أخر الاخبار

رواية فارس الحي الشعبي الفصل العاشر بقلم اميره أسامه

 رواية فارس الحي الشعبي الفصل العاشر بقلم اميره أسامه 

رواية فارس الحي الشعبي الفصل العاشر بقلم اميره أسامه


رواية فارس الحي الشعبي  بقلم اميره أسامه 

رواية فارس الحي الشعبي الفصل العاشر

 #فارس الحي الشعبي.

البارت العاشر...

في صباح يوم جديد تشرق شمس العز علي ابطالنا...

كل واحد ملههي في حاجه. بيعملها. اما فارس...

بعد ما صحي كان نشيط جدا ومبسوط غير العادي بتاعه...وبعد ما عرف والدته ووالده والكل عرف... اتصل برحمه.. وعرفها انهم هيزوروهم بليل... 

رحمه.. رحبت بيهم جدا ..

وكان قدامها يوم طويل...

تنضيف وترتيب البيت بعد التكسير اللي حصل فيه...

رحمه... ريم يلا تعالي تساعديني بسرعه..

ريم... هو كل حاجه ريم ريم ريم.. ياناس ارحموني شويه ..اشمعني فريده😭😭😭

رحمه... بزمتك عمرك سمعتي عن عروسه تقوم تنضف وترتب يوم خطوبتها..

ريم... اه عادي ..

رحمه... طيب كويس انك قولتي عشان لما تتخطبي اخليكي تنضفي الشقه قبلها.

ريمم..... لا خلاص وعلي ايه معاكي ياست الكل واحنا عندنا كام ديدا...😁😁😁😁

رحمه.... ايوه كده ناس مبتجيش غير بالعين الحمرا..

فريده... بضحك علي مشاكستهم..... لا يلا قوليلي يامامي عيزاني اعمل ايه...

رحمه... ولا حاجه ياحبيبتي احنا خلاص قربنا نخلص وهدخل اجهز بس شويه عصاير واعمل حاجه حلوه كده...

رحمه...  رغم اعدتك سنين كتير يامامي في امريكا..بس منستيش حتجه من عادات المصرينن اللي كنتي بتحكيلنا عليها..

رحمه.... المصرينن حلوين اوي يا ديدا.. ومصر جميله بناسها الطيبين اللي بيدو الفرحه حقها بجد مش زي امريكا.. مفيش احساس اوي فاي حاجه بتتعمل..

فريده... فعلا يامامي الناس هنا جميله اوي وشكلهم طيبين وبسطا كده طبعا انا كنت هاخد فكره.. وحشه بسبب عادل ده.

رحمه... مش معني ان في حد وحش يبقي المل وحش يابنات كل مكان في الحلو وفيه الوحش..بس مصر شبابها مش كلهم زي عادل اللي زي عادل ده قليلين اوي لاكن شباب مصر جدعان.. زي فارس.. واخوه وقريبه وعمر صاحبهم.. يعني كلهم سنهم قريبن من بعض بس نفوسهم مش واحده..ربنا يهديه هو وصحابه ويتعلم الدرس..

رحمه... يلا بقي انتو هتعطلوني..

فريده .. طيب مامي.. 

رحمه.. نعم ... ايه تاني...

فريده... هو انا المفروض البس ايه.. انا مش عارفهه..

رحمه... اختاري فستان من فساتينك ياديدا بس يكون لايق بشباب مصر مش امريكا..🙄🙄

ريم.... ايوه اسمعي كلام مامي بدل ما المارد يتحول🤣🤣🤣

فريده..  شايفه يامامي الرخمه دي.

رحمه... عندها حق صراحه هو حذرك كذا مره.. ولازم متنسيش طباع الراجل الشرقي...

فريده... اووووف بس انا كل لبسي كده اعمل ايه.

ريم... تعالي نختار انا وانتي..

رحمه... بلاش انتي والنبي..وياريت انتي كمان تلبسي حاجه كويسه .. الراجل جاي هو واهله كلهم..

ريم... بفرحه وعمر كمان جاي ..

رحمه...وحبت تضايقها نعممممم وانتي مالك ومال عمر 🤔🤔وبعدين عرفتي منين انه جاي..

ريم.. بتحاول .. تتوهه...مش يلا ياديدا الناس جايه عالساعه 8مش اسلوب ده هنتأخر..

فريده ... كاتمه ضحكها هي ورحمه...علي طريقه ريم..

رحمه... ماشي ياريم توهي اوي عموما اخلص من اختك وليا اعده معاكي.

جريو البنات علي اوضتهم... ورحمه.. دخلت عالمطبخ بعد ما خلصو ترتيب الشقه..

اما عند فارس.. كان بيخلص طلبيات شغل هو والشباب بسرعه قبل المعاد.

ادهم.. مش كنت اجزت انهرده ياعريس...

فارس... اسطبح ياعمر..

وبعدين في شغل لازم يخلص مينفعش يتأجل.. وانجز يلا الساعه بقت خمسه..

فارس. لاحظ شرود زين..وباين علي وشه انه مضايق..

مالك يازين.. شكلك مش مظبوط..

زين... بأبتسامه. لا ياعريس مفيش حاجه انا تمام..

فارس... عليا بردو بزمتك ينفع..

زين... مخنوق من عمتك اوي يازين مش عارف اخد اي خطوه ديما وقفالي في كل حاجه .. ده انا لو طالع لجدك ولمحت بس سما فالشقه تبقي عايزه تقتلني وتقتلها.

فارس... ماانت اللي خايب ومش عايز تاخد خطوه...

زين... انت عارف اللي فيها يافارس...عمتك مش شايفه حد غيرك لسما 

فارس... وانت عارف ان سما اختي ومينفعش تكون غير كده دي بتقولي يا ابي..

زين... انا عارف يافارس.. من غير ما تقول يس خايف اخد الخطوه وترفض ساعتها الدنيا هتتعقد..

فارس..  لا مش هتتعقد ولا حاجه وبعدين نخلص من الحوار بتاعي وانا وانت هنأعد مع جدك نرسيه الاول وبعدين نخلص كل حاجه..

زين... ربنا يسترها.. 

فارس...  وحب يديله ثقه في نفسه ويفوقه شويه ماتنشف يالا في ايه... انت ليه مستقل بنفسك كده نسيت انك زين السيوفي ولا ايه..انت الف واحده تتمناك لبنتها.

زين...وانت عارف ان من الالف دول مش عايز غير سما اللي امها تبقي عمتي واللي للاسف مش شايفه غيرك عريس لبنتها.. هي شايفه ان انت ماسك كل حاجه عمتك عايزه تأمن مستقبل سما..

علي اساس ان الحاجه دي بتاعتي .. افهم يازين يمكن انا ماسك اغلب الشغل يمكن انا اللي مسيطر بس ده عشان انا اشتغلت مع جدك من وانا صغير.. وفهمت كل حاجه وبقيت نسخه منه لاكن مش عشان الحاجه دي هتبقي بتاعتي احنا كلنا هنا زي بعض مفيش حد فينا احسن من التاني..عمتك هي اللي مخها مفوت شويه. وحسباها بطريقه تانيه انما انت بلاش تبقي غبي وفوق شويه فارس وزين وادهم كلهم هنا واحد. فهمت..

عمر..  بسرعه كده شيلتني من العيله..

فارس..  بضحك... ابدا ولله بحاول افهم ابو مخ تخين ده..

زين... حس بحب فارس وان هو رغم انه مسيطر فالشغل وان هو الكل فالكل والف واحد بيعمله حساب بس هو متواضع جدا وبيحب اهله جدا.

فارس.. بزمتك في حد ينكد علي حد وهو رايح يخطب..

زين... قام حضنه... حقك عليا ومبروك يا اجدع عريس.. بس كنت محتاج اتكلم بجد..

فارس... واديك اتكلمت ورغيت وضيعت وقتي واهي الساعه داخله علي سته منك لله...

ادهم وزين وعمر ... اعدو يضحكو عليه...

بعد ربع ساعه .. فارس.. قفل المحلات والكل مشي وطلع فارس وزين وادهم يجهزو وعمر راح يجهز ..

بعد مده... جت اللحظه الحاسمه..

نزل فارس.. بيت اهله.. . وكان لابس .. قميص ابيض هيتفرتك من عضلاته.. وفاتح اول كام زرار ولابس بنطلون اسود وشوز اسود وراشش من البرفيوم الخاص بتاعه ومظبط لحيته بطريقه مثيره كان شكله يقتل .والدته اول ما شافته عينها دمعت .

نجوي بحب..  اخيرا يافارس.. شوفتك عريس قبل ما اموت ياحبيبي نشفت ريقي.. يا بني..

فارس.. قرب منها بخطوات ثابته ومسك ايدها باسها...بعد الشر عليكي ياست الكل.. وبعدين بلاش دموع ويلا بقي انتو هتأخرونا ولا ايه...

والتدو ينزلو واتجمعو في شقه جدهم.. واخيرا ابتدو ينزلوو.

فارس..  الوووو انت فين يازفت..

عمر... خلاص انا جاي ادام بيتكم اهو وبعدين يا اخي ما تلم لسانك يوم واحد انت عريس حتي. 

فارس.... نعمممم.

عمر... انا دقيقه وهبقي ادامك ياكبير.🤣🤣🤣🤣

اتجمعو كلهم تحت البيت وابتدو يطلعو...

اما عند رحمه... كانت جهزت كل حاجه.. ولبست ومستنياهم يوصلو..وبعتت للحاجه ناديه تقف معاهم عشان مفيش اي حد ليهم هنا وواقفت عالفور الحاجه ناديه.ودخلت تقف معاها

فريده في اوضتها.. حاطه ايدها علي قلبها اول مره تجرب الموقف ده  حاسه انها طايره عشان خلاص هتبقي ملك فارس اللي ميعرفش عنه حبها ليه اي حاجه.. كانت حاسه ان رجليها هتخونها في اي وقت وهيغم عليها من كتر التوتر....

ريم راحه جايه ترخم عليها وبتحاول تفكها وهي مفيش.

ريم... ديدا في ايه لكل ده حبيبتي انتي ايدك متلجه .

فريدا..  انا عارفه بقي انا حاسه ان هيغم عليا..

ريم... ليه بس كل ده اهدي كده ولا مش مصدقه انك هوشوفي حبيب القلب واهله لا وكمان جايين يطلبوكي رسمي..

فريده..  اصلا عادي علي فكره.. وحبيب القلب ايه اصلا مش بحبه..

ريم... لا ياشيخه.. طب انا خارجه اقول لمامي تتصل حالا بيه وتقوله لا ومشيت ناحيت الباب..

فريده .. جريت عليها..  استني يامجنونه انتي... وسكتت شويه وفضلت تفرك في ايدها وموطيه راسها.. وفجأه رفعت راسها لاختها... ايوه بحبه ارتحتي...

ريم..  حضنتها وفضلو الاتنين حاضنين بعض 

ريم... انا كنت واثقه.. لما قولتلك قبل كده وانتي كدبتيني بس كنت واثقه انك هتقوليلي..

فريده.. انا متوتره جدا....

ريم... عادي ياحبيبتي.. الوقت اول مايوصلو وتشوفيهم هوتهدي وهتاخدي عالجو فكي بقي.. عشان خاطري.

وقطع كلامهم..  صوت الجرس...

ريم.... بصت من حرف البا.. جم جم جم.. ياديدا.

فريده .. واقفه وراها حاطه ايدها علي قلبها.

اما عند رحمه بره...فتحت الباب واستقبلتهم 

كانت فالمقدمه.. نجوي .. والبنات ورباب ودخلتهم وابتدت تسلم عليهم...ودخل وراهم الجد وبعده والد فارس وعمه.وابتدي نجوي والدت فارس تقف جمب رحمه لما حست انها متوتره وابتدت تعرفها عليهم..ودخل بعد كده ادهم وعمر وزين.. وكان اخر حد فارس..

فريده واقفه ورا ريم.. مش شايفه فارس خالص. وبتدور عليه بعينها...مش لقياه.

وفجأه ابتدا يظهر ادامها ..

دخلتهم رحمه عالصالون ..منورين

الحاج صالح الجد...احنا اسفين يابنتي ازعجناكم بس الحقيقه الكل فرحان بفارس ومحدش عايز يسيبه في يوم زي ده فا تقريبا الشعب كله جه وراه..

رحمه... ياخبر ياحج متقولش كده.. ده حضرتكم منور وكل الموجودين منورين طبعا.. وبعدين احنا من يوم ماجينا مفيش خد بيجلنا ولا بنروح لحد ده انتو فرحتونا ولله..

الحاج صالح  ... ده نورك يابنتي.وبيحاول يخلق اي حوار يفك التوتر اللي الكل فيه.

انا فاكر.. جوزك علي فكره..كان من سن والد فارس وعمه..

رحمه..  فعلا هو لما حكتله عن فارس. قاللي انه كان يعرف باباه وعمه..

والد فارس... كان راجل محترم..كنا بنقف اوقات كتير علي اول الشارع مع بعض.. لما كنا شباب..

رحمه... ما انتو لسه شباب بردو ربنا يديكم الصحه..

واتكلمو شويه وهزرو وضحكو..ورحمه قامت تجيب العصير وقدمته.. وعملت قهوه  للجد والرجاله..

الحاج صالح.. اعدي بقي يابنتي مش عايزين نتعبك. وعشان عايزك في كلميتن

رحمه . تعبكم راحه اتفضل ياحاج انا سامعه حضرتك..

الحاج صالح... بصي يابنتي فارس حكالي علي شويه حجات تخصكم.. وفاتحني في موضوع ارتباطه ببنتك الحقيقه انا كنت طاير جه اليوم اللي هشوف اكبر خفيد ليه هيدخل دنيا.. ومن غير كلام كتير احنا جايين طالبين ايد فريده لفارس.. وعارفين الظروف مش حلوه خصوصا ان والدها مش موجود بس فارس عرفنا ظروفه ايه.. وطبعا انتو هنا 3حريم مينفعش تكونو لوحدكم ومكنش هينفع انكم تيجو وتاعدو وسطنا من غير ارتباط رسمي عشان كلام الناس..فا احنا كنا طمعانين انك توافقي علي كتب الكتاب..

رحمه... بص ياحاج انا هقولك حاجه بسيطه.. اولا انا مش هلاقي راجل زي فارس  خقيقي ونعم التربيه والجدعه..

لما فارس فاتحني.. فالحقيقه انا مكنش عندي اي اعتراض..بس كان لازم احكي لوالدها والحقيقه انا وهو متعودين نحكي مل حاجه لبعض.. وفعلا عرفته كل حاجه وعرفته اللي بيحصل معانا طبعا هو قلقان علينا جدا ان احنا لوحدنا مش قادر ينزل غير لما يجيب حقه وفنفنس الوقت اللي ظلموه جم ورانا هنا وعايزين يقتلو بناتي.. ولما عرفت فريد بطلب فارس.. هو كلمه امبارح.. ووافق.  يمكن كتير يستغربو ازاي وافق وهو مشفهوش غير عالنت ومجرد كام دقيقه كلام . بس انا شخصيا مفيش مره.. فريد خد قرار في حاجه.. وخذل ثقتي فيه..خصوصا لو الامر متعلق بيا انا وبناته .. لان تقريبا احنا كل حاجه.. لفريد.. عشان كده هو وافق علي فارس.. ووافق علي اي وقت تحددوه عشان كتب الكتاب..

رباب .. في سرها.. طبعا هتلاقي فين زيه ما صدقتو  عريس زيه..😒

نجوي....ربنا يرجعه بالسلامه يارب..

والد فارس... متقلقيش يامدام رحمه انتو معانا هتكونو في عنينا وان شاء الله هيرجع بالف خير..

رحمه..  يارب..

الحاج صالح...طيب ما نخليها خير البر عاجله..

رحمه... يعني ايه..

الحاج صالح... يعني نبعت نجيب المأذون الوقت

عم فارس..  بعد اذنك يا حاج طبعا بس انا بقول .. ان مدام رحمه.. تاخد رأي استاذ فريد الاول مابينهم وبين بعض.. ونحدد يوم تاني هي عروسه بردو ولازم تاخد وقتها .

الحاج صالح..  با ابني عداك العيب .. بس هما هنا في قلق وسطينا هيكونو في امان وبعدين فرقت ايه يعني..انهرده من كمان يومين حد عارف اليومين دول يحصل فيهم ايه..

فارس..  ساكت مش عارف يقول حاجه نفسه يكتب زي ما جده بيقول وفنفس الوقت مش عايز يحرج رحمه.. ويضغط عليها فقرر يسكت .

عمر... هو انا ممكن اتدخل واقول رأيي..

الحاج صالح..  طبعا يا عمر يا ابني 

رحمه... طبعا يا استاذ عمر...

عمر..  انا مع رأي جدي الحاج صالح انه مينفعش تكونو لوحدكم.. وبردو مع رأي عمي محمود... اننا نسيبك تفكري مع استاذ فريد وتاخدي رأيه خصوصا ان الموقف اكيد صعب عليه ان بنته تكتب الكتاب وهو مش موجود..

فارس.. كان عايز ياكله...

عمر... لاحظ ونفسه يضحك علي شكله . بس مش عارف وادهم وزين كاتمين الضحك بالعافيه..

عمر... فا عشان كده انا رأيي تكلمي الوقت استاذ فريد وتقوليلو علي طلب الحاج صالح.. ويكلمه.. ويتفق معاه كأنه موجود...

الحاج.. صالح.. عفارم عليك ياعمر.. 

رحمه... فعلا انا شايفه ان ده انسب حل.. قامت رحمه.. جابت التليفون.. واعدت ادامهم واتكلمت مع فريد.. في كل نقطه اتقالت..

فريد... تمام يارحمه اقفلي الوقت وهتصل بيكي فديو افتحي عليا واديه للحاج. 

قفلت رحمه. معاه..

الجد... خير يابنتي مش موافق ولا ايه..

فارس..  قلبه وقع..

رحمه... لا قفل بس حابب يكلمكم فديو..

اتصل فريد.. فتحت عليه رحمه...

واتكلم مع الحاج صالح..

الحاج صالح.. ازيك يا استاذ فريد..

فريد.   اهلا بحضرتك كان نفسي اكون معاكم بس للاسف ظروفي كلها ضدي..

الحاج صالح..كله خير يا ابني ان شاء الله كله هيتعدل وهترجع تنور وسطنا هنا يمكن ربنا عمل كده عشان كفايه غربه بقي 

فريد... حضرتك عندك حق انا واثق ان ربنا عمل كده عشان ارجع وعشان فارس يقايل فريده ويطلبها للجواز.. ربنا ليه حكمه فكل حاجه..

الحاج.. صالح ..ونعم بالله يا ابني.. المهم.. انت عارف انتا جايين وطالبين ايد فريده.. عايز اسمع رأيك..

فريد.. اولا انا طلبت من رحمه تقفل واتصل بيكم فديو عشان احس اني وسطكم وافرح معاكم ببنت عمري.

ثانيا انا معنديش اي اعتراض وموافق طبعا..

الحاج صالح يعني موافق علي كتب الكتاب الليله ..

فريد.. موافق ياحاج يلا ابعتو هاتو المأذون..

الحاج. صالح.. قبل ما نبعت للمأذون يا ابني.  الاصول بتقول نعرف طلباتك.. ده حقك ودي بنت زيها زي بناتنا ولازم كل الحلو يجيلها.

فريد.. انا مليش اي طلبات غير ان فارس يحافظ عليها هي واختها وامها لحد ما ارجع مليش طلبات غير انكم تخلوهم وسطكم عشان انا مليش غيرهم..ربنا واحده هو اللي عالم انا فيا ايه وانا بعيد عنهم وانا بنتي هيتكتب كتابها من غير ما اكون موجود..

رحمه.. دموعها خانتها علي صوت فريد اللي كله وجع..

نجوي... لا بلاش الدموع دي والنبي...احسن هعيط معاكي.

الحاج.. صالح.. ولله هترجع متقلقش وكله هيبقي تمام ومش هنسيبك  لوحدك ابدا وبعدين ماكفايه حزن بقي خليت المدام بتاعتك تعيط اهي...

فريد... لا خلاص بلاش دموع يارحمه .. يلا ابعتو هاتو المأذون..

الحاج صالح.. مش لما تقول طلباتك طيب.

فريد... صدقني الدهب والفلوس والمهر وكل ده مش هيساوي حاجه قصدام راحت بنتي وحياتها..

الحاج..صالح. ماشي يا ابني بس بردو الاصول اصول وبنتك هيتعملها كل حاجه احب انها تتعمل لاحفادي واحسن كمان..ولا ايه يا عريس مالك ساكت ليه..

فارس... بسمعكم ياجدي . وبعدين من ناحيت حقوق فريده.. دي سيبوها عليا دي بتاعتي انا يلا بقي هاتو المأذون..

الحاج.. صالح. بضحك شوف مسروع ازاي...

ضحك الكل وفارس هيطق من جده ومن ادهم وزين وعمر اللي ميتين من الضحك..

الحاج صالح.. قوم يازين يا ابني .. انت وادهم بسرعه هاتو المأذون..

بعد كلام مع فريد من جدهم وشويه مع والد فريد وعمه بيفتكره ايام زمان.. وكلام مع نجوي ووالبنات مع بعض وفارش مع عمر..

عمر... هما فين مش ظاهرين ليه..

فارس... انا عارف بقي 

عمر... تفتكر.. چون ده بعت رجالته وخطف هم من الشباك🤔🤔🤔

فارس... يعني هيجي في عز الزحمه فالشارع ويطلع يخطفهم ومن الشباك.. بص انت عارف لولا اننا عند الناس كان زمان نفختك..بس ملحوقه اول ما نننزل هنفخك..

دقايق والمأذون جه مع زين وادهم...

المأذون وصل...

فريده وؤيم كل ده جوه ومكسوفين يطلعوو  ومش سامعين اي حاجه بره سامعين شويه ضحك شوبه كلام بس مش مفسرين اي حاجه..

فريده... ما تروحي ياريمو عشان خاطري  تشوفي ايه اللي بيحصل بره.

ريم.. لا يا ستي انا هخرج معاكي مليش دعوه انا مكسوفه.

وبعدين.. اخرج معاكي عشان يتلهو فيكي وعمر .ما يفضلش يبص علي لبسي ولا هما...

فريده.. يارب يقلب عليكي من لبسك ده..

ريم.. كانت فستان اسود يوصل للركبه  وكانت تلت كوم شيك ورقيق جدا ... بس هيتفرتك علي جسمها

يقلب عليا ليه هو حلو اهو.. الدور والباقي عليكي .. فارس.  اللي هيطلع عنيكي حتي لو لبستي طرحه ده شياطينه علي طول حاضره🤣🤣

فريده.. بلاش توتريني بقي بدل ما اغير..

فريده ..  كانت لابسه فستان كريمي.. يوصل لحد قبل الركبه بشويه وكان بكم ويبان طبيعي جدا من ادام اما من الضهر.. كان مبين نص ضهرها🙈🙈🙈🙈هتتتتتتنفخ 🤣🤣 ولابسه شوز كريمي في استراس شيك .

بس كانت سايبه شعرها الدهبي.  اللي واصل بعد ضهرها ومزيناه بتوكه بسيطه شكل التاج كانت طالعه شكل الملاك..

وصل المأذون ..وابتدا يخلص حجات فالورق...

الحاج صالح.. مش هتجيبولنا العروسه ولا ايه..

رحمه.. حالا هجيبها ..دخلت رحمه.. عشان تجيبهم وفهمتها بسرعه ان هما كلمو باباها وهيكتبو الوقت..

فريده.. بسرعه كده يامامي.

رحمه .. هي مش هتفرق ياديدا انهرده من بعد يومين.. يلا بقي المأذون وصل 

فريده.. طب روحي قوللهم اني موافقه خلاص بس والنبي خليني هنا..

رحمه.. يلا بقي الناس بره بلاش دلع..

خرجت رحمه وفريده وراها.. ماسكه في ايدها.. وريم وراها..

خبطت رحمه ودخلت.. في ايدها فريده ووراهم ريم ..

قامو وقف كلعم يسلمو عليها..

فارس.. اول ماشافها كان نفسه ياخدها في حضنه كانت شبهه الملايكه كان غيران عليها من عيونهم كلهم ومن الكلام الحلو اللي بيقولوه..

نجوي ماشاء الله ياحبيبتي ربنا يحميكي ورحمه عرفتها ان دي مامت فارس  ايوه هي عرفاني لما جت هي وريم اختها شفتها.سلمت علي عمته باستها وهي مش طيقاها بس بينها وبين نفسها مأنكرتش جمالها سلمت عالبنات وحضنوها.. سلمت علي والده وعمه ووصلت لحد جده سلم عليها ووجهه كلامه لقارس وهي حاطه عينها فالارض...جده.. عرفت تختار يا فارس نمس زي جدك..

الجد. مش هتسلمي علي عريسك ولا ايه..مدت ايديها وهي قلبها هيقف واول ما الاتنين مسكو ايدين بعض اتخطف قلبهم من لمسه اديهم وفريده.. من الاحراج شدتها بسرعه..

الحاج صالح.. تعالي يابنت اعدي هنا..

مش هتعرفونا عالقمر التانيه دي كمان..

رحمه.. دي ريم بنتي اخت فريده الصغيره..

الجد.. ماشاء الله ربنا يحميها 

رحمه..ادخلي سلمي.. دخلت سلمت عالكل.. ووصلت لحد عمر.. وبصتله لقيته بيبرقلها وعينه هتطلع ويتحول عليها..سلمت عليه وبسرعه وقفت جمب رحمه..

وبدأ المأذون اجراءات كتب الكتاب.. وكل ده والدها معاهم حاطت عينه عليها وازاي هي بقت عروسه واعده شبه الملايكه...

المأذون .. اين وكيل العروس... الكل سكتتتتت

فريد...بيحاول يغير الكلام وبضحك من الشاشه اللي بيتكلم منها. المفروض كنت انا يا سيدنا الشيخ بس ظروف السفر بقي نعمل ايه.. بس عندك العروسه بقي اهي... بدالي... هتكون وكيله نفسها ...

فاللحظه دي فريده رفعت نظرها اللي من اول الاعده باصه فالارض وبصت عالشاشه باتجاه والدها.. ودموع ملت عينها.. وفي لحظه حست ان ضهرها مش مسنود وحست بكسره ابوها في لحظه دي ..

فريده... يعني ايه يابابي اكون وكيله نفسي وحضرتك موجود.. فريده بسذاجه وطيبه مش فاهمه انه مش هينفع يكون وكيلها عن طريق شاشه ولا في توكيل مبعوت منه ولا هو موجود عشان يمضي كل اللي بيجمعهم انهم شايفين بعض بس.

فريد... ديدا حبيبتي .. ازاي وانا بعيد عنك همضي ازاي .

فريده... طيب قوله يابابي ان حضرتك موافق وهو هيعرف .

فريد.. مش يمكن بالنسباله انا مش باباكي يعني ينفع يجي اي حد يقول للمأذون انه باباكي هيتأكد ازاي...

فريد... كان بيفهمها ادام الكل وبيعاملها بحنيه كأنها طفله وهي نسيت كل اللي موجودين وبقت تحاول تقنع باباها انه يقنع المأذون..

ودموعها ابتدت تنزل 

فريد... عشان خاطري.. ياديدا بلاش الدموع دي كفايه الوجع اللي انا حاسس بيه..

فارس.. ابتدا يهز في رجله وكان مضايق جدا بسبب دموعها دي وحرمانها من اللحظه اللي اي بنت بتتمناها ان والدها يكون وكيلها..

وكان المشهد اللي حاصل ..  رحمه وريم بيعيطو علي والدهم وعلي فريده..  البنات اتأثرو من دموع فريده وبقو يعيطو نجوي بقت تعيط الشباب بقو متأثرين ووالده وعمه..حتي رباب اللي مضايقه انها هتتجوز فارس.. بس حست ان بنتها هي اللي فنفس الموقف...

الجد... لا يابنتي اهدي كده شويه... بلاش الدموع دي وبلاش توجعي قلب ابوكي وبعدين ماهو كويس ادامك اهو وبالف خير كل الحكايه ان في سفر بيفصلكم عن بعض وهيجي ويفرح بيكي واول ما يوصل هنعملك احلي فرح يتحاكي بيه العالم وابوكي بنفسه هيسلمك لعريسك.. اضحكي يلا..

وفك الجو... وابتدت فريده.. تضحك وارتاحتله جدا اول ما دخلت كانت متوتره من شكله وهيبته اللي بتساوي هيبه فارس وميفرقهمش غيرالسن.. ولما ابتدا يضحكها ويكلمها حست انه طيب اوي...

يلا .. يا شيخنا ابتدي .. العالم اللي وراك دي كلها نكديه هما الحريم كده..

ولا ايه يا فريد يا ابني..

فريد... بضحك صح يا حاج.. يلا ياديدا وزي ما ما الحاج صالح قال.. لما اجي انا اللي هسلمك بايدي لفارس.. ولا اقولك انا هفضل اعد معاكي عالكوشه كمان...

فريده... ابتدت تضحك وتمسح دموعها...

فريده... بابي.. ممكن استأذن حضرتك في حاجه...

المأذون.. ما يلا ياجماعه ورايا كتب كتاب.

فارس. بعصبيه علي المأذون.. لحظه يا شيخنا هتخلص ان شاء الله الدنيا ماطارتش..

مكنش عايز حد يضغط عليها ولا يقاطعها كان حابب يخليها تطلع كل اللي نفسها فيه عشان تكون مرتاحه

وبص لفريده.. يطمنها بعينه وقالها.. كملي يافريده..

فريده.. بابي انا مش هقدر انا اكون وكيله نفسي بدالك..

الكل.. سكت.. وخصوصا فارس بصلها ورفع حواجبه..وبان عليه القلق..

فريد... يعني ايه..

فريده.. يعني ممكن لو مش هيضايقك.. اخلي جدو صالح هو يبقي. وكيلي..

فريد... طبعا يا فريده..

فريده.. بصت للحاج صالح.. ممكن ياجدو توافق. 

الحاج صالح.. بفرحه...طبعا يابنتي ممكن وخدها في حضنه ..

فارس.. بعصبيه  ما يلا بقي المأذون عنده شغل....

جده.. الوقت عنده شغل..

وابتدو الاجراءات ودقايق وخلصو..  نجوي زغرطت.. هي والبنات وبقو يحضنو فارس شويه وفريده شويه ويباركلهم... اما فارس. فقرب من فريده وسطهم كلهم وباسها من راسها وهو باصص في عنيها مبروك يافريده..

فريده.. بكسوف.. الله يبارك فيك.

الجد... زين انت وادهم . وعمر... تنزلو تضربو نار والصواريخ اللي بتحدفوها دي..  عايز كل المعز تعرف ان فارس كتب كتابه وعايز الكل يعرف ان فريده بقت حرمه...

عشان محدش يقدر يرفع عينه فيها هي واهلها من اللحظه دي..

نزلو الشباب وبهدلو الدنيا تحت والبنات واقفين فالبلكونه.. فرحانين ..

اما فارس.. استأذن من فريد بالمناسبه دي ياخدهم ويتعشو بره وفريد وافق 

الجد لا ياابني روحو انتو شباب  مع بعض.

وبعد كلام كتير واتفقو ان فارس هيخرج هو والبنات والشباب مع بعض..

اما نجوي.. فطلبت من رحمه  تروح تسهر معاهم ويتعشو سوا...

وبعد الحفله اللي الشباب عملوها تحت البيت وخلصو ابتدو يجهزو عشان يخرجو....

لقراءة باقي حلقات الرواية اضغط على

 ........😍😍😍😍😍😍

تعليقات