المجد للقصص والحكايات
اسكريبت نسمه عشق كاملة
اسكريبت كامل🌺💞
#نسمه_عشق/ ايه عامر
"بصي بقي انا واحد ماشي بما يرضي الله.. معنديش ستات تشتغل.. باسورد الفيس والانستا هيبقو معايا..
_ده انت قلبك جامد بقي
" بتقولي حاجه!!!
_ لا خالص.. مبقولش
...
ماما: انتي مش قولتي ي بنتي انك هترفضيه... ده وهو ماشي بيقول هنبقي عيله لطيفه اووي
_ انا كنت عارفه انه عبيط..
«انا مروه عندي 23 سنه.. من اسكندريه.. والباقي هنعرفو سواا»
...
بابا: يعني اي مش موافقه..
_ يعني مش موافقه علي واحد عايزه يقتل اي حاجه ممكن اعملها لنفسي واتقدم ف حياتي.. مهو انا مش هخرج من سجن وادخل ف سجن تاااني
مخلصتش كلام لقيت القلم نازل علي وشي..
بابا: في عريس جايلك الاسبوع الجاااي وهتوافقي عليه انا مش هعيش العمر كله اصرف عليكي..
سيبته ودخلت اوضتي وعيطت ع بختي وحظي م الدنيا وع القسوه اللي لقيتها منه طول حياتي...
...
ماما: ي بنتي ابوكي لحد دلوقتي هادي معاكي وصابر وانتي عارفه وافقي ع العريس.. قابليه يمكن يكون ابن حلال..
_ حاضر ي ماما هو هيجي امتي.
ماما: بكره بليل
....
بابا: احنا نسيب العرسان لوحدهم.. بصلي نظره تحذير انا فهمتها كويس اووي
..
يونس: هي جديده
_ هي اي!؟
يونس: السجاده.. اصلك مركزه معاها اكتر مني
_لا انا بس متوتره شويه..
يونس: لا ي ستي مفيش توتر ولا حاجه.. انا يونس.. عندي 27 سنه.. مهندس وعندي شركتي الخاصه.. عايزه تسألي علي حاجه معينه..
_ لا
....
بابا: اهلا ي ابو يونس احنا موافقين.. شرفونا بالزياره بقي نتفق علي كل حاجه..
سمعت كلامه وكنت عايزه ازعق ف الدنيا بحالها بس اكتفيت اني سيبتهم ودخلت... انا موفقتش. انا مش عايزه اتجوز.. افرض طلع عايز يسجني ويقتلني بالحياه ويكون قاسي عليا..
...
ماما: رايحه فين ي مروه
_ هقعد ع البحر شويه ي ماما
ماما: طيب متتأخريش عشان الناس فضالها ساعه بالكتير اووي..
_ حاضر
..
قعدت افكر وانا بتفرج علي غروب الشمس اللي عمره م فشل انه يطمني.. وووو
~ ممكن اقعد معاكي شويه
_ يونس.. انت بتعمل اي هنا
يونس: مامتك قالتلي انك هنا جيت اقعد معاكي
.. مش هنكر اني ارتحتله بس ده مش معناه اني وافقت انا مشكلتي مع فكره الجواز مش مع الشخص نفسه..
ولقيتني بقولو
_ ممكن ترفض الجوازه دي
يونس بإستغراب: بس والدك قال انك موافقه..
_ والدي مسألنيش علي رأيي.. انت شخص كويس جداا بس انا مش حاسه اني جاهزه دلوقتي
بصلي بحزن: حاضر
رجعنا سوا وطول الطريق كان بيفكر ومش عارفه كان بيفكر ف اي..
...
بابا: اي ي ولاد اتأخرتو كده ليه.. في مشكله ولا حاجه
يونس: احنا ممكن نعمل الفرح الاسبوع الجااي ي عمي..
_ اي يونس انت بتقول اي
بابا: موافق ي ابني ... اي عندك مشكله ي مروه
_ لا ي بابا اللي تشوفو.....
.....
بارك الله لكما وبارك عليكما وجمع بينكما في خير..
_ اي في اي بتبصلي كده..
يونس: فين حضن كتب الكتاااب
..
_ لا انسي انت خلفت بوعدك ليا متستناش مني اي حاجه..
يونس: طب انتي ليه طلبتي يكون كتب كتاب بس ومنعملش فرح.
_ اديك قولتها فرح.. هو فين الفرح ده.. نص ساعه وهكون جاهزه عايز تستناني هنا تمام ف العربيه تمام برده.
...
ودعت ماما وبابا وودعت اوضتي وبيتي يمكن حبستي فيه خلته صديق ليا.. وهشوف ايام صعبه مع انسان معندوش احساس..
...
يونس: اتفضلي بيتك ي عروسه... بصي المطبخ من هنا وفي اوضتين.. ودي اوضتنا
_ دي اوضتنا طيب فين الاوضه التانيه.. هي دي... شكرا
دخلت وقفلت الباب وقولت اللي يحصل يحصل بقي.
يونس: احنا فينا من كده مااشي ي مراتي ي حبيبتي.. مش هتتعشي طيب
_ لا.
....اسكريبت كامل بقلم اية عامر ، المجد للقصص والحكايات ، رواية رومانسية ، رواية مصرية رواية عشق روايات واتباد روايات كامله ، روايات تشويق روايات مثيرة
صحيت تاني يوم ولبست الإسدال وخرجت.. لقيتو قاعد ع السفره وعامل الفطار ومستنيني وعلي وشه ريأكشن منك لله ي شيخه ده منظر..
مرضيتش افطر معاه وقولتلو مش جعانه مع اني كنت بموت م الجوع..
يونس: طاايب بما إن الاجازه ملهااش لازمه بقي انا نازل الشغل عايزة حاجه اجيبهالك وانا جااي.. قالهالي بإبتسامه كلها سماجه كده
_ لا ي حبيبي.. تروح وترجع بالسلامه
رفع حاجب ونزل حاجه وقرب مني لدرجه انه كان هيسمع دقات قلبي اللي فضحت اني اتكسفت منه
يونس: اي ده ألغي الاجازه ولا اي
_ انا بقول انك لو خرجت دلوقتي مش هتتأخر..
بصلي بقرف كده وقام مااشي.
..
قعدت طول اليوم اكتشف ف الشقه ورتبت هدومي وعملتلو عشااا بالهنا والشفا علي قلبه.. انا كدابه ي جماعه..
لحد م جه وشافني بنفس المنظر..
يونس: حسبي الله
_ بتقول حاجه
يونس: لا ولا حاجه ي روحي
اتكسفت.. مش كفايه انك زي القمر وكمان كلامك حلو.. اي ده في اي.
_ طيب يلا روح غير هدومك عشان العشااء
يونس: وكمان عشا ي هنايا ي اما..
...
خرج بعد شويه وشعره مبلول مايه.. زي القمر .. اي ده بت غضي البصر..
....
يونس: الحمد لله تسلم ايدك
ابتسمت ولميت الاطباق وجيت ادخل اوضتي..
يونس: علفكره انا جايب فيلم ممكن نشوفو سوا
_ معلش اصلي تعبانه
يونس: كرتون
ااه جيت ع الجرح
_ تعبانه بجد
يونس: الجميله والوحش
لا بقي كده كتير... بت بت اتلمي وادخلي ناامي
يونس: وجبتلك شيتوس
_ لا بقي كله الا الشيتوس...
يونس: متجوز واحده هبله ي ربي..
وقرب منها وهي بتبعد لحد مبقاش بينهم مسافه.. يلا
_ يلا اي..
يونس: يلا نتفرج ع الفيلم..
فوقت علي فصلانه حاسه كأني كنت سرحانه فيه..
_ يلا
قعدنا سوا نتفرج ع الفيلم... وكنت مركزه ف الفيلم..
لحد م لقيتو مسك ايديا... استغربت من نفسي اني ممنعتوش وكملنا الفيلم.. لحد م لقيتو نام علي كتفي..
انا بجد بحاول انتي اتجاوز اني اتخنقت لما كمل ف الجوازه بس بحاول اني اكمل حياتي معاه بس الموضوع ده هو اللي واقف بينا.. ومنكرتش ابداا اني ارتاحتلو وانه صابر علي عمايلي والاكيد انه مش قاسي..
....
المره دي صحيت انا الاول وعملتلو الفطاار
يونس: ده اي الهنا اللي انا فيه ده
_ لا علفكره انا ست بيت شاطره جداا
يونس: م انا عارف انا متجوزش اي واحده كده والسلام..
ضحكت وقعدنا نفطر
يونس: علفكره انا مسافر وهرجع بكره بليل
_ اي ده مسافر فين
يونس: تبع الشغل ي مروه لو عايزه تروحي عند اهلك عشان متباتيش لوحدك يعني.. انا معنديش مشكله
_ لا لا مفيش داعي هبقي اروح اسلم عليهم وخلاص.. وارجع هنا.
يونس: تمام... مع السلامه
_ سلاام.
....
ماما: مروه روح قلبي اخبارك اي
_ الحمد لله ي ماما وحشتيني.. ازيك ي بابا
بابا: الحمد لله.. اخبار يونس اي
_ بخير الحمد لله..
دخلت اوضتي اللي كانت وحشاني مووت وبعدين قولت اتصل بيونس..
_ الو...
مروه: انتي مين..وفين يونس.
يونس: انتي بتردي علي تليفوني لي ي سماا...الو...مروه
...عجبك كده..
...
مروه: بتخوني ي يونس...ده انت قلبك ماات بقي...والله مهعديها ي يونس..اعاااا....ده انت هتشوف اياام سوده
...
بابا: يعني اي مش هترجعي...انا مبحبش لعب العيال ده
مروه: بقولك بيخوني..واحده بترد عليا وبتدلع اووي ف الرد والبيه محموق اووي انها ردت
بابا: بت اكبري واعقلي انتي مكملتيش شهر...انتي عايزه الناس تاكل وشي...هترجعي يعني هترجعي...
...
روحت البيت ع المغرب..
_ بقي انا ي يونس تعمل فيا كده ...وانا هناام ف الشقه دي كلها لوحدي ازاي دلوقتي..انا هقرأ كتااب....يمكن اهدي شويه..
...
اي الصوت ده....حرااامي!!
_ بص لو انت مفكر انك هتعرف تئذيني تبقي غلطان...انا بلعب كرااتيه...بصلي ي جباان..
..اي ي بنتي اي الرعب ده..
_ اهلا..اهلا بالخاين بيه...
يونس: ي انا ي انتي النهارده..انتي كنتي طالعه للحرامي كده...ي شيخه ي ريتني كنت حرااامي..
_ متوهش ي يونس... وبعيدن انا هستعد عشان اقابلو..اي في اي..لو قربت اكتر من كده هصوت وألم النااس..
يونس: مبدهاااش بقي..ي شيخه انا كنت فاكر انك معندكيش غير الاسداال طلعتي....
_ اي..طب بص عديني كده.... مش كفايه انك خاين وكمان قليل الادب
ودخلت اوضتي وقفلت الباب..
يونس: بقت كده ي مروه عمتا انا هسبيك المره دي بمزااجي والمره الجايه انا مش ضامن نفسي...والاسدال ده يتلبس وقت الصلاه بس....وبعدين اخونك مين..دي بنت خالي...الصفقه اتلغت وانا روحت ازورهم بما اني كده كده قريب من عندهم...
مروه: يعني مكنتش بتخوني
يونس: والقمر ده يتخان برده...افتحي الباب طيب
مروه: تصبح علي خير ي يونس....
...
_ يلا ي يونس الفطاار.
يونس: عيون يونس قلب يونس..
_ ولاا احترم نفسك..
بصلي بقرف وقالي حااضر....ورد علي تليفونه كان بيرن.
يونس: تمام ي مااما
مروه: اي..
يونس: معزومين ع الغدا عند ماما
مروه: جميل
يونس: عشان سما جت م السفر امبارح
مروه: لا مش جميل..اي ده لحظه كده..هو انتو كنتو جايين مع بعض...الله الله...و مخبي عليا اي تااني ي بيه
يونس: ده الجميل بيغير..
مروه: انا اغير لا ده انت اتجننت بقي..
يونس: خلاص يبقي معزومين ع الغدا....انا رايح الشغل هااجي ع الساعه2 تكوني جاهزه..
مروه: حاضر
....
سما بدلع: اهلا ي مروه...مبسوطه اني اتعرفت عليكي مووت
مروه بقرف: وانا كمان مبسوطه جداا ي حبيبتي حلو الفستان الاصفر ده لايق عليكي...
سما: تسلميلي...اي ي يونس مش كنت تعزمنا علي فرحك
يونس: احنا معملنااش فرح..كانت ع الضيق...مروه مبتحبش الزحمه..
سما: ليه ي مروه..انا لو مكانك كنت عملت وعزمت اصحابي كلهم وخليتهم يغيرو..عشان خدت حد قمر كده
يونس: احم...تسلميلي ي سما..
مروه قربت ليونس وهمست: لينا بيت يلمنا...ي بتاع سماا
.....
مروه: معلش بقي ي سما كان نفسي نكمل السهره للاخر بس يونس عنده شغل....مش يلا بقي ي بيبي
يونس: بيبي!!! اه يلا ي روحي
بعد م خرجو...
يونس: انا بيبي هاا
مروه: مش عايزه اسمع صوتك..ولا اقولك انا ماشيه...تاكسي..اطلع ي اسطا
يونس: ي بنت الهبله..ي انا ي انتي النهارده.
...
يونس: ي مروه انتي فين..اي ده فين الإسدال..اي القمر ده.
_ اتفضل ي بيه ي خاين روح للست هانم خليها تنفعك..انا اللي غلطانه اني وثقت فيك وانت كدبت عليا قبل كده..
مسك ايدها وقالها طب تعالي..
يونس: بصي بقي مامتك كلمتني يوم كنا قاعدين ع البحر لما قولتلهم اني هروح اجيبك وفهمتني انك بس كنتي خايفه اني اقسي عليكي ومكنش حنين...هل انا مكنتش حنين.
_ الصراحه لا
يونس: عشان كده صممت اني اتجوزك...بالنسبه لسما ف هي بتدلع كده عشان كنا مخطوبين بس انا محبتهاش ولغيت الخطوبه وحبيتك انتي
_ اي
يونس: بحبك..
_ ونا كمان بحبك ي بطتي..
يونس: بطتك ده كده الموضوع كبير بقي..
_ بص يعني مش هنكر اني اعجبت بيك..بس انا كنت خايفه اوي اكمل عمري مع شخص ويكون عنده قسوه زي بابا...كملت بدموع..عمري م حسيت انه بيحبني...
يونس: هشششش..انا معاكي..اوعدك اكون حنين معاكي..
_وهتخلي ايدك ماسكه ايدي علطول...اوعي تسيبها ي يونس...
يونس:ابدا ابدا...
_هتجيبلي افلام كرتون وشيتوس..
يونس: بس كده عونينا ليكي..
_يونس..انا بحبك اوي..ربنا يديمك ليا..
يونس:ويديمك ليا...
(للنشر والإعلان والتواصل معنا)
(اضغط هنا)
تمت...
فدمت لي عونا وسندا 💞🌺