القائمة الرئيسية

الصفحات

أخبار القصص

رواية اغتصاب براءه روح الفصل الخامس والسادس



 حصريآ علي موقع 

المجد للقصص والحكايات 

رواية اغتصاب براءه روح 

الفصل الخامس والسادس 

5&6

اغتصاب براءه روح


Magnona chan


فجأه بعد عنها و طلع من جيبه علبه فيها خاتم


= تقبلى تتجوزينى ؟


الناس كلها انبهرت .. اول مره يشوفو واحد بيعرض الجواز على خطيبته فخطوبتهم .. لو وافقت هتتحول الخطوبه لفرح


-...


= المأءون موجود اهو و القرار يرجع ليكى


الناس كانو بيصورو فيديو .. والكل مستنيين رده فعلها


كريم كان واقف من بعيد و بيهز راسه ك علامه انها ترفض يعنى


وباباها كان فرحان جدا ومريم بردو


لو موافقتش هتفضح مصطفى قدام كل الناس دو ومش بعيد الناس الى بيصورو ينزلوه عالنت


- ان...انا موافقه


مصطفى فرح جدا و المأذون بدأ كتب الكتاب


بارك الله بينكما و جمع بينكما على خير


مصطفى حضنها حضن كتب الكتاب


اما كريم كان واقف وهو بيتحرق من غيظه ..


مشى وساب الفرح خالص و راح لبيتهم


والفرح بدأ بعد كتب الكتاب


كان يوم حلو لكل الناس الا ل ندى وكريم .. ندى الى وافقت بس عشان ميبقاش شكل مصطفى وحش قدام الناس و عشان حست انها ظلمته لما شافها هى وكريم ف وافقت كنوع من الاعتذار ..


الاب حضن بنته


¥ هنبعتلك شنطه هدومك بكرا الصبح ان شاء الله


= لا مفيش داعى يا عمى هجيبلها هدوم جديده


ندى مكنتش بتتكلم .. مصدومه ومش مصدقه ال بيحصل حواليها .. هى كانت رايحه الخطوبه وهى مش راضيه عنها اساسا و دلوقتى بقت متجوزه


ركبت العربيه مع مصطفى و باباه


₩ هو فين كريم يا مصطفى


= يمكن تعب و روح الله اعلم


وصلو عند البيت


= بصى يا ندى انا لسا بجهز ف شقتنا ف احنا هنفضل ف شقه بابا لغايه متجهز .. هيكون لينا اوضه فالشقه


₩ عين العقل يبنى هتونسونا انا وكريم


طلعو الشقه و فتحو الباب


كانت كل الانوار شغاله و صوت التلفزيون عالى


الاب اتفاجئ ب كريم واقع عالارض فالمطبخ و معصم ايده كله دم


بصراخ₩ الحق يا مصطفى الحق


مصطقى جرى ناحيه المطبخ


= اى يا بابا اى حصل !!


اتصدم لما شاف كريم


بتوتر = اهدى يا بابا اهدى


شاف نبضه


كان فيه نبض ضعيف


= الحمدلله لسا عايش


شاله و جرى بيه على اقرب مستشفى


اما ندى كانت لسا مصدومه و اتصدمت اكتر لما شافت مصطفى شايل كريم


- اى حصل يعمى !!!


بعياط ₩ كريم شكله حاول ينتحر ... مش فاهم ليه عمل كدا المفروض النهارده فرح اخوه و المفروض يفرح لفرح اخوه ..


₩ انا رايح عالمستشفى مش هقدر استنى فالبيت


-اس...استنى يا عمى خدنى معاك


₩اسف يا بنتى يوم فرحك باظ


- لا لا يعمى مش مشكله


ركبو تاكسى و راحو المستشفى


كان مصطفى مستنى هناك عالكرسى


₩طمنى ي مصطفى


= لسا محدش قالى حاجه ..


بحزن₩ انا نفسى بس اعرف ليه عمل كدا


مصطفى بص ل ندى


= انا كمان مش عارف


= ندى هو انتى جيتى ليه وتعبتى نفسك


بتوتر - مكنتش عايزه اقعد لوحدى فالبيت


مصطفى فنفسه


= طبعا جيتى عشان تطمنى على حبيب القلب


*بعد ساعتين*


الدكتور طمنهم و قاله انهم لحقوه على اخر لحظه وانهم لو كانو اتأخرو خمس دقايق تانيين كان زمانه ميت وقالهم انهم ممكن يشوفوه بعد ساعتين و ياخدوه البيت كمان


الاب حمد بنا و شكره و سجد سجده شكر


اما مصطفى كان طول الوقت بيراقب ندى ..


₩ الحمدلله يارب الحمدلله .. مصطفى احنا لازم نشوف اى مشكلته و لو اضطر الامر نوديه لدكتور نفسى


= لا يا بابا دكتور نفسى اي .. هو بس كان عايز حد يشكيله همومه


بعدها بص ل ندى بخبث


= و مرات اخوه اهى موجوده و هتسمع مشاكله . صح ولا اى يا ندى ؟


بتوتر - ل..لا يا مصطفى الاحسن تشوفله دكتور نفسى فعلا زى م باباك بيقول


بخبث = ليه نشوفله دكتور نفسى وهو عايز بس حد يحكيله ؟ و بعدين يا بابا انت متعرفش اد اى ندى حنينه جدا معاه


₩ ربنا يباركلك يبنتى


ندى سحبت مصطفى من ايده و راحو بعيد عن الاب


- انت عايز توصل ل ايه ؟!! اى التلميحات دى ؟ اتجوزتنى ليه طالما هتفضل تلمح كدا و طالما انك مسامحتش


= هو انا قلت حاجه غلط ؟! بقول ان مراتى هتساعد اخويا فيها اى دى .. انتى بس الى بتفهمى غلط


- مصطفى متستهبلش انا واثقه ان انت كنت بتلمح


مصطفى مسكها من شعرها جامد


= اى متستهبلش دى ؟!! انتى بتتكلمى مع جوزك على فكره ف تتكلمى ب احترام


- سيب شعرى سيبه


= جاوبى الاول على سؤالى .. قلقتى عليه ؟ عشان كدا انتهزتى فرصه ان بابا عايز يجى المستشفى و جيتى معاه بدل متقوليله تستنو فالبيت ؟!!


- سيب شعرى بقولك


= قلتلك جاوبى الاول


- ايوه قلقت عليه


مصطفى ساب شعرها


= انتى عارفه انك دلوقتى ف ذمه راجل صح


- بس متقولش راجل بس


مصطفى اتعصب


= بتقولى اى !!!


بزعيق - الراجل ميقبلش على نفسه انه يتجوز واحده مش بتحبه وبتحب اخوه .. الى يعمل كدا ميبقاش راجل ابدا ويبقا واحد معندهوش كرامه


مصطفى مشى وسابها .. مشى ٦ متر و ندى شافته بيخبط ايده فالحيطه جامد كأنه بيفرغ غضبه من الكلام الى هى قالته .. ضربها فالحيطه كتير لدرجه ان دا جريت عليه


- استنى انت مجنون !! بتعمل اى !


وبعدته عن الحيطه


بضحك هستيرى = اى قلقتى عليا مثلا !! و بعدين انا لازم افرغ غضبى فحاجه بدل م افرغه فيكى و اعمل فيكى عاهه ..


- طيب اهدى شايف ايدك اتعورت جامد ازاى .. استنى هجبلك شاش و قطن و لزق و مطهر استنى


راحت جابتهم


وبدأت تعالج ايده


كانت بيبص عليها وهى بتعالجه


= فيها اى لو كنتى حبيتينى انا ؟


ندى مردتش عليه وكانت مشغوله بمعالجه ايده


حط ايده على وشها ف بعدت عنه


= انتى خايفه منى ؟


- ل.. لا انا بس كنت مركزه ف معالجه ايدك ف اتخضيت


مصطفى قام من مكانه


= عموما كفايه كدا عالجتيها بما فيه الكفايه . اكيد كريم فاق رايح اشوفه


ومشى فالممر عشان يروح لكريم


بعدها وقف و راح لندى تانى


= نسيت صح اسألك . تيجى معايا نشوف حبيب قلبك عامل اى ؟


- مصطفى متبطل تلميحات بقا روح انت انا مش رايحه


= عيب عليكى عيزاه يصحى و ميشوفش البنت الى حاول ينتحر عشانها ؟


- مصطفى كفايه بقا انا مش هقدر اعيش معاك بالشكل دا ...


= لا وكمان هنعيش فنفس الشقه الى فيها بابا لكذا شهر .. هخليكى تتقهرى كل يوم وانتى شايفاه قدامك بس مش قادره تتكلمى معاه عشان بقيتى مرات واحد غيره وهقهره هو كمان لما يشوفك معايا


- يعنى انت كنت بتتحجج لما قلت شقتك مش جاهزه !!!


= ايوه بتحجج .. هو انا الوحيد الى هتعذب فالحكايه دى يعنى ؟!


- مصطفى ... تعالا نسيب الشقه خالص ونروح شقتك او اى شقه ايجار حتى .. نبدأ حياه جديده بعيد عن اخوك


= انا الراجل هنا و انا الى اقرر نفضل فين


مصطفى راح لكريم


= اى يا بطل خوفتنا عليك


~ اسف..


₩ ولا يهمك يبنى المهم انك كويس


~ مصطفى الف مبروك على جوازك .. اسف بس كنت مخنوق شويه ف اضطريت اسيب فرحك


= لا و لا يهمك مش مشكله احنا اصلا محسناش انك مش موجود .. استنى هجبلك مراتى تسلم عليك


* بعد دقيقتين*


- الف سلامه عليك يا كريم ..


~ يلا يا بابا تعالا نروح لشقتنا ..


= استنى انا ومراتى جايين معاكم اصل احنا هنفضل معاكم لغايه لما شقتى تجهز


~ نعم !! طيب متشوفو شقه ايجار احسن


= شايف الكلام الى بيقوله ابنك يا بابا . مش عايز اخوه يفضل معاه


₩ لا يا مصطفى كريم مش قصده هو بس بيقول عشان تفضلو براحتكم وكدا ..


= متقلقش علينا يا كريم


- انا هروح استناكم فالعربيه لغايه متخلصو كلام ..


= تمام يا مراتى


(لو ملاحظين مصطفى لازم يقول مراتى فكل جكله عشان يغيط كريم 😂😂 )


دقيقتين و الكل ركب فالعربيه .. فالاول كريم ركب جنب ندى فالكرسى الى ورا


= يا ندى تعالى اركبى جمبى .. بعد كدا مكانك جمبى دايما و كريم وبابا من ورا


- تمام ..


~ متقلقش يا مصطفى مش هاكلها يعنى 😂😂


وصلو البيت


₩ احنا مأكلناش من امبارح ف هطلب فطار دلوقتى من المطعم وناكل


والاكل وصل بعد كام دقيقه


كلهم قعدو عالسفره عشان ياكلو


= يلا يا بيبى هى المعلقه دى بس


ندى بتدوس على رجل مصطفى عشان يبطل يحرجها


₩ ههههه شايف ي كريم الجواز حلو ازاى


~ اه يا بابا واضح ..


= بقولك صح يا كريم هو احنا مش هنفرح بيك قريب؟ اى رأيك تعمل زيي و تخلى خطوبتك فرح


~ لا انا ومريم مش متفقين وشكلى هسيبها


= عادى نشوف بنت تانيه تتفق معاها .. مفيش ف دفعتك اى بنت عاجباك ؟


كريم بص على ندى


~ لا مفيش


= ندى انتى عندك اصحاب كتير صح .. شوفى واحده منهم لكريم اى رأيك


- ان شاء الله ..


= لا ي ندى بكلمك بجد يعنى لو كريم اتجوز واحده من اصحابك كدا هتكون سلفتك واحده بتحبيها


₩ خلاص يا ولاد كلو من غير كلام .. سيبك انت يا مصطفى من كريم و خلينا فيك .. انا عايز حفيد


= انا عن نفسى معنديش مانع بالعكس دا انا اتمنى . اى رأيك يا ندى


- لا احنا هنأجل الموضوع سنتين عالاقل يا عمى


= ليه يا ندى كدا .. بابا نفسه ف حفيد


ندى بتدوس على رجل مصطفى تانى وجامد المره دى


= ااااه


₩ اى يا مصطفى حصل اى !!


= لا مفيش يا بابا دى نمله قرصتنى


الكل ضحك ماعدا كريم


~ بالهنا ليكم


وقام


بعدها مصطفى و ندى دخلو اوضتهم


= انا هنام عالكنبه و انتى نامى عالسرير


- الى فهمته من كلامك فالمستشفى انك اتحوزتى عشان تنتقم منى و تخلينى ادوق نفس الالم الى حسيت بيه لما شفتنى مع كريم .. المفروض فالحاله دى تقولى انا عالكنبه و انت عالسرير


= ...


- مش لازم ترد انا بقولك بس انك مش هتعرف تنتقم منى عشان انتى اصلا بتحبنى


= طيب نامى عشان انا متصدع


و خلع جاكيت البدله و القميص قدامها


- اييي بتعمل اى !!!


= اى مينفعش اغير قدام مراتى !!


- طب لو سمحت بعد كدا غير فالحمام


قرب منها


= اى رأيك فعضلاتى


- مصطفى ابعد


= قولى رأيك و هبعد


- حلوين يا مصطفى يلا ابعد


بعد


= مش بتيجى غير بالعين الحمرا صح ؟ 😂


- مش كنت عايز تنام يا مصطفى ؟ نام يلا


= انتى هتنامى على كدا بالفستان ؟!


- انت مالك يا مصطفى


= على فكره انا ممكن ابص الناحيه التانيه و غيرى عادى


- يا سلام


= مش هتقدرى تخرجى للحمام عشان هيشكو فينا ف احسنلك تعملى كدا


- لا يا مصطفى هنام بيه يلا تصبح على خير


= براحتك بس هيضايقك

🥰🥰🥰🥰🥰🥰🥰🥰🥰

6

هزته جامد


- وبعدين اى صوت الشخير دا ، كانو مستحملينك ازاى


اخر م زهقت جابت كوبايه ميه و كبتها عليه


قام مخضوض


= اى حصل !!


- الى حصل انى مش عارفه انام من صوت شخيرك


= واعمل اى مثلا ؟


وغمض عينه عشان ينام تانى


- طيب استنى فيه حاجه تانيه


= نعم


بخجل - كان عندك حق مش عارفه انام بالفستان وحاولت افتح السوسته ومعرفتش .. ينفع تساعدنى ؟


فتح عينه وقام و بيفتحلها السوسته


= اى رأيك نلعب لعبه عريس وعروسه


ندى بعدت عنه


- انت قليل الادب وانا غلطانه انى طلبت مساعدتك


= طب خلاص خلاص تعالى هفتحهالك اهو باقى بس جزء صغير


- متفتحها بسرعه وتخلص بتفتحها ببطئ ليه !!!


= طب خلاص يستى انا غلطان انى ساعدتك .. يلا روحى نامى بالفستان


و راح نام عالكنبه و غمض عينه


*بعد دقيقتين *


ندى هزته تانى


- طب خلاص قوم افتحهالى ببطئ حتى المهم تفتحها . الفستان بيضايقنى اوى


= متسمعى الكلام من الاول وتخلصينا اهو ضيعتى ربع ساعه من وقت نومى و عندى شغل بدرى


- شغل ازاى يعنى ! مش المفروض انت عريس وفيه اجازه


= حاضر لما نكون عرسان طبيعيين ابقا اخد اجازه


- شغلك الساعه كام ؟


= بعد ساعتين


- تمام


مصطفى فتحلها السوسته و غمض عينه و كان نايم فخلال ٥ دقايق


اما ندى قامت من السرير و فتحت الدولاب


- اى الانسان الى مش منظم دا


بدأت ترتب الدولاب و اختارت لبس يلبسه فالشغل و كوته و حضرت فطار


* بعد ساعتين*


راحت تصحيه


- قوم يا مصطفى الشغل


المره دى راحت جمب ودانه و اتكلمت بصوت عالى


- الشغل يا مصطفى !!!


قام مخضوض


= يشيخه حرام عليكى فيه حد يصحى حد كدا !!! كدبو عليا و قالولى لما تتجوز مراتك هتصحيك برقه


- انت الى مش بتصحى اعملك اى يعنى نومك تقيل


= ماشى خلاص اهو قمت


- بالمناسبه كويت لبسك و موجود عالسفره فالصاله و الفطار عالسفره


كان خارج من الاوضه ولما سمع كلامها رجع بضهره لعندها تانى


بفرحه =قلتى اى ؟!! كويتيلى اللبس و حضرتيلى الفطار ؟! مش متخيله فرحت اد اى ب اهتمامك دا


و باسها ف خدها


ندى حطت ايدها على خدها مش مصدقه 😂😂


بعدها طلعتله فالصاله


- لو سمحت يعنى متجيش جمبى تانى


= كل كا عشان البوسه يعنى ؟! حاضر يستى هبوسك بوستين المره الجايه


- هسبلك البيت واروح عند بابا لو قربت منى تانى


قرب منها جامد لدرجه انها خبطت فالحيطه


= وهتقوليلهم سبتى بيت جوزك ليه ؟! عشان مش عايزاه يلمسك ؟


- طب ابعد


= هاتى بوسه وابعد


- ابعد يا مصطفى انت اتجننت صح و بعدين احنا فالصاله افرض حد شافنا


= عادى ميشوفو . انا جوزك على فكره مش مغتصب مثلا


- طب ابعد لو سمحت


= قلتلك هاتى بوسه الاول


- طب خلاص خلينا كدا . انت الى هتتأخر عالشغل انا مش خسرانه حاجه


= طب اى رأيك بقا ان الشغل مش فارق معايا اد البوسه ومش هتحرك من مكانى الا لما اخدها


- طب خلاص .. غمض عينك


= اغمضها ليه ؟! يبنتي دى بوسه مش هتموتى يعنى


- دقنك بيشوك ؟


= اها


- طب خلاص اهو انت الى دقنك بيشوك ف ابعد


= مش هبعد . شفايفى مش بتشوك على فكره


- انت قليل الادب و ..


لسا كانت هتكمل كلامها حط صباعه على شفايفها


= طب خلاص اخدتى اعفاء


- ماشى ابعد يلا


قرب منها جامد و باسها


وقتها شافهم كريم و الاب ( ابو كريم ومصطفى)


الاب ضحك


₩ هو انتو مش عندكم اوضه ؟


ندى حريت بسرعه على اوضتهم وقفلت الباب


بضحك = حرم عليك يا بابا كسفتها 😂😂😂


اما كريم فكان غيران جامد جدا و منطقش بكلمه


= اى يا كريم مصدوم كدا ليه 😂


~ لا اتصدم ليه يعنى ..


ونزل من البيت


مصطفى لبس و اتجهز للشغل و كان عايز يدخل اوضته عشان يجيب ساعته من الدرج


= افتحى عايز اخد ساعتى


- لا مش هفتح . شوفلك اوضه تانيه يا قليل الادب يا منحرف


مصطفى ضحك جامد


= بتقولى لجوزك قليل الادب ومنحرف ؟😂😂 طب افتحى اوعدك مش هعمل حاجه هاخد الساعه وهنزل اساسا اتأخرت


- مش هفتح بقولك وبعدين اى الى انت بتعمله دا مش انت متجوزنى عشان تنتقم منى ؟!


= انا نازل خلاص مش مشكله الساعه


سمعت صوت باب الشقه وفتحت باب الاوضه . كانت جعانه ومأكلتش حاجه وعايزه تروح المطبخ تحضر اكل


بس اول مخرجت من الاوضه مصطفى كان مستنى جمب الباب بالظبط وحضنها


دقيقه عدت ببطئ جدا


هى اول مره تلاحظ عينه الاخضر و جمالها .. ولا حواجبه التقيله الى كأنها مرسومه رسم .. و شعره الكثيف


= اى مقولتيش المره دى ابعد يعنى ؟


ندى رجعت للواقع و زقته جامد


- طب والله لاروح لبابا النهارده اى رأيك بقا . لما تتربى ابقا تعالى اعتذرلى و خدنى من هناك و لا اقولك متاخدنيش خالص . طلقنى هاا طلقنى انا هستنى ورقه طلاقى


بضحك = تتطلقى اى على فكره احنا لسا متجوزين امبارح وبعدين هتقوليلهم هتطلقى ليه . عشان جوزك قليل الادب ؟😂😂


ومات على نفسه من الضحك


- بتضحك على اى . على فكره الساعه ١ ونص


= بجد !!! معادى ١ واتأخرت جااامد هيتخصملى كذا يوم بسبب نكتك 😂


- نينيني يلا مع السلامه ابقا نام فالصاله النهارده


= هنشوف الموضوع دا لما ارجع ... باى


دخلت اوضتها و قعدت عالسرير بتفكر هتعمل اى ..


اول لما مصطفى نزل ممرتش نص ساعه و كريم دخل البيت


و خبط على اوضه ندى ومصطفى


- مش هفتح يا مصطفى نسيت اى المره دى !!


~ انا كريم ...


- ايه ؟!!


~ افتحى ثوانى


- عايز اى ؟!


~ افتحى وهتعرفى


قامت وفتحتله الباب


- نعم ؟


~ انتى حالا نسيتينى كدا ؟!


- انا ست متجوزه دلوقتى ومينفعش افكر فيك اصلا


~ بس انتى مش بتحبى مصطفى


- ويعنى عشان مش بحبه اخونه و افضل افكر فيه ؟! فوق يا كريم دا اخوك و انا وانت عارفين كويس ان مصطفى طيب وميستاهلش دا .. دا حتى قالى انه اتجوزنى عشان ينتقم منى و مشفتش منه حاجه وحشه ولا اى مظهر للانتقام اصلا يعنى على الرغم انه عايز ينتقم بس قلبه مش مطاوعه .. انسانى يا كريم و انا هحاول ابدأ حياه جديده مع مصطفى .. انسانى لو سمحت


كريم قرب منها


~ ندى مش هعرف .. انا بحبك


ندى رجعت ل ورا و دخلت الاوضه .. كانت هتقفل الباب بس هو كان اقوى منها و دخل الاوضه و بيقرب منها اكتر واكتر وهى تتراجع ل ورا


- لو سمحت اخرج من الاوضه يا كريم


~ اطلبى الطلاق منه


- مش هطلب منه الطلاق يا كريم .. قلتلك انسانى و انا هحاول ابدأ حياه جديده مع مصطفى


~ انتى مكنتيش بتحبينى من الاول و الا مكنتيش هتقوليلى انساكى .. لو كنت بتحبينى كنتى هتطلبى منه الطلاق و مش هتخليه يلمسك لغايه متطلقو


- كريم اخرج من الاوضه لو سمحت وسبنى فحالى


كريم زنقها عند الحيطه


~ بقولك بحبك


- يا كريم انا متجوزه اخوك اى الى بتعمله دا ابعد


كان قريب منها جدا ب ٢ سم بس


وقتها مصطفى دخل الاوضه .. كان هيقولها انهم زعقوله فالشغل و قالوله يروح عشان يتعلم ازاى ميتأخرش تانى عالشغل


- مصطفى !!!

الفصل التالي


تعليقات