المجد للقصص والحكايات
اسكريبت كامل ❤🌺
#دموع العوض
/ بقلم آيه عامر
شريف: انا مش هتجوز علي مراتي ي ماما
ريهام: وانا عايزه افرح بعياالك ي شريف.. وانت من حقك تتجوز علفكره انت كده مبتظلمهاش.. هي مبتخلفش هنعملها اي..
شريف: لو سمحتي ي ماما.. مشاكلي انا ومراتي تخصنا احنا وانا مش هقبل اي حاجه ممكن تضايقها او تجرحها..
ريهام: لكن تضايقني وتجرحني انا..
شريف: هو انا ي ماما عمري اشتكيتلك عن موضوع الخلفه ده.. احنا نصيبنا كده والحمد لله راضيين..
ريهام: ي شريف متتعبنيش.. لما تكبر هتبقي عايز حد يسندك..
شريف: احنا هنكون سند لبعض ي ماما..بعد اذنك انا هطلع شقتي..
...
شريف: ي مساء الخير علي أجمل عيون في الكوكب كله..
نور: مساء النور.
شريف: اي ده.. اي مالك كده
نور: والدتك عندها حق..
شريف: قالتلك حاجه!!
نور: ايوه اتكلمت معايا الصبح وقالتلي انها هتكلمك لما تيجي..
شريف: ااه وبعدين.
نور: شافتلك عروسه.. هي ارمله بس لسه صغيره.. والبنت كويسه واهل..
شريف: اااي اااي.. ميهمنيش اعرف كل ده.. وكل اللي ماما بتقوله مش هيحصل.. انا مستحيل اتجوز غيرك..
نور: ده حقك ي شريف.. انا مش هزعل ده عدل ربنا واكيد ده اختبار منه وانا مش عايزه افشل فيه..
شريف: نور.. نور.. بصي اهدي كده وتعالي اقعدي..
نور: قعدت..
شريف: انتي عارفه اني بحبك صح؟!
نور: عارفه.. وانا كمان بحبك.
شريف: جميل اوي.. يبقي ليه بقي كل اللعبكه دي..
نور: عشان يبقي عندك عيل تفرح بيه.
شريف: طيب.. طيب تمام.. مش انا وانتي روحنا للدكتوره؟؛
نور: ايوا روحنا.
شريف: وقالت اي؟!
نور: قالت كلها حكايه وقت.. وان مفيش مشكله محدده..
شريف: طيب لي بقي كل اللي بتقولوه ده..احنا هنصبر لحد م ربنا يكرمناا.. وبعدين خلينا ي ستي نفرح ببعض كام سنه من غير لعبكه ودوشه وعيال..
نور بدموع: بس كلهم قالو اني مبخلفش..
شريف: محدش ليه اي حكم علينا ولا علي حياتنا.. احنا حرين..
نور: بس انا تعبت من كلامهم من نظراتهم.. مرات اخوك بتخاف علي عيالها مني..
شريف: لو حابه ي نور.. خلينا ناخد شقه بعيد عنهم خالص..
نور: وابقي انا اللي بعدتك عن بيتك وعيالك.. لا لا قرار غلط..
شريف: طب اعمل اي.. قوليلي اعمل اي..
نور: اسمع كلام والدتك..
شريف: هو انتي قلبك مبيوجعكيش وانتي بتقوليلي كده..
نور بدموع: بموت وانا بقول كده.. بس انا مبقتش عارفه اعمل.. حاسه ان كل مدي وحياتنا هتتعقد.. خايفه من اليوم اللي هتدخل في ايديك واحده وتقولي انها مراتك.. بحاول اخلي نفسي متقبله الموضوع..
علي صوت بكائها وارتفعت شهقاتها... اقترب شريف وضمهاا..
شريف: اهدي ي حبيبتي.. اهدي.. انا بحبك انتي.. هو انتي مفكره الحب ده مجرد كلمه.. ولا جوازنا لعبه.. لا ده وعد مني قدام ربنا اني اخليكي مبسوطه.. ووعد مننا اننا نعيش سوا علي الحلو والمر.. وانا متأكده ان ربنا مش هيحرمنا.. وحتي لو لا قدر الله ومخلفناش.. يمكن يعوضنا بحاجات تانيه.. مش يمكن اختبار دنيوي وجايزته في الاخره.. ي حبيتي الامور دي ربنا اللي بيدبرها..
نور: ونعم بالله..انا هقوم احضرلك العشاا..
شريف: لا لا قومي البسي وتعالي نخرج نتعشي بره..
نور: لا ي شريف مش قادره
شريف: لا قومي بقي متبقيش كسوله.. خدودك من القعده في البيت خبت علي عنيكي..
نور بغضب: قصدك اي بقي..قصدك اني تخنت..لا ي استاااذ خد بالك من كلامك..
شريف: بس قمر بردو في كل حلاتك حتي وانتي متعصبه..
نور: تلات دقايق وهتلاقيني جاهزه..
شريف بضحك: مجنونه اووي..
نزل الاثنين معااا ليجدوا والدته تقف علي باب شقتهاا..
ريهام: انتو رايحين فين دلوقتي..
شريف: خارجين شويه ي ماما..
ريهام: تعالي ي نور سلمي علي سلفتك جوا..وباركيلهاا اصلها حاامل..الرابع ي حبيبتي عقبال نفرحلك بعيل واحد حتي..
نور: ان شاء الله ي طنط..مبروك
شريف: ادعيلنا انتي بقي ي ماما..يلا سلام..
خرج شريف ونور وركبوا سيارتهم...تجمعت بعض الدموع في عنيها..ف امسك يديهااا..
شريف: الحمد لله ي نور..الحمد لله علي كل حال..
نور: انا راضيه والله وصابره وكفاايه وجودك معايا..بس الكلام بيوجعني..
شريف: خلينا ي نور ناخد شقه بعيد هيبقي احسن لينا..انا مش عاجبني نفسيتك كده..
نور: انا مش عايزه ابعدك عن أهلك ي شريف..
شريف: ي حبيبتي مش هتبعديني انا هبقي اجي لماما علطول..وانتي ابقي تعالي معايا كام مره كده وخلاص...
نور: ماشي ي حبيبي اللي تشوفه..
شريف: يلا بينا بقي..
نور: يلا..
ــــــــــــــــــــــــــــــــــــــ
بعد عده ايام..
ريهام: ي لهوووي ي شريف..هي قوتك عليااا..عايز تسيب امك وتعيش بعيد عنهااا..
شريف: اسيبك اي بس ي ماما..احنا واخدين شقه قريبه..حابين بس نغير جو..
ريهام: والله تغيروا جو تقوم تروح تشتري شقه..انت هتفضل تكدب عليا كده كتير..بص ي شريف..كل الحوارات اللي انت بتعملها عشان تهرب مني في موضوع الخلفه انا بحاول اعديها واقول بيحبهاا..بس انها تخليك تسيب امك يبقي..وخلاص بقي هي طقت في دماااغي وهتتجوز البنت اللي قولت عليهااا..وكلامي هيتسمع..
شريف بغضب: وانا مش عيل صغير ي ماما عشان تمشي علياااا..انا راجل وعاقل ومسئول..
ريهام: انت بتعلي صوتك عليااا..اااه..
شريف: مالك ي ماما...ماما..انتي كويسه...ماااااماا..
حملها شريف بعدما فقدت وعيهااا واتجهااا بهااا سريعااا الي المستشفي..ولحقته نور اليها بعدما علمت بالأمر..
نور: متقلقش ي ادهم هتبقي كويسه..
خرج الطبيب من غرفت والدته..
الطبيب: كان ممكن يجيلها جلطه من الانفعال الزايد ده..واي انفعال تاني بالشكل ده هيبقي خطر علي حياتهاا..ي ريت بلاش تعصبوها وتنفذوا اللي هي عايزااه..
شريف:نقدر نشوفها ي دكتور..
الطبيب: ايوه تقدروا..اتفضلوا..
دلف شريف الي الغرفه..وجلس بجوار والدته..وقبل يديهاا..
شريف: حقك عليا ي امي..مكانش ينفع اتكلم معاكي كده..
فتحت عينيهااا ببطء ونظرت له بغضب ومن ثم ابعدت نظرها عنه..
شريف: انا اسف ي ماما
ريهام: مش هقبل اعتذارك غير لما توافق علي اللي قولتلك عليه..وتتجوز وتخلف وتعيش حياه طبيعيه..
نور بألم: والدتك معاها حق ي شريف..لازم تعيش حياه طبيعيه..
شريف: هو انتوا اللي الاتنين لي عمالين تعملوا فيااا كده..وانتي ي ماما مش حرام اللي عماله تعمليه فيهااا ده..لو كانت المشكله عندي انا كنتي هتبقي راضيه لو هي سابتني..لي محسسني اني اول واحد ولا احنا اول زوجين معندهمش اطفااال..بس تمااام ي ماما..هعمل اللي انتي عايزه كده انتي مرتااحه..
ريهام: ايوه كده مرتااحه..
شريف: تمام..انتو الاتنين بعد كده علاقتي بيكوا هتبقي سطحيه..ومش عايز كلام كتير منكو...
خرج شريف من غرفه والدته بغضب شديد..ونظرت نور لها بحزن وألم كبير..بينما نظرت هي لها بإنتصار..
بالفعل بعد تحسن والدته تقدم شريف لخطبه تلك الفتاااه و وافق اهلها بالرغم من معرفتهم بزواجه..كل هذا لانها ارمله..وتحت م يسمي بالمجتمع ف ليس من الطبيعي ان تتزوج ب اعزب..
يوم كتب الكتاب..
نور: الجرافته دي احسن..البسهاا..
شريف: نور..
نور: استني الجاكت عليه اي ده..انا كنت منضفااه كويسه..اااه لا خلاص دول شويه تراب..
شريف: نور..
نور:متتأخرش بقي هستناااك تحت..
شريف بغضب: نور.
وقفت بخوف ونظرت بعيدا عنه
شريف: بصيلي..
نور: نعم ي شريف..عايز حاجه..
شريف: عايزك انتي..
نور بحزن:هو انا بعدت..م انا موجوده اهوه..
شريف: متخبيش في قلبك اكتر من كده..انا قلبي وجعني علي وجعك في وجعي انا كمااان..
نور بدموع: مفيش فاايده دلوقتي لاي حاجه..لازم تروح لعروستك..
شريف: مش عااايز غيرك..مش عايز ولاد من ست غيرك..كنت بتخيل بنتنا وهي شبهك ومنك..مش عايز غير منك انتي..
نور: الوقت اتأخر عل كل الكلام ده ي شريف..ي ريت تستعجل علشان متأخرين..
لأول مره بكي ونزلت الدموع من عينيه..عندما رأته لم تستطع ان تتحمل اكتر وبكت بشده..
وضع جبهته علي جبهتااا وبكي الاثناان بشده..ضمهااا..ف ضمته بقوه ومن ثم خرجت من أحضانه..
نور: متتأخرش..
خرجت نور من الغرفه..بينما هو نظر في اثرها بحزن..من ثم امسك كوب من الزجااج وقذفه بقوه علي الارض..وتحطم الكوب تماما يشبه قلبه المحطم..
(للنشر والإعلان والتواصل معنا)
(اضغط هنا)
ـــــــــــــــــــــــــــــــــ
وصل الجميع الي بيت عروسته الجديده..ودوت زغاريط والدته التي لم تري الحزن بعينه..واي حزن..لم تري الالم والتعب علي عينيه..
جلس شريف بجوار والد العروسه..ووقفت نور مع النسااء من بعيد ليحضروا عقد زفاف الاثنين..نظر لهاا بحزن شديد..وهي الاخري ولكنهاا تمالكت نفسهااا..
المأذون: قول ورايا ي ابني..
سمع شريف الكلمه واحس بألم قوي في قلبه..احسه يهبط من مكااانه..تكاد الدموع تنزل من عينيه..
شريف: عمي بعد اذنك هو انا ممكن اتكلم مع نسمه لوحدنا شويه..
والد نسمه بإستغراب: ماشي ي ابني نكتب الكتاب وبعدين اتكلموا براحته..
شريف: لا معلشي دلوقتي..
والد نسمه: مااشي..ادخلوا اتكلموا جوا احسن..
دلف شريف اللي الغرف ودلفت هي خلفه..
نسمه: نعم..
شريف: انا اسف..اسف اوي بس انا مش هقدر..مش هقدر تكون علي اسمي واحده غير مراتي..انا بحبها..لا انا بعشقها..
نسمه بدموع: عاارفه..شوفت حبك ليها في عنيك..وشوفت وجعك..وانا اكتر واحده هتفهم وجع الحب..انا كمان مكنتش عايزه الجوازه دي بس بابا اجبرني..
شريف بصدمه: بجد..طب مكنتش عايزه لي..
نسمه: انا بحب حد..بس اهلي مش موافقين عليه..
شريف: مش موافقين لي..
نسمه: عشان..عشان..انا اكبر منه بسنتين..وكمان انا ارمله..ف هيبقي بدل الوصف وصفين..بدل م اسمع كلمه هسمع اتنين..فهمت...
شريف بغضب: المجتمع..المجتمع..وفروضه وقيوده..مينفعش ست متخلفش والا يبقي اسمها ارض بور..ومينفعش تبقي مطلقه..ولا ارمله..هتسمع كلام زي السم وهي مش ذنبهااا..اتجوزتيه اكبر منك اي ده هتربيه بقي ولا اي..اي ده انتي ازااي تتجوزيه اكبر منك كده مش هتفهموا بعض..وخدت اي بقي من المجتمع..وخدنا اي كلنا من المجتمع..ولا اي حاجه..الوجع والتعب والذل والاهااانه وبس..
نسمه بدموع: معاك حق في كل كلمه..معاك حق..بس هنعمل اي دلوقتي..
شريف: انا لو لغيت امي ممكن تموت فيهااا..
نسمه: وانا لو لغيت بابا هيقتلني..
شريف: هنعمل اي..انتي ممكن تلغي وانا احميكي..بس اخاف عيله اللي انتي بتحبيه متوافقش عشان لغيتي كتب كتاابك..
نسمه: لا لا انا عندي فكره..خلينا نجربهاا
شريف: اي هي..
نسمه: هقولك.................
شريف: اااه تمام يلا ننفذ...
خرجت نسمه وبدأت في تنفيذ الخطه كالتااالي..
نسمه: بابا..لو سمحت انا مش موافقه علي الجوازه دي..
والد نسمه بغضب: انتي بتقولي اي انتي عايزه تفضحيني..انكتمي ومسمعش صوتك..
ريهام: اللي حصل بس ي بنتي..
نسمه:الاستاذ عايزني اتجوز في الشقه مع مراته الاولي..
والد نسمه: بس..بس ده مكانش اتفاقنا ي ابني..
شريف: ده اللي عندي ي عمي..وده اخر كلام عني..يلا ي ماما هو من قله العرايس..بكره تشوفيلي بنت تانيه احسن منهااا..
ريهام: اي..ااه ماشي ي حبيبي..المهم انك موافق علي الجواز نفسه يلا..
نظر شريف لنسمه وغمزهااا ف ابتسمت له ومن ثم خرج من بيتهم هو وأهله...
نسمه: شوفت ي بابا اللي حصل..
والد نسمه: معلشي مكنتش اعرف كده..وانا مكنتش هقبل تعيشي معاها في بيت واحد..
نسمه: بس ي بابا..خلاص بقي وكفايا كده..و وافق علي معتز وعلي الاقل هو شاريني..وخلاص كده بعد اللي حصل محدش هيطلبني تااني..
والد نسمه: مااشي.يبنتي..مااشي..
ابتسمت نسمه وضم والدها وعلامه الانتصار علي وجههاا...
عااد شريف ونور الي بيتهم..
شريف: انتي متعصبه لي..المفروض تكوني فرحانه..
نور: بقي انت كنتي عايزها تعيش معايا في بيت واحد..
شريف: ي هبله..انتي صدقتي..كل ده كانت خطه عشان ابوظ الجوازه...
نور: ازااي مش فاهمه..
قص لهااا شريف كل م حدث معه..
نور: لا طلعت نااصح..بس انت فاكر مامتك هتسكت هتشوفلك بدل العروسه الف..
شريف: لا خلاص..هستخدم معااها لعبه اةفط والفار دي..انا مستحيل واحده تكون علي اسمي غيرك انتي..
نور: انااا بحبك اوي ي شريف..
شريف: ايوا م انا عاارف..انا امور وكل البنات تحبني..
نور: والله..طب قوم بقي من هنااا خليهم ينفعوك..
شريف: محبش غيرك انت ي عسل..
نور: تؤ تؤ..مش هتثبت بردو..
شريف: ي بت ده انتي الحب كله..
نور: بيئه اوي..
شريف: طب i love you طيب..
نور: هييح..بدال لغاات بقي يبقي مقبوله...
ــــــــــــــــــــ
مرت ثلاث سنوااات..انتقل نور وشريف الي بيت جديد..كان اوسع واجمل...وجدت به نور راحه اكبر...ظل شريف بكل برااعه يفلت من محاولات والدته لتزويجه وحاول ب أكبر قدر ممكن ان يبعد نور عن هذا الموضوع..حتي فقدت والدته الامل منه...الغريب ان سلفت نور انجبت طفلهااا الخامس..وكأنها تنافس نور..او الله اعلم...
أفاااق شريف من نومه في الصباااح الباكر..ف لم يجد نور بجواره..
ظل يبحث عنها في الغرفه ولم يجدهااا..وخرج يبحث في كل البيت ولم يجدهاا..سمع بكاء خاافت من ناحيه الحمام...
دق الباب ودلف عندما لم تجب..
وجدها تجلس علي طرف البانيو وتبكي...
شريف: مالك ي نور..انتي كويسه..بتعيطي لي..
ارتمت نور بين احضااانه وهي تبكي بقوه وعلت صوت شقاتهاا..
شريف: مالك ي نور..قلقتيني مالك ي حبيبتي حصل اي..
وجدها تقبض علي شيئ بيدهاا..
شريف: اي ده!!
تفحصه شريف..
شريف: اختبار حمل...ده...ده ايجااابي...نور.انتي حااامل..
نور ببكاء: الحمد لله...انا مش مصدقه نفسي..انا جربت اربع اختبارات وكلهم ايجابي..
وقف شريف من صدمته..او فرحته ونظر.وظل يقفز كالمجنون..
شريف: انا مش مصدق نفسي..انا هبقي اب بجد...نور انتي حامل بجد انا مش بحلم اكيد ده..
نور بدموع: ايوه..انت مبسوط صح!؟
شريف: مبسوط بس..انا اسعد واحد في الدنيااا..نور احنااا نجحنا في الاختبار وربنا كرمناااا..نور احنا عدينا الحمد لله..
نور ببكاء: الحمد لله..
شريف: احنا عمالين نقول الحمد لله كتير في الحماام واخده بالك..قومي تعاالي بره...لا لا متمشي خاالص انا هشيلك..
حملهااا بين يديهااا بكل حب..ووضعها علي الاريكه...
شريف:بتعيطي لي بس هو انتي مبتعرفيش تضحكي..
نور: علفكره انت كمان بتعيط..
شريف: ايوا صح...دي دموع الفرحه..المهم بصي هنروح للدكتوره عشان نتطمن عليكي ونتطمن علي البيبي....الله انا مبسوط اوي وانا بقولهااا..
نور: وانا..اوي..انا عايزه نصلي ركعتين شكر لله..سوا..
شريف: ايوا..بس صلي وانتي قاعده متوطيش لحد م نشوف الدكتوره هتقول اي.
نور: علفكره عادي اصلي وانا لسه في الشهور الاولي وانا واقفه..
شريف: معلشي اسمعي كلامي لحد م اتاكد من الدكتوره
نور: مااشي ي حبيبي..انا هدخل اتوضي..
شريف: مااشي..
توضأ الاثنان ووقف شريف اماما لهاااا.. وصلي الاثنان شكراا لله..وبكوا كثيرااا ولكن تلك المره كانت دموع العوض والجبر...
بعد شهور..وضعت نور طفلين تؤام ولد وبنت...واسميتهم عبد الرحمن و خديجه..وكانا لهما العوض والسند...
النهااايه..
حلو؟!
ي رب يعجبكم..😥❤