المجد للقصص والحكايات
اغتصاب براءه روح
للكاتبه ....Magnona chan
الفصل الثالث والرابع
₩ احنا عايزين نخلى الفرحه فرحتين ونطلب ايد بنتك مريم لابنى كريم
ندى كانت بتتصنت عليهم عشان كانت مستغربه من زيارتهم
سمعت كلامهم واتصدمت بس مقالتش لمريم حاجه
¥ تمام هشوف بنتى و ابلغكم ب ردى رغم انى مش حابك يا كريم
~ انا اسف والله ى عمى على الى عملته المره الى فاتت .. مكنش قصدى حاجه
و باس ايد الاب
الاب اتراجع ل ورا
¥ عيب عليك يبنى مفيش بينا الكلام دا .. خلاص تمام مسامحك
الاب ودع الضيوف و بعدها دخل اوضه مريم وندى
¥يا مريم كريم اخو مصطفى عايزك فالحلال .. فكرى وقوليله ردك
ندى بصت لمريم مستنيه تقول انها رافضه .. هى اصلا مينفعش تقبل حد اختها بتحبه ..
ب ابتسامه+ لا مفيش داعى للتفكير يا بابا بلغهم انى موافقه
ندى بصت لمريم وهى مصدومه
بعدها الاب خرج من الاوضه
ندى قامت من مكانها وضربت مريم بالقلم
بغضب - فهمينى ازاى توافقى !!! انتى ازاى كدا ! وانا الى كنت فاكره اننا اخوات متفاهمين ..
+ اظن انك دلوقتى مخطوبه لواحد غيره وملكيش الحق اساسا انك تقولى اوافق او ارفض
بغضب - انتى انسانه مقرفه يا مريم .. مقرفه
مريم طنشتها ونامت على سريرها
اما ندى خرجت تنام فالصاله وسابت سريرها
طول الليل بتفكر .. ازاى اختها تعمل فيها كدا .. هى كانت مقرره تسيب مصطفى .. معقول كريم اتقدم لمريم عشان الى عملته معاه اخر مره ؟
¥ يلا بقا يا بنات جهزو الاكل و كدا عشان مصطفى و كريم و الحاج عصمت جايين يتغدو عندنا النهارده و ابلغهم بموافقه مريم بالمره
+ هنعمل احسن اكل يا بابا متقلقش
- انا نازله اجيب كتب الجامعه ...
¥ طيب متتأخريش عشان اختك متتدبسش فالاكل وحدها
- حاضر يا بابا ...
ندى لبست ونزلت من بيتها . دى كانت حجه عشان تخرح من البيت . هى لو فضلت كتير مع اختها مريم هتعمل فيها حاجه .. كانت غيرانه جدا و متغاظه منها وفنفس الوقت حاسه بالخذلان .. اختها الى كانت بتأتمنها على كل اسرارها وتحكيلها كل حاجه خذلتها
فضلت تمشى فالشارع وهى مش عارفه تروح فين ..
وقت الغدا جه و الضيوف وصلو
¥ اتفضلو اتفضلو
الاكل عجبهم و كانت كل حاجه تمام ماعدا اختفاء ندى
مريم خرجت تقعد معاهم شويه
= هو فين ندى يا عمى ؟
¥ مش عارف يا مصطفى خرجت تجيب كتب بقالها كذا ساعه
ب استغراب ~ غريبه اصل احنا استلمنا كل الكتب بتوع الترم من شهر كدا .. يا ترى كتاب اى دا
مصطفى قام من مكانه
= انا هنزل ادور عليها اشوفها راحت فين .. خايف يكون جرالها حاجه
¥ شويه وهتيجى يا مصطفى اقعد بس
~ لا يا عمى مصطفى عنده حق غريبه تفضل كذا ساعه برا البيت و تكدب على حضرتك وتقولك انها رايحه تجيب كتب
+ وانت مالك ب ندى يا مصطفى . خايف عليها ؟
الكل اتصدمو من كلام مريم
بتوتر ~ ان...انا بس خايف يكون حصلها حاجه بما انها خطيبه اخويا وكدا وبعتبرها زى اختى
+ اه طبعا اختك 😏
مصطفى استغرب من طريقه كلام مريم
= انا هنزل ادور عليها يا عمى . انتو كملو السهره و ان شاء الله ساعه و هلاقيها
¥تمام براحتك يبنى ..
فعلا مصطفى نزل يدور عليها
كريم كل شويه يبص فالساعه والموبايل على امل ان مصطفى يتصل عليهم ويقول انه لقيها بس محصلش ... عدت ساعه واتنين وتلاته و مصطفى لسا مجاش
الساعه بقت ١٢
¥هو مصطفى اتأخر ليه . معقول لسا ملقهاش ؟ انا بدأت اخاف فعلا
~ اه والله يا عمى الموضوع بقا مخيف .. انا هنزل ادور عليها بردو و اهو اتنين احسن من واحد يمكن اعرف الاقيها
¥ تمام يبنى ..
كريم نزل
بدأ يستعيد بذاكرته اى اكتر اماكن بتحبها
بعدها راح لحديقه عامه وهاديه
و فعلا لقيها هناك
خبط على كتفها
~ سرحانه ف اى
- انت ؟!! عرفت مكانى ازاى
~ سنه ٢٠١٩ شهر ٤ يوم ١ كان فيه حد سألك على صراحه انهى مكان بتروحيه لما تتضايقى و انتى جاوبتى و قولتى الحديقه العامه
- دا كان انت ؟!!
~ اها انا .. اى مضايقك
- ولا حاجه . كنت عايزه افضل لوحدى بس ..
~ على فكره انتى الى بدأتى اللعبه دى .. كان ممكن بكل بساطه ترفضى اخويا من الاول
- دا على اساس انى كنت اعرف انك بتحبنى مثلا ؟!! كنت فاكره ان دا وهم وعمره مهيتحقق و اخوك كان شخص مناسب جدا ليا ف اختارته بالمنطق يمكن احبه مع الوقت . انت بقا طالما بتحبنى مجتش تتقدملى ليه ؟!! مش الى بيحب وحده بيروح يطلب ايدها فالحلال ؟
كريم اتنهد
~ انا already فتحت الموضوع دا مع بابا بدل المرتين تلاته و اربعه وخمسه كمان . كل مره بيقولى هتتجوز ازاى قبل اخوك الكبير .. كان بيقولى لما اخوك مصطفى يخطب ابقا اخطب انت براحتك بعده .. وكمان هو شايفنى طفل و مش هتحمل المسئوليه .. مصطفى جه فيوم و قال انه هيتقدم لبنت بيحبها جدا و كلنا فرحنا .. انا فرحت عشان اخيرا هقدر اجى اتقدملك بس اتصدمت .. اكتشفت ان البنت دى هى انتى ..... اخويا الى عمره م حب او اعجب ب اى واحده حتى . يوم م حب حب البنت الى بحبها .. وقتها انا قررت انى همسح الموضوع من بالى وهتمناله السعاده بس مقدرتش .. حاولت والله ومقدرتش .. كنت بغير لما اشوفه يتكلم معاكى او عنك وكمان شفت عدم رضاكى بالخطوبه دى و دا شجعنى اكتر انى اكلمك
- ياريت كان الكلام دا اتقالى بدرى شويه يا كريم
قامت من مكانها
- يومين وهكون خطيبه اخوك و المفروض احترم دا .. هو شخص طيب ميستاهلش منى انى اكون حقيره معاه .. انت كمان احترم اختى يا اما تبعد خالص عنها
~ غيرانه؟
- لا
~ غيرااانه ؟!
- قلتلك لا
~ اى دا لحظه فيه كلب وراكى استنى متتحركيش
بخوف - بجد؟!!!!
فجأه حضنها
مصطفى جه فنفس اللحظه و شافهم
- مصطفى !!
~ مصطفى !!!
❤️❤️❤️❤️❤️
4
~ فيه كلب وراكى اوعى تتحركى !!
- بجد ؟!!
فجأه حضنها
و فنفس الوقت مصطفى شافهم
- مصطفى !
~ مصطفى !!
اول لما شافهم جرى بسرعه ..
ندى جريت وراه
- استنى يا مصطفى استنى انت فاهم غلط
وقف فمكانه و بصلها
= اى الى فاهمه غلط ؟! يعنى اشوف خطيبتى حاضنه اخويا و تقوليلى فهمت غلط !!
بعياط - انا اسفه بس فعلا هو الى حضنى فجأه .. بص احنا لسا عالبر و ممكن تفسخ خطوبتنا بكرا بس ياريت متقولش لبابا عالسبب الحقيقى ..
عين مصطفى وقتها اتملت بالدموع ومقدرش يمسك دموعه اكتر من كدا
و صرخ فيها وهو بيعيط
= هى دى اخره الى يحب بجد يعنى !! من اول لما اتقدمتلك وانتى كل مره بيبان من تصرفاتك انك مش طيقانى وانا بكدب نفسى و بقول لا اكيد بتخيل او اكيد دا توتر منك .. ليه قبلتى من الاول و اديتينى امل وخليتينى ابنى احلامى معاكى !!!
- اهدى يا مصطفى ...
بعدها مسح دموعه و بص ف عينها
= انتى بتحبى كريم ؟
- ايوه بس صدقنى انا وافقت عليك عشان ادى لنفسى فرصه معاك .. لكن والله مكنش قصدى اجرحك او ائذيك .. هو كان ناوى يقولك انه بيحبنى بس انت سبقته و قلت انك ناوى تخطب بنت . اتفاجئ وقتها انك عايز تخطبنى ..
= عارفه لو كريم كان قالى انه بيحبك قبل م اجى اتقدملك بيوم او حتى بساعه كنت هعمل اى ؟
كنت هشيلك من دماغى ومن قلبى و هروح معاه كمان عشان يتقدملك .. كنت هضحى عشان اخويا و هستحمل و مش هشتكى ولا ابين انى غيران حتى ... لكن هو لما اختار انه يدبر خطط من ورايا و يفضل يحبك ويحاول معاكى حتى و انتى خطيبتى !!
-...
=عموما ... انا هكلم باباكى بكرا وننهى كل حاجه و ربنا يسعدك مع الى بتتمنيه
بعدها مشى وسابها
وندى روحت البيت و طمن باباها ومريم انها جت البيت و انها كانت محتاجه تقعد وحدها شويه
مسكت موبايلها وشافت رساله من كريم
~ انتى كويسه ؟!
- انت ليه هربت وقتها ؟
~ مهربتش انا بس كنت عارف ان مصطفى اكيد متعصب ومتضايق ف قولت اكلمه لما يهدى
- عموما مصطفى هيبعت الرفض لبابا بكرا و يلغى الخطوبه ف لو سمحت مش عايزه اشوف وشك تانى .. انا هبعد خالص عن العيله دى ..
~ نعم !! ازاى يعنى مش عايزه تشوفينى تانى و بعدين بصى للجانب المشرق فالموضوع انك خلصتى من مصطفى .. لما مصطفى يبعت الرفض لباباكى انا كمان هبعتله الرفض عشان اسيب مريم و بعد كام شهر لما الوضع يهدى هاجى اتقدملك
- انا مبقتش طايقاك يا كريم .. انت خلتنى انسانه وحشه و خاينه .. اى حد كان هيحكيلى ان واحده مخطوبه بس بتحب اخو خطيبها كنت هقول انها مش كويسه .. متصورتش انى هكون انسانه وحشه بالشكل دا ف يوم من الايام .. ف لو سمحت ابعد عن عيلتى خالص .. افسخ خطوبتك من مريم عشان انت اصلا استغلتها بردو فالحكايه دى و ابعد خالص انت واخوك
~ مش هبعد
*بعد يومين*
+ يلا يا ندى قومى انتى ناسيه ان خطوبتك النهارده !!
- بس بقا يا مريم بتصحينى ليه سيبينى انام خطوبه اى بس
+ مصطفى رن و قال انه هيعدى عليكى ياخدك للقاعه بعد ساعتين
ندى فاقت وقامت من عالسرير
- نعم !! هو مصطفى مبعتش الرفض لبابا ؟!!! خطوبتى ازاى يعنى النهارده
+ لا مصطفى مبعتش حاجه وبعدين هيبعت الرفض ليه .. يلا يبنتى انتى شكلك كنتى بتحلمى
- طب اخرجى برا عشان هبدأ البس
بحزن+ احنا مش هنتصالح؟!
- لا مش هنتصالح يا مريم غير لما تسيبى كريم . انتى عارفه انه بيستغلك و مع ذلك وافقتى عالخطوبه
مريم خرجت من الاوضه و قفلت الباب جامد
اما ندى ف قامت لبست الفستان واستعدت للخطوبه وهى مستغربه جداا
بعد ساعتين فعلا مصطفى راح ياخدها للقاعه هى ومريم وباباها
ندى كانت مستنيه اى فرصه تتكلم فيها مع مصطفى لوحدهم عشان تسأله ازاى يعنى لسا موافق عالخطوبه بس مجتش اى فرصه
الناس وصلو و الخطوبه بدأت
لبسها الشبكه و بعد كدا قامو يرقصو سلو شويه
بصوت منخفض - انا مستغربه اوى يا مصطفى
ب ابتسامه = ليه ؟
- ازاى مبعتش الرفض ؟ ازاى وافقت عالخطوبه بعد الى شفته
ب ابتسامه اكبر = قلت اديكى فرصه تانيه اصل الى بيحب بيسامح ويدى فرصه تانيه
- بس انا مش عايزه فرصه يا مصطفى .. انا كنت عايزه انهى الى بينا
= بصى مبدأيا كدا كريم بيتسلى ... اخويا وانا عارفه و عارف كمان انك عايزه تفسخى خطوبتنا عشانه
- لا يا مصطفى انا كنت عايزه ابعد عن العيله دى خالص ..
= بالمناسبه فيه مفاجأه
- يا مصطفى احنا بنتكلم ف اى و انت بتقولى مفاجأه !! اسمع كلامى يا مصطفى انت تستاهل واحده تكون بتحبك
فجأه بعد عنها و طلع من جيبه علبه فيها خاتم
= تقبلى تتجوزينى ؟!!
الناس كلها انبهرت .. مشافوش قبل كدا واحد عايز يحول خطوبته لفرح فنفس الوقت
- ...
= المأذون اهو موجود ف القرار يرجع ليكى