أقسام الوصول السريع ( مربع البحث )

أخر الاخبار

روايه في بيت حماتي الفصل الرابع

 في بيت حماتي 

روايه في بيت حماتي الفصل الرابع 

رواية في بيت حماتي الجزء الرابع 

روايه في بيت حماتي الفصل الرابع


رواية في بيت حماتي الفصل الرابع 

روايه في بيت حماتي الحلقه الرابعه 

رواية في بيت حماتي 

#الفصل الرابع 

هويدا زغلول

الام اخس عليك ابراهيم بضرب اختك عالشان مراتك

ابراهيم لا يا امي ضربتها عالشان قالت علي ابنك الكبير دلدول مراته(#دوداا حوده)

هبه اول مره تعملها يا ابراهيم وتمد ايدك عليا 

ابراهيم وانتي اول مره تغلطي فيا عيب لما تقولي علي اخوكي الكبير دلدول وكان لازم قلم يفوقك انتي مش ملاحظه ان امك كل ما تهدي علي هند تطلعي انتي ويحصل منك او تعملي موقف يسخنها اكتر ليه نفسي افهم مش عايزه اكون مبسوط انتي مش عارفه أن كل النكد هياثر عليا ده ياشيخه لو بيحصل موقف وانتي زعلانه لو بتحبني هتعدي ده انا مسافر ويعالم ماشوفتي ولا الطياره تقع بيا

الام بعد الشر عليك يابني (#دوداا حوده)

ابراهيم انا ضربت بنتك لما غلطت فيا عملت موقف غلط بس محبتش اعتبها قدام مراتي مينفعش تطلع تاخد حاجه من حاجتها بس كنت ساكت وعالطريقه اللي هند كلمتك بيها هي غلطانه بس حطي نفسك مكانها بعد اذنك يا امي انا هطلع اريح وانا هقدم سفري لاني تعبت مش هقدر اقعد شهر في النكد ده وطلع ابراهيم لقاه هند بتعيط(#دوداا حوده)

ابراهيم ينفع الأسلوب اللي اتكلمتي بيه قدامي 

هند يا ابراهيم ماشوفتش اختك......

ابراهيم من غير ما تكلمي انتي عارفه اني كنت هسكت بي عيب تتكلمي كده في وجودي مينفعش ياهند كنتي امسكي اعصابك شويه عالشان خاطري وعالشان خاطر امي 

هند انا اسفه يا ابراهيم بس مش بحب حد يلبس حاجه من عندي والله(#دوداا حوده)

ابراهيم امال اي بقي اختك اختي هي كان عندها مشوار مهم ومكنش معاها فلوس تجيب طقم وعارفه أن هدومك جديده ورنت عليا عالشان تقولك لقت موبيلي مقفول فقالت انتي اختها ومش هتزعلي لو عرفتي أنها خدت طقم من عندك مش ده اللي هيعمل مشكله هي غلطت بس تفكيرها جبها لكده ياهند (#دوداا حوده)

هند ابراهيم انا اسفه اني كبرت الموضوع انا هنزل ارضيها 

ابراهيم لا مش وقته احنا راجعين تعبانين بعدين 

هند هتاكل طيب انت جعان 

ابراهيم لا عايز اريح بعدين هنقوم نعمل اكل هند انا هسافر وبعدين هبعت ليكي انا مش هقدر اقعد هناك من غيرك 

هند ودراستي هعمل فيها اي 

ابراهيم هتنزلي عالامتحانات ياهند بقولك مش هقدر اعيش من غيرك 

هند ربنا يحلها يا حبيبي والله انا مضايقه أن ماما زعلانه بس انا بحس إن هبه مش بتحبني 

ابراهيم ابدا ياروحي دي نفسها تكون ليها اخت بس هي غيرنا لأنها كانت دلعوتي هند والنبي انا تعبان اوي 

هند طيب ريح يا حبيبي 

تاني يوم هند ابراهيم قوم شوف الباب

ابراهيم قام فتح امه واخته 

هبه حقك عليا يا ابراهيم انا اسفه 

ابراهيم تعالو 

الام اختك طول الليل تعيط وعايزه تطلع ترضيك بس انا قولتها لا

ابراهيم خلاص مافيش حاجه انا عارف انك عمرك ما تقصدي أن اخوكي يكون دلدول لحد 

خرجت هند صباح الخير يا ماما صباح الخير يا هبه

هبه الطقم اهو انا اسفه اني طلعت خد حاجه من وراكي 

هند حبيبتي مافيش مشكله بس انا متعوده دايما أن حاجتي بتبقي بتاعتي عمر ما كان ليا اخت الوضع كان جديد

هبه خلاص مش زعلانه

هند لا ياروحي 

هبه طيب الطقم اهو 

هند ده هديه مني ليكي وتعالي اوريكي جبتلك اي من شرم الشيخ

هبه بجد جيباه ليا هدايه

هند هو انا ليا غيرك تعالي معايا ودخلوا للاوضه 

الام متزعلش من اختك يا حبيبي دي هبله والله

ابراهيم مش زعلان يا امي بس ياريت تشيل هند من دمغها 

الام والله مش هقبل باي حاجه تزعلك بعد كده 

ابراهيم حبيبتي يا امي ربنا يخليكي ليا 

وخرجت هند اتفضلي يا ماما الحاجات دي ليكي 

الام ربنا يخليكي حتي انا 

هند هو انا ليا بركه غيرك ياالله يا هبه تعالي نحضر الفطار نفطر سوا

الام لا احنا هننزل وافطرو برحتكم وبعدين انزلوا نتغدا سوا 

هند والله ابدا هنفطر سوا وفطرو ونزلت هبه وامها 

ابراهيم طلعتي كل الهدايه اللي جبتها ليكي لهبه؟

هند قولت عالشان اصلح الموقف الرخم اللي عملته 

ابراهيم حبيبتي ربنا ما يحرمني من طيبه قلبك

هند هو ينفع يعني بعد اذنك نروح عند عمي انهارده 

ابراهيم ايوه طبعا 

هند بجد اصلهم وحشوني اوي ولبست هند وراحت بيت عمها خبطت طارق فتح الباب وسلم عليهم وحضن هند وبسها 

واتغدوا هناك وهند فضلت تحكي عن شرم الشيخ وجملها وبعدها ابراهيم يالله ياهند عالشان تعبان 

ناهد حبيبي انتو وحشنا اوي خليكوا شويه كمان

ابراهيم معلش اصلي حاسس اني مصدع شويه 

ومشيوا وإبراهيم طول الطريق ساكت 

هند مالك يا ابراهيم

ابراهيم هو انتي ازاي تبوسي طارق

هند اي طارق ده اخويا

ابراهيم يجوز ليكي ولا لا

هند انت بتقول اي انا متربيه مع طارق في بيت واحد 

ابراهيم مينفعش ياهند عيب وحرام كمان 

هند حاضر بس ممكن تفرد وشك بلاش ندخل البيت وانت مكشر.كده 

ابراهيم مافيش حاجه 

ودخلوا قعدو تحت شويه وبعدها ابراهيم قال أنا طالع انام وطلعوا

الام بت شكل اخوكي مضايق صح

هبه ياختي دي سحرالو شويه وهيفك حتي لو تتخانقو

الام تفتكري نكدو عليه هناك

هبه بقولك اي انتي بتفضلي تتكلمي ولما انا اتكلم بتقولي اسكتي عالشان خاطر اخوكي مدخلنيش في كلام 

الام منهم لله عملوا اي في ابني قالو ليه اي نكدو عليه كده 

هبه اقولك انا سيباكي وقائمه انام 

هند انت لسه زعلان يا ابراهيم

ابراهيم لا يا هند خلاص بس ياريت متتكررش تاني 

هند حاضر يا حبيبي 

ابراهيم انا هسافر يوم الخميس باذن الله

هند بسرعه كده

ابراهيم عندي شغل والله ولازم اسافر 

هند ماشي يا حبيبي 

وجه يوم السفر هند بتحضر الشنطه والباب خبط 

ابراهيم فتح وبعدين دخل الاوضه 

هند مين اللي برا

ابراهيم طارق وعمك مجاش 

هند طيب تمام 

ابراهيم هو اي اللي.تمام هتوصلوني وبعدين ترجعي معاه لوحدك ازاي

هند وفيها اي 

ابراهيم لا طبعا انتي قايله أن عمك وطارق جاين وعالشان كده وفقت انك تيجي المطار وترجعي معاهم بالطريقه دي لا 

هند والعمل 

ابراهيم معرفش بس انك ترجعي معاه لوحدك ده مش هيحصل 

هند يعني عايزني اعمل اي مجيش معاك المطار 

ابراهيم لا طبعا هو اللي ميجيش 

هند لاااااااا اكيد مش عايزني اخرج أقوله الكلام ده 

يتبع 

تفتكرو هند هتخرج تقول لطارق أن ميجيش المطار ولا اي اللي هيحصل ؟

علقي ب10تعليقات عالشان يوصلك الجزء اللي بعدو

بقلم دوداا حوده 

لقراءة أو تحميل رواية في بيت حماتي الفصل الخامس : اضغط هنا 

لقراءة باقي حلقات الرواية اضغط على (رواية في بيت حماتي )

للتواصل 👇👇👇😘

يُمكنك الانضمام لقناتنا على التليجرام

  1.  (من هنا)

او متابعه جروب الفيس

  1.  (من هنا)
تعليقات



حجم الخط
+
16
-
تباعد السطور
+
2
-