روايةبنت الأصول
المجد للقصص والحكايات
#البارت__الثامن
_
====== ======= =======
شادي
ياااااااااارب .......
وقعد عمنا شادي وهو جالس مع نفسه بره الشركة يدعي ويقول يارب يكون بيحبها فعلا ويقدر يسعدها .....
وقعد شوية يفتكر كل كلامه مع هدي وحركاتها وكل تفصيله كانت بتعملها والدموع بتجري على خده من حسرته انها هتكون لغيره ..... وبعدين مسح دموعه وقال لأ ..... لازم انسى حبي ليها باسرع وقت .... حتي لو مش من نصيبي كفاية انها هتكون فرحانة وسعيدة في حياتها .....
_ _
◇■□●○◇■□●○
على النقيض تماما ..... وبمكان اخر
ابن ماهر باشا زيان رجل الاعمال المعروف .....
محمود
الوووو ..... ازيك ياصاحبي ..... عامل ايه يا حبيبي .....
،،،،،، بقولك عرفت خبر الموسم ..... ؟
عادل
لا ماعرفتش في اييه يابني .....
محمود
مش احمد حافظ ،،،،،،، خطب هدى السيد بنت السيد منصور ،،،،،، وحددو كمان ميعاد الفرح واليوم كانت الخطوبة ،،،،،
عادل
انتا بتقول ايه ..... ده امتا ده ..... وحصل ازاي ومن امتا ..... وهما يعرفوا بعض اساسا ..... وازاي ماعرفش كل ده من قبل كده ..... ؟؟
محمود
اهدى .... اهدى في ايه مالك اتعصبت ليه كده .....
عادل
انت هتستهبل مانتا عارف اني عاوزها .....
محمود
ايوا بس هي اكيد حبته علشان كدة وافقت عليه .....
وبعدين احمد رجل اعمال ناحج وشاطر وله اسمه بالسوق وبين التجار ..... واعتمد على نفسه وكبر شركة ابوه وخلاها مجموعة شركات ضخمة .....
عادل
ماتهدى ياعم ..... هو ايه ده انتا مالك كده بتمدح فيه كده ليه ..... هو أحمد اللي صاحبك ولا انا .....
محمود
مالهاش دخل الصداقة باللي بقوله ..... دي الحقيقة فعلا ..... وانت ياصاحبي معلش يعنى لسة معتمد على ابوك في كل حاجة ..... حتى الشركة اختك اللي بتديرها لوحدها مع أبوك ولا ايه ياصاحبي .... .
عادل
انت بني ادم ماعندكش ذوق ..... ازاي تقول كدة على صاحبك ..... ده المفروض تقف جنبي وتقولي اعمل ايه علشان ماتروحش لغيري ..... هدى دي بتاعتي أنا ومحدش هياخدها غيري انت فاهم .....
محمود
في ايه يا ،،،،،، هي لعبة دي انسانة انت اكيد اتجننت رسمي ..... يالا سلام ..... وقفل الخط معاه .....
عادل
اما هو ،،،،،، ففضل يكسر في كل حاجة قدامه وبقى عامل زي المجنون ويقول هدى دي ملكي انا وبس ومش هتكون لغيري ابدا ..... واتصل على حد .....
عادل
الووو ..... ايوا يازفت تعالالي حالا دلوقتي .....
المجهول
حاضر ياباشا فريرة .....
_ _ _
◇■□●○◇■□●○◇■□●○
ونروح عند الباشا الكبير .....
حازم
عملت ايه بخصوص الصفقة اللي جاية .....
رجله
كل خير ي باشا .....
حازم
تمام لازم الصفقة دي تتم بأي شكل ..... دي صفقة العمر و بمليارات .....
رجله
اكيد ي باشا ماتقلقش كل حاجة تمام ..... بس في حاجة ي باشا .....
حازم
ايه في ايه يابني .....
رجله
الجمارك ي باشا .....
للنشر والإعلان والتواصل معنا)
(اضغط هنا)
حازم
مالها الجمارك يابني .....
رجله
شادين حيلهم علينا اوي اليومين دول بصراحة .....
حازم
لا دي ماليكش دعوة بيها انا حليتها خلاص .....
رجله
حليتها إزاي ي باشا مش فاهم .....
حازم
جرى ايه يابني ..... انتا ناسي انا مين ولا ايه ..... كل حاجة تحت ايدي صح ولا ايه ....
رجله
صح ي باشا هو فيه بعدك كلام .....
حازم
المهم تصحصح كده عشان الناس جايين بكرة ومش عاوز تقصير في حاجة ..... مفهوووم ......
رجله
اوامرك ي باشا .....
حازم
يالا روح شوف شغلك بالوقت واعمل اللي عليك ..... يالا سلام .....
رجله
حاضر ي باشا اوامرك ..... وعليكم السلام .....
_ _ _ _
◇■□●○◇■□●○◇■□●○
عند عادل بالبيت .....
الاب
في ايه يام عادل ،،،،، ماله ابنك ،،،،،،
ام عادل
مش عارفة ماله ..... من ساعة ما رجع من بره مش طايق حد ..... وعمال يخبط ويرزع فوق باوضته .....
الأب
ليه كل ده .....
الأم
مش عارفة طلعت اخبط عليه علشان اعرف في ايه ماردش عليا ..... وانا خايفة على الواد اوي .....
ابو عادل
ماهو دلعك فيه وخوفك عليه هو اللي خلاه مستهتر كده .....
امه
مش وقته الكلام ده ..... اطلع بس شوفه والنبي .....
ابوه
حاضر هاطلع اهو ..... وطلع و خبط على الباب ..... افتح يابني ،،،،،،، طمني عليك مالك فيك ايه ..... ايه حصل لكل ده .....
عادل
بضيق وخنقة ..... محصلش حاجة سيبوني لوحدي شوية .....
الاب
على راحتك بس بررضه لازم اعرف فيه ايه .....
عادل
خلاص ي بابا من فضلكم سيبوني لوحدي دلوقتي انا كويس ما تقلقوش .....
الاب
في داهية من يوم ما جبتك وانتا تاعبني مافيش يوم ريحتني فيه .....
_ _ _ _ _
◇■□●○◇■□●○◇■□●○
عند هدى .....
باباها قالها مافيش مرواح للشركة الشهر ده خالص ..... انتي لازم تقعدي بالبيت تحضري لفرحك ياجميلة قلبي انتي☺️ .....
هدى
حاضر ي بابا ..... بس في شوية شغل مهمين بالشركة هاخلصهم طيب .....
الاب
لأ علي هيخلص كل حاجة ماتشغليش بالك بالشركة خالص ..... ماشي ياقلب ابوكي .....
هدى
حاضر يااحن واجمل اب بالدنيا ..... وراحت عند مامتها ..... بعد ما باباها راح الشركة هو واخوها علي .....
هدى
ماما حبيبتي هاخرج انا واحمد علشان ننقى فستان الفرح ماشي .....
ام هدى
طيب ياقلبي ..... روحي ربنا يتمملك على خير ياقلب امك ويسعدك ويفرحك يارب .....
هدى
تسلميلي يااطيب واحن ام بالدنيا دي كلها ياقمررر انتي .....
_ _ _ _ _ _
◇■□●○◇■□●○◇■□●○
وخرجت هدى هي واحمد علشان يختاروا فستان الفرح ويشوفوا القاعة اللي تناسب ذوقهم عشان الخطوبة والفرح سوا .....
في الوقت ده ،،،،،،، كان فيه اللي حاطت حد يراقب هدى
ويعرفه بكل تحركاتها اول بأول .....
دخلوا محل كبير لفساتين العرايس ..... محل من ارقي واشهر المحلات في مصر طبعا ..... ده فرح احمد حافظ و هدى السيد أحمد ......
المهم فضلوا يختاروا وهدي تجرب وتجرب لحد ما استقرت على الفستان اللي هتلبسه في الفرح .... .
احمد
اخيرا خلصتي ..... طب اختار البدلة انا بقا .....
هدى
خلصت أهو خلاص ..... بس استنا ياعم انتا أنا اللي هاختارلك البدلة .....
أحمد
طيب موافق المهم نخلص .....
هدى
ايه ده انتا زهقت اوام كده ..... دا احنا لسه هندور على القاعة المناسبة والميكب ارتست ولسة هنختار المغنيين اللي هيغنوا في الفرح ..... يوووه ولسة حاجات كتيييير اوي ☺️ .....
احمد
يانهار ازرق هو لسه فيه كل ده .....
هدى
ايوا اومال انتا فاكر ايه ..... مش انتا اللي عاوز فرح اسطوري .....
أحمد
لا خلاص غيرت رأيي نعمله فرح شعبي وخلاص .....
هدى
اه تصدق ونجيب حمو بيكا وحسن شاكوش .....
احمد
يانهار مش باينله ملامح ..... وي ليلة سووحة يا ولاااد مين دول يا ست هدى .....
هدى
ايه ده انت ماتعرفش ..... معقووول .... !!
أحمد
لا ماعرفش ياخويا .....
هدى
دوول ياخويا متربيين شيعبيين .....
أحمد
مت ايه ياختي .....
هدى
متربيين شعبيين ياعم ......
أحمد
هي جوازه باينة من أولها ..... انا اللي جبته لنفسي .....
لا خلينا في الاسطوري أحسن على الاقل في مطربين مش متربييين .....
هدى
على فكرة انتا كده بتغلط يسطا في متربييني المفدليين ..... اسمعهم انتا بس دوول هيعجبوك اوي على فكرة .......
أحمد
لا ياستي مش عاوز خلاص ...... وخلصي في ليلتك دي خلينا نختار البدلة يالاااا ......
هدى
طيب يالا ياحبيبي .....
وراحوا واختاروا البدلة ..... وبعدين كملوا يومهم وراحوا مطعم فخم وخلصوا وروحوا .....
_
$$$
ياترى ايه اللي هيحصل مع هدى و احمد بقا ..... وايه اللي هيجرى مع عادل ده وايه قصته وهيعمل ايه ..... وعمنا شادي الصديق الصدوق ايه قصته معانا وهيعمل ايه ..... وايه قصة حازم ده وحكاية الصفقة الجديدة دي ..... ويا ترى ايه الجديد اللي هيحصل مع علي ...... هذا وأكثر ما سنعرفه الحلقة المقبلة ان شاء الله ...... فانتظروناااا .....
والسلام عليكم ورحمة الله تعالى وبركاته ......
تحيااااااتي الطيبة لكم جميعا ❤? .....
_ _ _ _ _ _ _ _
☆¤☆¤☆¤☆¤☆¤☆¤☆¤☆¤☆
#بقلمي
عمر يحيى