رواية عين الحب
الفصل الرابع
مى محسن
معرض كتاب٢٠٢١
المجد للقصص والحكايات
ياسر: مش معنى أنها وقفت معاك أنها بتحبك ، عادى ممكن اى حد فينا يقف يتكلم معاها
أيهاب : ده لأنها بنت خام مالهاش فى الف والدوران بتعتبرنا كلنا اخواتها ...شفت الوردة أنا جايبها لها معنى كده أن فى حاجة جواها ليَ
تركه ياسر وذهب يتحدث مع منى وسيف وسأل عن حقيقة ما قاله إيهاب ، ولكن منى نفت أن تكون رغد تحب إيهاب أو اى احد أخر ، فصرح ياسر بما فى قلبه لمنى وأنه يريد أن يتحدث مع رغد ويعلم شعورها تجاهه ،فذهب منى لتتحدث معها وتسألها: رغد،هو انت بتحبي إيهاب؟
رغد: انتوا احوالكم غريبة قوى ، مش معنى أنى باكلم حد بلطف أو باضحك معاه يبقي باحبه ، أنا بتعامل مع الكل على أنهم إخوان وأصدقاء كدا هابطل اتكلم مع حد
منى: أنا عارفة بس فيه واحد معجب بيكِ وعايز يتكلم معاكِ
رغد: أنا مش فاضيه الهبل ده هو انتوا مابتفكروش فى المذاكرة والامتحانات؟ كل اللى شاغل الصبيان أنهم يكلموا البنات ، والبنات عايزة تبهر الصبيان وكلهم يحبوها ويتهبلوا عليها ، قولي له رغد مش فاضية
منى: أنا أول مرة حد يحرجنى كده
رغد : أنا آسفة بس هى حاجة تعصب بصراحة ماتزعليش.
لاحظت والدتها عصبيتها بعد أن عادت للبيت
الأم: مين معصب القمر بتاعنا ؟
رغد: زمايلي فى المدرسة مخهم فرقع مابيكلموش غير عن الحب واللبس ، عصبونى كل ما اكلمهم عن المذاكرة يغيروا
الموضوع ...زهقونى.
الأم: فترة المراهقة بيبقي الواحد مشاعره متخبطة ولو ما عرفش يوجه مشاعره وتفكيره هيخسر كتير من وقته ومستقبله ، لازم أوجه تركيزى فى رياضة أو هواية ، وفترة ثانوى بتحدد مستقبلنا لو ماركزناش مش هتخش كلية محترمة ولا تجيبي تقديرات عالية وبالتالي مش هيشتغلو فى وظيفة محترمة ويندموا باقي عمرهم ، الحب جزء من الحياة مش كل الحياة.
رغد : الحب احلى حاجة فى الكون
الام: الحب لية اشكال كتير ، حبي الله ما تعصيهوش صلي ، اتعلمين اول إية نزلت على سيدنا محمد صلى الله عليه وسلم "اقرأ" ده اكبر دليل على أهمية العلم ، فيدى دينك ومجتمعك ،حبي نفسك ،واهتمى بيها ، دلعيها، حبي اهلك وحققى آمالهم فيك ، حبي الرسم القراءة..معظم المراهقين لانهم مش وعيين بيوجهوا الحب اللى جواهم لحالة واحده بس ، اللى هو حب الولد والبنت وده غلط وقلة النوعية الدينية غلط واكيد الاهل عليهم عامل كبير فى توجيه وتثقيف أولادهم بالهدوء والراحة
احتضنت رغد والدتها وقبلتها
رغد : ربنا يباركلى فيك يا امى لو أمهاتهم زيك حالهم هيبقي احسن...ده وقت ملحق ايامنا الحلوة لازم اقراه،بابا جابة ولا مشي على طول
الأم : اه جابة بس بعد كدا انزلى انت بدرى وهاتيه او اصبري لما يرجع باليل واقريه
رغد: يعنى اقرا الاخبار بايته؟ ترضيها لى ؟
الأم : وأنت بتقري الاخبار والا بتقرى الشعر والقصص اللى بتتنشر فية؟
رغد: والكاريكاتير ومشاكل القراء وطلبات المراسلة ، احسن من باقي الجرايد كلها تجيب اكتئاب ، كلها فلان قتل علان وفساد ورشوة وعلو الاسعار وسرقة وحرائق والجرائم الجديدة ، واحده تقتل جوزها وتقطعه وحطته فى أكياس تقريبا بقت موضة كل كام يوم حادثة
بعد أن صلت رغد الظهر وحضرت كتبها جلست مع امها تتناول الطعام وهى تقراء ملحق ايامنا الحلوة كام به مقال جذب انتباهها قراته بصوت عالى لتسمع امها
( حقيقة الحب
يقول الشعراء فى جميع العصور أن قوة الحب تخلق الملائكه وان قوة ادعاء الحب تخلق الشياطين ، الحب الصادق مستمد من الطبيعة وجواب لندائها ، والإنسان لا يفعل فيه شئ أكثر من الخضوع لناقوس الحياة ، لانه عندما يحب يبذل عواطفه جميعا وقد يموت الحب الكاذب وقد يشيخ وينقضي ، ولكن الحب ذاته لن يفنى من الحياة فهو ضرورى لاستمرار الحياة والتنعم بها )
الأم : ياريت كل الناس تقرأه وتعمل بيه لأن الناس بقت وصولية وبتدعى الحب وبياخدوه سلم لتحقيق طلباتهم وبيضحكوا فى وش بعض وقلوبهم بتدعى على بعض
رغد: مصاعب الحياة علمت الناس النفاق
الأم : مبرر غير مقبول بيرموا كل حاجة على الظروف والزمن ، بس النفوس المريضة هى اللى بتخلى فيه مشاكل ، بس بردوا فى ناس طيبة ونفوسهم سليمة وراضيين وصابرين ولهم الجنة فى الاخرة والبركة فى الدنيا ، أما فى صحة أو اولاد او راحة بال
عادت سارة من الجامعة
سارة :السلام عليكم ورحمه الله وبركاته ، كويس أنا عايزة اكل
ردتا رغد وامها التحية
الأم : جيتِ بدرى يعنى ؟
سارة : الدكتور عيان ربنا يشفيه كبر فى السن وهايدينا معيد بس لسه ماحددش مواعيد.
فى المساء لم تستطع رغد النوم كانت تفكر فى كلام إيهاب ( احساس الحب جميل ) وفى مستر بهى لم تعرف هل أتم خطبته ام لا فقد كانت تتجنب الكلام معه أو عنه مع زملائها
فى اليوم التالى عندما وصلت المدرسة قدم لها إيهاب وردة ولكنها لم تأخذها منه كما قالت له مسبقا تركته وذهبت للجلوس مع زميلاتها همس لها منى
منى : كويس انك ما اخدتيش الوردة ، قبولك لها ممكن يتفهم غلط
احضر لهم إيهاب عصير
سلمى : خير اول مرة تعملها ، انت نجحت قبل الامتحانات ولا خطبت؟may mohssen
رد وهو ينظر إلى رغد
ياسر : لا حبيت
ضربت منى رغد فى قدمها لتنتبه
هبه : ودى واحدة نعرفها ؟
ياسر : اه بس مش ها قول مين لانى ما صارحتهاش لسه
رغد يعنى حب من طرف واحد الله يرحمه مقدما
ياسر :ليه بس هو أنا ما انفعش اتحب؟
قالها بحزن.....أتى ايهاب وسيف ومنير
منير : واحنا مالناش عصير ؟
بدا البنات فى اخبارهم ما حدث وبدأ الضحك لم يرق رغد سخريتهم
مرت الأيام وايهاب يحاول ان يتحدث معها ولكنها لم تعطه فرصة
ذات صباح وجدت فى درج الديسك الخاص بها ورقة مكتوب عليها (باحبكY♥️R) احتارت من وضعها ولمن ؟ أتى البنات وراو الورقة لمعة عيونهم ونظرن إلى رغد وتهامسن
فاطمة : واضح أن المذاكرة بتجيب حجات حلوة ، يا بختك مين ده يا انسه؟
سلمى: أنا هذاكر كل يوم
رغد : ال بيذاكر بينفع نفسه ، رضا أهله جامعة ووظيفة
فجأة بينما يتهامسون مدت يد وسطهم وسحب الورقة بسرعه رفعن أنظارهن وجدن مستر بهى ، أصفرت وجوههن ، قرأها وسألهن: بتاعت مين؟
سماح: رغد
نظر لرغد بتعجب وغضب ،شعرت رغد بخوف شديد
رغد: أنا لقيتها فى الدرج عندى معرفش بتاعت مين ؟ ولا مبعوتة لمين؟
أدار وجهه عنهم وهو يقول: اخر فصل فى القصة مين هيقرالنا؟
بدأت الحصه ولم ينظر طولها لرغد فحزنت لأنها لم تفتح مجال لأى أحد أن يرسل لها هكذا رسالة
ظلت طول اليوم تفكر من من زملائها ممكن أن يفعل ذلك
كانت بداخلها سعادة من غضب مستر بهى لأنها فصرت غضبه بأنه يشعر بالغيرة عليها
#مى_محسن
#رواية_عين_الحب
#معرض_كتاب٢٠٢١