أخر الاخبار

رواية بنت الأصول الفصل التاسع بقلم عمر يحيي

 المجد للقصص والحكايات 

رواية بنت الأصول 

 البارت التاسع


موقع المجد للقصص والحكايات




احمد وصل هدى للبيت ودخل سلم على امها وابوها وأستاذن ومشي .....


هدى

دادة .... يادادة ،،،،، لو سمحتي خدي الحاجات دي وطلعيها اوضتي .....


دادة 

حاضر يا هدى هانم ..... الف مبروك يا بنتي .....


هدى

الله يبارك فيكي يادادة ،،،،،، ماما ياماما تعالي افرجك على الفستان والحاجات اللي جبتها .....


الام

يالا ياحبيبتي .....


_ _

◇■□●○◇■□●○◇■□●○

في الناحية التانية كان عادل 

،،،،،،، شايط من الغيظ وعمال يفكر ازاي هدى هتبقى لغيره .....


انا لازم اشوفها واكلمها هي مش ممكن تكون لحد تاني ..... هي ليا انا وبس .....


انا من زمان بحبها وعيني عليها ليييه ..... ليييه ..... وقعد يكسر في كل حاجة قدامه باوضته .....


وامه لا عارفة تتصرف ولا عارفة تدخل لانها عارفة ابنها عاق لا بيفهم ولا بيسمع ولا بيرحم 



_ _ _

◇■□●○◇■□●○◇■□●○

وعدي يوم و ٢ و٣ واسبوع والعائلتين بيجهزوا للفرح .....

وهدى واحمد كل يوم رايحين جايين بيجهزوا للفرح مع بعض .....


وصاحبنا الشرير بيراقب اي فرصة عشان يكلم هدى .....

لحد ما في يوم هدى خرجت بره الفيلا لوحدها تتمشى لوحدها ..... لحقها وفضل ماشى وراها لحد ما بعدت شوية عن البيت ..... هدى ..... ياهدي .....


التفتت هدى وراءها ،،،،،، ازيك يا عادل عامل ايه .....


عادل

انا كويس لاني شوفتك ....


هدي 

استغربت من الكلمة ..... خير في حاجة اقدر اعملها .....


عادل

عاوز اتكلم معاكي شوية .....


هدى

اتفضل اتكلم .....


عادل

لا مش هينفع هنا خلينا نروح اي مكان نقعد شوية ونتكلم .....


هدى

معلش مش هينفع عشان احمد جاي كمان شوية .....


عادل

راح مسك دراعها لو سمحتي ياهدى عايزك في موضوع مهم .....


هدى

ايه ده لو سمحت سيب دراعي .... انتا اتجننت ....


عادل

لا مش هاسيبك قبل ما تسمعيني .....


هدى

ارجوك سيبني احمد لو جه وشافك كدة مش هيحصل خير ..... انت عايز ايه مني .....


عادل

انا بحبك يا هدى ..... انتي ملكي انا وبس ومش هتكوني لحد غيري .....


هدى

انتا مجنون انا مخطوبة لاحمد وبحبه اوي على فكرة وبطل الهبل ده ..... وسحبت دراعها منه ومشيت .....


بينما هو أصر أنه يمشي وراها برضه ..... وحاول انه يوقفها بالغصب ويتكلم ..... وهي بتقول لوسمحت امشي من هنا ..... عيب اللي انتا بتعمله ده .....


وعلى فكرة احنا واكلين عيش وملح مع بعض من زمان لو سمحت امشي وبلاش الكلام ده يا عادل ،،،،،، من فضلك باقولك امشي احمد جاي دلوقتي .....


عادل

يوووووووه ..... أحمد ..... أحمد ..... طب خليه يجي وانا هعرفه مقامه هنا .....


هدى

انتا اكيد اتجننت امشي من هنا يالا ..... والا اقسم بالله هطلبلك الامن حالا يالا امشي .....


_ _ _ _

◇■□●○◇■□●○◇■□●○

جه احمد وشاف هدى واقفة معاه من بعيد واتنرفز جدا ......


ولما عادل شاف أحمد مشي بسرعة ..... 


أحمد 

هو الزفت ده كان واقف معاكي بيعمل ايه .....


هدى

مافيش حاجة ده كان بيباركلي على الخطوبة والفرح .....

واتلبكت ووشها اتغير من القلق والتوتر لاحمد يعمل مشكلة معاه .....


هدى 

يالا ياحبيبي لسة عندنا مشاوير كتير النهاردة .....


احمد 

بنرفزة يالا يا هدى .....


وعدت على خير المرادي .....

بس ،،،،، عادل ده مش هيسكت على كده ..... وهيعمل مشاكل كتير لهدي بعد الزواج ..... وهيكون احد الاسباب اللي هتقلب حياة احمد جدا هنعرفها مع الاحداث باذن الله .....



_ _ _ _ _

◇■□●○◇■□●○◇■□●○

عند حازم باشا الشريف .....


ياه اخيرا الصفقة دي تمت بس طلعت شاطر ي ،،،،، ويعتمد عليك ..... 


نائبه

احنا تحت امرك يا باشا ..... اه على فكرة يا باشا هتروح فرح احمد حافظ ده على بنت السيد منصور ،،،،،،


حازم باشا

اكيد طبعا لازم نروح و نبارك ده واجب علينا اومال ايه .....


نائبه

من يومك كلك واجب يا باشا .....



_ _ _ _ _ _

◇■□●○◇■□●○◇■□●○

عند هدى في الشركة المملوكة لها هي وباباها ،،،،،، اتصلت على الشركة تطمن على خط سير الشغل .....


هدى من الفيلا بتتصل وتطلب الشركة 

هدى

الو .....ازيك ياشادي ،،،،،، فينك ما سمعتش صوتك من مدة يعني ..... اخبار الشغل ايه .....


شادي على مكتبه

الشغل ماشي كويس ما تقلقيش ياهدى ..... المهم انتي اخبارك ايه ..... بقالنا فترة ما بنشوفكيش .....


هدى

ما تشوفش وحش ياعم .....

مانت مش في الدنيا ،،،،،، بابا ياعم قالي سيبك من الشغل والشركة الايام دي ..... وانا بجهز للفرح بالوقت و عقبالك لما تحب وتتزوج .....


شادي

امممممم عقبالي ..... ما اظنش ....


هدى

ليه بتقول كده ..... ده انتا انسان طيب ومحترم وشاطر كمان ومهندس اد الدنيا واي واحدة تتمناك .....


شادي

اه بس انا كنت عاوز واحدة بس .....


هدى

ايه قولت ايه ..... ؟


شادي

لا مافيش المهم خليكي انتي بتجهيزات فرحك وما تشغليش بالك بالشغل تمام .....


هدى

تمام بس اوعى ما تجيش الفرح هزعل منك اوي لو ما جتش انت صديقي الوحيد فاهم .....


شادي

طبعا هاجي اكيد ..... ربنا يفرحك ياهدى يارب ......



_ _ _ _ _ _ _

◇■□●○◇■□●○◇■□●○

عدت الأيام وكل شوية عادل يتعرض ل هدى بس بتعدي على خير .....


وجه يوم الفرح المنتظر ..... وكل حاجة جاهزة ..... والناس ابتدت تيجي على القاعة ..... ومنتظرين العرسان ....


وبعد شويتين العرسان وصلوا الى القاعة .....

و كانت هدى طالعة زي القمر ..... لا قمر ايه دي كانت احلي واجمل من القمر نفسه ..... واحمد كان طالع زي ابطال السينما ..... والكل كانوا بيرحبوا بالعرسان .....

بعدها جلسوا بجانب المأذون ورددا سويا خلفه زوجتك نفسي ...... قبلت ..... وبالاخير دعا لهما بأن يبارك الله فيهما ويبارك لهما ويجمع بينهما في خير .... وفور ان رفع المأذون المنديل ..... صدحت وعلت الأصوات بالزغاريد والتهاني والمباركات وعم الفرح والبهجة .....


وابتدت الحفلة والمطربين كل واحد غنا كام اغنية .....

ورقصوا مع العرسان ..... واحمد وهدى رقصوا رقصة رومانسية جدا على موسيقى هادية وحضنها بالآخر وقعد يلف بيها .....


وجه عادل ،،،،، وكان ناوي يبوظ الفرح .....

بس ،،،،،، شادي صديق هدى وزميلها بالشغل .....

كان عارف وعامل حسابه .....


_ _ _ _ _ _ _ _

◇■□●○◇■□●○◇■□●○

#فلاش_باك .....


هدى

الووو ،،،،،،،، عاوزاك في موضوع مهم جدا وضروري اشوفك النهاردة في الكافيه كذا ......


شادي

طيب انا جاي حالا .....


شادي

ايه ياهدى في ايه .....خير قلقتيني .....


هدى

مش خير خالص يا شادي ،،،،،، 


شادي

ليه بس احكي ......


هدى

عارف عادل ابن اونكل ماهر ،،،،،،، 


شادي

ايوا ماله ده .....


هدى

بقاله كام يوم بيلاحقني وبيقول انه بيحبني وحكتله كل حاجة ..... وقالي انه هيخرب الفرح ..... وانا خايفة اوي يا شادي انه يتهور ويعمل حاجة يوم الفرح ده شكله اتجنن عالاخر ..... 


وانت ياشادي صديقي واخويا وهادي وهتعرف تتصرف انا ماليش حد أثق فيه وفي حكمته زيك ..... وانا ماقدرتش اقول لعلي لانه انت عارف متسرع ومتهور وممكن يعمل مصيبة لو عرف .....


شادي

ولايهمك انا هاحل الموضوع ده انتي بس ما تخافيش واعتمدي على الله ثم عليا وكله هيتحل باذن الله ......


هدى

ربنا يخليك يا شادي ،،،،، انا بصراحة مش عارفة من غيرك كنت هاعمل ايه ..... 


شادي

ماتقوليش كده تاني يا هدى ..... انتي عارفة معزتك عندي و خليكي في اشغالك ،،،،،،، وعمل كام تليفون كده .....



_ _ _ _ _ _ _ _ _

◇■□●○◇■□●○◇■□●○

#باااك .....


دخل عادل ماهر زيان الحفل .....


راح شادي مشاور على الشباب اللي اتفق معاهم فاخدوه قبل ما يدخل من باب القاعة ..... وقدر شادي يسيطر على الموضوع ..... ودخل شاور لهدى ..... وهدى شاورتله بابتسامة فيها امتنان لخير صديق .....



و احمد اخد باله وشافهم بس ما بينش حاجة .....

وخلص الفرح على خير ......

وراحوا بيتهم ..... 

ودخلوا اوضتهم و و و ........ ؟؟؟


يا ترى ايه اللي هيحصل مع هدى و احمد وهيتكلموا في ايه☺️ ...... ويا ترى ايه قصة الباشا حازم الشريف دي مع أحمد وعلي .... وايه قصة عمنا عادل وهيعمل ايه تاني وهل سيكتشف ان شادي هو من أخرجه من الحفل ..... وايه حكاية شادي من الألف للياء ..... ويا ترى هانشوف امتا قصة سي علي المشوقة ..... هذا وأكثر ما سنعرفه الحلقة المقبلة ان شاء الله ..... فانتظرونااا .....

والسلام عليكم ورحمة الله تعالى وبركاته ......

تحيااااتي الطيبة لكم جميعا ❤? .............


(للنشر والإعلان والتواصل معنا)

                (اضغط هنا)

_ _ _ _ _ _ _ _ _ _

☆¤☆¤☆¤☆¤☆¤☆¤☆¤☆


#بقلمي 


عمر يحيى

الفصل العاشر والحادي عشر 

تعليقات