أقسام الوصول السريع ( مربع البحث )

أخر الاخبار

روايه في بيت حماتي الفصل الخامس بقلم دوداا حوده

 في بيت حماتي الحلقه الخامسه

روايه في بيت حماتي الفصل الخامس بقلم دوداا حوده 

روايه في بيت حماتي الفصل الخامس بقلم دوداا حوده


رواية في بيت حماتي الجزء الخامس 

 في بيت حماتي الفصل الخامس بقلم دوداا حوده 

#دوداا حوده 

هند انا مش هقدر أقوله كده يا ابراهيم طيب خلي هبه وماما تيجي معانا 

ابراهيم ماما تعبانه هقول لهبه تيجي وترجعوا بس لما ترجعوا تيجوا علي هنا 

هند خلاص ماشي هتوحشني اوي يا ابراهيم 

ابراهيم وانتي كمان خلصتي الشنطه 

هند اه هقفلها بس 

ابراهيم ماشي انزلي قولي لهبه تلبس عقبال ما البس انا 

هند حاضر وخرجت هند وسلمت من بعيد علي طارق ازيك يا طارق معلش هنزل بسرعه بس اقول لهبه تلبس لان ابراهيم مستعجل 

ونزلت هند وطلعت هي وهبه 

هند والنبي يا هبه اعملي عصير لطارق عقبال ما اقف معاه ابراهيم وهو بيلبس

هبه ماشي حاضر وراحت قدمت العصير لطارق وخرجوا يالله يا جماعه 

طارق يالله انا هاخد الشنط انزلها عقبال ما تسلم عالحاجه

ونزل 

الام حبيبي هتوحشني 

ابراهيم وانتي كمان يا امي اوي هكلمك كل يوم 

الام خد بالك من نفسك يا حبيبي

ابراهيم حاضر وانتي كمان خدي بالك من نفسك ومن هند وهبه واول ما تخلصي ياهند ورقك عرفني عالشان ابعتلك دعوه

هند حاضر

الام مش فاهمه دعوه لايه

ابراهيم هبعتلها تعقد معايا ٣شهور 

الام اه ومالو يا حبيبي مراتك ولازم تكون جمبك يالله يا حبيبي عالشان متتاخرش 

ومشيوا ووصلوا المطار 

هند حبيبي خد بالك من نفسك وطمني عليك اول باول

ابراهيم حاضر وانتي كمان وحاولي تستحملي ماما عقبال ما ابعتلك

هند حبيبي ماما بتحبني واي مشاكل انا هعرف احلها 

طارق خد بالك من نفسك يا صاحبي ولو لقيت شغل زي ماقولتك عرفني عايز اسافر 

ابراهيم انشالله

هبه هتوحشني يا اخويا 

ابراهيم وانتي كمان وبطلوا عياط 

هند خلاص يا قلبي ابقي طمنا عليك تروح وتيجي بالف سلامه 

ابراهيم الله يسلمك يا حبيبتي سلام

هند لا اله الا الله

ابراهيم محمد رسول الله

ومشي ابراهيم وهما ركبوا العربيه 

طارق حلو اوي وش الخشب ده فيه اي يا جماعه ما تفكوا من النكد ده

هبه اصل اخويا هيوحشني اوي

طارق اي رايكم نروح نتغدا برا انا عزمكم

هند لا مش هينفع عالشان ماما

هبه ليه متبقيش رخمه انا عايزه اخرج 

هند مش هينفع يا هبه معلش 

طارق ماتفكي يا بنتي خلاص انا قررت واستاذه هبه موافقه يعني اغلبيه

هند معلش يا طارق انا مليش مزاج 

هبه فيه اي مانفك شويه من النكد ده

وراحوا مطعم 

طارق هتتغدوا اي

هند اي حاجه 

طارق سيبك من الكئيبه دي يا هبه هتكلي اي يا ست البنات 

هبه اللي تشوفو 

طارق ماشي هطلب ليكوا انا وطلب ليهم اكل وبعدين اتمشوا شويه وبعدين طارق روحهم عند البيت 

طارق هتعوزو حاجه 

هبه اه ابقي تعالي اسال علينا بقي

طارق بس كده من عنيا يالله سلموا علي طنط 

ونزلو من العربيه

الام اتاخرتو ليه كده 

هبه مش كنا قاعدين مع ابراهيم في المطار 

هند بعد اذنكم انا طالعه اريح شويه 

هبه ماشي نبقي اطلعلك بليل شويه 

هند ماشي بعد اذنك يا ماما 

الام ماشي اطلعي وطلعت هند وكانت مخنوقه جدا من الشقه من غير جوزها وهبه اتصلت بصاحبها ماتيجوا تعقدوا معايا شويه وجم وقعدوا في الأوضه مني واميره أصحابها

مني مالك شكلك عامل.كده ليه 

هبه مش انا شكلي هيكون ليا حبيب قريب

مني مين 

هبه طارق ابن عم حسن 

اميره يابت الايه ده ازاي ده 

هبه خرجنا انهارده وكان مصمم اننا نروح ناكل سوا كانت ألبومه اللي فوق مش عايزه بس هو صمم وطول ما قاعد عينه منزلتش من عليا 

اميره بصراحه الواد امور اوي يبقي ياسعدك يا هناكي 

هبه لا واي بقي حاسه ان كل شويه هيجي يزورنا عالشان يشوفني تصدقي ابراهيم كان رافض اني اروح معاه المطار واول لما هو جه طلب مني أن اروح معاهم تفتكرو يكون طارق كلم هند وهند لمحت لابراهيم 

اميره مش عارفه بس اخوكي صعب مظنش 

يبقي طارق اللي كلم هند وقالها اني ابقي موجوده وهي جبتها في اخويا عالشان مينبش حاجه 

مني طيب وبعدين هيبقي في خطوبه امتي 

هبه بسرعه كده مش لازم نتكلم مع بعض بجد مش ناسيه نظره عينه وهو قاعد عمال يبصلي في المطعم وكنت حاسه انو عايز نخرج بس من غير هند ده قال عليها كئيبه هههههههههههه 

في بيت حسن 

ناهد وصلت ابراهيم 

طارق ايوه بس حاسس ان هند متغيره 

ناهد ازاي

طارق تصدقي يا ماما مسلمتش عليا

ناهد معلش يا حبيبي تلاقي علقها مش فيها بس أن جوزها مسافر امه راحت معاكو 

طارق لا اخته الملزقه البت دي بكرها بس كنت بحاول اكون لطيف عالشان هند متزعلش 

ناهد هههههههههههه عيب كده فيه حد يقول كده 

طارق والله رخمه مش بطيقها مش زي ابراهيم خلاص لا وايه وانا ماشي بقي ابقي تعالي زورنا هو انا اصلا بطيقك لولا هند والله كنت ...

ناهد بس خلاص عيب عالشان هند وجوزها معلش هي شيفاه نفسها بس هنعمل اي أخرنا ازيك الله يسلمك

طارق وهي هند هتعرف تعيش معاهم لوحدها من غير جوزها

ناهد هند بتشكر فيهم يا حبيبي وهند تحبب اي حد فيها 

في شقه هند حماتها بتصحيها 

هند اي ده ماما هو حضرتك خبطي وانا مسمعتش

الام لا فتحت عالطول هخبط ليه هو ابني هنا مانتي لوحدك فيها اي اني ادخل

هند ابدا مافيش حاجه بس انا بحسبك خبطي 

الام يالله قومي كده فوقي وتعالى تحت عايزه اغسل السجاد 

هند دلوقتي 

الام ايوه وراكي اي وبعدين موضوع السفر ده تشلي من دماغك مش هيحصل انا سكت بس عالشان منكدش علي ابراهيم وهو مسافر 

هند ربنا يحلها يا ماما حضرتك انزلي وانا جايه وراكي 

ونزلت هند امال فين هبه عالشان نعملهم عالطول 

الام قاعده معاه أصحابها جوا معقول هتقولي ليها كده قدام صاحبها اغسليهم انتي يابنتي معلش والله لو قادره كنت قومت معاكي انا

هند حاضر ياماما 

وغسلت هند السجاد في مدخل البيت عالشان واسع وتعرف تغسلهم ولقت الباب بيخبط فتحت لقت عمها ومرات عمها 

يتبع 

لقراءة أو تحميل رواية في بيت حماتي الفصل السادس : اضغط هنا 

لقراءة باقي حلقات الرواية اضغط على (رواية في بيت حماتي )

للتواصل 👇👇👇😘

يُمكنك الانضمام لقناتنا على التليجرام

  1.  (من هنا)

او متابعه جروب الفيس

  1.  (من هنا)
تعليقات



حجم الخط
+
16
-
تباعد السطور
+
2
-