ستعجبك

رواية العشق الخطا كاملة باجميع الفصوال بقلم يارا غزلان

 المجد للقصص والحكايات 


العشق الخطأ يارا غزلان


كان عشق خطأ


صحيت من النوم علي صوت اغااني في شقتناا.. 

اتعصبت واتجننت مش عشان الاغاني الي صوتهااا عالي اووي لا..  

... علشان الاغنيه الي شغاله دي كانت بتاعتناا...


ومالو لو ليله توهنا بعيد...وسبنا كل الناس 

انا ياحبيبي حاسس بحب جديد...ماليني داا الاحسااس 

وانا هنا جمبي احلي النااس...هناا جمبي أغلي الناس 

حبيبي ليله تعالا ننسي فيها الي راح...تعالا جوا حضني وارتاح دي ليله تسوي كل الحياه... 


خرجت من اوضتي وانا متعصبه

قولت بصوت عالي 

اطفووو الزفت داااا 

وقفت لحظه ذهول لما لقيتو واقف قدامي 

كان واقف في نص الصاله ماسك صب اغاني في ايدو ومشغل الاغنيه دي لما لقاني زعقت علاه الصوت اكتر 

لقيتني ببصلو بغل وبشد منو الصب وبحدفو في الارض بعصبيه 


...ارتاحتي كداا...


 سبتو ودخلت اوضتي وقفلت الباب بالمفتااح قلبي فضل يدق وبرتعش جامد ايدي ورجلي كانو بيرتعشو اوي ودموعي متحجره وصوتي مكتوم اتنهدت 

.. وسيبت دموعي تنزل تسقي قلبي البور..

 ‏

 ‏فضلت قاعده في اوضتي كالعاده...انا مبخرجش منهاا اصلا 

 ‏باكل فيهاا 

 ‏بصلي فيهاا 

 ‏بذاكر فيهاا

 ‏بعيط فيهاا 

 ‏بتعب فيهاا 

 ‏6 سنين في الاوضه دي مخرجتش منهاا للحياه الطبيعيه 

 ‏كنت بروح الكليه وارجع للأوضه قليل اووي لما بخرج البلكونه شويه 

 ‏لحد ما اتخرجت من الكليه ومبقتش انزل الشارع خاالص

 ‏

 ‏فضلت قاعده في الاوضه لحد الساعه 10 بليل معرفش هو مشي من عندنا امتاا ولا رجع ليه اصلا ليه رجع بعد 6 سنين 

 ‏خرجت البلكونه طفيت النور وقعدت في الضلمه ف اتعودت علي السواد النور بيضايقني جداا حتي عمود النور الي تحت بيتنا محروق وكأن كل شيئ في العالم ضدي 

 ‏كنت مركزه اوي علي البلكونه الي قدامناا الي تقريبا الشقه دي بقت مهجوره من ساعه ما صاحبتها انتحرت من 5 سنين 

 ‏مش عارفه اي ممكن يوصل الواحد للإنتحار !!؟

 ‏ الاكتئاب مثلا 

 ‏منا بقالي 6 سنين مكتئبه مفكرتش ولا مره انتحر حياتي ملهاش لازمه ولا لون ولا شكل ولا طعم وبردو منتحرتش

 ‏

 ‏لي الدنيا مش عادله

 ‏ليه بنتعلق بناس مش لينا 

 ‏ليه بنعيش عيشه مش بتاعتناا 

 مين ادانا الحق نجرح نفسنا 

 ‏طيب ليه القلب مهزق 

 ‏ليه بنبقاا معميين 

 ‏ليه صعب نتعود 

 ‏ليه هو رجع 


قعدت في البلكونه ساعتين 

أهلي خلاص اتعودو عليا كداا ومحدش بقا يتدخل في حيااتي في الاول كانو بيكلموني كتييير بس مفيش نتيجه لكن دلوقتي خلاص خرجت من الاوضه زي ماخرجتش تعبو مني 


دخلت اوضتي تاني ومسكت تليفوني وفتحت الفيس بوك بتاعي 

لقيت اخبار موت وحوادث وكوارث وانا مش نااقصه وجع 

افتكرت مجموعه بنات كانو معايا في الكليه كانو مرتبطين وانا كنت متراهنه مع نفسي انهم هيبعدو عن بعض عشان مفيش حاجه اسمها حب وكلهم كدابين 

بحثت في السيرش عن اول بنت وقلبت في ايميلها شويه وضحكت بسخريه ساابو بعض 

التانيه بنفس النظام 

والتالته بردو 

والرابعه 

مفيش علاقه واحده فيهم كملت انا كنت عارفه 

قاطع تفكيري صوت مسچ علي الاكونت بتاعي ياااه امتا اخر مره سمعت الصوت داا 

اخر مكالمه في تليفوني كانت من 3 سنين تقريبا 

واخر مسچ كانت من 5 سنين من صديقه لياا كانت بتعاتبني علي قله سؤالي عنهاا ف مردتش عليهاا  

انا شخص بلا روح 

فتحت المسچ وكانت منوو إياس 

فتحت المسچ وكانت عباره عن وحشتيني ضحكت هه مسكين 

لمحت اخر مسچ كنت بعتاهالو من 6 سنين بالظبط وكانت عباره عن 


إياس..

 ليه بعدت عني من غير اسبااب ليه فجأه اختفيت

ازاي تبعد من غير كلام...الي بينا مش قليل دا حب سنين 

رد علياا وقولي مبرر واحد وانا هساامحك 

طيب روحت فين قولي بس...طيب حصل اي ماكنا حلوين امبارح دا حتي متخانقناش انا عماله افكر ياترا حصل اي وبجد تعبت مش لاقيه اجاابه رد علياا عشان خاطري 


كنت بقرأ بإستهزاء اد ايه انتي مقرفه ياعااصي ازاي كنتي واقعه كداا وكتبتي الكلام داا كان ناقص تبوسي رجلو عشان يرجعلك 

عملت للشات بتاعو ميوت وقفلت الفون ومردتش ف انا بطبعي مش بعمل بلوك لمخلوق حتي لو عدوي لا بسيبو كداا قدام عيني بتجاهلو 

والتجااهل اصعب بكتير من العقاب 

تاني يوم 

صحيت علي خبط كتير علي باب شقتنا مقومتش من مكاني لان اكيد اخواتي هيفتحو بس محدش فتح والخبط كان بيزيد وبدأت اعصابي تتعب ف قومت لقيت اخواتي قاعدين في الصاله ولابسين الهاند فري ومش سامعين حاجه وماما في المطبخ ازاي الصوت مدخلهاش جواا..؟

فتحت لقيتو هو واقف بيضحك وبيقولي وحشتيني قفلت الباب في وشو وقربت من اخويا وشلت الهاند فري من وداانو والغريب انو مش بيسمع اي حااجه بصلي بإبتسامه غبيه ف فهمت انهم متفقين معااه ان انا الي افتح الباب ف دخلت اوضتي وقفلتها بالمفتاح ومردتش عليهم 

إياس: عااصي افتحي عاوز اتكلم معاكي اديني فرصه اشرحلك 

 حطيت الهاند فري وشغلت قرأن وعليت الصوووت جامد عشان مسمعوش فضلت مركزه مع صوت القرأن لحد مانمت 

صحيت لقيت الهاند فري واقعه جمبي والقرأن لسه شغال بصيت في فوني لقيتني نايمه بقالي ساعتين 

معرفش مشي ولا لسه بره بس مخرجتش علطول قعدت شويه مسمعتش صوتو ف خرجت عشان اكل لاني جوعت 

ماما: عاصي اديلو فرصه 

اخدت الاكل ودخلت اوضتي من غير رد وانا دااخله لقيتو خارج من البلكونه ولما شافني كان هيجري عليا بس سبقتو وقفلت الباب  

إياس: يااعاصي انا بحبك وعارف انك لسه بتحبيني 

عاصي: ضحكت لنفسي وقولت غبي ميعرفش اني مبقتش اكره قدوو 

فضل يتكلم كتير ف حطيت الهاند فري وشغلت القرأن تاني وأكلت 

مسكت كتاب وفتحتو وقعدت اقرأ فيه فتره لحد الفجر ما أذن 

اتوضيت وصليت ونمت 

تاني يوم 

لقيت خبط خفيف علي باب اوضتي والصوت دا انا عارفاه كويس داا صوت خالتي هويده

يااه ياخالتي صوتك وحشني بقالي زمن مسمعتوش 

استغربت انها عندنا ف خالتي رجليها بتوجعها ومش بتخرج من بيتهاا احنا الي كنا بنروحلها دايماا بس من ساعه ما إياس بعد عني وانا مدخلتش بيتهم كانت بترن عليا كتير بس مكنتش برد وكأني بعاقبها بدل ابنهاا 

هويده: عاصي يانور عيني وحشتيني اووي وجيالك مخصوص وانتي عارفه اني مبخرجش من بيتي عشان رجلي بس افتحي ياحبيبتي وتعالي في حضني 

كنت بسمعها وبعيط ف انا بحبهاا اوي بس مكنتش بقابلها ابداا وببقا عاوزه اقولها شوفتي ابنك عمل فياا اي دمرني 

هويدا: عاصي والله ماقادره اقف ع بابك افتحي ياحبيبتي هو انا موحشتكيش 

عاصي: فتحت الباب واترميت في حضنهاا كانت بتعيط علي عيااطي لمحتو واقف وراهاا بس خبيت وشي في حضنهاا فضلت تتحايل عليا اقعد معاهم واخرج من اوضتي شويه وادي فرصه ل إياس يشرحلي 

اخدت بالي ان خالتي نفسها مش عارفه هو هيشرحلي اي او مش مصدقه المبررات الي عندو 

قعدت معاهم وكان بابا وماما واخواتي الاتنين وخالتي وهو 

كنت مستحمله بالعافيه وحاسه اني تاهيه ف انا اخدت علي الوحده 

إياس: كنت عارف ان أمي الوحيده الي هتعرف تخرجك 

عاصي: ............

إياس: هتفضلي سااكته 

عاصي: ............

إياس: عاصي انتي اتغيرتي 

عاصي: ............

إياس: بقيتي دبلانه

عاصي: اعتقد ان المفروض انت جااي تبرر مش توصفني اتغيرت بقيت دبلانه انت ماالك عاوز تتنيل تتكلم اتفضل مش عاوز امشي ومتجيش تاني 

الكل كان باصصلي ومستغرب وخالتي كانت اكثرهم استغراب 

بصتلها وقولت 

عاارفه اني اتغيرت ياخالتي وبقيت عصبيه رغم اني طول عمري هاديه 

عارفه اني خسيت واسمريت وانا دايما كان جسمي مظبوط وبيضه 

عارفه اني شكلي بقاا وحش رغم اني ملامحي كانت حلوه 

عارفه ان صوتي عاالي وانا اصلا مكنتش بطيق الصوت عالي 

عاارفه اني بقيت فظيعه وانا كنت كيوت 

عارفه اني مبقاش ليا خلق وكنت زمان هاديه ومرحه 

بس السبب في الي انا فيه هو ابنك 

انت معندكش اي حاجه تبرر بيهاا 

بس بما انك حابب تشوفني ف انا هقولك الكلام الي في قلبي من 6 سنين

للنشر  والإعلان والتواصل معنا

         اضغط هنا

انا كنت بحبك وانت عملت اي بالمقاابل خدعتني وطفشت 

رنيت عليك قوولي مردتش ليه هااا بعتلك مسدچاات كتير مردتش علياا

بس انا كرهتك اضعاف اضعاف حبي ليك زمان 

انت عارف اني لما بحب بضحي كتير وبحب بكل ما عندي بحب بكل حاجه فياا وبكره الكدب والخذلان لكن انت كدبت عليا وخذلتني وسيبت في بطاقتي علامه باايخه 

رااجع بعد 6 سنين تقولي بحبك تبقاا بجح ومشوفتش تربيه ولعبت ببنات الناس 

بصلي كويس شاايف شكلي شاايف 

دي عاصي بتاع زمان هااا بص كدا تحت عيوني شايف الهالات دي 

دي بسببك لو ركزت فيهم هتلاقي عذاب 6 سنين 

صدقني التعب دا كلو مش عشان حبك 

داا عشان كذبك انت خلتني معنديش اي ثقه في مخلوق وان كل الشباب كداابه ومحدش بيحب بصدق 

لما ابن خالتي يعمل فياا كدا الغريب هيعمل اي رد عليااا مشيت ليه وراجع ليه عاوز مني اي 

بعدت وراجع دلوقتي فاكرني مستنياك وهفتحلك دراعي واقولك وحشتني لو انت فعلا بتحبني كنت كلمتني زي الرجاله وقولت هتروح فين وليه لكن انت متقربش للرجاله بأي صله 

انا دلوقتي واحده بلا روح بلا قلب بلا مشاعر 

متحاولش تقرب مني عشان هتتفاجئ بتصرفاتي 

عاوز فرصه اتفضل قولي سبب مقنع هاا بعدت ليه 


اياس: معرفتش افتح بوقي هقول اي حسيت ان السبب الي عندي مش هيقنعهاا رغم اني كنت متأكد انو مقنع 

هو انا ازاي كنت متوقع اني هرجع الاقيها مستنياني حاولت ابرر ب اي حاجه 

لقيتني بقول بعدت عشاانك عشان مصلحتك 

وفجأه لقيتها بتضحك بهيسترياا وبتسقف ب ايدهاا وبتقول برااڤوو

عاصي: لا بجد ابهرتني داا تبريرك 

انتو مصدقين انتي ياخالتي مصدقه 

لقيتها بصت في الارض ومردتش علياا وماما وبابا ساكتين تقريبا مكنوش متوقعين حجم الالم الي شايلاه 

إياس: عاصي انا بحبك 

عاصي: مبصتلوش ولا اهتميت لكلامو طيب ياجماعه انا دلوقتي خلصت الي عندي وواضح ان هو معندوش حاجه يقولهاا ف هدخل اوضتي ومش عاوزه اي ازعاج من حد 

مستنتش اي رد منهم ودخلت اوضتي قعدت علي سريري ومنزلتش دمعه واحده مسكت كتاب وقرأت فيه مكانش جوايا اي صراع داخلي 

وكأن قلبي مكسوف يكلمني او يقولي اسف لاني دقيت للشخص داا 

كأن عقلي مش عاوز يحملني فوق طاقتي 

كأن كل الاجهزه الي جوا جسمي واخده علي نفسها عهد تريحني النهارده وبيقولو لنفسهم كفايه عليها ال6 سنين الي فاتو مكانوش ساهلين 

انا استحملت حقيقي استحملت كتير 

استحملت وعاندت كتير عشان افضل بالثبات داا ورغم الي حصلي مستسلمتش لشيطاني وغضبت ربنا 

حقيقي مبهوره ان برغم القسوه الي شوفتهاا الا اني مفكرتش في الانتحار وإيماني بربنا كان أقوي بكتير مني 


تاني يوم 

إياس: اي الي عاصي وصلتلو داا يا ماماا 

هويداا: قولتلك كنت بكلمك كتير واتحايل عليك ترجع عشاانها قولتلك دي اتغيرت كتير وانت قولت بكره تنسي

إياس: عمري ماتوقعت انهاا توصل لكداا 

هويداا: انا لحد دلوقتي معرفش ليه سيبتها ومشيت معرفش ليه عملت فيهاا كدا 

إياس: كنت مقتنع ان السبب الي عندي مقنع كفايه بس اكتشفت ان عااصي اكبر بكتير من انها تقتنع بالسبب داا مبقاش ليه لازمه اني اقول بعدت ليه مبقتش طفله عشان تصدق كلامي دي بقت تتكلم بالادله والمبررات والاقناع  

هويدا: يبقاا متحاولش تقرب منها تاني 

إياس: بس انا فعلا بحبهاا 

هويداا: ربنا يهديك يابني وينور طريقك 


نزلت من بيتنا ونويت اروح ل عاصي استأذنها نخرج شويه ونتكلم حاسس اننا لما نبقا في مكان عام هتتحكم في اندفاعتها وهقدر اتفاهم معاها 


خبط خفيف علي باب عاصي 

إياس: عاصي افتحي عشان خاطري 

لو لسه فاكره لينا اي ذكري ولو كانت تافهه افتحي 

لو لسه جواكي ليا حب طفوله او حتي حب قرابه افتحي

لو لسه بتتمني نرجع لبعض او حتي نصفي الي بينا افتحي

لو لسه صوتي بيريحك ومصدر امان ليكي زي زمان افتحي


ملقتش اي رد فعل منهاا 


طيب هقولك كلام ولو دا الي جواكي افتحي وانا هفهم

لو مش عاوزه نرجع او مش عاوزه تشوفيني تاني افتحي 

لو صوتي بقي مصدر مزعج ليكي وبيضايقك مني افتحي 

لو عاوزه تعرفي سبتك ليه بدون اي مبرر ولا سبب افتحي

لو كرهتيني وبتتمني لو اطلع من حياتك ومرجعش افتحي


الباب اتفتح في وشي وكانت واقفه علي وشها علامات جمود 

إياس: كرهتيني يا عاصي 

عاصي: دورت كتير علي كلمه اقوي من دي توصف شعوري تجاهك ملقتش...كلمه بكرهك قليله اووي عليك 

  إياس: قلبك قدر يكرهني..؟ 

عاصي: قلبك قدر يهجرني..؟

  إياس: كان عندي سبب عشان اهجرك..! 

عاصي: كان عندي أسباب عشان اكرهك..!

إياس: بحبك 

عاصي: بكرهك 

إياس: كفايه كلامك بيدبحني 

عاصي: لسه مدبحتكش لسه مردتش ليك الي جواايا

إياس: كنت محتاجك جمبي

عاصي: بتضحك عليا ولا علي نفسك..؟

محتاجني وبعدت عني 

بتحبني وبعدت عني 

راااجع والمفروض ارجعلك 

لما جواك كلام كتير تقولو مكلمتنيش ليه 

مردتش علي مسدچاتي ليه 

متواصلتش معايا ليه 

محاولتش متخسرنيش ليه 

كلامك كداب وانا مش هصدقو 


قفلت الباب واختفت من قدامي وسابتني بوجعي بس هي مش مدياني فرصه اشرحلهاا واقولها..


اناا ليه سبتهاا...!


يتبع...♥


#روقه

         ♕بقلم يارا غزلان♕

الفصل الثاني

الفصل الثالث

الفصل الرابع والأخير 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -