ستعجبك

رواية بنت الأصول الفصل السادس عشر بقلم عمر يحيي

 المجد للقصص والحكايات 

رواية بنت الأصول بقلم عمر يحيي


رواية بنت الأصول

 الفصل السادس عشر 

بقلم عمر يحيي 

#رواية 
#بنت_الأصول 
#البارت_السادس_عشر





_
====== ====== =======
نكمل مع عادل بشركة باباه وأخته نجلاء ....

عادل 
مافيش حاجة تقلق يانوجا ..... مالك ..... انا بس كنت عايز اسألك سؤال وماشي .....

نجلاء 
سؤال ايه ده يا عادل ...... ؟؟؟

عادل 
هو انتي شوفتي هدى النهاردة لما كنتوا بالمناقصة .....

نجلاء 
تاني هدى ياعادل ..... انتا مش قولت انك اتغيرت وطلعتها من دماغك في ايه بقا تاني ...... 

عادل 
انا فعلا اتغيرت ياقلبي والدليل رجعت اشتغل معاكوا تاني وبابا هيرضى عليا .....

نجلاء
أنا عارفة ياعادل ان اللي جواك ناحية هدى ده مش حب حقيقي ..... انتا بس أعجبت بيها مش اكتر ..... وعشان انت متعود تاخد كل حاجة بسهولة ..... فقلبت معاك عناد ..... ولما هدى رفضتك واختارت أحمد واتجوزته المفروض كنت تبعد من نفسك ده لو فعلا اتغيرت ..... لانها أساسا أصبحت لغيرك ..... وما يصحش اللي انتا بتعمله ده على فكره ..... فمن سكات كده خودها من قصيرها وانساها يا عادل وخليك بشغلك هو مستقبلك واكيد هتلاقى الانسانة اللي تحبها وتحبك بجد .....

عادل 
بضيق بس انا حبيتها بجد يا نجلاء مش اعجاب بس ولا الحكاية حكاية عناد ولا حاجة من كده خالص .....

نجلاء
بص يا عادل حتى لو كنت حبيتها بجد فهي خلاص اتزوجت وبقت من حق واحد تاني ..... فانساها ياحبيبي وفكر بمستقبلك وبس ..... فكر ازاي تبقى رجل اعمال ناجح وقوي وليك اسمك وتبقى افضل من الكل بما فيهم هي او احمد ..... وصدقني ساعتها بس هتلاقى حياتك كلها اتغيرت للاحسن بإذن الله .....

عادل 
عندك حق يانوجا أنا لازم أشوف مستقبلي اللي ضيعته وأرجع أحسن من الاول كمان ..... 

نجلاء 
اهو ده الكلام الصح ياعادل باشا .....

عادل 
طب سلام بقا اروح اخلص شغلي وبعدين نبقى نتكلم ..... وخرج .....

نجلاء 
سلام ياحبيبي ..... ودعت بسرها لاخوها الاصغر منها بقليل روح يا عادل ربنا يهديك ويوفقك ياحبيبي .....


_ _
◇■□●○◇■□●○◇■□●○
عند هدي بالبيت ....
اخوها علي وبابها جم مع احمد يطمنوا عليها ..... 

ام احمد 
اهلا بيك يابو علي ..... اتفضلوا شرفتونا ونورتونا النهاردة .... اتفضل ياعلي تعالى .....

أبو هدى
اهلا بيكي يام احمد ..... البيت منور بأصحابه ..... ونسبكم الطيب زادنا شرف .....

علي 
هدى مالها يا طنط ..... أحمد قالنا تعبانة ..... خييير ....

ام احمد 
هي فوق ياحبيبي قولتلها ماتنزليش واستريحي شوية لحد ما احمد يجي .....

أحمد 
طب احنا هنطلع فوق ياحبيبتي نطمن عليها ...

طلعوا فوق وفتح احمد الأوضة بعد ما خبطوا عليها واذنت ليهم بالدخول
الأب
جري عليها ..... مالك ياقلب ابوكي فيكي ايه أحمد قلقني عليكي ياحبيبتي .....

هدى
مافيش حاجة يا بابا انا كويسة ماتقلقش دي كانت دوخة بسيطة وراحت ماتقلقش .....

علي 
ايه يا هدهد مالك الواد احمد مش واخد باله منك ولا ايييه? .....

هدى 
لا طبعا ده احمد احن زوج بالدنيا ربنا مايحرمني منه ......

راح احمد ضمها وباس راسها ولا يحرمني منك ياحلى هدي بالدنيا .....

علي 
ياسلام ياسلام عالحب والرومانسية باقولك ايه يابو علوة يالا بينا ماعادش لينا مكان? .....

الاب
يابني بطل غلاسة وراعي ان اختك حبيبتك عيانة وتعبانة .....

علي 
لا ماهو واضح والدليل الرومانسية اللي ظهرت عليكم فجأة دي ..... عقبالنا يارب ......

الأب
طيب ما تشد حيلك انتا ياخويا وتشوف بنت الحلال وانا ازوجهالك بدال الصرمحة اللي انت فيها دي .....

علي 
ادعيلي انتا بس يا ابو حجيج وان شاء الله هافرحك قريب .....

الاب 
ربنا يهديك يابني ويكملك بعقلك .....

الام 
ي حجة فتحية حضري االغدا قوام .....

الدادة
حاااضر ياهانم .....

الاب
لا اكل ايه احنا لازم نمشي لان ام هدي قلقانة وكل شوية تتصل ...... لان المفروض كنا روحنا من ساعتين فاتوا وانا مرضيتش اقولها حاجة عن تعب هدي عشان ماتقلقش ..... 

هدى
هناكل لقمة عالسريع كدة ي بابا ماينفعش تمشوا كدة .....


الاب
لا ياحبيبتي خلوها مرة تانية سلام عليكم .....

ام احمد
بقا ده كلام يابو علي تيجوا لحد هنا وتمشوا من غير مانتغدى سوى .....

ابو علي
نستئذنكم بالوقت ..... سلام عليكم ..... ومشيوا سوى هو وابنه

_ _ _ 
◇■□●○◇■□●○◇■□●○
تاني يوم بالشركة ..... رجعت هدى مع أحمد لممارسة أشغالهم ......
شادي
حمدلله عالسلامة ياهدي صحتك عاملة ايه دلوقتي ....

هدي 
الحمدلله كويسة تسلم عالسؤال ياشادي .....

أحمد
ومين ده بقا عشان يسألك باهتمام كده .....

هدى
شادي ده صديقي ومعانا هنا بالشركة ومن أحسن واشطر الموظفين هنا ... ..

أحمد 
لا والله صديقك ..... انتي فاكرة ان احنا بأوروبا هنا ولا ايه ..... لا فوقي ياماما احنا في مصر مافيش حاجة اسمها صديقي دي .....

هدى
أحمد على فكرة انا عارفة حدودي كويس وشادي بالنسبالي زي اخويا علي ...... وزعلت وراحت مكتبها .....

أحمد 
حس انه ضايقها وزعزع الثقة مابينهم وراح وراها المكتب ..... هدي حبيبتي حقك عليا انا مقصدتش اللي فهمتيه انا بغير عليكي من الهوا الطاير وده حقي .....

هدى
بس انتا عارف انا بحبك اد ايه ومكتفيا بيك عن الدنيا كلها ومالك قلبي وروحي .....

أحمد
تسلميلي يا أحلي هدهد بالدنيا وانا بحبك وباموت فيكي ياقمررري ..... وقرب منها وااا .....?☺️

هدى
اممممم ..... انتا هتعمل ايه يامجنون احنا بالشركة فوق يخربيت جنانك .....

أحمد 
وايه يعني ..... انتي مراتي على فكرة يعنى ابوسك في اي وقت وبأي مكان ? .....

هدى
لا ياسي روميو عندنا بيت ابقى بوس براحتك .....

احمد
طيب واحدة بس تصبيرة عالماشي لحد ما نروح بيتنا .....

هدى 
لا يعنى لا يا احمد ويالا روح مكتبك .....

راح احمد باسها بوسة خاطفة عالسريع وهو ماشي أهو كده بحبك ياهدهد .....

هدى
تحسست موضع شفتيه ..... وهمست بحبك يا مجنووون❤☺️ .....


_ _ _ _ 
◇■□●○◇■□●○◇■□●○
بالشركة برضه خرج احمد وراح على مكتبه ..... عند علي 
علي 
فين التقارير يا آنسة ابتسام خلصتي ترجمتها ولا لسة .....

ابتسام 
تقريبا خلصت يافندم هافنش بس واوريها لحضرتك .....

علي 
طيب وريني كدا ..... وراح حاطت ايده على الكرسي اللي قاعدة عليه وقرب منها ..... قال يعنى بيشوف التقارير ..... ده طلع شقي اوي عمنا علوة ده .....?? 


ارتبكت ابتسام لحظتها جدا ووشها جاب الوان واتلخبطت ..... فعلي حس بتوترها فبعد شوية وراح قعد على الكرسي اللي قدامها وسرح في جمالها وبدأ يتخيل نفسه معاها وحب بقا ورومانسية وشقلبظات ? ....... واذ به فجأة ..... 

ابتسام
استاذ علي انا خلصت كده تحب تشوف بنفسك .....

ابتسام 
علي بيه .... يافندم .... يا استاذ علي و بصوت عالي تناديه استاذ علييي .....

علي
هااااا ايه فيه ايه .....

ابتسام
انتا اللي في ايه حضرتك ..... على فكرة انا خلصت ترجمة التقاير .....

علي 
اااه طيب وريني كدة واخد منها التقارير وبدون قصد مسك ايدها ?? ..... اوبا اسف يانسة ،،،،، بجد اسف .....

ابتسام 
ولا يهمك يافندم حصل خير مافيش داعي للاسف .....

لا بجد الواد علوة ده طلع شقي اوي علي كده 
وشكلنا هنشوف قصة حب جديدة بالشركة ❤☺️? .....

علي 
خدهم وبص فيهم ?..... ماشاء الله عليكي شغلك مظبوط ميه بالميه شكلنا هنتفاهم اوي ? .....

وخرج علي واختنا ابتسام فضلت مبلمة وفاتحة بؤقها شوية كدة ? ..... لحد ماجات السكرتيرة .....
سوسن
ي ابتسام انتي يابت الوووووو ......

ابتسام
هااااا في ايه ي سوسن مالك بتزعقي ليه كده .....

سوسن
مالي ايه ..... انتي اللي مالك ياقطة سرحانة في ايه .....

ابتسام
مافيش حاجة ..... هو انتي جاية ليه ......

سوسن
اوباااا دا انتي ضايعة خالص ي حبيبتي ...... ده ميعاد البريةك وانا ميت من الجوع ...... خلصي بقا و سيبيك من السرحان ده .....

ابتسام
طيب يالا ياختي انا مش عارفة الاكل اللي بتاكليه ده بيروح فين ? ....

سوسن
ياختي اخلصي على اساس انك قنوعة اوي ..... اومال لوماكنتيش بتاكلي حلة المحشي لوحدك ..... دا انتي بتكسلي تحطيه بطبق وبتاكلي من الحلة علطلول يامفجوعة ? ..... يافضايحك يا انشراااح?
،
ابتسام
الصراحة قدام المحشي باضعف يابت ..... خلاص يخربيتك جوعتيني اكتر مانا جعانة ..... يالا ننزل نتغدى بسرعة عشان الشغل .....

_ _ _ _ _
◇■□●○◇■□●○◇■□●○
وعدت الساعات و جه آخر اليوم و أحمد قاعد مع هدى بالبيت .....
احمد 
مالك ياهدي انتي شكلك تعبانة اوي .....

هدى
انا كويسة ياقلبي معدتي مقلوبة شوية مش عارفة ليه وجريت على الحمام وترجيع ..... 

شكل البشاير هلت واختنا هدي حامل ?? .....

احمد 
بيخبط على باب الحمام هدي حبيبتي انتي كويسة فيكي ايه .....

هدى
مافيش ياحبيبي متقلقش الصبح هبقى كويسة ان شاء الله .....

أحمد 
طيب ياقلبي تعالي نامي وارتاحي وحضنها وناموا 

الصبح احمد صحي و لقى هدي نايمة فمارضيش يصحيها لانها كانت تعبانة طول الليل ..... ونزل وقال للخدم ماحدش يقلق هدي هانم .... ماشي .....


وقعد ينادي ماما ..... دادة ..... لوسمحتي ابقوا خلوا بالكم من هدى .... عشان كانت تعبانة طول الليل ويادوب ارتاحت ونامت .....

الأم
خير ياحبيبي مالها .....

أحمد
مش عارف ي ماما دي بترجع طول الليل شكلها اخدت برد في معدتها .....

الأم
روح انتا شغلك وماتقلقش ياحبيبي خير ان شاء الله .....

أحمد
دادة ابقي كل شوية اطلعي اطمني عليها بس براحة من غير ماتقلقيها عشان مانامتش نهائي ..... ماشي يادادة .....

الدادة 
حاضر يابني ..... ان شاء الله خير ....

أحمد 
يالا سلام ..... وأنا هبقى أطمن عليها كل شوية بالتليفون ماشي .......... ؟ ؟ ؟ ؟ ؟

يا ترى ايه اللي هيحصل مع هدى و احمد وهيغير مسار حياتهم ..... وياترى ايه اللي هانشوفه مع سي شادي .... وياترى ايه اللي هيحدث بين سي علوة الشقي وست الحسن ابتسام هانم ..... وهل فعلا عادل اتغير بجد زي ما بيقول ولا زي ماهو ..... وياترى ايه حكاية حازم باشا الشريف وابنه فارس ..... وماهي قصة الصفقة وألاعيب الكبار من أجلها ...... هذا وأكثر ما سنعرفه الحلقة المقبلة ان شاء الله ...... فانتظرونااااا ......
والسلام عليكم ورحمة الله تعالى وبركاته .....
تحيااااااااتي الطيبة لكم ❤☺️ .....

(للنشر والإعلان والتواصل معنا)

                (اضغط هنا)



#بقلمي 

عمر يحيى
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -