رواية موسى الجزء جزء الثاني الفصل الاخير بقلم فريده الحلواني

رواية الجواز بسبب الميراث الفصل الاول والثاني بقلم هويدا زغلول 

 الجواز بسبب الميراث الحلقه الاولى بقلم هويدا زغلول

رواية الجواز بسبب الميراث الفصل الاول بقلم هويدا زغلول 

رواية الجواز بسبب الميراث الفصل الاول

سعاد _ هوااا يا خالتي عايزني امشي من داركم يوم صبحيتي كيف يعني عايزه الناس تاكل وشنا 

الحما _ لو مش عجبك الكلام ده  يا بنت خيتي 

خلاص خلي امك تتنازل ليا عن الميراث كله لي 

وقبل ما نبدا الحكايه اعرفكم بنفسي أنا سعاد 

بنت أمام جامع بلدنا وفي يوم كنت قاعده قدام 

درانا بخبز ولقيت امي خارجه وبتقولي 

الام _ بنت يا سعاد بيشوف الوكل 

 اللي على النار ستك تعبانه ولازم اروح دارها اشوفها

سعاد _ قولتلك كام مره هاتيها تقعد معانا هنا في دارنا عشان تبقى تحت عينينا

الام _ ما انت عارفه مش عايزه مشاكل مع خالتك نبويه ابقي شوفي الوكل بس 

وبعدها مشيت وشويه وجالنا الخبر أن ستي 

راحت 

وامي كانت قاعده في العزا زعلانه وجت خالتي 

نبويه _ شوفت يا واد يا سعيد خالتك عامله ازاي ان هي زعلانه على ستك

سعيد _ على فكره هي اما خالتي طيبه جدا بس مش عارفه ليه انتي اللي عامله كده

نبويه _ اخرس يا واد انت مش عايز اسمع صوتك خالص وبعد العزا راحت خالتي أقعدت جمب امي 

الخاله _ من بكره الصبح هنبيع البيت ده وكل واحد هنا هياخد حقه 

الام _ معقول يا نبويه عايزه تبيعي بيت امك من تاني يوم ازاي يعني 

الخاله _ والله يا حبيبتي انا محتاجه فلوس مش زيك على قلبي قد كده جوزي راح وسايبلي فلوس زيك 

الام _ طب اسمعي بقى امك قبل ما تروح كتبتلي البيت ده باسمي وقالت ان هو هيكون لبنتي سعاد 

الخاله _ طبختيها انت وبنتك لا بقولك ايه ده انتي ما تعرفينيش ده انا هاخد حقي ثالث ومتلت 

الام _ يا حبيبتي في ورق وعقود تثبت الكلام اللي انا بقوله ليكي  ده وفي الوقت ده انا خرجت 

وقفت جمب الدار ولقيت سعيد جه جمبي وقال

سعيد _ كنت خايف ان ست تروح علشان المشاكل اللي هتحصل ما بين امي وامك ولقيت المشاكل هتزيد 

سعاد _ اوعى سعيد تقولي ان بسبب المشاكل دي انت مش هتيجي وتتقدم ليا انت ما تعرفش انا بحبك ازاي 

سعيد _ الكلام اللي انت بتقوليه ده ده لولا خبر ست جلنا انهارده انا كنت هتكلم مع أمي  في الحوار ده 

سعاد _مع اني عارفه ولا امك هتوافق ولا امي كمان هتوافق بس نفسي النفوس تهدى ما بينهم 

سعيد _ سيبيها على الله وادخل يلا ما ينفعش تقفي في الشارع في وقت ازاي ده 

وتاني يوم صحيت وكنت نيمين في دار 

ستي وقولت 

سعاد _ اصباح الخير يا اما هو احنا هنفضل

هنا لحد أمتي انا عايزه ارجع درانا بقي 

الام _انسي دارنا دي خالص احنا خلاص هنعيش هنا ببيت ستك 

سعاد _ ياما انا مش عايزه مشاكل مع خالتي بصراحه كده انا بحب سعيد وهو كمان بيحبني وعايزين نتجوز ، وفي الوقت ده امي قامت وقالت 

الام _ بتحبي مين سعيد ابن نبويه ده لا يمكن يحصل ابدا يابنتي ده مش بيحبك ده بس طمعان فيكي

سعاد _ لا يا امي مش طماعهم في ايه انا عارفه كويس قوي ان هو بيحبني ده كلمني من قبل ما يعرف ان ستي كاتبه ليا الدار

الام _ اسمعي كلامي كويس قوي يا سعاد وبعدي عن سعيد 

سعاد _ مش يمكن ياما لما اتجوز انا وسعيد المشاكل  اللي بينك وبين خالتي تهدى

الام _ كلامي خلاص يا سعاد واعملي حسابك لو شفتك واقفه مع سعيد ده ثاني مش هيحصلك كويس ، وبعدها خالتي كانت قاعده في دارها 

كان دار صغيره ودخل سعيد وقال 

سعيد _هو انا عايزه اعرف ياما اشمعنى ستي كتبت الدار لخالتي ومش كتبتلك انت حاجه واصل 

مع امك كنتي يعتبر عايشه معاها 

الام _ علشان اتجوزت ابوك عرفت بقى ليه هي مكانتش بتحب ابوك

سعيد _ معقول هو ده السبب المهم طلعيني انا وسعاد من مشاكلكم احنا الاتنين بنحب بعض ومش عايزين مشاكل 

الام _ برده هيقولي حب يا ابني اسمع كلامي بس واعمل اللي قولتلك عليه وبكره هجوزك ست ستها 

سعيد _ لا يا امي انا يمكن اعمل دار في دماغك ده وانتي حره انتي وخالتي هي ملهاش ذنب 

الام _ ماشي يا سعيد هنشوف كلمه مين 

اللي هتمشي في الدار ده وبعدها 

خرج واتقبنا 

سعاد _ صحيح الكلام اللي انا سمعته ده امك مش هتحضر العزاء النهارده طيب علشان شكلنا 

قدام الناس 

سعيد _ اسمعي الكلام اللي جاي اقولك عليه 

لازم احنا لازم تكتب كتبنا ولازم نحط امي وامك قدام الامر الواقع 

رواية الجواز بسبب الميراث الفصل الثاني بقلم هويدا زغلول 

الجواز بسبب الميراث

الحلقه الثانيه

بقلم هويدا زغلول

وفي الوقت ده سعاد قالت 

سعاد _ لا انا مقدرش اعمل في امي كده دي ممكن يحصلها حاجه شوف حل تاني يا سعيد 

سعيد _ هو ده الحل الوحيد قولتي ايه 

بجد انا خايف تروحي مني.ومقدرش اعيش من غيرك 

سعاد _ طيب اديني فرصه تانيه اتكلم فيها ما امي حتي 

سعيد _ ما فيش فرصه تانيه هتيجي معايا دلوقتي نروح نكتب كتابنا يا اما كل واحد هيروح لحاله اختاري بقى وفي الوقت ده انا مكنتش عارفه اعمل اي وقولت ليه 

سعاد _ طيب يا سعيد اصبر انا جايه معاك

وبعدها فعلا كتبنا الكتاب وروحنا بيت امي 

الام _ اللي جابك مع بنتي يا سعيد مش قولتلك انت في حالك وهي في حالها وانتي يا بنت انتي خشي جوه وقولتلك ما لكيش دعوه

سعيد _ اهدي بس يا خالتي سعاد جايه تاخد هدوم علشان نروح بيت امي اصل انا وهي خلاص كتبنا الكتاب 

الام _ عملت في امك كده كتبت كتابك عليه ازاي يا سعاد حرام عليكي يا بنتي عملتك ايه عشان تعملي فيها كده

سعاد _ قولتلك يا امي خليني اتجوز وانا مش هقدر اعيش من غير سعيد 

الام _ عملتها يا سعيد عارفه ان دي فكره امك بس برده ازاي تعمل كده ف بنت خالتك 

سعيد _علشان تعرفي ان انا مش عايز مشاكل انا ممكن اسيبها النهارده بس تخلي فرحنا الخميس الجاي قولتي ايه اهي هتتجوز قدام الناس كلها

الام _ فرح ايه اللي هيكون الخميس الجاي ده 

ستك لسه رايحه انت عايز اهل البلد يكلوا وشنا 

سعيد _ والله يا خالتي قدامك للخميس الجاي يجيب فستان واجي اتجوز سعاد يا اما هاخدها ونمشي ، انا ماشي ، وانا قربت من امي. وقولت 

ليها 

سعاد _سامحيني يا امي بس انا كنت خايفه سعيد يروح مني بجد انا بحبه قوي ما اقدرش اعيش من غيره

الام _ ادخلي اوضتك ما تخرجيش منها خالص لحد يوم الخميس الجاي ومن بعدها مش عايزه اشوف وشك تاني * وفي بيت خالتي دخل 

سعيد وباس أيدها وقال 

سعيد _ انتي تؤمري وانا انفذ ياما اللي انتي عايزاه كله حصل كتبنا الكتاب وخلاص الفرح هيكون الخميس الجاي

الخاله _ امال هي فين مش انا قولتلك تكتب الكتاب وتجيبها على هنا يا ابني

سعيد _ سيبيني اخطط وانفذ انا ما تخافيش ابنك هيجيبلك حقك ثالث ومتلت 

الخاله _ تسلملي يا ابن عمري عارفه ان انت قدها وقدود يا واد وهتعملي كل اللي انا عايزاه

سعيد _ اللي تشوفي يحصل يا امي والله ما تعرفي انا فرحان بفرحتك دي ازاي 

وجه سعيد يوم الاربع ومعاه فستان الفرح 

سعيد _ خذي يا سعاد الفستان ده عايزك تكوني احلى عروسه في البلد يوم الخميس الجاي

سعاد _ مش هنعمل فرح ايه سعيد علشان خاطر ستي انت عارف ماما كانت بتحبها ازاي

سعيد _ بقولك ايه يا سعاد من اولها كده مبحبش اللي يقولي لا انت سامعه ولا ايه وكفايه قوي احمدي ربنا ان انا سبتك في بيت امك لحد ميعاد الفرح

سعاد _ اللي تشوفه حاضر هعمله بس برده مش عايزاني ازعل ماما مني اكتر من كده بلاش فرح كبير 

سعيد _ اول مره اشوف عروسه مش عايزه تفرح معقول عالعموم هعملك اللي انتي عايزه يا قلبي هتكون حاجه كده علي الضيق

وجه يوم الفرح وامي كانت قاعده عامله 

تعيط ودخلت خالتي عامله تزغرط 

الام _ بس بس مش عايز اسمع صوت خدوها ايه واخرجوا ما فيش زغاريط هتحصل في البيت ده

الخاله _ معقوله في حد يقول كده يا ام العروسه بدل ما تسلميني بنتك بايدك تقوليلي الكلام اللي انتي بتقوليه ده

الام _ بنتي خلاص راحت ام جدتها ما مشيت والحمد لله شكلي بقى كويس قدام الناس كلها خديها وامشي 

الخاله _ الموضوع لسه ما خلصش ما بينا وحقي انا هاخده منك ثالث ومثلث وهتشوفي وبعدها

مشينا من البيت عند امي وروحنا بيتنا 

الخاله _ تعالي يا عروسه خشي اوضتك يا رب تعجبك وبعدها بصيت فيها لقيتها مليانه فراخ 

سعاد _ ازاي يا خالتي هبات في الاوضه دي مع الفراخ هو ما فيش اوضه ثانيه

الخاله _معلش يا حبيبتي اعمل ايه في اختي اللي منها لله واخده حقي كله والبيت زي ما انتي شايفه ما فيهوش الا اوضتين اوضه ليا واوضه ليكوا هقعد الفراخ فين 

سعاد _ وهو انت موافق على الكلام ده يا سعيد هبات انا والفراخ في اوضه واحده يوم فرحي 

سعيد _ من على طول ببات معاهم مش حاسس بمشكله يعني عدي الليله بقى يا سعاد

المهم اننا نكون معاه بعض وبعدها دخلت لقيت الاكل عيش وجبنه 

الحما _ معلش يا حبيبتي انا عارفه ان الاكل بسيط بس نعمل ايه لامك بقى انتي عارفه ان العشا بيكون على ام العروسه بس انتي عارفه امك بخيله

سعاد _امي عمرها ما تكون البخيله يا خالتي ولولا الطريقه اللي انا اتجوزت بيها كانت جابتلي احسن عفش واحسن اكل 

الخاله _ ما انا عارفه حبيبتي يلا الف مبروك يا حبايب قلبي لما اخرج انا بقى لو عوزت حاجه ابقى كلمني يا سعيد وبعد ساعه خرج سعيد من الأوضه ودخل اوضه أمه 

سعيد _ ينفع الاكل اللي انت جايباه ده يا امي ما انت عارفه ان انا هكون معاها ما كنت عملتي فرخه وانا عملت حاجه

الخاله _ اصبر يا واد وبعدها شالت الملايه من على الصينيه ده انا عامله ليك احلى اكل يا حبيبي خد واتغذى المهم اي 

سعيد _ كل اللي انتي عايزاه حصل لو عايزه تقومي لها بقى قومي واعملي اللي انتي عايزاه خليني اكل بقى

الخاله _ لا مش النهارده حرام الجو قليل والناس تقول علينا ايه خليها بكره 

سعيد _ اضربي على الحديد وهو سخن يا امي

الخاله _ كل حاجه بوقتها وانا عارفه ان البيت هيكون لنا يا حبيبي اصبر بس وتاني يوم صحيت 

لقيت حماتي قاعده في الأوضه قولت 

سعاد _ صباح الخير يا حماتي ايه مالك قاعده كده ليه وفين سعيد امال 

الخاله _ سعيد يا حبيبتي راح على الارض نعمل ايه بقى هيصرف علينا ازاي بس الولد من ساعه ما دخلي الصبح وهو عمال يقول لي انا عايزه اطلقها يا امي مش مرتاح معاها 

سعاد _ يطلقني يوم صباحياتي طيب ليه انا والله ما عملتله حاجه ، وبعدها حصل 

للتواصل 👇👇👇😘

يُمكنك الانضمام لقناتنا على التليجرام

1. الانضمام

يمكنك الانضمام لجروب علي التلجرام 

1. الانضمام

او الانضمام علي جروب الفيس بوك 

1.  الانضمام  

👆👆👆👆

✍️لقراء الفصل الثالث من هنا //// الفصل الثالث

✍️ لقراءه رواية جواز بسبب الميراث كامل من هنا 👇

(((((((((  رواية جواز بسبب الميراث )))))))))

تعديل المقال