القائمة الرئيسية

الصفحات

أخبار

رواية الأم الحياة الفصل الرابع والخامس

 

حصرين ع موقع المجد للقصص والحكايات   الكاتبه اسماء ندا   رواية الأم الحياة   الفصل الرابع و الخامس

حصرين ع موقع المجد للقصص والحكايات 

الكاتبه اسماء ندا

 رواية الأم الحياة 

الفصل الرابع و الخامس

بعد مرور الوقت وشفاء سليا سافرت الى القاهرة ودخلت الشقه وهيئة مظهرها كرجل ثم ذهبت لموقف الاتوبيسات لتجد سيد 


سيد / يا اهلا يا اهلا وحشتنا يا راجل 


سليا / وانت اكتر يا سيد


سيد / بس ايه صحبك والله طلع جدع اوى نزل اشتغل معايه مكانك عشان ماجبش حد غيرك بس تعرف حتى لو ما عمل كده ما كنت هجيب غيرك انا يا يا سامح 


سليا / تشكر يا سيد راجل فى زمن مات فيه الرجاله 


سيد / بقولك ايه ينفع يعنى اخر النهار اجى اشرب شاى معاك وهجيب اختى وجوزها متقلقش على اختك يعنى 


سليا بلعت رقها / تنور يا سيد بس اختى هتعد مع امى فترة كده عشان التعب زاد عليها ما انت عارف انا بجمع فلوس عشان عمليتها


سيد / وماله نعد معاك 


###########################

بمكان اخر بشركات الالفى للتوصيل 


دخل فايد بعد ان حدد معاد مع مالك شركات الالفى 


شادى الالفى / اهلا اهلا يا فندم نورت الشركة تحب تشرب ايه 


فايد / اهلا .. قهوه سادة لو موجود 


شادى / اكيد طبعا موجود ....... لو تسمحى يا دينا 2قهوه سادة وسكر زيادة 


دينا / تمام يا فندم 


شادى/ احب اعرف سبب زيارتكم الكريمه 


فايد / عايز 100 عربيه بسائقيها لمواقع لشركتى لاماكن كتير بمحافظات عده 


شادى / 100 اممم


فايد / انا متكفل برواتب السائقين ولن يقل راتب الفرد عن 3000جنيه غير البدالات 


شادى / انا ممكن اجمعلك 70عربيه بس اجرة العربيه بدون راتب السائق 4000 حضرتك عارف تكاليف البنزين عاليه اذاى 


فايد / هخلى سعر السيارة 5000 بس بشرط 


شادى / وهو 


فايد / ترفد سواق واحد بس وتمنعه من الشغل فى اى شركه تانيه ممكن يلجأ لها 


شادى / ياااه ده اكيد عامل جريمه عشان فايد باشا يقدم لى عرض زى ده 


فايد / مش مهم عامل ايه المهم مش عايزه يشتغل 


شادى / خلاص زى ما تؤمر ابعت للمحامى يحضر العقود 


نهض فايد وبدأ بتعديل ملابسه ثم قال


فايد / مش همضى غير لما اتاكد انك رفدت سامح رامزى وانك قفلت عليه فى اى شركه ثانيه وياريت تعرفه انى انا اللى وراء رفده 


شادى / حاضر اتفضل حضرتك عند طاولة الاجتماعات وانا هبعت اجيبة وتسمع بنفسك 


فايد / تمام 


شادى امسك الهاتف وطلب شئون العاملين بشركته 


شادى / عايز ملف السائق سامح رامزى واتصل عليه خليه يجى حالا 


الموظف / حاضر يا فندم 


بعد مرور نصف ساعه دخلت السكرتارة دنيا 


دنيا / سامح بالخارج يا فندم 


ابتسم شادى ل فايد / طيب دخليه وخلى الحسابات تحضر حسابه 


دخلت سليا الى مكتب شادى بعد ما اذنت لها السكرتاره 


سليا / ايوه يا فندم حضرتك طلبتنى 


شادى / مع الاسف يا استاذ احنا مستغنين عن خدماتك وتقدر تفوت على الحسابات 


سليا / ليه يا فندم هة صدر منى حاجه 


شادى / لا بس الاستاذ فايد العمرى شرط انك تسيب الشغل هنا 


سليا / وهو ماله بشتغل فين وبعدين ايه دخله بشركتك 


شادى / مش شغلك يا استاذ واتفضل مع السلامه 


سليا بحصرة / حسبي الله ونعم الوكيل 


وخرجت من مكتب شادى بل من الشركه كلها واتجهت لمنزل سيد لا تعرف ماذا تفعل 


فايد ببتسامه نصر لنفسه ( بكرة هتيجى تحت رجلى لوحدك ) 


اتصل شادى امام فايد بعدة شركات تعمل بمجال التوصيل داخل القاهرى وبلغهم باسم وملف سامح واتهمه بالسرقه حتى يحزروا من العمل معه 


واثناء ذلك كان محامى شركته ضبط اوراق السيارت التى سيأجرها فايد من شركته 


شادى / راضى كده يا باشا 


فايد / وادى امضتى على العقود مبروك ليك 


خرج فايد وهو يعقد العزم على ان يذهب الى هذا المدعوا سيد ليغريه بالمال حتى يطرد سليا ايضا وهكذا كما ظن ان لن يكون امامها الا الموافقه على ما يمليه هو من شروط 


###########################


عادت سليا الى شقة سيد التى اجرتها منه وعند صعودها كان يقف سيد امام باب الشقه ينوى رن الجرز 


سيد / انا كنت لسه هرن الجرز ايه كنت فين 


سليا وهى تحاول حبس دموعها 


سليا / صاحب الشركه طردنى 


سيد / ليه 


سليا / ادخل ادخل مش هعرف احكى على الباب 


دخل سيد وكانت معه خطيبته وامها واخته وزوجها وابنهم الذى بعمر سليا اسمه عامر جلسوا جميعا ووضع سيد اكياس الطعام 


سيد / عارف انك لوحدك يا صحبى فجبت معانا الغدا 


سليا / وتتعب نفسك ليه بس ما كنت هجيب دلفرى من جنبينا 


اخته سيد / وتعب اه بقى هو بين العايله تعب انت خلاص واحد مننا 


خطيبة سيد بصوت منخفض (واحد ايه انتو مابتشفوا اممم اما نشوف اخرتها ) 


فرشوا الارض وجلسوا جميعا على شكل دائرى 


سيد / ناكل وروق كده واحكى لى ولكل حاجه حل يا ابو السوامح الدنيا موقفت على الشركة دى 


بدأ الجميع بالاكل وكانت سليا تاكل وهى سرحانه وتفكر ماذا ستفعل وكيف لها النجاه من هذه الورطه فمن الواضح ان المسمى فايد ده لن يتركها لحالها 


خطيبة سيد وهى ترفع حاجب/ بقولك ايه يل حببتى هما ليه ادوكى اسم ولد وانت ماشاء الله قمر كده 


سيد / انت بتقولى ايه يا بت يا فاطمه ما تتلمى بدل ما افرمك ولا عايزنى ادفنك مطرحك هنا 


سليا وقد انتبهت لسيد فهى لم تسمع ما قالته فاطمه 


سليا / اهدى يا سيد فى ايه معلش يا اخت فاطمه انت قولت ايه عشان كنت سرحان 


فاطمة / يوه يا سيد هو انت مش شايف ولا اكمنك راجل دغرى خال عليك (اضحك عليك)


سليا / خال عليه ايه بالضبط 


سيد بغضب / متاخد فى دماغك اصلها بت هبلة وشكلها عايز تربيه انا شبعت لما تخلث تعالى نطلع البلكونه(شرفة الشقة ) نتكلم بلا حرقة دم 


سليا / الحمد لله انا شبعت 


اخت سيد / يوه يا دى العيبه وانت اكلت ولا اكلى مش عجبك بقى 


سليا بابتسامه / لا والله الاكل جميل بس انا مليش نفس وبعدين ما انا هنا كام يوم هاكل منه هاكل ولا انتم هتخدوا معاكوا الباقى يا سيد (وغمز بعينه ليه ) 


سيد/ ربنا يحظك يا شيخ ضحكتنى وانى غضبان كده ههههههه يلا يلا اعملى شاى يا فاطمه وهاتيه 


دخل سيد و سامح لشرفه ليحكى له سامح ماذا حدث 


بالداخل 


اخت سيد / ايه اللى هببتيه ده يا فاطمه 


فاطمه / الله وانت كمان يا يسريه مش فاهمه انه بنت مش راجل 


يسريه بابتسامه خبيثه / لا عارفين بس عاملين مش فاهمين عشان منحرجهاش دى بتجرى على رزق علاج امها وعامله راجل اكيد عشان خايفه من غلاسة التوابعيه والسواقين 


فاطمه / يوه بقى طب ما حد قالى ليه وسايبنى ادبش(اغلط) بالكلام كده 


يسرية / كنت فاهمه ان سيد فطمك (قالك) 


فاطمه / امال احنا جين هنا ليه 


يسريه بضحكه دلع / الواد ابنى عينه منها فقولنا نقربهم يمكن يشيل عنها شوية من الهم 


فاطمه / طب الحقهم بشاى انى 


بالشرفه 


جلس سيد على الكرسي وجلست سليا امامه 


سيد / شوف انا صحيح زى ما البت فاطمه دغرى بس كنت حابب تيجى منك عشان كده ساكت بس بصراحه بعد ما الهبله غلطة بالكلام ..... 


سليا / انا ما عرف بجد هى قالت ايه لانى كنت سرحان ف متحت بدماغك 


سيد بابتسامه / طيب قولى بقى ايه حصل 


سليا وهى خلاص مش قادرى تتحمل اكثر من كده 


سليا / شوف يا سيد انا تعبت ومش هخبى اكثر من كده بصراحه انت جدع اوى وانا مش عايزه اخسرك كأخ كبير انا انا بصراحه كده سليا مش سامح 


سيد بضحكه وصلت لقهقه بصوت مرتفع 


سيد / ما انا عارف اينعم انت بنت بس ب1000راجل وانا ناسي لما مسكت الواد اللى كانت بيتحرش بواحده بالاتوبيس ورغم انه بحجمى انا 3مرات وضربتيه عدمتيه العافيه بس برده ما فيش راجل رقيق كده ده انتى بتقولى سيد البت فاطمه ما تعرف تقولها ههههههههه 


سليا / عارف وسيبنى اشتغل معاك وم.... 


سيد / هو انت لو ظروفك ما دفعتكيش لكده كنتى هعملى راجل ليه وبعدين الناس لبعد واه انا اتخدعت فى الاول وصدقت انك سامح بس لما شوفت طريقتك بالكلام والمعامله مع الناس عرفت وما اخفيش طول ما انا جانبك ما حد هيضايقك ابدا قولى بقى ايه حصل فى الشركه 


سليا وقد افرجت عن دمع عينها قصت عليه ما حدث من اول المطعم الى ما حدث بالشركة صباحا وقبل ان يجيب سيد رن هاتفه 


سيد / الو 


......./ معاك العقيد فهد ابو المجد خمس دقايق وتكون عندى بقسم (.....) فاهم 


واغلق الهاتف بدون ان يسمع رد 


نهض سيد ووجه محمر من الغضب فقد خمن ماذا يرد هذا الضابط منه بعد ان استمع لها 


سيد / بصي يا سليا هو حل واحد انتى تروحى بيتكم ومفيش شغل ليكى وان كان على المصاريف ياستى انا المسؤول عنكم لحد ما سامح ربنا يشفيه ويشتغل 


سليا / بس 


سيد / مفيش بس ويا ستى اللى هسرفه يبقى يكتبه دين يدهولى لما ربنا يفرجها 


سليا / مش عارفه اقولك ايه بس مصاريف علاج امى وعلاج اخويه كثير طيب هعمل اللى بتقوله واول ما الوقت يهدى ارجع اشتغل تابع ليك 


سيد بابتسامه / لا هشغلك برده سواق بس من الباطن من غير اوراق لو هو عنده نفوذ فاحنا اصحاب الحيل بس دلوقتى ترجعى بياك واوعى لو ايه حصل تخرجى 


سليا / ربنا يكرمك ويبعد عنك شر الناس دى 


###########################


سافرت سليا بصحبت ابن اخت سيد وذهب سيد ليرى هذا العقيد ماذا يريد 


وصل سيد لقسم (---------) 


سيد / قول للباشا ان سيد شكر وصل 


دخل العسكرى للمكتب ثوانى وخرج 


العسكرى / ادخل 


دخل سيد للمكتب ووجد شخصان شخص يجلس على الكرسي الرئيسى للمكتب وشاب يجلس بمواجهته يضع قدم على اخرى 


سيد / ايوه يا باشا طلبتنى ليه 


فهد / طب اعد اشرب حاجه يا سيد الاول 


سيد / معلش يا باشا شاب خطبتى بره لوحده اصل كنا بنزور اختى لما اتصلت 


فهد / طيب يا سيد ده المهندس فايد ...

###########################

يا ترى سيد هيقبل عرض فايد 

الفصل الخامس

دخل سيد للمكتب ووجد شخصان شخص يجلس على الكرسي الرئيسى للمكتب وشاب يجلس بمواجهته يضع قدم على اخرى 


سيد / ايوه يا باشا طلبتنى ليه 


فهد / طب اعد اشرب حاجه يا سيد الاول 


سيد / معلش يا باشا شاب خطبتى بره لوحده اصل كنا بنزور اختى لما اتصلت 


فهد / طيب يا سيد ده المهندس فايد وطلب منى سواق امين يشتغل بشركته باسكندريه  لا وايه براتب 5000جنيه فانا قولت له مفيش حد احسن من سيد وانك رجلنا قبل ما تسيب الخدمه مش  ايه رأيك بقى 


سيد / والله يا فندم كلك ذوق وتشكر انك فكرنى بس حضرتك عارف انا مقدرش اسيب القاهره انا حياتى واهلى هنا اه مش هنكر الراتب يشد بس راحت البال اهم عندى بس لو عايز سواق شاطر وقدها فانا اعرف سواق اسكندرانى انما ايه فوريرة وامين على ضمنتى 


فايد / اسمه ايه السواق ده 


سيد / اسمه سامح ده كان التابع بتاعى بس سابنى ورجع اسكندريه قال ان امه مريضه ولازم يفضل معاها وهيشتغل فى اسكندريه وانا وصيت عليه سواقين هناك بس يا بيه لو تشغله فى شركتك يبقى جميل واهو تبقى عملت خدمه لست عجوزه من بعيد 


فايد ببسمه خبيثه / امممم طيب  هفكر وابقى أكلمك  روح انت 


سيد / شكرا يا باشا وربنا يديم كرمك  عايز منى حاجه تانى يا فهد باشا 


فهد / لا روح انت دلوقتى 


خرج سيد واتجه مباشرة للاسكندريه للعنوان اللى ادته ليه سليا  وبعد ساعتين كان يدق على باب سليا 


سليا /حاضر  مين اللى جاى فى وقت زى ده 


فتحت الباب وصدمة عندما رأت سيد 


سليا / اتفضل اتفضل ايه فى حصل حاجه 


سيد / نعقد بس وهاتى كوباية ماية يا بخيله 


سليا / من الخضة  مش لخيله انا على فكرة 


احضرت سليا كوب الشاى بجوارة زجاجة ماء وكوب فارغ امسك سيد زجاجة الماء واشربها كلها 


سليا / يااااه داه انت كنت عطشان اوى 


سيد / س زفت فايد ياختى نشف ريقى ربنا ينشف ريقه


سليا وقد لمعت بعينها الدموع وظنت ان سيد جاء ليتراجع عن عرضه لها 


سيد / بس ايه انى استخدمت عليه عقل امين الشرطه المخضرم جوايه 


سليا / مش فاهمه  وانت كنت امين شرطه 


سيد / اه قبل الاصابة فى رجلى بس الحمد لله جات خفيفه واتعتقت من الشغل الزباله ده  المهم  المهندس ده عرض عليه اشتغل سائق بشركته هنا باسكندريه لا وايه ب5000 جنيه  ههههههههه بس انا رفضت بالذوق لا وقولت له ان لو هو مذنوق بسواق انى اعرف سواق شاطر اوى واديته اسم سامح 


سليا / ايه يا سيد رمتنى ليه 


سيد بابتسامه خبيثه / يا بت افهمى بس ذى ما فهمت منك انه عارف انك انت سامح ولو اشتغلت انت عنده من ناحيه هتقبضى 5000جنيه وهتعرفى تعالجى امك وكده بتشتغلى مش بتبيعى نفسك وكده هيبقى تحت عينك يعنى مش هيجرى يوقف رزقك كده 


سليا  بعد تفكير / اممم وهو وافق 


سيد / حسيتها فى عينيه بس هو كبير قالى هيفكر ويبقى يتصل بيه  وانت كمان فكرى واسمعى منى الحرامى الناصح يستخبى فى عب الحكومه  


سليا / بس انا مش حرامى 


ضربها سيد خلف رأسها بخفه 


سيد / لا انت حوريه مش حرميه هههههه 


كان سامح جالس معهم 


سامح / ههههه والله انا شايف انه معاه حق 

لو اتصل عشان تشتغلى معاه اعملى هابله واشتغل على انك انا ونشوف اخرتها لنربيه 

لنربيه 


سليا / ههههه يبقى هنربيه هههههه


سيد / يلا استأذن انا 


سامح / على فين الساعه دى ايه فاكرنا معندناش دم ولا ايه  ادخل الاوضه دى والصباح رباح يا سيد 


سيد / كلك ذوق يا سامح حاضر يا عم تعالى اسندك بقى للاوضه معايه  


ساليا / هههههه والله واتلمتوا على بعض 


ودخلا الجميع للنوم وكلا يفكر فيما سيحدث بالغد ويضع الاحتمالات 


##########################

بمكان اخر  حيث المنكرات 


يجلس فايد وبيده كاسة من الخمر وتجلس قربه فتاه بدلع تقترب منه وتدع يدها على يديه وقبل ان تتكلم دفعها بقوه واشار لها ان تبتعد


وافى / تعالى لى هو مش فايق لك  هههههه


الفتاه / هو ماله مش طايقنى ليه دا انا توتو 


وافى / يعنى هو مش طايقنى انا هيطيقك انت طل بزمتك انت طايقه نفسك  روحى ابعتيلى حاجه جديده بلا قرف 


فايد كسر الكاس اللى فى ايده / انا ماشي خلص وهات زفته جديده وحصلنى على الفلا 


وافى / من عينى بس اهدى انت 


خرج فايد من الملهى الليلى متجه لفلاته  وبعد نصف ساعه من وصوله دخل وافى ومعه فتاتان صغيرتان لم يتعدوا 18 سنه من العمر 


فايد / انا قولت لك جداد مش عيال 


وافى / ده اللى لقيته فى السوق مش عجبك سيبهم لى الاثنين  


امسك فايد شعر احدهم وجذبها ليصعد لحجرته وهى تصرخ بألم 


وافى / هيطلع عين امها ياعينى  ..... تعالى انت ادلعك انا  


صعد وافى لحجرته التى كان مجهزها له فايد دائما  


بحجرة فايد 


فايد / هتنامى على السرير سليا و ما اسمع ليكى نفس  


جريت الفتاه وتمددة على السرير ليصرخ فايد 


فايد / غمضى 


اغلقت الفتاه عيناها وهى تدعى ان لا يؤلمها فقد سمعت من زميلتها بلملها انه يعذب من تذهب معه  


اغلق فايد النور وجلس على كرسي بجوار السرير وهو يشرب من الزجاجه ال5 حتى شعر بالنعاس وغاب عن الوعى  


انتبهت الفتاه لعدم الحركه ففتحت عينها لتجده نائم على الكرسي لتتنهد وتغمض عينها لتنام مطمأنه ان الليه ستمر ولن يحدث لها شئ 


##########################


بالصباح بفيلا فايد يفتح عينيه ويتسأل مع نفسه ماذا حدث ويشعر بصداع شديد ثم يتذكر ما حدث لينهض ويجذب الفتاه ويلقيها ارضا  


فايد / افتح عينى ما تكونى هنا 


ابتلع بعد الحبوب وتمدد على السرير ونام اما الفتاه ففتحت الباب وخرجت مسرعه حتى لم تحاول معرفت هل زميلتها مازالت بالفيلا ام لا 


بحجرة وافى يستيقظ وقبل ان يدخل للحمام الملحق بالحجرة يرمى بعض الاموال على الفتاه ويأمرها ان تذهب 


##########################


بيت سليا 


تستيقظ سليا وبعض ان تؤدى فرضها  تدخل المطبخ لتحضر الفطار وتضعه على طاولة الطعام ثم تاخذ بعض الطعام على صنيه  وتدخل لامها وتساعدها على الفطور ثم تعطيها الادويه وتخرج من حجرتها لتجد سامح وسيد قد انتهوا من الفطور 


نهض سيد من الطاوله 


سيد/ تسلم ايدك ربنا يدمها نعمه  هستأذن انا واى جديد هتصل بيكم 


سامح / ما تقضى اليوم معانا  


سيد / يا ريت بس لازم ارجع عشان العربيه مركونه من امبارح و الرزق عايز السعى 


سليا / ربنا يرزقك يا راجل يا طيب 


سيد / سلامى للحجه وقولى لها تدعى لى 


خرج سيد متوجهه لمحطة القطار ليعود للقاهره 


سليا / هلبس وانزل يا سامح عايز حاجه من تحت 


سامح / هتروحى فين 


سليا / هدور على شغل امال هعقد احط ايدى على خدى ما انت عارف المعاش مش بيكفى حتى ثمن ادويتك وادوية امى 


صمت سامح بحزن فهو يشعر بالعجز ولا يستطيع ان يساعدها 


خرجت سليا بمظهرها الرجالى متجهه لموقف السيارات للنقل الداخلى توجهت الى كبير السائقين او هكذا يدعونه 


سليا / السلام عليكم 


الرجل / وعليكم السلام يا بنى 


سليا / كنت بسأل على شغل انا سواق ومعايه الرخص كنت بشتغل فى القاهرة بس لسه ناقل هنا متعرفش حد عايز سواق ينبك ثواب 


الراجل / امممممم انت .... 


ياتى شاب من الخلف  / سامح ايه الصدفه دى بتعمل ايه هنا  


سليا / اهلا يا درش انا سيبت القاهرة وعايز اشتغل هنا 


مصطفى / اه ده وسيد سابق بسهوله كده اذاى ده لما لمحت له تيجى هنا معايه كان هيضربنى وقال انى هخطف التابع بتاعه 


سليا بضحكه مصتنعه اتقنتها تشبه ضحكت الرجال 


سليا / لا ما انا قولت له امى محتاجنى هنا  لان المرض شد عليها 


مصطفى / يا عم فتحى ده سامح اللى حكيت لك عنه 


عم فتحى / ده اللى كسر ايد ورجل الواد بليه البلطجى 


مصطفى / هو بذات نفسه 


وقف عم فتحى وادمعت عيناه ثم مد يده لها فسلمت عليه وقال 


عم فتحى / انت يابنى انتقمت لى وانتقمت لناس كتير هنا البلطجى ده كان مخوف بناتنا ومحدش عارف يقف له لان فى ضهرة ضابط فاسد 


سليا / انا معملت غير الصح وكان لازم يتربى وما بخاف غير من ربى ولو الضابط ده يهمه اوى بليه يبقى يلمه لان المرة الجايه مش هكسر زراعه ورجله بس لا دانا هكسر كل اطرافه 


مصطفى بضحكه /  لا اللى عرفناه انوفى باشا تانى كبير هدده لو قرب منك هو اللى هيقف له 


سليا / باشا مين ده 


مصطفى / الباشا فايد العمرى ده صاحب مطاعم وشركات كبيره وليه قرايب كتير بالشرطه والجيش وما فى حد يقدر يكسر له كلمه 


تمت سليا فى سرها هو مفيش غيره  ايه عفريت بيطلع من كل حته 


سليا / طيب يا عم فتحى قولت ايه 


عم فتحى / ده انت تشتغل على عربتى انا ودلوقتى وشوف كمان اللى هتلمه الاسبوعين دول ليك لوحدك وبعد كده بالنص 


سليا / ربنا يسعدك يا رب فين وهبدا حالا 


عم فتحى / ياض يا مجدى  تعالى خد سامح لعربيتى واطلع معاه من دلوقتى انت تابعه واوعى تزعله ياض لقطع خبرك 


مجدى / مين عينى تعالى ورايه 


جرى مجدى باتجاه سيارة مكروباس مركونه على جنب نظيفه وبتلمع  ركبت سليا وهى سعيده جدا وركب مجدى بالخلف تحركت لباب الموقف وبدأ مجدى ينادى على الركاب 


مرت 10دقائق وملأت السيارة وبدأت سليا بسعادة التحرك حسب خط السير  اللى كان بيقوله ليها مجدى مر اليوم سريعا وكانت قد ذهبت ذهاب واياب على الخط المحدد اكثر من 20مرة على مدار اليوم  واجمعت مبلغ اسعدها عادت على 9 مساءا للمنزل لانتهاء وقت المسموح لها بالتحرك بالخط ده  


دخلت سليا على امها واخيها وهى تحمل الكثير من ما يحتاجه البيت وانواع الفكهه  والادوية الناقصه لامها واخيها 


سامح / ما شاء الله اه كل ده 


سليا ببسمه سعادة / كل من الخير ربك ما بيسيب حد  


حكت سليا لامها وسامح ما حدث وكيف استلمت السياره وعن مجدى الذى لا يتعدى عمره عن 12سنه فهو طفل نشيط ومرح ويمتلك صوت جميل 


###########################


يوم فادى 


كان فادى قد عاد لنوم بعد ان طرد الفتاه الصغيرة  حتى وقت الظهيرة  وعندما استيقظ دخل اخذ شاور ثم خرج ووجد وافى يجلس فى حجرة الطعام  ومعه الداده مفيده تطعمه كلاطفال 


فايد / انت مش هتكبر ابدا 


وافى / طب بزمتك فى حد يبقى معاه ماما مفيده ويكبر ده انا لو بقيت عندى 60 سنه هاقعد تحت  رجليها تاكلنى كده برده 


الداده مفيده / ههههههه وانا هكون لسه عايشه يا وافى ههههههه 


فايد / رب يديكى العمر والصحه يا امى  ده انتى روح البيت  هو اهنا لينا غيرك 


الداده مفيده / مهو انا لة صحيح غاليه عندكوا مكنتوا تجيبوا البنات الوحشه دى هنا 


وافى / مهو امبارح كانت اجازتك يا داده  طب انتى جيتى لقيتى حد منهم هنا 


نهضت الداده وهى تهز رأسها وتردد 


مفيده / ربنا يهديكوا 


امسك فايد يدها  وقبلها 


فايد / خلاص يا داده واعد مافيش حريم من دلوقتى 


وافى / لا لا مقدرش 


مفيده / يا رب تتجوز يا وافى واحده تلمك 


وافى / كده بتدعى عليه إهأ إهأ 


مفيده / مفيش حريم تانى فاهمين ولا شرب 


وافى وفايد بصوت واحد / حاضر بس بشرط 


مفيده / ايه 


وافى وفايد بصوت واحد / بسبوسه بالقشطه 


مفيده / هههههههههه من عنيه 


ذهبت مفيده للمطبخ فهمس وافى 


وافى / بتقولك مفيش حريم 


فايد / هههههههه وهنفذ مفيش حريم من غير زواج هنتجوز 


وافى / مين ده اللى يتجوز انت اهبل لا هبطل حريم ومش هتجوز قال اتجوز قال  


وتركه وخرج 


فايد / على فين 


وافى / هروح اعط قبل ما اتوب هههههههه 


فايد / والله هتموت على ايد واحده ست 


صعد فايد لحجرته وغير ملابسه ونزل ليذهب لنادى الرياضى وهو يفكر فى اقتراح سيد السائق 


دخل النادى وبدأ بالجرى ثم الالعاب الرياضيه بالجيم من حمل اثقال وتدريبات مصرعه واثناء ذلك تذكر سليا وهى تهجم عليه لتضربه ومحاولته لتكتيف يدها وكيف قفظت وخلعت يدها وقف وخلل بأصابعه شعرة الاسمر الطويل الذى يصل لكتفه  


فايد / هتجننى بس برده مفيش ست ما بتبعش عشان الفلوس يمكن المبلغ اللى عرضه صغير  


خرج فايد من النادى وعاد للفيلا ليغتسل ويغير ملابسه ببدله سمراء كلاسيك ويضع من عطرة النافذ  ويرتدى ساعته ثم ينزل متجه الى اجتماع مسائى باحد فنادق الاسكندريه الشهيرة  مع عميله امريكيه تريد عقد اتفاق معه لانشاء سلسلة مطاعم اسلاميه بامريكا تحت رعايته 


اتصل بوافى وهو بالطريق 


فايد / ايوه جاهز 


وافى / دايما  ومستنيك على باب الفندق 


فايد / ارسلت مدير مطعم هانوفيل يجيب سليا تخدم عل الاجتماع 


وافى / امممممم شوف هو راح بس 


فايد / ايه 


وافى / ههههههههه جات وجهزه هى وسندس 


فايد ببتسامه خبيثه / كويس 


اغلق الخط وهو يشعر بانتصارة المؤقت 


##########################


قبل ساعتان من موعد الاجتماع  ذهب المدير السابق لمنزل سليا 


فتحت سليا الباب لتفاجأ بمديرها يقف على الباب ووجه عليه علامات الحزن وعيناه حمراء جدا 


سليا / حضرتك  فى ايه مالك 


المدير / هنكلم على الباب يا بنتى 


سليا / لا طبعا اتفضل 


ادخلاه سليا لحجرة الضيوف  وذهبت وساعدت اخيها سامح ليأتى ويجلس معهم 


المدير / انا اسف والله انى جيت فى وقت متأخر بس يا بنتى انت ميرضكيش اترفد من شغلى وابنى يتسجن 


سليا / لا طبعا ميرضنيش بس هو انا فى ايدى ايه 


المدير / فى اجتماع مهم اوى لصاحب المطعم فى فندق (.........)  واحنا اللى هنشرف عليه والمهندس وافى قالى لو انت ما كنت فى اصطف الخدمه  هيرفدنى ويسجن ابنى كمان 


سامح / مين وافى ده كمان 


سليا / ده شريك فايد 


المدير / وسندس كمان مريضه  ومش هتقدر انا مش عارف اعمل ايه 


الام خرجت من الحجرة وكانت سمعت ما قاله هذا المدير 


الام / سليا اللبسي وخدى معاكى صاحبتك ماهى وروحى يا بنتى 


سليا/  بس يا ماما 


الام / الراجل ده وقف جنبك كتير وده وقتك 


نهضت سليا واتصلت بصديقاتها ماهيتاب 


ماهى / لا زعلانه منك ومش هعبرك 


سليا / والله يا بنتى غصب عنى الفترى اللى فاتت معرفت حتى ارد على اتصالاتك بس اوعدك  انى هنفذ اول طلب ليكى عشان الصلح بس بشرط 


ماهى / وكمان بتتشرطى عليه  ماشي  يا ستى ايه هو 


سليا / فى اجتماع فى المطعم وسندس تعبانه ممكن تيجى معايه مكانها 


ماهى / انت رجعتى الشغل هناك 


سليا / لا  هو الاجتماع ده وبس عشان خاطر المدير 


ماهى / موافقه بشرط 


سليا / اممم قولى 


ماهى / نخلص ونروح نقضى الليل سوى مع الشله اصحابى  بيات بنات وكده 


سليا / بنات بس 


ماهى / وعد بنات بس 


سليا / ماشى 


اغلقط سليا التليفون مع  ماهى ودخلت حجرتها لتستعد وتذهب مع المدير اما ماهيتاب فاتصلت ب فايد العمري 


ماهى / الو فايد 


فايد / اهلا ماهى ها ايه الاخبار 


ماهى / النهارده بعد الاجتماع هجبها واجى الشقه اللى انت قولت عليها بس زى ما وعدتنى حبت ستات تضربها وتضربنى انا براحه وبس 


فايد ببسمه خبيثه /  اكيد والمبلغ هيكون فى حسابك الصبح زى ما اتفقنا 


###########################


يا ترى هيحصل ايه ما بين فايد وسليا 

الفصل التالي

تعليقات