رواية راجل بالاسم بس الفصل الثالث بقلم هويدا زغلول

رواية راجل بالاسم بس الفصل الثالث بقلم هويدا زغلول 

رواية راجل بالاسم بس 

راجل بالاسم بس

الحلقه الثالثه 

بقلم هويدا زغلول

وانا اتفجات من كلامه  وقولت 

نورا_ مش فاهمه يعني عايزني أنا اللي يطلع 

عيني وافضل اشتغل انت متجوزني علشان كده 

هاني _بقولك اي يا نورا انتي فرصتك 

في الشغل احسن مني انا كل ما اشوف 

وظيفه هو اسبوع بالظبط وبترفد منها 

نورا _مش فاهمه كلامك يا هاني يعني عايز ايه يعني

هاني _ايه رايك تشوفي شغلانه تانيه قصاد الشغلانه دي وانا ستي طلبات البيت كلها عليا

هغسل واطبخ واعملك كل حاجه 

نورا _والله ما عندى كلام ارده عليك أنا داخله 

انام 

هاني _اي ده امال فين الغدا مش هتعملي 

لينا اكل ولا اي 

نورا _لا مش حضرتك عايز تعمل انت. وانا 

اشتغل اتفضل بقي  المطبخ قدامك اهو ادخل اعمل الاكل اللي انت عايزه ، وتاني يوم أنا 

روحت شغلي وهو صحي علي مكالمه تلفون

من عماد صاحبه 

هاني _الو ايوه مين معايا

عماد _ازيك يا هاني عامل ايه  انا نزلت يا ابني من الامارات وقولت لازم اشوفك واطمن عليك اخبارك ايه

هاني _يا خبر ابيض ازيك يا عماد عامل ايه وحشتني يا راجل طيب ايه رايك ابعتك العنوان دلوقتي وتيجي اشوفك

عماد _يا ابني الساعه 10:00 اجيلك فين اصبر بس شويه وانا هبقى

 اجيلك ابعتلي العنوان بس

هاني _خلاص تمام ماشي ابعته ليك  دلوقتي على الوتساب بس يا ريت تجيني النهارده انا لازم اشوفك واقعد معاك ، وانا كنت في الشغل 

وقاعده مع هبه صاحبتها 

هبه _ايه يا بنتي مالك عماله اكلمك سرحانه في ايه كل ده

نورا _بقولك يا هبه انتي كنتي قولتيلي ان اختك شغاله ممرضه في المستشفى ما تعرفيش تشوف ليا شغل بالليل

هبه _شغل تاني يا نورا حرام عليكي يا بنتي انتي ايه اللي بتعمليه في نفسك 

ده ودي كل ده

نورا _وطي صوتك ارجوك يا هبه انا حامل مش عارفه اعمل ايه انا لحد دلوقتي حتى مقولتش لهاني

هبه _كمان حامل وعايزه تشوفي شغل تاني عليك صحتك انتي عارفه اصلا ان الحمل لازم تنامي على ظهرك شهرين الحمل خطر اصلا على اللي في سنك

نورا _قصدك ايه يعني على فكره انا مش كبيره قوي للدرجه زي ما انتي فاكره 

هبه _كنتي مش  كبيره روحي بصي لنفسك كده في المرايه دلوقتي ولو عرفتي نفسك يبقي بحق

وكل ده علشان مين واحد مكبر دماغه 

نورا _على فكره هاني طيب وبيحبني والله بس هو ما لوش حظ في الشغل 

هبه _انتي تصدقي نفسك طيب روحي قولي ليه ان حضرتك حامل والمفروض الراجل يقولك اقعدي انت في البيت وانا هشتغل مكانك 

وشوفي بقي هيقولك اي 

نورا _انا غلطت اساسا لما فكرت اتكلم معاكي اقعدي  ساكته بقى وخلينا نشوف شغلنا

هبه _نورا والله ربنا يعلم انا بحبك وبخاف عليك بس الجوازه دي فاشله من اولها واحسنلك ما تدبسيش نفسك في عيل كمان

نورا _ربنا يسترها بقي من عندو ، وفي الوقت ده 

لقيت هاني بيتصل بيا وبيقولي 

هاني _نورا ارجوكي نص ساعه وتكوني قدامي 

هنا الله يخليكي 

نورا _فيه اي بس طمني انت كويس يعني 

هاني _يا نورا مش وقته كلام ارجوكي تعالي 

بسرعه 

نورا _والنبي يا هبه شكلي في حاجه حصلت في البيت اعملي ليا اجازه بسرعه انا لازم امشي دلوقتي

هبه _اصبري رايحه فين انا لا يمكن اسيبك كده انا هاجي معاكي انتي حامل يا بنتي 

نورا _مش هينفع نسيب الشركه احنا الاثنين انا لازم امشي لو فيه حاجه كلمني وبعدها 

روحت البيت جري وفتحت الباب ودخلت 

لقيت هاني في المطبخ 

نورا _في ايه يا هاني والنبي طمني ماسوره 

الغاز سربت صح قولي فيه اي 

هاني _لا يا حبيبتي كله تمام بس انا طلعت الفراخ تفك اهو عشان تعملي غداء كويس انا جايلي واحد زميلي من 

الامارات ولازم يجي الاكل ،وفي الوقت ده اتعصبت وقولت 

نورا _هو انت اكيد بتهزر صح انت جبتني من شغلي بالطريقه دي علشان خاطر تقولي واحد صاحبك جاي

هاني _من انتي يا نورا وانتي بتعلي صوتك علي وطي صوتك وانتي بتكلميني

نورا _هو انت صوتي ايه هو انت فاكر نفسك ايه انت فاكر نفسك اشتغلت مع العفش لا اصحي 

وفوق لنفسك اه مش قادره بطني وجعني 

اوي الحقني يا هاني 

هاني _ايه يا حبيبتي مالك بس في ايه طيب

اقعدي وهنزل الصيدله اجبلك حاجه 

نورا _مش هينفع أنا حامل وديني مستشفي 

بسرعه مش قادره اه

 هاني _حامل حامل ازاي طيب اقعدي  اطلب تاكسي بسرعه واوديكي المستشفى

وبعدها نزل وقابل عماد 

عماد _ايه ده في ايه مالك انت خارج ولا ايه مش في ميعاد بينا يا ابني

هاني _مراتي تعبانه قوي لازم اروح بيها المستشفى دلوقتي هروح اوقف تاكسي 

عماد _تاكسي ايه انا معايا عربيه اطلع هاتها وتعالى 

هاني _هطلع بسرعه مش هتاخر عليك وفعلا 

طلع اخدني ونزل وروحنا المستشفي وخرج 

الدكتور وقال 

الدكتور _ربنا يعوض عليكم مقدرتش اعمل للي 

في بطنها حاجه للاسف نزل 

عماد _المهم صحتها هي يا دكتور عامله ايه دلوقتي 

الدكتور _الحمد لله احسن لو عايزين تدخلوا تطمنوا عليها اتفضل بس يا ريت بلاش كلام كثير ,  وبعدها مشي الدكتور وعماد قال 

عماد _ربنا يعوض عليك يا ابني ما ينفعش كده انت لازم تصبر مراتك بلاش يكون شكلك كده 

هاني _شكلي ايه ده انا طلقت مراتي قول عشان انا ما بخلفش ازاي مراتي الجديده حامل 

اكيد بتخوني 

لقراءه وتحميل رواية راجل بالاسم بس كامله هنا 👇👇

1. راجل بالاسم بس

 لقراءه وتحميل الفصل الرابع من هنا

1. الفصل الرابع 

للتواصل 👇👇👇😘

يُمكنك الانضمام لقناتنا على التليجرام 

1. الانضمام

يمكنك الانضمام لجروب علي التلجرام 

1.  الانضمام

او الانضمام علي جروب الفيس بوك 

1.  الانضمام

ولحد هنا تكون خلصت حلقتنا

تعديل المقال