ستعجبك

رواية ولقدرنا خطة جديدة الفصل الخامس





حصرياً على موقع المجد للقصص والحكايات 

رواية و لقدرنا خطة جديدة

 الكاتبه اسماء العمري 


الجزاء الثاني من عشقتك باسم القدر 

ولقدرنا خطة جديدة 

الفصل الخامس 

أسماء العمري 


غيرت معاني فيا. خليتني بقيت ملاك، مش لاقي حاجة فيا الا بتعشق هواك❤️❤️


وصل أخيرا إلى مطار القاهرة الدولي وتنفس بإرتياح

وبمجرد أن وصل إلى أرض الوطن بدأت الذكريات تتدفق عليه من كل إتجاه وبدأ قلبه يؤلمه وبشده


أخذ تاكسي من أمام المطار بعد إنهاء الإجراءات الأمنية وصعد إلى تاكسي ومنه إلى قصر عائلة حرب

ولكنه إتصدم بشده

أهذا هو نفس القصر الذي أحمل به ذكرياتي معها؟

لماذا تغير إلى تلك الدرجة؟

لماذا أحس وكأنه أصبح مهجورا وكأنه غير مسكون بالبشر؟

لا كيف هذا؟ القصر تحول إلى تحفه فنية ولكن روحه تغيرت كثيرا

إن كان ناقص للروح منذ سنوات بسبب هاجر فإنه اليوم معدوم الروح

فالروح الطيبة، روح الأسرة وروح الحب ♥ هم فقط من يشعرون بفقدان هذه الروح

ولكن هل كل من يمر به أو يراه يشعر بهذا الشعور؟

لأعتقد ذلك، فمن يمر به يرى أنه يعبر عن مدى ثراء العائلة الواسع هم فقط يتمنون مثله، ولكن هو يشعر هذا الشعور بسبب أنه عاش بذكريات وأحس بروحه منذ كان طفلا فهو يعرف لمار منذ الطفولة، جدته هي أخت جدة لمار ولهذا فإنه تربى مع الفتيات

ولهذا كان يشعر دائما بروح السعادة والحب ولكن الأن أتاه هذا الشعور 💔💔


نزل من التاكسي وحاسب السائق وهو شارد الذهن

دخل هو إلي القصر ولكن بالفعل ليس به شيئا

نظر حوله بكل حيرة وهو يرى الصور على الحائط ولكن بلا روح

تحسس تلك الصورة التي تجمع الفتيات بجدتهم

كريم.... ببكاء... الله يرحمك ياتيته، وحشتينا، هي لمار فين ياتري؟

لم يفق إلا على لمسة أنثوية على كتفه إعتقدها لمار وتلفت ليتحدث ليتفاجئ بأنثي متكاملة الأنوثة أمامه

جسد وجمال ليس له مثيل ولكنها ترتدي ملابس عارية مما جعله ينفض يديها عن كتفه

ليقول بغرور... إحم، إنتي مين؟

الفتاة... بإغراء وقد وقعت بعشق عينيه البنيتان العميقتان ووسامته.... مي.

كريم... بإستغراب... مي مين؟ 

مي... بغرور... مي الحكمدار، أنا صديقة نور وكنت جاية أشوفها بس لسه مش عارفه هي هنا ولا لاء، أصلي كنت في الغردقة ونزلت النهاردة قولت أشوفها 


كريم... بدهشة... نور مين؟ تقريبا إنتي داخلة العنوان غلط 

مي... غلط إزاي؟ دا قصر عيلة حرب وأنا متأكدة 

كريم... أيوة ،بس مفيش حد بإسم نور هنا 

مي... لا نور تبقى مرات نادر 

كريم... بصدمة... دا مستحيل شكلك متلغبطة فعلا نادر متجوز ساندي 

ثم نظر حوله بإستغراب فالقصر ليس به أحدا 


هنا أتت الخادمة والتي نعرفها جيدا تلك نها التي تخلص جدا لهذا البيت 

نها... أستاذ كريم؟ حمدلله على السلامه؟ 

كريم... نها! أمال فين العيلة؟ 

نها.... بحزن ... كلهم اتفرقوا ياباشا، إيه مابتسمعش الأخبار ولا إيه؟ 

كريم... أنا سمعت بس إن تيته ماتت 

أكملت نها كلامه 

نها... بحزن... ومدام هاجر سافرت النرويج واتجوزت 

و.... 

قاطع كلامها صدمة كريم... هاجر! في النرويج ؟وإتجوزت؟ إتجوزت مين؟ 

نها... أستاذ مراد صاحبك 

كريم... بدهشة... مراد السعدني ؟

نها... أيوة هو، بقالهم ٣ سنين، من وقتها مرجعوش مصر 

كريم... ٣ سنين ؟يبقوا معايا في نفس البلد ومعرفش حاجة عنهم؟ 

تطور حديثم متجاهلين تلك التي ستشتعل من تجاهلهم لها 

نها... إيه ياباشا، دا إسمهم عالي في النرويج 

كريم... وبقيت البنات؟ 

نها... بحزن... مدام ميسون في المصحة، ومدام ساندي إتطلقت وسابت القصر من ٣ سنين وأستاذ ماجد إتوفي وأستاذ معتز مع مدام ديا في بيتهم، مابيجوش هنا بسبب اللي حصل، بعد موت المدام الكبيرة 

كريم... بلهفه... وهي فين؟ 

نها... تقصد مدام لمار؟ 

كريم... بصدمة... مدام؟! 

نها... أيوة. مدام لمار إتجوزت من دكتور جراح، بس... 

شك 🤨 كريم في بقية الحديث ماذا هناك؟ مالذي حدث لمحبوبته؟ 

كريم... بس إيه؟ إتكلمي 

نها... جوزها مريض نفسي ومهووس بيها وأي حد بيقربلها وبالذات الرجالة بيكون فيها نهايته وعقابها 

ربنا يكون في عونها وأستاذ نادر متجوز شغله بعد ماتجوز واحدة استغفر الله العظيم، مابقاش طايق نفسه 

إدخل على النت وشوف أخبار عيلة حرب هتلاقيها ترند علطول 

ماالذي يحدث بإسم القدر هذا؟ لقد وعد نفسه منذ أن رحل أن يقطع علاقته بها وأن ينساها وحتى الأخبار رفض متابعتها حتى لايضعف 


أمسك هاتفه وبدأ يتصفح الأخبار 

كان حزينا للغاية عن ماتكتب الأخبار عن هذه العائلة، عائلة المشاكل 

أخذ يتصفح بحزن الأخبار وقلبه يبكي 

ولكن فاجئته أخبار بث جديدة للتو وكم كانت صدمته مما رأي ومما سمع....... 🌸 🌸 🌸 🌸 


🌸.... 🌸........ 🌸.... 🌸.... 🌸....... 🌸... 🌸 


أنا زعلتك في حاجة؟ طب إيه ياحبيبي هي؟ بتداري عينك ليه لما بتيجي في عينيا ❤️😢💔


ركب سيارته يتأفف بعدما غادر الشركة فقد وجدها رحلت، إذا لماذا طلبت منه أن يعود لأمر مهم؟ 

راودته ذكرياتهم سويا فكره نفسه 

بدأ يتذكر تلك التي خطفت قلبه منذ الصغر 

وبدأت دموعه في الهطول فلقد تفرقت الفتيات فقد كانوا يملكون روح عائلته وحبيبته روح حياته 

فتح هاتفه الذي كان يرن ونظره على الطريق 

نادر... بدون معرفة المتصل... مين ؟

المتصل... نادر باشا، لمار هانم في مستشفى ***في الغردقة والصحافة ملمومة هناك 

نادر... بصدمة... طيب إقفل أنا جاي 

أغلق الهاتف وهو مصدوم لما كل المشاكل التي تلاحق تلك العائلة وفتياتها 

فتح هاتفه ثانية ليتصل على المصحة التي تقطن بها ميسون فهو على تواصل معهم بإستمرار لكن اليومين الماضيين تاه بذكرياته عنها 

نادر... دكتور ،طمني ميسون حالتها عاملة إيه؟ 

الطبيب... للأسف يانادر باشا، مدام ميسون إنتحرت ومعتز باشا وحرمه المصون كانوا موجودين ونقلوها على المستشفى 

نادر... بصدمة... إيييه؟! 

أغلق نادر الهاتف وهو يكاد أن يجن 

لف بسيارته على المشفى ليطمئن على ميسون ولكن لمار 

هنا توقف بالسيارة وإحتار من هذه المشاكل 

أخرج هاتفه للمرة الثالثة وهاتف معتز 

ردت عليه ديا 

نادر... ألو يامعتز؟ 

ديا.. بصوت ممزوج بالبكاء... نادر ! تعالي إلحقنا يانادر! ميسون هاتروح مننا 

نادر... بحزن وصدمة... فين معتز ياديا ؟ 

ديا... جمبي بيسكت مراد لإن محدش قادر عليه 

نادر... بشفقة... أنا مسافر الغردقة وخدوا بالكم من الوضع عندكم لحد مارجع 

ديا... بقلق... لمار فيها حاجة؟ 

نادر... بتماسك... لمار في المستشفى، وضعها مش مطمني، مش عارف مالها 

ديا... بصراخ... أختييييي؟؟ 💔💔😢😢

وقعت مغشيا عليها وتجمع حولها الممرضين والممرضات ليسعفوها 

رد معتز مكانها 

نادر... ديا ؟رحتي فين؟ ردي عليا الله يخليكي، الواحد أعصابه تعبانه 

معتز... نادر ! ديا أغمى عليها 

نادر... بصراخ... هو ليييه دا كله بيحصل فينا ليييه؟ 

معتز... بتمالك... إهدي يانادر،هو فيه إيه؟ 

نادر... بإنهيار... لمار في المستشفى 

معتز... بصدمة.. لمار ؟لا حول ولا قوه الا بالله العلي العظيم، إهدوا كدا، أكيد دا إبتلاء وهايتزاح إنشاء الله 

نادر... هو ليه قدرنا كدا؟ ها؟ 

معتز... بغضب... إنت هاتكفر ولا إيه يانادر، ماتصلي على النبي في قلبك يأخي كدا، هو إنت أعظم من أيوب اللي مات كل أولاده وراحت كل ثروته وحل بيه المرض واللي هو المفروض هو نبي من أنبياء الله؟ ولا أغلى من يونس اللي إبتلعه الحوت؟ ولا أغلى من يوسف اللي إتأمروا عليه أخواته ورموه في البير وإتهموا الذئب بأكله؟ ولاتكونش أعظم من محمد؟ اللي شاف إبتلاءات وإختبارات ممرتش على بشر، إهدا كدا دول أعظم ناس في الكون وبالخصوص النبي أعظم البشر صلى على النبي كدا في قلبك وإستعيذ بالله من الشيطان الرجيم 

نادر... أعوذ بالله من الشيطان الرجيم،، مش عارف أعمل إيه؟ بس كلامك ريحني ربنا يقوي إيمانك يامعتز، أنا هكلم مراد وهاجر ينزلوا الفترة دي يدعمونا وندور على ساندي حتى لو مش هانرجع بس لازم يتجمعوا ونشجعهم ونقويهم ويبقوا إيد واحدة هايتغلبوا على كل المشاكل دي لازم ندعمهم نفسيا قبل الدعم الجسدي، ولازم مراد وهاجر يرجعوا يعيشو وسطنا 

معتز... ربنا يقدم اللي فيه الخير، إبقى طمني على لمار 

نادر... إنشاء الله، وانت بقا طمني على ديا وميسون 

معتز... حاضر ،سلام 

نادر.... سلام... 


.... 🌸..... 🌸..... 🌸..... 🌸...... 🌸....... 🌸 


أيام في العمر مابتعديش، نفضل فاكرينها سنين وسنين، مسافات وفراقنا مابينسيش، مهما تمر الأيام فاكرييين❤️❤️😔😔


هاجر.... مالك ياليمو ؟

لمار... بطفولية... ماما هاجر، أنا كنت عاوزه طلب

هاجر... بضحك... أنا قلت كدا برضه، دخلت لمار المعهودة، لما تكون عاوزه حاجة، قولي ياقلبي عاوزه إيه؟ وإنتي عارفه لو في إيدي أعملهالك مش هاتأخر 

لمار... بحب... حبيبت قلبي ❤️أنا عاوزه أغني

هاجر... بصدمة... إيه ؟تغني؟

لمار... أنا بصراحه معروض عليا شغل

هاجر... هو انا حرماكي من حاجة يالمار؟ أنا أو تيته؟

لمار... ليه بتقولي كدا؟ ربنا يخليكوا ليا! خلاص مش عايزة

هاجر... بمرح... إيه يابت الخبث دا؟ 😂 على أساس إني هصدق؟ 😂

لمار... لا رد

هاجر... أنا قولتلك لو في إيديا إني أعملها مش هتأخر يبقى مش عايزة القمصة دي انا موافقة، هو انا عندي آغلي منكم؟

لمار... بجد وافقتي ؟أنا بحبك أووي ياماما هاجر

هاجر... إنتي بتكبريني أوي كدا ليه؟ دأنا لسه سنجل حتى

لمار... بس في نظري أجمل أخت

ديا... التي قدمت لتوها... ياسلام وإحنا فين من الحنية دي كلها؟

هاجر... إهدي بس على رزقك؟ وقولي مبروك لأختك هاتبقي مغنية، أنا مش عارفة قبلوا صوتها دا إزاي؟

لمار... بحلم... هبقي مطربة روك زي آبهيشيك ميهرا كدا هيييح 😌😘

هاجر... بتعجب... مين ابهيشبك ملرا ده؟

إنفجرتا هاجر وديا في الضحك

ديا... بتصحيح... إسمه آبهيشيك بريم ميهرا ياهاجو

بطل مسلسل مكانك في القلب هو القلب كله

هاجر... مين مين مين؟ إيه ده؟

لمار.... دا مسلسلي الهندي المفضل أنا وديا

هاجر... هندي؟بتاع إسمه إييه شاروخان ده؟ مش دا هندي؟

ديا... بهيستيريا ضحك...ياهاجر شاروخان دا ممثل وشابير آلواليا وسريتي جها دول ممثلين تانيين 😂😂

هاجر.... بإستفهام... ودول بشر؟

ديا... ممثلين، المسلسل جامد، دا الجزء الأول دا جامد دا جامد كدا بس هو بدأ يحب براغيا

هاجر... بقولكم إيه قفلوا أنا مش فاهمة حاجة، قال سايبين العربي ورايحين يتفرجوا على هندي، ناقص تتفرجوا على التركي

لمار... بفخر... دا المسلسل الهندي اللي بتتريقي عليه ده؟ رقم واحد في الهند والوطن العربي وقريب هايبقي ترند في العالم

هاجر... بصدمة... للدرجادي ؟

ديا... ياااه أكتر، أما التركي بقا دا تبع ميسون

هاجر... بصدمة... هي ميسون بتتفرج على المسلسلات دي؟

ميسون... من الخارج... الحب لايفهم الكلام بتاع مراد وحياة

لمار.... بمرح... عشان تطبقي الكلام انتي وماجد

ميسون... بت احترمي نفسك، دا خطيشبي مش تتريقي عليه تاني

هاجر... خلاص يابنات نوقف بقا كلام عن المسلسلات وخلينا نستمتع بيومنا مع بعض

ميسون.... هاجر! شغلي أغنية، تيته مش هنا، خلينا نهيص

ديا... بحماس... يلاااااا

لمار... أوبااااااا

هاجر... بس ياهبلة إنتي وهي...

ميسون وهي تشير على ديا ولمار وتضحك.... يلا ياهبلة إنتي وهيا

لمار.... بغيظ... بت بس

ديا.... بمرح... أنا هبلة طيب تعاليلي

قامت وهي تمسك مخدة التي بجانبها وهي تحدفها بها بكل مرح 😂

ميسون... شفتي ياهاجر بيضطهدوني إزاي؟

هاجر... بمرح... بيضطهدوكي ؟طيب كملوا ضرب في بعض، وأنا هقوم أحضرلي محاضرة أحسن

بدل مانا قاعدة


بااااااااك.....

ديا..... يااااه للدرجادي اتدمرنا واتدمرت كل أحلامنا؟ 

للدرجادي بقت كل أخت في ناحية؟ ياه يازمن 💔💔آنا دلوقتي بتمني زي مالزمن فرقنا لازم يوحدنا، أنا مش لازم أضعف للدرجادي عشان أقدر نتوحد أنا والبنات، أيوة، ده اللي هايحصل 


معتز... حمدلله على سلامتك يا عمري 

ديا... تسلملي يامعتز 

معتز .... بلوم.... كدا ياديا؟ كدا تضعفي؟ يعني لما إنتي تضعفي مين هايجمعنا 

ديا... آسفه، آسفه بجد 

معتز... خلاص ياحبيبتي ولا يهمك 

قاطع كلامهم في تلك اللحظة الممرضه 

الممرضة... أنا آسفه على المقاطعه، بس دكتور أمير، الدكتور اللي هايتابع حالة مدام ميسون عاوز حضرتك 

معتز... طيب روحي وهحصلك 

الممرضة... تمام 

معتز... فيه دكتور نفسي جديد، جاي من إسكندرية، هايتابع حالة ميسون أنا اللي طالبه، بيقولو عليه ممتاز جدا، وبإذن الله ميسون هاترجع أحسن من الأول 

ديا... إن شاء الله، يلا إطلعله إنت ياحبيبي، وماتقلقش عليا 

معتز... حاضر 

خرج معتز وذهب إلى غرفة الطبيب هذا الذي كان يجلس مع مدير المستشفى 

معتز.... دكتور أمير! 

المدير.... معتز باشا إتفضل 

أمير... مرحبا 👋 

المدير يعرف أمير على معتز 

المدير... دكتور أمير أحب أعرفك على معتز باشا السعدني من أكبر عائلات البلد 

أمير... ببشاشة... بسمع كتيير عنها، وعن عائلات الحسيني 

المدير.. لمعتز... أصل الدكتور عايش برا ولسه راجع بقاله سنه فمش يعرف حاجة عن مصر كتيير 

معتز... المهم حالة ميسون عديلتي أو أخت مراتي وفي نفس الوقت أرملة أخويا الله يرحمه 

الجميع... الله يرحمه 

المدير... ماتقلقش يامعتز باشا أنا مفهمه الحالة بالظبط وبعدين هو لما يدرس الملاحظات والأشاعات هيشخص حالتها ويقدر يعالجها، إطمن خالص 


معتز.... تمام دا كارتي، أرقام المكتب وأرقامي الشخصية تقدر تكلمني في أي وقت لو حبيت 

أمير... إنشاء الله خير 

معتز... أستأذن.. 

..... 🌸.... 🌸..... 🌸........ 🌸...... 🌸..... 🌸.. 


كانت في المنزل وإلى جانبها ماجدة وناظلي التي أصبحت بمثابة والدتها 

ماجدة....شفتي بقا، أهو دا الأستاذ 

ساندي... بغضب... ليه ياماجدة تعملي كدا؟ 

ناظلي... علفكرة هي كلمتني وعرفتني الحوار وأنا اللي طلبت منها تجيبه، كانت هاتتحجج عشان ميجيش 

ساندي... طيب وليه؟ يعني هو أنا ببعد عنه وعن عيلتي اللي اتفرقت عنهم بسببه وفي الأخر تخلوه يظهر قدامي تاني؟ 

ماجدة... يعني بعد اللي حكتهولك دا كله، ولسه مش قادرة تستوعبي اللي حصل؟ إنتي مراته ياساندي 

ساندي... علفكرة إحنا إتطلقنا 

ماجدة... بصي زي ماحكتلك هو مدى للشغل كل أهميته وأنا حاسة إن نور دي وراها حكاية كان لازم تسمعيه 

ساندي... يعني أعمل إيه أشوف جوزي بيخوني واسكت أقول لازم أحافظ على جوزي؟ 

ناظلي... بصي ياساندي ،الخبرة بتقول إن الرجالة أنواع، نوع بيخوني بمزاجه بيبقا مرض فيه، ونوع مابنبقاش شايفين منه أي خيانه وفجأة يخوننا في اللحظة دي الست مابنبقاش شايفه غير جزء واحد من الحقيقة، جايز كان فيه حاجة، بس انتي مقدرتش تفهميها وعلى كلام ماجدة البت دي شكلها مش سهلة 


ساندي... إنتوا عايزين توصلوا لإيه بالظبط؟ 

ماجدة... إرجعيله 

ساندي.... هو انتي اتجننتي ياماجدة؟ 

ماجدة... ممكن تفهميني للأخر؟ 

ساندي... عاوزه تقولي إيييه؟ 

ماجدة... ******

ساندي.... سيبيني أفكر وهرد عليكي بليل، هظبط أموري 

ماجدة... ماشي ،يلا سلام ياست ناظلي، سلام ياساندي وفكري كويس، عشان تعرفي تاخدي حقك 

ساندي.... حاضر... 


ناظلي... أنا هخرج أروح المحل وإنتي فكري براحتك، يابنتي دا لمصلحتك وعشان تبرئي جوزك 


ساندي... أوعدك إني هفكر كويس 

ناظلي... ربنا يهديلك الحال، ويقرب البعيد 


.... 🌸.... 🌸....... 🌸....... 🌸..... 🌸...... 🌸 

مراد... بصدمة... صوفيا !

صوفيا... شو إتذكرتني؟ أنا كتيير مبسوطة، إنك لساتك عم تفكر فيني

مراد...بجدية وضيق... أخبارك إيه ياصوفيا؟

صوفيا... كتيير منيحة

نظرت لهاجر بدهشة... مين هاي مراد؟ معقولة تكون إختك؟

هاجر... بجدية.. هاجر حرب مراته

صوفيا.... بصدمة... مرته؟ إنت إمتى إتزوجت؟

هاجر... بثقة... أنا ومراد متجوزين من تلت سنين

صوفيا... ليش هيك مراد؟ ليش بتتزوج؟ وأنا ياللي مستنيتك لحتى أعرف وينك ونتزوج


مراد... نتجوز.؟ صوفيا، اللي فات بينا دا أصبح ماضي

صوفيا... بتصميم... لا مو ماضي يامراد، إنت حب حياتي

مراد... يشرح لهاجر... هاجر ممكن ماتفهمنيش غلط؟ دي صوفيا كانت زميلتي في الكلية من سوريا كانت بتدرس في مصر وكنت وقتها صديقها مش أكتر حتى وقتها كنت بحب لارا

بس أرجوكي ماتفهميش غلط


صوفيا... بخبث... بس أنا حبيبتك.

هاجر ... بصدمة... حبيبته؟؟؟؟

صوفيا... بمكر... إيه أنا حبيبته صوفيا، وإنتي شو بتكوني مرته؟ بس أنا حبيبته، يرضيكي بعد كل هاللي سنين وكل هالحب ياللي حبيته إياه يتركني ويتزوج من مرة تانية؟ 

مراد.... بغضب... صوفيا ،إتكلمي بأدب مع مراتي وحب عمري، أنا بعمري ماحبيتك ولافكرت أحبك 

اللي بينا كان صداقة

صوفيا... بشر... صداقة؟ عن أي صداقة عم تحكي؟ ليك يارجل أنا إعترفتلك بها الحب ♥

هنا من ردت هي هاجر

هاجر... بثقة معتادة عليها... بصي ياحبيبتي، إلعبي بعيد عننا عشان أنا عارفة الداخلة بتاعت الأفلام والمسلسلات دي، ولحظك بقا أنا مش بتهدد لانا ولاجوزي، فرضا كان بيحبك بس في الأخر أخد مين؟ أنا صح اتجوز لارا، بس لارا الله يرحمها معدنها أصيل إتجوزته وهي عارفه إنه بيحب ست غيرها ومع ذلك تأقلمت، تعرفي إنهم لو كانوا يعرفوا مكاني وقتها كانت هي بنفسها جوزتهولي؟

ففكك من ٠و الأفلام الحمضانة ده اللي الواحد مل منه تمام وعايزة أحظرك تبعدي عن جوزي وإلا والله مهاتلومي إلا نفسك


ضحكت صوفيا بمكر... لما نشوف مين هايكسب؟ أنا عتبرت هاد تحدي بيناتنا والربحانة بتحصل علمراد إلها وللأبد وأنا بشوف أنا ياللي رح أربح طالما إنتي بتسمي هاد أفلام ومسلسلات، بكرة بنشوف


ضحكت هاجر بخفوت.... لما يبقى بكرة دا ييجي، يلا حبيبي

تأبطت يد مراد وخرجت وهي ستحسد على تحكمها بأعصابها


في الخارج...

مراد... هاجر ،أنا عارف إنك كنتي بتدافعي عني قدامها بس حاسس إنك مصدقاها عاوز بس أفهمك


قاطعته هاجر بحب... مراد أنا واثقه فيك وفي حبك ليا ماتبررليش حاجة أنا عارفة الدخلات دي سمعت عنها كتيير وشوفتها بعيني من نور اللي كانت بتحب خالد الله يرحمه زمان

مراد... بحب... يعني إنتي مصدقاني؟

هاجر... لايمكن يوم هاييجي عليا وأشك فيك، مراد اللي بيحب من قلبه بجد بيعمل أي حاجة عشان خاطر يحافظ على الحب ده وأنا بحبك وواثقة فيك ولايمكن ييجي يوم ؤاهد حبي بسبب كلام ولو حتى فيه أدلة تثبت العكس هكدبها وأصدقك عارف ليه؟ مش ثقة عمياء ولاحاجة بس دا حب وعلاقة عمرهم مايتهدوا بسبب قيل أو قال


ثم أردفت.... ممكن أقولك حاجة بس من غير ماتغير؟ عشان انا واخدة بالي إني كل مأذكر دكتور خالد الله يرحمه، أحس حبيبي بيغير بس بيحاول مايبينش عمتا إنت المفروض تشكر وجوده في حياتي

لإنه علمني الإخلاص والثقة في البنيأدم حتى لو هايخني بس لازم أثق فيه

بس عارف الثقة دي عاملة زي الجدار لو إتهدت مستحيل يرجع ينبني زي الأول

أنا كنت بانيه الجدار ده مع خالد وعمره ماوقع إكتشفت إنه جدار صلب مش هايقع بسهولة وبعد مقابلتك واتجوزنا بنيته معاك في التلت سنين، زي مانت هاتبقي واثق فيا كتيير أنا وإنت هانعيش أضعاف السعادة لإن أساس السعادة وأساس أي علاقة هي الثقة

وده اللي مكنش موجود مع ساندي ونادر، فلازم نتعلم من أخطاء الغير

مراد.... بحب... ربنا يخليكي ليا، بجد أنا أحسنت الإختيار

هاجر... ممكن يلا نجهز شنطنا عشان نمشي، وحشوني إخواني، مع إني متوقعه رد فعلهم من أخر مرة بس هايفضلوا اخواتي


مراد... ربنا يخليكي لينا ياروحي


أما على مقربة منهم هذه التي تتصنت على حديثهم

بغضب ومكر.... أوعدك إني هحطملك الثقة دي وغرورك وهحطمك كليا، أنا مصدقت إني لقيته، هسيبه يروح مني بالسهولة دي؟ وزي مانتوا رجعين مصر أنا راجعه أنا كمان متقلقش عليا أنا وراكم لحد ماخد اللي انا عاوزاه


....... 🌸........ 🌸.......... 🌸.......... 🌸....... 🌸 


يقف الصحفيون في الخارج حول المستشفى يريدون الدخول والأمن يمنعهم بصعوبه 


الممرضة... إلحقني يادكتور الصحافة مالية المكان برا وعاوزين يدخلوا 

منير.... هي إييه الهرجلة دي؟ إزاي؟ مين كلم الصحافة؟ 

الممرضة... مش عارفة بس تقريبا كدا فيه فيديو متسرب للدكتور صالح وهو بيضرب مدام لمار 

صالح.... بصدمة.... إييييه؟! ومين كلم الصحافة؟ 

@أنا يادكتور 

صالح إستدار هو وصديقه تجاه الصوت ونظروا بصدمة إليها 

صالح... لمار ؟

إنها لمار وجدها تقف بكل غرور وهيبة 

صالح... أنا مش فاهم حاجة 

أتي صوت أخر من خلفه... أنا بقا هفهمك 

صدمة أخرى........ 🌸 


...... 🌸...... 🌸.....أسماء العمري...... 🌸....... 🌸.

الفصل السادس 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -