رواية فارس الحي الشعبي الفصل التاسع بقلم اميره أسامه
رواية فارس الحي الشعبي بقلم اميره أسامه
رواية فارس الحي ال
شعبي الفصل التاسع
فارس الحي الشعبي
#فارس الحي الشعبي
البارت التاسع..
جريت فريده...اول ما فتحلها الباب.
وفارس.. دخل يحكي كل حاجه لزين وعمر..
زين...حبتها يافارس؟؟
فارس...انا حب لا حب ايه الحكايه مش كده..بس يحني بحميهم مش اكتر.
زين.. واللي بيحمي حد بيتجوزه مافي ميت طريقه تحميهم بيها ولا نسيت انت مين ومعارفك نين. ونسيت ان احنا وراك..واننا مع بعض بميت راجل ولا ايه.. مش ده كلامك.
فارس... عادي يعني.. وانا يعني شايف ان دي انسب طريقه .. عشان احميهم بيها..
عمر... ديما فالموضوع ده بالذات بتحب تكابر ياصاحبي بس المرادي مهما كابرت ومهما حاولت تقنعنا مش هنقتنع عشان باين في عنيك..
فارس.. بيحاول يغير الموضوع.. وقام وقف..
خلاص بقيتو حبيبه وبتعرفو تحللو نظره العين.. يلا ياحبيب منك ليه عالشغل..
عمر... بسسسسس كده احنا صح ادام قفلت عالحوار يبقي احنا صح.
فارس... امشو يلا من ادامي بدل ما ازعلكم.
عمر وزين... ماشي ياعم..
وخرجو .اما فارس فا سرح في كلامهم وسرح في فريده اللي مانت واقفه بين ايديه من لحظات وازاي كان مالكها وازاي كان في عالم تاني بين ايديه..وحاول ينسي نفسه ويكمل شغله لحد ما يكلم رحمه. ضروووووري..
اما عند.فريده.. طلعت وكان باين عليها الارتباك..
رحمه... ايه ياحبيبتي عملتي ايه.
فريده... الحمد لله يامامي عملت الانترڤيو وكله تمام
رحمه... هتبتدي امته شغل.
فريده... كمان خمس ايام
رحمه.. اشمعني.
فريده.. لا ابدا عشان السكرتيره اللي هشتغل بدالها المفروض انها هتتجوز المدير بعد عشر ايام فا لما تاعد عشان تجهز نفسها للفرح انا هبتدي بس هي دي كل الحكايه..
رحمه... طيب ياحبيبتي ربنا معاكي .يلا روحي غيري.. وتعالي عشان ناكل..
فريده.. حاضر..
بعد مده بسيطه من التحضير..رحمه جالها من فارس تليفون
رحمه.. الو ايوه يافارس..
فارس.. مساء الخير يامدام رحمه..
رحمه.. مساء النور ياحبيبي..خير
فارس... هو ينفع اقابل حضرتك الوقت ضروري..
رحمه... في ايه قلقتني...
فارس .. لا مفيش قلق بس حابب اتكلم مع حضرتك في موضوع..
رحمه.. اطمنت شويه وحست انه حاجه بخصوص فريده..
طيب لازم الوقت حالا اصل فريده لسه طالعه حالا وبحضرلهم الغدا.
فارس.. طيب تمام اول ما تكوني جاهزه اديني بس تليفون قبلها وهستناكي علي اول الشارع .بس ياريت متقوليش ادام فريده..كأنك نازله تجيبي اي حاجه..
رحمه.. خلاص اتفقنا.. وقفلت معاه وحضرت الغدا..
رحمه... يلا يافريده انتي وريم الاكل هيبرد..
خرجو البنات واعدو ياكلو ريم اعده تتكلم مع رحمه.. وفريده سرحانه وفي دنيا تانيه..
ريم... مالك ياديدا ساكته ليه .
فريده... لا ابدا.. بس مرهقه شويه نازله من بدري. وعايزه انا م شويه.. فريده.. كانت سرحانه في فارس وفالحصل بينهم وازاي كانت قريبه منه بالطريقه دي ازاي مسكها ازاي ثرب منها وباسها كانت حاسه انها طايره من جواها ريحته مش قادره تغيب عنها البرفان بتاعه اثره لسه في جسمها وفي ايدها.. وشعور تاني التوتر والعربيه اللي كانت هتخبطها ومرضيتش تقولهم عشان متقلقهمش..
ريم... انا كمان هاكل وانام شويه حاسه اني مصدعه جدا..
رحمه... كلو ونامو شويه.. وانا هنزل اروح مشوار..
ريم .. وفريده... مشوار ايه يا مامي.
رحمه... لا مش مشوار اوي يعني بس حاسه اني اتخنقت من اعده البيت هروح السوبر ماركت واتكشي شويه واشوف البيت ناقصه حاجه وهجيبها...
فريده.ماشي يامامي.. انا كلت الحمد لله.. تحبي اساعدك في حاجه قبل ما انام. شويه..
رحمه... لا ياحبيبتي ادخلي. قامت فريده ووراها ريم.. ورحمه شالت الاكل...ودخلت تكلم فارس..
فارس... الوووو
رحمه... ايوه يافارس انا ربع ساعه واكون جاهزه هيناسبك..
فارس.. انا مش ورايا حاجه تقريبا خلصت كل اللي ورايا هستني حضرتك بالعربيه علي اول الشارع..
رحمه... تمام..قفلت معاه ودخلت تلبس وربع ساعه وكانت جاهزه. نزلت رحمه بعد ما اطمنت ان فريده وريم نايمين..
وصلت علي اول الشارع لقت فارس مستنيها فالعربيه..
رحمه.. اتأخرت عليك..
فارس.. لا خالص
رحمه... خير..
فارس.. طيب نروح مكان قريب هنا ناعد فيه.. مش هينفع نتكلم فالعربيه..
رحمه... تمام.
فارس. الاول حد من البنات حس بحاجه ..
رحمه.. لا خالص هما عارفين اني راحه السوبر ماركت.. ودخلو نامو شويه..
فارس.. تمام.. ومشيوووو وطبعا مكانوش واخدين بالهم من العين اللي كانت بتراقبهم وبتطمن انهم بيبعدو... عن المكان...😳😳😳😳
وصل فارس. ورحمه.. لكافيه ودخلو واعدو..
فارس... تشربي ايه.
رحمه.. ولا حاجه يافارس انا مش عايزه اتأخر عالبنات.
فارس... صدقيني مش هأخرك..
رحمه.. ماشي نسكافيه..
فارس.. نادي عالويتر...
الويتر.. اتفضل..
فارس.. واحد نسكافيه وواحد قهوه ساده..
الويتر... تمام.
رحمه.. خير يافارس...
فارس... من غير مقدمات.. اناعايز اتجوز فريده من حضرتك..
رحمه.😳😳😳.
فارس... الموضوع مش محتاج صدمه..
رحمه... مش مصدومه واظن انا سبق وسألتك ليه بتعمل كده مع فريده.. وكنت شاكه بس كنت محتاجه اكد شكي..تخيلتك معجب بيها.بس متخيلتش انك تطلب تتجوزها.
فارس... مدام رحمه.. انا مرضتش اقلك بس اسمحيلي احكيلك..فريده.. انهرده كانت هتتخبط بعربيه.. ومكنتش مجرد صدفه كانت مدبره.. ولما سألت ورا چون اتأكدت انه نزل مصر والرجاله بتاعتي اللي مشيين وراه اكدولي ان في رجاله تبعه كانت فالمعز في نفس اللحظه اللي كانت فريده هتتخبط بيها بس طبعا انا من الصبح ممشي وراها ادهم واول ما وصلت المعز ونزلت من التاكسي زين ابن عمي كان مستنيها من غير ماتحس عشان يمشي وراها لحد ما يطمن انها وصلت البيت وللاسف لحقها علي اخر ثانيه..
فريده... مصدومه.. انت بتقول ايه چون وصل لمكاننا طب ازاي.. يعني احنا كده في خطر .بناتي هيروحو مني..
فارس... متقلقيش. كلكم في حمايتيي ومحدش يقدر يلمس حد فيكم وقولتهالك قبل كده روحي قصاد روح فريده.
رحمه..عشان كده فريده كانت متوتره لما طلعت ومحكتليش حاجه .
رحمه... بس برده.. مفهمتش انت طالب ايد فريده عشان تحميها بس يافارس..
فارس... الحقيقه ده اللي انا فهمته لفريده انهرده..
رحمه.. بأستفهام انت اتكلمت مع فريده؟؟
فارس..ايوه بعد ما فارس جبها وطبعا من الصبح ادهم معايا عالموبايل خطوه بخطوه.. وزين كمان والعربيه اللي كانت هوخبطها تقريبا كنت سامع كل حاجه انا كنت هتجنن يجرالها حاجه.وفنفس الوقت لما وصلت وشوفتها بخير وشوفت اللي هي لبساه انا عقلي مكنش فيا..وناديت عليها وكلمتها.. طبعا فارس مقالش اي حاجه من اللي حصلت😉😉😉😉سافل.
وفالحقيقه اضطريت افهمها الوضع عشان متستهترش وحسيت ان فكره اننا منقلقهمش مش وقتها لازم يخلو بالهم اكتر من كده.وطبعاده اللي انا فهمتهولها لما عرضت عليها اني اتجوزها.. هي رفضت لما فهمتها ان ده حمايه ليكم كلكم..قالتلي لو حابب تحمينا هتقدر مش لازم جواز.. وطبعا انا لو اتجوزت فريده.. مش هسيبكم فالبيت وهخدكم تعيشو معانا فالبيت عشان تبقو تحت عنينا كلكنا وعيني انا بالذات.
رحمه.. ازاي نعيش معاكم..
فارس.. في شقه فالدور الرابع مقفوله ودي هتبقي بتاعتكم لوحدكم..
رحمه... بس ليه ده كله ما ممكن فعلا تعمل زي مافريده قالتلك.ليه تتجوزها..وتغير حياتك وتقلبها.
فارس... ومين قال اني هقلب حياتي .. انا هعدلها..
وحابب اعرف حضرتك حاجه مهمه.. يمكن انتي بس اللي هتعرفيها مؤقتا..
رحمه... ايه هي..
فارس..انا اقنعت فريده اني جوازي منها حمايه وان كل حاجه هترجع طبيعيه بعد ما استاذ فريد . يرجع ويبقي في امان ويثبت برائته سعتها هترجع كل حاجه زي الاول وهسيبها.. وطبعا عشان توافق..
بس..انا هعترفلك اعتراف يمكن لو اي حد تاني مكان فريده.. مكنتش هتخلي عنها وكنت هقف معاها بس مش هتجوزها..بس اناااااا ...ومسح علي وشه بايديه..
رحمه... انت ايه..
فارس... انا بحب فريده.. يامدام رحمه.. ازاي وامته ولييه ..انا حقيقي معنديش اجابه بس الحقيقي انا يمكن اول مره اعرف يعني ايه حب اصلا اول مره شوفتها فيها اول مره نزلت الشارع حسيت انها جنيه ظهرت وسط الظهر والشمس طالعه وفعز زحمه المعز..محسيتهاش بشر اول مره شوفتها خطفتني وكل مره يحصل مشكله بسببها تخطفني اكتر وكأن القدر عرفني بيها في مشاكل بس مقدرش امنع نفسي ان قلبي يدقلها..يمكن عرفت بنات كتير وقت الدراسه وفالشغل وبتبقي في ظروف اهدي واحسن من كده بس الحقيقه ان عمري ماحسيت كده مع حد فيهم انا مش هتكسف منك انا اصلا مش عارف ازاي بقولك الكلام ده .. بس انا في وقت قصير ومن غير تفاصيل بيني انا وفريده ولا مواقف حلوه بس انا عشقتها.. يمكن معرفش عنها حاجه ولا هي تعرف عني حاجه اصلا بس مش قادر مفكرش فيها مش قادر محبهاش مش قادر مخفش عليها..انا يوم ما عادل حاول يمسكها ويتعرض لها انا من جوايا كنت بقسم اني هقتله عشان بس حاول يلمسها.. وصدقيني لو كنت استنيت شويه كان مات في ايدي ... بصي.. انا بجد انا وابتدا فارس يتوتر.. انا اسف بس انا مش طالب حاجه وحشه عارف انه مش من حقي اتكلم عنها كده ادامك ..بس انا طالبها فالحلال..وعايز احميها..
رحمه... انت عارف انك طمنتني وعارف ان رغم انك باين عليك التوتر بس انا قدرت اوصل لكل كلمه انت قولتها.. بس انت قولت هي متعرفش كل ده.. وفاكره انك هتسيبها..
فارس.. ده حقيقي واتمني ان قبل ما كل حاجه تتحل اقدر اخليها تحبني...هي شرطت عليا شرط. عشان توافق..
رحمه.. شرط ايه..
فارس.. اني ملمسهاش ولا اجي جمبها ادام ممن وجهه نظهرها ان ده جواز مؤقت يعني جواز علي ورق..وفتره وكل واحد يروح لحاله..
رحمه... وانت وافقت..
فارس... من غير نا افكر طبعا.
رحمه.. وهتعمل كده يافارس...
فارس... انا عمري ما اوعد حد ومنفزش واظن ان انا كاراجل مش هقبل غلي نفسي اني اغصبها علي حاجه وعمري ما هقرب منها غير لو كان برضاها واظن عشان لو حصل ومحبتنيش ربع ما بحبها حتي ابقي سايبها من غير ملمسها ..
رحمه...انا مش عارفه اقولك ايه .. بجد واحد غيرك مكنش قالي عالاتفاق ده ويوم مايتجوزها مينفزش وعده واي حد هيعرف انك لمستها مش هيقدر يلومك لانها مراتك .بس انت معملتش كده..
فارس.. ولا عمري هجبرها علي حاجه هي مش عيزاها ومش هلمس فريده.. غير لو حسيت انها تقبلتني في حياتها مش بس مجرد واحد بيحميها مؤقتا..
عشان كده انا بستأذن حضرتك اني اجي بكره انا واهلي نطلبها ونحدد كتب الكتاب في اسرع وقت.وادام الناس هنقول اننا مأجلين الفرح لغايه ماوالدها ينزل واننا كتبنا الكتاب عشان تكونو في وسطنا ومتبقوش لوحدكم من غير راجل وده طبعا مكنش هينفع غير لو اتكتب الكتاب. ولو فريده حبتني الوقت ده هنعمل زي ماهنق ل للناس وفعلا الفرح هيبقي لما استاذ فريد يكون وسطكم محبتنيش هسلمها لاستاذ فريد وهنقول ان محصلش نصيب..
رحمه... انا عموما يافارس لو عليا مش هلاقي احسن منك فالدنيا لبنتي انا حلمت طول عمري لبناتي براجل زي باباهم والحمد لله اول بنت عندي اتحقق حلمي فيها.. بس...
فارس.. بقلق بس ايه..
رحمه... لازم فريد يعرف ولازم تطلبها منه.. مينفعش يحصل كل ده من غير علمه..
فارس.. ومين قال لحضرتك ان هعمل خطوه من غير ما يعرف انا بس باكلم معاكي وبفهم حضرتك الوضع عشان تبقي شاهده علي كل حرف بيحصل بيني انا وهي.. بس بعد موافقتك كنت هطلب منك رقمه حالا وانا هفهمه كل حاجه..
رحمه...عايزه اقولك علي حاجه يافارس...
فارس. اتفضلي
رحمه...انا عمري ماحبيت في حياتي اد ما حبيت فريد عمري ما شوفت زيه .بجد.. وعمري انا وهو ما خبينا حاجه علي بعض ديما هو سري وانا سره معرفش يعدي اليوم من غير ما احكيله او يحكيلي تفاصيل يومنا لبعض..عشان كده احب اقولك.. ان تقريبا فريد.. موافق.
فارس.. ورافع حواجبه باستفهام ازاي. يعني حضرتك تقصدي انك عارفه انه هيوافق..
رحمه... لا انا متأكده انه وافق خلاص بعد ما عرف كل حاجه..
فارس.. بضحكه مستفهمه.. معلش انا مش فاهم عرف ايه وانا اول مره اصلا اتكلم مع حضرتك ييعني لو انا حكتلك قبل كده هنقول قولتيله او خدتي رأيه.. بس انا لسه متكلم الوقت.
رحمه. انا قولتلك يافارس قبل كده اني حاسه بحاجه ولايمكن اكدب احساسي لاني حبيبه قديمه وبما ان كل يوم انكلم انا وفريد فتقريبا هو عارف كل تفصيله حصلت من ساعت ما وصلنا وحكتله كل حاجه وحكتله عنك وحكتله عن احساسي .. وهو ان حاسه انك معجب بفريده.. وانهرظه عرفته بمكالمتك وقولتله اني حاسه انك هتكلمني بخصوصها...ومن ساعت ما اعدنا وابتديت تحكي وهو معانا عالخط... وسمع كل حاجه وسمع طلبك. مكنتش اتمني بس يسمع ان فريده كانت هتتخبط بعربيه عشان منقلقوش بس اللي حصل..واهو معاك تقدر تسمع رأيه.
فارس... مصدوم ومتنح ومتوتر والكلام طار منه😳😳😳😳😳😳😳رحمه كانت متصله بيه فديو كول فا مان شايفهم صوت وصوره..
رحمه... فارس فارس... التليفون
فارس... ههه اه طيب..
فريد... بضحك... ايه يابطل اول مره تطلب ايد حد ولا ايه..
فارس... فالحقيقه اه بس مش ده اللي صدمني اللي صدمني الموقف اللي انا فيه بس..
فريده... بص يافارس... انا هقولك كلمتين..انا اولا مش صغير وبردو مش كبير يعني معجزتش😊😊بس تقدر تقول ان الدنيا علمتني كتير وعمري ما فشلت اني اقرا بني ادم من كلامه او من عنيه او من تصرفاته او مش حركات الجسم ..وانا واثق فيك يافارس.. وعارف ان بنتي هتكون في امان معاك. وهتشيلها هي واختها ورحمه في عنيك..
يمكن ربنا ما ادنيش ولاد بس اداني بناتي اللي هما اغلي شئ في حياتي .بعد امهم طبعا.. بس انا حاسس ان ربنا هيعوضني بيك.واقدر اقولك اني موافق يافارس علي طلبك..
فارس... ساكت🤐🤐🤐
فريد... هتفضل مصدوم كتير..
فارس... اسف بجد بس انا لو بتمني الموقف بنفس تفاصيله مكنش اتحقق كده.. انا مش عارف اقول لحضرتك ايه علي ثقتك واوعدك ان قريب حضرتك هتكون معانا وكل حاجه هتبقي تمام..
فريد... الله كريم.. اللهم عندي الوقت ان ولادي يكونو في امان واتمني تتفقو علي اقرب وقت لكتب الكتاب ..عشان اطمن اكتر .
فارس... بلهفه بكره هروح انا واهلي وبعده نكتب الكتاب
فريد ..بضحك... انا كده اطمنت من حبك يافارس ومش مستغربه.. عشان في واحد زيك كده من حوالي 20سنه وشويه.. كان ملهوف كده برده واتحدي العالم كله عشان يبقي مع اللي بيحبها فقرب فرصه وحصل.. واهي اعده قدامك الوقت منوره حياتي كلها..
رحمه.. باحراج.. فريد يلا بقي عشان الحق اروح للبنات.
فريد... بضحك اهي ضربت لخمه اهي.. حاضر ياحبيبتي هقبل بس قبل ما اقفل عايز اقولك حاجه يافارس...
فارس.. اتفضل.. فريده هتحبك يافارس.. ده ان ماكنتش حبتك اصلا فريده عنيده وتبان قويه بس بنتي حساسه جدا وانا واثق ان الفتره الجايه.. هتحبك اكتر من نفسها.
فارس... بعيون بتلمع بجد.
فريد... هتشوف.يلا اسيبكم انا بقي واكيد هكون معاكم تاني..يابطل.
فارس .. اتشرفت بمعرفت حضرتك يا استاذ فريد.
فريدد ... الشرف ليا بس بلاش استاذ فريد.دي قولي ياعمي واديني فرصتي احس بدور الحما...
فارس.. بضحك حاضر ياعمي..
ودعو بعض وقفلو وفارس قام هو ورحمه عشان يوصلها..
ركبو العربيه...وتليفون فارس رن..
فارس... اسف ثولني هرد علي عمر
عمر.... ايوه يافارس. الحق بسرعه ريم وفريده..
فارس.... ايه ريم وفريده.. مالهم ياعمر..
فلاش باك.. اثناء ما فارس ورحمه اعدين مع بعض كانت فريده وريم نايمين فالبيت..وفجأه الباب خبط.
فريده..بنوم.. ريموو ياريم.. يا ريمممم
ريم... عايزه ايه..
فريده... مامي شكلها رجعت افتحلها..
ريم... مش قادره.. قومي انتي وبعدين مش انتي اللي سمعتي قومي افتحي .
فريده.. حدفتها بالمخده... ياباي عليكي..وراحت تفتح.
ريم..اوووف عليكي يافريده علي طول تطيري النوم من غيني و اتعدلت من نومها ومسكت الموبايل تشوف عمر كلمها ولا لا... وفجأه سمعت فريده بتصوت ريمممم الحقيني... ابعد عني ياحيوااااان .
ريم بسرعه اتصلت علي عمر من غيرما تترد.
عمر... لسه فاكره تسألي فيا..
ريم... عمر . الحقنا بسرعه في حد اتهجم علينا وماسك فريده.. ومامي مش هنا..
عمر... اقفلي بسرعه انا جايلك حالا.. وفالوقت ده عمر مكنش فالمحل ولا كن قريب فا اتصل بسرعه بفارس ومكنش يعرف ان هو كمان مش هناك..
.
فارس... انت مرجعتش
عمر... لا يافارس انا فطريقي ليهم الحقهم انت..
فارس.. من غير اي رد قفل في وشه وساق زي المجنون. كان طاير..
واتصل بزين.... فارس. الووووو
زين... ايه ياعم خرمت ودني ....
فارس انت فين... فالمحل جوه..
اطلع بسرعه وخد ادهم معاك والرجاله علي بيت مدام رحمه الحق فريده وريم..في حد اتهجم عليهم.
رحمه... صرخت... ولاددددددي...
طلع زين بأقسي سرعه ... هو وادهم ومعاه اتنين من رجالت فارس...
عند ريم.. وفريده.. فريده لما فتحت الباب .. وهي نايمه علي نفسها اتفجأت بعادل وصحابه بيتهجمو عليها..
وشاربين وحالتهم حاله وغايبين تماما عن الوعي..
عادل...ازيك ياقمر..
فريده اول ما شافته صوتت..ولسه هتجري.
عادل مسكها ودخل هو وصحابه وحط ايده علي بوئها هتروحي فين ياقمر.. بقي انا وصحابي يحصل فينا كل ده بسببك ده انا هندم فارس عاللي عمله وهوريله ان اقدر اعمل اي حاجه حتي لو الصبح طالع وبيقرب منها وريحته قذره بالارف اللي كان شاربه وفريده بتحاول تبعد عنه..
فاللحظه دي ريم خرجتلها بعد ما قفلت مع عمر تستنجد بيه... ومعاها صاعق كهربا.
ريم... ابعد عنها ياحيوان...
عادل.. نزل ياشاطره اللي في ايدك ده..
ريم .. بتحاول تبان قويه وتكسب وقت لحد ما يجي حد يلحقها هي واختها..
ريم... قولتلك ابعد عنها وإلا وديني هقتلك انت وزباله اللي معاك دول . عادل حاول يضحك عليها..
حاضر خلاص هنمشي بس نزلي اللي في ايدك ده وريم مركزه معاه وفجأه اتنين مسكوها...وقبل ما تصوت .. كانو حطو ايديها علي بوئها ...عادل بوقاحه... يلا ياشباب عالاوضه... وعايزكم تتبسطو عالاخر..
فريده... سمعت كده هي وريم بقو يصرخو بكل طاقتهم وصوتهم مش طالع من كتمت نفسهم كانو بيعافرو ويبعدو فيهم بس مش قادرين عليهم مقارنتا بجسمهم الصغير ادامهم..
فاللحظه دي ادهم وزين ورجالت فارس طلعو وكسرو الباب. ولقو المنظر ده ادهم وزين بمجرد ما شافو البنات في اديهم اتحولو وبقو يضربو فيهم زي المجانين وفريده جريت علي ريم وبقو واقفين حاضنين بعض..وبس دموع نازله منهم وفريده بتحاول تتنفس مش قادره من كتر ما عادل كتم نفسها ومن كتر ما كانت بتعافر معاه.هو وصاحبه عشان يسيبوها .
فضلو يضربو في بعض وفاللحظه دي ..فارس.. وصل هو وعمر في نفس اللحظه ركنو العربيات وطارو علي فوق ووراهم رحمه.. وطبعا الناس فالشارع مستغربه جريهم لانهم مش سامعين حاجه المعز معروفه بدوشتها ..
فارس وعمر.في لمح البصر كانو فوق واول ما شافو عادل وشلته جوه البيت وشايفين فريده...وريم وشهم احمر وشعرهم بايظ وباين عليهم انهم بذلو مجهود فالحفاظ علي نفسهم فارس شايف فريده .. بتصارع عشان تقدر تلخد نفسها شايفها بلبس البيت كانت لابسه فستان كت ابيض خفيف وشفاف شويه كان فستان نوم وريم. لابسه شورت وتيشيرت كت.. فارس وعمر بقو يضربو فيها بكل قوتهم واللي كان يشوفهم يقسم انهم وصلو لمرحله انهم مش شايفين ولا سامعبن حد...رحمه جريت علي بناتها وبقت حضناهم...بعد ظقايق كان عمر وفارس وادهم وزين ورجالت ادهم.. خلصو كل حاجه والاربعه بقو مرميين فالارض علي بعض واغلب الخاجه اللي فأوضه الليفنج اتكسرت..فارس وعمر بعد ماخلصو ضرب واقفين بياخدو نفسهم بسرعه.. فارس... للرجاله اللي معاه استنوني تحت البيت . ادهم... انزل عالمحل متسبهوش لوحده.. وانت يازين اتصل بالبوليس حالا..وورا ادهم. وبدون مقدماااات وغاب فارس عن وعيه تماما وراح علي فريده اللي مرميه في حضن امها.... وسحبها من ايدها بأيد واحده وخدها في حضنه كانت مش باينه في ايده. كان حاضنها ومش حاسس بأمها ولا اختها ولا زين ولا ادهم...زين يلا يا ادهم..ونزلو عمر بلهفه جري علي ريم...
عمر .. ريم ..انتي كويسه...
ريم... بتهز راسها ب لا
عمر... حد لمسك...ريم منهاره بعياط...
عمر... لرحمه.. ممكن تعمليلهم اي عضير بسرعه من فضلك..
قامت رحمه...واول نا قامت.. عمر شد ريم لحضنه..
وريم مسكت فيه زي العيال الصغيره وكأنها مانت محتاجه الحضن ده وفضلت تعيط...
اما رحمه... دخلت عالمطبخ.. وهي واثقه بقرب عمر كمان من ريم.. وحبت تسيبهم لحظه.. خصوصا انها اتفجأت من رد فعل فارس اللي لجمها وخلاها مش عارفه تتكلم.. وخافت من منظره اللي كان ثائر وفلحظه شد بنتها لحضنه...علي اد ماهي كانت مصدومه من فعله. علي اد ما حست بحبه اكتر.
وحبت تسيبهم لحظات.
فارس....فريده انتي كويس
فريده... لا انا مش كويسه وانهارت تاني فالعياط
فارس خدها في حضنه.. اهدي اهدي عشان خاطري محصلش حاجه..انتي كويسه .من بكره هتبقي معايا ومفيش بني ادم هيقدر يلمسك تاني عشان خاطري بلاش دموعك . دي....
اللحظه دي رحمه. جايه بتحاول تعمل صوت عشان يحسو انها جايه..
عمر.. بعد عن ريم... بسرعه.
اما فارس فا فضل ماسكها..في حضنه..
رحمه.. فارس... اعد ارتاح شويه . واشربو العصير ده..
فاق فارس علي صوتها.. وانتبه للبس فريده...
وخد فريده من ايدها مع استغراب رحمه وعمر.. ودخلها الاوضه بتاعتها وقبل ما يقفل عليها.. قالها... البسي حاجه بدل الانتي لبساه ده بسرعه .. فريده هزت دماغها بالموافقه وشد الباب فارس وقفله..
اما عمر . اول ما شاف فارس وسمعه ركز في لبس ريم..
عمر... بصوت تسمعه ريم بس قومي غيري لبسك بسرعه ...
قامت ريم.. بسرعه وثواني مانت اختفت.
دقايق والبوليس كان وصل.. وطبعا فارس عشان علي علاقه بظباط القسم بتوع دايره المعز فحبه يخدموه.
وخدو عادل وصحابه ووعده الظابط انه هيعملهم محضر زي الفل...
ومشيو الظباط.. وبعد ما فارس وعمر اطمنو عليهم استأذنو ونزلو وطول اليوم عمر يكلم ريم يطمن علبهم وفارس يتصل برحمه يطمن علي فريده.. وخلص اليوم وطلع فارس.. دخل عند جده..
جده... قومي يارباب اعملي قهوه عشان اعد مع فارس شويه.
رباب... حاضر يا حج... منور يافارس.
فارس. نورك ياعمتي...
مشيت رباب وفارس اعد ساكت.. ويتحرك ويهز رجله وعايز يفاتح جده . ومش عارف ..
جده... مالك ياولا زي اللي عامل عمله كظه ليه قول اللي فيك
.
فارس . انا لا مفيش انا جيت ابص عليك بس مش عايز حاجه..
جده.. كده.. ماشي ياعم فكرتك عايز تقول حاجه.
فارس.. انا لا خالص ياجدي.. فارس بيكابر عشان اخر مره اعد فيها مع جده وجده سأله حبيتها قاله لا فجده وعده انه هيرجعله تاني ويكلمه..ويحكيله عشان كده فارس محرج
فارس. انا هطلع ياجدي عايز حاجه .
جده... مش هتشرب قهوتك...
فارس... لا لا .. ماهو اصل انا مش عايز.
جده... طيب سلام. اطلع يلا..
فارس. مشي لحد اول باب الاوضه ووقف..واعد يكلم نفسه وجده باصص عليه وبيضحك بينه وبين نفسه.
فارس.. مره واحده. لف ما هو بص بقي ياحج صالح انا طالعلك مخصوص عشان اتكلم معاك . واه في موضوع . واه ياجدي .. ردي علي سؤالك اللي سألته قبل كده اه حبتها وعايز ادخل دنيا .ارتحت ياخاج صالح..
صالح وشده.. من ايده وحضنه وبقي يخبط علي ضهره..
جده.. اخيرا يا شيخ نشفت ريقي اخيرا هتجبلي حفيد من حفيدي الكبير.. ماكان من الاول لما سألتك..كنت حاسس بيك بس سبتك علي رحتك وقولتلك هتجيلي تاني واديك جيت.
فارس.. اديني جيت يا حاج صالح وعايز نروح نتقدملها بكره ومكتب بعد بكره..
جده. وهو بيتعدل .. كده علي طول وليه السرعه دي ياولا لولا انك تربيتي وطالعلي بالحرف كنت قولت الشيطان لعب في دماغك .و...فارس مقاطعه متكملش ياجدي امت لسه بتقول اني شبهك وفارس ميخزلش صالح السيوفي ..حفيدك راجل وعمره مايلمس واحده ست فالحرام.. بس انا هفهمك.. ......... وحكاله كل حاجه والمواقف اللي حصلت واتعرضولها لحد انهرده.
جده... لا يابني عداك العيب راجل من ضعر راجل هنروح بكره نطلبها وهتكتب علبها وكام يوم هيكونو وسطنا لحد ما ابوها بجي بالسلامه ونعملكم الفرح... فارس طبعا معرفش جده الاتفاق اللي بينهم عشان شكله كاراجل ...
فارس... ربنا يخليك ليا ياحاج صالح..
جده.. يلا اطلع بلغ ابوك وامك وانا هعرف عمك وهقول لعمتك وبكره هنروح نطلبها..
فارس... حضن جده تصبح علي خير ربنا يخليك ليا........
وطلع فارس يبلغ والدته ووالده.. وبلغهم والكل فرحان ومبسوط . مفيش غير رباب هي اللي كانت نفسها ترقع ميت صوت ...
- لقراءة الفصل العاشر : اضغط هنا
لقراءة باقي حلقات الرواية اضغط على
بكره ان شاء الله يوم مهم متنسوش😉😉😉😉😉😉 عايزه تفاعل يلااااا ورأيكم ولو في توقعات للاحداث اللي جايه يلا وروني