هعيش لكم العمر كله البيت دلوقتى باسمك انتى و ريم و محدش ليه عندك حاجه
انا اخويا لو كنت شوفت منه حنيه على بنتى و الله كنت هبقى مرتاح
-ربنا يديك طول العمر يا حبيبى
باك
-انا كده فهمت كل حاجه
-بكره تيحى معايا نروح الشهر العقارى و نطلع صور من العقود بتاع البيت و الشركه و الارض بحيث نفهم عمك
- حاضر
-متشغليش دماغك انا موجود
-شكرا يا ادهم
- مافيش شكرا بينا
* فضلت قاعده سرحانه
-طب و انتى ليه مضيتى له على التوكيل و انتى عارفه كل ده ؟
-لان انا مكنش فارق معايا حاجه اغلى ناس ف حياتى راحو و مبقاش ليا حد
- و انا روحت فين
- بس بقى الله
-بتتكسفى يا بسكوته 😂
- مين دى اللى بسكوته
-انتى طبعا
-رخم اصلا
-بتقولى حاجه ؟
-بقول اخبار الدنيا معاك ايه
- 😂😂 انا بخير طول ما انتى معايا و جنبى والله
- هو انت ليه مطمن كده
- كده ازاى
-يعنى انى هفضل موجوده معاك طول الوقت
-ايوه مطمن اوى
- جايب الثقه دى منين
-اصل ابقى غبى لو سبتك
-ليه
-اللى يفرط ف روحه بيقوله عنه غبى وانا مش هسيبك يا ريم
- انت بتخوفنى ليه
* قرب منى و قعد قدامى على ركبته
و مسك ايديا
- اقسم بالله لو لفيتى الدنيا ما هتلاقى حد يحبك زيي و باباكى عارف و طلبتك منه ربنا يرحمه قالى لما تخلصى دراسه هيقولك و يأخد رأيك
* انا حسه انى بنتمى لادهم من اول ما خبط فيه لكن كنت بكابر كنت شايفه مش كويس
انا كنت خايفه
لكن حسه انى متعلقه بيه لكن مش بحسسه ب ده
- روحتى فين
-معاك اهوه
- يارب ديما يا ريمو
-اقعد على الكرسى رجلك هتوجعك
ابتسم - خايفه عليا
* رديت بكل تلقائيه بدون ما افكر انا هقول ايه
- ايوه انا ماليش غيرك
*اتفجئت لما لقيته سحبنى ف حضنه و كأن كل شئ مفتقده رجع لى حب بابا و حنيه ماما و الامان اللى كنت فقدته اصلا
بس لما فوقت بعدت عنه و وقفت
- متخافيش منى
-مش خايفه 😀
- ربنا يخليكى ليا يارب
- و يخليك يارب
* فضلنا قعدين نتكلم و نتفرج على التلفزيون و المفروض انه بكره هنروح الشهر العقارى عشان نطلع صور العقود
نمت و انا قاعده ف ادهم صحانى
-حببتى قومى نامى ف اوضتك هتبردى
-لا انا مصحصه
-نمتى انى اسف 😂 والله انا ممكن اشيلك بس خايف من رد فعل عبده موته اللى هيظهر لى فجأه .
-انا عبده موته با ادهم
- يا نهار ابيض هو انا اسمى احلو كده ليه 😂
- هو حلو لوحده
-هو مين ده
-ادهم
-بت قومى من هنا ربنا يكرمك
-ليه
-لا المره دى من غير ليه 😂
-😂😂
-لا نبطل ضحك يا هانم ف ليلتك دى
-حاضر
-تصبح على خير ، اوعى تطفى نور الصاله
-و انتى من اهلى ، ليه
-لا عادى يعنى
-بتخافى من الضلمه
-ايوه
- حاضر مش هطفيه اطمنى انا موجود يا ريم و مش هسيبك
- .................
* فجأه قبل ما اتحرك الكهربا فصلت ..
#الجزء_الثالث" والرابع الاخير
ادهم انا بخاف من الضلمه انت فين عااا
-اهدى يا ريم انا جيلك اهوه
* اول ما قرب منى مسكت ايده و مش راضيه اسيبها انا بخاف من الضلمه اوى من وانا صغيره
هو فضل يطمنى
-اهدى يا حببتى انا معاكى اهوه
-متقوليش يا حببتى
-يا نهار ابيض عليكى يا شيخه 😂😂والله اسيبك و اروح انام
-لا بالله عليك ما تسيبنى
- قولى بقى انك بتحبينى
-لا انا خايفه بس 😂
- بتاع مصلحتك اوى على فكره 😂😂
- و لا عمرى اساسا
-طيب بصى سيبى ايدى هنزل اشوف الكهربا من تحت
-لا مش هسيبك
-ابدا
-ابدا
-وانا مش عايزك تسيبينى اصلا
* سكت خالص و نزلت معاه نورنا الموبيل و روحنا نشوف الكهربا
المشكله مكنتش من عندنا كانت قطعت عمومى عن المنطقه
لان كان فيه مطر شديد و برق و رعد
ف تقريبا حصل مشكله
- احنا هننام ازاى انا خايفه اوى
* صوت الرعد ده مرعب بشكل
مهما كبرت برده بخاف منه كنت بروح جرى استخبى ف حضن ماما
لكن ماما راحت لاقيت نفسى بعيط
و بترعش من الخوف مش من البرد
-ريم مالك فيكى بتعيطى ليه و بتترعشى ليه
تعالى
-انا بخاف اوى ، هما سابونى ليه يا ادهم
* ادهم بيعاملنى كأنى بنته الصغيره رغم انه فرق السن بينا مش كبير
لكن افتكرت كلام ماما و هى بتقولى
فلاش باك
-و ازاى يا ماما اعرف انه ده حب بجد؟
-لما تحسى من جواكى بالامان و الراحه و لما يكون حبيبك شايفك بنته و حببته و مراته و اخته و مامته شايف فيكى كل الناس
لما تحسى انه عيونه بتحتويكى و كأنها بتحضنك
لما تلاقيه خايف عليكى من نفسه حتى
لما تحسى انه بيتغير عشانك
-الحب ده شكله حلو اوى يا ماما ؟
- هو حلو لو للشخص الصح يا ريم فهمانى
-ايوه فاهماكى يا ماما
-عايزه اتجوز واحد زى بابا و نحب بعض زيكم
-ربنا يرزقك باللى يحبك و متهونيش عليه ابدا
باك
* كنت سرحانه فوقت لاقيت ادهم مقعدنى على الركنه و قاعد جنبى و بيغطينى
-لسه بردانه
-لا انا مش بردانه
-امال ايه هو انتى خايفه منى
-لا انا خايفه من الاصوات دى و ماما وحشتنى اوى
* قعد جنبى و حط راسى على رجله
- نامى و متفكريش ف اى حاجه انا جنبك و معاكى اهوه و عمرى ما هسيبك
- و انت مش هتنام و ترتاح
-انا راحتى هى انى اشوفك متطمنه بس والله
، يالله تصبحى على خير
-وانت من اهله
* نمت الخوف بيروح لما بسمع صوته بس
صحيت لاقيته نايم و هو قاعد غطيته و قومت غيرت هدومى و صليت و جهزت الفطار
و صحيته
-ادهم
- ايوه يا حببتى
- اصحى يالله انا جهزت الفطار
- انا مش بأكل العيال الصغيره على فكره 😂
-بتقول كده ليه
- بتصحينى من على بعد مترين 😂
-متضحكش كده
-حاضر سكت اهوه
* فطرنا و لبسنا و هنخرج نروح الشهر العقارى
و انا متحمسه اوى انى هرجع حاجاتى انا مش عايزه حاجه غير البيت بس
دا انا اموت لو راح منى
-ريمو جاهزه
-ايوه جاهزه اهوه
* كنت لابسه بنطلون جينز و شميز و عليهم جاكيت طويل بس مش اوى😂
- انتى هتخرجى كده
-ايوه ايه شكلى وحش ؟
- لا يا اختى شكلك حلو
-طيب امال ايه بقى
- ريم غيرى هدومك مافيش نزول باللبس ده
-ليه بقى ان شاء الله
-ريم انا مبحبش اقول كلامى مرتين سامعه
-انت بتزعق لى ليه بتتحكم فيا بتاع ايه ان شاء الله
- ريم لو حد بص لك هقتله ف لمى الدور و غيرى اللبس ده والله لالبسك نقاب
- مش بمزاجك على فكره انا مبعملش حاجه انا مش عايزاها سامع
-رييييم
-متزعقش اخرج بره
* خرج و رزع الباب بقوه كان هيتخلع
-ماله شكلى هاه ما انا حلوه اهوه كيب ان ما وريتك انا عارفه انه هيموتنى 😂
* طلعت فستان طويل لونه بيبى بلو و طرحه اوف وايت و لبست و حطيت روج و كحل
و طلعت له
- ادهم انا خلصت
* كان بصص ف الموبيل اول ما رفع عينه و شافنى
-نعم يا اختى
- الله ما انا لبست فستان اهوه
- و ايه اللى انتى حطه ف وشك ده
- دا روج و كحل
- ما شاء الله يا حببتى لا مكنتش اعرف
-ادخلى يا ريم امسحى اللى حطاه ده
- لا
- لو جيت لك متلوميش غير نفسك
-انا مش بخاف
* اول ما شوفته بيتحرك طلعت اجرى بس هو كان اسرع ومسكنى
- انا كنت رايحه امسحه على فكره
- لا والله
-ايوه يا دومى والله
-دومى هاه
- ايوه مالك كده انت مبتهزرش يا رمضان
-لا مبهزرش ف اى حاجه تخصك
- يا بختك يا ريم
-ماله بختك يا هانم
-بختى دا انا يا بختى بيه جميل
-😂😂جبانه
* روحت غسلت وشى انا مبحبش الميك اب اصلا لكن كنت عايزه اغيظه و خلاص
اصل انا لو سمعت الكلام اتسخط والله 😂يرضيكو اتسخط يعنى
روحنا و طلعنا عقود بكل حاجه
و اكتشفت انه ليا 4فدادين كمان مكنتش اعرف عنهم اى حاجه و البيت و شركه بابا و مبلغ ف البنك
و المحامى قال هو هيتصرف تحديدا انه التوكيل اللى عملته لعمى باطل لانه بابا كان عامل ادهم واصى عليا و بالتالى انا ماليش حريه التصرف اى حاجه
اطمنت اوى و ادهم اخدنى و رجعنا البيت
-ريم اطلعى يالله و اقفلى الباب كويس و متخافيش الحارس موجود قدام باب الفيلا ف اطمنى
-وانت رايح فين
-عندى شويه شغل
-اوك
-خلى بالك من نفسك
-متقلقش 😂
-ربنا يستر
* طلعت غيرت هدومى
و صليت الضهر و قعدت اقرأ الورد بتاعى و قعدت اظبط ف البيت و اغير فيه شويه و فتحت الستاير
و جهزت غدا كمان
و قولت اذاكر شويه
ف الوقت ده كان ادهم راح لعمى
دخل المكتب
-انت ازاى تدخل كده
-انا ادخل بالطريقه اللى اشوفها صح يا امجد
- امجد انت عارف انت بتقول ايه
-ايوه عارف
- اخرج بره شركتى
-لا و انت الصادق شركة ريم
- ريم اتنازلت عنها
- انت غشيتها هاه لكن ربنا رايد انه كل واحد ياخد حقه
-يعنى ايه
-يعنى اتفضل سيب الشركه حالا
- مش هخرج دى شركتى
-لا شركه مراتى و انا المسئول عنها عمى الله يرحمه خلانى واصى عن كل املاك ريم
-انت بتقول ايه ؟ اكيد بتكدب
-اتفضل الورق و العقود اهى و بكل هدوء اخرج
- انا همشى بس اقسم بالله لاحرق قلبك
- انا بتعامل باحترام لانك ف حكم حمايا و عمال احترام لكده بس اقسم بالله
ادهم استلم كل حاجه و ظبط الدنيا و طلب منه يسيب البيت
انا بقى فضلت قاعده منتظراه لحد ما نمت و انا بذاكر
المغرب اذن و قتها ادهم جه و لاقانى نايمه
-ريم
* بنص عين بكلمه 😂
-انت مين احنا امتى
-الناس بتنام عادى انتى بتنامى بتفقدى الذاكره 😂
-اتأخرت ليه كده
-كنت بخلص شويه شغل
-طيب قوم غير و صلى و انا هصلى و اجهز الغدا
-انتى مأكلتيش
-لا مش بعرف اكل لوحدى
- معلش انا اسف والله
-قوم يالله
* اكلنا و حكالى هو عمل ايه و انه رجع لى كل حاجه و اقدر استلم بيتى من الصبح
- انا فرحانه اوى
-ربنا يسعدك ديما يا حببتى
-يارب اخيرا هرجع بيتى
-هتسيبنى ؟
- اسيبك ليه
* ف الوقت ده جرس الباب ضرب
-خليكى هفتح انا
* نزل يفتح و انا نزلت وراه كان عمى امجد هو اللى جه
- ريم ازيك يا حببتى
- الحمد لله بخير يا عمو اتفضل
- لا اطلعى البسى هاخدك من هنا
- نعم تاخد مين
-هاخد بنت اخويا يا ادهم
- و انت متخيل انى هسيبها
- اظن لو هى حبت تسيبك مش هتمنعها
* ادهم بص لى
- انا مش هسيب ادهم يا عمى انت عايز تبعدنى عنه ليه
- انا عارف يا بنتى انه انك اتجوزتيه عشان تاخدى حقك منى و اهوه حقك رجع سبيه بقى
- لا انا اتجوزته مش عشان حقى
- ادهم مش بيحبك
-لا بيحبنى
- اللى بيحبك متجوز
-متجوز!!
-ايوه متجوز و تعالى و انا اخليكى تشوفى بعينك
* سيبت ايد ادهم اللى كان ماسكنى منها و حسيت انه الدنيا كلها بتلف بيا و وقعت
علقي ب20 ملصق
#الجزء_الرابع_و_الاخير. طبعا علشان الاخيره ما فيش،تفاعل
* ادهم شالنى قبل ما اقع على الارض و حطنى على الانتريه
-ريم فوقى يا حببتى بالله عليكى
* بص لعمى
-اقسم بالله لو حصلها حاجه ما هيحصل خير
سامعنى
* ادهم طلع جاب بيرفيوم و حاول يفوقنى
فتحت عنيا و كنت بس بدمع و ببص قدامى
و مش برد على حد
اول ما فتحت عنيا ادهم اخدنى ف حضنه
-الحمد لله يارب الحمد لله ، حببتى حسه ب ايه
-.........
- ريم انتى مصدقاه
- ............
-ريم سكوتك ده هيموتنى سامعه اتكلمى و زغقى بس مش تسكتى كده بالله عليكى
- سيبونى لوحدى
- ريم
- سيبنى يا ادهم دلوقتى
* مش انتظرت رد من حد سبتهم و قومت طلعت اوضتى وقفلت الاوضه عليا
و قعدت ورا الباب و بعيط اوى
-اقسم بالله ما هسامحك يا امجد
- اعلى ما ف خيلك اركبه
- مش عملت اللى انت عايزه امشى بقى
-😂مش قبل ما اخد بنت اخويا
* صوتهم على اوى تحت و خوفت ادهم متهور و عصبى ممكن يموته عادى
فتحت و نزلت تحت اول ما شافونى سكتو و ادهم جرى عليا
-حببتى انتى كويسه ؟
-بخير
* اول ما قرب منى خطوه رجعت خطوتين
-ريم انتى مصدقاه !!
- انا مش هسيب ادهم يا عمو
-انتى بتقولى ايه ، دا عنده ولد و بنت يا ريم
* دموعى نزلت بس حاولت اكون هاديه
- انا راضيه
* ادهم جه مسكنى من دراعى جامد و زعق
-انتى اتجننتى يا ريم راضيه ايه انا بالله ما اتجوزت و لا نيله فوقى انا بحبك
* عمى طلع لى صورتين لادهم مع بنت و ولد
و بنت من سنى او يمكن اكبر
- شوفى البيه بتاعك
* ادهم شاف الصور
-لا دا انت عايزنى اعمل مصيبه بقى انت بتراقبنى يا امجد
-عشان اعرف ريم حقيقتك
- ومين قالك انه دى الحقيقه
-دول ولاد أسر صحابى اتوفى من سنتين و انا متكفل بولاده و الولاد صغيرين و لما حبونى بقو بيقولولى يا بابا
و مامتهم انسانه محترمه جدا و قاعده مع باباها و مامتها و بتهتم بشغلها و ولادها و انا من وقت للتانى بطمن عليهم اسر وصانى عليهم قبل ما يموت
* ف الوقت ده امجد اتوتر اوى
-و انا مش مصدق
* ادهم كان هيقوم يرتكب جريمه
-انا مصدقاه يا عمى و اطمن انا مبسوطه اوى مع ادهم و مش هسيبه
-براحتك
* عمى مشى و قفلت الباب و ف الوقت ده ادهم كان طلع اوضته
عملت له لمون و روحت خبط على الاوضه
- نعم يا ريم
- ممكن ادخل
* فتح الباب فجأه و طلع لى
-بتستأذنى عشان تدخلى اوضه جوزك
- تعالى نقعد بره
- لا انا هنام
-لا عايزه اتكلم معاك
-ادخلى
* دخلت و قعدت على كرسى موجود جنب البلاكونه و ادهم دخل و قعد قدامى
-عملتلك لمون
ابتسم-تسلم ايدك
* انا كنت عايزه اتكلم كلام كتير لكن نسيت كل حاجه
-هتفضلى ساكته ؟
- انت زعلان منى
* مسك ايديا
-انا عمرى ما ازعل منك
-بجد
-بجد ، انتى صدقتى كلامه
-لا والله
-ليه
- انا حسه انك متعملش كده بس
-امال ليه فقدتى وعيك
* سحبت ايديا منه و دمعت
-عشان عمى مش عايزنى اعيش مبسوطه ابدا
لما اخدتلى حقى قال يبعدنى عنك و ارجع له تانى
لانى ماليش حد
* مسك ايدى تانى
- و انا روحت فين يا ريم
- انا عارفه انك موجود و ربنا يخليك ليا لكن انا معنديش ام و لا اب و لا اخ و لا اخت
انا معنديش اب لما اخاف اجرى اترمى ف حضنه
و لا عندى ام اجرى احكى لها عن حاجه مفرحانى
و معنديش اخوات حتى اتسند عليهم
انا معنديش حاجه خالص يا ادهم
عارف انا كام مره طلبت من ربنا انه ياخدنى جنبهم
* اتفجئت انه ادهم سحبنى ف حضنه
-اوعى تقولى كده تانى انا معاكى اهوه يا حببتى
اعتبرنى ماما و بابا انا والله عمرى ما هسيبك حتى لو انتى عايزه ده
- و افرض كنت مشيت مع عمو
-كنت كسرت دماغك
-عنيف اوى
-عندك اعتراض 😂
-ولا عمرى
-مشوفتش ف شجاعتك حد 😂😂
- طول عمرى 😂😂 ممكن تسيبنى هو انت ماسك حرامى غسيل
-حرامى غسيل 😒قومى من وشى يا ريم هتشل
- هقوم انت الخسران على فكره 😉
- لا بصى دلع مش عايز خلى السنه دى تخلص على خير يا ريم
-اشمعنى
-عشان اعملك فرح
-قول والله
-والله هعملك احلى فرح ف الدنيا و تلبسيلى الابيض
* جريت انا حضنته و انا فرحانه اوى
-اللهم صلى النبى
- 😂😂سيبنى
-دا انتى اول مره تعمليها بالله ما انا سايبك
-دومى
-يا قلبه
- ممكن اطلب منك طلب
-انتى تأمرى يا حببتى
-ممكن تغنيلى ف الفرح بهوايا انتى قاعده معايا 😂😂😂😂😂
- بهواكى ايه يا اختى ليه ناويه ترقصى
-ايوه طبعا مش فرحى
-عند امه الكلام ده
- هعيط
- مش احسن ما تعيطى عليا و اتحبس قبل ما نتجوز
- و تتحبس ليه 😂
- عايزانى اشوف حد بيبص لك و انتى بترقصى و اسيبه عايش
- انا متجوزه خط الصعيد 😂😂😂
-لمضه ، انسى
- طب و مهرجانات حسن شاكوش اللى بسمعهم دول لزمتهم ايه هاه
- حسن شاكوش ماله ده
- بتاع بهويا 😂😂😉😉
-طب بلاش حسن شاكوش خلينا ف حمو بيكا 💃
- و الانسه بتاع حمو بيكا قاعده مع جوزها باسدال اخده بالك 😂😂
-لا معلش كله الا الاسدال
- ربنا يقدرنى و اسعدك يا ريم
-يارب و يقدرنى و افرحك
- انا فرحتى هى وجودك جنبى بس والله
-و انا عمرى ما هسيبك
- طب قومى روحى اوضتك احسن لك 😂
المجد للقصص والحكايات
-انا بقول كده برده 😂😂
- ذاكرى كويس و نامى
-حاضر يا بابى
* الحب ده بيجى فجأه متعرفش هو بيجى ازاى اصلا بس الحب بيخطف القلب خطف
الحب الحاجه الوحيده اللى مينفعش فيها محاولات
و انا حسه انا ادهم خطف قلبى من اول دقيقه
و كل اللى ماما حكت لى عن الحب لاقيته معاه
كنت مركزه جدا ف مذاكرتى لانها اخر سنه ليا ف الكليه
و ادهم بيهتم بشركة بابا و بيحافظ على اسمه
و بيشوف شغله كان تعب عليه
لكن كان عايز يفرحنى و يحافظ على وصيه بابا
و حياتى كانت جميله اوى
ادهم عرض عليا يجيب لى حد يساعدنى ف شغل البيت بس انا رفضت و من ساعتها و هو بيساعدنى ف كل حاجه و بنعمل الاكل سوا
و ف يوم قاعدين بنتعشى
لاقيت موبيلى بيرن كانت طنط منى
-السلام عليكم ازيك يا طنط
-ريم حببتى
-مالك يا طنط بتعيطى ليه
-عمك يا ريم عمل حادثه و حالته صعبه اوى و عايز يشوفك
-انا جايه حالا انتو فين
-هبعت لك عنوان المستشفى ف رساله
- جايه لكو حالا
-فيه ايه يا حببتى
-عمى عمل حادثه يا ادهم انا هروح له
- البسى و انا هجهز حالا
-انت هتيجى
-مش هسيبك لوحدك قومى يالله
* لبست بسرعه و روحت لهم كان هناك ناس كتير من عائلتى
-طنط منى
-عمك بيموت يا ريم
-لا متقوليش كده و متعيطيش عمى هيكون كويس
-ادخليله
* دخلت له كان نايم و فيه اجهزه كتير حواليه و اسلاك روحت مسكت ايده و بعيط
-عمو
-ريم انتى جيتى
-انا جنبك اهوه يا عمو
-حقك عليا سامحينى
-انا مسامحاك والله
-كده هموت و انا مرتاح
-لا متقولش كده بالله عليك ربنا يقومك ليا بالسلامه متسبنيش زى ما بابا سابنا
-يا حببتى يا بنتى والله لو ربنا مد ف عمر يوم حتى لهكون لك ضهر و سند
-حبيبى ربنا يخليك لينا
* مع الوقت عمى بقى كويس و حكيت له كمان انه ادهم هيعملى فرح كبير بعد التخرج بتاعى
و انى مبسوطه اوى معاه
و عمى اعتذر لادهم عن اللى حصل و ادهم سامحه و فرحان انه انا بقيت حسه انه ليا عائله بتحبنى
و كان عمى خلاص هيخرج من المستشفى و انا خلاص هخلص امتحانات كمان شهرين
روحت المستشفى لعمى مع ادهم
- ادهم
-ايوه يا عمى
- انا هاخد ريم معايا البيت
-تاخد مين
-ريم
- انا مش هسيبها الا لما اموت وقتها اعمل اللى تحبه
-يا ابنى اهدى ريم هترجع بيت ابوها لحد ما تخلص امتحانات و هتفضل لحد الفرح هناك
و لما نفرح بيكو محدش هياخدها منك الاصول بتقول كده
- لا مش هسيبها
- ادهم عشان خاطرى انا عايزه احس انى عروسه سيبنى اروح معاهم
-يا حلاوتك
- انا هفرح اوى لو عملت لى اللى نفسى فيه
* بعد محاولات مستميته ادهم وافق
رغم انه كان معترض بس وافق ف الاخر عشانى
اشتريت فستانى و كنت فرحانه بيه اوى
و ادهم معايا على الموبيل طول الوقت
و بيودنى الكليه و بيرجعنى البيت تانى و تقريبا كنا بنتغدى بره كل يوم
كان بيعاند عمى 😂
امتحاناتى خلاص خلصت و بكره فرحى
البيت كله كان متزين
و الكل فرحان بيا طنط منى بقت بتحبنى اوى و العائله كلها بتجهز لفرحى
ادهم اتصل بيا
-وحشتينى
-ما احنا كنا بنتكلم من ساعه
-بقول وحشتينى
-وانت كمان
-امتى الاقى نفسى بكره
-مستعجل على ايه هو انا هطير
-لا انا اللى هطير 😂
- ليه علاء الدين 😂😂
-والله انا ما اعرف الشهرين دول عدو عليا ازاى
- هانت يا حبيبى
-انتى قولتى ايه حبيبى صح
- انا
-قوليها تانى
-اقول ايه حبيبى
-بحبك اوى يا ريم
- هرد عليك بكره
* لبست فستانى كان شكله حلو اوى عليا و حجاب و طرحه طويله اوى و الفرح كان جميل بمعنى الكلمه كان ناقص ماما و بابا و كنت هحس انى اسعد بنت ف الدنيا
و اخيرا كنا بنرقص اسلو
-ايه الحلاوه دى يا ناس اللهم بارك
- و انت كمان حلو اوى
- انتى بتعاكسينى 😉
-جوزى بقى و انا حره فيه
- و ايه كمان
- تعالى هقولك حاجه ف ودنك
-اخيرا ، قولى
-تووووووووووت
-😂😂😂😂مجنونه
-بس بحبك
-بتقولى ايه
-بقول بحبببببببببببببك يا ادهم بحبك
-يا وعدى
* شالنى و لف بيا و الفرحه كانت ف عيون الكل
* الحياه مش ديما بتضحك لك بس ديما فيها حاجه حلوه خليك متفأل
لما تلاقى حد فرحان بحاجه اعرف انه دافع تمنها كويس لان ربنا عادل و مقسم كل حاجه بينا بالتساوى ف ادعى باللى نفسك فيه و اعرف انه ربنا احن عليك من الكل و ديما بيرتب لك امور حياتك بأحسن شكل
و لو اطلعتم على الغيب لاخترتم الواقع ف الحمد لله على كل حال
اهم شئ نرضى و نسامح
الحياه حلوه طول ما قلبك راضى و حامد ربنا
ربنا يفرحكم كلكم و يملى حياتكم بالسعاده