القائمة الرئيسية

الصفحات

أخبار



حصرين ع موقع المجد للقصص والحكايات الكاتبه اسماء ندا 

رواية الأم الحياة 

الفصل 19و20و21

واكتشفت ان شريكه كاتب نصيبه باسم بنته سها وانه نصب على والدى ومضاه على ورق انى لو ما اتجوزت بنته فى تاريخ (-------) هيتنقل نصيب والدى باسم سها دى كمان مقابل مبلغ مالى كان قد اعطاه لوالدى سابقا يومها قابلت سها فى مكتب بابا 

#####F.B######

هشام / انتى عارفه بموضوع الورق ده 


سها / اه عارفه وما عنديش مانع انا بحبك يا هشام من ايام الكليه بس انت مش كنت واخد بالك بسبب البت دى اللى اسمها ز... 


هشام / متنطقيش اسمها على لسانك زينب تبقى مراتى وام ابنى 


سها / انت اتجوزتها 


هشام / ايوه 


سها / خلاص طيب انا ما عندي مانع اكون الثانيه قولت لك انا بحبك 


هشام / تانيه ايه انا مش هتجوز على مراتى 


سها / خلاص برحتك والشركه هتكون بتعتى عادى سلام فكر 


عاد هشام لمنزل والده والغضب يملأ قلبه وعقله كيف يفعل هذا به ولكنه وجد الطبيب خارج من حجرة والده 


هشام / ايه يا ماما ايه حصل 


الام / ابوك تعب اوى فاتصلت بالطبيب 


هشام / خير يا دكتور 


الدكتور / لازم الوالد لا يتعرض لاى شئ يغضبه حالته حرجه جدا ياريت تكرر الادويه دى ويتنقل للمستشفى فى اقرب وقت 


بعد ان ذهب الطبيب دخل هشام حجرة والده و هو يفكر ماذا سيفعل وكيف يخبره انه لا يستطيع ان يتزوج باخرى فهو يحب زينب نظر لوالده الذى كان يتظاهر بالنوم ثم خرج وذهب لبيت ذينب واول ما فتحت له الباب احتضنها وبدء يبكى بمرارة 


زينب / اهدى يا حبيبى كل مشكله وليها حل اهدى بس واعقد احكى لى 


حكى هشام لذينب ما حدث وما ادهشه كان رد ذينب 


زينب / اتجوزها يا هشام قبل المعاد 


هشام / اه اتجوز مين انا مقدرش اشوف غيرك ..


زينب ببتسامه / وانا هقتلك لو بس بصيت لغيرى انت بس هتتجوزها على الورق وبعد ما تعلنوا الزواج بكام شهر طلقها وابقى افصل الشراكه دى 


هشام / اممممم فكرة بس تفتكرى بسهوله دى هتوافق 


زينب/ هتجنينى بطيبه بتعتك دى هى مين اللى توافق دى سها يا هشام ولا نسيت كانت بتعمل ايه ايام الكليه انت مش هتعرفها حاجه وكمان هتمثل عليها ان احنا اطلقنا وانا سيبتك لازم تعمل كده عشان تعرف تاخذ حقك منها ومن ابوها 


هشام بتتهيده / حاضر يا زينب هعمل اللى انتى عايزاه انتى دايما بتكونى صح 


قضى هشام هذه الليله مع ذينب وبصباح اليوم التالى ذهب الى الشركه  وبدأ يبحث بين الاوراق عن اى طريقه يستطيع ارجاع اكبر قدر من نصيبه له فوجد 20% من اصول الشركه مكتوب باسم امه وهذا لا ينطبق عليه امضاء والده لاوراق التنازل لسها اذا لم يتزوجها ففصلها عن الشركه وقام من خلال توكيل والده بنقل الاموال التى بالبنوك لحساب والدته وتبقى 30 %من نصيب والده وهذا الذى سوف يتم سحبه ان لم ينفذ اتفاق والده وراجع الاوراق القانونيه للمواقع التى التزمت بها الشركه ووجد كميه كبيرة من التلاعب التى قد تؤدى بوالد سها الى السجن لانه هو من وقع عليها ولكن ايضا توجد اوراق مفقوده وهى التى وقع عليها والده فقرر مواجهة والد سها ليضع النقاط على الحروف ويفهم وبالفعل اتجه الى فيلا عابدين والد سها  


هشام / السلام عليكم انا هشام الدسوقى ابن شريك حضرتك 


عابدين / طبعا عارفك يا بنى اذاى ما اعرف خطيب بنتى لكن انت رجعت من السفر امتى 


هشام / سفر ...... اه لسه راجع لما وادى تعب المهم يا عمى فى ...


سها/ اهلا اهلا يا هشام مش كنت تقولى انك جاى وانا كنت هشرح لوالدى انك مستعجل على الزواج قبل ما تسافر تانى 


رفع هشام احد حاجباه / ما انا مش هسافر تانى خلاص وقاعد معاكم وبعدين انا جاى اتكلم مع عمى عن حاجه بالشركه مش على موضوع الزواج خالص 


عابدين / اه يابنى وماله بس كلامك يبقى مع سها انا سلمتها كل حاجه وعاملها توكيل تتسرف زى ما تحب انا خلاص كبرت وعايز اعيش الباقى من عمرى بهدوء بقى  يلا اسيبكوا مع بعض وسلامى لوالدك وما تنسي تعتذر له انى مش قادر اجى له الدكتور مانع عنى الحركه الكتير 


هشام / حاضر يا عمى اكنك روحت له  


تحرك عابدين بكرسي المتحرك وخرج من المكتب وبعد هروجه جلست سها امام هشام وهى تضع قدم على اخرى 


سها / ها كنت عايز تقول ايه لبابا يا هشام 


هشام / انت  ايه اذاى تعملى المصايب دى وتحطى والدك فى موقف كده ممكن يدخله السجن بعمره ده 


سها / اولا ما فيش حد هيروح السجن لا والدى ولا والدك  


ووضعت بعض الاوراق التى عليها توقيع والده وكانت كافيه لان تسجن والده ووالدها ما تبقى من عمرهم 


سها بابتسامه خبيثه  / اظن عرفت ليه بقى والدك مضى على ورق التنازل فى حال لم تتزوج منى 


جلس هشام وهو يحاول ان يتحكم بغضبه منها ويرسم الخضوع لها 


هشام / والمطلوب 


سها بابتسامه انتصار / هنتجوز ونشتغل سوى هتقضى معايه 4ايام ومع زينب 3ايام لكن انا هكون زوجتك الرسميه اللى الناس كلها عرفها وزينب هتفضل فى السر 


هشام / ولو زينب رفضت يبقى زوجى منها فى السر  


نهضت سها بغضب / يبقى تطلقها وده اختيارها  فكر ورد عليه يا هشام ما عندي وقت انا بجهز لفرح يهز اسكندريه 


خرج هشام وهو يتمنى انه كان قد قتلها  ولكن كيف هذا وهى تمتلك ما يسجن والده ويقضى علي والدها ايضا وستأخذ هى الشركه وتكمل حياتها بلا اى مشكله 


ذهب هشام الى منزل  والده ودخل الى الحجرة التى ينام بها لم يستتطع ان يعاتبه  او حتى يسأله كيف حدث ذلك كيف مضى على الاوراق.  كيف  ظل ينظر اليه دون حديث حتى تكلم الاب 


الاب / عارف انى ظلمتك  بس هى خدعتنى مش عارف اذاى انا وقعت من غير ما اقرء الاوراق دى اذاى وثقت فى الحربايه دى 


هشام / خلاص يا بابا اللى حصل حصل انا هتجوزها 


الاب / هتتجوزها بس انا عارف انك متجوز يا هشام واكيد مراتك مش هتوافق 


هشام / لو رفضت هطلقها اعمل ايه بس صدقنى هتدفع الثمن غالى اوى الحقيره سها دى  متزعلش يا بابا  عشان خاطرى انا هتصرف 


خرج هشام  عندما شعر ان والده بدا بالبكاء فمهما حدث بينهم فا يستطيع ان يرى دموع والده وعند خروجه كانت امه تجلس تقرأ قران بحجرة المعيشه 


الام / صدق الله العظيم ....... ايه يا هشام كلمت ابوك وراضيته 


هشام / الحمد لله يا ماما 


الام / طيب يا حبيبى احضر لك الغدا 


هشام / لا يا ماما انا عندى شغل بره وراجع الشركه  واه على فكره انا وضعت فلوس بالبنك باسمك امانه لحد ما اعرف اضبط الشركه  وكمان عايزك تمضى على ورق بيع نصيبك بالشركه لى عشان هعمل شركه صغيره كده باسمك بعيد عن العين 


الام / ليه يا..


هشام / لان فى مشاكل فى الشركه ولو بابا افلس كده هتضرى انت انما لما افصلك عن شركة بابا يبقى فى دخل ثابت  ليكم انتى ووالدى لو الشركه وقعت 


الام /"امممم هو ده سبب تعب ابوك يعنى ان الشركه بتخسر 


هشام / اه تقريبا  و على فكرة انا هتجوز بنت شريك بابا عشان نعمل دمج لشركات ابوها الثانيه اهو اثبت شركت بابا على ما تمر الازمه 


الام / يعنى يا بنى هضيع سعادتك عشان شركه ابوك  وحببتك زينب اللى كنت عايز تتجوزها اه يا قلب امك 


هشام /  خلاص يا ماما اللى حصل حصل انا خارج 


خرج هشام من بيته والغضب يملأ كل ذره بعقله  وهو يكرر ويكرر حديث سها معه  


ذهب الى كورنيش البحر ووقف ينظر لامواج البحر العاليه التى تضرب الصخور وكأنها غاضبه لغضبه  متجاهل برودة الجو وشدة الرياح  وعندما تاكد ان لا احد بقربه صرخ عاليا 


هشام /  اه  اه  ليه انا عاملت ايه عشان اتحرم من حياتى الهاديه ليه ........ اعمل ايه بس اخضع ليها وانفذ كلامها اظلم الانسانه الوحيده اللى استحملتنى وحبتنى ووافقت نتجوز من غير فرح ولا زفه زى باقى البنات فى سنها الى استحملت حالتى الماديه لما رفضت اخد فلوس من ابويا واشتغل بمرتب يا دوب بيقضى  ....... يا رب افرجها 


وبعد فتره لم يشعر بمرور الوقت وكان المساء قد جاء فتحرك و اتجه الى بيت زينب  فتح الباب ببطأ حتى لا يزعج احد  دخل حجرة ابنه الذى لم يكمل عامه الاول بعد واقترب منه ليقبله بهدوء ثم خرج وعاد الى حجرته مع زينب وجدها تنهى صلاتها 


هشام / حرما حببتى 


زينب / جمعا ان شاء الله  وبعدين معاك مش أحنا متفقين اول ما تحزن تيجى لحضنى وان شاء الله نحل اى مشكلة سوى 


هشام / بس المره دى فوق طاقتنا يا زوزو


زينب / مش ممكن يا حبيبى ربنا ما هيحملك  ابدا فوق طاقتك وكل مشكله حل 


جلست زينب على السرير وسندت ظهرها على الوسادة فتمدد هشام واضع رأسه على قدمها وبدأ يروى لها ما اكتشفه فى الشركه وما قام به وما قالته سها ضحكت زينب 


زينب بضحكه / هو ده اللى مخليك زعلان ياه يا قلب زينب  لالا ما تزعلش انت اتصرفت صح بأنك تفصل شراكة مامتك وانك تحولها الفلوس اما بقى بالنسبة للاوراق اللى مع سها فممكن بعد ما تتجوزها فى اعده ودى كده ..


نهض هشام سريعا / اعده ايه يا ختى 


زينب / وانا بقول رومانسيه اسمع بس اعدة ودى يعنى تقنعها انك كرهتنى لانى اتخليت عنك وبعدين ...


هشام / لا بعدين ولا قبلين انت اتجننتى قال اعد واتكلم معاها ودى قال لودى ولا ودك  اتمسى يا زينب ونامى وانا هفكر لوحدى  قال تتخلى عنى  ده انت النفس اللى بيطلع ويدخل لصدرى عايزانى اموت صح 


جذبته زينب ليعود ويضع رأسه على قدمها وهى تبتسم 


زينب / وانا قولت انى هتخلى عنك يا شومى انا بقول هتفهمها كده بس وهتقنعها كمان انى فعلا سيبتك وهربت افهم من غير ما تعترض انت هتكون معايه بعد الشركه اكنك بتشتغل مسائى فى الشركة اللى شغلين فيها سوى وباليل بس تروح تنام فى شقتها الى هتشتريها فى الحى اللى ورانا هنا وده يبقى شرط بتاعك انك مش هتعيش فى فيلا ابوها ولا بيت ابوك ولو هى عايزه تعيش فى الفيلا يبقى تتنازل عن الاوراق الى عملها وده شرط زواجك منها  فهمتنى 


هشام / افردى وفقت على الشقه 


زينب / رغم ان صعب سها توافق تسكن فى حى فقير بس لو وافقت خلاص يبقى هنعيش فترة كده لحد ما تطمأن ليك وتسجلها اذاى  ابوك وابوها مضوا على الورق وساعتها ابقى سلم التسجيل للشرطه وهى تتحاسب وكمان تكون اخذت نصيب ابوك منها بزواجك بيها وبعدين طلقها ونعلن زوجنا 


هشام / تفكير حلو بس انا خايف دى دهيه اكيد مأمنه نفسها 


زينب / اهو نعمل اللى عالينا وبعدين يا سيدى ما عرفت تحصل على التسجيل يبقى انت متزوج اثنين وامرى لله مهو مش هقدر ابعد عنك ولا اقدر اشوف ابوك بيدخل السجن وانت بتتحسر عليه وانت مش حمل تشيل هم انك ما ساعدت ابوك 


هشام / هو انا  قولت لك بحبك النهارده 


زينب بضحكه / هو احنا فى ايه ولا ايه يا شومى 


( وسكتت شهرزاد عن الكلام ههههههههههههASMAA NADA  عارفه ان فى متابعين هيضربونى ههههه)


اليوم التالى استيقظ مبكرا هشام وودع زينب بعد ما اتفق معاها على الانقطاع عنها لمدة كام شهر ليقنع سها انها تركته  ثم توجهه الى الشركة التى يعمل بها كمهندس مدنى وتكلم مع مدير الشركه وفهمه ظروفه ووعده المدير ان ينبه على جميع العاملين ان سأل عن هشام اى شخص يبلغوه انه يعمل بالفترة المساءية ثم توجهه لشركة والدة وبدأ مراجعة كل العقود والالتزامات مع المحاميون و المهندسين بالشركة وايضا بدأ مراجعت الحسابات واثناء اليوم ارسل لسها لتأتى ليناقشها ببعض الامور وبعد فترة زمنية طويله حضرت سها الى الشركة فهى كانت بالبيت ترتب للفرح التى تحلم به 


سها / اهلا هشام انا جيت اهو زى ما طلبت رغم انى مش فاضيه بحضر للفرح 


هشام / فرح ايه وبابا تعبان وانا حالتى النفسيه زفت لا انسي فرح ابقى احضريه لوحدك واعقدى بقى واسمعينى والمحامى اللى كتب ورق التنازل المشروط اهو 


سها / مش فاهمه 


هشام / هفهمك يا قطه مهو انا ما دام خسرت اللى بحبها  عشان اتجوزك يبقى مش هخسر لوحدى شرطك اللى فى الورق بعد مرجعته معناه انى انا لو رفضت الزواج يتنقل نصيب بابا لاسمك صح 


سها / اه صح 


هشام / تمام انما لو انتى اللى رفضتى  فا الشرط لاغى  قبل ما تردى كل حاجه متسجلة صوت وصورة والمحامى بتاعى مشرف زى المحامى بتاعك مش كد يا متر 


المحامى تبع سها / تمام كده 


سها / يعنى ايه يا متر الى تمام 


المحامى 1  / يعنى يا انسة لو حضرتك اللى رفضتى الزواج يقع الشرط ويصبح الورق باطل 


سها / اممم وانا مش هرفض 


هشام / ماتستعجليش  وفكرى اولا ما فيش فرح  هو اعلان فى المجلات والاخبار عن دمج شركة والدى لشركات والدك والمقابل زوجنا  ثانيا انا مش هعيش غير فى شقتى اللى اشترتها لزينب وسابتها وما اعرف راحت فين عايزه تتجوزينى يا سها هتعيشى معايا فيها 


سها /  ايه انت بتقول ايه انا اعيش فى شقه  


هشام / فى حى (........) 


سها / لا لا انت بتهرج صح 


هشام / ومش هغير حاجه واحده فى العفش كمان  مش عاجبك ارفضى الزواج منى واه مفيش عربيات ولا هتاخدى مليم من فلوس ابوكى الصرف فى البيت وعليكى من فلوسى وعلى ادى اذا كان عجبك وخدى فى بالك هتكتبى تعهد بده والمليم اللى تفكرى تاخديه من ربح الشركه هيعتبر اختلاس وهسجنك بيه فاهمه  العقد بتاع الدمج والزواج مع المحامى نص ساعه رجعيه وقررى  انا مستنى فى مكتبى  سلام 


وخرج هشام من المكتب تاركا سها فى صدمه مما سمعت 

الحزن قليل اهو يا نورى خدى بالك ASMAA NADA 

الفصل ٢٠

هشام / ماتستعجليش وفكرى اولا ما فيش فرح هو اعلان فى المجلات والاخبار عن دمج شركة والدى لشركات والدك والمقابل زوجنا ثانيا انا مش هعيش غير فى شقتى اللى اشترتها لزينب وسابتها وما اعرف راحت فين عايزه تتجوزينى يا سها هتعيشى معايا فيها 


سها / ايه انت بتقول ايه انا اعيش فى شقه 


هشام / فى حى (........) 


سها / لا لا انت بتهرج صح 


هشام / ومش هغير حاجه واحده فى العفش كمان مش عاجبك ارفضى الزواج منى واه مفيش عربيات ولا هتاخدى مليم من فلوس ابوكى الصرف فى البيت وعليكى من فلوسى وعلى ادى اذا كان عجبك وخدى فى بالك هتكتبى تعهد بده والمليم اللى تفكرى تاخديه من ربح الشركه هيعتبر اختلاس وهسجنك بيه فاهمه العقد بتاع الدمج والزواج مع المحامى نص ساعه رجعيه وقررى انا مستنى فى مكتبى سلام 


وخرج هشام من المكتب تاركا سها فى صدمه مما سمعت 


بعد نصف ساعه عاد هشام الى المكتب الذى به سها ووجد المكتب متكسر لا يوجد به جزء سليم والمحامى يقف قرب احد الشبابيك يمسك حقيبته بفزع 


هشام / تؤ تؤ ومين هيدفع ثمن التلفيات دى يا انسه على العموم المحامى ممكن يخصم التصليحات من ربح نصيبك بلاسهم بالشركه 


سها اخذت نفس عميق ثم نظرت له ببتسامه تحمل من الشر اكثر من الخبث 


سها / موفقه يا هشام حبى ليك اكبر من اى تلفيات انا وقعت الورق 


هشام / تمام اتفضلى على فيلا والدك عشان تودعيه وانا هجيب المؤذون واحصلك 


سها / الاول فين مدام زينب ولا هنعيش مع بعض 


هشام / لا زينب رفضت واخدت ادم واختفيت من امبارح وانا مش لقيها وطلبة الطلاق بس لعلمك انا مش هطلقها ووقت ما تسامح وترجع هرحب بيها فى حياتى افتكرى الكلام ده كويس 


سها / تمام موافقه يا هشام عن اذنك 


خرجت سها من المكتب وخلفها المحامى تبعها ثم من الشركه وهى كالمجنونه اما هشام فعدل احد الكراسي وجلس عليها متفجأ 


هشام / وافقت دى وافقت ده مفيش دم خالص لا لا ده انا هعيد تربيتها من جديد 


المحامى2/ استاذ هشام هنعمل ايه 


هشام / هنعمل ايه يعنى روح هات لى زفت مأذون من تحت الارض لازم اكتب عليها النهارده بكرة اخر الوقت اللى فى الاوراق يحرقك يسها ويحرق اللى يعرفك يا شيخه 


بعد دقائق جاء المحامى ومعه مؤذون 


المحامى / هشام بيه 


هشام / لا بيه ولا هباب جبته 


المحامى / ايوه 


هشام / يلا بينا 


انطلق هشام بسيارته وهو يرسم برأسه العديد من الافلام لانتقامه من سها وابتدها بشراءه باقت ورد سوداء وكتب اوعدك ايامك اللى جايه معايه بنفس اللون يا سها 


وعندما وصل الى الفيلا شغل تسجيل السيارة على قرءان بصوت عالى وبدأ يزعق فى الخدم لتشغليهم اغانى  


سها / انت بتعمل ايه ده يوم زوجنا 


هشام / ربنا يهديكى عايزين نبدأ حياتنا بطاعه ولا ايه يا عمى 


والد سها / والله يا بنى من الناحيه دى مقدر اتكلم بس ده يوم فرح وانت عشان حالت والدك مش هنعمل قاعه ولا هنزين يعنى مش مشكله حبت اغانى 


هشام وهو يصطنع الدهشه  / هو القرءان للحزن بس يا عمى 


الاب / لا اله الا الله مين قال كده بس خلاص يا بنى ده فرحكوا اللى تشوفه بس ممكن تقولى ليه مش عايز تعيش معايه هنا 


هشام / لانى راجل ياعمى وما اقبل اعيش فى بيت غير بيتى من فلوسي وعلى أدى ده حتى انا مستقل عن والدى وبشتغل فى شركه غير شركته 


الاب/ يا ه يابنى هو احنا بنشتغل ونشقى عشان مين مش عشنكم 


هشام / ربنا يخليكم بس انا بحب ابنى نفسى بنفسى وبعدين هى ممكن تيجى تذورك كل يوم وترجع اخر النهار البيت تحضرى لى الاكل وكده أصل مش مقدورى اجيب شغالين وهى عاليها تعيش عيشتى 


سها / ما انا قولت لك يا بابا هشام شاب مجتهد وعصامى وده اللى حببنى فيه 


هشام / مش يلا بقى المؤذون هيتأخر عنده جوزات تانيه 


الاب / طيب اتفضل فى الصالون 


بعد كتب الكتاب زغرطت الخادمة  واحضرت تورته والشربات 


هشام / يلا يا سوسو اطلعى هاتى الشنطه عشان نلحق نروح قبل الليل انت عارفه ان العربيه اللى معايه بتاعت الشغل ولازم اروح ارجعها 


سها بهمس / ما ناخد السواق وعربيتى 


هشام / انسي عربيتك دى نهائى يا مدام هشام ويلا عشان بدأت اتخنق بدل ما ازعلك وابوكى معانا 


نهضت سها وقالت لاحد الخادمات بصوت عالى تقصد ان تسمعه 


سها / بيت يا زينب روحى هاتى الشنط من فوق وحطيهم فى عربية البيه 


  هشام فى نفسه ( والله لاربيكى )


بعد دقائق نهض هشام واعتذر من والد سها بأدب وخرج لتفجأ سها بسيارة (لاده) صغيرة الحجم والحقائب مربوطه على السيارة من أعلى 


سها / اه دى 


هشام / عربية الشغل  يلا يلا لسه هنوصل المؤذون فى طريقنا 


سها / انت ليه بتعمل فى كد كل ده عشان بحبك وشرياك 


همس هشام / تفتكرى لما تغصبينى على انى اتزوجك وتتسببى فى بعد الست اللى بحبها وخراب بيتى  هاخدك بالحضن مثلا  اركبى اركبى احنا لسه متجوزين جديد 


ثم ركب السيارة وجعل المؤذون يركب بالكرسي المجاور للسائق وفتح لها الكرسى الخلفى الذى كان به ايضا بعض الحقائب لتجلس والغضب يملأ قلبها وتتعهد ان تعاقبه على كل ما فعل  ثم انطلق هشام ليصل بالمؤذون الى مكتبه ثم اوصلها للشقه المكونه من حجرتان وصاله صغيرة بحى (.......) وبعد ان ادخلها الشقه ووضع لها الحقائب بالصاله 


هشام / انا رايح ارجع العربيه 3ساعات كده وارجع عايز أكل من ايدك الحلوه دى احسن انا على لحم بطنى من الصبح منها لله بقى الى طفشت حببتى 


ثم خرج واغلق الباب بالمفتاح من الخارج وصاح 


هشام / اه ما تنسيش تدخلى الشنط فى الاوضه اللى على اليمين دى بتعتك 


سها / انت قفلت الباب ليه وأكل ايه اللى طلبه أنا ما بعرفش اطبخ 


هشام / المطبخ عندك اتشقلبى واعملى اكل احسن لك 


خرج هشام من العمارة ولم يعر لصيحها اى اعتبار ذهب بالسيارة ليركنها اسفل شقه زينب والتى ايضا مكونه من حجرتان وصاله ونفس الموبيليا ولكن يفترق الحب هنا والكره عند سها  صعد الى منزل زوجته الحبيبه ليجدها تضع الطعام على الطاوله  وقد لاحظ انتفاخ عينها من البكاء التى سارعت فى محاولتها لاخفاء دمعها المنهمرة 


زينب / هشام  انت جيت ليه  مش اتفقنا ...


اقترب هشام وامسك يدها وقبلها / حبيبتى مش قادر والله ما قادر انتى النفس اللى بتنفسه انا قفلت عليها الشقه عشان اضمن انها ما تخرج ورايه عشان اجى هنا انا فهمتها انى رايح ارجع العربيه وغيب 3 ساعات 


زينب / طيب ما انت لازم تقضى وقت معاها حلو عشان تثق فيك وتقدر تسجل اعترفها 


هشام / وقت حلو اذاى ده انا كل ما بس ابص لها دمى بيفور وابقى عاسز اجيبها من شعرها وافضل اضربها لحد ما تموت الحربايه دى 


زينب / لا يا هشام انت راجل اوعى تمد ايدك عليها مش انت اللى تعمل كده يا حبيبى وبعدين بقى هتعمل ايه عشان تاخد الاوراق اللى ممكن تسجن والدك بيهم 


هشام / مش عارف  مش عارف  ......... هو انت كنتى بتعيطى ليه  ومتكذبيش عليه 


زينب / تخيلت انها عمله فرح ولبسه الفستان الابيض ومسكه ايدك و....


وبدأت تبكى من جديد فنهض هشام وضمها له وقال 


هشام / وانت فكرة انى ممكن اسمح لها تعمل فرح وتمسك ايدى كمان ده انا اموت ولا ده يحصل 


زينب / مش انت قولت انها كانت بتجهز للفرح 


هشام بضحك/ ههههههه  وانا قلبته ميتم 


ثم اخرج هاتفه وجعلها ترى الفيديوا الذى سجله بالمكتب وايضا الذى جعل المحامى يسجلة بما حدث بفيلا والد سها 


زينب / لا حرام عليك بجد انت دمرت لها الليله 


هشام / تستاهل  عشان خليت العيون الحلوه دى تبكى 


ثم حملها ليخل بها حجرتهم ولكن توقف عند سماع صوت صغيره يصرخ / بابا 


هشام / هادم اللذات صحى  خد يا خويا امك اهيه ههههههههههههههههههههه


زينب / بتغير من ابنك يا مجنون ههههههههه


حمل ابنه / نعم يا روح ابوك ايه خرجك من الاوضه 


ادهم / بابا  بونى 


هشام / اه مصلحتك يعنى امسك يا سيدى ادى التوفى بس ادخل نام وحيات ابوك 


ادهم / لا  مم ( اكل )


هشام / زينب مم لادهم ومم لابوه 


زينب / الاكل على الطاوله سلامة نظرك 


ضحك الجميع وبدأوا بتناول الطعام ثم اخذت زينب ادهم ووضعته بالسرير ليغفوا قليلا وعندما خرجت ببطأ من الحجرة وجدت هشام يحملها ويجرى الى حجرتهم 


( هنسيبهم لوحدهم شويه ASMAA NADA)

#########################

بالشقه الاخرى 

ادخلت سها جميع الشنط للحجرة اليمين فهى لها بلكون على الشارع  ثم بدأت بفرش اشياءها المهمه بالدولاب الصغير الذى يادوب اخذ نصف ملابسها وذهبت للحجرة الاخرى لترها فوجدت دولاب به بعض الملابس الخاصه لهشام فوضعت بعض من ملابسها ايضا بجوار ملابسه ثم ارتدت قميص نوم اسمر  وجدلت شعرها الاحمر ثم وضعت بعض المساحيق لتجميل  وقد مر ساعتان الى الان وباقى ملابسها ما زالات بلحقائب  ثم ذهبت الى المطبخ الذى كان به دولاب مطبخ خشبى من طابقتين و بتجاز بعينان فقط وثلاجه 10قدم  


سها / هو انا عملت فى نفسي ايه بس مش مهم  هستحمل لحد ما اخد كل مليم تملكه انا هسجن ابوك واحرق قلبك عليه وهجنن امك واخليها تنتحر يخسارة زينب هربت كنت شايللها مفجأت بس يلا بقى انا هوريك يا هشام اذاى ترفضنى انا وتتجوز زينب دى 


امسكت التليفون وبحثت عن طريق الانترنت عن المطاعم القريبه للحى  وطلبت انواع مختلفه من الاطعمه  وبعد 20دقيقه دق الباب 


سها / مين 


العامل / الاكل يا هانم 


فتحت سها شباك صغير على الباب


سها / معلش اصل زوجى قافل الباب بالمفتاح ممكن تقولى الحساب كام 


العامل /..... جنيه 


سها / طيب معلش هتعبك بس هعطيك بقشيش كبير ممكن تلف تحت العمارة للبلكونه وهنزلك حبل تربطه بالكيس وانا هنزلك الفلوس 


العامل بتأفف / حاضر 


نزل العامل والتف حول المبنى حتى رأها تقف فى احدى البلكونات ورأي الحبل فربط الطعام ثم سخبته هى ورمت له 1000جنيه فى شنطه بلاستك امسك العامل المال وفتح فمه  


العامل / كثير يا مدام 


سها / الباقى ليك بس كل مره اطل اكل تعالى انت  تمام 


العامل / تأمرى يا هانم شكرا 


دخلت سها بالطعام وجهزته ووضعته على الطاوله بمنتصف الصاله  وجلست تنتظر هشام ليعود ولكن مر 5ساعات فأرهقت ونامت بمكانها 


دخل هشام الشقه فرأها وهى نائمه وراى الطعام  


هشام  لنفسه ( دى جهزة اكل ومستنيانى هو انا ظلمتها ولا ايه اه هى غلطة بالطريقه اللى تجبرنى بيها اتجوزها بس هى دلوقتى مراتى هتحاسب عليها يا الله بس انا مش قادر اسامحها مش قادر اقرب منها اصلا انا بحب زينب اوى  طيب اعمل ايه دلوقتى بكرة انا هنروح لشيخ واسئله ) 


هشام / سها  سها  


سها / امممم مش قادرة يا داده عايزه انام 


هشام / داده مين اصحى انا هشام انتى نايمه هنا ليه  


سها وهى تفتح عينها بنعاس / هشام انت بتعمل ايه هنا اه اه احنا اتجوزنا طيب انا استنيتك عشان ناكل انا جعانه اوى تعالى ناكل 


هشام / بس الاكل برد وانا اكلت فى الشركه هسخن لك الاكل وبعدين ابقى ادخلى جوه  ثم انت دخلتى الاكل اذاى والباب مقفول 


سها / خليت العامل يربطه بالحبل هو انت ليه قفلت الباب 


هشام / اممم خفت حد يضيقك وانت لوحدك انا كنت بعمل كده مع زينب فى الاول بس لما اخذت على المنطقه بطلت 


سها / لا متقفلش كده تانى افرد حصلى حاجه هنا ههرب اذاى انا ما عرفت استخدم البتاع اللى جوه ده 


هشام ببتسامه صادقه / خلاص هعلمك ومش هقفل الباب بس بلاش اكل من بره ده تانى انا مش حمل مصاريفه 


سها / وانا وانت ايه 


هشام بغضب / لا يا هانم انا مش الراجل اللى بياخد من فلوس مراته قولى دفعتى كام 


سها / ........بس 


هشام / ليه جايبه اكل للجيش  طيب يلا  تعالى اوريكى اذاى تسخنى الاكل وبعدين تاكلى 


سها بدلال  / يعنى هاكل لوحدى ا خلاص مش هاكل  


هشام بتنهيده / خلاص هاكل معاكى يلا 


دخل هشام المطبخ واراها كيف تشعل البتوجاز  وبدا يريها ويعلمها  ثم خرجا وجلسا على الطاوله  وبدأت هى بالاكل بشراها وظل هو يمثل انه يأكل وبعد قليل انتهت وحملا سويا الاطباق الفارغه  ووقفت هى تنظفها وهو دخل للحجره ليجد ملابسها بكل مكان وفوق السرير وبالدولاب 


هشام / الله الله وانام انا فين 


سها / هههههه تعالى هنام سوى بالاوضه الثانيه 


هشام / سوى مين ماتفقناش على كده 


سها / ايه يا هشام انت زوجى نسيت 


هشام / يا سها قدرى ان احنا اتجوزنا غصب عنى انا مش هقدر اشوفك بمكان زينب على الاقل دلوقتى انا محتاج وقت  على العموم نامى انت بالاوضه وانا هنام النهارده بالصاله وبكرة هجيب لك دولاب ثانى كبير عشان تحطى باقيت حاجتك 


ثم خرج هشام بعد ان اخذ بجامه بيتيه ودخل الى الحمام ليغير ملابسه 


سها (لنفسها  زينب زينب هى فيها ايه زياده عنى ده حتى انا احلى منها ) 


دخلت سها للحجره واغلقط الباب بغضب فيقع بعض من الدهان  ليخرج هشام من الحمام ويصيح 


هشام / براحه على الباب  للبيت يقع بينا 


ثم يتوجه الى الكنبه العربى  وينام عليها وهو يفكر بما وضع نفسه به وكيف يتعامل معها 


اليوم التالى يستيقظ هشام على رأحة حريق وصياح سها من المطبخ 


هشام / ايه الدخان ده عملتى ايه  ينهار ....


اخرجى ثم وضع قطع قماش على المقلاه واغلق الانبوبه  ثم جرى ليفتح جميع منافذ الشقه وبعد ان هدأ الدخان وجد العديد من الجيران بالشقه التى تجلس وهى تجلس بلارض تبكى وترتعش 


هشام / خلاص الحريقه انتهت معلش يا جماعه عروسه جديدة اول مرة تدخل مطبخ شكرا ما نجيش ليكم فى حاجه وحشه مع الف سلامه 


احد الجارات / متخفيش يا حببتى انا نوجه جارتك وكنت برده كده أول جوازتى ومن هنا ورايح انا هاجيلك كل يوم ساعتين اعلمك الطبيخ ولا يكون فى بالك  سلام بقى اما اروح افطر العيال وابوهم 


سها / شكرا يا نوجه وسورى انى فزعتكم 


نوجه / مين سورى دى اكيد  اسمك صح 


سها / لا انا سها  سورى يعنى اسفه 


نوجه / مش تقول يا استاذ هشام انها اجنبيه كنا علمنها من امبارح 


هشام / معلش نسيت أهى معاكى باقى النهار ابقى علميها برحتك 


سها / باقى نهار ايه والشغل 


هشام / ما عنديش ستات تشتغل وان كان على الورق هبقى اجبهولك تمضيه 


سها / لا احنا متفقناش على كده 


نوجه / اهدوا يا جماعه  يلا انا ماشيه 


وخرجت نوجه واغلقت الباب  لتهب سها بصراخ عندما جذبها هشام من شعرها 


هشام / بتفضحينى يا حيوانه وبتنقشى امور البيت والسيت هنا طب لعلمك بقى انا هجيب المحامى وتعملى توكيل بالادارة ومفيش خروج من البيت 


سها / لا يا هشام واوعى ايدك دى انا اه بحبك واتجوزتك ووافقت اعيش فى الزفته دى انما شغلى لا وبعدين ما زينب كانت بتشتغل 


هشام / اه كانت بتشتغل بس ما نصبتش ووقعت ناس كبار فى داهيه وممكن يروحوا السجن فيها انما انت ما راعتى ابوكى عايزانى اثق فيكى يا حلوه اسمعى لتعملى توكيل بلادارة عشان اصلح اللى خربتيه لهطلق والبسك قضية واقول سرقتنى وهجيب شهود واهو تونسيى ابوكى وابويا فكرى يا سها لحد ما ارجع .


ثم خرج هشام من البيت تاركا سها بحاله من الجنون تكسر بكل شي وتشتم واتجه الى الشركه لينظم مع المحامى اوراق التوكيل وايضا يبحث بمكتبها عن اوراق التى تمسكها على والده ولكن لم يجد شي مرت ساعات النهار سريعا وهو يبحث بالمكتب  اما عند سها فقد عادت للهدوء الذى قبل العاصفة ثم خرجت من الشقة واتجهت الى البنك وسحبت مبلغ مالى كبير وعادت غيرت عفش الشقه وخاصة المطبخ لاحدث الادوات ووصلت شبكت الانتر نت بالشقه وبدأت بتحضير العشاء بعد ما ارسلت له رساله على الهاتف 


( الرساله : << حبيبى اسفه انى اغضبتك واوعدك انى هعمل التوكيل اللى انت عايزه بس خليه لبكره وتعالى على العشاء محضرة ليك الورق كله اللى انت عايزه انا كل ما اريد هو سعادتنا سويا احبك سها >> )


ثم أرسلت الى احد معارفها ليحضر لها انواع من الادويه تعرفها جيدا واستخدمتها مسبقا مع والدها ووالد هشام  ثم ارسلت للمحامى ليتحايل باى طريقه ويشغل محامى هشام لمده زمنيه حتى تأخر موضوع التوكيل قليلا 


بمكتب هشام انهى البحث وتحدث الى المحامى ولكن اخبره المحامى انه مسافر لندوه ما وسيعود بعد ايام قليلة  اضطر هشام ليوقف جميع الاعمال بالشركه لفتره قصير معلنا اجازه مكفأه للعاملين بمناسبة زواجه هو وسهام ثم اتصل بزينب 


هشام / مساء الخير حببتى معلش انشغلت فى المكتب كنت بدور على الاوراق بس ملاقيتش حاجه والهانم بعتت بتقولى تعالى على العشاء وانها محضره الورق عندها 


زينب / بسهوله كده لا مش مصدقه خلى بالك ليكون فخ 


هشام / ربنا يسطر هروح اشوف بتحضر لأيه 


زينب/ طيب لا اله الا الله خلى بالك من نفسك 


عاد هشام لشقة سها وعندما دخل  اندهش من منظر العفش 


هشام / انت يا هانم هو انت مفهمتى كلام......


لتخرج سهام من حجرة النوم مرتدية قميص احمر  قصير بحملات وتاركه شعرها خلف ظهرها بعد ان صبغته للاحمر النارى  لتقترب منه ببطأ وتضع يدها على صدره 


سهام / هششش متقلقش ده كله هدية من بابا واظن الهدية مش بتترد وبعدين انا طبخت النهارده بعد ما اخذت الوصفه من النت تعالى 


هشام ابتلع ريقه / اسمعى شغل .....


سهام / عارفه انك مش واثق فيه وكمان مش عايز تقرب منى رغم ان ده حقى الشرعى بس مش مشكله هصبر عليك تعالى هنتعشى بس  وامسك الورق كله اهو يعنى ضمان حسن نيتى وتأكيد لحبى 


امسك هشام الورق وبدأ يقلب فيه فوجده كامل فعلا فى سره ( يا ترى بتفكرى فى ايه ولا فعلا عملتى كل ده عشان بتحبينى زى ما بتقولى يا رب  اعمل ايه الشيخ قالى انى لو معدلت بينهم هتحاسب عليها  هى دلوقتى مراتى وليها حقوق اعمل ايه بس خلاص هعمل زى ما نصحنى مش هقول لزينب حاجه ولو صدر من سها خيانه ابقى اطلقها وخلاص )


جلس هشام بجوارها وبدأ يأكل  ولكنه اندهش فعلا فالاكل حقا لذيذ 


هشام / اشترتيه منين المره دى 


سها بضحك / لا والله طبخته حتى الحاجه مش نظيفه لسه جوه قوم اتأكد 


هشام / لا بجد شاطرة الاكل لذيذ تسلم ايدك 


سها بدلال / عايزه انول الرضا بس 


هشام / بحاول يا سها والله بس اعمل ايه قلبى  بيحبها وانت سبب فرقنا 


سها / اممممممممم بلاش نتكلم عنها ممكن انا هجيب العصير وانت ادخل غير وبعدين نتكلم 


نهض هشام ودخل حجرته ليجدها حجرة نوم فخمه  اخذ بعض من ملابسه وذهب للحمام اخذ شاور وخرج ليجدها اطفأت الانوار وتركت باب الحجرة الاخرى مفتوح واغلقت باب حجرته فذهب اليها ليجدها تجلس على السرير وتشير له بكوب عصير ليقترب ويشرب منه وما هى الا لحظات وبدأ يشعر بهزيان ويرها بصورة زينب 


هشام / زينب حببتى وحشتينى انا مش عارف اتنفس بعيد عنك 


اقترب منها لتجذبه سها ليقع بجورها على السرير 


سها / انت لى وبس .............


اللى هيقول قصير هبعت له هاديس من الروايه الرعب بتعتى البارت 3150 


ASMAA NADA

البارت ٢١

END F.B.#####

عوده للوقت الحاضر 


القاهرة 


وافى / كده كفايه عليه اخد راحه ونرجع تكمل ايه حصل صدقنى انا كرهت امى اكتر من ما كنت بكرها اصلا يلا تصبحوا على خير وانت يا زينب خدى زوجك وناموا عشان بكرة هتنزلى مع هناء تشتروا الادوات الكهربائيه وحجرة سفرة و حجرة اطفال وطبعا ادوات المطبخ الحديثه انا مش عايز ينقصها حاجه


بسمه / بجد يعنى انت ما كنت بتدفع اللى فات ده عشان تصطادنى 


وافى / ليه وانت سمكه وبعدين ما الاخ ده سبق وخدى فى بالك انت ويوسف لما نرجع اسكندريه هتنقلوا بفيلا العجمى وهكتبها باسمك وتفريشيها جديد وانت يا استاذ ما قولت بتشتغل ايه 


يوسف / انا مهندس كهربائى بس بشتغل سواق مشروع 


وافى / حلو من اول ما نرجع هتمسك الكهرباء للمواقع االى فى اسكندريه بتاعتنا بس متزعل منى انت لسه جديد يعنى هتشتغل تحت ايد المهندس الحالى ولو زعلك قولى 


يوسف /بس


وافى / لا بس ولا حاجه انا كنت عايز اخد غير فايد وانت هتكون ده يلا بقى من غير مطرود عايز انام فى حضن ابويه 


بسمه / ده بيطردنى 


يوسف / ولا سمعت يلا يا حببتى عشان تشوفى جيبت لك ايه 


وافى اقترب منه ومسك ياقت قميصه من الخلف 


وافى / انت لسه هدادى يلا منك ليها عايز انام 


ودفعهم للخارج حجرة والده تحت ضحكات محمود وسعيد وهشام 


محمود / يلا يا سعيد قبل ما نحصلهم ههه


سعيد / اه يلا شكله شرانى ويعملها 


وافى / عيب يا جماعه انا مش شرير وعادى انتم خليكم زى ما انتم انا هنام على على لا قوموا اقعدوا على السرير اللى الحج هينام عليه وانا هنام مكانكم 


سعيد / هههههه ربنا يحميك لابوك لا احنا هنروح بيتنا عشان بكره هنلف مع البنات ونجيب الحاجه 


وافى / وانا هلف معاكم عشان هشترى حمام وهطيره على رأى ابراهيم 


محمود / ههههههههههه سلام يا ابنى 


وخرجا محمود وسعيد ثم اغلق خلفهم باب الشقه ليسمع صوت هبد (وقوع شئ بقوه ) من الحجرة التى دخلا بها بسمه و يوسف 


وافى / براحه هتفضحونا هههههه اه يا جزمه لو مش اختى بس انا عارف نفسي فقر من يومى 


ثم دخل الى حجرة والده ليجده يحاول النهوض 


وافى / اه يا حببيبى عايز تروح فين 


هشام / بجد وحشتني اوى يا وافى ووحشنى كلامك وضحكتك ربنا ما يحرمنى منك انت وبسمه ونهال ..... انا هحاول اتمشى لحد الحمام كده وبعدين اجى انام ارتاح انت 


وافى / ارتاح ههه لا الكلمه دى نسيتها بعد اللى شفته من امى وبعد اللى حصل من يوم وفتها يلا تعالى اسندك لحد هناك او خليك على الكرسي وهحركه انا 


هشام / الكرسي العجل بتاعه مكسور وانا الحمد لله يعنى باعكز على العصيان وبوصل 


وافى / هو انت ما رحت تعمل علاج طبيعى بعد الحادثه 


هشام / يا بنى الكلام ده مكلف جدا وزينب هى اللى كانت بتصرف فكدبت عليه زمان وقولت لها ان الدكتور قال ما فيش علاج طبيعى ولا حاجه وما تنساش انها كمان كانت بتتعالج نفسي من صدمة موت ابنها 


وافى / لا اله الا الله طيب هى ليه ما حولت توصلى وانت فاقد الذكرة 


هشام / اه يابنى بقولك ما كانت بحاله ذهنيه مستقره 


وافى / خلاص اللى حصل حصل وانا ان شاء الله هعوضك انت وبسمه وبالنسبه لاخويه ادهم انا هدور بالموضوع مش عارف حاسس ان فى حاجه مش صح 


هشام / وانا كمان شاكك فى كده بس لو عايش ليه ما رجع ده امه كانت هتجنن عليه وهو كان روحه فى امه اذاى ما رجعش 


وافى / يا بابا ما تنساش ان عم محمود قال الاصابه كانت بمكان فى الرأس يعنى حتى لو اصابه صطحيه اكيد سببت حاجه وممكن يكون كمان فاقد الذكره زيك 


هشام / تصدق مفكرت فى الاحتمال ده ياه يا وافى لو عايش انتوا هتبقى اصحاب اوى لانه شبهك فى طبعك ومرحك ده رغم انه واخد شدية جدك وعقله الصلب بس قلبه زى زينب طيب وحنين الى صحيح اخبار جدك وجدتك ايه 


ابتلع وافى ريقه / اه رأيك يا بابا ننام لانى تعبان اوى وبكره نحكى كل حاجه 


شعر هشام ان وافى اراد ان يخفى شئ عنه ففضل عدم الحديث الان ودخل للحمام وانتظره افى بالخارج لفترة وعند خروجه ساعده الى ان نام بالسرير ووضع عليه الغطاء وقبله وبعد ان اطمأن انه نام 


وافى همس / وحشتنى اوى يا بابا انا من غيرك انكسرت انكسرت جامد زلونى وقتلوا كل حاجه حلوه فيه بس ما تخاف انا خفيت الوجع جوايه حتى عن نهال . مفيش غير فايد اللى عارف لانه عاش معايه الوقت ده ووقف جنبى لحد ما وصلنا للى احنا فيه الان


مدد وافى على الكنبه العربى التى امام سرير والده واغمض عينه ليهرب من ذكرياته التى لا يستطيع الهرب منها الا بالنوم 


###########################

المانيا 

بعد مرور اليوم بين تعلم الادارة ومعرفت كل صغيره وكبيرة عن فرع الشركه وكان المتبقى بدا النزول المدانى للمرور على المواقع وحددوا هذا ما يفعلوه طوال الاسبوع .


كانت سليا تجلس على المكتب و فايد بالحجرة يبدل ملابسه التى اوقعت عليها سليا العصير عمدا لمحاولت فايد ان يلمس يدها . دخلت كلارين من الباب دون استأذان لترى فايد يقف امام باب حجرة الملابس يغلق ازرار قميصه و سليا ترفع رأسها بنعاس من فوق المكتب لتصيح بلالمانيه وهى تشير الى سليا 


كلارين / تخوننى مع هذه العاه...


تقدم فايد بسرعه وصفعها على وجهها لتقع ارضا ولم تكمل كلمتها وهو يصيح 


فايد / اياك انا تنطقى كلمه واحده عنها فان كنت تريد ان تعرفى من العاهره فانظرى بمرأتك يا مرأه هيا اخرجى من مكتبها 


كلارين / بتضربنى لاجلها سأريك ماذا سأفعل فايد 


فايد / افعلى ما تستطيعى 


خرجت كلارين والدماء تغلى برأسها لتدخل الى مكتب اخيها 


بيرن / اوه ما بك ماذا فعلت مجددا 


كلارين / الحقير ضربنى لاجل عاهرته 


بيرن / اكيد انت المخطأه فانتى تعلمين انه لا يحب احد يقترب من ما ملكه


كلارين / يخوننى معها وتقول انى المخطأه


بيرن / عزيزتى لا تخدعى نفسك فهو تركك قبل ان يقابلها ايضا والسبب معاملتك السيئه لامه 


كلارين / انها مجرد خادمه لما تعطيها هذه الاهميه 


بيرن / لانها مهمه له وان اردت ان اكسب فايد لانجح شريكاتى فساعاملها كاملكه المانيا لا فقط امه وانصحك ان تبحثى لكى عن حبيب اخر من اصدقائك ففايد يحب فعلا من معه الان كما انها ذكيه


كلارين/ اتعتقد انى سأتركها تفوز بكل شئ لا سأسترد فايد لى وان كان على نفاق هذه الخادمه ببيته وسترى 


بيرن / لن تستطيعى 


كلارين/ اليس اليوم حفل (.....) بسفارة المصريه 


بيرن / اها الحفل اليوم 


كلارين ببتسامه خبيثه / اذا تاكد من حضور هذة الجرثومه التابعه لفايد الحفل 


بيرن / تمام لكن لا تسئ لنفسك انت 


كلارين / سترى من سوف يسئ لنفسه 

###########

بمكتب فايد 


سليا / انت ليه ضربتها كنت استنى وانا هقطع لسانها 


فايد / مش بتحمل حد يغلط فيكى 


سليا / ليه 


فايد / هيجى اليوم اللى تحسي بقلبى 


سليا/ قلبك اللى شبهه الترزى ( من يخيط الملامبس) اللى كل زبينه حريم 


فايد / بس قفل المحل على زبونه واحده بس 


سليا / وايه يخليها تثق انه مش هيفتحه تانى على البحرى


فايد / مش هتخسري حاجه لو حاولتى تثقى فيه 


سليا بضحكه / بشترى جاهز ما بفصلش


فايد / خلاص ابيع انا الجاهز واقفل على باقى البياعين اواقتلهم 


سليا / هههههههههه مجنون 


فايد / بيكى 


اخرجت له لسانها وخرجت من المكتب مسرعه باتجاه الاسنسير ثم فجأه توقفت 


جاء فايد من الخلف ووضع على عينها الكرافيت يتاعه ثم وضع سماعه بأذنها بعد ان همس 


فايد هفرجك على حاجه الاول قبل ما ننزل ثم سحب ايديها ودخل الاسنسير وفجأه حملها 


نزعت سليا السمعات وهى تصيح / انت بتعمل ايه 


فايد / ما تخفيش بس عشان ما تقعى على السلم هننزل دور واحد 


صمتت سليا وبعد دقائق نزلها ارضا ورفع عن عينها 


فايد بضحك / خلاص وصلنا احسن ما اضرب تانى 


سليا / طب هعمل ايه انا بعد ما تسافر 


فايد / متقلقيش انا هتفق مع مهندس ديكور يشتغل غدا على الدور الثالث ويبدل المكاتب وبيرن وافق انا راسلته واتس وهو تفهم 


سليا ببتسامه خجل / شكرا 


ابتسم فايد لاحساسه انها بدأت تميل له وعاهد نفسه ان لن يحاول ان يجبرها علي شئ بل سيجعلها تعشقه 

###########################

القاهره 

استيقظ وافى على ضربات من المخده وصياح بسمه 


بسمه / ايه نايم فى بير اصح يا برص انت 


وافى / برص يخرب بيت هبلك ده انا الكبير يا بت فى حد يصحى اخوه الكبير كده 


بسمه / ما انا من 9 بصحيك والساعه بقت 11 هنروح نشترى امتى 


وافى / الساعه 11 الظهر لسه بدرى سبينى انام 


حاول وافى ان يضع المخده على رأسه 


بسمه / لا ده انت عايزنى اصحيك زى ادهم بقى 


ابتسم وافى / حظ سعيد المره القادمه 


بسمه / كده طيب 


اقتربت بسمه وشدت شعره واوقعته على الارض وامسكت كوب الماء 


بسمه / ها هتصحى ولا 


فتح وافى عينه ونظر لاعلى / يا مجنونه يا جزمه طب ورينى بقى يوسف هيحميكى منى اذاى 


قفذ وافى واقفا بحركه رياضيه سريعه ولكن بسمه كانت اسرع وخرجت من ااحجره وهى تضحك وتنادى يوسف 


بسمه / يوسف الحقنى 


خرج يوسف مسرعا ليجدها تجرى اتجاهه وتقف خلف ظهره ووافى يقف امامه بلمح البصر نظر يوسف لوجه وافى المغطى بالماء 


يوسف كتم ضحكته / انت الغلطان على فكره حد يعمل عقله بعقل عيله اهدى يا اسد 


وافى / اخفى يا يوسف من امام عينى بدل ما تتعلق مكانها 


يوسف / تعلق مين انت يا بنى انا خايف عليك مش عليها صدقنى 


وافى / طب اطلع منها كده ونشوف 


تحرك يوسف للجنب وهو يضحك 


يوسف /ههههه قطيتى اضربى من غير كسر الراجل لسه هيصرف على جهاز هناء 


بسمه / زرقان بس بلاش كسر يعنى 


وافى / ايه هركليز 


ومد يده ليمسك شعرها ولكنها سرعان ما لوت زراعه و ادارت جسده وضربت ركبته من الخلف لينزل ارضا ولكنه لم يقاوم وبدأ يضحك بهستريا 


وافى /هههههه يا ربى ههههه انا شوفت ههههه الحركه دى ههههههه فين اه سليا وفايد بس يا ماما انا مش فايد 


التف ارضا ثم جذبها لتقع ارضا ولوى زرعها خلفها وهو يضغط بيده الاخرى على رأسها برفق 


وافى / مش هسيبك غير لما تقولى انا بنت 


بسمه / انت اهبل اومال انا ايه 


وافى / اه صح خلاص قولى انك عيله 


حاولت بسمه ان تتخلص من سيطرته ولكنها فشلت 


بسمه / يوسف حبيبى 


يوسف / نعم حد بينادى اه ايو يا بابا 


بسمه / ندل 


يوسف / مجنون ادخل بين هيرا وهرقل انا 


لتدخل هناء من الباب وترى ما يحدث ودون تفكير تهجم على وافى وتشد شعره وتضربه 


هناء / انت فاكر بفلوسك هطيح فينا لا خدها يا عم مش عايزين وانت يا زفت هى مش مراتك دى 


يوسف / وهو اخوها وهى اللى بدأت 


وافى وهو لا يستطيع اقاف ضحكه / لا اطمأنت على الواد ابراهيم ده هيتربا هههههههه مهو انتى لو بسمه كنت عجنتك زيها غورى يا بت البسي عشان نروح نشترى جهازك 


هناء / هو انا لو قولت اسفه هتفرق 


وافى / لا 


هناء ضربت بسمه بكتفها / عملتى ايه يا هبابا 


بسمه / صحيته بس 


هناء / بس لا واضح انا اغور البس احسن هو عنده حق 


بسمه / حتى انت يا بروتس 


هناء / بالمنظر اللى كنت انتى فيه ده بروتس بروتس عسل ههههههه انا كنت جايه ليه اه مستر وافى ..


وافى / مستر وافى بعد ما ضربتى لا محترمه 


هناء / ما قولنا اسفين الله وبعدين ما انت كمت مكتف صحبتى يا عم 


وافى /عم !!كنت جايه ليه يا هناء 


هناء / اه الفطار جاهز ابراهيم بيقول لك تعالى 


وافى / بت هو ابراهيم كاتب كتابه 


هناء / اه والله ليه 


وافى / خسارة كنت هقوله اخلع دهى هبله 


هناء / بسمه البتاع ده اخوكى بجد ولا اتويه (اقتله) 


بسمه / خسارة اخويه بجد 


يوسف / تعالى يا وافى ناكل احسن مش هتخلس دول هيبتدوا كده 


وافى / هات هدوم من عندك احسن ما عنديش غيار والهبله مراتك غرقتنى 


هشام بضحكه وهو كان متابع ما حدث لجلوسه على كرسي بجانب الصاله 


هشام / ادخل يا وافى هتلاقى طقم لى انت نفس مقاسي زمان ايام ما كنت بلعب رياضه 


وافى ببسمه / وهترجع تلعب رياضه تانى اوعدك 


دخل الحجرة ليغير ملابسه فامسك ملابس والده وضمها وشم رائحتها وعينه ادمعت 


وافى (عايز اضمك لي يا بابا بس خايف اوجعك اسف انى بتعامل من بعيد بس والله خايف اوجعك بس بكره تخف واحضنك ونجرى ورا بعد زى زمان انا مش ناسي ايامنا ) 


ثم ارتدى ملابس والده وخرج ليرى بسمه تنظر له وتبتسم 


بسمه بدموع / انت بجد شبهه ادهم رغم انه هو شعره بنى وملامحه مختلفه بس نفس روحه بجد انا حاسه انى بتعامل معاه ربنا ما يحرمنى منك انت كمان 


لم يستطع وافى ايجاد كلمات لهذا حاول تغير الموضوع 


وافى / ايه مش هناكل انا بجد جعان 


هشام /يلا يا بنى هنروح ناكل عند محمود 


امسك وافى يد والده وسند ه ليخرجا الى الشقه المقابله ويجلسا بجو اسرى غاب عن وافى لسنين 


لا يعلم وافى لماذا فجأه تذكر عندما ذهب لجده يترجاه لمبلغ 1000جنيه فقط حتى لا يتم سجنه ولكن جده ترده قائلا ( مش هدفع مليم لابن الحقيره اللى قتلت ابنى وضيعت شغله ) 

بارت صغنن اهو يوم الاجازه 1949 اهو 

ASMAA NADA

الفصل التالي

تعليقات