المجد للقصص والحكايات
رواية سلفتي الملعونه
الفصل الثامن
بقلم هويدا زغلول
#سلفتي الملعونه
#الحلقه الثامنه
#بقلم هويدا زغلول
سماح :في اي خضتني
شيماء :هو انتي بتعملي اي
سماح : بشربها عصير
شيماء :هو انتي جبتي العصير ده منين
سماح :كان معايا
شيماء :ايدك كانت فاضيه وانتي داخله
سماح :هو فيه اي انتي عامله ليا قضيه ليه
شيماء :بجد انتي غريبه اوي
توفيق :هو فيه اي
شيماء :معرفش هي كانت بتعمل اي
توفيق :مالك يا ام احمد
شيماء : بالهوي شكلها عامل ليه كده
سماح :علشان متعمليش ليا مصيبه ادي العصير
اللي كنت بشربها منه وراحت شربت الازازه كلها
وبعدها فضل توفيق يفوق مراته بس كانت خلاص ماتت
وفي العزا
احمد : شيماء حقك عليا
شيماء :وهو ده وقته
احمد : انتي اغلي عندي من اي حد
شيماء :كنت الاول
احمد :والله العظيم لسه عندي غاليه
حقك عليا أن شكيت فيكي سامحني
شيماء :احمد اخرج مع الرجاله
شهد :سبها دلوقتي يا احمد مش وقته وأخرج وخرج احمد
شيماء :بجد حماتك صعبانه عليا اوي
شهد :هي اللي عملت في نفسها كده
شيماء :يابنتي هي بين يد ربنا دلوقتي محتاجه الدعاء
شهد : ربنا يرحمها ويغفر لها ذنوبها
شيماء : مش عارفه ده قلبي حاسس ان سماح السبب في موتها
شهد : فكرت زيك بالضبط بس ايه مصلحتها انها تقتل خالتها
شيماء : والله يا شهد مش عارفه بالضبط
شهد : عايزاك تسمعيني كويس
شيماء : سمعاكي يا حبيبتي خير
شهد : هو انت عارفه بالضبط احمد عمل كده ليه
شيماء : ارجوك يا شهد مش عايزه كلام في الموضوع ده
شهد : اسمعيني بس للاخر يا شيماء
شيماء : نعم يا شهد
شهد : سماح خرجت وقالت لي انها سمعتك وانت بتقولي يا
احمد معنى ذلك انك ب بتوضحي انك بتكلمي جوزك
شيماء : والله يا بنتي ما حصل ده كان رقم غريب
شهد : واثقه من كلامك
شيماء : طيب كان مفروض يجي يسالني ولا يعمل اللي عمله قدامها
شهد : هو غلطان يا شيماء بس راعي ان راجل برده غار عليكي
شيماء : انا مش فاهمه البنت دي عايزه ايه بالضبط
شهد : اهم شيء متديهاش فرصه انها تشمت فيكي
شيماء :منها لله
شهد :يلا بقي نخرج للناس
سماح : يا حبيبتييا خالتي كنت امي الثانيه والله 😭😭
شهد : بصي الحيه عامله ايه
سماح :بتقولي حاجه يا شهد
شهد :اه بقول ل شيماء تمثيل اوفر يعني
شيماء :مش.وقته يا شهد
شهد : حماتك مش تعبت الا لما طلعت عندك
سماح : اسمها امي الثانيه مش حماتي
شيماء : خلاص مش وقته يا شهد
شهد :والله العظيم البيت بقي كله نكد من ساعت ما تدخلتي
فيه
شيماء :البيت من الاول وهو كده هو انا اللي كان وشي
وحش علي جوزي ومات وسبني
شهد :يا إعمار يا محترمه
شيماء:سيبها وقولت ليكي مش وقته بقي
سماح :ياعاقله
والناس بدأت تمشي
شيماء :عجبكم الفضائح دي
احمد : هو في ايه الناس خارجه تتكلم ليه
سماح : تعال شوف مراتتك عملت ايه
شهد : شيماء ما عملتش حاجه
توفيق :هو ده وقته يا محترمين
سماح :والله يا عمي هما اللي فضلوا يتريقوا عليا
احمد : والله العظيم عيال صغيره
سماح :بهدلوا مراتك يا يحيي
يحيي : اطلعي شقتك وانا هاخد حقك
شهد :والله مراتك اللي غلطت وكمان عيرت شيماء
بموت جوزها
يحيي :انتي ناقصه ربايه يا شهد وليه حقك جوزك يقول
إنه مش عايز يطلقك بس علشان مش معاه فلوس يسد
ليكي
شهد :وانا موافقه اعيش معاه غصب عنه مش هو اتجوز
خالص
احمد : ثواني بس الكلام ده كدب
يحيي :والتسجيل ده كمان اسمعي
احمد : بجد انا مش عارف عملت في نفسي كده ليه و
تجوزت شهد
يحيي : طيب ما تطلقها يا عم
احمد : هو انت مش عارف اهلها مين اطلقها ازاي بس
وبعدين لو كده هاجيب فلوس المؤخر منين
شهد :خلصت كلامك انا موافقه برضه
احمد : والله العظيم الكلام ده قديم
شهد :ولو جديد أنا موافقه
توفيق : هو ايه اللي حصل في البيت بس عيالي انا يعملوا
في نفسهم كده
يحيي :احنا المفروض نبيع البيت ده ونمشي احنا اصلا مش
بنحب بعض
احمد :اتكلم علي نفسك انا مش هسيب بيت ابويا
وبعدها رامي ابن شيماء دخل وكان بيترعش واترمي
في الأرض وجسمه كله بتنفض
شيماء :ابني وراحوا بيه المستشفي
الدكتور :ابنك كويس
شيماء /انت بتقول اي يا دكتور.
هو انت شايف ابني عامل ازاي يعني اي
مش عندة حاجه
الدكتور /حضرتك انا عملت ليه أشاعات وابنك كويس
شيماء /واللي بيحصل ليه ده اي
الدكتور /انا مش عارف بصراحه
شيماء /طيب انا ممكن اروح مستشفي تانيه اكبر من دي
الدكتور /حضرتك انتي فاهمه كلامي أنا بقولك معندوش
حاجه
شيماء /ابني متفوق في المدرسه مش معقول بيعمل
كده علشان مش يروح
الدكتور /انا مش عارف اقول حاجه لان بجد اول
مره اشوف الحاله دي بس اللي ظاهر قدامي
إن ابنك سليم
شيماء /شكرا لحضرتك وخدت ابنها ومشيت
وروحت البيت وشغلت قران ودخلت المطبخ
وبعدها لقت القرآن سكت
شيماء /احمد انت ليه طفيت القران
احمد /انا مش خرجت من الاوضه اساسا
وكانت الصدمه لما خرجت وشافت ........
يتبع