ستعجبك

رواية العشق الخطأ الفصل الرابع والأخير بقلم يارا غزلان

رواية العشق الخطأ الفصل الرابع والأخير بقلم يارا غزلان


 المجد للقصص والحكايات 

البارت الرابع والأخير

  من

رواية العشق الخطأ


اياس: عن اذنك...


مشي وانا فضلت مكاني احساس جوايا كان بيقول لسه قدامك وقت لو عاوزه تروحي اسئلي نفسك تاني عاوزه تروحي.. 


عدي 3 أيام علياا حاولت انسي لقاءنا الاخير ومفكرش فيه كتير كان لازم اتعود علي أي خبر هيجي في يوم من الأيام 

فكرت في طريقه اقدر اطلع نفسي من الي فيه ف جت في بالي فكره 

مسكت تليفوني وعملت شات واتس بإسم دفعه تجاره 28 سنه 

ودخلت اتنين صحابي الي كان معايا ارقامهم وطلبت منهم يضيفو البنات الي كانو معانا وعايشين في نفس بلدناا 

وحصل فعلا وجمعت 16 بنت عرفتهم بنفسي ومكنوش مصدقين ان انا عاصي الكئيبه الانطوائيه الي كانت معاهم 

قولت اني حابه نتجمع تاني ونتقابل سواا في يوم ونتعرف علي بعض أكتر لاني مكانش ليا علاقه بيهم ووافقو 

حددنا يوم واتقابلنا في مكان عام 

عرفت ان كلهم اتجوزو وبقو معاهم اطفال في الي معاه طفلين وفي الي معاه واحد وفي معاه تلاته وفي لسه مخالفش وبيجري علي الدكاتره 

كل واحده كانت بتحكي حكايتها مع الجواز ومع الاطفال والمسئوليه وكان الحوار في الأخر بينتهي بجمله واحده وهيا

...يابختك ياعاصي مريحه دمااغك...

كنت ببتسم واقول في بالي محدش عارف انا مريت ب ايه 

رجعت من الخروجه مبسوطه وسجلت ارقامهم كلهم واتصورناا كتيير ونزلت استوري كتير ل اول مره من فتره كبيره وكان إياس بيتابع الاستوري وبعت مسچ 

انا مبسوط بيكي وأسف 

عملت سين وبعتت قلب 

عدي أسبوع وانا بفوق وبخرج واهزر واضحك وكنت بروح ازور خالتي هويدا وبهزر معاها وأخفف عنها واخدت منها مفتاح شقتها عشان ادخل براحتي من غير ما ازعجها كنت مبسوطه بجد


بعد يومين

كنت قاعده الصبح في اوضتي بعد ما أخدت قرار مهم في حيااتي 

مسكت تليفوني وفتحت الماسنچر وجبت شات إياس وإتصلت ڤيديو 

فضل يرن وانا متوتره وبجهز الكلام الي هقولو وحاولت كتير مبانش متوتره بعد شويه فتح وظهر وجه شااحب خاسس الهالات مخبيه عيونو 

ابتسمت بهدوء وقولت صبااح الخير 

إياس: صباح النور 

عاصي: يارب تكون بخير 

إياس: لفيت التليفون علي العلاج والمحاليل الي جمبي اهوو زي ما انتي شايفه 

عاصي: لازم يكون عندك اراده عشان تخف 

إياس: بس انا عارف النهايه شايفها من هناا 

عاصي: انا طول عمري عارفه ان ابن خالتي قوي 

إياس: فهمت انتي دلوقتي بتدعمي ابن خالتك مش طليقك

عاصي: نوعا ماا مش دا المهم

المهم اني جمبك

إياس: مكالمتك دي فرقت كتير معايا 

عاصي: احكيلي الجو عندك عامل ازاي ساقعه ولا 

إياس: تلج بس مش تاعبني السقعه اد ماتعبني ان عمري خلاص علي وشك

عاصي: اا فاكر لما كنا اطفال وكان معانا خرطوم مايه وبنغرق الناس الي ماشيه 

إياس بإبتسامه مرهقه فااكر 

عاصي: ولما اهلنا فضلو يدورو عليك كتير وكنت نايم في البانيو 

إياس بيضحك 

عاصي: ولما توهت في الملاهي وخالتي فضلت تعيط 

إياس: كنت شقي 

عاصي: جداا وفجأه ضحكت بصوت عالي طيب فااكر لما اقنعتني انط من البلكونه وقولت هتجبلي شيكولاته 

إياس بيضحك بصوت عالي وكنتي فعلا هتنطي لولا الجيران شافوكي وفضلو يصوتو وانتي بكل ذكاء بتقولي محدش يصرخ انا هنط وهاخد شيكولاته 

عاصي: كنت مفجوعه سيكاا 

إياس: كنت فرحان انك هتنطي وواقف بشجعك 

عاصي: ويومها خالتي ضربتك جامد 

إياس: اي الجديد منا دايما بتضرب بسببك 


عاصي: فضلنا نتكلم كتير ونضحك كتير وفضلت افكرو بمواقف كتير حلوه كان كل همي ينسي تعبو 

واني محسش بالذنب في يوم اني اتخليت عنو رغم ان الحق معايا 

كنت بتفرج علي الصور القديمه واشوف الصور الي مجمعانا انا وهو سواا واحطها علي جنب عشان اوريهالو ونفتكر يومهاا كنا بنعمل اي 


تاني يوم 

عاصي: اتأخرت لي كدا دي تالت مره أرن 

إياس: كنت بظبط نفسي محبتش تشوفيني متبهدل

عاصي: امم انت عامل اي دلوقتي كويس 

إياس: انا مبسوط انك سامحتيني 

عاصي: شوف هو مقدرش اقولك اني ساامحتك بقاا ونسيت الي عملتو وي وي وي 

لكن انا بحاول اخفف عنك جزء بسيط من التعب النفسي 

إياس: مش مهم المهم انك موجوده وبشوفك قويه وبتغيري نفسك للأحسن 

عاصي: النهارده روحت دار الأيتام الي كنا بنروحها سواا 

فاكر الاطفال الي كنا بنلعب معاهم كبرو دلوقتي وخرجو من الميتم وجه مكانهم اطفال تانيه كنت فرحانه معاهم النهارده والمسئولين عن الاطفال سئلوني عنك ولسه فاكرينك ولما عرفو انك تعبان دعولك كتير واتمنو لو يقدرو يشفوك بقوولك اي ينفع ارن عليك فيديو كول وانا هنااك وتكلم الاطفال حكيتلهم عنك وانك في حرب مع مرض كبير وهما حابين يتكلمو معاك ويشوفوك بتعمل اي وبتحاربو ازاي + ان في طفل هناك اسمو ادم مريض كانسر وايامو معدوده وطلب انو يقضيهم مع اصحابو في الميتم ولما حكيتلو عنك قال انو عاوز يبقا شبهك 

إياس: اي الي حكيتيه عني عشان طفل مستني الموت يتمني انو يبقا شبهي 

عاصي: بصيت في الارض وابتسمت وقولت كلام عادي

إياس: محتاج اسمعو يمكن يديني شويه أمل 

عاصي: قولت اني أعرف شاب زي سوبر مان عندو نفس المرض الي عندك بس هو مش خايف زيك 

هو قوي اووي وبيقدر يحمي كل الناس وبيخلي الكل يبقا مبسوط وبيهزر مع كل الاطفال والناس كلها بتحبو 

بيجيب للأطفال الي عندهم نفس التعب داا هدايا وشيكولاته 

وهو قالي: طيب صاحبك هيموت 

عاصي: لا طبعاا محدش بيموت هما بيروحو عند ربنا بس بيبقو معانا وشايفيناا 

ادم: يعني انا لما اموت هشوفك 

عاصي: مسحت دمعه مني وقولت طبعااا وهنلعب سوا كمان انت هتروح عند ربنا يعني في مكان جميل انت بتحب الورد 

ادم: ايواا 

عاصي: هيبقا حواليك ورد كتير ولعب ومراجيح 

ادم: يعني عند ربنا حلو 

عاصي: أحسن مكان ممكن تشوفو 

ادم: طيب صاحبك عندو حبيبه 

عاصي: ايواا عندو حبيبه 

ادم: هي معاه دلوقتي

عاصي: لا مش معاه بس بتدعيلو وبتتمنالو يخف ويبقا مبسوط بتتمنالو حياه سعيده 

اياس: بس كلامك مش حقيقي ياعاصي انا مش كويس كداا ولا في حد بيحبني داا مجرد كلام بتقوليه لطفل عشان تفرحيه

عاصي: كلامي حقيقي انا مش مضطره اكدب انا قولت الي شايفااه وحاساه

إياس بدموع بحبك اووي ياعاصي 

عاصي: بتمسح دموعهاا ششش الرجاله مبتعيطش 

إياس بيضحك ويمسح دموعو 


عدي يوم وراا يوم بيتكلمو كتير وعاصي بتخفف كتير عن اياس وبتحاول تسهل الحياه عليه خاصتاا ان يوم عن يوم بيدبل وملامحو بتدل علي ان النهايه قريبه 


اياس: النهارده عاصي مرنتش علياا ياتراا هي كويسه هرن عليهاا وبعد وقت فتحت عليه

عاصي بدمووع ماات يا إياس 

إياس: ادم 

عاصي: شوفتو مات قداامي كنا بنتكلم سوااا وفجأه مات علي دراعي 

إياس: صوت عياطها زااد وكانت منهاره وكأن ادم دا قطعه منهاا تخيلت لحظه معرفتها اني خلاص موتت فهمت دلوقتي هي ليه مكانتش عاوزه تبقا معايا هي خايفه اموت قدامهاا وساعتها هتنهار اكتر حمدت ربنا انها رفضت تكون معايا 

اياس: عاصي اهدي وحاولي تنامي شويه هو اكيد ربنا ريحو من الي فيه 

نمت بعد عياط كتير مبحبش اشوف حد بيموت قداامي انا دايما بخاف من الخساره 


إياس: لما نامت فضلت اكتب ليهاا مسچ عشان خلاص الوقت مش ملكي 


عاصي حقيقي بعتذرلك عن كل لحظه وحشه خليتك مريتي بيهاا كنت اناني ومعاكي حق رجعت متأخر عشان احاول اصلح الي اتكسر ندمت فعلا اني بعدت عنك وسيبتك انتي الحاجه الحلوه الي كانت في حياتي وفكرت بأنانيه ومأخدتش رائيك وبسبب قرار غلط فضلت بقيت عمري وحيد وهموت وحيد ولوحدي بس انا مش زعلان منك انا بعتذرلك واتمني تعدي الصعب وتقدري تسامحيني من قلبك اتمني لو كان معايا شويه وقت واقدر اشوفك مسمحاني اتمني لو كنت حضنتك مره واحده بس اتمني لو كنت معاكي خلي بالك من ماما ولما تسمعي خبر موتي خليكي جمبهاا وواسيها اكيد هتبقا تعبانه مش عارف انتي هتتأثري وهتبقي بنفس حالتك دي لما ادم مات ولا لا بس انا متقبل اي حاجه ومسامحك وعاذرك 


... بحبك ياعاصي...


لما فتحت تاني يوم لقيت منو رساله خوفتني رنيت عليه وقلبي بيقع مع كل رنه يعني خلاص كداا رااح 

للنشر  والإعلان والتواصل معنا

         اضغط هنا

   عاصي

عاصي بتتنهد الحمدالله 

إياس: خوفك علياا دا أحلي حاجه في حيااتي 

عاصي: ليه بعتت المسچ دي 

إياس: بقولك الي جواياا 

عاصي: هتبقا كويس 

إياس: متأكده اني هبقي كويس بالدموع الي في عيونك دي بخوفك اني مش هرد اصلا 

عاصي: ااا بقولك اي تعالا نلعب 

إياس: موافق 

عاصي: انا هقولك اسم شخص وانت تقول بيعنيلك اي بكلمه واحده بس

إياس: تمام 

عاصي: هويداا 

إياس: حياتي 

عاصي: جمال 

إياس: سندي 

عاصي: إياس

إياس: ندل 

عاصي: رحمه

إياس: أمي التانيه

عاصي: عاصي

إياس: محبتش ادهاا 


يوم وراا يوم ولسه عاصي بتخاف وهي بترن عليه ميردش 


عاصي: بابا انا هنزل شويه مع صحابي 

جمال فضل باصص لعاصي بنظره مش مفهومه 

عاصي: حبيبي انت كويس 

جمال: انزلي ياحبيبتي متتأخريش 

عاصي بعدم فهم بابا انت عاوز تقولي حاجه 

جمال: بحبك اووي يانور عيني 

عاصي: بابا في اي إياس..؟

جمال: لالا اياس كويس والله مكلمتوش 

عاصي: ماشي ياحبيبي 

جمال بيحضنهاا جامد 

عاصي خايفه يكون مخبي عنها حاجه 

رحمه عاصي ياحبيبتي متتأخريش هتوحشيني 

عاصي ماما في اي انا مش هنزل انا خايفه 

جمال بإبتسامه تخافي من اي عشان بنحبك يالا انزلي ولما تيجي هغلبك دور كوتشينه

 هدخل انام شويه عشان افوق بليل

رحمه: وانا كمان هاجي انام جمبك ساعه وبعدين نصحي واصحي عيالك الاتنين ونتغدي تكون عاصي جت

عاصي بإبتسامه تمام ياحبيبتي بااي 


عاصي نزلت وقابلت صحابهاا وقضو شويه وقت حلو سواا 

عاصي: يالا همشي انا بقاا عشان اهلي مستنيني ع الغداا 

صحابها: تمام نتقابل الاسبوع الجااي 


تليفون عاصي بيرن 

عاصي: ألو إياس لسه كنت هكلمك 

...البقااء لله 

عاصي: اييه 

...الجثه هتكون في مصر بكره 

عاصي بدموع إيااس يارب مكنتش قادره اشوف الطريق بسبب الدموع كنت عارفه ان اليوم داا جاي وكنت بجهزلو بس صعب اووي قعدت في مكان في الشارع وحسيت ان الوقت بيمشي بالبطيئ كل ذكرياتنا بتعدي قداامي 

خالتي 

قومت من مكاني وركبت تاكس وروحت علي بيت خاالتي اكيد كلموهاا وهتبقا منهاره لازم اكون معاها 

نزلت تحت العماره بتاعتها وجريت ع السلم وطلعت فتحت الباب بمفتاحي ودخلت لقيتها قاعده ع الكرسي المتحرك بتاعها بصالي ومبتسمه جريت وقعت تحت رجليها وفضلت اعيط في حجرها 

عاصي: خاالتي مات ياخالتي راح خلاص مش رااجع تاني انا كنت عارفه انو رايح بس مقدرتش استحمل

 خبر موتو كسرني كان عندي امل صغير اووي بيقولي هيعيش بس رااح 

 ‏فوقت واني كداا بتعبها مش بخفف عنهاا مسحت دموعي وبصتلهاا كل حاجه هتبقي كويسه ياحبيبتي هو ارتاح دلوقتي صح متعيطيش ياخالتي عشان خاطري ادعيلو تعالي ندعيلو 

 ‏خالتي خالتي هزيتها لقيت راسهاا ميلت قومت مخضوضه فضلت مبرقه ومش مستوعبه خاالتي 

 ‏لااااا ياخالتي لااااا متمشيش انتي كمااان كفايه هو قوومي

 ‏الناس اتلمت علي صوت عاصي وفضلو يبعدوها عن خالتها وغمضو عيونها 

 ‏عاصي بعيااط خاااالتي 

 ‏ست من الجيران: اشربي مايه ياحبيبتي ربنا يرحمهاا ادعيلهاا 

 ‏هديت شويه عشان اقدر ارجع البيت مش عارفه هقدر اقول لماما ازاي الخبرين جسمي كان بيرتعش نزلت من بيت خالتي ركبت تاكس وفضلت اعيط لحد ماوصلت نزلت 

 ‏وطلعت علي السلالم وفجأه لقيت رجلي مش قادره تشيلني وقعت علي السلم عيطت اكتر وطلعت وقفت قداام الباب اطلع المفاتيح

 ‏ دي دي ريحه غاااز 

 ‏فتحت بسرعه لقيت الشقه كلهاا غاز واخويا مرمي قداام البلكونه ملحقش يفتحها 

 ‏دخلت بصدمه فضلت اجري في الشقه وفتحت البلكونه 

 ‏ريحه الغاز كانت قويه خرجت البلكونه بسرعه اخدت هواا نضيف فضلت اتنطتت مكاني واصرخ مش عارفه اعمل حاجه 

 ‏فتحت الشبابيك وشباك اوضت نوم بابا وماما الي مكنوش بيتحركو من مكانهم فضلت اصرخ وانادي وكاتمه مناخيري من الريحه 

 ‏قومووووو باباااااا مامااااا متسبونيييش 

 ‏فضلت اخرج راسي في الشباك واجري اهز فيهم واشدهم مفيش استجابه الجيران دخلو يفتحو البيت كلو ويحاولو يفوقو اي حد لكن مفيش استجابه 

 ‏فضلت احضن في بابا واشد فيه عشان يقوم لكن مردش عليااا 

 ‏فضلت اجري من اوضه ل اوضه ل اخويا داا لاخويا التاني لأوضه بابا لحد ماحستش ب اي حاجه غير وانا في المستشفي 

 ‏الدكتور انتي كويسه 

 ‏عاصي بعيااط قولي اهلي كويسين صح هما كويسين 

 ‏الدكتور: البقاء لله شدي حيلك 

 ‏عاصي: لااااا ليييه لاااا يارب خليهم معايا انا مقدرش اعيش من غيرهم ااااه يا بابا يا ماما ياخالتي

 ‏سبتوني ليه إيااااس 

 ‏الممرضه واقفه قدامهااا اهدي يامدام مش كداا 

 ‏

 ‏الله وأكبر الله وأكبر 

 ‏مش مصدقه ان قدامي نعش

 ‏بابا وماما واخواتي الاتنين وخالتي وإياس 

 ‏ليه انا مش معااهم ليه سابوني لوحدي 

 ‏الشيخ: بيخلص صلاه وبيبص للناس شيلوهم

 ‏

 ‏قدام قبرهم كنت واقفه حاسه اني روحي بتنسحب كنت حاضنه قبر بابا وبعيط بعدوني عنهم ودخلوهم الترب 

 ‏عاصي: بابااااااااااا 

 ‏

 ‏لولولولولولولولوي 

 ‏عاصي بتقوم مفزوووعه 

 ‏رحمه: صباح الخير ياعروسه 

 ‏عاصي بتتقلب يمين وشمال انا انا كنت بحلم 

 ‏جمال: يالا عشان هتتأخري علي الكوافير ياحبيبتي 

 ‏اخو عاصي مش مصدق ان النهارده فرحك هنخلص منك اخيرااا 

 ‏

 ‏عاصي: هاااا 

 ‏إياس بيدخل يعني انا جااي من بدري وجاهز عشان اوديكي الكوافير وصحابك قاعدين تحت في العربيه وانتي لسه صااحيه 

 ‏

 ‏عاصي: انا مش مصدقه معقول كل داا كان كابوس النهارده فرحي انا وإياس يعني هو مسابنيش اهلي مماتوش الحمدالله يارب... 

 ‏

 ‏

 النهايه... ♥ 


#روقه

                 ♕بقلم يارا غزلان♕

اسكريبت

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -