القائمة الرئيسية

الصفحات

رواية عين الحب الفصل الخامس والسادس

 

المجد للقصص والحكايات

مى محسن

رواية عين الحب

معرض كتاب٢٠٢١

المجد للقصص والحكايات 

الفصل الخامس والسادس 

إيهاب : الولاد على القهوة ما بيتكلموش غير على البنات ، مش اى ولد بيكلم بنت يبقي بيحبها بجد ، لا دول بيتمنظروا أن فى بنت بتحبهم وتكلمهم ، ويبعتولهم جوابات والبنت مسكينه ماتعرفش كل ده 

رغد: الحب أسمى احساس فى الوجود ، دول مش فاهمين يعنى ايه حب ولا مشاعر اللى بيحب حد بيخاف علية ويجتهد عشان يعيشه فى امان ، الحب مش كلام حلو وخروج ، الحب يخليك عايز تخبي اللى بتحبه  فى قلبك وروحك وتحت جلد مش تتكلم علية وتشوه صورتة قدام الناس!!

حين عادوا للفصول وجدوا عل السبورة مكتوب بخط كبير 

( باحبك) نظر لرغد كل البنات فغضبت جدا

رغد:هو مافيش بنت غيري فى الفصل ؟ وممكن تكون بنت هى اللى كتباها لولد الكاف مش مكسورة والا اية؟

منى: رغد معاها حق

دخلت المعلمة الفصل ورأت المكتوب على السبورة

المعلمة: اية شغل المراهقين ده مين عمل كده؟

لم يرد أحد

المعلمة : من الرجولة والشجاعة الاعتراف وجها لوجه

لم يرد أحد فمسحتها وبدأت الدرس ، كانت البنات تتهامسن فيما بينهم فغضبت المعلمة وقالت بصوت عال

المعلمة:انت يا غبية منك لها بطلوا رغى وركزوا فى الدرس .

سكتت البنان ولكن سلمى ردت بصوت عالٍ :مين اللى غبية انت ازاى تكلمينا كده؟!

المعلمة : انت وهو وهى قاعدين ترغوا مش مركزين فى الشرح ليه؟ أنا تاعبة نفسي لىَ والا ليكوا؟

سلمى: احنا بندفع الوفات  للمدرسة مش بتعلمينا ببلاش احنا بنتعلم بفلوسنا 

المعلمة : انت بنت مش مؤدبة ، اهلك علموكِ تكلمى المدرسين كده؟

استدعت المعلمة ناظر المدرسة فاتى  وأخذ سلمى معه واكملت المعلمة الحصة فى هدوء وبعد انتهاء الحصة وخروج المعلمة من الفصل التفت رغد لهبة

رغد: أنا مش مصدقة ازاى سلمى تكلم الميس كده!! اكيد هتترفد ربنا يستر

هبة : مين اهبل قال لك كدة ؟ ابوها ضارب مدرس السنة اللى فاتت عشان قالها يا تخينة ، والناظر معملوش حاجه خاف منه 

رغد : احنا عايشين فين؟

بعد انتهاء اليوم الدراسي توجهوا لغرفة الناظر ليسالوا على سلمى وجدوا والدها موجود 

ميس شيماء : واقفين كدا ليه؟ 

هبة : مستنيين سلمى 

ميس شيماء : روحوا انتوا هى هاتروح مع باباها

غادروا المدرسة وهم فى الطريق تهامست منى مع رغد

منى : تعرفي مين كتب لك الجواب اللى لقيته فى الدرج ؟

رغد: لا ...انت تعرفى؟

منى : آه ..ياسر بيحاول يعبرلك عن مشاعره 

سعدت رغد بإحساس الحب المحاطة به من إيهاب وياسر 

رغد: كانى ماعرفتش مين 

منى : لية؟

رغد: عشان ما اجرحش مشاعره

منى انت حاسة تجاهه هو وإيهاب بأية؟ 

رغد : الاتنين بالنسبالي اخوات 

بعد أن عادت رغد بيتها روت لامها ما حدث بين سلمى والمعلمة وهن يتناولن الغداء

الأم: أنا حزينة على اللى وصلت له المدارس 

رغد : برضو المدرسين عليهم عامل ، ما ينفعش يهينوا طالب ثانوى أو يقسون على طالب ابتدائى ،الاحترام والحب شيء متبادل 

الأم: قلة المرتبات خلت المدرسين يدوا دوس خصوصية وللأسف ده خلى أوليا الأمور يعاملوهم بقلة احترام ، وان ليهم فضل عليهم لولا الدروس ماكانش المدرس عرف يصرف على بيته وولاده، هى دائرة والكل مربوط فيها ماتعرفش مين الغلطان 

كانت رغد فى حجرتها تذاكر حين عادت سارة من الجامعة أحضرت معها ماسك للبشرة نبهتها والدتها أن خالتها وبناتها سيحضرت غداء فأخذت رغد المال وتوجهت للصيدلية لتحضر حمام كريم وماسك للبشرة جديد حتى يكفى الجميع وأشياء كثيرة استعداد ليوم البنات ورغد فى المكتبة استنشقت نفس برفان مستر بهى 

رغد : عايزة ازازة من دى اسمها اية؟

البائع : داركر بس دى رجالى

رغد : اه عارفة

اشترت رغد زجاجه لوالدها ، فى اليوم التالى اتت خالتهم وبناتها رقصن وغنين وضحكن ، كن سعيدات بيوم البنات ، مر اليوم ولم تتذكر رغد زملائها ولا حتى مستر بهى 

بينما كانت هى سعيدة كان إيهاب وياسر يتحدثان عنها

إيهاب : أنا عارف ان انت ال كتبت لرغد الجواب ياريت ماتتعبش نفسك هى بتحبنى أنا ، ابعد عنها بلاش ااذيك

ياسر : خليك انت بعيد اناهاعرف اخليها تحبنى

إيهاب : انت اللى هتجيبه لنفسك 

ياسر : خلى عفاريتك ينفعوك ، لسه الرهان قائم  انت خدت فرصتك وانا هاخد فرصتى وهنشوف مين الفائز

مرت الأيام وكل منهم يحاول جذبها تجاهه ، ياتى إيهاب ويتحدث معها ويضحكها حتى يثبت لياسر انها تحبه وسعيدة معه ، وفى أحد الأيام تشجع ياسر وجلس بجوارها ياسر: انت قاعدة هنا ليه ومش واقفه معاهم؟

رغد : عادى ..عامل ايه فى المذاكرة؟

ياسر: لسه هنبتدى نذاكر قبل الامتحانات 

رغد: انت كمان زيهم معتمد على الدروس ومذاكرة مافيش ؟ طيب هتجيب مجموع وتخش جامعة ازاى؟

ياسر: أنا باساعد بابا فى المحل وبابني لى شقة مش محتاج وظيفة الحمد لله

رغد: طب بتتعلم ليه؟ عموما كويس انك بتساعد باباك ربنا يوفقك ويرزقك باللى نفسك فيه 

ياسر : أن شاء الله هاخلص الشقة واوضبها واحوش فلوس العفش والشبكة

رغد : كويس انك بتبنى نفسك بنفسك ومش محتاج مساعدة من حد وبتبتدى تكون نفسك من وانت صغير كده تختصر سنين كتير 

سيف: اجى والا هاقطع عليكوا كلامكم

رغد : بمعنى مافهمتش؟ 

سيف : قصدى لو بتكلموا فى حاجه مهمه امشي 

ياسر بغضب : ماانت خلاص جيت عايز اية ؟

نظر سيف لرغد: ياسر جدع جدا ولما باحتاج حاجة بيقف جنبي ونعم الصديق والاخ ولما بيحب حد ما بيتاخرش علية ولو طلب روحه

رغد : ربنا يديم صداقتكم

تركتهم وذهبت لباقي البنات لاحظت منى عبوث وجهها

منى : مالك؟

رغد : زهقانه

منى : فى واحدة اتنين بيحبوها وتبقي زهقانه ؟ ده كل واحد فيهم مش عارف يبهرك ازاى ؟!

رغد: ولا واحد فيهم فى دماغي

على الجانب الآخر ذهب إيهاب لياسر 

إيهاب: أنا شايف من بعيد بس مافيش فايدة إدتك الصابونة ، زي غيرك 

ياسر : أنا ما باتزحلقش زيك

إيهاب: أنا باكلمها كل يوم فى التليفون بس مش مبينين

  ...ايدك بقي على الرهان أنا ال فزت

  ‏غضب ياسر تركه وانصرف بعيدا ..

  ‏كانت رغد تساعد امها مساء فى ترتيب المنزل والعشاء

  ‏حين فتح الباب 

  ‏رغد : بابا ...بابا جه 

  ‏احتضنته وقبلته واتيا سارة وامها ضمهن وقبلهن فى جبينهن

  ‏سارة : حمد الله على سلامتك اخبار رحلتك اية ؟

  ‏الاب : الحمد لله موفقة والفوج ماشي مبسوط ووعدنا بتكرار الرحلة ، 

  ‏تجمعوا على العشاء يتحدثون ويضحكون ، وفى الصباح استيقظت رغد مبتسمة سعيدة 

  ‏سترة : هتحكى لى الحلم والا نبتدى حرب الزغزغه؟

  ‏رغد : أنا سعيدة من حب بابا وماما ،الحمد لله ماعندناش مشاكل زى ناس كتير 

  ‏سارة: الحمد لله قرى بقي ، الحب والتفاهم والحوار بين الزوجين بيواجه المشاكل وبيحلها وكمان الثقافة والسن عليهم عامل كبير 

  ‏رغد: هو الحب له سن؟ وازاى اعرف الحب الصادق ؟

  ‏سارة : الوعى اللى بيتشكل من تجارب الحياة هو اللى بيدى للواحد خبرة عشان يعرف may mohssen

 رغد : زمايلي ماشيين يحبوا على روحهم فى المدرسة

 ‏سارة: حب المراهقة مش بيدوم كل سنة بتكبري ويزيد وعيك وتفتكرى نفسك وتضحكى ... المراهق مشاعرة متقلبة 

 ‏رغد : بس انت بتحب احمد

 ‏سارة أنا عندى ٢١ سنة يعنى ارتباط مبنى على العقل قبل القلب ، أنا وأحمد كنا اصدقاء من سنين وماحدش فينا فكر فى التانى غير كصديق ، تفكيرنا متقارب ، بنفهم بعض من اقل الكلمات ، فيه حاجات كتير من بابا ، متفوق فى دراسته أن شاء الله لما نتخرج يتعين معيد ومن اول مرتب ليه نتخطب

 ‏رغد: لو ما اتعينش معيد مش هتتجوزوا ، لو بتحبيه مهما كانت ظروفه هتكملى معاه حياتك وانت سعيدة

 ‏سترة : انت عارفة اية الفر ق بينى وبينك؟

 ‏رغد : أية يا حضرة بروفيسيرة؟

 ‏سارة: انك رومانسية وحالمة وانا ديما بافكر بعقلي وأشوف الواقع واتصرف على أساسه

 ‏رغد : وأية الواقع ؟

 ‏سارة : الواقع بيقول أن الحب لوحدة مش كفاية عشان نعيش  حياة سعيدة ، لازم العقل والمال والتوافق الفكري والاجتماعى بجانب الحب إن لم يكن قبله 

 ‏رغد : كدا الواحد يحط قفل على قلبه وما يفتحوش غير لما يفكر الاول 

 ‏وهما تتحدثان دخلت والدتها 

 ‏الام: صباح الخير يا بنات مش راحه المدرسة يارغد 

 ‏رغد : لا 

 ‏سارة :  وانا ماعنديش محاضرات مهمه انهاردة

 ‏الام : طب يلا صلوا وتعالوا

 ‏بعد أن صلتا  الصبح دخلت رغد لوالدها حجرته وجدته مستغرقا فى النوم قبلة جبينه وانصرفت فى هدوء ، انشغل كل منهن فى مهامها اليومية استيقظ والدهم صلى وتناول فطوره جلس يذاكر لرغد حتى قاطعتهم سارة بغضب : هى رغد بنتك وانا لقيتونى على باب الجامع ؟ عيزاك تساعدنى فى مذاكرتى أنا كمان

 ‏رغد : انت كبيرة دكتور الجامعة بيعمل اية؟

 ‏سارة : عيان والمعيد مش بيعرف يشرح 

 ‏رغد : ازاى يعنى  ؟

 ‏سارة :  ابن دكتور فى الجامعة ونجح واتعين بالكوسة حضرتك...والولد الى طلع الاول على الدفعة كان بسيط وجه عمل خناقة كبيرة مع رئيس الجامعة والآمن سحلة واترمى برة الجامعة

 ‏رن هاتف المنزل فردت الام دقاىق واستدعت رغد لتكلم منى : ماجتيش انهاردة ليه؟

 ‏رغد: بابا جه من السفر امبارح وكنت عايزة اقعد معاه خدتو اية انهاردة؟

 ‏منى : عربي ودين , كنت عايزة اسالك سؤال وتردى بصراحة 

 ‏رغد : خير

 ‏منى: انت بتحبي إيهاب؟

 ‏رغد: مش عارفة بيضحكنى وحبه لي عاجبنى بس بردوا فى حاجات مش بتعجبنى زى موضوع الجن والعفاريت ، وديما بيتكلم على زمايلنا بشكل مش كويس  

 ‏منى: عايزك تصدقيه هو بس، سيف كان عايز يكلمك على ياسر وان هو ال بيبعتلك الجوابات ياسر بيحبك وايهاب مش مدى فرصة لحد يكلمك فى المدرسة  تعالى اخرجى معانا واتكلمى معاه اديلو فرصه

 ‏رغد : واقول لماما اية راحة اتعرف على زميلى؟ لا

 ‏منى : لا قوليها راحة درس

 ‏رغد : انا مابخدش دروس

 ‏#مى_محسن

#رواية_عين_الحب

#معرض_كتاب٢٠٢١

 ‏الفصل التالي

تعليقات

تعليق واحد
إرسال تعليق

إرسال تعليق