المجد للقصص والحكايات رواية ما وراء قلبي الفصل الثاني بقلم مريم سمير
البارت الثانى
أنا وهو =أيهههه!
بصينا احنا الاتنين لبعض بعد مكنا عطينا ضهرنا لبعض وبنتكلم في الفون، احنا الاتنين نهينا المكالمة
_احممم انت مين كان بيكلمك يا احمد؟
=طب وانتى مين كان بيكلمك واتخضيتي؟
_هيرد السؤال ب سؤال اهو، طيب هقول، القسم بتاعى او بتاعنا يعنى بشكل عام، وكلنا احنا الاتنين ب نفس المهمة
=تاجرة مخدرات مش كده؟
_اه يبقي فعلا المكالمة بتاعتك هى هى بتاعتى، هنعمل اى بق؟
=مش هنعمل حاجة، هروح بكرة اعرفهم انك بقيتى مراتى وانك مش هتشتغلى
اقتله؟ اقتله يربي بس يعنى وانا اعمل اى، يخبتك يا إلى موردت على حد يمريم، يا دى النيلة ويا دى الحطة روحنا على جمل وجينا على بطة، اى دا مالى انا بقول اى!
فجأة ومحدش يسأنى عملت كده لى، مسكت ايده
_ايدا في اى!
=احمد ممكن تقعد وتسمعنى
_ايدا في اى، انتى صوتك رقيق وواطى!
=ممكن تقعد
_ممكن اه
قعد وهو مستغربنى والله يبنى انا كمان مستغربنى
_احمد انت عارف انى بحب شغلى اوى اوى يعنى
=اه
_وانى شاطرة في دا، وانى لو مش شاطرة مكنتش مسكت قضيه مع احسن واحدة في القسم
=مريم انتى سخنة ! انتى بتشكري فيا
_ممكن نتكلم بجد
=ممكن اه
_انت اتجوزتنى لي؟
=تعرفي يمريم انك الوحيدة إلى كنتى متجوزتيش في الدفعة، كنتى واهبه نفسك كده لخدمة الوطن باين، ف انا جيت اثبتلك انه لاء ده مش كارك وانك مهما حاولتى مش هتبقي زى الراجل، وانك مهما حاولتى بردو مش هتعملى زينا
_انت متجوزنى عشان اكرهك؟
=تكرهيني!
_ايوة، وانا متخيلتش انى اكره حد في يوم وأنت عارف دا كويس، ومش ذنبي بقي انك فعلا شايفنى كويسه في مجالى وعاوز تقضي عليا، انت بجد عاوز تعمل فيا كده؟ طب افتكر الحاجات الحلوة إلى بينا يا اخى
=مريم انتى مش بطقينى! مفيش ولا لحظة حلوة صدقينى
_يشيخ عشان كنت هقتلك مرتين يبقي مش بطيقك! حسبي الله ونعم الوكيل
=طب اقولك حاجة
_سمعاك
=انتى لو نجحتى تحلى القضيه معايا هسيبك تشتغلى لو فشلتى يبقي هتقعدى في البيت
_افندم!
=مش انتى شاطرة في مجالاك؟ وراجل اوى خلاص هنشوف بس لو فشلتى هتقعدنى هنا، اتفقنا
بصيتله ولقيته بيبصلي بثقه إلى هو متأكد انى مش هنجح، لا طبعا لازم أوافق واثبتلك يا احمد انى فعلا قدها
مسكت ايده سلمت_اتفقنا
ابتسمت وبص على ايدى وباسها، اه دخلنا على قلة الأدب، سحبت ايدى وشديته من هدومه
_انت قاعد هنا مع صاحبك أمين؟
=ايدا في اى
_مش انت مش مؤمن بيا ولا بقدراتى، هثبتلك انا ممكن اعمل اى، ولغايه ما دا يحصل اعتبر الشقه مسكن طلاب وانا زميلك
=انتى بتقولى اى يبنتى؟
_زى ماسمعت، انا داخلة انام، وهصحيك معايا عشان نروح القسم
=وبالنسبه ل أهلنا إلى المفروض جايين؟
_اه صح انت صح، خلاص نروح بعد ميمشوا، تصبحي على خير
=مريم
_ها
=اتمنى تنجحى
ابتسمت_شكرا يا احمد
دخلت الاوضه وغيرت ونمت واتمنيت انى فعلا أنجح عشان اثبتله انى فعلا زيي زيه، وعشان مخسرش شغلى إلى من صغري وانا نفسي اكون فيه ومحدش كان اسعد منى وقت مدخلت كليه شرطة مع ان ماما وبابا ومكنوش راضيين بس مش حوار دخلت بردو، عاملين حوار من اللاحوار لييي!
صحيت على خبط كتير في الباب، ايدا في اى، اوريله وشي ازاى وانا إلى قولت هصحيه، نسيت انى اسمى غيبوبه انى اسف
فتح الباب بسرعة
_ايوة يعنى انت بتخبط من ساعتها عشان تفضل متنح؟
=ممكن تنديلى مريم من جوا الله يباركلك
_امال انا مين يعسل؟
=انتى مريم؟
_بطل هزار
=بجد والله انتى مريم
_مخلاص يعم مش هنقضيها تسبيل يعنى
=لا خلاص اتأكد انك فعلا مريم، بس تعرفي شكلك حلو اوى وانتى صاحيه من النوم
_ربنا يخليك، ايدا هو فيه حد بيخبط
=ها، اه يبنتى أهلنا برا
_طب متفتحلهم عقبال مغير بالله علييييك
=تمم ماشي حاضر
_شاطر
قفلت الباب وغيرت وسمعت صوت ماما ومامته والله يجماعة كبرتوا الموضوع!!
ثوانى هو المفروض البس دا! اى ياجماعة المياصه دى هو انا فتاة ليل؟ خلصانة هلبس البرمودة اعمل اى يعنى منا لو ملبستش مش هيصدقوا
لبست وسرحت شعرى وسبته وخرجت
_ازيك يماما ازيك يطنط
=الحمد لله يحبيبتى
كنت واقفة وهو باصصلي متهزرش بقي والله متهزر هيقولوا انى منيماك هنا يعنى، ودى الحقيقه فعلا بس استر عليا بقي متفضحنيش
_ثوانى اجيلكم عصير
دخلت وجبت عصير وقدمته، وقعدت جمبه ومامتى ومامته فضلوا يكلمونا ويهزروا
_طب هنمشي احنا بقي
=منتوا قاعدين شويه
_معلش يحبيبتى مرة تانيه
مشيوا ولفيت لقيته ورايا
_اى الحلاوة دى، اى الطعامة دى
=اي اي اي اي اى الحلاوة اى، بتغنى صح؟
_لا مش بغنى والله
=طب يلا يعم اتأخرنا على الشغل
_انا خبتى موردتش على حد، نازل يوم الصباحيه
=احنا مش هنقول لحد على جوزانا لغايه ما القضيه تخلص عشان الشغل حاجة وحياتنا حاجة
_صح انتى صح
=داخلة البس، البس انت كمان
دخلت لبست وهو لبس وفطرنا ونزلنا ووصلنى بالعربيه، ياجماعة متهزروش وتقولوا اننا إلى بنقول عليهم مستحيل نتجوزهم هما دول إلى بنتجوزهم فعلا والله متهزروا
وصلنا القسم ومسكنا القضيه وروحت معاه مكتبه وفتحنا أوراق القضيه،سماح تاجرة مخدرات بس تقيلة اوى محدش عرف يكشفها لغايه دلوقتي وان كل الناس عارفه انها تاجرة مخدرات بس مستحيل نروح نقول، لى بقي عشان هى مظبطة كل حاجة وبتعرف امتى البوليس جاى فبتقلب الشيخة سماح المغربيه باين
يعنى جت على قرمط وتمسكوه قضيه صعبه كده يعنى؟ أكمنى يعنى طيبه ومش هتكلم
_قرأنا أوراق القضيه ها اى تانى؟
=ايوة منا مستنى الاجابه منك
_يجدع
=بصي، مش ملاحظة حاجة غريبه؟
_ان شكلى احلو مثلا لما سبتك
=وقت غنى بقي؟
_معلش مقدرتش امسك نفسي، احمم كمل يفندم
(للنشر والإعلان والتواصل معنا)
(اضغط هنا)
=اننا ممكن نخش بفكرة الراجل إلى تحبه فتثق فيه ف هو الى يوقعها
_يبن الذكيه، طول عمرى بقول عليك احسن من أنجبت مصر حقيقي، مين بقي الراجل دا
=انا
_نعم يا اخويا!!
مريم سمير🖤 ♥