ستعجبك

رواية بنت الأصول الفصل الثاني عشر

 المجد للقصص والحكايات 

رواية بنت الأصول 

#البارت_الثاني_عشر


رواية بنت الأصول بقلم عمر يحيي




_

====== ======= =======

مع فارس .....

لا ي بابا انا مش هتزوج بالطريقة دي انا اللي اتزوجها لازم اكون بحبها واعرفها وتعرفني وتحبني دي مش بيعة وشروة يا بابا دي حياة .....


حازم باشا

يابني اعتبرها صفقة ..... والحب ده بيجي بعد الجواز ..... وبعدين البنت دي برضو حلوة ومثقفة وسيدة اعمال ..... وبعدين يعنى هو انا اخدت امك على حب ماهو كان جواز مصالح والحب جه بعد الجواز .....


فارس

اه عشان كدة كنت كل شوية خناقات ومشاكل ..... وماما سمعتها كتير بتتكلم عن انك مع كل واحدة شكل وفاكر اننا مش عارفين ..... 


حازم باشا 

لكن ماما كانت عارفة على فكرة .....

وعارف انها كانت حاسة وعارفة وماتكلمتش بره لحد غير معايا وجوه بيتنا حفاظا على بيتها عشان كدة مارضيتش اخسرها يابني .....


فارس

تخسرها ولا تخسر ورثها واملاكها يا بابا .....


حازم الاب

وهو كل الخير ده هيبقى لمين يابني بالنهاية ..... ماهو ليك انت واخواتك .....


فارس

بابا لو سمحت انا هامشي دلوقتي بعد اذنك نبقى نكمل الكلام ده بعدين ...... يالا سلام يابوب .....


الاب حازم

طيب سلام ياعم فارس ..... بس ماتنساش كله ده عشان مصلحتك .....



وقعد يتمتم بهمس ..... واد فقري زي امك قال حب قال حب ايه ده يافرحتي وانا بحب ومش لاقي آكل ولا ااكل عيالي ومراتي ..... جتك نيلة عيل فقري ..... ايه الجيل المهبب ده .....



_ _

◇■□●○◇■□●○◇■□●○

عند علي ..... خلص شغل وراح عالبيت .....


علي

مساء الخير يا ماما .....


الام سناء

مساء النور ياحبيبي .....


علي

اومال بابا فين ياماما .....


الام

بمكتبه جوه قال هيخلص شوية شغل على مالاكل يجهز .....


علي

طيب أنا هادخل اشوفه .....


علي خبط على باب المكتب وفتح الباب 

مساء الخير ي بابا .....


الاب

مساء النور ياحبيبي .....


علي 

بتعمل ايه .....


الاب 

في شوية عقود بخلصها واوراق لازم توقيعي عليها .....

الشغل بقا تقيل عليا اوي من بعد ما هدى اتجوزت .....

وشادي بصراحة لوحده هو اللي شايل أغلب الشغل وانتا عارف انه هو الوحيد اللي باثق فيه من بعد هدى .....


علي

طيب ي بابا ماتيجي نضم الشركات على بعض .....


الاب

ازاي يعني وشركات ايه .....


علي 

شركتنا انا واحمد ..... وشركتك انتا وهدى .....


الاب 

يابني الحاجات دي مابتجيش كدة مرة واحدة ده مش سلق بيض ..... دي لازملها دراسات واجتماعات واتفاقيات ..... وانتوا مش لوحدكم بالشركة في شركاء معاكم صحيح حتى لو شركاء صغيرين بس لازم تتفقوا الاول .....


علي

عارف كل ده طبعا ي بابا ..... وبعدين الفكرة دي فكرة احمد وهدى قبل ما تكون فكرتي ..... بس قولنا نتكلم فيها بعد مايرجعوا من شهر العسل ونشوف .....


الاب

والله يابني انا عن نفسي موافق يالا بس نتعشا ..... وبعدين يبقى نتفق لما احمد وهدى يرجعوا بالسلامة .....


علي

تمام ربنا يخليك لينا ياحن اب بالدنيا .....


الاب

ويخليكم ليا يارب يا حبايبي وسر وجودي بالحياة ......



_ _ _

◇■□●○◇■□●○◇■□●○

عند احمد وهدى ..... حيث شهر العسل والدنيا هايصة بقا

هدى

ياه بابا وماما وعلوة وحشوني اوي .....


أحمد

وانا كمان ياهدهد ماما وحشتني اوي ..... واختي ما كلمتهاش من فترة ......



هدى

الشهر خلص بسرعة ..... دي كانت احلى ايام قضيتها بعمري كله .....


احمد 

عارفة ياهدهدتي .....


هدى

ايه يا قلبها .....


أحمد 

انتي احلى هدى وهدية بالدنيا كلها ......


هدى 

وانتا اجمل وأرق واحن قلب بالكون كله ياحبيبي .....


أحمد 

بس على فكرة مشتاقلك ياجميل بجنوووون .....


هدى

اوووف منك انت ما بتزهقش خالص☺️ .....


أحمد 

وهو في حد يزهق من القمر من العسل من السكر ..... طيب قررربي أقولك سر مهم .....


هدى

سر ايه ده .....


أحمد 

قررربي بس .....


هدى 

لا ياعم مش مقررربة ..... انا مش ضامناك لحد هنا وشاورت على كوعها ......


راح أحمد قرررب وباس دراعها مكان صباعها .....


هدى

يخربيتك? ...... ده انتا ما تتضمنش خالص? ..... اه منك اه? .....


احمد

انتي السبب وراح قرب منها مرة تانية و راح انقض على شفايفها وباسها بوسة طويلة اوي حتى ذابت بين يديه ..... وتمتم بخفوت ..... بحبك يا هدهدتي .....حتى سابت أعصابها وكادت ان تسقط أرضا .... وقام شالها على دراعه وراح داخل بيها من البلكونة وهي بين يديه وعلى ذراعيه .... وانزلها على سريرها وغابا في قبلة اقوى وأطول من الاولى حتى راحوا في دنيا تانية ☺️ .....


اوعدنا واوعدهم يارب قصدي عليكم يا سناجل على مشارف التلاتين??? ....


_ _ _ _ 

◇■□●○◇■□●○◇■□●○

نروح بقا عند حازم باشا الشريف .....


حازم

ها ي شباب الشحنة وصلت اهو يالا شدوا حيلكم في توزيعها بقا مش هوصيكم .....


نائبه

ي باشا ماتقلقش كله تمام بفضل توجيهات سيادتك .....


حازم 

طيب ابقى بلغ فارس بالتطورات عشان هو شريك بالصفقة دي .... وانتا عارفه مش بيسيب حاجة .....


نائبه يبتسم على كلام حازم باشا عن ابنه فارس .....

حاضر ياباشا انتا تؤمر يا كبير ....


حازم 

يالا سلام بقا ..... انا خارج .....


_ _ _ _ _ 

◇■□●○◇■□●○◇■□●○

عند علي بالشركة حيث يحمل همها لوحده من بعد سفر صديقه .....

علي

الووو .... ايوا يا احمد خرجتوا ولا لسه .....


احمد 

احنا بنوضب الشنط اهووو .....


علي 

غمز ..... شكل صاحبتك زعلانة انها راجعة مصر .....


أحمد 

ابتسم ..... بصراحة اوي ياصاحبي ......


علي

هتركبوا الطيارة امتا بقا .....


احمد

كمان ساعتين كده ان شاء الله .....


علي

طيب توصلوا بالسلامة ياحبيبي .... ابقى طمني لما توصلوا الفيلا ماشي ياصاحبي .....


احمد

لييه مش هتيجي تاخدنا من المطار .....


علي 

شغل كتير يا صاحبي ..... بس هابعتلك السواق .....


احمد

ماشي بابو الصحاب سلام .....


علي 

يا سوسن عندي مشوار شغل مهم هخلصو واروح مش راجع الشركة النهاردة تاني ..... و أي حاجة جديدة ابقى اتصلي بيا تمام .....


سوسن

تمام يافندم .....


_ _ _ _ _

◇■□●○◇■□●○◇■□●○

بعد ساعات قليلة احمد و هدى وصلوا الفيلا .....


الام تهاني

حمدلله على السلامة ياحبايبي ..... اتبسطوا كويس بشهر العسل .... 


احمد وهدي

بصوت واحد تسلمي ي ماما ..... الحمدلله اتبسطنا اوي ..... المرة الجاية تكوني معانا ان شاء الله ..... 


الام 

يارب دايما ياحبايبي ..... بس ده فرحكم انتوا ما ينفعش اشارككم واقطع عليكم برضه .....


احمد وهدى

.ابتسموا ..... مرددين لا طبعا يا ماما ودي تيجي انتي فرحتنا ....


الأم

طيب اطلعوا خدوا دوش وغيروا هدومكم و تعالوا يلا علشان تاكلوا معايا عشان انتوا اكيد جايين هلكانين من السفر ..... وجعانين ما اكلتوش حاجة .....


احمد 

بصراحة اوي اوي ي ماما .....


الأم 

ميلت على هدى ..... قوليلي يابت يا هدى الواد أحمد ده عمل معاكي ايه اوعي يكون زعلك في حاجة .....


هدى

لأ طبعا ي ماما ..... ده أحمد انسان طيب جدا .....


الأم

طيب ياحبيبتي ربنا يسعدكم يارب .....


هدى

تسلميلي يا أحن ام .....


أحمد

في ايه ياست ماما بتتوشوشي انتي و هدى على ايه من ورايا .....


الأم

ملكش دعوة انت ام وبنتها بيتكلمو ماليكش فيه .....


أحمد

بقا كده تبيعي ابنك في دقيقة كده طيب انا مخاصمك .....


الأم

ماقدرش ابيعك ياقلب امك دا انت حتة مني .....


أحمد 

ربنا يخليكي ليا ياحلى ام بالدنيا .....


الأم

يالا روحوا غيروا كدة علشان الاكل شوية وهيجهز ..... 


احمد وهدى

ماشي دقايق وراجعين ..... 


احمد 

عم حسن تعالى خد الشنط طلعها فوق .....


عم حسن

حاضر يابيييه .....


هدى

بعد اذنك ي ماما .....


ماما 

اتفضلوا ياحبايبي .....



_ _ _ _ _ _

◇■□●○◇■□●○◇■□●○

هدي طلعت فوق واتصلت على أهلها .....

الأم والاب 

هدي حبيبتي حمدلله عالسلامة ياقلبي ....


هدى 

تسلمولي يارب مانحرمش منكم انا ياحبايبي .....


الأم سناء

عاملة ايه ياحبيبتي بعد الجواز ..... واحمد عامل معاكي ايه ....


هدى

الحمد لله انا كويسة اوي ماتقلقوش عليا ... واحمد طيب جدا وبيحبني اوي اوي .....


الام والأب

يارب يسعدك دايما ياحبيبتي ..... ويخليكم لبعض يارب .....


هدى

اومال علي فين .....


الأب

علي بالشغل ياحبيبتي لسة ماجاش .....


هدى

طيب ربنا يوفقه يا بابا ..... ابقى بلغه برجوعنا ..... وانا هاجيب احمد بكرة ونجيلكم ..... يالا سلام ياحبايبي بالوقت ..... هاكلمكم بعدين ماشي .....


الأم والأب 

تنوروا ياحبايبي ..... منتظرينكم ..... ماشي ياقلب امك وابوكي سلام ....



_ _ _ _ _ _ 

◇■□●○◇■□●○◇■□●○

تاني يوم راح احمد وهدى على بيت باباها .....


علي

اووووه ..... حمد لله على السلامة ياعرسااان .... يادي النور يادي النور ......


احمد وهدى

عامل ايه ياعلوة ..... وحشششتني ياعم ....


علوة 

ماتشوفوش وحش ..... يالا ادخلوا تعالوا يا جماعة تعالوا .....


ابو هدى 

حمد لله على السلامة يا حبايبي نورتوا ....ادخلوا ادخلوا 

مامتك هتطير من الفرحة منتظراكم من بدري .....


هدى 

حضنت باباها ..... عامل ايه ياحبيبي وحشششتني اوي اوي .....


الاب

بخير ياحبيبة قلب ابوكي ....روحي ردت لما شوفتك ....


هدى 

ربنا يخليك ليا ياحبيبي ما انحرمش منك ابدا ....



احمد 

الله يسلمك ياعمي عامل ايه ياحبيبي وحششتني ......


ام هدى 

اوووووه ...... الدنيا نورت تعالي لحضن ماما اوااام .... وقعدت تبوسها وتحضنها وتضمها وحشششتيني أوي أوي ياحبيبتي .....


هدى وهي بتضمها ..... وانتي كمان يا ماما وحشششتيني أوي أوي أوي ..... عاملة ايه حبيبتي .....


الأم سناء

بخير لما شوفتك ياحبيبتي ..... تعالوا تعالوا ..... هتتغدي احلى غدا من ايديا شاركت فيه بنفسي عشانك النهاردة .....


هدى

يالا ياحبيبتي وانا اصلا جعانة مخصوص وواحشني أ كلك .....


واكلوا وشربوا شاي وقهوة وعصير وحلو ودردشوا وبالاخير روحوا لبيتهم بالعافية باباها وامها كانوا عايزينهم يباتوا بالفيلا ....


_ _ _ _ _ _ _ _

◇■□●○◇■□●○◇■□●○

تاني يوم هدي راحت الشركة ورجعت تباشر شغلها كالمعتاد ......


الكل بالشركة فرحانين بيها وبيحبوها ..... حمدلله عالسلامة ياهانم والف مبروك .....


هدي 

الله يبارك فيكم جميعا يارب تسلموا .....


وراحت على مكتب باباها ..... وحشتني اوي اوي ياحلى بابا بالدنيا ووحشتني الشركة وكل حاجة فيها هنا .....


الاب 

حبيبتي حمدلله على السلامة ياقلب بابا ..... نورتي شركتك ..... بس ماقولتيش لييه انك جاية الشركة النهاردة .....


هدي 

حبيت اعملك مفاجأة ايه رايك .....


ابوها

احلى مفاجأة فى الدنيا .....


هدى

والله وحشتني اوي اوي ي بابا .....


الاب 

وانتي كمان ياقلب ابوكي وحشتيني اوي ..... ربنا ما يغيبك عننا يارب .....


هدي 

ربنا مايحرمني منك انتا وماما وعلي يارب .....


الاب

ولا منك ياقلب بابا ..... المهم انتي عاملة ايه يا حبيبتي احكيلي .....


هدى 

الحمدلله مبسوطة اوي ..... بجد احمد وماما وكل اللي بالفيلا طيبين وبيحبوني وبيحترموني اوي يا بابا .....


الاب 

حبيبتي ربنا يفرح قلبك ..... ويسعدك بحياتك ...... عقبال ما اشوف ولادك بقا☺️ .....


يارب ياحبيبي ..... بس لسه بدري شوية عالولاد ..... وفضلوا يحكوا شوية ..... وبعدين هدى راحت تشوف الشغل اللي مستنيها .....


_ _ _ _ _ _ _ _ 

◇■□●○◇■□●○◇■□●○

عند احمد بالشركة ....

احمد دخل الشركة والكل برضو بيبارك ويهني ..... 


علي 

ابو حميد ..... حمدلله عالسلامة ياصاحبي ..... وراح واخده بالحضن ..... والله وليك وحشه يا صاحبي .....


احمد 

ايه يابني في ايه مانت جيت وعملت الشويتين دول بالبيت .....


علي

لاااا ..... البيت حاجة والشركة حاجة يسطا .....


أحمد 

طيب يالا سيبك من الجنان ده واعقل شوية ... ..


علي 

ايه ده شهر جواز يقلب كيانك كده اومال لما يعدى سنة مثلا هتعمل ايه ..... ده ايه ياعم العقل اللي نزل عليك فجأة ده .....


احمد 

ولااا ياعلوة انا عاقل من يومي يلااا ....


علي 

هههههه طبعا مانت لو مش عاقل ماكنتش قدرت تخطف قلب هدهد ياعم برنسيسة عيلة منصور الجيار .....



احمد

طيب يالا بقا ورانا شغل كتير ..... قولي حصل ايه بقا وايه اخبار اللي اسمه حازم ده .....


يا تري ايه اللي هيحصل مع العشاق هدى و احمد ..... وايه اللي هانشوفه برضه مع علي ..... وايه قصة نجلاء دي ..... وهانشوف ايه اللي هيحصل مع حازم وفارس ده وايه مخططاتهم ..... وشادي هيعمل ايه بعد رجوع العرسان ..... وعمنا عادل ماهر ده هيتغير صح ولا كله كلام ..... وياترى ايه الجديد معانا ...... كل هذا وأكثر سنعرفه في الحلقة المقبلة ان شاء الله ..... فانتظرونااااا .....

والسلام عليكم ورحمة الله تعالى وبركاته .....

تحياااتي الطيبة لكم جميعا ❤? .......


(للنشر والإعلان والتواصل معنا)

                (اضغط هنا)


#بقلمي 


عمر يحيى

 الفصل الثالث عشر 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -