أخر الاخبار

رواية ملبوسه لبستها انا الفصل الاول لكاتبه فريده احمد

 

حصرين ع موقع المجد للقصص والحكايات الكاتبه فريده احمد فريد   #ملبوسه_لبستها_انا  #فريده_احمد_فريد

حصرين ع موقع المجد للقصص والحكايات الكاتبه فريده احمد فريد 

#ملبوسه_لبستها_انا

#فريده_احمد_فريد


(ملبوسه... لبستها... انا)

الجزء الأول


ف بداية كلامي.... عايز اسألكم سؤال.... مين اللي دخل الجن حياه البشر


مين كان السبب أنهم يقتحموا حياتنا.. وبيوتنا....


عرفنا قبل كدا... من المذيع العالمي.... أحمد يونس... إن البدايه كانت مع السحر


اللي نزله ربنا ع هاروت وماروت الملكين الشهريين


بعدين.... انتشر السحر ف المغرب

اشتهر سحره المغرب باستخدامهم أوراق التاروت


لكن السحره ف مصر..... طوروا اساليبهم... من استخدام السحر.... للاستعانة... بالجن


لكن سؤالي انا هنا..... عرفوا منين.... طرق استحضار الجن


هتقولوا من كتب...... مين كتب الكتب دي


لا القرآن... ولا الإنجيل.... ولا التوراه.. ولا الزابور....


فيهم اي طقوس لاستحضار الجن

يبقى الناس عرفت منين الطقوس دي..


هتقولوا سيدنا سليمان.... الجن ظهر قبل سيدنا سليمان


وهوه اللي حجم من ظهوره..... واخد عليهم عهود... ومواثيق


عشان ما يظهروش علني للناس.....


السحره... والمشعوذين...

جابوا منين.... أو عرفوا ازاي..... يحضروا الجن.... والمارد.... والأرواح العالقه


سمعنا.... أو يقال ان الجن اتخلقوا قبل البشر... ب 2000 سنه


وبرضو اتقال أن الجن.... هما المخلوقات اللي ربنا خسف بيهم الأرض


واكبر دليل ع كدا.... انهم مكروهين عند ربنا..... اومال ربنا ليه قال


اللي هيتعامل مع الجن بإرادته.... هيكون كفر بيا


ليه......اشمعنا الجن...... ليه ما منعنا من التعامل مع الحيوانات.... أو الزواحف... أو الطيور


ما دول برضو مخلوقات غير البشر..... ليه ربنا حجبهم عننا


وخلاهم بشكل بشع كدا...... اكيد بسبب غضبه عليهم..... أو يمكن.... إن بس بسأل


الجن دخلوا حياتنا..... بطريقه أو بأخرى

محدش عارف مين كتب..... الكتب الاساسيه


اللي عرفت العالم كله.... ازاي.. يسخروا الجن...... ويخليهم خدام لبعض البشر


سامحوني..... بس كان لازم اسأل... وافهم مين هوه.... البشري المؤذي


اللي دخلهم عالمنا.... وخلاهم يدمروا.... بنات.... وشباب.... وعائلات كامله


زيي... انا وعيلتي.... تعالوا بقى احكيلكم.... حكايتي من الأول خالص


عشان تعرفوا.... انا ايه اللي هيجنني... ويطير النوم... والراحه... من عيني.... وحياتي



انت... وانتي

اكتر حاجه الواحد فيكم.... بيكرها ف حياته... ممكن تكون إيه


إسرائيل...... اليهود..... الظلم..... حد يفتري عليك..... حد يشتمك بامك.....


الضلمه..... الكذب.... الخيانة...... الإنتظار

الفشل...... الفراق...... الموت..... الجهل


حاجات كتير ف حياتنا بنكرهها.... انا بقى..... ضيف ع كل دول..... ويمكن قبلهم كمان


عمي.....وبنته..... هقولكم ليه.....

ببساطة... زي حوارات كتير عدت عليكم قبل كدا


عمي..... سرقنا... من الآخر

بعد موت ابويا.... عمي استغل جهل امي


ومضاها ع تنازل عن حق ابويا ف عماره جدي..... الغلبانه امي.... صدقته


لما قالها أمضى عشان تستلمي ورث جوزك........ امي مضت


تاني يوم.... عمي طردنا

لكن..... بيت أهل امي ف نفس الشارع


ف اتربيت انا وسمر..... قصاد بيتنا.... ومحرم علينا ندخله


ومش بس كدا...... بنت عمي..

غاده هانم..... كانت دايما تذلنا... وتعايرنا


انا اكبر منها ب 9 سنين..... بس كنت بتضايق.... منها... ومن كلامها


المهم.... خلينا ف المفيد..... ف يوم من أجمل أيام حياتي


سمعت خبر وفاة عمي..... حمدت ربنا الصراحة.... لأني


كانت عفاريت الدنيا بتنطط ف وشي

لما بشوفه.... قاعد قصاد العماره


وعامل فيها معلم..... بس الحمد لله... مات.... بس الغريب


مرات عمي.... بقت تيجي تزرنا.... كتير


.... انا وسمر.... مكناش بنديها وش


إنما الست الطيبة.... امي

كانت بترحب بيها.... وتعزيها ع المحروس


اللي سرقنا..... لكن ف يوم اسود ما طلعتلوش شمس


امي دخلت عليا اوضتي.... وقالتلي... وهيه متوتره


((عيزاك يا زين يابني ف موضوع مهم اوي))


طفيت سيجارتي.... وقمت قعدت ع سريري.... وبصتلها اوي


فهمت انها هتقول حاجه مش هتعجبني.... مانا عارفها... وحافظها


قلتلها بملل

((احكي يا شهرزاد....... قوليلي.... ف مصيبه جديده.... جايه تحدفيها ف خلقتي ع المسا....))


امي بصت ف الأرض.... ووشها بان عليه القلق..... انا قلقت


قلتلها بجديه

((ايه يا حاجه.... قلقتيني..... ما تنطقي ف ايه))


((بنت عمك يا زين))


((بنت مين.... عمي.... عمي مين.... انا ماليش.... زفت))


((زين.... مرات عمك.... هترجعلنا حقنا.... ف بيت جدك.....))


انا اتنطرت وقفت..... وقلتلها بفرحه


((بجد..... بتتكلمي جد))


((ااااااااااااه... بس.... ليها شرط واحد))


((شرط..... شرط ايه ياما))


((تتجوز بنت عمك...... غاده))


((اا..... إيه..... بقولك ايه..... اقفلي النور... وقومي من هنا ياما..... انا عايز انام...... انتي جايه تهزري ع المسا))


((زين..... انا مبهزرش..... بنت عمك اتلبست من الجن..... ومحدش هيرضي يتجوزها....... امها مرعوبه عليها...... عيزاك تتجوزها.... وهتتنازلك عن العماره..... ماهو بعد موت عمك..... هيه وبنتها الورثه الوحيدين للعماره..... وهيه مسؤوله عن بنتها...... هتاخدها.... ويتنازلوا الاتنين...... أول ما تكتب عليها........ ايه رأيك..... بص يا حبيبي.... انا هسيبك تفكر براحتك.... وترد عليا..... بس ياريت تفتكر..... سنين الشقا اللي عشناها..... واختك اللي شايلين هم جوازها....... عشان خاطر امك... واختك....... فكر بعقلك.... واركن كرهك لعمك وبنته ع جمب......))


امي خرجت... وسابتني.... ف دوامه تفكير.......


راسي كانت هتنفجر...... من كتر التفكير..... بس ف الآخر


طمع النفس.... خلاني اتغلب ع كرهي..... وحقدي... ع عمي وبنته


قلت لنفسي... وانا بشد اللحاف عليا


((هه..... عادي..... ملبوسه.. هلبسها... انا.......... عادي يا زين..... المهم.... هرجع حقي.... ومش بس كدا...... دي فرصتي..... عشان أذل اللي جابوها..... زي ما ذلتنا قبل كدا كتييييييير))


يتبع

الفصل التالي

تعليقات