رواية اصبت بالعشق الفصل العاشر والحادي عشر والثاني عشر
أُصـبـتُ بـألـعـشـق البارت10
ليلى اتصلت بالشرطه من موبايل مصطفى بسرعه، وبعدين جريت لعندهم تشوف حصل اي وتطمن على مصطفى...
ليلى بصوت عالي: مصطفى...
مصطفى اتصاوب ومرمي على الارض ومحمد بيضحك بصوت عالي، وهو بيضحك شاف ليلى من بعيد وبيقرب عليها وهو موجه المسدس عليها...
محمد: كنت مستني اللحظه دي من زمان اوي.... من عشر سنين... اه عشر سنين مالك مستغربه لي...! مش فاكره.! هقولك... لما ابوكي الحيو*ان دا قتل ابويا وحرمني منه... جه الوقت اني انتقم... واحرم امك منك...
ليلى بخوف: انت بتقول اي.!! بابا معملش حاجه، بابا عمره ما يقتل.. وبدأت ف العياط...
محمد قرب اكتر وهيقتلها خلاص..
شخص: سلم نفسك، اوعى تتحرك...
محمد بخوف: الشرطه.!
ليلى استغلت الفرصه ورمت المسدس من ايد محمد وسابته للشرطه وجريت عند مصطفى...
محمد جري وقدر يهرب من الشرطه...
ليلى بزعيق: ساعدوني مصطفى بيموت...
الشرطه اخدوه على المستشفى وليلى راحت معاهم....
ليلى برا بتعيط وكان معاها موبايل مصطفى لقته بيرن..
ليلى بعياط: ماما بترن، اقولها اي دلوقتي...
نهى: الو، استاذ مصطفى، انتو فين..!
ليلى بعياط: ماما
نهى: بنتي، ليلى، انتو فين، اي اللي حصل..
ليلى: في المستشفى.
نهى بقلق وتوتر: مستشفى.! لي.؟ انتي كويسه.!
ليلى بدموع: انا كويسه، مصطفى هو اللي مش كويس يا ماما، اتأذى بسببي.
نهى: متقلقيش احنا جايين اهو...
_
نهى وهدير فضلو يخبطو على الباب لحد ما وحده فتحتلهم من برا...
هدير: هنروح اي مستشفى.!
نهى: تعالي بس.
واخدتها وراحو على المستشفى اللي ليلى قالتلهم عليها...
___
في المستشفى..
ليلى بقلق: دكتور، مصطفى كويس، طمني.!
الدكتور: كويس، احمدي ربنا ان الاصابه كانت سطحيه الى حد ما...
ليلى بفرح: الحمدلله، طب ممكن ادخل.؟؟
الدكتور: اتفضلي...
ليلى دخلت لقته لسه نايم...
ليلى بعياط: انا اسفه، كل دا بسببي، انا السبب، انا....
لسه هتكمل لقت مصطفى مسك ايدها وبيقولها...
مصطفى بضحك: انتي مجنونه.؟
ليلى وهي بتمسح دموعها: مصطفى، انت فوقت، هنادي على الدكتور..
ولسه هتمشي لقت مصطفى لسه مسبش ايديها..
ليلى بكسوف: مصطفى سيب ايدي هنادي على الدكتور..
مصطفى وهو بيهز راسه: استنى بس، اقعدي..
ليلى: انت كويس طيب.!
مصطفى بتعب:.....
ليلى: في اي، اتكلم، قلقتني.
مصطفى:...
ليلى بخوف اكتر: مصطفى انت كويس.؟
مصطفى: انا كويس طول ما انتي هنا.!
ليلى: ايي.؟
مصطفى: ايي، انا مقولتش حاجه انتي سمعتي حاجه.؟؟
ليلى بضحك: لا، انت خدت بالك.؟
مصطفى بضحك: لا.
مصطفى: انا كنت عاوز اقولك حاجه..
ليلى: اي.؟
مصطفى وهو لسه ماسك ايدها: انا...
الـكـاتـبـه: رضـوى أسـامـه❤️. "
أُصـبـتُ بـألـعـشـق البارت 11
لسه مصطفى هيتكلم لقى هدير ونهى ...
نهى: الف سلامه عليك يا مصطفى يا ابني عامل ايه دلوقتي..؟
هدير: الف سلامه عليك يا استاذ مصطفى.
وقعدوا مع بعض شويه وخرجو مصطفى من المستشفى وليلى طبعا راحت توصله لبيته وهدير راحت على بيتها بكل حزن بعد ما عرفت حوار محمد.... ونهى روحت بيتها...
في الطريق ...
ليلى ف نفسها: انا لازم اروح مع مصطفى بيته واقعد كمان، واعرف مين عاوز ياذيه واعرف مين متفق مع نسمه السكرتيره بتاعت مصطفى زي ما هو ساعدني انا لازم اساعده واكشف له حقيقه الناس الي حواليه ومش هسيبه غير لما اكشف له حقيقه نسمه واللي مشترك معاها....
عند لوجي..
لوجي بزعيق: ايي مش سامعه الباب بيخبط، ولا اقوم انا افتح وحضرتك تقعدي مكاني.؟
الشغاله باستعجال: حاضر حاضر هفتح اهو.... استاذ مصطفى، في اي، مالك.؟!
لوجي بلا مبالاه: في اي يا ست انتي بتعلي صوتك لي..!
مصطفى بتعب: مفيش حاجه انا كويس متقلقيش.
ليلى وهي بتسنده: لا مش كويس ومحتاج تاكل وترتاح..
لوجي بغضب وهي بتقرب من ليلى: انتي اي اللي جابك هنا.؟
ليلى: لوجي.؟!
لوجي بغرور: اه لوجي، الفيلا بتاعتي، ودا مبرر وجودي، انتي بقى هنا لي يا حلوه.؟!
مصطفى بحزن: طب حتى اسأليني مالك.؟
لوجي بخوف متصنع: مصطفى، مالك، انا اسفه ماخدتش بالي بسبب اللي واقفه دي هي...
قاطعها مصطفى: اسمها ليلى..
وبص لـ ليلى وكمل وهو بيبصلها: ليلى المساعده الخاصه ومن النهارده هتكون في اوضة المساعده.
لوجي بغضب: مش لاقي غير دي.؟
مصطفى بعصبيه: لوجي اطلعي فوق، مش عاوز اسمع كلمه عليها..
ليلى: مصطفى بالراحه، انت لسه تعبان.
لوجي بصتلها بغضب وطلعت، وهما دخلوا..
في اوضة لوجي..
لوجي وهي بتكسر في اي حاجه تيجي قدامها: انا يعلي صوته عليا قدامها.؟؟ وعلشانها؟؟ ماشي يا مصطفى،، ماشي يا ليلى، انا بقى هطلعكم انتوا الاتنين بره..
في اوضة مصطفى..
مصطفى بتعب: قولتلك عاوز ارتاح يا ليلى..
ليلى: لا مفيش الكلام دا، لازم تاكل..
مصطفى بعصبيه: ليلى
ليلى بتمثيل: تمام، انا همشي، بما انك هترتاح..
مصطفى مسك ايدها: استني، هتروحي فين.؟
ليلى بتداري ابتسامتها: البيت، خلاص مليش شغل هنا.
مصطفى: اي هو دا يعني خلاص تمام تمام هاكل.
ليلى بابتسامه وهي بتجيب الاكل بسرعه: يلا..
مصطفى بيكلم نفسه: بحب طفله.!
ليلى: قولت حاجه.؟!
مصطفى بتوتر: ايي، اا انتي سمعتيني.؟!
ليلى بتضحك: لا، مالك اتوترت لي كده
مصطفى وهو سرحان: تعرفي، بحب ضحكتك، اوي..
ليلى بكسوف: ايي.؟
مصطفى بعد ما فاق ووعي للي قاله: اا اايي انتي قولتي حاجه.؟
ليلى بابتسامه: انت اللي قولت.
مصطفى بحب: ليلى.
ليلى بتبصله: نعم.
مصطفى: انا...
لوجي بقلق متصنع: مصطفى انت كويس.؟
مصطفى: الحمدلله يا عمري، تعالي.
ليلى في نفسها: عمري.؟؟ نهارك اسود يا مصطفى، مين دي، هموت واسأله، بس اي دا استنى، دي لابسه دبله، يا حظي، طلعت مراته.؟
أُصـبـتُ بـألـعـشـق البارت 12
تاني يوم.
ليلى صحت بدري وصلت وكلمت مامتها
ليلى:ماما هو بابا قاتل؟
نهى:مين اللي قالك الكلام دا،لا طبعا..
ليلى حكتلها اللي حصل واللي محمد قاله ونهى فهمتها ان محمد فاهم غلط..
فلاش باك..
في يوم مكنش في غير والد محمد ووالد ليلى في بيت العيله لانهم كلهم عايشين مع بعض،ووالد محمد اتوفى،ووالد ليلى مقدرش يعمله حاجه،عقبال ما اخدوا على المستشفى كان مات،ومن وقتها ومحمد فاكر ان والد ليلى هو اللي قتله،عشان علاقتهم مكنتش حلوه..
نهاية الفلاش باك..
ليلى بدموع:للحظه خوفت يكون محمد معاه حق،خوفت اوي يا ماما..
نهى:متخافيش يا حبيبتي،صدقيني،ابوكي عمره ما كان قاتل..
وقفلت معاها وراحت على اوضة مصطفى،،
___
لسه هتخبط لقت الباب مفتوح سيكا ففتحته ودخلت، لقت مصطفى نايم..
ليلى في نفسها: اي دا استنى، هو نايم لوحده لي.؟ مش المفروض لوجي تنام هنا.؟ متخانقين.؟ لو كده ف احسن، هي متستاهلش مصطفى اصلا..
دخلت بالراحه وقعدت على الكرسي اللي جنب السرير..
ليلى بتتكلم وهي بتبص لمصطفى: انا اسفه، اسفه اني عارفه مين عدوك ومش عارفه اقولك، مش عارفه هتصدقني اصلا ولا لا، وتصدقني لي، انا مين عشان تصدقني، يمكن مساعده زيي زيها، لكن هي اقرب مني ليك، كمان نسمه يبان عليها انها كويسه، فمظنش انك هتصدقني، اسفه، وبعدت شويه تمسح دموعها ورجعت تاني..
ليلى: مصطفى قو...
قاطعتها لوجي بغرور: مصطفى مش بيحب حد يصحيه. .. وبعدين انتي ازاي تدخلي اوضته، انتي مجرد شغاله هنا..
ليلى في نفسها: قالت اوضته، ومقالتش اوضتنا، يارب يطلعوا متطلقين، هه انا اي اللي بقوله دا يعني لو متطلقين هيعيشوا مع بعض لي مثلا، لا لا يارب تطلع مامته، هه كل دا ومامته..
لوجي بعصبيه: انا بكلمك.. انتي شغاله هنا ف احترمي دا، وبلاش تتخطي حدودك..
ليلى: شغاله.؟
لوجي بغرور وهي بتعدل شعرها: اه شغاله..
ليلى وهي بتقرب لعندها : اه قولتيلي، طب بصي يا حبيبتي، انا هنا عشان اهتم باللي حضرتك مهمله فيه..
لوجي بعصبيه: مصطفى انا هعرف اهتم بيه كويس ومش انتي اللي هتفهميني ازاي اهتم بيه..
ليلى ببرود متصنع: ششش مصطفى نايم..
لوجي بغرور وغيرت الموضوع : مصطفى لو صحتيه هيضايق وانا عارفاه اكتر منك..
ليلى بتحدي: هصحيه..
ليلى دخلت الاوضه بتحدي، ولوجي لسه واقفه..
ليلى بهدوء: مصطفى..
مصطفى: اممم..
ليلى: اصحى بقى..
مصطفى فتح عينه:.....
ليلى بابتسامه: صباح الخير
مصطفى بنفس الابتسامه: صباح النور
ولوجي واقفه من بعيد عيونها كلها شر.. ومشت
ليلى: احم، انا متعرفتش بيها لحد دلوقتي.
مصطفى: امال عرفتي اسمها ازاي.؟
ليلى: لوجي معايا في نفس الجامعه.
مصطفى: اه عشان كدا هي مش عاوزاكي هنا.؟
ليلى: ااممم يمكن..
وقعدوا يتكلموا عن الجامعه ونسي يعرفها ب لوجي بردوا..
وليلى حست انه بيتهرب منها ومن سؤالها ومش عاوز يعرفها انه متزوج فمسألتش تاني..
وليلى نزلت تحضر فطار لقت لوجي في المطبخ بتشرب..
ليلى بغيظ: مصطفى صحي..
لوجي اضايقت وكشرت ومقالتش حاجه ولسه هتمشي..
ليلى : من الواضح ان حضرتك مش عارفه تتعاملي مع جوزك يا مدام..
لوجي بعدم فهم: جوزك.؟؟
هه يعني هي فاكره ان مصطفى جوزي طب تمام، حلو اوي، وسابتها ومشت..
ليلى بحزن: مردتش، ولا اعترضت اني قولت جوزك.؟ يبقى هي مراته فعلا.!؟
ليلى خلصت فطار وطالعه لاوضة مصطفى.. لقت لوجي قاعده وماسكه ايد مصطفى وهو كمان ماسك ايدها وقريبين من بعض اوي واضايقت ولسه هتمشي مصطفى نادى عليها..
مصطفى: رايحه فين..؟
ليلى بتوتر: ااا... ااناا نسيت المايه..
لوجي بغيظ: المايه هنا..
ليلى دخلت ولوجي اخدت منها الاكل وقالتلها ان هي هتأكل مصطفى،،
ليلى في نفسها: ولما انتي هتاكلي مصطفى معملتيش الاكل بحبك انتي ليه، اي الحريم دي يا ربي..
ليلى متعمده تضايق لوجي: احم العلاج هنا (بتكلمها وهي بتشاور على مكان العلاج)
وبتكمل: متزوديش العلاج اديله زي ما مكتوب، ولو معرفتيش نادي عليا، انا موجوده في اوضتي..
وبتكمل وهي بتبص لمصطفى: هخلص الشغل اللي حضرتك طلبته، وهرجعلك..
لوجي طبعا اضايقت اوي وكان نفسها تقوم تجيبها من شعرها، بس مسكت نفسها عشان مصطفى قاعد..
لقراءه وتحميل روايه اصبت بالعشق
الفصل العاشر والحادي عشر والثاني عشر
للتواصل 👇👇👇😘
يُمكنك الانضمام لقناتنا على التليجرام
الانضمامالـكـاتـبـه: رضـوى أسـامـه❤️. "