رواية اخويا والميراث الفصل الثالث بقلم هويدا زغلول
رواية اخويا والميراث بقلم هويدا زغلول
اخويا والميراث الفصل الثالث
الرواية متوفرة كاملة على مدونة
ولكن يجب أن
تكتب 5 تعليقات اولًا كي تظهر لك باقي باقي الفصول.
اخويا والميراث
الحلقه الثالثه
بقلم هويدا زغلول
وفي الوقت ده محمود وقف وقال
محمود _ حد الله بيني وبين القرش الحرام
انت اي مش بتخاف من ربنا ولا اي
مراد _ الله الله واي بقي لازمته الغلط ده يعني
انا غلطان ان عايز اديك البيت اللي كان عينك
هتطلع عليه
محمود _ اخدو اه بس بالحق اختك ليها في
البيت اسمع يا محمود خاف ربنا يابني وبلاش
تعمل اللي ابوك عمله مع أخته زمان
ابوك برضه اخد ورث اخته
مراد _ بقولك اي مش عايز حكم ومواعظ
عايز تاخد البيت تمام مش عايز .برحتك واتكل
بقي علي الله وبعدها مشي من عندو محمود
وفي شقه مجدي هيام كانت قاعده مع في
اوضه النوم
هيام _ اسمعني يا مجدي والله انا ما قصدي
حاجه انت عارف ظروفنا عامله ازاي واختك
حامل واكيد محتاجه مصاريف علاج
مجدي _ يعني عايزه اي اخرج اقولها
امشي من هنا ولا اي
هيام _ والله ما اقصد بس خليها ترجع
بيت جوزها مينفعش وجودها هنا
مجدي _ أنا مش عايز كلام في الحوار ده
انتي سامعه ولا لا واختي قاعده في بيت
اخوها لحد ما جوزها يرجع وياخدها
هيام _ بس انا كان قصدي
مجدي _ مافيش كلام تاني والله لو فكرتي
في اي كلمه همشيكي علي بيت أهلك
اسكتي بقي وكانت نرجس في الوقت ده
داخله الحمام وسمعتهم وصعب عليها .نفسها
دخلت وكلمت مراد
مراد _ خير يا نرجس عايزه اي تاني
نرجس _ انا من امبارح عايزه اعرفك ان انا حامل بس لولا المشكله اللي حصلت دي
وفي الوقت ده مراد فرح وقالها
مراد _ معقول انا انت بتتكلمي بجد ارجعي بيتك وعقلي يا نرجس ومالكيش دعوه بمشاكلي مع ليلى
نرجس _ اوعدك ان انا مش هتدخل بس لازم تيجي وتاخدني من هنا مجدي مش هيرضى يخليني امشي لوحدي
مراد _ بس كده عنيا يا حبيبتي وبعدها راح
بيت مجدي
مجدي $ خير يا مراد جاي عايز ايه
مراد _ عايز مراتي يا مجدي ومشكلتي انا
واختي هحلها بمعرفتي
مجدي _ بعد اللي انت عملته جاي عايز
تاخد مراتك بالساهل كده ،. في الوقت
ده خرجت نرجس
مجدي _ اي ده يا نرجس هو انتي لابسه رايحه على فين انتي عايزه تروحي
نرجس _ خلاص يا مجدي مراد عارف غلطتي وجه علشان ياخدني خليني اروح معاه بقى
مجدي _ بسهوله كده ده طردك من البيت وبعدين ده عايز ياكل حق اخته هيعمل ايه في حقك انتي
نرجس _ مشاكله هو واخته انا ماليش دعوه بيها يحلها هو بمعرفته
مراد _ تسلمي يا حب عمري يالله بينا
بعد اذنك يا شيخ وبعدها مشيوا وخرجت
هيام
مجدي _ انت اكيد قولتي حاجه نرجس علشان كده قررت تمشي مش كده
هيام _ قسما بالله ابدا أنا اصلا من الصبح
مش دخلت اوضتها هي عملت
عين العقل جوزها مسؤال عنها بقي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وفي شقتي كنت قاعده بعمل الاكل ولقيت
محمد دخل وقالي
محمد _ ازيك يا حبيبتي عامله ايه تسلم ايدك على الاكله الحلو ده بس بلاش بقى تعملي الغداء علشان احنا خارجين
ليلي _ هنروح فين ده انا مكلمه مامتك علشان تيجي تتغدى معانا
محمد _ لازم نروح لمراد اخوك بقى ونعرف هيعمل ايه في موضوع الميراث ده حقك
يا بنت الناس
ليلي _طيب اصبر على الاقل لحد الاربعين بتاع ابويا علشان ما يقولش ان انا مستعجله على الفلوس
محمد _ بقولك ايه يا ليلى كده كده اخوك اصلا مش هيفكر فيكي تاني هيفرق معك بقى يقول عليك ايه يلا يلا بينا خلينا نروح وكنت رايحه
وانا خايفه علشان عارفه اخويا هيعمل اي وفتحت
لينا نرجس
ليلي _ ازيك يا نرجس عامله ايه مراد اخويا هنا ولا بره وصحيح انا رحت بيت بابا لقيت بابا اتغيرت هو انتو غيرته البوابه
محمد _ اه يا حبيبتي اكيد اخوكي عمل كده علشان يشوف بيعا ليه كويسه مش كده
يا نرجس وخرج مراد من الاوضه وقال
مراد _ بنت حلال يا ليلى كنت لسه هبعتلك تعالي ادخلي مالك يا محمد واقف كده ليه تعال ادخل وبعدها دخلنا
محمد _ ازيك يا مراد عامل ايه ليلى اتكلمت معايا علشان انا جايه اكلمك في موضوع نصيبها في ميراث ابوك
مراد _ فرح قلبي والنبي وقولي انك تعرف ابويا كان حاطط الفلوس فيه اصل انا من ساعه ما عرفت اللي حصل وانا زعلان قوي
ليلي _ وايه اللي حصل بقى يا ابن امي وابويا
مراد _ اسكتي مش ابوكي طلع بايع البيت من قبل ما يموت بشهر واحد ربنا يرحمه بقى بس انا ما اعرفش الفلوس فين يا اختي انتي تعرفي
محمد قام وقف وقال _ محمد لا بقولك اي
اللعب ده مش عليا أنا انت متعرفش
انا ممكن اعمل فيك اي
مراد _ وانت تبقى مين بقى ان شاء الله علشان تعمل فيا انت ملكش دعوه بالحوار ده اصلا حاجه بيني وبين اختي انت ايه اللي بيدخلك فيها
وانا قربت من نرجس وقولت ليها
ليلي_ جوزك كداب يا نرجس صح جوزك اللي باع البيت انا عارفه ان انتي عمرك ما هتكذبي
مراد _ ادخلي جوه يا نرجس مش عايز كلام كثير وبعدين طلعي مراتي من الحوار مراتي ملهاش دعوه باي حاجه اه نسيت اقولك صحيح
مش مراتي حامل
ليلي_ منك لله يا بعيد اخد الفلوس ودلوقتي
عايز تاخد البيت مش مسامحك دنيا وآخرها
مراد _ وانا مالي ابعدي على ابوكس هو السبب هو اللي باع البيت وانا اعرف حاجه
محمد _ يلا بينا يا ليلى واوعدك ان انا هجيبلك حقك
مراد _ امانه عليك يا محمد وانت بتجيب ليها حقها هات حقي انا كمان وهشوفك بقرشين برده
محمد _ منك لله وبعدها مشينا ومراد قال
مراد _ عايزه تاخد الفلوس عشان تصرف عن الجربوع ده دي بتحلم وعدا كام يوم
وكان مراد عن واحد صاحبه اسمه جلال
جلال _ فينك يا ابني قولتلي كذا مره انك عايز تجيب فيلا ولحد دلوقتي ما شفتش فلوسك يعني
مراد _ بحل شويه مشاكل عندي بس وبعدين هشوف موضوع الفيلا وبعدها خرجت نوسه
من الاوضه وقالت
نوسه _ كده يا جلال تسبني نايمه
لحد دلوقتي ده انا ورايا شغل كتير اوي
مراد _ اي ده هي دي مراتك انا اسف والله
ان انا موجود هنا يا مدام
نوسه _ هههههي مدام يسمع منك ربنا
عامله اتحايل عليه يا حضرت أنه يتجوزني
بس هو مش راضي
جلال _ بقولك اي بطلي رغي كتير
وتعالي اقعدي مع البيه شويه عقبال ما
ادخل اعمل حاجه
مراد _ تعرفي انا اول مره انهارده اعرف ان
انا متجوز الشاويش عطيه
نوسه _ هههههي دمك خفيف يا اسمك
اي خلاص لما تحب تجرب البوغاشه
ابقي تعالي مع جلال
وخرج جلال وقال
جلال _ طيب ما تخلي يدوق حته دلوقتي
كده يا نوسه هتعجبك اوي
نوسه _ بس كده تعالي معايا وبعدها دخلوا
الاوضه ، وعدا كام ساعه. بعدين روح
مراد البيت وكانت نرجس قاعده
نرجس_ كل ده تاخير يا مراد كنت فين كل ده
انا رنيت عليك اكتر من مره وانت مش
بترد عليا
مراد _ بقولك اي أنا تعبان وعايز ادخل
انام شويه فكك مني بقي
نرجس _ الفلوس غيرتك اوي ومينفعش
اللي انت بتعمله ده
مراد _ بقولك اي أنا هنام وبكره اصحي
ليكي من بدري نكمل الخناق
وفي شقتي كنت قاعده ولقيت الباب بيخبط وفتحت وكان محمود جارنا
محمود _ مساء الخير ازيك يا ليلى يا بنتي عامله ايه
ليلي _ بخير والله يا حاج محمود اتفضل تعالى
وبعدها خرج محمد وقال
محمد _ مش انت برضه جار حمايا الله يكحمه
ليلي _ ايه طريق كلامك دي يا محمد اتفضل يا حاج محمود اقعد
محمود _ اسمعي يا بنتي انا بقالي باسبوع بحاول اجيب عنوانك علشان عايزه اتكلم معاكي في حوار مهم وبدأ يقولي علي اللي حصل
محمد _ والله انا كنت واثق انها لعبه من مراد
محمود _ خدي بالك يا بنتي من اللي اخوكي
عايز يعمله
ليلي _ ما هو خلاص عمل بقى الله يسامحه
محمد _ لا بس انا مش هسكت والله
وهاخد حقي ،وبعدها طلع فلوس وقال
محمود _اسمعي يا بنتي خدي فلوسي انا كنت واخده من ابوكي قبل ما يروح بصراحه صعب عليا ان اديهم لمراد لاني عارفه ان هو ياخذ منك كل حاجه ، ومحمد اخد الفلوس وقال
محمد _ ياه والله لسه الدنيا بخير معقوله في حد بياخد حاجه ويرجعها متشكرين قوي ليك يا حاضر
ليلي _ انا مش عارفه اشكرك ازاي علي
اللي انت بتعمله ده
محمود _ ده حق يا ليلى ولازم يرجع لاصحابه لو عزوتي اي حاجه في اي وقت تعاليلي على طول
ولو عايزه ترفعي قضيه على اخوك واجي واقول الكلام اللي انا قلته ليكي ده ما عنديش مانع
محمد _ لا لا لا متشكرين ليك احنا هنعرف ناخد حقنا بنفسنا مع السلامه انت وبعدها مشي
ليلي _ هو انت ازاي تاخد الفلوس دي ابويا عمره ما اسلف حد وبالذات الراجل ده
محمد _ ما انا عارف بس انت عارفه ان البيت ما فيهوش فلوس اهي جت في وقتها
ليلي _ صبرني يا يارب والله ما عارف
القيها منين ولا منين ، وفي الفيلا
كانت لسه مش اتفرشت وكان موجود فيها
مراد ونوسه وهي قالت
نوسه _ الله يا مراد الفيلا حلو قوي معقول انا هقعد هنا
مراد _ اه يا حبيبتي بس مش دلوقتي طبعا لما نرجس تخلف الواد واخده ساعتها بقى هرميها هي واخليكي انتي مع الواد
نوسه _ طيب وانا اضمن منين بقى ان انت هتتجوزني مش فتره كده في حياتي وهتمشي
مراد _ بقولك ايه يا نرجس انا بدفع كثير قوي ليكي. وانا مش مجبر اكدب عليكي يعني مهو جلال كان عايش معاكي الاول من غير جواز
وكنتي ساكته
نوسه _ بس انا بحبك انت اقولك نكتب
ورقه عرفي بس لو بتحبني
مراد _ حاضر هعملك اللي انتي عايزاه
وفي شقتي كنت قاعده ودخل محمد
فرحان وقال
محمد _ انتي فين يا وش السعد انتي فين يا وش الهنا خلاص هناخد حقنا
ليلي _ ايه ده معقول اخويا وافق انه يديني نصيبي
محمد _ لا لا هناخده منه بالعافيه بس كل اللي عايزه منك دلوقتي انك تروحي لنرجس مراته وتقولي ليها ان جوزك متجوز عليكي
ليلي _ يعني انتي عايزني اروح اقول ل نرجس
مرات اخويا مراد أن جوزها متجوز عليها طيب
افرض عرفت ان الكلام ده كدب
محمد _ ومين قالك أنه كدب يا حبيبي انا خليت
وحده تضحك علي اخوكي وتوهمه انها بتحبه
واتجوزها عرفي خلاص بس اهم شي تفضلي
ورا نرجس لحد ما تنزل العيل اللي في بطنها
مش عايزين نشوف خلفه ل اخوكي خلاص
ليلي _ طيب ونرجس جنبها ايه دي بنت غلبانه جدا والله ومالهاش دعوه باي حاجه
محمد _ هتفضلي لحد امتى كده اخوكي لو خلف كل حاجه هتروح لعياله انا عايزه اخوكي يفضل مقطوع من شجره كده
ليلي _ وانت منين بقى لانها لما تعرف هتنزله انت عارف ان هي تسمع كلام اخوها الشيخ دايما وعمرها ما هتعمل حاجه حرام
محمد _ مهي لما تشرب من ايدك العصير
مش هتعمل هي حاجه حرام وهنكون اخدنا
حقنا من مراد مرتين
وانا قولت
ولحد هنا تكون خلصت حلقتنا
لقراءه الفصل الرابع من رواية اخويا والميراث بقلم هويدا زغلول من هنا
لقراءه وتحميل رواية اخويا والميراث كامله هنا 👇👇
يمكن للتواصل معنا عبر 👇👇👇😘
يُمكنك الانضمام لقناتنا على التليجرام
يتبع