روايه راجل بالاسم بس الفصل الرابع بقلم هويدا زغلول

 راجل بالاسم بس الحلقه الرابعه .

روايه راجل بالاسم بس الفصل الرابع بقلم هويدا زغلول 

روايه راجل بالاسم بس الفصل الرابع 

بقلم هويدا زغلول

وفي الوقت ده عماد قالو 

عماد _الكلام ده كبير اوي انت لازم تتأكد 

منه مينفعش تظلمها 

هاني _اظلم مين وانا برضه كنت بقول 

هي ليه مستحمله كده انها تشتغل وكل حاجه 

تقولي عليها ماشي 

عماد _اهدي بس مينفعش كده طيب اطمن 

تاني ممكن يكون ربنا كمل شفاك علي خير 

هاني _اوعي كده من وشي يا عماد 

مش عايز كلام من حد ، وبعدها دخل 

عندي وانا قولت 

نورا _شوفت آخره اللي انت بتعمله اي 

اللي حصل ليا 

هاني _ده غضب ربنا عليكي حصلك اللي حصل 

ده انتي عملتي كده مع مين ردي قولي 

، وبعدها أنا سكت شويه وقولت 

نورا _انت بتقول اي أنا مش فاهمه منك حاجه 

اقصدك اي بكلامك ده ، ولقيت عماد داخل 

يقول 

عماد _اهدي يا هاني حمدالله علي سلامتك 

اعزري معلش 

نورا _لا عايزه افهم قصدو اي بكلامه ده رد 

عليا 

هاني _مهما اعمل معاكي كنتي ساكته و

راضيه بعشيتك مع أن كنت بقول ازاي 

راضيه علي نفسها كده لحد ما اتاكد انهارده 

انك بتخونيني 

نورا _اخرس قطع لسانك ازاي تقول كده 

عليا انت متعرفش أنا مين انا لايمكن 

اعمل كده ابدا 

هاني _مين يعني بت كانت بايره مستنيه 

اي عريس يجلها وبعد ما جالها واحد ابن 

ناس قالت وفيها اي لما اجرب كل الرجاله 

وفي الوقت ده عماد اتعصب وقال 

عماد _انت ازاي تتكلم كده قولتك اهدي 

بقي وامشي اطلع برا دلوقتي ، وبعدها 

خرج هاني وعماد قالي

عماد _اهدي بس وانا والله هتكلم معاه 

هاني طلق قبل كده علشان موضوع 

الخلفه منه هو ارجوكي معلش متزعليش

نورا _خلي يطلقني احسن بهدوء انا لو كنت استحملت اي حاجه علشان أنا بحبه بس 

انا كنت غلطانه ان سكت والله 

عماد _معلش اصبري بس وإنشاء الله تتحل 

باذن الله ، وبعدها مشي وانا فضلت في المستشفي

وفي شقه هاني عماد كان معاه وقاعدين 

في الصاله 

عماد _انت ازاي تعمل كده دي شكلها 

طيب اوي وبنت ناس والله 

هاني _بس كانت عايشه لوحدها وبصراحه 

كده بقي أنا هقطلها 

عماد _ طيب معملتش كده انهارده ليه 

هاني _بكره باذن الله لما اخليها تتنازل 

عن كل حاجه اه امال تاخد العفش ولا اي 

عماد _انا مش فاهم انت ازاي كده 

معقول 

هاني _حقي يا اخي بقولك أنا المشكله 

من عندي والكام دكتور اللي انا روحت 

ليهم قالو أن عمري ما هخلف ، وتاني 

يوم لقيته عندي في المستشفي وقولت 

نورا _انت اي اللي جابك هنا تاني مش 

قولتك عايزه ورقه طلاقي 

هاني _هو انتي فاكره أنه بالساهل كده 

وبعدها طلع ورقه وقالي 

خدي يا حلوه امضي الاول علي الورقه دي 

تنازل عن كل حاجه 

نورا _مش قادره اصدق ان انت الإنسان 

اللي حبيته معقول تعمل فيا كده 

هاني _اي كنتي عايزني اعيش مغفل طول عمري 

ولا اي بقولك اي امضي بدل ما اجرجرك في المحاكم 

نورا _هات مش عالشان انا خايفه من حاجه 

لا علشان عايزه ارتاح منك وبعدها مضيت 

وقالي 

هاني _انتي طالق طالق طالق مش عايز اشوف 

وشك تاني ، وبعدها مشي ودخل الدكتور 

الدكتور _عالفكره مينفعش كل يوم تكوني 

عامله تعيطتي كده لازم تهدي شويه 

نورا _انا عايزه اطلب منك طلب يا دكتور أنا 

عايزه اعمل تحليل DNA ارجوك

الدكتور _بس ده هيكون مكلف عليكي اوي 

انا معنديش مانع 

نورا _طيب ممكن اعرف التكلفه هتكون 

كام ، وفي الوقت ده لقيت عماد داخل وبيقول 

عماد _مهما ان كانت التكلفه يا دكتور 

ارجوك عايزين نعمله 

الدكتور _طيب اتفضل للحسابات وشوف 

المصاريف وبعدها خرج الدكتور وانا قولت 

لعماد 

نورا _هو حضرتك مين بالظبط وعايز اي 

ليه بتعمل معايا كده 

عماد _انا صديق هاني بس بصراحه لما 

شوفت اللي حصل مش عارف ليه حاسس 

انك مظلومه 

نورا _والله ربنا يعلم وبصراحه لولا محتاجه 

الفلوس عمري ما كنت وافقت خالص انك 

تدفع ليا المبلغ ده  بس ده هيكون دين 

عليا ولازم هسدو والله 

عماد _شوفي بس هتعملي اي وبعدين نتكلم 

وفعلا عملته وروحت بيت هاني وفتح هاني 

وقالي 

هاني _هو انتي ليكي عين تيجي هنا تاني بعد اللي حصل 

نورا _طبعا ليا عين وانا جايبه دليل برأتي 

وجايه ليك خد الورقه دي وانت هتتأكد 

ان عمري ما عملت كده

هاني _المفروض انا بقي اصدق الحوار ده بقولك 

اي أنا عمري ما هرجعك تاني ليا مهما أن 

حصل 

نورا _انت مهموم بس انا السبب في الوهم 

ده انا اللي خليتك تاخد مقلب في نفسك أنا 

عمري ما هرجع ليك تاني بس عايزه 

اقولك الغلط عندي أنا لما وافقت اتجوز 

اختي يعني مشكله الخلفه منك وكمان مش بتشتغل. مطلق اي اللي أنا كنت فيه ده 

هاني _امشي اطلعي برا مش عايز اشوف 

وشك تاني ، وبعدها راح هاني عمل التحليل والدكتور قال ليه 

الدكتور _مين قالك ان عندك مشكله في الخلفه

انت كويس جدا 

هاني _ازاي يا دكتور أنا كشفت كام مره وفي 

الاخر كل دكتور يقول ليا أن العيب مني

الدكتور _والله الورق اللي قدامي هنا يقول 

ان حضرتك كويس ومافيش حاجه فيك 

*خرج من عندو وراح عند مراته الاولي رحاب 

رحاب _هاني اي ده اي اللي فكرك بيا 

بعد كل السنين دي 

هاني _ ممكن ادخل نتكلم محتاج اتكلم معاكي 

شويه 

رحاب _تعالي ادخل وبعدها دخل واقعد وقال

هاني _بالله عليكي مش كل دكتور روحنا ليه 

قال أن عيب الخلفه مني انا ازاي انهارده بيقولوا 

ان انا كويس 

رحاب _ههههه لا طبعا ده كان السبب علشان

اطلق منك انت اصلا راجل ني مينفعش 

تعيش مع واحده انت عايز تقعد في البيت 

 الستات تشتغل وانا عمري ما كنت هرضي 

بكده 

هاني _ ينهار ابيض كل ده فاكر أن المشكله 

من عندي أنا ليه عملتي كده حرام عليكي كنت 

مستعد اشتغل بس اكون اب 

رحاب _شغل اي يا ابو شغل انت اخرك تلبس 

طرحه وتقعد تقشر بصل 

وبعدها قال 

لقراءه وتحميل رواية راجل بالاسم بس كامله هنا 👇👇

1. راجل بالاسم بس

 لقراءه وتحميل الفصل الخامس من هنا

1. الفصل الخامس 

للتواصل 👇👇👇😘

يُمكنك الانضمام لقناتنا على التليجرام 

1. الانضمام

يمكنك الانضمام لجروب علي التلجرام 

1.  الانضمام

او الانضمام علي جروب الفيس بوك 

1.  الانضمام

ولحد هنا تكون خلصت حلقتنا 

تعديل المقال