ستعجبك

رواية بنت الأصول الفصل الثالث عشر بقلم عمر يحيي

 المجد للقصص والحكايات

رواية بنت الأصول بقلم عمر يحيي


 رواية بنت الأصول 

الفصل الثالث عشر

 بقلم عمر يحيي 

رواية 

#بنت_الأصول 

#البارت_الثالث_عشر





_

======= ======= =======

عند علي بالشركة ...... علي للسكرتيرة 

نزلتي اعلان عن طلب مترجم للغة التركية .....


سوسن

نزلت يافندم .....



علي

طيب تمام ..... روحي انتي كملي شغلك يا سوسن .....



_ _

◇■□●○◇■□●○◇■□●○

وفي احد البيوت الهادية الجميلة المليانة مودة وحب ....

تصحي ابتسام وكأنها القمر بعينه ..... تتوضي وتصلي وتلبس طقم جميل جدا وطرحة غاية في الروعة تزيدها جمالا فوق جمالها ..... وتخرج للصالة .....

ابتسام

صباح الخير ي ماما


الام

صباح الخير يا قلب ماما .....


أخواتها 

صباح النوووور يا أبلة .....


الام 

خير يا بنتي رايحة فين عالصبح بدري كده .....


ابتسام

في مقابلة شغل يا ماما .....


الام 

ده فين ده وعرفتيه امتا ومنين .....


ابتسام

عن طريق صاحبتي ياماما بتشتغل في شركة كبيرة أوي واتصلت بيا وقالتلي انهم طالبين موظفين في قسم الترجمة وعايزين مترجم تركي عربي ..... 

يالا بقا ادعيلي ياماما اني اقبل في الوظيفة دي .....


الأم 

بادعيلك ياحبيبتي دايما ..... يالا اقعدي بقا افطري ياقلبي قبل ما تطلعي .....


ابتسام

لا اقعد ايه انا هاكل لقمة على السريع كده عشان ألحق دا دلوقتي هتلاقيهم طوابير ..... 


الأم 

ربنا يفتحلك ابواب الرزق يابنتي ويحبب فيكي خلقه ويجعلك في كل خطوة قبول .....


ابتسام

ربنا يخليكي لينا ي أحن ماما ...... يالا سلام بقااا .....


الام 

خلي بالك من نفسك ي ابتسام .....


ابتسام 

حاضر ياماما يالا بقا ادعيلي وقولي ياااارب .....


_ _ _

******* ******** ******** *******

في الشركة عند علي وأحمد ..... علي يقابل المتقدمين لطلب وظيفة مترجم للشركة ......

علي

يوووووه لحد دلوقتي كل واحدة جاية وكأنها جاية سهرة مش طلب شغل ..... ايه اللي حصل للبنات ده ..... 


احمد 

اهدى يا علي اصبر اكيد هنلاقي البنت المناسبة ..... وبعدين لحد دلوقتي مالاقيتش واحدة يعنى ......


علي 

لا ياعم لقيت بس مش عاجبيني مياعتهم ياعم دول جايين بار مش وظيفة بشركة محترمة وليها سمعتها .....


احمد 

طيب انا هاروح اكمل شغلي ..... قدامي تقارير مهمة هخلصها بخصوص الصفقات المختلفة .....


علي 

رايح فين خليك معايا .....


أحمد 

انتا زهقت ولا ايه ده شغلك مش انت مسؤول عن شئون العاملين يالا خلص شغلك وانجز يالا .....


علي 

طيب ياعم ماهو اليوم باين من أوله .... .


عند السكرتيرة سوسن ..... انتي فين يابنتي خلصي الشغل ممكن يطير منك ..... انجزي يالا 

ابتسام

انا على باب الشركة أهووو ....


سوسن

طيب اطلعي وخلصيني يالا انجزي .....


ابتسام 

طيب طيب يالا اهوو طالعة في الأسانسير .....


علي 

ايه يا سوسن لسة في كام واحدة بره ...


السكرتيرة 

في لسه (٣) يافندم .....


علي

يووووه لسه ٣ ...... طيب يالا خلصيني هاتي اللي عليه الدور خلينا نخلص .....


السكرتيرة

اتفضلي ي ابتسام ادخلي ......


ابتسام

طيب ربنا يستر ادعيلي يابت ياسوسن ..... ودخلت ،،،،،،، 


ابتسام تطرق الباب بيدها الرقيقة تستئذن بالدخول ..... وعلي يناديها من الداخل ادخلي ي آنسة .....

ابتسام 

صباح الخير يافندم .....


علي

صباح النووور ...... الله اكبر ايه ده القمر بيطلع بالصبح ولا ايه .....


ابتسام

أفندم حضرتك قولت حاجة .....


علي 

ها ? لا ... لا ... لا اتفضلي ي انسة ...... وبص في السي دي بتاعها ..... اتفضلي ي انسة اقعدي ......


وقعدت جميلتنا ابتسام زفضل يسألها الاسئلة المعتادة ..... وبعد ماخلص ..... بصي يا آنسة ..... انا عايزك تقعدي على اللاب ده وتترجميلي الفاكس ده بس بطريقة سلسة كده وتفندي كل حاجة على حدا ..... عايز ترجمة حلوة زيك .....


ابتسام

نعم ???


علي 

اتلخبط ..... واتلعثم في الكلام لا ... لا اقصد الترجمة يا آنسة .....


ابتسام

ماشي ..... ماشي 



علي 

راح طلع بره وقال ل سوسن خلاص مافيش مقابلات تاني ومشي اللي عندك خلاص .....


سوسن

تمام يافندم تحت أمرك .....


قعدت ابتسام على اللاب وبدأت تترجم وفي وقت قياسي ترجمت الفاكس بطريقة سلسة زي ماطلب وفندت كل حاجة لوحدها بطريقة رائعة أعجبته .....


وكان كل ده وعلي عينه ما اترفعتش من عليها خالص وسرح في دنيا تانية خالص وفضل مبلم وفاتح بؤه ?

..... والله وشكلك هتقع على وشك يا علوة والقلب هيدق اخيرا .....


ابتسام

انا خلصت يا استاذ اااا .....


علي 

اسمي علي .....


تمام انا خلصت أهووو يا أستاذ علي .....


علي 

بجد ايه السرعة دي ما شاء الله عليكي .....


_ _ _ _ 

◇■□●○◇■□●○◇■□●○

نكمل عند ماهر بيه في الشركة 

بعد أسبوع من بداية شغل اخوها بالشركة مرة تانية .....

نجلاء 

بابا في حاجة عاوزة حضرتك تشوفها كده .....


الاب 

خير يا حبيبتي في ايه ....


نجلاء

خير يا بابا في مناقصة عاوزين ندخلها وانا حضرت كل حاجة وان شاء الله نقدر ناخدها .....


الاب 

عارف يابنتي بس دي مناقصة كبيرة وتقيلة اوي وداخل فيها ناس كبار جدا احنا مش قدهم .....


نجلاء

ماتقلقش ي بابا ..... وبعدين ده لازم نتوسع شوية اكتر من كدا بالسوق ..... والمناقصة دي في مجال شغلنا برضوا ..... يعنى مش حاجة جديدة وحضرتك عارف اني بنت شاطرة في شغلها ولا ايه ☺️? .....


الاب 

عارف ياحبيبتي ده لولا انتي معايا بالشركة كان الله اعلم اللي هيحصل بيا .....


نجلاء

ربنا يخليك لينا يارب ..... وكله من بعد تعليمك ليا وخبرتك ياسي بابا ..... انتا بس حضرتك اديني الضوء الاخضر وماتقلقش خالص تمام ياباشا .....


الاب 

تمام يا افندم اتفضل حضرتك مع الضوء الاخضر يااااافندم ?? .....


نجلاء

تمام ي باشا اروح اكمل انا الشغل المطلوب مني سلام بقا مش عايزين عطلة? .....


_ _ _ _ _

****** ****** ****** *******

وعند حازم باشا .....

حازم

ايوا يا أشرف بلغ الكل انه في اجتماع بعد نص ساعة من دلوقتي ..... 


اشرف نائبه

حاضر ي فندم حالا هابلغ الإدارة. ....


وفي خلال نص ساعة الكل كانوا في غرفة الاجتماعات 


احد اعضاء الادارة

خير ي باشا ايه الاجتماع الطارئ ده .....


حازم باشا

في مناقصة بعد اسبوع ولازم نحضرلها كويس لانها مناقصة كبيرة ......


شخص آخر 

مش دي المناقصة اللي الدولة عاملاها .....


حازم 

ايوا هي دي .....


نفس الشخص 

بس ي باشا دي فيها رؤس كبيرة جدا وليهم نفوذ كبير اوي اوي ي باشا .....


حازم باشا

واحنا برضو لينا نفوذ وكبار برضو ولا ايه رأيك ? .....


الشخص تلعثم اه طبعا ي باشا اكيد ..... 


حازم 

تمام مش عاوز كلام فاضي ومحبط زي كدة تاني والا ..... 


أعضاء الادارة

تمام ي باشا تحت أمرك .....


وابتدى حازم في تفاصيل المناقصة والاجراءات .....



_ _ _ _ _ _

◇■□●○◇■□●○◇■□●○

عند علي ..... وأحمد بالشركة

علي

وريني كده ..... برافووو ده كويس جدا ....


ابتسام 

يعنى شغلي عجب حضرتك .....


علي

اه اكيد عجبني جدا جدا جدا ?.....


ابتسام

طيب الحمد لله ..... يعنى هاستلم الشغل ان شاء الله .....


علي 

انتي استلمتي الشغل خلاص من النهاردة .....


ابتسام

بجد يا أستاذ علي .....


علي 

ها اه اكيد بجد طبعا .....


ابتسام

شكرا لحضرتك جدا ......


علي 

ان شاء الله من بكره شغلك هنا معانا تمام ..... وسوسن هتفهمك كل حاجة 


ابتسام 

تمام ي استاذ علي ..... بعد اذن حضرتك .....


علي 

آنسة ابتسام


ابتسام

تحت امرك يا افندم ....


علي

بكرة الساعة ٨ صباحا تكوني هنا ماشي ....


ابتسام

ماشي ي فندم ..... اي أوامر تانية حضرتك .....


علي 

لا ..... كده خلصنا ونكمل بكرة ..... اتفضلي انتي ....


ابتسام 

تمام ...... استئذن حضرتك ..... وخرجت وهي فرحانة جدا انها اتقبلت بالشغل ......


السكرتيرة سوسن مبروك يا ابتسام ..... انا كنت حاسة انك هتتقبلي وتشتغلي معانا هنا ......


ابتسام

الله يبارك فيكي ياحبيبتي ..... انا مش مصدقة اني اشتغلت ..... ده انا بقالى سنة بدور والحمد لله ربنا وفقني ..... شكرا ليكي ياحلى صاحبه بالدنيا .....


سوسن

شكرا على ايه يابت ..... ده انتي اختي ده انا كنت حاملة همك وماصدقت لما قالوا عايزين مترجم لغة تركية والمانية فاتصلت عليكي قبل ما انزل الاعلان ..... 


ابتسام

ربنا يخليكي ليا ي احلى سوسن بالدنيا ما انحرمش منك يارب .....


سوسن 

هتروحي دلوقتي يا ابتسام .....


ابتسام

اه وهاجي من بكرة ان شاء الله ..... وعشان افرح ماما دي هتفرح اوي وهتشكرك كتير .....


سوسن

طيب ربنا يوفقك ياقلبي ابقى سلمي على طنط عزة كتير ماتنسيش ماشي .....


ابتسام

ماشي يالا سلام أروح افرح ماما بقا .....


_ _ _ _ _ _ _

****** ******* ****** *******

أحمد

الوووو .....


االسكرتيرة 

ايوا اؤمر يا فندم .....


أحمد

أستاذ علي خلص .....


السكرتيرة

ايوا يافندم خلص .....


أحمد

طيب بلغيه بالاجتماع بعد ساعة وبلغي الكل تمام .....


سوسن 

حاضر يافندم .....


علي 

راح لاحمد قبل الاجتماع أساسا .....


أحمد 

علي انت عارف المناقصة الجاية صح .....


علي 

اكيد طبعا دي مناقصة كبيرة جدا والدولة اللي عاملاها ..... وكمان داخل فيها اكبر رجال الأعمال بالبلد .....


أحمد 

طيب انت كلمت عمي بموضوع الشراكة دي ؟ 


علي 

ايوا كلمته وقولتله ان دي فكرتك انتا وهدي .....


احمد 

طيب ماتيجي نعجل القصة وندخل المناقصة كشركة واحدة ايه رايك .....


علي 

والله فكرة ممتازة خلاص بعد ما نأجل اجتماع النهاردة ونخليه بكرة ويبقى اجتماع واحد ونناقش فيه دخول المناقصة من خلال شراكة مع بعض باسم شركة واحدة توزع أرباحها فيما بعد بالتساوي ايه رأيك يابو حميد .......... ؟ ؟ ؟


يا ترى ايه هي المناقصة الكبيرة دي ..... ومين الكبار اللي داخلينها ...... وايه قيمتها وارباحها وشروطها ..... وياترى هتتحد مجموعة شركات السيد منصور وهدى مع مجموعة شركات احمد وعلي وهيدخلوا المناقصة باسم شركة واحدة ولا لا .....وياترى ايه موضوع نجلاء وأبوها ماهر زيان ...... وايه قصة نجمتنا الجديدة ابتسام وحكاية علوة افندي ..... وهنكمل مع بعض حكاية عادل وشادي ..... ولينا تكملة مع هدى والعاشق الولهان سي احمد ...... هذا وأكثر ما سنعرفه الحلقة المقبلة ان شاء الله ..... فانتظرونااا ......

والسلام عليكم ورحمة الله وبركاته ......

تحياااااااتي ..........



_ _(للنشر والإعلان والتواصل معنا)

                (اضغط هنا)


#بقلمي


عمر يحيى

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -