المجد للقصص والحكايات
رواية بنت الأصول
الفصل الخامس عشر
بقلم عمر يحيي
رواية
#بنت_الأصول
#البارت_الخامس_عشر
_
====== ======= ========
نكمل مع علي ..... وست الحسن ابتسام ☺️
أول ما علي شاف ابتسام داخلة من باب الشركة و جاية عالاسانسير ..... اوبا القمر وصلت اما انادي عليها بقا تركب وتطلع معايا ..... لكن راحت عالاستقبال فطلع هو مع باقي الموظفين وراح مكتبه عا الفور .....
علي
ألووو ي سوسن الآنسة ابتسام وصلت ولا لسة .....
سوسن
وصلت اهي يافندم .....
علي
طيب ابعتيهالي فورا .....
سوسن
ابتسام الاستاذ علي عاوزك بمكتبه ادخليله يالا .....
ابتسام
حاضر هروحله علطول اهو ..... خير ان شاء الله .....
وخبطت ابتسام الباب
علي
ادخلي يا آنسة .....
ابتسام
ايوا ي استاذ علي حضرتك طلبتني ..... ؟
علي
اه في عندنا شغل كتير عاوزك تقعد على اللاب ده وترجميلي الفاكسات دي بأسرع وقت ...... احنا قدامنا اسبوع بس عالمناقصة ومش عايزين نخسرها .....
ابتسام
ممكن سؤال بعد إذن حضرتك .....
علي
اتفضلى ي آنسة .....
ابتسام
هو انا هشتغل هنا بمكتب حضرتك .....
علي
هااا لا لا طبعا ..... انتي ليكي مكتبك بس لسة بنركب فيه الكمبيوتر الخاص بيكي .....
ابتسام
تمام حضرتك اللي تشوفه المهم اني اشتغل .....
علي
تمام وانا هوصيهم يخلصوا التجهيزات بمكتبك بأسرع وقت ممكن .....
طبعا عمنا علي بيشتغلها عشان تبقى قصاده دايما بحجة الشغل والمناقصة والفاكسات ? ..... والله شكلك وقعت على وشك ياعلوة ولا حدش سمى عليك .....
_ _
◇■□●○◇■□●○◇■□●○
ومشيت الايام زي كل يوم مرة شغل ومرة هزار ومرة رومانسية وجدية لحد يوم المناقصة ....
الكل مستعد وكله مجهز العطاءات الخاصة بيه .....
يوم المناقصة الكل كان مستعد بكل عطائته وجات اللحظة الحاسمة ..... وابتدت المناقصة وبدأوا بفتح الاظرف .....
وجات لحظة اعلان الفائز بالمناقصة ....
اعلن المندوب المكلف من الدولة بإعلان الفائز بالمناقصة ورسيت المناقصة على مجموعة شركات الاتحاديين ..... وهم شركة احمد وعلي المتحدة مع شركة السيد منصور وابنته هدى كشركة مساهمة واحدة .....
حازم و ابنه فارس وبعض كبار رجال الأعمال اللي ليهم نفوذ كبير وعلاقات بالدولة اندهشوا وعلت أصواتهم بهمسات معقول ده لا اكيد في لعب في الموضوع ..... وعبست وجوههم واسودت من هول الصدمة والمفاجأة .....
أحمد وعلي في نفس اللحظة هردهالك يا حازم باشا ماتقلقش ? .....
حازم
ظل يتمتم ويهمس بغيظ وعصبية على فكرة انتا بتلعب بالنار ي احمد ياحافظ ..... بس حطها ببالك انتا وصاحبك وحمام انا وراكم وراكم هندمكم على اليوم اللي دخلتوا فيه المناقصة دي واتحديتوني ..... وخلي بالك انا سمي بيقتل بس بالبطيئ ووحده وحده يعي حطها حلقة بودنك انا مش مستعجل علي وقوعك وموتك بالعكس انا نفسي طويل وصبور اوي ..... وبص لشخص ما وشاورله ومشي .....
السيد منصور أبو علي و هدى وحما احمد حافظ
مبروك ياولااااااد ......
علي و أحمد الله يبارك فيك ي بابا .....
احمد
الفضل يرجع لحضرتك بعد الله عز وجل في فوزنا بالمناقصة دي النهاردة من بين كل الحيتان اللي كانوا موجودين ومش عاملين لينا اي وزن والتكبر عماهم .....
ابو هدى
لا انا معملتش حاجة على فكرة ده انتوا اللي تعبتوا واجتهدتوا .....
علي
ربنا يديمك ويخليك لينا يارب .....
_ _ _
****** ****** ******* *******
عند حازم باشا .....
حازم لنائبه عاوز افهم ازاي ماقدرتش تعملوا حاجة المرة دي ..... وليه ماعرفتنيش بانهم بقوا شركة واحدة انطق يالا .....
نائبه حسن
ي باشا والله انا حاولت اعمل كل حاجة اقدر عليها ..... بس للاسف ماقدرتش اعمل حاجة والموضوع كان اكبر مني ..... وبصراحة ما فهمتش ايه اللي حصل .....
حازم
ازاي أكبر منك انتا مجنون ولا جاي تستغباني انتا لحد بالوقت مش عارف انا مين وابن مين .واسمي وزنه ازاي بالسوق .....
حسن
ي باشا كان في تشديد جامد المرة دي على العطاءات المقدمة و اللي جوه الاظرف كان سري للغاية لان اللجنة المنوطة غيرو الراجل اللي احنا بنتعامل معاه دايما ......
حازم
خلاص فهمت ..... هما شكلهم كده قدموا شكوى من اخر مناقصة ..... علشان كدة غيروا كل حاجة اساسا ..... يالا روح انتا دلوقتي ..... بس ماتنساش موضوعنا لسه ما خلصش ده كده الموضوع بدأ اصلا ......
نائبه حسن
تمام ي باشا ..... فهمت قصدك وأنا برضه ليا طرقي وهاتصرف وهاعمل كل اللي تؤمر بيه حضرتك .....
حازم
خلاص سيبني بالوقت ..... وأنا هاعرف بطريقتي ازاي ده حصل ..... وانا مظبط كل حاجة احسن من كل المناقصات اللي فاتت أصلا .....
_ _ _ _
◇■□●○◇■□●○◇■□●○
بعد اتحاد الشركتين تم إنشاء مبنى إداري متكامل يجمع مجلسي الإدارة ويراسه السيد منصور ابو هدى كمدير عام للمجموعة .... اما احمد و على وهدى فهم رؤساء مجالس الإدارة كلا يرأس فرع معين داخل الشركة والمسؤول التنفيذي لكل اختصاص ..... و بالشركة المتحدة ......
علي
بابا ممكن أسألك سؤال من بعد اذنك .....
الاب
اسأل ي علي .....
علي
هو حضرتك ازاي خليتهم يغيروا الراجل اللي كان السبب في خسارتنا المناقصة اللي فاتت وكان يعتبر عين ل حازم داخل اللجنة ....
الأب
أديك قولتها ياعلوة اللي كان السبب .....
علي
مش فاهم قصدك يا بابا .....
الاب
يعنى / أولا : انا قدمت طلب بتغيير أي حد كان موجود بالمناقصة اللي قبل دي ماحبيتش اوضح اسم معين ......
/وثانيا : ماقدمتش العطا للجنة الا قبل فتح الاظرف مباشرة .....
علي
هااا ? .....
الأب
/ثالثا : بقا وده الأهم أنا كان عندي ثقة في ربنا وكنت حاسس وواثق ان ربنا مش هيخذلنا أبدا لاننا بنشتغل في الحلال مش في الحرام وبنشتغل بضمير بدون غش ولا خداع ولا لعب من تحت الترابيزة يا علوة ......
احمد كان برضه حاضر اللحظة دي وبيستمع في صمت ل خبرة وذكاء حماه ......
ف احمد وعلي
بصوت واحد وعالي الله ..... الله عليك ي باشا ي ابو الباشاوات انتا ..... ايه الحلاوة دي .....
الأب
طب يالا بينا طيب عشان نفرح الكل بحصولنا على المناقصة دي ......
احمد
اه فعلا ده انا كنت ناسي ان هدي قلقانة وبتتصل كل شوية وانا كنت خايف ماترسيش علينا عشان كده ما كنتش برد ..... فيالا بينا عشان هدى تعبانة من الليل وانا قلقان عليها بصراحة .....
الأب
ليه مالها هدى عندها ايه ي احمد طمني ......
أحمد
ماتقلقش ياعمي هدى كويسة وبخير الحمد لله هما شوية تعب بسيط كده وهيروح ......
الاب
طب يالا بينا نروح نتطمن عليها سوى .....
علي
بابا اتصل بماما واخليها تيجي تطمن على هدى بالمرة .....
الأب .
لا ماتقلقش ماما بالوقت سيبها على راحتها ولما نتطمن على هدى ونرجع الفيلا هبلغها بكل حاجة انا .....
علي
تمام اللي تشوفه يا بابا .....
_ _ _ _ _
****** ****** ****** *******
عند حازم باشا الشريف .....
حازم
ازاي احمد حافظ وعلي السيد قدروا يقلبوا الترابيزة علينا كدة بالرغم اني عملت كل حاجة عشان المناقصة ماتروحش مننا .....
عضو بمجلس الادارة
ي باشا على فكرة عرفت ان السيد منصور هو اللي قدم العطا في اللحظات الاخيرة مش زي المناقصات اللي قبل كده ..... وحضرتك عارف ان الأظرف بتتفتح قدام الكل ..... و لو كان قدم العطا بدري شوية كنا عرفنا نلعب لعبتنا ..... بس دي مناقصة داخل فيها شركات تقيلة جدا واسماء من الدولة كبيرة مش احنا بس ...... وحضرتك عارف نفوذهم كبير ومسالكهم مع الدولة عاملة ازاي .....
حازم
اه هو ده اللي ماكنتش عامل حسابه نهائي ....
بس بسيطة هي شغلانة يعنى ايامه جاية سي السيد منصور والقطط اللي معاه ..... وبخبث مافيش مشكلة ملحوقة ......
_ _ _ _ _ _
◇■□●○◇■□●○◇■□●○
عند عادل ..... بشركة ابوه ماهر باشا زيان وابنته الشطورة نجلاء
عادل
اختي حبيبتي ازيك عاملة ايه .....
نجلاء
ها بسم الله الرحمن الرحيم مين ?...
عادل
ايه في ايه يابنتي هو انتي شوفتي عفريت قدامك ولا ايه .....
نجلاء
مصدومة ومبلمة هااا .....
عادل
نجلاء ..... نجلاء ..... بت يانوجا ...... بت يا نووووووجااااا? ..... انتي يابت .....
نجلاء
هااا??? ......
عادل
مالك يابت فيكي ايه .....
نجلاء
لا مافيش بس بصراحة مش مصدقة عيوني انك عادل اخويا بحد ذاته هنا ..... خير يا عدولة عايز اييه .....
...... ؟ ؟ ؟ ؟ ؟ ......
يا ترى عادل جه الشركة لييه وعايز ايه .....
وياترى شادي فين وهيعمل ايه .......
وايه قصة ست نجلاء الشطورة والبرنسيسة الصامتة .....
وياترى ايه قصة المناقصة دي وشغلها في ايه .....
وياترى ايه اللي حصل لاميرتنا الجميلة هدى .....
وياترى هيعمل ايه حازم وابنه فارس لما يعرف بقصة رسو المناقصة على شركة احمد وهدى ......
وياترى ايه الوجوه الجديدة اللي هتظهر معانا بحكايتنا ......
هذا وأكثر ما سنعرفه الحلقة المقبلة ان شاء الله ......
فانتظروناااااااااااا ............❤?
والسلام عليكم ورحمة الله وبركاته ......
تحياااااااتي الطيبة لكم جميعا ......?☺️
(للنشر والإعلان والتواصل معنا)
(اضغط هنا)
#بقلمي
. عمر يحيى