ستعجبك

رواية بنت الأصول الفصل الثاني

 






حصرياً على المجد للقصص والحكايات


 الكاتب عمر يحيي



رواية بنت الأصول 

#البارت___الثاني




_

====== ====== ======

راح قررب احمد باتجاه الباب واستقبل علي و هدى وسلم عليهم ...... 


أحمد

ازيك ياهدي ..... عاملة ايه ..... ؟


هدى

الحمدلله بخير ..... وانتا عامل ايه يا استاذ احمد .....


أحمد

بتمتمة ..... اممممم استاذ ? ..... الحمد لله انا بخير ...... تسلمي يا آنسة هدى .....


أحمد 

وانتا ازيك يا علي ...... نووورتوني يا جماعة .....


علي 

الحمدلله تمام يا صاحبي ......البيت منور بصحابه يا ابو حميد ..... مبروك علينا الصفقة ياصاحبي وربنا يوفقنا .....


احمد

الله يبارك فيك ياعلي ...... مانتا ليك دور برضه في التعب ده والصفقة صفقتنا سوى ...... اتفضلوا ادخلوا جوه ياجماعة ...... 



_ _

وفضل احمد يتكلم معاهم ..... وبوسط الكلام بدأ بتكلم مع هدى واخدهم الكلام لحد ما علي نده على احمد .....


علي 

احمد تعالا شوية ...... فلان بيه وصل .....


?اتغير وش احمد أول ماشافه واستأذن من هدى وراحله ....


احمد

انتا ايه اللي جابك هنا ..... امشي اطلع برا ..... واحمد كان متعصب وغضبان جدا لما شاف الشخص ده وكان شعلت نار تقريبا ..... وهنعرف سبب كره احمد للشخص ده في الايام الجاية ما تستعجلوش لانه يعتبر اكبر منافس له في السوق واكبر اعداءه ..... 


الشخص 

اهدى يا احمد بيه انا جاي اباركلك على الصفقة الجديدة معقول تقابل ضيوفك بعصبية وغضب كده .....


احمد 

قبض ايده من الغضب ووشه كان مليان شر ..... قولت امشي اطلع بره بالوقت حالا ..... لاما مش هيحصل طيب .....


علي 

اهدى ياحمد مش كدة خلي الحفلة تعدي على خير ....


احمد 

تمام يا علي ..... خلاص هاهدى بس الشخص ده يطلع من هنا فورا ..... 


علي 

يتحدث للشخص ..... لو سمحت من فضلك روح من هنا انتا عارف احمد وعصبيته ..... فلو سمحت بلاش خناقات ومشاكل اتفضل من هنا .....


الشخص 

تمام ..... تمام ..... انا كده كده هامشي ..... بس صدقني هنتقابل كتير يا احمد باشا .....



_ _ _

عند هدي كانت واقفة بتراقب الوضع من بعيد ومستغربة ايه كمية الكره اللي بين احمد والشخص ده ..... فراحت تتكلم مع علي اخوها وتساله عن السبب .....


هدى 

في ايه بينهم ياعلي ..... ايه الحكاية ..... وليه احمد والراجل ده بيكرهوا بعض كده .....


علي 

دي حكاية طويلة هقولك عليها بعدين خلينا بالحفلة دلوقتي تمام .....


هدي

والفضول هياكلها ..... ماشي تمام ياخويا ..... 



عند احمد وغضبه الكبير ده ..... و هدى بصت عليه وقالت اروح اكلمه يمكن يهدى شوية ده عصبي اوي .....


هدى 

ندهت علي الجرسون ...... جرسون ..... جرسون ..... لوسمحت هاتلي عصير ليمون .....


الشاب 

امرك ياهانم ..... وجابلها العصير عالفور .....


اخدت هدي العصير وراحت لعند احمد اتفضل العصير ده هيهديك اتفضل واهدى شوية .....


احمد 

بصلها شوية ..... واخد العصير منها ..... وهو بياخده لمس ايدها وبص بعيونها ..... وشكرها على اهتمامها ...... ميرسي يا هدي ......


هدى

اتكسفت جدا منه ..... ووشها جاب ألوان و بقى احمر من الكسوف .....


احمد

اقولك حاجة بس ما تفهمنيش غلط ..... 

انتي بصراحة جميلة اوي ياهدي ..... جميلة في شكلك واخلاقك وزؤقك ورقتك .....


هدي

اممممم بخجل ..... ههه ☺️ شكرا على ذوقك يا احمد بيه .....


احمد

ما بلاش بيه وباشا واستاذ دي ..... خليكي زيي كده .....


هدى 

باحراج ..... وتلعثم ..... حاضر يا احمد .....


احمد

ياااه ..... حلوة احمد دي منك اوي .....



_ _ _ _ _ 

وعدى الوقت واحمد وهدي بيتكلموا وبيحكوا .....


علي :

مش يالا بقا ياهدي يادوب نوصل ده احنا كدة اتاخرنا اوي .....


هدى 

حاضر يا علوة ..... يالا .....


احمد

ايه ياعلي عاوز تمشي بدري ليه كدا .....


علي 

بدري ايه ياعم احمد ده الساعة قربت علي واحدة يادوب كدة نلحق نروح وننام ساعتين ..... يالا بقا بكرة اشوفك ياصاحبي سلام .....


احمد 

طب استنى أوصلكم لبره طيب ..... ووصلهم لبرا .....


علي

طب دقيقة ..... هاجيب العربية دقيقة بس .....


احمد 

وهو واقف جنب هدى ..... اللي مستنية اخوها يجيب العربية من الجراج ...... ممكن اطلب منك طلب بس مكسوف شوية واترددت اقولهولك واحنا بنحكي جوه ..... 


هدي 

اطلب يا احمد ..... احنا بقينا اصحاب واخوات خلاص ..... ماتتكسفش ......


احمد 

ممكن رقم موبيلك ..... عشان لو حبيت اطمن عليكي ..... او اراسلك عالواتس ..... ونتعرف اكتر .....


هدي 

اه اوي اوي ..... عادي مافيش مشكلة ..... دقيقة اكتبهولك ..... وكتبتله رقمها على موبايله ..... ده رقمي وعليه الواتس بتاعي كمان ..... وهابعتلك اللينك بتاع صفحة الفيس ..... 




و بوسط كلامهم ..... علي جه بالعربية وركبت هدى وودعهم احمد وكان فرحان اوي ..... لانه اللي خططله جه بفايدة وحصل اللي هو كان عايزه ..... واتقرب من هدى واتعرف عليها وكمان اخد رقمها ..... وجلس عالانتريه وبعتلها رسالة عالواتس مصحوبة بغزل .....

_مساء الورد للورد 

_احمد ..... بيمسي على الأميرة دودي☺️ ......


وصلت هدى البيت ودخلت اوضتها ..... وهي بتغير ملابسها للبس النوم ..... موبايلها جاله اشعار برسالة عالواتس ..... فابتسمت بخجل ..... وترددت في الرد ..... 


احمد 

لما شاف انها شافت رسايله وما رديتش 

فقرر يتجرأ ويتصل بيها ☺️...... 


بعد دقيقة فون هدى رن ..... فبصت على الفون لقته احمد .....


هدى

اترددت انها تفتح ..... لكن مع تكرار اتصاله قررت ..... تفتح وترد لكن لم تنطق بحرف وظلت صامتة ..... 


احمد

الوووو ..... لما لاقيتك ما رديتيش ..... قولت اتصل عليكي ..... طيب وصلتي البيت ولا لسه ......


هدي 

بتردد ..... ايوا وصلت .....


أحمد 

حمدلله عالسلامة ..... ياااهدى


هدى

بكسوف ..... تسلم يا احمد .....


احمد 

هدي ....


هدى

نعم يا احمد ..... 


احمد 

هو انا ممكن اشوفك بكرة .....


هدى

بتلعثم ممكن ... مش عارفة ... طيب ..... 


احمد 

طيب انا هاستناكي بكرة عالكورنيش ان شاء الله .....


هدى 

تمام ..... يا احمد ..... بس مش عاوزة تأخير ..... 


احمد 

تمام

احمد 

تمام ..... انتي تؤمري ياقمررر .....



احمد

هدي عارفة انا ارتحتلك من اول مرة شوفتك فيها ..... وحسيت في شئ بيجذبني ناحيتك ..... لانك بصراحة انتي جميلة ورقيقة اوي .... فانا اول مرة احس احساس كده .....


هدى

احساس ايه يا احمد مش فاهمة .....


أحمد 

احساس اني مش قادر ابطل تفكير فيكي كأني اول مرة أعرفك ..... انا وعلي اصحاب من زمان وكنت باشوفك احيانا قبل ماتسافري وترجعي ..... بس بصراحة ولا مرة شوفتك زي ما شوفتك يوم عيد الميلاد ..... كنتي كبيرة وجميلة كالأميرات ..... يومها بس حسيت بحاجة غريبة شدتني ليكي .....


هدي تسمع في صمت وسكات وبفاه مفتوحة من المفاجأة ?..... وخجل تسبقه بلاهة ..... ولا تتفوه بحرف.....


احمد 

هدى ..... هدى ..... انتي ما بتتكلميش لييه ..... ؟


هدى

هااا ..... باسمعك يا احمد معلهش اسفه ..... 


احمد

طيب ايه ..... ما فيش ردت فعل خالص ولا ايه ...... ؟


هدى

ردت فعل ازاي يعني ..... مش فاهمة قصدك .....


أحمد 

يعني قولي اي حاجة ..... قولي مثلا وانا كمان ارتحتلك ..... او اي حاجة المهم اتكلمي عاوز اسمعك .....


هدى

يعنى هو اناااااا ......


أحمد 

هااا ..... انتي ايه ...... ؟


هدى

اناااا ...... زانا كمان ارتحتلك يا أحمد ....


أحمد

نعم ..... ارتحتيلي بس يا هدى ..... ؟ ؟


هدى

هااا ..... لا وحسيت برضو نفس احساسك ......


أحمد 

ازاي ..... حسيتي نفس احساسي ..... احكي .... عاوز اسمعك


هدى

نفس احساسك يا حمد ..... 


أحمد 

هدي ..... هدى ..... انا معجب بيكي ياهدي ..............


هدى 

نعم ...... ايه? ......


أحمد 

ايه سكتي ليييه ...... هو كلامي ضايقك ولا ايه يا هدهد ..... 


هدى

ها لا ما اتضايقتش ولا حاجة ..... بسمعك بس ....


احمد 

طب انتي معجبة بيا ولا ايه ......


هدي 

اناااا ..... هو انا يعني ارتحتلك واااااا اعجبت بيك ..... و

تصبح على خير بقا ☺️☺️☺️...... 


احمد

بتهربي مني يعني .... طيب ماشي ياهدهدتي ..... هتروحي مني فين ......يالا تصبحي على خير ياقمررر .....




هدي قفلت واترمت على السرير وكأنها في عالم تاني ..... بتفكر ايه اللي بيحصل ده ..... وبتسأل انا ليه بتشد اوي ناحيته كدة ..... وليه فرحت اوي كدة لما قالي معجب بيكي ..... معقول يكون ده اللي بيسموه حب من اول نظرة ..... وفضلت تفكر لحد ماغلبها النوم .....


عند احمد ..... قفلت هدي معاه هو كمان كان بيفكر ..... معقول حبيتها بالسرعة دي ..... معقول تكون فعلا هي حبيبتي ونصيبي وفضل برضو يفكر لحد ما اخد النوم .....


وفي الصبح صحي احمد كعادته وجهز نفسه وراح شركته وطول الوقت هدي شاغلة كل تفكيره ......


وعدى يومه كالمعتاد شغل واجتماعات ووو .....


عند هدى ..... صحيت من نومها و اخدت شاور وغيرت هدومها ونزلت ..... بس وشها ونشاطها مختلف عن كل يوم ..... في تغيير بسيط كده ..... وامها وعلي لاحظوا عليها ده .....


علي

بغمزة ايه ..... هدي ايه ده ..... ايه ده .....


علي 

ايه ياجميل ..... شكلك مبسوطة اوي .....


هدى

مبسوطة ازاي يعني ..... ما انا كل يوم بنفس الشكل ..... في ايه ياعلي مركز معايا ليييه يابني كده ..... طيب تعالى افطر ياعلي ..... ويالا وروح شغلك عشان ماتتاخرش .....


علي

تمام ياست هدي بس اكيد هاعرف سبب التغيير ده ايه .....


أحمد

طب يالا ياخفة علشان ما تتاخرش على شغلك ......



الام

ايه ياعلي مالك على ..... اختك هدي زي كل يوم ..... بس النهاردة وشها منور شوية ... وغمزت لهدي ..... 


هدي

انتي كمان ياست ماما ..... طيب يالا بقا ده انا اتاخرت علي شغلي علفكرة ..... يالا سلام .....


علي 

استني يابت ما احنا هنخرج مع بعض ولا نسيتي ...... اه مش بقولك متغيره ......


هدى

يووووه ياعلي بطل رخامة بقا خلصنا يالا .....


علي

طيب طيب يالا سلام ياحلي ام ......


الأم 

سلام ياولاد خلوا بالكم من بعض .....


علي 

حاضر ياست الكل سلام .....


وخلصت هدي يومها كالمعتاد زي كل يوم .....

هدي يااااه كان يوم متعب بجد .....


الموبيل رن 

هدى 

احمد ازيك ......


أحمد 

الحمدلله ..... و انتي عاملة ايه ..... ؟


هدى

انا الحمد لله .....


احمد 

على ميعادنا يا هدى زي ما قولتلك .....


هدي

ايوا حاضر ان شاء الله .....


أحمد.

طيب هاستناكي عالساعة ..... و في المكان .....



يا ترى هيحصل ايه ما بين احمد وهدى .... وهانشوف ايه مع غيرهم ..... وايه اللي هيجد علينا في قصتنا ..... ومين الشخص اللي جه الحفلة واتعصب عليه احمد ..... هذا ما سنعرفه في الحلقة المقبلة ان شاء الله ......

فانتظرونااااا ......

والسلام عليكم ورحمة الله وبركاته 

تحياااااتي ......❤

اسكريبت حكاوي اخر الليل 


#بقلمي 


عمر يحيى

الفصل الثالث

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -