المجد للقصص والحكايات رواية سلفتي الملعونه الفصل الثاني بقلم هويدا زغلول
#سلفتي الملعونه
#الحلقه الثانيه
#بقلم هويدا زغلول
يحيي :وانت موافق تتجوز مرات اخوك طيب ومراتك
احمد :امك عندها حق شيماء حلوه واكيد هتتجوز وبعدين
مراتي مالها انا راجل في بيتي ومحدش ليه دعوه
الام ::لما ترجع انا هكلمها
يحيي :يا امي ابنك لسه ميت
الام :مش قولت ليك اسكت
يحيي :انا مش موافق عالاكل اصبري شويه
الام :لما تيجي تقول إن جالها عريس
يحيي :ليه هو العريس قاعد عالباب
الام :امشي من قدامي يا يحيي
يحيي:انتو حرين
احمد :ما تروحي بكره تقولي ليها
الام :لا مش عايزه كلام عند امها
احمد :متعرفيش امها ممكن تقول ليها اي وهي هناك
الام :تصدق عندك حق انا هروح بكره
وراحت سناء ام احمد عند مرات ابنها
شيماء :ماما تعالي
سناء :,اه يا رجلي حرام عليكي يابنتي انا بقيت
ست كبيره ومش قادره عالمشوار ده
شيماء :هو حضرتك جايه في حاجه
سناء :اخس عليكي مش عايزه تشوفني ياستي
جايه اشوف مامتك وعيال ابني
شيماء :والله ما اقصد يا ماما
ام شيماء مديحه
مديحه :الحاجه ام احمد اهلا وسهلا
سناء :لا زعلانه من بنتك اوي
مديحه : ليه كده عملتي اي
سناء :يرضيكي تقولي اي اللي جابك
مديحه :معقول يا شيماء
شيماء :انا بتكلم أنها تعبانه وكلنا عارفين خير يا ماما
سناء :جايه اطمن علي مامتك
شيماء :بجد والله فيكي الخير. اصل البيت ده حضرتك
مش جيتي فيه الا يوم ما كان محمد بيلبسني الدهب
سناء :وشكلي هاجي قريب علشان احمد يلبسك الدهب
شيماء : حضرتك بتقولي ايه
سناء :احمد ابني عايز يتجوزك
شيماء ده يبقي اتجنن لما يفكر في مرات اخو
سناء :في حد يقول كده برضه
شيماء :لا ولا هتجوز احمد ولا غيره
سناء :يابنتي انتي لسه صغيره وحرام عليا لما
اقعدك جمبي
مديحه :عداكي العيب
شيماء :ماما انتي بتقولي اي
مديحه :حماتك عندها حق انتي لازم تتجوزي
وجواز ب جواز عم العيال اولا
شيماء :مش هيحصل
سناء :خلاص هاخد عيال ابني
شيماء :ب انهي حق انا قولتك مش هتجوز
سناء : اسمعي يا شيماء انتي عمرك ما شوفتي
مني الا الوش الطيب
شيماء : هههههههههههه هو انت بتتكلمي بجد ان هي وش
طيب ده اللي انا شفته انا عمري ما شفت منك الا القسوه
مديحه : عيب كده يا شيماء
شيماء : انا كلامي خلص انا مش هتجوز حد
سناء : انتي اللي جبتيه لنفسك يا مرات ابني
مديحه : اقعدي بس يا حاجه هنتكلم
سناء : عقلي بنتك يا مديحه
مديحه : ينفع اللي انتي عملتيه ده
شيماء :يا ماما انا مش هتجوز بعد محمد واتجوز مين اخو ينهار ابيض
الام :ده كويس أن اخو علشان يربي العيال
شيماء :انا هربي العيال
الام :وتفتكري حماتك هتسيبك
شيماء :اللي عندها تعمله يا ماما
الام :انتي ليه راسك ناشفه كده
شيماء :لاني عمري ما هفكر اتجوز بعد جوزي يا امي
الام :يابنتي مهو برضه انتي لسه صغيره وحلوه والعين
هتكون عليكي اسمعي الكلام يا حبيبتي
شيماء :لا لا قولت لا عمري ما هعمل كده
الام :ومين بقي هيصرف علي عيالك
شيماء :انا يا ماما
الام :منين يا حبيبتي
شيماء :هنزل اشتغل واصرف عليهم
الحماه :مش لما يبقوا معاكي يا حبيبتي
الام :الحاجه ام احمد تعالي
ام احمد :نسيت موبايلي
الام :ادخلي طيب
الحماه :انا يستحيل اسيب عيال ابني مع وحده مش عارفه
تاخد بالها منهم لا وكمان عايزه تنزل تشتغل
شيماء :ارجوكي انا مش بفكر في الجواز
الحماه :هو انتي تطولي تتجوزي احمد
شيماء :هو احسن مني يا ستي ارجوكي بقي
سبيني اربي عيالي
ألحماه :قدامك حل من الاتنين يا فرحك علي احمد
الخميس الجاي يا اما هاخد العيال وانتي عارفه هاخده
ازاي
شيماء :انتي لو فكرتي تخدي عيالي مني متعرفيش
انا ممكن اعمل اي زمان كنت بسكت علشان جوزي
دلوقتي خلاص محدش ليه حاجه عندي اتفضلي موبيلك
اللي كنتي سيباه يسجل
سناء :ماشي يا شيماء ومشيت
الام :حماتك مفتريه
شيماء :علي نفسها من بكره هنزل اشوف شغل
وفي بيت سناء
احمد : عملت ايه يا ماما
سناء : اوعي كده من قدامي عايزه اقعد
احمد : تفضلي اقعدي اجيب لك مياه
سناء : انت مالك ملهوف ليه كده تعرف اللي حصل
احمد : ابدا ما فيش شكلك متضايق وعايز اعرف
سناء : وربنا لندمك يا شيماء
احمد: يبقى رفضت صح
سناء : بس ما تعرفش انا مين لو حطيت احد في دماغي
احمد : ناويه تعملي ايه يا ماما
سناء : سيبني بس ارتب كده
وفعلا اشتغلت شيماء في شركه عقارات
وكانت في مكتبها ودخل المدير حامد
حامد :ازيك يا شيماء عامله اي
شيماء :بخير والله
حامد : جئت اشكرك بنفسي على الشغل اللي خلصتي
شيماء : ده شغلي لو مش محتاج شكر يا فندم
حامد : بجد انتي انسانه ناجحه جدا
شيماء : شكرا لحضرتك
حامد : هو انا ينفع اسالك سؤال
شيماء : اه طبعا تحت امرك
حامد : بقى لك ثلاث شهور شغاله معنا مش ناويه تقلعي
الاسود
شيماء : لو ده هيقصر على شغلي انا ممكن اسيب الشغل
حامد : ليه بتقولي كده
شيماء : اكيد حضرتك محتاج احد واجهه وما ينفعش على
طول يكون لابس اسود بس انا مش هقلع .....
سناء دخلت المكتب
سناء :مش هتقلعي اي يا عنيا
شيماء :ماما انتي جيتي هنا ازاي
سناء :ده اللي همك هو عايزك تقعلي اي
شيماء :انتي فاهمه غلط
حامد :مين الست المتخلفه دي
سناء :انا متخلفه والله لاوريكوا الحقوا يا ناس
شيماء :انتي بتعملي اي
سناء :دخلت علي الهانم لقيت الراجل ده بيقول ليها اقعلي
هي تقولوا مش هنا
حامد :اخرجي برا يا ست انتي
شيماء :حرام عليكي انتي ليه بتعملي كده
سناء :،عامله زعلانه علي جوزك وانتي عايشه حياتك
ونزلت جري شيماء وفضلت ماشيه في الشارع تعيط وروحت
البيت لقت سناء هناك
شيماء : ممكن اعرف انت ايه اللي جابك هنا
مديحه :اخرسي خالص الماذون جاي في الطريق انتي
كنتي فين
شيماء :مش هتجوز
سناء :هاتي عيال ابني
شيماء :انتي ست مفتريه
احمد :المأذون جه
مديحه :اخلصي ولمي الفضائح دي جوازك علي احمد دلوقتي
يتبع