أخر الاخبار

رواية الأم الحياة الفصل 32للكاتبه اسماء ندا

 

حصرين علي موقع المجد للقصص والحكايات الكاتبه اسماء ندا رواية الأم الحياة   فصل ٣٢

حصرين علي موقع المجد للقصص والحكايات 


الكاتبه اسماء ندا



 رواية الأم الحياة 

فصل ٣٢

مفيده ببسمة سخريه / قولى الاول انت تعرفنى من امتى 


هشام / امممم بعد ما رجعت سها من عند عمتها فى القاهره وكان معاها وافى ونهال وقالت انها ولدت هناك وكنت انت معاهم وطلبت منى انك تكونى الداده بتعتهم وانا وافقت 


مفيده ببكاء / لا يا هشام انا اعرفك من ايام الكليه انا كنت اصغر منكم بسنه وكنت باجى احضر معاكم عشان اشوفك بس انت كنت بتحب زينب ومش شايف غيرها وسها ياما حاولت تأذيها وتأذيك بس انا كنت ببوظ دايما مخطتطها بس بس فى سنه 3ليه والدى ووالدتى ماتوا وانا ماليش اهل غيرهم فتركت الكليه واشتغلت فى كام شغلانه كده وبعد كام سنه فجأت بيك انت و سها متزوجين بالحى بتاعى وفى مره قبلتنى سها وكانت متخانقه معاك تقريبا قعدت معايه فى شقتى وفضلت تشتكى منك وبعدين طلبت منى اتجوزك عرفى عشان احمل منك وبعدين تاخد الاطفال وتكتبهم باسمها عشان هى مش بتخلف بس انا موافقتش اتصلت بتليفون بتعها بواحد وشويه وجه دخلته الشقه بعد ما كانت ضربتنى وربتط ايدى وصورتنى معاه وهددتنى انها هتنشر الصور فى الحى وكمان هتخلى واحد من قرايبها ضابط يسجنى لو ما عملت اللى هى قالت عليه رفضت وهى نفذت تهددها وخلت قريبها الضابط يرمينى فى السجن وكل يوم يخلى السجينات يضربونى ويخلينى اخدمهم وبعد اسبوع جت لى السجن وسألتنى هنفذ ولا لا وانا وافقت و............


#####F.B ######

سها تجلس على كرسي بجوار مكتب احد الضباط الذين تعرفهم ثم امر هذا الضابط بأحضار مفيده من الحجز وبالفعل ذهب العسكرى واحضر مفيده ودفعها لتقع اسفل رجل سها فوضعت سها قدمها على رأس مفيده 


سها / شوفتى اللى بيتحدانى اخرته فين يا كلبه 

ها هتعملى اللى قولت عليه وتدينى الطفل ولا تخليكى هنا تمتعى السجينات وكمان هخلى جابر بيه ينقيهم المره الجايه شواذ 


مفيده برعب / لا لا هعمل اللى تامرى بيه بس ابوس ايدك خرجينى من هنا 


سها بضحكه / ههههههه كده احبك اسمعى انتى هتنقلى تعيشى فى شقتى وهيكون مكان نومك المطبخ وكل ليله هتحطى من الدواء اللى هدهولك فى اكل هشام ولما الدواء يعمل مفعوله هخرج انا من اوضة النوم وتدخلى انتى فاهمه 


مفيده / فى الحرام لا ارجوكى بلاش حرام 


سها بتأفف / خلاص خلاص قولت هخليه يمدى على ورقه زوج عرفى وخلاص غير كده لاما ترجعى لل


مفيده / لا لا موافقه بلاش ارجع ابوس رجلك 


سها / خلاص يا جابر شكرا انا هاخده ولو ما سمعت الكلام انت عارف بقى 


جابر / متقلقيش والستات جاهزين 


خرجت سها من القسم وتتبعها مفيده باكيه ركبت السيارة وجعلت مفيده تركب بجانب السائق حتى وصلوا الى الحى وكانوا مساءا 

#########END F.B. ####

هشام / جابر اخو سها من امها الحيوان ضابط المخدرات الفاسد اللى ما حد كان عارف يثبت فساده واتنقل امن الدوله قبل موت ادهم بشهر 


مفيده / موت ادهم امممم اه اه هو جابر ده 


هشام / وبعدين ايه حصل كملى 


مفيده / لما دخلنا شقتكم اللى فى الحى كانت هاديه وشاورت سها لى انى ادخل اقعد فى المطبخ وبعدين راحت فتحت باب بمفتاح بس اول ما الباب اتفتح صوت صراخك ظهر دخلت وقفلت على طول فانكتم صوتك وبعد نص ساعه خرجت وانت كنت ماسك ايديها زى الطفل التايه قاعدت فى الصاله وهى دخلت عندى المطبخ وقالت انى هخرج واكلمك على انى زينب واقولك لازم نتجوز 

#########F. B ######

سها / اسمعينى كويس يا مفيده انا اديت حباية هلوسه لهشام يعنى بكره مش هيفتكر اى حاجه من اللى بتحصل النهارده انتى هتخرجى تكلميه على انك زينب وتقولى له انك موافقه تتجوزيه وانا هحط ورق الزواج العرفى ليه وهو هيمضى وبعدين يا حلوه تاخديه وتدخلوا الاوضه اللى هناك دى وانتى عارفه بقى هتعملى ايه واسمعى كويس امامك اسبوعان تبقى حامل لو ما حصلش هرميكى لجابر وانت عارفه بقى هههههه


مفيده / حاضر حاضر بلاش سي جابر ارجوكى 


خرجت سها لهشام الذى يجلس تائه بعالمه الخاص وابتعدت عنه واشارت لمفيده تقدمت مفيده له وجلست بجواره ومدت يدها امسكت يده لينتبه لها 


هشام / زينب انتى هنا وحشتينى اوى اوى ليه بعيدنا انا هسيب سها بحبك انت 


مفيده / احنا لازم نتزوج يا هشام عشان ارجع لك 


هشام / بس انا مطلقتكيش 


مفيده / بس انا رفعت قضيه واطلقنا تعالى نتجوز تانى انا بحبك وعايزه افضل معاك 


هشام / طيب تعالى نروح للمأذون 


هنا تدخلت سها ووضعت الاوراق امامهم فامسكت مفيده القلم ومضت واعطت الورق لهشام 


هشام / اه ده 


مفيده / ورق زوجنا 


هشام / وليه نتزوج عرفى حببتى ما نروح للمأذون 


مفيده ببكاء / لحد ما نتخلص من سها يا هشام 


هشام / اه طيب ماشي هتخلص منها فى اسرع وقت يا حببتى الواد ادهم وحشنى اوى 


مضى هشام على الاوراق ثم اخذها بحضنه فجزبته ودخلت الحجرة التى كان بها هشام 


##########END. F. B ###########


مفيده / مر 3اسابيع وفعلا بقيت حامل منك ولما اتاكدت من الحمل اخذتنى لشقتى اللى كان واقف تحت حراس تبع البلطجي اسر موظف الحسابات بشركة ابوها وشركتك وبعد فتره قبل ولادتى بكام يوم جات هى واعدت معايه ولما ولدت وافى ونهال اترجتها اعيش جنبهم اربيهم بس ما يعرفوش انى اموهم وفعلا اخدتنى ورجعنا الفيلا وقتها انت شكلك كان اتغير وواضح عاليك انك اتعالجت بس فهمت من تصرفاتك انك مفهمها انك لسه مدمن كنت بشوفك وانت بترمى البرشام كنت بجرى واخده اتخلص منه عشان هى ما تلاحظش كنت مبسوطه اوى انك خفيت وبقيت كويس ومرت السنين وكنت بشوفها بتاخد وافى وتخرج من يوم عيد ميلاده التاسع وهو كان بيختفى بانتظام ولما يرجع الاقى اثار ضرب فى اماكن كتير بجسمه ولما كلمتها قالت لى انى اخذت فلوس ثمنهم ولو ما سكت هترجعنى تانى لجابر او لا هتحذف بنتى فى الاحداث وبعد كده هتبعها فى بيوت الدعاره كنت بشوف عذاب ابنى بعينى وبسكت خايفه على البنت 


هشام / ليه ما قولتي ليه


مفيده بعصبيه / اقولك ايه وانت حتى ما بتسأل هما بيغيبوا فين انت كنت بتعد فى الفيلا اد ايه اصلا اه عرفت انك رجعت لزينب وجايب منها ادهم وبسمه اه كنت متابعه ولادك دول ووالله كنت سعيده لسعادتك بس كنت خايفه من سها ومن جابر ومن اسر انا ماليش حد يحمينى بث لما عرفت انها كلمت جابر عشان يقتل ادهم كان لازم اتصرف روحت لزينب وقولت لها وجريت على القسم الحق ادهم ووقفت اتكلم معاه ضربوه بالنار وقع فى حضنى اخذته للمستشفى وبعد العمليه اتفقت مع الدكتور يقول انه مات ويسلمهم جثه حد ثانى راسه مدمره واديتوا كل الفلوس اللى معايه فى البنك ايامها كانت 500000 مجمعاهم من الفلوس اللى كنت بتدهالى او سها بتدهالى عشان اسكت واخذت ادهم نقلته بيت امى اللى ورثته بعد كام سنه من موتها بعد قضايا سها متعرفش عنه حاجه بس لما رجعت عرفت ان جابر اخد سها وحت جثه محروقه مكانها وانها عايشه باسم لاتنيا باعت كل حاجه وحولتها لفلوس لاسمها الجديد وطبعا ما نسيت جابر حولت له 1000000جنيه بس الحمد لله بعدت عن وافى ونهال وادهم ياحبيبى فضل فى حاله اغماء لسنين وكنت رفضه فكرة فصل الالات عنه خاصة ان جل الاجهزه فى جسمه شغاله حتى العقل بس هو اللى نايم الاطباء قالوا نايم بأردته قسمت الدهب بتاعى بين وافى وادهم وبعتوالجزء بتاع ادهم واهتميت بعلاجه ورعيته الطبيه بس ابوك طرد وافى والواد كان هيموت من البرد كان بهدوم خفيفه ورفض ان امك تفتح له او تخرج معاه قالها هيطلقها لو فكرة تخرج او تساعده انا خرجت واخدته معايه لفندق على ما بعت شقة الحى واشتريت شقه بحى تانى وروحنا عيشنا فيها كمل وافى الكليه ونجح بامتياز كعادته وكان هيتعين معيد ابوك منه لله سلط عليه واحد كانت سها مضيه باسم وافى على وصلات امانه ب50000جنيه عملت قرض من البنك بضمان الشقه اللى فيها ادهم بس اخدت 25000 بس وكان باقى معايه من فلوس ذهب ادهم 10000 واتبقى من المبلغ 15000 وافى معرفش اتصرف منين فى 14000 وراح لجده يطلب منه 1000جنيه بس جده رفض لا وبلغ عنه كمان تخيل الراجل صاحب الوصل اخد الفلوس ومرديش يتنازل عن 1000جنيه وعرفت ان جد وافى هو اللى وصاه على كده تخيل رماه فى السجن وكمان وصى عليه يكون مع عطيل المجرم اللى وافى حكى لجده عنه حبيبى دخل 3اسابيع واللى طلعه فايد بس طلع مدمن مخدرات ومدمن .....


وهنا انهارت مفيده من البكاء وهى تحول تكملت كلمها بتقطيع 


مفيده / فضل يتعالج الكام سنه اللى فاتت حببته وخطيبته تركته واتجوزت اللى ابوها اجبرها عليه وطبعا الجامعه رفضت تعينه لان بقى فى فملفه سابقه وفايد بقى مشكلته دى حكايه لوحدها المهم ان الاثنين عاشوا معايه فايد قال هيعمل شركه خاصه بيهم باع المطعم بتاعه وده اللى كان باقى ليه وانا حطيت الدهب اللى كنت شيلاه لوافى ونسياه خالص الحمد لله ونهال كمان بعتت الذهب بتعها وفتحوا الشركه وبشغلهم كبرت وكبرت وبقى ليها فروع ووافى اشترى المطعم تانى لفايد و كبروه وعملو كمان ليه فروع وفايد بسم الله ماشاء الله شغل زوج نهال ونهال نفسها فى فرع فامريكا بيشتغل حسب تخصص نهال اما ادهم ففاق من كام شهر الحمد لله بس مش فاكر حاجه الدكتور بيقول من تأثير الغيبوبه انا كنت هقول لوافى بس استنيت ادهم يفتكر ويبقى كويس خوفت لو ظهر سها ترجع تظهر وتأذيه بس الحمد لله انت موجود اهو وعايش وفايد ووافى بقوا كبار وهيعرفوا يحموه خاصتا ان فايد ليه قريب بالشرطه واد زى العسل بحبه زيهم والله بكره تتعرف عليه 


هشام / يعنى سها عايشه حياتها وسعيده وانا وولادى ادمرنا واتبهدلنا كله بسبب ابويه هو اللى دخلها حياتى 


مفيده / بس ممكن تكون لعبت عليه برده ما تنساش انها تعرفك من ايام الكليه وبعدين اللى حصل حصل احنا دلوقتى لازم نشوف حل ازاى نضم الاولاد على بعض عشان يحموا ادهم لان ادهم عنده دلائل على جابر وهوحاول يموته عشان كده لو ادهم ظهر ورجعت ذاكرته اكيد هيحاول يقتله تانى 


هشام / نستنى لحد ما فرح وافى يعدى وبعدين نشوف موضوع ادهم بس ..


مفيده / يعنى ايه ادهم مش هيحضر فرح اخواته يعنى مش كفايه ما نعرفش فين بسمه انا فضلت ادور علي زينب وعلى بسمه السنين اللى فاتت وما عرفت اوصلهم 


هشام بحزن / زينب ماتت اما بسمه فاتجوزت وشغاله فى شركة وافى وهو اتعرف عليها وكمان سكنها بفيلا كتبها باسمها وحاتط حراسه حواليها خايف عليها زى ما خايف على نهال بالضبط 


وقبل ان تجيب مفيده انتبهوا لصوت نهال تصرخ فى وافى ووافى يضحك بصوت عالى 


خرجت مفيده بسرعه لتجد وافى يقف اسفل السلم ونهال تقف فى نصف السلم جسدها متغرق بالماء ويتساقط 


نهال / انت اتجنيت يا زفت انت ليه عملت كده 


وافى / فى هههه واحده ههههه تنام وحطه فى واذنها قطن بقالى نص ساعه بناديكى عايز اعرفك حاجه مش راضيه تصحى اعمل ايه 


نهال / تقوم تشالنى تحطنى تحت الدش فى البرد ده والمايه ثلج على الله السبب يكون مقنع عايز ايه يا زفت البركه 


وافى / لا لا ما دام بتشتمى مش هقولك حاجه روحى نامى 


نهال / لا والله شايفه يا ماما شاهد يا بابا 


هشام / شاهد عارفه انا هتصل ببسمه تيجى تضربهولك 


وافى / فتشت السر يا حج 


نهال / هى خطبته اسمه بسمه ولا رنا ما تثبتوا 


وافى / هبله وما فهمتش روحى نامى يا نهال روحى يا عبيطه 


مفيده / عيب عليك يا وافى وهى هتعرف منين يعنى بسمه تبقى اختك يا حببتى من بابا وهى اصغر منك 


نهال اشارت بيدها على صدرها / انا انا ليه اخت 


وافى / مش بقول هبله 


دق جرز باب الفيلا ليصيح وافى 


وافى / انزلى افتحى لاختك يا هبله انا بعت جبتها ولا اقولك اطلعى وهبعتهالك زوجها معاها 


نهال /جوزها اععععععع 


وطلعت جرى لحجرتها ضرب فايد يد على يد وضحك وذهب ليفتح باب الفيلا الداخلى لتدخل بسمه تحمل طفل بسن سنه على يده ويوسف يحمل فتاه بنفس السن 


وافى / نهار اسوح ده انا سايبكم من كام يوم لوحدكوا 


بسمه وضعت الولد بيد وافى / يا اهبل دول ولادى وكانو مع حماتى لحد ما احضر الفرح وارجع 


وافى / ومش باين عليكى يا اوزعه و2


يوسف وضع الفتاه على زراع وافى الاخر 


يوسف / شيل يا خالوا شيل 


وافى / طب اطلعى لنهال فوق بتغير عشان غرقتها 


بسمه / غرقتها 


وافى / مش عايزه تصحى 


فايد من اعلى السلم / هو البيت ده خلاص الواحد مش هينام فيه صح وايه اللى انت شايله ده يا واد 

نهار اسوح انا دخلت الاوضه نص ساعه بس اطلع اطلع هات البت 


صعدت بسمه لنهال واخذ فايد الطفله وجلس على السلم يلعب بيها ويضحك وجلس امامه وافى يلعب بالولد وصوت ضحكاتهم ملأ المكان 


ابتسمت مفيده بهمس لهشام / اول مره اشوف فايد بيضحك كده عارف ان ليه اخوات من ابوه وبعد ما اتسجن اتبروا منه واتخلوا عنه بس لما اغتنى تانى وحاولوا يرجعوا يكلموا ه بس هو رفض حتى يقابلهم بس بيساعدهم من بعيد لبعيد 


دقت بسمه باب الحجره على نهال لتسمع صوتها يسمح بالدخول 


نهال / انت لسه هتخبطى ادخلى


حضنتها بسمه بضحكه وبادلتها نهال بسعاده كبيره 


بسمه / انتى حلوه اوى 


نهال / لا انتى احلى اعدى بقى وقولى لى انت عندك كام سنه ومتجوزه من اد ايه 


بسمه / ههههههه انا عندى 25 ومتجوزه من سنتين وعندى تؤم هشام و زينب وانت بقى 


نهال بحزن / انا ياستى 30 متجوزه من وانا 20 كده عن حب بس بس حصلت لى حدثه بسبب امى واتشال الرحم بامر منها بس زوجى اتمسك بيه ورفض انه يسبنى او حتى يتجوز واحده تانيه وقال ان لاما نتبنى او نربى ولاد وافى ههههه ووافى ما كان عايز يتجوز ابدا 


بسمه / متزعليش اهو ربنا عوضك بولادى مهما ولادك برده انتى اختى الكبيره لحد ما وافى يجيب 


نهال ببسمه صافيه / امال هما فين انتى جايه من غيرهم 


بسمه / لا بس مع وافى تحت تعالى نزل لهم 


نزلت بسمه ونهال ولكن عندما وصلوا للرسبشان (غرفة المعيشه ) وجدوا وافى وفايد نايمين على الارض والاطفال نايمين فى حضنهم اما يوسف وهشام ومفيده قاعدين على الكراسي يتحدثون بصوت منخفض 


نهال / امممم استنى هاخد صوره وبعدين شيلى الاطفال خمسه هنتقم 


بسمه / هههه من مين فيهم 


نهال رفعت ايديها بصباعان / الاثنين 


اخذت صوره بهاتفها ثم حمل يوسف طفل وحملت بسمه طفل ووقفت نهال بمنتصف بين وافى وفايد ممسكه بيديها زجاجتان ماء ثم قلتهم عليهم ولكن فايد كان منتبه ففر هاربا وتفادى الماء اما وافى فقفذ يصرخ 


وافى / بغرق بغرف يافايد همو...... .. اه يابنت ابوكى 


وهم ليهجم عليها ولكن كانت بسمه اعطت زينب لهشام وقفذت على ضهر وافى وهى تضحك 


بسمه / واحده بواحده وانت اللى بدأت ملكش دعوه بيها 


وافى / يوسف خد مراتك بدل ماعمل فيها اللى هعمله فى نهال 


جريت نهال خلف فايد 


فايد / ولا تقدر تهوب منها 


وافى / ماهى كانت هتغرقك انت كمان بدافع عنها 


فايد / مستخبيه ورايه لازم ادافع وهحسبها بعدين 


نهال / حبيبى يا فوده ده انا نونه هتحسبنى 


فايد / عشان فوده دى سماح 


وافى وهو يضع يده على كتف بسمه / ضحكت عليه بكلمه 


بسمه / ولا تزعل يا فوفه انت حبيبى انا 


وافى / لا نصحه عايزه يوسف يضربنى يا بت صح 


يوسف / لا سماح ما طلعت اخوها اينعم عايز بس اكسر زراعك اللى هناك دى واقطع لسانها بس اعمل ايه اخوها الكبير هسكت 


هشام بهمس / ههههههههه يلا منك له ليها له على اوضكوا عايز انام يا وش دى حتى مفيده نامت وهى قاعده 


التفت الجميع ليروا مفيده رأسها منخفض وصوت نفسها منتظم ليضحك الجميع بصوت منخفض ويتقدم وافى بجوارها مقبل رأسها بحنان 


وافى / امى امى يلا تعالى نروح اوضتك تنامى 


مفيده بنعاس / لا لسه اخوك ما رجعش هستنا يمكن يكون جعان وعايز يتعشى 


فايد بضحك / انا رجعت واتعشيت يا ماما يلا على الاوضه 


مفيده / طيب يا حبيبى هعمل مكالمه وانام خخخخخخ


هشام / مفيده قومى كملى المكلمه على السرير عشان ظهرك هيوجعك كده 


نهضت مفيده مستنده على وافى وواضعه رأسها عليه وتمشي بكسل فهى بالفعل نائمه ولكنها فجأه توقفت و اخرجت بيدها الاخرى الهاتف وكأن يدها تفعل الروتييين اليومى لها وضربت رقم ورفعت الهاتف لاذنها حتى جاء الصوت من الجهه الاخرى 


الصوت / صاحيه ليه يا ماما لحد دلوقتى هو لسه وافى وفايد مرجعوش 


مفيده / رجعوا اهم يا حبيبى انت اتعشيت و خلاصت شغلك على البتاع ده الاب توب 


الصوت / ههههه ونمت كمان يا حببتى يلا بقى انت كمان نامى عشان ما تتعبيش بس ما تنسيش بكره اليوم بتاعى انا كمان لى حق اكون معاكى شويه 


مفيده / طبعا يا حبيبى بس بكره هيتجمعوا عشان يرتبوا جوازت الثلاثه 


الصوت / وافى وفايد ومين الثالث ده 


اخذ فايد الهاتف من مفيده وهو يهمس / خلاص هو نام اطلعى نامى ياماما 


مفيده/ بجد نام من غير ما يقولى تصبحى على جنه ذى كل مره 


الصوت بضحكه / حط الفون على وذنها يا فايد وبعدين نتكلم سوى 


وضع فايد الفون على اذن مفيده 


الصوت / تصبحى على جنة ادهم يا روح ادهم 


مفيده / تصبح على خير يا بنى 


تحركت مفيده وهى ممسكه بوافى الى حجرتها لتكمل نومها فقد انهكت هذا اليوم حقا 


امسك فايد التليفون وجلس بحجرة المكتب بعد ان ترك الجميع وكان هشام يتتبعه ولكن ببطأ 


فايد / طيب اللى فهمته انك اين ماما مفيده ودى اول مره اعرف انها ليه ابن كنت فين السنين اللى فاتت وليه مخبياك عنا


ادهم / اولا مساء الخير يا فايد ثانيا انا كنت بغيبوبه ولسه فايق ومش فاكر انا مين او هى مين بس هى قالت انها امى وانك انت ووافى ونهال اخواتى بس فى حد عايز يقتلنى وهو اللى كان السبب ان احنا منعرفش بعض من زمان وهى خبتنى هنا وغيرت اسمى بعد ما فهمت الجميع انى ميت والدكتور قال مسألت وقت وذاكرتى هترجع لانه فقدان مؤقت ففضلت ماتعرفش عليكم لحد ما افتكر كل حاجه 


فايد / يا سلام طب ما تبقى قى وسطنا ده هيساعدك تفتكر اسرع 


ادهم / مهى بتقول ان فى حد عايز يقتلنى يعنى لو ظهرت فى وسطكوا يمكن يكون خطر عليكم وانا بصراحه مش عايز اوجع ماما مفيده انا عارف بتحبكم اذاى وشوفت اد ايه هى حنينه وطيبه معايه رغم ان قلبر بيقول انها مش امى الحقيقيه بس ما قدرش اجرحها دى هى اللى بترعينى من سنين زى ما الدكتور قالى 


فايد / امممممممم بس برده لا ما ينفعش تكون بعيد عنا كده هقولك هات العنوان وهبعت لك عربيه مقفوله تدخلك لحد جوه الفيلا وكده ما حد هيشوفك تكون وسطينا لحد ما ذاكرتك ترجع ونعرف مين اللى عايز يقتلك ده 


ادهم / بس 


فايد / ما بس ولا حاجه مهو ماما مش هتفضل مقسومه بينا وبينك كده حرام يعنى تتألم وهى فى السن ده ولا ايه 


ادهم / صح انا معاك فى دى طيب اكتب (.............) 


فايد / حلو الساعه دلوقتى 11مساءا اقولك اجهز انت وانا جاى لك بنفسي واهو تكون مفجأه ليها الصبح يا انت اسمك ايه 


ادهم / هههههههه ماما مفيده بتقول لى ادهم 


كان وافى وهشام دخلا الحجرة وجلسا يستمعان لفايد الذى كان وضع التليفون على المكبر 


وافى / ادهم ادهم انت عايش بجد 


ادهم / اكيد ده صوت وافى انت تعرفنى يا وافى امال ماما مفيده قالت انكم متعرفونيش ليه 


وافى / انا لسه عارف عنك من بابا لما رجع وماما مفيده ما تعرفش انى عارف 


ادهم / هو بابا رجع اذاى هو مش مات 


وافى / لالا ما كانش هو اللى مات ده السواق هو فقد الذاكره السنين اللى فاتت ولسه راجعاله من كام شهر كده 


فايد / احنا هنقضيها كلام فى الفون هاجى اجيبك ونتكلم كلنا هنا يمكن ذاكرتك ترجعلك انت كمان يلا ساعه بالكتير وهكون عندك انا وافى 


ادهم / تمام سلام 


اغلق فايد التليفون وهو يتنهد / العايله كبرت يا وافى انا بجد سعيد 


وافى / الحمد لله اننا مع بعض يا فايد والحمد لله سها ماتت 


هشام / روح استنى فايد فى العرييه يا وافى هقول كلمه ليه وبعدين هيحصلك 


وافى بدرامه / من ورايه يا هشوم 


هشام / اجرى ياض كلام ابهات ملكش دعوه 


خرج وافى وهو يضحك فلتفت هشام لفايد 


هشام / فايد خلى بالك حد يشوفه احسن سها عايشه ومستخبيه عند جابر الحاتى اخوها من امها وده ظابط وسخ وهو اللى عايز يقتل ادهم 


فايد سقط جالسا على الكرسي كأن اعصار ضربه 


فايد / جابر الحاتى تانى 

################################


مفجأت ( جابر & فايد ) 


البارت الجاى اخر بارت بالجزء الاول وهيكون فرح الثلاثى 

فايد و سليا 

وافى ورنا 

سامح ونور 

بحضور ادهم و هشام 


البارت الاخير بعنوان انتهاء كارثى

الفصل التالي

تعليقات