حصرياً على موقع المجد للقصص والحكايات
رواية و لقدرنا خطة جديدة
الكاتبه اسماء العمري
الجزاء الثاني من عشقتك باسم القدر
الفصل الثالث
الفصل الثالث
انا عمري ابتدا من الليلادي وياك،،، ولقيت سبب للحياة عشانه أعيش،!
خدني هواه لدنيا تانية وياه،، كل حاجة فيا عايزاه
دانا غيره ماليييييش..... 🌸
اه منها ياني منها
اه لما تحب بجد بعد سنين طوييييلة.........
........ 🌸........ 🌸....... 🌸......... 🌸.......... 🌸
دخلت هاجر غرفة تبديل الملابس وغيرت ملابسها
لكي تفطر هي ومراد ويذهبون الي العمل سويا....
وقفت أمام المرآة تتفقد ملابسها
ولكن هنا بدلا من أن ترى إنعكاسها وجدت شيئا أخر
قبل ثلاث سنوات..... 🌸....... 🌸
انتبهت من شرودها على صوت رنين الهاتف
فتحت الخط فاجئها المتصل
هاجر حرب والدتك اتوفت ومحتاجينك ضروري لازم تعرفي ايه اللي حصل؟
هاجر..... بصدمة... إيه اللي بتقوله دا؟ انت مين؟
الشخص... من سجن القناطر،، لازم حضرتك تيجي
أغلقت هاجر الخط وأخذت أولادها وركبت سيارة أجرة ومنها وبعد عدة ساعات وصلت هاجر إلى السجن
لتتفاجأ بالشرطة تسحبها إلى حيث وضعوا والدتها بالثلاجة حتى يتم تسليمها للدفن..
هاجر... وهي ترى والدتها أمامها لاحول لها ولا قوة
ولكن مأثار دهشتها هو إبتسامتها العذبة التي وجدتها مرسومة على وجهها حتى وهي جسد بلا روح
فعلمت وقتها أنها أنهت حياتها بشئ خيري
هاجر... إيه اللي حصل؟
المأمور... بصي يامدام هاجر ،، أنا هخلي حضرتك تقابلي مسجونة هي هاتحكيلك كل حاجة، وكمان ليكي أمانة معاها لازم تسلمهالك بنفسها
هاجر... أمانة إيه دي؟
المأمور... كل حاجة هاتعرفيها بنفسك دلوقتي..
دخل المأمور ومعه هاجر وعدد من السجانين إلى الساحه الكبيرة التي تتجمع فيها المسجونات سويا
ليرسل سجانا ينادي ياسمين التي تأتي لتستقبل هاجر ببشاشة ..
المأمور... هسيبكم مع بعض انتم
ورحل مع السجانين....
ياسمين... انتي هاجر، مش كدا؟
هاجر.. بحزن... أيوة. ممكن تفهميني إيه اللي حصل بالظبط؟
ياسمين... أنا هقولك كل حاجة بعد توبة والدتك واخر زيارة ليكي معها.... "" ""
انهارت هاجر في البكاء بعد ماسمعت عما حدث لوالدتها
ياسمين... ربنا يصبركم، اتفضلي الورقة دي مامتك سايباها أمانة أسلمهالك ليكي ولأخواتك
كانت هاجر في دوامة من الأفكار التي إجتاحتها فجأة
تتذكر في عقلها كم المشاكل التي مرت بها والتي أصبحت متأكدة أن والدتها وراءها ولكن توبتها ورضاها حتى وهي جثة أصبح شئ غير مفهوم
لكن الواضح جدا الأن أنها لابد أن تسامحها فهي في النهاية أمها وان تنكر هذا حتى لو هي إبنة غير شرعية كل ماهي متأكدة منه الأن أنها تابت عن كل شئ......
لذلك لانحكم على الشخص من أفعاله لأن النهاية تكون غير متوقعه وهذا ماحدث فالكل توقع نهاية مأساوية لوفاء لكن الأن على وجهها دليل الرضا
عادت هاجر إلى المنزل وبدأت إجراءات الدفن ولكن كونها تعلم أن العائلة لن تتقبل الموضوع بسهولة قامت بالإجراءات وحدها...
الساعه تجاوزت الواحدة ليلا
كانوا جالسين كالموتي كل منهم في عالمه ساندي منهارة في تفكيرها ومصممة على موقفها والبقية منهارين للمشاكل التي إنكبت على رؤوسهم ورحيل هاجر للمرة الثالثة هذا مأزاد نكبتهم
حصرياً على موقع المجد للقصص والحكايات رواية و لقدرنا خطة جديدة الكاتبه اسماء العمري الجزاء الثاني من عشقتك باسم القدر الفصل الثالث
ولكن تفاجئوا بها تدخل وهي شاردة حتى بدون الأولاد
هاجر...من بين شرودها... وفاء ماتت بس ماتت أحلى موته.. والرسالة دي لينا هي سايبهالنا.. خدوا
(بناتي هاجر، ساندي، ديا، لمار، ميسون، عارفه صعبة عليكم تسامحوني
بس قبل مآقول أي حاجة فيه شخص لازم أقوله حاجة مدام سوزان
أولا أنا أسفه أنا عارفه غلطي ملوش أسف بس يمكن بقول يمكن تقدري تسامحيني أنا عارفه إن غلطي مفيهوش سماح بس يمكن تقدري تسامحيني انا فعلا كنت أنانية ياريت تسامحيني
أما بناتي ياريت بجد تسامحوني،، كان لازم أكون جنبكم في حياتكم وبدل مأكون سبب سعادتكم، بقيت سبب تعاستكم، سامحوني ياريت
هاجر سامحيني انتي وساندي أكتر اتنين بتمني يسامحوني لإني بجد مش عارفه الغلط اللي حصل زمان دمرلي حياتي قبلكم، كنت فاكرة اني كده بعمل حاجة ليا، بس خلاص أنا فهمت كل حاجة، بس للأسف بعد مالأوان فات بس سامحوني رجاءا
إن قرأتم الرسالة دي يبقى أكيد أنا مش موجودة لإني طلبت من زميلتي توصلهالكم بس وأنا مش موجودة
سامحوني يابنات،، أبوكي ياهاجر أشرف راجل شفته في حياتي والله
بس أنا كنت عاوزه أقولكم حاجة إني حبيت مهاب أوووي وياريت يسامحني هو وحمزة وانتم كمان حاولوا تسامحوني، حاولوا مع اني عارفه انه صعب
بس ممكن وصية ميت، نور أختكم ياريت تحتووها وتخلوها توقف عدوانية مع إنها إتعلمتها مني وأنا بعترف بس حاولوا تحتووها يمكن تحس بالأمان وتبطل يمكن شعور العيلة هو اللي يخليها تتراجع
يارب أشوفكم بخير)
كل منهم دموعهم سالت ترحما عليها لديهم قلب كبير برغم كل مافعلته معهم إستطاعوا مسامحتها وخاصة جدتهم
الجدة... الله يرحمها، وانتي ياهاجر؟ ناوية تعملي ايه؟
هاجر... بحزن وشرود.. قراري زي ماهو، الفرق إني هاسافر بكرة، ماهو معدش ينفع ياتيته قراري مش هيتغير، مكتوب عليا اتغرب واسافر من يوم ماتولدت دا الأحسن لينا
الجدة.... أحسن إيه؟ تقدري تقولي إيه أحسن؟ انتي مفكرة إن إحنا عايشين كويسين من غيرك؟ فوقي ياهاجر، احنا من غيرك ميتين
هاجر... خلاص ياتيته، الموضوع انتهى ياريت بلاش نقاش انا طالعه فوق
ديا... هاجر.! استنى
هاجر...بحسم.... ديا لو سمحتي، انا مش هرجع عن قراري
ديا.... بغضب... إنتي واحدة أنانية، بنقولك حياتنا متعلقه بيكي، إيه مش قادرة تفهمي ولا الغرور عماكي؟ ها.؟ الغرور عماكي لأنك شايفه نفسك مهمة عند ناس كتيير، بس هما غلطانين عشان اتعلقوا بواحدة أنانية..
هاجر... بصدمة... ديا !
ديا... بغضب حاد... إسمي معادش يتنطق على لسانك، اتفضلي اطلعي برا، مش عايزة أشوف وشك ولا ألمحك
هاجر... ديا ! إيه ده؟
ديا... بسخرية... لا والله ايه اللي انا بقوله ده.؟ بقولك انتي كدا كدا ماشية. ومسافر، اطلعي من دلوقتي وللأبد..
هاجر........
لمار... قاطعتهم.بغضب وحزن وشرود .. بس بقا كفاية خناق كفاية بقا كفاية ايه؟ لاحظوا ان احنا منهارين، بس ياهاجر اطلعي برا زي ماقالتلك، انتي فعلا أنانية، تعرفي اني عشان خاطرك انا بإيديا سبت حب حياتي وجوزته لواحدة تانية لإني مكنتش قادرة أفرح واختي مختفيه مش عارفه هي فين، تمام، وكمان رغم انه كان متمسك بيا ومع ذلك أجبرته يتجوز غيري وكل دا بسببك وأنا اللي بدفع تمن ده دلوقتي، وجع
ميسون.. بحزن.. لا يابنات ،انتو ايه اللي بتقولوه ده؟ ليه كدا؟ دي هاجر، هاجر الأنانية اللي كل حاجة بتفضل الوحدة كإن مفيش في حياتها غير أحزانها
جبتلنا النحس، رغم انك كنتي مصدر سعادتنا، بقيتي مصدر تعاستنا، مش عاوزين عيالنا تتعدى منك
كلهم يلومونها ويتهمونها وسط صدمتها وشرود ساندي وصمتها ولم تنطق بحرف واحد
الجدة... بصرامة.... خلصتم ؟؟ يلا ياهاجر اطلعي نامي، عشان طايرتك الله يسامحك
ميسون... لا
ثم أخذت هاجر المصدومة من رد فعل أخواتها وألقتها بالخارج كالحشرة المتطفلة. بكل بروود ولكنها كانت منهارة... كانت هاجر في عالم آخر
وأخيرا إستوعبت ماحدث
وذهبت لأخذ أولادها والرحيل للأبد، هي أنانية لكن هي تعترف لنفسها أنها بالفعل تريد العيش لنفسها
وستعيش فعلا لنفسها وهذا ماسيكون من الأن فصاعدا.....
إنتبهت من شرودها لهذه الشخصية التي أمامها بالمرآة
وسألت دموعها رغما عنها
هاجر.... أنا آسفه أسفه ياتيته، والله أسفه اني سبتكم عارفه ان نادر وساندي اتفرقم وانك فارقتيني للأبد ولمار سافرت وماجد اتوفى
عارفه ان المصايب حصلت بعد مامشيت، بس كان غصب عني والله كان لازم أبعد، بس أنا هحاول أتواصل مع اللي قطعوا علاقاتهم بيا
كانت تحاول أن تكون طبيعيه، حتى لايراها مراد بهذا الضعف
ولكنها أحسن بمن يحتضنها من الخلف بكل حب 😍
مراد... الجميل كل شوية يفكر في الماضي ليه؟ مش قلنا كل حاجة مع الوقت هاتبقي كويسة، بس ربنا يقدم اللي فيه الخير
إبتسمت هاجر بحب... حبيبي كويسة متقلقش، يلا بس عشان نفطر ونلحق الإجتماع
مراد... بحب... إجتماع إيه فكك النهاردة وبعدين ممكن نقضي اليوم سوا وبلاش الإجتماع..
هاجر.... بإبتسامة واسعه... بس بقالك يومين مأجزنا من الشغل والله انت شكلك ناسي
مراد.... بحب... أنا معاكي بنسي الحياة كلها، وبنسي سنيني وأيام عمري، اليوم بيفوت كإنه ثانية وانتي معايا، بس بيفوت كإنه سنين لو انتي بعيدة عني
حصرياً على موقع المجد للقصص والحكايات رواية و لقدرنا خطة جديدة الكاتبه اسماء العمري الجزاء الثاني من عشقتك باسم القدر الفصل الثالث
هاجر... ربنا يخليك ليا يارب، ومايحرمنيش منك ولا من الولاد..
مراد... انا عاوزك كده تبقى حامل، نفسي أشوفك وانتي حامل 🤰
هاجر... بمكر... مراد أنا ممكن أوريك كذا صورة ليا وأنا حامل وكده تشبع نفسك..
ثم تابعت بجدية مصطنعه ومكشوفة...
لكن أكون حامل تاني ممنوع، هاوديهم فين دول؟
مراد... ينظر لها بخبث... ممكن نعملها تاني، وماتخافيش أنا هاربيهم وأكون الدادة بتاعهم متقلقيش قولت إيه؟
هاجر.. تتصنع الجدية... دا بعينك، احمل تاني ووجع دماغ؟
مراد... حبيبي هايعمل كدا، وبكرة تشوفي بس تحملي بس كدة هاتشوفي هاتبقي خايفه اكتر مني..
هاجر... بخجل.. مراد، يلا نفطر
وتركته وخرجت قبل أن تسمع رده ونزلت لتفطر
وهو قد لحق بها وهو يبتسم من قلبه بكل حب 😍 وهو يحمد الله على هذه السعادة وأنه حصل عليها في النهاية... 🌸
...... 🌸....... 🌸........ 🌸........ 🌸....... 🌸...
ياه ياساندي! كل ده مريتي بيه؟ بس إزاي؟ تبقى بعيده عن عيلتك دا كله بسبب غلطة واحد طلعتيه من حياتك؟
ساندي... بشرود... ماكنش فيه حاجة في دماغي وقتها غير اني اسيب البيت وابعد عشان مانهرش
ناظلي... يلا ،يمكن دا من حظي رغم اني فهمتك غلط السنين دي... بس زي مابيقولوا كله في وقته...
ساندي... إنما قوليلي إيه اللي وصلك لجبروتك وبرودك ده؟
ناظلي.... وهي تحاول أن تتوه الموضوع من أجل معاناتها.... مفيش يابنتي قسوة الدنيا زيي زي غيري..
ساندي... بحنان... ماهو مش هسيبك إلا لما تقوليلي
ناظلي... بحب وحزن... يابنتي الحكاية طويلة
ساندي... احنا ورانا ايه نادر وفي مدرسته وهاجر في المدرسة أما جودي في الحضانة ورانا ايه؟ فكك من الشغل متعوض، يعني مفيش حجة
ناظلي... انا كنت متجوزه من راجل و**، يابنتي كان بخيل أووي وعينه زايغه ومابيرحمش ولسانه طويل والواحد كان مستحمله بالعافيه
ساندي... بإستغراب... وايه اللي جوزك ليه طالما هو كده وماتقوليليش حبيتيه، عشان أكيد إنتي عارفاه يعني صفاته
ناظلي... بضعف... حب ايه يابنتي؟ الناس البسيطين اللي زينا مابيكلوش من الحب عيش، أمي الله يسامحها ويغفرلها هي اللي غصبت عليا اتجوزه رغم ان ابويا كان واقف في صفي ورافضه لإنه يهمه مصلحتي..
ساندي... وأمك ليه تعمل كدا؟
ناظلي.... عشان إبن أخوها، وقال ايه بيحبني من وانا صغيرة، امي كانت جبروت انا وابويا مقدرناش نقف في وشها
كل يوم كنت باجيلها مضروبة تعرفي كانت ترد عليا تقوللي إيه؟ تقولي جوزك يضربك زي ماهو عاوز؟ مش حكاية هي
فكرها جبروت والدتها بوفاء التي تخلت عنها وأودعتها في ملجأ بل والمشاكل التي لاقتها في حياتها تضع عليها كافة اللوم لما مرت به من حياتها
ورغم انها علمت نهايتها الجميلة الي انها تمقتها وبشدة
أكملت ناظلي وهي تتابع تعبيرات الغضب على ملامح ساندي... مالك ياساندي ؟أكيد كلامي ضايقك؟ مقولتلك بلاش...
ساندي... بتوهان... لا انا بس سرحت شوية.. كملي
ناظلي... وخلفت منة وأحمد وكنت بستحمل معاملته وكل ده مش عشان ولادي عشان مكدبش عليكي، كنت بستحمل عشان مشفش امي وكلامها البارد
وفعلا رضيت بنفسي رغم اني عرفت انه اتجوز عليا أكتر من مرة بس راضية لحد ماكبرو منة واحمد
وبقوا شباب
احمد اتجوز ومنة اتجوزت والندل ده مصدق امي ماتت وورثني وبعدها طلقني، ماهو ليه حق يورثني حتى من غير جواز ماهو انا بنت مليش اخوات
وده يديله الحق انه يورث معايا وبدل مايورث معايا خد كل حاجة
وسافر حمدت ربنا اني خلصت حتى لو متأخر حتى لو هعيش ايام بسيطة من غيره قلت بقا افرغ نفسي لتربية أحفادي
وهنا لم تتمالك نفسها وانفجرت في البكاء
ساندي... بحنان... اهدي بس
ناظلي... ولادي اتخلوا عني وسابوني، سافروا ورا أبوهم وسابوني لوحدي ولا فكروا فيا سابوا جوايا جرح كبير أوي تعبت ونفسيتي تعبت بالأيام والشهور ومفيش حد جنبي يساعدني، بس تعرفي مين اللي ساعدني منيرة ضرتي، الست اللي مشفتش منها غير كل خير ورغم اني كنت بعاملها وحش زمان واقفة جنبي وماسبتنيش إلا على قبرها
ومن وقتها وانا ضاربة طناش في الدنيا وقررت إني أعيش لنفسي وبس وأخد حقي بدراعي وماتهاونش مع حد وبقيت جامدة في كل حاجة حتى مع نفسي، عشان ماحدش يستغل ضعفي وعشان كده سبت فيصل وجيت هنا إمبابة وبدأت حياتي هنا وعايشة على معاش المطلقات وأديني بسترزق من الإيجار ومن شوية البضاعه بتاع البقالة لحد ماظهرتي وشوفتي بنفسك، طبعا لما جيتي انا صعبتي عليا في البداية بس رجعت نفسي وأقولت تلاقيها عاملة مصيبة وجاية تتواي خفت في الأول وبعدها قولت مش مشكلة أسترها بس لازم أحذر منها، ومتخيلتش انك منهارة ومجروحة بالشكل دا غير النهاردة
ساندي... هي الدنيا كدا معلش اديني مثال اهو
ثم أكملت بمرح حتى تغير جو الكآبة... وان كان على ولادك اني بنتك ولايهمك تضربي تهزئي، المهم اني بنتك من هنا ورايح
احتضنتها ناظلي بحب وحنان لأول مرة كأنها تسترجع حنان ابنتها وكأن كل هذه السنوات لم تمر ولم يحدث ماحدث
سندي.... جرا إيه بقا؟ مش هنفطر ولا إيه؟ جر إيه يازوزو أوكي شغلي شوية أغاني كدا خلينا نفرفش ونستعد العيد كمان شهر إيه مش واخدة بالك ولا إيه؟
يعني إحنا في ٢٠٢١ ومش هانحتفل بالعيد بسبب الكآبة تظ في الكآبة أمال إحنا مصريين إزاي؟ لا ماهو احنا مخدناش لقب مصريين من فراغ، قومي بلاها نكد ودراما ملعون أبو النكد اللي ينسى الواحد الحياة
ضحكت ناظلي من قلبها على ساندي لأول مراها تراها هكذا
فعلا فهي لم تسمح لهذا الجانب ان يظهر يسبب معاملتها لكن اليوم هو عبارة عن نقطة ومن بداية سطر جديد بل من بداية ورقة جديدة
ناظلي... بمرح... هانضف قبل العيد بشهر؟ دا لسه مش شهر بقا دا شهر و٥ أيام
ساندي.... مش فارقة يازوزو، يلا قومي عاوزين نفرفش وننزل السوق وانا هانعنشك
ناظلي.... عاوزه أشوف...
ساندي... يلا بس دا الولاد هاينبسطوا لما يرجعوا ويشوفونا سمنة على عسل
🌸...... 🌸...... 🌸........ 🌸....... 🌸....... 🌸
🌸..... في قصر حرب الجديد....🌸
تستيقظ بإرتياح كعادتها لتدخل الحمام وتأخذ حماما منعشا وتخرج وتضع بعض مساحيق الترطيب على جسدها كحماية لها
نزلت إلى الأسفل بإبتسامتها المعهوده وتقوم بعمل روتينها اليومي
وتقف أمام صورة مجمعه للفتيات الخمس ونادر والجدة
وترفع رأسها بشموخ.... 🌸
صباح الخير! إيه مالكم مبسوطين كدا ليه؟ دي مجرد صورة 🖼 لكن في الحقيقة إنتم ميتين
وبسببي أنا إتدمرتم، شفتم دا كان وعدي ليكم إني أدمركم وأنا أهو دمرتكم ووقعتم وبقيت انا رقم واحد
أنا نور ماهر وريتكم إيه يعني دمار، خلاص أنا بقيت مبسوطة
كانت تتكلم ووجها يحكي عن إنتصاراتها
نور... بشر... موت سوزان، وموت ماجد، وتعاسة لمار
دا بمعنى الكلمة إنتصاري وإنتقامي منكم
بس للأسف ياخسارة فيه واحدة لسه؟ واحدة منهم بل ماتكون تعيسة زي عيلتها تعتبر أسعد واحدة لإنها بعيدة، بس على مين؟ أنا نور أوعدك ياهاجر زي مادمرت عيلتك؟ هادمرك وأبقى كدا أخدت حقي من عيلة حرب ومنك انتي شخصيا زي مأخدتي خالد زمان وإنتي عارفه إني بحبه
وقفت تستند على إحدى الأرائك بشر وهي تتذكر هذا اليوم الذي علمت فيه أنا خالد سيتزوج
فلاش بااااك...
ميار... إيه يانور مابتجيش المدرسة ليه؟ يابنتي دا أحداث كتييرة حصلت
ثم غمزت لها بخبث
نور... بدهشة... أحداث إيه يابنتي؟
ميار.... بلاش لاتقولي عليا بوقع بينك وبين إصحابك
نور... وقد أدركت أن هناك خطب ما... انتي عارفه انك صحبتي... وبعدين إحنا في ثانوي مش عيال صغيرة كلها سنة وندخل جامعه اتنيلي اتكلمي
ميار... بخبث... طيب ،إبن الجيران خالد سمير دكتور الجامعه خطب...
نور.... بصدمة.... خطب؟ انتي بتهزري؟ يابنتي احنا جيران أكيد هعرف... بس استنى، انا كنت في اسكندرية، بس حتة وانا برة كان زماني عرفت
ميار... وأديكي عرفتي، خطب واحدة من الجامعه اللي بيشتغل فيها وواحدة ايه بنت أكابر
نور... بحقد ....اسمها ايه؟
ميار... مش فاكرة بس خشي على صفحته وانتي تعرفي...
قامت بفحص السوشيال ميديا وكانت أشد صدمتها لقد علمت ان هاجر هي خطيبته بل وأعلن انها حب عمره
رحلت نور بلا كلمة وتوجهت الي كلية الإقتصاد والعلوم السياسية
وقفت تسأل عدد من الطلبة عن هذه الفتاة فأدلوها عليها
ذهبت إليها في قمة الغضب والحقد...
نور... بغضب... انتي هاجر؟
هاجر... أيوة؟ مين حضرتك؟
نور... بخبث... مبرووك
هاجر... ببراءة... الله يبارك فيكي
نور... هو انتي اتخطبتي انتي ودكتور خالد بالسرعه دي؟ بس انا اسمع انك محترمة ومش بتصاحبي، ازاي بقا كنتي مصاحبة دكتورك
هاجر... بصدمة... أصاحب ؟انتي واحدة مش محترمة وقبل ماكنتي تيجي هنا تسألي من هي هاجر حرب
نور.... بخبث... مانا سإلت.. وعرفت واللي شفته بيدل ان هاجر حرب اسم وبس
قامت هاجر بصفعها بقوة من هذا الكلام.. من تلك التي تتجرأ، طعني في أخلاقي
هاجر... انتي ازاي تتجرإي؟
نور... بغل... وانتي بتتجرأي وتضربيني؟
هاجر... وانا مسمحش لمخلوق خلقه ربنا أيا كان مين إنه يمس إسمي وإسم عيلتي فاهمة؟
سمعت صوتا من خلفها تعرفه جيدا
خالد... نور ! انتي بتعملي ايه هنا؟
نور... بحب وهيام... خالد ! انا سمعت انك خطبت
ثم أكملت كلامها تنظر بإحتقار لهاجر... وسمعت ان خطيبتك هاجر حرب
خالد... اه مش تقولي مبرووك
نور... بتقولها في وشي؟ وانا اللي بحبك؟
خالد... حب ايه يابنتي؟ انتي هبلة؟ انتي لسه مراهقه وبعدين انتي عارفه اني بعاملك زي أختي بالظبط، حد قالك حبيتك؟ انا بحب هاجر من أول يوم شفتها وشفت أخلاقها فيه
نور... بغل .... دا أكيد قناع عشان تخدعك... رسمالك وش البراءة عشان تتخدع، مهو الأغنية اللي زيها مانستبعدش عنهم حاجة زي دي....
خالد... حدودك يانور أقفي عندها، بدل ورحمة أبوكي اللي بعتبره زي أبويا مش هايطلع عليكي شمس
نور.... بغضب.... انت بتهددني ياخالد؟
خالد... اعتبريها زي ماتعتبريها، المهم خللي بالك من كلامك ومراتى خط أحمر
نور.... بصدمة.... مراتك؟
خالد... أيوة، كتبنا الكتاب إمبارح والفرح قريب، خليكي هادية وإتعاملي معاها بأدب وإر٠عي تاني في مقام أختي أحسن..
نور... بغضب وغل... ورحمة بابا ياخالد ماهنيك عليها وخليك فاكر
بااااااك
نور... بغل... لازم أصفي القديم بقا ياهاجر جه وقته
استنى دمارك قريب أووي أوووي
واستدارت وهي تنوي على كل شر وفي بالها خطة للإيقاع بهاجر وتدميرها
..... 🌸....... 🌸........ 🌸......... 🌸......... 🌸...
في مجموعة شركات عائلة حرب....🌸
دخل نادر بهيبة قوية كعادته وبوجه متجهم وصلب فمنذ رحيلها ورحيل عائلته وهو لايمزح وتركته الروح المرنة وحل محلها الروح الصلبة الجامدة
جلس على مكتبه شاردًا يفكر بها وكيف لايفكر بها وهو ينتظرها منذ الطفولة وعندما حصل عليها تتركه؟
هذا ليس عدلا، ولكن القدر عادلا حقا فهذه الحياة ليست تعطينا كل شئ إن أعطتنا شئ تأخد مقابله ألف شئ
ولكن إن أخذت منك كل شئ فهذا يكون إختبار القدر
لن تأخذ كل شئ دفعة واحدة...
تعالوا نبرهن ذلك... 🌸
عندما ندرس في المدارس والجامعات نظل سنة دراسية كاملة ندرس ونحفظ ولكن لماذا؟ سنظل هكذا؟ لابد من إختبار لما درسناه وحفظناه حتى نعرف مستوى حفظنا ونسبة التخزين لهذه المعلومات طيلة السنة وكل منا حسب نسبته
هكذا هي الحياة لابد من إختبار القدر لنا كي يرى مدى صبرنا في هذه الحياة.... 🌸
ترك حاضره وشرد في ماضيه وتذكر ذلك اليوم الذي ينعته بالمشؤوم حينما عاد ليفسر ماحدث لساندي
فلاش باااااك..... 🌸
عاد إلى المنزل وقلبه غير مطمئن لغضب ساندي
نادر.... ساندي! ممكن نتكلم شوية؟
ساندي... إمشي إطلع برا من حياتي، مش عاوزه أشوف وشك ياخاين ياغشاش، بتخدعني، وكنت هخسر أختي بسبب حبي الأعمى ليك، وبسببك وبسبب غبائي أختي سافرت، شفت بقا، هاجر هاتسيب البيت عشان أنا مكنتش واثقة فيها، هاجر تعبت مننا لأنها مش لاقيه الراحه، اليوم اللي رجعت فيه والمفروض انها تلاقينا مستنينها بحب، للأسف كسرنا نفسها ومسافرة، وكل دا ليه؟ بسبب فهمتها غلط وانها عاوزه توقع بيني وبينك
نادر... أرجوكي إسمعيني،أنا هفهمك كل حاجة، والله هي اللي خطفتني وأجبرتني إني أتجوزها..
ساندي... بصدمة... تجوزها ؟يعني متجوزها؟ انت النهاردة أثبتلي إن إختياري غلط في المرتين، المرة الأولانيه،كنت مغصوبة والتانية كانت بإختياري، شابوه ليك 👏👏برافو عليك تستاهل سقفه 👏
نادر إمشي إطلع برا ومش عاوزه أشوف وشك
نادر.... بغضب من تجاهلها وعدم إعطائه فرصه للحديث.... أنا مش طالع برا دا بيتي، اللي عاوز يطلع يطلع، وياريت مشفش وشك ولاتقربي من ولادي فاهمة؟
ساندي... بصدمة وترقرقت الدموع في عيونها ولم تستطع الحديث
هكذا هي الأنثي تعاند وتطلب طلاقها من دون حتى أن تنتظر مبرره وليس المعنى من ذلك بكل بنات حوا لا فالمعظم هو هكذا إلا من رحم ربي
ولكن في حكم الأغلبية تكون هذه هي الأنثي
لم تعطيه فرصه ليشرح لها كامل الموضوع وكيف أوقعته تلك الخبيثة وهذا مأغضبه فهذا رجل إبن أدم
لم يتحمل رجولة نادر وكبرياؤه كلام ساندي وعدم صبرها أو حتى رفضها لتستمع تبريراته، فصبره نفذ من تلك الأنثي العنيدة، لكن لنحسم الأمر قليلا
فهي قد رأت رجلها وحبها مع إمرأة أخرى بدون معرفة نوعية العلاقة وقبل هذا كيف لها أن تتحمل من أغرق قلبها بالحب وهي تراه هكذا؟
ولكن إنتصر غرور إبن أدم على حبه وعشقه أي إنتصر عقله على قلبه في تلك اللحظة وتحول من قيس العاشق إلى أسد كاسر
بدلا من أن يخرج ليهدأ ويتركها كي تهدأ لا بل أضاف على النار بنزينا لتشتعل الحرب بينهم وينتهي الأمر بغروره وطردها من المنزل بل وحرمها من أخذ أطفالها حتى نادر الصغير
لكن هنا هدأت هي ولم تجادله وتركته حتى خرج وأخذت أولادها ورحلت
هنا هذه هي الأنثي عندما تفكر وسط غضبها
كان يعلم أنها ستفعل شيئا هكذا وعندما فكر بروية
وأخذ يفكر في خطئه رغم أنها مخطئة هي الأخرى لكن هذا لايمنع أن يكون هو المخطئ
فعاد لكي يوقفها بعد نصف ساعه من شجارهم ولكن رحلت وتركت جرحا عميقا وندما كبيرا بداخله
يريد العوده لها يريدها لم تتمهل وقتا حتى خرجت، ولكن أي وقت هذا وقد طردها مباشرة
ياندمااااه ولكن ماذا يجدي الندم بعد فوات الأوان
باااااك
نزلت دموعه دموع الندم والحسره
ولم يتمالك نفسه حتى إنفجر في بكاء مرير
أخرج محفظته وأخرج صورتها يتأملها
أين أنتي؟ اه لو فقط أعلم أين أنتي؟ وكيف أصبحتي؟ لن أترككي ترحلين ثانية ياعمري،،،،
أين أنتي؟ وكيف أولادنا؟ كيف هم؟
اااااه لو تعلمين كم إشتقت لكي؟ هل إشتقتي لي؟
إنتبه من شروده على صوت السكرتيرة الخاصة
ماجدة.... أستاذ نادر
نادر.... خير ياماجدة؟ فيه إيه؟
ماجدة... حضرتك كنت قلتلي إني أعمل إعلان لقسم الشؤون القانونية عشان أستاذ محسن تقاعد ومحتاجين محامي يمسك مكانه وكمان عشان نشوف القسم ويتجدد وكمان المساعدين الجدد
نادر... اه افتكرت، عملتوا الإعلان؟
ماجدة... بإحترام... اه يافندم وفيه محامي متقدم الوظيفه في القسم من الزمالك وقدم الcv بتاعه
نادر.... فين. ؟
ماجدة.... اهو يافندم..
نادر... طيب سيبيه هنا، واتفضلي وانا هشوفه وبلغك هاتعملي ايه؟
ماجدة... تمام يافندم
وضعت ماجدة الملف من يدها وهمت لتخرج
ولكن وجدت صورة ما لمحتها عن قرب لتقف بصدمة
ماجدة.... مش معقولة؟ نفس الشبه؟
نادر... بإستغراب... هو فيه إيه ياماجدة؟ بتكلمي نفسك؟
ماجدة... بشرود... ابدا يافندم؟ بس هو حضرتك تعرف ساندي؟
نادر... بصدمة... ساندي ؟انتي تعرفيها؟
ماجدة... اه يافندم....
....... 🌸....... 🌸........ 🌸....... 🌸...... 🌸..🌸
Asmaa Elemary 💕..... 🌸
......... 🌸....... 🌸........ 🌸....... 🌸...... 🌸....