رواية فارس الحي الشعبي الفصل السابع عشر بقلم اميره اسامه
فارس الحي الشعبي البارت السابع عشر
رواية فارس الحي الشعبي بقلم اميره اسامه
في تمام الساعه الثانيه صباحآ بتوقيت اميركا... كان التوقيت في مصر الساعه الثامنه صباحآ..فريده... كانت نايمه... ووشها كان بتصبب عرق وكان باين علي ملامحها الخوف والقلق..نتيجه حلمها بكابوس...فريده... فريده... فريده.. وده كان صوت رحمه..
فريده..قامت بسرعه من عالسرير.. مامي..مامي..
رحمه... مالك يافريده.. وايه العرق ده. كله..انتي كنتي بتحلمي ولا ايه..
فريده.. بخوف..باين علي صوتها ونفسها اللي بتصارع عشان تاخدو.. كابوس يامامي كابوس
فريده.. فارس.. يامامي ..فارس..
رحمه.. خير ياحبيبتي متقلقيش
فريده... مسكت تليفونها بسرعه.. ورنت كذا مره مبيردش يامامي.. انا حاسه ان فارس.. قابل چون.. فارس.. كان بيضحك عليا وقالي نازل يعمل حوار مع الصحافيين بعد العرض..بس صوته كان باين انه بيخبي عليا حاجه..
رحمه... استني.. هكلم فريد...واتصلت وكان بيديها مقفول لانه لسه فالطياره..
رحمه...تليفونه مقفول..
فريده... مش بقولك ان في حاجه غلط...
رحمه... ولا غلط ولا حاجه.. يافريده. بلاش تقلقي وتقلقيني الوقت عندهم متأخر ويمكن نايمين ياحبيبتي كان عندهم طول اليوم شغل واكيد العرض تعبهم..يلا قومي حبيبتي غيري هدومك عشان الشغل وهنحاول تاني..
قامت فريده.. وسمعت كلام رحمه.. علي امل ان يكون كلامها صح..وغيرت.. ونزلت للشغل وطول الوقت تتصل بفارس.. وعمر.. ووالدها.. ومفيش اي رد بيجيلها...
نروح لابطالنا.......
دخل زين مع رجال الشرطه.. ومع بعض رجال الاعمال ومع جاردات كتير...وكان المنظر من بره المخزن مروع كان كل رجال.. چون اللي بره.. مقتوليين علي ايد الجاردات الليي بعتهم رجل الاعمال كادعم لفارس..دخل زين مع رجال الشرطه.. جوه المخزن... وكان المشهد يصدم الكل كان مرمي عالارض..وسايح في دمه.. زين بقي يدور فالمكان زي المجنون علي فارس. وعمر وادهم..ومكنش قادر يركز الكل وشه متغطي بالدم..وهو الصدمه مخلياه بيدور من غير تركيز...واخيراااا. لمحهم جري.. ناحيتهم لقي عمر وادهم مرميين عالارض سايحين في دمهم وفارس... فوقيهم وكأنه كان بيحميهم والتلاته كانو فاقدينن الوعي...
والدم خارج من كل جسمهم..
زين. بسرعه بيجس نبضهم التلاته زي المجنون ودموع زي الشلال نازله من عينه من غير ماتقف..
زييييينننن. اسعاااااف بسرعه..
هيروحو منيي..
زين... وبيضرب بايده علي وش فارس.
فااارس.. فاااارس... قوم عشان خاطري.. فارس.. قوم
وسابه ومسك ادهم.. ادهم فوق . فوق والنبي.
عمرررر.. قوم طيب انت قوم ياصاحبي عشان خاطري.. قوم خليك معايا ..واعد وسطهم وهو ماسكهم.. طب حد فيكم يقوم متسبونيش فالموقف ده لوحدي...
اسعاااااف بسرعععععععه.
وفاللحظه دي الاسعاف وصلت..
وكان عدد من جاردات چون مات وعدد قليل حالته خطيره.. اما فالداخل.. الاسعاف نقللت چون.. وفارس وادهم وعمر.والجاردات اللي عاشت فيهم.. والطريق كله كان عباره عن عربيات اسعاف
وركب زين مع فارس..
زين طول الطريق ماسك ايده.. ويعيط.. قوم يا صاحبي قوم يا اخويا.. قوم انا مليش غيرك..يافارس.. قوم ياسندي انا من غيرك هموت يا فارس..انت سندي وسند عيلتنا كلها قوم متوجعش قلب حد فينا عليك..
ياااااارب..
ودقايق.. وصلت عربيات الاسعاف.. وعشان كانت المستشفي عندها علم كان فريق كامل من الجهاز الطبي في استقبال الحالات.. وبسرعه بقو ياخدو كل مصاب ويجرو بيه عالعمليات.. ودخل فهد وعمر وزين.ورا بعض عالعمليات
اما زين .. كان في وضع لا يحسد عليه ابدا... مكنش عارف يجري ورا مين فيهم.. مكنش عارف يعيط علي مين.. مكنش عارف يتصرف..كان حاسس انه متعري كان حاسس بالبرد.ودموعه موقفتش ثواني...وفاللحظه دي الخبر ابتدا ينتشر في امريكا عن الحادثه اللي حصلت .. وفي ثواني انضم بعض رجال الاعمال المقربين لفارس.. وكانو بيدعمو زين عشان ميكنش لوحده..
اما زين.. كان في عالم تاني.. مابين دموع ودعاء ورجاء لربنا ان محدش فيهم يتأذي..مر وقت كبير.. وكان بيعدي علي زين كأنه سنين كان رايح جاي مش قادر يأعد ولا قادر يرتاح ومحدش بيخرج يطمنه...ودقايق..خرج دكتور.. زين جري.. عليه..
دكتور.. لو سمحت طمني قولي انهم بخير...
الدكتور... اهدي بعد اذنك.. للاسف كل اللي دخل العمليات حالته خطيره جدا.. احنا نقلنالهم دم لانهم خسرو دم كتيير بس في واحد فصيلته مش موجوده للاسف الدم اللي موجود خلص العدد اللي دخل كان كبير...
زين.. مش عارف مين. هو طبعا واذا كان حد يعرفه ولا حد ميعرفوش...وبدون تردد سأله مين
الدكتور.. انا مش عارف للاسف..
زين. طيب فصيلته ايه..o
زين.. دي فصيلتي... واكيد ده عمر
الدكتور.. طيب تعالي بسرعه معايا..مفيش وقت هتدخل معايا اوضه العمليات علي طول..هيتسحب منك الدم جوه.
ودخل زين اتعقم ودخل معاه بسرعه ونيموه علي سرير ووصلو في ايده الابره وابتدا يتسحب منه دم.. وكان نايم في مقابل وش عمر.. وطلع استنتاجه صح..
زين... دموعه مش واقفه.. قوم ياصاحبي عشان خاطري قوم متعملوش فيا كده..
وبعد وقت تم سحب كيسين دم منه...
وخرجوه عشان يكملو بسرعه
خدته الممرضه.. يرتاح علي كرسي وقدمتله عصير بس كان رافض يشربه..
الممرضه.. من فضلك اشرب العصير عشان متتعبش ويأثر عليك..
زين.. ساكت وسرحان ومش بيرد عليها ودموعه مش مبطله نزول..الممرضه سابت العصير ادامه ودخلت بسرعه..
بعد كذا ساعه ..اتفتح باب غرفه العمليات.مجموعه من الدكاتره باين عليهم الاجهاد..زين جري عليهم عشان يطمن..
زين.. دكتور.. طمني عليهم حد فيهم حصله حاجه..
الدكتور.. الاربعه اللي دخلو فالاول..محدش فيهم مات بس فيهم اتنين حالتهم حرجه جداااا بس قدرنا نوقف النزيف وقدرنا نخرج الرصاص ..بس الاول
..مين فيهم معاك..عشان اقدر اشرحلك حالت كل مرض
زين.. انا معايا تلاته... وكان في اتنين شغالين معانا احب بردو اطمن عليهم
دكتور.. طيب استناني هنا هغير اللبس ويكونو اتنقلو العنايه..وهاجي تاني..
زين.. تمام يادكتور.. اطمن شويه زين ان محدش فيهم جراله حاجه بس كان خايف بردو يكون في حاجه اخطر..
بعد حوالي نص ساعه رجع الدكتورر.اتفضل معايا..
الدكتور خد زين..وراح علي اوضه كبيره.. الدكتور.
مش هنقدر ندخل عليهم عشان التعقيم..
وكانو واقفين يبصو عليهم من الازاز...
الدكتور.. المريض الاول.. علي ادهم...
كان مصاب بطلق في الذراع.وفالرجل.. وكان عنده اصابه بطلق فالصدر.. وطلعناهم ووقفنا النزيف ونقلناله دم.. يعتبر حالته مستقره وتعدي عليه 24ساعه ..بخير هيطلع علي غرفه عاديه...
زين.. الحمد والشكر لله .
الدكتور..المريض.. التاني...علي چون...
زين.. من فضلك ده مش عايز اعرف عنه حاجه ده السبب في كل اللي هما فيه..
فهمت الدكتور.. وبسرعه المرض الثالث..
علي عمر...المريض ده..حالته خطيره شويه مان مصابك بطلق في الصدر والبطن.. وكان في رصاصه قريبه من الكلي.. وطبعا فقد دم كتير وكان حظه كويس انك فصيله دمه للاسف كل الحالات اللي جت كانت محتاجه دم وللاسف الفصيله بتاعوه كانت قليله وخلصت...وطبعا في ملاحظه علي حالته.. وبس يعدي 24ساعه الجايين ويفوق ونقدر نقول انه عدي مرحله الخطر....
زين... ياااارب.
اما المريض. الاخير علي فارس...للاسف حالته خطيره جداااا واحنا عملنا معاه كل اللي نقدر عليه.. ويمكن اكتر حد تعبنا جداا.. فقد دم كتير وعضله قلبه وقفت مرتين اثناء العمليه..مصاب بطلقتين فالصدر..منهم رصاصه. كانت قريبه جداااا من القلب... وطلقه فالكتف.. وطلقه. فالظهر كانت قريبه جدا من العمود الفقري.. بس لحسن حظه ملمستش اي جزء خطر فالعمود الفقري.. وده للاسف لو كان حصل كان سببله شلل كامل فالجسم.. وطبعا هو ساعدنا كتير واضح انه رياضي جيد جدا بنيته الجسمانيه قويه ولياقته عاليه جدااا وده ساعده انه يقوم ويفضل معانا ..
زين.. طيب هو الوقت في اي خطر عليه..
الدكتور..هو حالته كانت خطيره جدااا وعلي اد ما قاوم معانا وان العمليه نجحت إلا ان منقدرش نقول ان حالته عدت مرحله الخطر...بالعكس.. بس ال48ساعه دول يعدو علي خير.. ويفوق ونقدر ساعتها نحدد اذا كان هو عدي مرحله الخطر دي اوي لا...
زين... شكرا. لحضرتك بس كان ليا طلب
الدكتور.. انا حابب ادخلهم..
الدكتور.. للاسف اولا مش هينفع ثانيا حتي لو دخلت مش هتقدر تتواصل معاهم هما لسه تحت تأثير المخدر.. ومش هيفوقو الوقت خالص.. تقدر تطمن زي ماانت واقف كده...
زين... طيب..
الدكتور... مستر زين.. ده الكارت بتاعي وفي تليفوني.. تقدر تكلمني اي وقت وانا معاك وهباشر حالتهم اول بأول مش عايز تقلق عليه.. انا اسف اني عندي جهل بالموضه عموما.. بس واضح ان مستر فارس.. وحضراتكم شخصيات مشهوره وجايلكم توصيات كتير .. وياريت لو تقدر تروح اي فندق ترتاح شويه واضح انك مجهد جدااا واعدتك هنا مش هتفيدهم صدقني هتضرك انت..
زين... شكرا جدا لحضرتك ... انا مش هقدر اسيبهم للاسف..ملهمش غيري هنا ..متقلقش كلنا معاهم.. ممكن حتي تروح تغير هدومك وترجعلهم..
زين... ان شاء الله شكرا جدااا...
مشي الدكتور... وزين فضل باصص عليهم من الازاز وهما نايمين ادامه واجهزه خارجه منهم وشكل فارس.. اللي كان بشع كان نايم علي جنبه ودي الوضعيه المناسبه ليه لانه مصاب فالضهر والصدر.. كان خارج من مناخيره وبوئه اجهزه وكان قلبه متوصل باجهزه وسلوك كتير في صوابعه.. كان شبهه ميت...زين مسح دموعه.. وسمع صوت من وراه...
رجل اعمال صديق لفارس...مستر زين.. لازم تروح ترتاح واضح عليك التعب.. وكمان كل هدومك غرقانه دم...روح عالفندق.. خد شاور واهدي شويه وتعالي..
زين... مستر ادم.. مش هقدر امشي واسيبهم هما مفيش حد معاهم اخاف يجرا لاي حد فيهم حاجه وانا مش معاهم مش هقدر.. واخاف حد يكون تبع چون يفكر يأذيهم..
ادم.. مستر زين .. انتو هنا في امان وتحت حمايه رجال اعمال كان نفسهم يخلصو من چون وفارس ليه قدمهالهم.. وواجبنا كلنا نحميه فارس.. مش مجرد رجل اعمال فارس. صديق وفي.. روح ارتاح شويه ومتقلقش الدور كله متأمن بالكامل واظن انت شايف ان الدوركله بودي جاردات ورجاله واقفه تحميهم وانا خفضل هنا لحد ما ترجع متقلقش..بعد اقناع كتير زين وافق..
ادم.. في عربيه تحت هتوصلك لحد الفندق ومش هتتحرك لحد ما ترجعك..
زين.. مستر ادم بشكرك..جدا..ليه حق. فارس. يحبك هو وعمر.
ادم... شكرا مستر زين..
ومشي زين عالفندق.. واول ما وصل دخل ياخد شاور ويجهز بسرعه عشان يرجعلهم ..
اما في مصر....
بعد ما رجعت فريده من الشغل.. وعرفت ان رحمه موصلتش لحاجه بردو ولا حتي فريد موبايله اتفتح..
فريده.. بعياط انا واثقه يامامي ان في حاجه حصلت..
رحمه.. انا كمان قلقانه ومش قادره اتلم علي اعصابي..
ريم...بدموع مهدده بالنزول ..عمر كمان مش بيرد..
فريده... مسرعه طيب نتصل علي سمر وسما نشوف ادهم وزين امته اخر مره كلموهم..
ريم.. كنت بكلم سمر من شويه ..كانت قلقانه جداا علي ادهم وعلي زين اخوها... حاولت تكلم ادهم كتير مبيردش طول الوقت.. ولما قلقعت عليه بقت تتصل بزين. عشان تطمن بردو مش بيرد... وكلمت سما تسألها اذا كان زين كلمها قالتلها مش بيرد...
فريده.. بأنهيار... يعني كده صح.. في كارثه
ريم.. ابتدت تعيط هي ورحمه.. علي عياط فريده وعلي خوف ريم علي عمر .. ورحمه علي فريد..
فريده.. قامت وقفت .. ومسحت دموعها... انا هنزل لجدو صالح.. اكيد يعرف حاجه..
رحمه.. فريده استني.. مش يمكن ميعرفش حاجه وتقلقيه هو كمان ده راجل كبير يا فريده ميستحملش القلق...
فريده... هنزل ومش هقول حاجه علي طول إلا لو هو سأل..
ونزل فريده... للجد لاقته اعد مهموم..
سما.. تعالي يافريده... صحيح فارس.. كلمك..
فريده... لا ياسما..
سما... ولا زين ...
فريده.. فين جدو...
سما.. جوه فالاوضه بتاعته هيموت من القلق هو كمان..
.دخلت فريده.. بعد ما استأذنت الدخول..ازيك يا جدو..
الجد... ازيك يامرات الغالي....كان اعد علي كرسي خشبتو
فريده.. سمعت الجمله مقدرتش تخبي عليه ولا تسيطر علي دموعها.. واترمت في حضنه بانهيار...عايزه اطمن عليه ياجدو انا عرفت كل حاجه.. عرفت انه رايح للخطر بنفسه مش عارفه اوصله..
الجد... ومسح دمعه نزلت من عينه... ورفع وشها..
انا كمان هموت عليه هو وادهم وزين وعمر.. خايف عليهم..بس الوقت بدل ما ناعد نعيط ونحط ايدنا علي خدنا ندعيلهم .. متقلقيش فارس راجل من ضهر راجل.. وطول عمره محبوب وطول عمره وهو بيساعد الكل. بيقف جمب الكل..ربنا مش هيوجعنا فيه ابدا..يمكن اكون خايف وقلقان زيك واكتر منك اضعاف المرات.. بس واثق برحمت ربنا ..
فريده.. يارب ياجدوووو.
الجد... انتي عارفه رغم القلق اللي كنت فيه.. بس الوقت استريحت شويه.. عشان شوفت في عنيكي ولهفتك علي فارس. حب كبير..
وطت فريده.. راسها باحراج...
الجد.... ارفعي وشك يامرات الغالي.. الحب باين في عنيكي. واللهفه عمرها ماتداري.. وانا راجل كنت زمان حبيب.. وافهم الحب من غير كلام.. ارفعي وشك. حبك لفارس.. ميخجلكيش ومرات الغالي.. متوطيش راسها ابدا...
حضنت فريده.. الحاج صالح.. بحب..وهو بادلها الحضن...
وبعد فتره طلعت تاني...
نروح تاني امريكا... خليني انا مفسحاكم كده🤣🤣🤣🤣🤣
زين خلص شاور.. وخرج لبس بسرعه وفتح خزنه الدولاب شال فيها كل حاجه تخص عمر وزين وادهم من متعلقات شخصيه لموبايلاتهم.. بعد ما تم تسليمه فالمستشفي.. كل متعلقاتهم الشخصيه.. وقفل الموبايلات عشان محدش يفضل يتصل عليهم وقفل الخزنه.. ونزل ركب وراح عالمستشفي... بعد وقت قليل وصل زين.. وطلع بسرعه عالدور بتاعهم...
ادم...حمدالله عالسلامه كنت ارتاحت شويه..
زين.. بحزن كبير باين علي وشه..كفايه اني اخد شاور واغير اوي.. مش هقدر اسيبهم صدقني .
ادم... تمام مستر زين... انا هسيبك الوقت هخلص شغل ضروري وهرجع تاني.. لو احتجت اي حاجه كل الرجاله هنا في خدمتك
زين.. متشكر..مستر ادم.
مشي ادم... وزين راح يسأل عن البادي جارد بتوعهم..
والممرضه عرڤته مكانهم.. وطلع لاول واحد.. لقاه نايم وحالته شكلها خطر...
وراح للتاني... لقاه ابتدي يفوق وده حالته كانت بسيطه واخد طلق في كتفه وبعد الكدمات بس..
زين... حمدالله علي سلامتك يا احمد
احمد.البادي جارد..الله يسلمك زين باشا..
زين.. حاسس بايه...
احمد... انا بخير الحمد لله بسيطه..المهم طمني علي فارس باشا..
زين.. بحزن اتصاب هو وعمر وادهم حالتهم خطيره..
احمد... اسف زين باشا مقدرناش نحميهم.. كانو اكتر مننا..
زين...مفيش اسف انا كنت شايفكم يا احمد مقصرتوش بس ده قضاء ربنا نصيبهم. انا هسيبك الوقت ترتاح انا فالجناح اللي فالدور اللي فوقيك..وكل شويه هاجي اطمن عليك انت ومحمود..
احمد.. شكرا زين باشا..
وطلع زين تاني...واول ما طلع عالدور لقي حاله من الزعر والدكاتره بتجري عالاوضه بتاعت العنايه المركزه..
زين ..قلبه وقع في رجله...وجري علي هناك..واول ما وصل الممرضه مرضيتش تدخله ممنوع..
زين. بعصبيه... مممنوع ايه في ايه.. وبص بسرعه من الازاز.. لثاهم بيعملو صدمات للقلب بسرعه وجهاز القلب بيعمل صوت.. وخط ثابت ابتدااا يتحرك...... زين.. بيخبط عالازاز..لا لا لا لا يارب لا يارب.. ياااارب...
وبعد محاولات كتير فاشله.. زين.. اصحي يازيييييين اصحييييي فوق عشان خطري يازين.. ودموع زي الشلال مش بتوقف..
واخر صدمه.. من الدكتوووور.. اخيرا ابتدا القلب ينبض تاني.. وظهر خطوط متعرجه عالشاشه ..
زين... من بره بيتنفس بسرعه الحمد لله يارب الحمد لله يارب... دقايق وخرج الدكتور..
زين جري... عليه.. وحالته لا يرثي لها دكتور هيعيش صح قولي انه هيعيش...
الدكتور.. ماتقلقش قدرنا ننشط عضله القلب تاني...دي تالت مره تحصله وده مؤشر مش حلو بس هو بيقاوم معانا هو مش مستسلم متقلقش والنوع ده من المرضي بيقدر يكمل..طيب ادهم وعمر.. طمني عليهم.. لحد الوقت حالتهم مستقره مفيش قلق عليهم..
مشي الدكتور وفضل زين واقف مش قادر يسيطر علي دموعه...
اما في مصر....
وصل فريد وناصر.. مطار القاهره.. وبعد ما خلص كل الاجراءات راح علي المعز.. ووصل ادام شقته وتلقائي عرف بيت فارس.. ادام باب البيت بتاعه وكل المحلات مكتوب عليها السيوفي.. وصل تحت البيت...واول ما وصل اتصل علي والد فارس... زي مافارس كانت متفق معاه...
محمد..الوووو
فريد....استاذ محمد..
محمد... ايوه مين معايا..
فريده... انا فريد والد فريده..
محمد.. اهلا اهلا انت وصلت مصر..
فريد.. بضحك..انا وصلت تحت البيت كمان..
محمد ... حالا حالا نازل..
ودقايق.. نزل محمد ومعاه اخوه محمود عم فارس.. واستقبلو فريد وناصر وطلعو بيه عند الجد...وبعد ترحيب كتير...الجد... اجري. ياسما نادي علي ست رحمه والبنات ..
دقايق.. كانو نزلو جريت فريده. وريم.. علي والدهم حتي رحمه وبعد سلام ودموع .وتجمع كل اللي فالبيت علي اثار صوت التهليل ...
نجوي والدت فارس..... حمدلله علي سلامتك استاذ فريد
فريد... الله يسلمك يارب...
فريد.... ومكنش عنده علم ان فارس مش معرف الكل...وفارس نسي خالص يقوله ان مش كلهم عارفين وخصوصا امه...كان فاكر ان فريده بس اللي متعرفش..
فريد.فارس كلم حد فيكم.. انا اول ما وصلت كلمته كتير هو والشباب بس للاسف مش بيردو عليا..انا قلقان جدا...وعايز اعرف عملو ايه مع چون...
نجوي... بقلق مالو ابني يا استاذ فريد.. وانت اتقابلت ازاي مع فارس ومال فارس بچون ده...
فريد..... ابتدا يحول نظره عالجد وعلي رحمه..وعلي والد فارس.. وعمه...
ياسمين... اتكلم يا عمو.. فارس فيه ايه...هو وادهم كويسين
سمر... عشان كده زين مبيردش.
الجد..... بخيبه امل انهم عرفو ...استهدو بالله وانا هفهمكم كل حاجه...
فريد... انا واضح اني بوظت الدنيا بس اللي اعرفه من فارس.. ان فريده متعرفش مكنتش عارف ان الكل مايعرفش...
نجوي... ما تتكلمو ياجماعه ولادي فيهم ايه..
الجد... مجوي فارس كان رايح شغله زي ما احنا عارفين بس كمان هو قرر انه هيرجع حماه ويظهر حقه وعمل خطه يوقعو بيها چون ده...وقابله هنا في مصر.. لانه جه هنا وكان عايز يخبط فريده بالعربيه عشان ينتقم من ابوها..وفارس... عمل خطه انه عايز فريد عشان ينتقم منه.. والباقي منعرفش ايه اللي حصل. وطبعا فارس مكنش حابب الكل يعرف وخصوصا انتي يانجوي عشان عارفك بتقلقي عليه.انا وابوه وعمه والست رحمه...
نجوي.. وجهه نظرها لرحمه.... صدقيني انا مكنتش عايزه ده يحصل ابدا...بس هو كان مصمم..
نجوي... انا عايزه ولادي..
الجد. انا فارس. اخر مره مكلمني امبارح بعد ما خلص العرض..
نجوي... وانا كمان...كلمك يافريده...
فريده. بدموع مش بتقف .. هزت دماغها بنفي...
فريد... كده في حاجه مش صح.. وقام وقف وفضل رايح جاي... يفكر...ويجرب تاني موبايلاتهم....
فريد... فارس. وعمر.. وادهم مقفولين. زين بيرن بس مش بيرد..
الجد... بقلق.. طيب مفيش طريقه نقدر نوصلهم بيها يا استاذ فريد... اخيرا خرج صوت ناصر. واللي لفت انتباه ياسمين..
ناصر... استاذ فريد.. ما تكلم ادم اكيد يعرف حاجه هو معاهم مسبهمش..
فريد... مسرع...براڤو عليك ازاي نسيت ادم... واتصل فريد..
فريد... مرحبا مستر ادم...مستر فريد معاك
ادم.. مستر فريد..مرحبا..
فريد...ادم طمني علي فارس والشباب بتصل انا واهله من بدري محدش بيرد احنا قلقانين عليه...جدا.. وعايز اعرف عمل ايه مع چون..
الجد.. مايل علي ابنه والد فارس... هو بيرطم بيقول ايه..
محمد... وانا عارف ولا فاهم حاجه غير اسم فارس..
.فريد.... بفزع... انت بتقول ايه يا ادم.... هما عاملين ايه حالتهم ايه..
الكل اغلبه مش فاهم واللي منهم فاهم فاهم كلمه كلمتين.. بس طبعا فريده وريم ورحمه فاهمين.... فاللحظه ده فريده... قربت علي والدها...
فريده... بابي فارس. ماله مين اتصاب فارس كويس...
نجوي.. خبطت ايدها علي قلبها... ولااااادي...
فريد... تمام من فضلك ادم.. اول ما توصل تكلمني وحاول تشوف زين مش بيرد ليه ...
الجد... وهو الخوف مسيطر علي كل حاجه فيه...
احفادي.. فيهم ايه.. يا استاذ فريد...
فريد بأسف.. انا مش عارف اقول ايه... بس .. وابتدا يحكيلهم اللي ادم قاله...
الجد... طيب هما عايشين صح.
فريد.. اه ولله قاللي كويسين بس زين خد موبايلاتهم وكل متعلقاتهم...وتقريبا هو قفل تليفوناتهم ..
نجوي... انا عايزه ولادي..
ياسمين. بعياط..اهدي ياماما ..والنبي..
سمر.. كانت هتموت عشان ادهم . وريم.. كانت منهاره عشان عمر...اما ريم. فضلت ساكته دموع متحجره في عنيها.. وكأنها اتصابت بصدمه فقدتها النطق....
رباب.. وكأنها مصدقت كان يوم اسود يوم ما دخلتي علينا شقلبتي. حال فارس. وخلتيه راح برجله للنار هو وشباب عيلتنا..
شوفتي يانجوي اللي بقيتي اعده معاها وبتحبيها اهي كانت عارفه ان ابنك رايح للنار بنفسه وممنعتهوش عشان تضمن رجوع جوزها.. ومش مهم اي حد تاني
الجد..... رباااأب كلمه تانيه هيكون ليا تصرف تاني معاكي...
رحمه... سيبها ياحاج صالح..هي بس مضايقه عشانهم..
رباب ايوه اعملي بقي طيبه.. والد.. فارس... رباب قولنا اسكتي اللي بتعمليه ده عيب..
رحمه...فارس.. لما قالي كان قال لجده وابوه وعمه قبل ما يقولي ولما قالي انا مكنتش موافقه وبعد اقناع كتير وافقت عشان هو كده كده كان مسافر ولو مكنتش وافقت او اعترضت كان هيعمل اللي في دماغه مكنش ادامي غير اني اوافق واقوله شويه معلومات تفيده وخليتو كلم فريد وفريد فهمه حجات كتير عن شخصيت چون.. وكان قايل ان ولا امه ولا البنات ولا فريده. يعرفو عشان محدش فيهم هيعمل اي حاجه غير انه يقلق ويخاف وبس..صدقيني ياست نجوي انا عمري ما اتمني حاجه وحشه لفارس انا ام وزي ما انا متنمناش حاجه تحصل لبناتي متمناش حاجه تحصل لاي حد....
فريد... متقلقوش ياجماعه.. انا في اسرع وقت هكون هناك هرجعلهم ومش هسيبهم..
الجد... لا يا ابني انت كفايه عليك اللي حصلك الفتره اللي فاتت خليك وسط مراتك وولادك وكفايه تتابعهم من هنا وتوصي عليهم كل اللي تعرفه وتحاول تخلينا نكلم زين نفهم منه..
واثناء ما هو بيتكلم... ادم اتصل بفريد...
ادم...الوووو مستر فريد...
فريد... اددددم.. طمني.
ادم... معاك زين..
فريد... الووو زين...
زين... حمدلله علي سلامتك استاذ فريد..
فريد... الله يسلمك...طمني فارس.. وعمر وادهم عاملين ايه..
زين... ادعيلهم استاذ زين..
فريد... يعني ايه...قاطعه الجد..ادهولي يا ابني.وخد منه الموبايل....
الجد. بدموع وصوت باين عليه الخنفه... زين يا حبيبي طمني عليك وعلي اخواتك...
زين... اول ما سمع صوت جده انفجر.. وكأنه ما صدق لقي حد من دمه يرتاح معاه...
زين... انا محتاجك اوي ياجدي.. فارس. وادهم وعمر.. تعبانين اوي حالتهم مش حلوه خصوصا فارس ياجدي...
زين كان بيتكلم وهو مش واخد باله كان بس بيحاول يطلع اللي جواه بمجرد ما سمع صوت جده...اما كلامه علي مسامع الجد كان خناجر بتقطع في قلبه.. عشان سامع حفيده واصل للحاله دي عشان سامعه وهو بيوصف حالتهم بالحرجه...
الجد... اجمد يازين... اخواتكم مش معاهم غيرك يا ابني انشف يا ولااا ااا احفادي رجاله.. متسبهمش لحظه وكل ثانيه تكلمني تطمني عليهم سمعت يازين... احنا مؤمنين وموحدين بالله اللي ليه نصيب فيه هيشوفه ان شاء الله هترجعولي انتو الاربعه بالف خير.. بس لحد ما الوقت ده يجي اعمل كل اللي تقدر عليه عشان مفقدش حد فيهم يا ابني...
زين.. حاضر ياجدي...
وبعدها والد زين كلمه .. وبعدها نجوي..
الكل كان بيعيط. والمود العام كان مسيطر عليه الحزن...
بعد ما قفلو مع زين...
الجد... اطلع يلا يا ابني ارتاح مع مراتك وبناتك..
فريد.... معلش ياحاج انا هستأذنك انا هاخدهم وارجع بيهم عالشقه...
الجد.. بصرامه... ايه الكلام ده..اللي بتقوله ده لا يمكن يحصل
رحمه... بعد اذنك يا حاج معلش لازم نمشي خصوصا طول ما الجو مش حلو كده واي وقت هتشوفنا هنبقي احنا السبب في نظركم..
الجد... ليه بتقولي كده يابنتي.. احنا ناس تعرف ربنا.. فارس.. بيكم من غيركم كان هيحصله كده... يمكن محدش فيكم حاسس بربع الانا فيه بس مقدرش ارمي قدر ربنا علي اي حد فيكم وألومه كمان.. زي ما رباب عملت.. كده.. اللي بيكتبه الرب بيمشي سيف علي رقبه العبد سواء برضاه او غصب عنه...
نجوي... مسحت دموعها...عايزه تسبيني بعد ما اتعودت عليكي ..رحمه.. قربت منها وحضنتها....مش عيزاكي تحسي كل ما تشوفيني ان احنا السبب مش عيزاكي تكرهيني..
نجوي.... مقدرش اكرهك وزي ما قال حاج صالح اللي حصل بتاع ربنا ملناش يد فيه وانا مهما كان وجعي علي ولادي عارفه ان ربنا مش هيوجني فيهم وهيرجعو قريب وانهارت بعد اخر جمله في حضن رحمه... والبنات ..اما رباب فاكانت علي اد حزنها علي ولاد اخوتها علي اد ماهي كانت واقفه تحرك بوئها شمال ويمين بسخريه علي رحمه.اللي قدرت تكسب نجوي.
اما فريده.. فا كانت واقفه زي التمثال
حتي الدموع رفضت النزول...
الجد...فريده... يا بنتي.. انتي كويسه..
رحمه..وفريد.. انتبهوو وقربو من فريده...رحمه... فريده
مالك انتي كويسه..
فريد... فريده حبيبتي طيب ؤدي علي بابي قوليلي فيكي ايه ..والبنات كلهم قربو منها وبقو يكلموها .
ياسمين.. فريده.. مش انا صاحبتك حبيبتيك ردي عليا انا طيب تعالي نطلع فوق انا وانتي والبنات...
نجوي... مالها يارحمه..
والد فارس... فريده يابنتي مالك.
الجد... هي اول مره تكون كده...
رحمه.. بدموع.. لا فريده لما بيحصل حاجه تصدمها بترفض الكلام...
الجد... طيب نجبلها دكتور حالا..
فريد... مش هيعمل معاها اي حاجه ياحاج..للاسف
والد ..فارس... طيب هنسبها كده..
فريد...مش عارف اعمل ايه..
رحمه.. فريده لو سمعت صوت فارس.. هتبقي كويسه انا عارفه..
الجددد. ربنا يشفيه هو واخواته ويرجعهم لنا سالمين يارب.. طيب خدوها يا ولاد ترتاح فوڨ...يلا علي شقتكم...
طلعو وطلع معاهم نجوي ووالد فارس.. والبنات عشان يطمنو علي فريده ..
طلعوهم.. ودخل البنات مع فريده اوضتها.. فضلو يحاولو يكلموها وكلهم معالم الحزن مسيطره عليهم حتي ريم مكنتش مبطله عياط وساكته خالص علي عكس طبيعتها .
بعد وقت.. سمر... طيب سيبوها يابنات لوحده فالاوضه ..
ياسمين.. فريده. احنا هنخرج.. بس حاولي تعيطي صرخي اعملي اي حاجه متسكتيش كده. عشان خاطري... وخرجو البنات..
ونزلو استأذن والد فارس.. ووالدته ومزلو عشان يسيبوهم يرتاحو وهما كمان يرتاحو بعد الخبر ده.
انا فريده.. بعد ما خرجو البنات.. فضلت مركزه في نقطه واحده وعنيها مش بتتحرك ودموع متحجره ورافضه النزول وفضلت اعده منكمشه علي نفسها وباصه فالفراغ..
نروح امريكا...
زين.. بعد ما خلص.. مكالمه مع اهله حس ببعض الراحه...
فضل رايح جاي تقول الوقت .. يقف يبص عليهم شويه شويه يتعب ويأعد شويه يقرا قرأن شويه يدعي شويه يصلي ويجع تاني يبص عليهم.. شويه يهدا وشويه دموعه تنزل لوحدها...فضل عالوضع ده ساعات معرفش عددها وبعد وقت...سمع صوت.. في جهاز ادهم...ودقايق الدكتوركان جوه الاوضه..
بعد ما خرج.. زين.. في ايه يادكتور..
الدكتور.. المريض فاق ونقدر نقول انه عدي مرحله الخطر..
زين بفرحه ودموع اخيرا خبر فرحه... بجد يا دكتور يعني هيبقي كويس..
الدكتور... هيبقي كويس.وهنسيبه كمان شويه وساعه نيجي ننقله من العنايه لاوضه عاديه..
زين.. الحمد لله بس دكتور من فضلك ياريت يتنقل اوضه في نفس الدور..عشان اقدر اكون مطمن عليهم ...
الدكتور.. حاضر مستر زين هنجهز الاوضه لحد ما يتم افاقته كاملا ونتأكد انه في احسن حال..
زين بفرحه.. شكرا يادكتور..
عدت ساعه وتم الاطمئنان علي ادهم وتم نقله اوضه تانيه وابتدا يتكلم واول ما سأل سأل عن فارس وعمر.. وزين فهمه براحه..ادهم كان مصمم يروح يطمن عليهم.. زين والدكتور منعوه من الحركه
ادهم .. بدموع.. فارس حالته وحشه هو او عمر..
زين .. بيحاول يخبي عليه ويطمنه..
لا خالص.. تقريبا انت. التلاته نفس الحاله. ان شاء الله هيفوقو خلال الساعات الجايه..
ادهم.. والكلب اللي اسمه چون مات ولا عايش..
زين.. لا عايش. بس محبتش اسال عن حالته بس واضح ان حالته خطر بردو والبوليس مأمن الاوضه عالاخر وممنوع حد يدخل او يخرج منها طبعا متحفظين عليه بعد كل الاعترافات اللي سمعوها وعرفه كل بلاويه .
ادهم.. رجع دماغه لورا وغمض عنيه بتعب.. المهم الوقت فارس.. وعمر..مش مهم اي حاجه تانيه...
زين... صح المهم هما..انا هقوم ابص عليهم وهرجعلك تاني..
ادهم.. ماشي...
زين.. راح .. عالاوضه.. لقي فيها دكتور ومساعدين.. قلبه اتخطف..
دقايق.. والدكتور.خرج..
مش قولتلك متقلقش.. المريض التاني فاق..ورغم ان حالته اخطر من ادهم.. بس فاق وبردو هيتم افاقته بشكل كامل ونطمن ان كل اجهزه جسمه بتتفاعل بشكل سليم هنقله اوضه عاديه..
زين... دكتور انا ياريت يكون في نفس الاوضه مع ادهم..
الدكتور تمام جدا هنجهز الاوضه ليه وهنخرجه..
زين في سره الحمد لله يارب.. يارب كمل فرحتنا بفارس...
اتنقل عمر لاوضه ادهم.. وفاق..وسال عن فارس.. وزين فهمه زي ما فهم ادهم...وعدي اليوم علي ابطالنا مابين قلق وتوتر.. وطول الوقت مكالمات مع اهلهم وزين طمنهم علي ادهم وعمر رسم كانت طايره.. وسمر كان مبسوطه ان اخيرا حبيبها فاق واخوها كويس ولاكن ينقصها احساس الفرحه الكامل بسلامه فارس..الكل كان مبسوط وبيدعو في نفس الوقت لفارس.. اما فريده.. كانت علي حالتها زي ماهي رافضه الكلام الاكل النوم بتبص عالفراغ وبس😣😣😣😣
عدي. كذا يوم مفيش فيهم اي جديد غير خبرين واحد حلو وواحد وحش الحلو ان فارس عدي مرحله الخطر.. انا الوحش انه دخل غيبوبه ...
بعد حوالي اسبوع من غير جديد غير ان فريده حالاتها تدهورت. من قله الاكل والنوم.. وفقدت وعيها وتم الكشف عليها.. وكتبلها الدكتور محاليل تتركب وكانو بيدوها حقنه تنيمها عشان تهدي ومتفكرش.. كانت طول الوقت نايمه..والمحلول في ايدها البيت كله كان حزين عليها وعلي فارس اللي مش راضي يقوم ونومته طولت....
وفي صباح يوم جديد انتشر خبر وفاه چون ومات وخد شره معاه فرح الجميع بخبر وفاته
ادهم.. اهو غار في داهيه
.عمر... في ستين داهيه...
زين..جدكم عايزنا نززل مصر .
ادهم.. نعم وفارس ايه هنسيبه..
زين.. لا قال ادام عدي مرحله الخطر نسافر بيه في طياره خاصه . وانا سألت الدكتور قال انه ينفع وانه مش خطر عليه ولا عليكم.. الطياره تنجهز وهناك يكون في عربيات اسعاف مستنيانا وهتودينا عالمستشفي طبعا اللي هتتواصل معاها المستشفي هنا.. ايه رأيكم..
عمر.. ياريت ..لو مفيهاش قلق او خطر علي فارس..
ادهم.. ايوه لو مفيهاش اكيد قلق نسافر انا اتخنقت هنا وحاسس ان فارس. لو سافر هيقوم..
زين.. انا كمان حاسس بكده.. الدكتور بيقول انه عدي مرحله الخطر بس طبعا الاصابات اللي فيه وفيكم خطيره بس طبعا دي هما هيظبطوها ومن ناحيه الغيبوبه اللي فارس..دخل فيها الدكتور قال ان دي حاجه مؤقته ممكن بسبب توقف القلب اكتر من مره لاكن هي مش حاجه عضويه اتسببت فالغيبوبه نفسها انا حقيقي حاسس ان فارس. لو سافر ورجع وسط كل اهله ومع فريده هيفوق ..
عمر.. فريده. عامله ايه صحيح..
زين.. مدينها منوم طول الوقت مش بتصحي عشان ميحصلهاش اكتئاب..وطبعا معلقنلها محاليل...
ادهم.. ما تبقي تجبلنا ياعم موبايلتنا كل ما نعوز نعمل مكالمه هتنقطنا من موبايلك..
زين.. احمد ربنا اني بنقطكم بيه.. اصلا ده ممنوع عنكم انتو فوقت. اه بس انتو حالتكم مش حلوه..
عمر.. اااااه..
زين.. مالك..
عمر... عايز المسكن حاسس بالم فظيع..
زين.. ثواني وانادي الدكتور..
مر ثلاث ايام كمان وبكده يكونو الشباب طال سفرهم لمده اسبوعين كاملين..وجه اليوم اللي هينزلو فيه مصر بطياره مجهزه خاصه بعد ما تم الاتفاق مع المستشفي اللي هيتنقل عليها الشباب في مصر..
طلعو الطياره ومعاهم دكاتره وممرضين ..وكأنه فريق طبي يعتني بهم لحين وصولهم.....وبعد وقت وساعات طويله..
.وصلو اخيرا ارض الوطن
- لقراءة الفصل الثامن عشر ولاخير : اضغط هنا
لقراءة باقي حلقات الرواية اضغط على
استنوني بكره فالبارت الاخير....
.❣️❣️❣️❣️❣️رأيكم فالبارت