أخر الاخبار

يوسف و ملك كاملة للكبار فقط

 - هسألك سؤال وتجاوبيني بصراحه يا ملك

- اسألي يا ستي


- انتِ بتحبي يوسف صح؟

- يوسف مين؟!

- خطيبي يا ملك

- هدى انتِ بتهزري! 

- انا مكنتش عايزة اسألك السؤال ده بس غصب عني والله يا ملك...انا كنت شفت صورة ليه عندك قبل كده ومن يومها وانا عايزة اسألك بس كنت بنسى... لكن لما يوسف جه اتقدملي واتخطبنا افتكرت موضوع الصورة ده وقلت لازم اسألك

- اا.. الصورة اللي عندي دي كانت... كانت من زمان اصلا يا بنتي... وبعدين انا مسحتها من زمان

- طب وكانت عندك ليه اصلا؟

- عادي... كنت عاملاها اسكرين زيه زي اي حد انتِ عارفة اني مخابرات اصلا ومعايا صور ولاد وبنات دفعتنا كلهم

- تمام يا ملك... وانا اسفة اني سألتك سؤال زي ده

- حقك يا ستي ولا يهمك

* اكتر حاجة كنت خايفة منها حصلت.... كنت خايفة هدى تلاحظ حبي ليوسف.... الحقيقة اني فعلا بحبه... بس غصب عني... انا بحب يوسف من زمان... من قبل ما اعرف انه بيحب هدى وهيخطبها...حبيته من اول سنة في الكليه.... مقولتش لحد خالص حتى اقرب الناس ليا.... انا وهدى اصحاب بقالها سنتين... هي اقرب صاحبة ليا ومقدرش اخسرها....حتى بعد ما هي ويوسف اتخطبوا انا فضلت معاها وطريقتي متغيرتش ابدا... هي مكنتش تعرف اني بحبه يبقى اكيد ملهاش زنب....يوم ما اتقدم لهدى كان اصعب يوم في حياتي... فضلت يومين منمتش من كتر زعلي ووجع قلبي... ومع ذلك كنت جنبها دايما... وهي بتشتري فستان الخطوبة....وهي عند الكوافير... حتى في القاعه مسبتهاش لحظة....اكتر حاجة صعبة عليا هو احساسي اني خاينة... بكره نفسي في كل لحظة بفتكره فيها.... من يوم ما خطب هدى وانا بحاول اطلعه من قلبي.... مسحت كل صوره وقررت اني هقطع مذكراتي... كنت بفضل اكتبله فيها واكلمه كأنه قدامي.... بس خلاص ده معدش بيحصل... انا متأكده اني هنساه... لازم انساه عشان هدى وعشان صداقتنا. 

________________

- ملك...عايزاكي تيجي معايا نجيب حاجات لشقتي

- تمام يا قلبي هلبس واعدي عليكي

- تمام

* لبست ونزلت مع هدى... جبنا حاجات لشقتها هي ويوسف.... اتفاجأت لما لاقيته جه معانا... كانوا حلوين اوي مع بعض.... انا مقدرش اكون السبب في تفريقهم ابدا... حتى لو كنت بموت مش هسمح ابدا انهم يبعدوا عن بعض بسببي...

هدى : كفاية كده النهاردة... جبنا حاجات كتير اوي

ملك : ايوا نكمل بكرا بقى وهاجي معاكي بردو

- معلش تعبتك معايا يا ملك

- بت متقوليش كده هزعل منك

ابتسمت.. - حبيبيي والله...طب بقولك كنت عايزة اجي اسلم ع مامتك عشان وحشاني اوي

- تعالي طبعا... انتِ كمان وحشاها وكانت لسه بتسألني عليكي

- طب هقول ليوسف يروح هو وهاجي معاكي

- تمام..

* روحنا البيت عندي... قعدنا انا وهدى وماما... هدى اتغدت عندنا وقضينا اليوم مع بعض.... هدى بالنسبالي اكتر من اختي... كل اما بشوف طريقتها الحلوة معايا بحس بالزنب اكتر....انا عارفة انه مش بمزاجي بس حقيقي اصعب احساس ممكن حد يحسه في حياته.

_____________

ملك : تعالي يا هدى معايا الاوضة عايزة اوريكي دريس لسه شرياه امبارح عشان حنتك

- بجد... وريني بسرعه.. 

- اهووو

- الله... حلو اووي يا ملك... احلى من بتاعي انا شخصيا

- ما لازم صاحبة العروسة تبقى احلى من العروسة يا بنتي

- اومااال

ضحكنا.. - ربنا يفرحك دايما يا قلبي... ان شاء الله هتكوني احلى عروسة في الدنيا

- ان شاء الله يا حبيبتي... عقبالك يارب ما تبقى عروسة قمر كده

- يارب... هروح اعملنا شاي وآجي

- ماشي.. 

* فجأه عيني دمعت.... حسيت بوجع في قلبي.... نفسي اخلص من الاحساس ده بقى....

عملت شاي ودخلت الاوضة.... لاقيت هدى واقفة ومعاها.... مذكراتي! 

- انتِ ازاي تعملي فيا كده؟! 

*يتبع

لن_نفترق 💖

بقلم حنين_حاتم

الجزء الثاني ولاخير


- انتِ ازاي تعملي فيا كده؟

- هدى... والله كنت بحبه من زمان... من قبل ما يخطبك يا هدى والله

- طب ومقولتليش ليه يا ملك ليييه

عيطت.. - مكنتش عايزة حد يعرف.... كنت مخبيه حبي ليه جوايا عشان يتحقق... مكنتش عايزة اقول لحد عشان يفضل حبي ليه بيني وبين نفسي وبس لحد ما يحبني... بس هو حبك انتِ... انا مش زعلانة منك والله ولا عايزاكي تزعلي مني... انا بحاول ع قد ما اقدر اني انساه وفعلا مسحت كل صوره من عندي والمذكرات دي كنت هقطعها والله... انا اسفة يا هدى... انا مش عايزة اخسرك

عيطت... - انا مصدومة بجد.... انتِ كنتي معايا في كل لحظة ازاي ملاحظتش حبك ليه

- كان صعب عليا اوي يا هدى والله.... بس انتِ عندي اغلى من اي حد صدقيني

* عيطنا كتير وبعدين 


هدى حضنتني! مكنتش متوقعة ان دي تكون ردت فعلها.... حضنتها جامد وعيطت.... طلعت كل الوجع اللي جوايا في حضنها... حتى في دي وقفت جنبي!.... صعبت عليها عشان كنت بحب خطيبها ومحبنيش!....

بعد ما حضنتني بصتلي وعينها كلها دموع.... بصتلي ومشت من غير ما تقول كلمه....كنت زعلانة اوي من نفسي....اوي.

عدى اسبوع من غير ما



 نتكلم... مش عشان هي زعلانه مني لاء انا اللي كنت مكسوفه منها... اتصلت عليا كذا مرة وانا اللي مردتش.... هي قلبها كبير اوي... وانا مش قادرة اسامح نفسي...  فضلت الاسبوع كله في البيت مخرجتش خالص.... بدأت انسى يوسف... ايوا معدتش بحبه زي الاول عشان اللي حصل ده... علاقتي انا وهدى 



عمرها ما هتبقى زي الاول بسببه... قررت ادخل انام... دي الحاجة الوحيدة اللي بقيت بعملها اصلا.... نمت وبعدين صحيت ع صوت رسالة جيالي.... هدى بتقولي " متزعليش من نفسك انتِ ملكيش زنب"

وكالعادة كانت اكتر حد



 فاهمني وعارف انا بفكر في ايه.... رديت عليها وقلتلها " انا مش عايزة اللي حصل ده يأثر ع علاقتكم يا هدى عشان خاطري"... اتفاجأت لما لاقيتها بتقولي انا جيالك دلوقتي.... وبعد نص ساعه لاقيتها جت...

ملك : هدى.... انتِ معيطة صح

لاقيتها حضنتني جامد وعيطت

هدى : عايزة اقولك



 ان ربنا بيحبك.... وبيحبني

- طب تعالي اقعدي واحكيلي حصل ايه

- انا ويوسف انفصلنا... بس مش انتِ السبب متقلقيش.... يوسف طلع وحش اوي يا ملك.... كان طول الفترة دي مستخبي ورا قناع البراءة.... طلع بيعامل مامته وحش جدا.... تعرفي امبارح كنت عندهم لاقيته بيزعق فيها جامد وفاكرني مشوفتوش...



 ولما جيت اعاتبه لاقيته بيزعقلي وشتمني يا ملك

ملك بصدمه : هدى انتِ بتقولي ايه؟! يوسف طلع كده بجد

- ايوا والله.... انا اتصدمت



 زيك كده.... انا من امبارح منهارة... تخيلي لو كنت كملت معاه بالمنظر ده...

- انتِ ربنا رحمك والله.... بجد سبحان الله انا مش مستوعبه اللي حصل ده... انا حتى بدأت انساه ومعدتش بحبه والله... الحب اللي فضلت سنين اعاني منه خلصت



 منه في اسبوع بس! 

- جت من عند ربنا... انا عمري ما كنت هقدر اتجوز واحد صاحبتي كانت بتحبه... بقالي اسبوع في صراع حقيقي... مكنتش عارفة اتصرف...

- المهم... انتِ كويسة؟

- ايوا طبعا كويسة... انا ارتاحت يا ملك

* برغم صدمتي من يوسف ومن اللي حصل ده.... كنت فرحانه ان هدى اكتشفت انه وحش قبل ما يتجوزوا.... كانت



 هتعاني جدا من معاملته ليها.... ده واحد ملهوش خير في اهله وكمان شتمها وهما لسه مخطوبين كان هيعمل ايه بقى لما يتجوزوا!... اللي حصل ده معجزة...

* بعد سنة...

هدى : ملووكة....جبتلنا فستانين شبه بعض عشان نلبسهم في حفلة التخرج

- بجدد.... انتِ قلبي اقسم بالله

- حبيبيي.... خدي شوفيه كده

- الله.... تحفه بجد

- وجبت الطرح وكل حاجة

- انتِ تباتي معايا يا ستي ونصحى بدري كده نظبط نفسنا ونروح ع الحفلة

- خلاص اشطا

* انا وهدى في كلية اعلام.... بكرة حفلة تخرجنا اخيراا.... هدى باتت معايا وصحينا بدري... لبسنا الفساتين وجهزنا نفسنا.... كنا قمرات اوي❤️

ملك : هنركب مواصلات؟

- اومال يعني عندك عربية نروح بيها مثلا؟

- يا ستي... انا بكره المواصلات اصلا

- لما تتخطبي يا اختي خلي خطيبك يجيبلك عربية

- اكيد طبعا من غير ما تقولي

- كان الله في عونه والله

- بتقولي حاجة يا هدى!

- لاء يا قلبي مبقولش

- اها بحسب

* حضرنا الحفلة.... كانت حلوة اوي.... اخيرا اتخرجت.... كنت بحلم باليوم ده بجد.

- ملك شوفي ساهر

- ماله؟

- بيبصلك من اول الحفلة

-  ايوا منا ملاحظة وتوأمه باهر بردو بيبصلك من اول الحفلة

- ايوا منا عارفة منا كنت ببصله بردو

- يخربيتك

- تخيلي

- اتخيل ايه

- لو طلعوا بيحبونا 

- الله بجد.... هنتجوز اتنين اخوات

- انتِ جوزتينا ليهم خلاص

- ايوا يا ستي

- دول جايين نحيتنا يا ملك

- اعملي نفسك ميته اعملي نفسك ميته

- بت متضحكينيش

ساهر : احم... ازيك يا ملك

باهر : ازيك يا هدى

هدى وملك : الحمدلله

ساهر : الحقيقة كنا عايزينكم في موضوع كده

ملك : اتفضل

باهر : بصراحه انا معجب بيكي جدا يا هدى... وعايز رقم باباكي عشان اتقدملك

ساهر : وانا عايز اتقدملك يا ملك.... انا بحبك من زمان بصراحه

ملك : ااا... مش عارفة اقولك ايه بصراحه

هدى : ولا انا عارفه اقول ايه

باهر : مش لازم تقولوا...



 هاتوا ارقام اهاليكم وخلاص

ضحكنا... وبصينا انا وهدي لبعض... من نظرتها عرفت انها موافقة ومن نظرتي عرفت ان انا موافقة.

* تاني يوم... باهر اتقدم لهدى... وساهر جه اتقدملي.... الحقيقة ان انا وهدى كنا متوقعين انهم بيحبونا... احنا كنا معجبين بيهم بس مش اكتر هههه بهزر معاكم كنا بنحبهم

عملنا خطوبتنا في نفس



 اليوم.... كان احلى يوم في حياتي... ساهر كان قمر اوي....انا ربنا عوضني بيه بجد.... محترم جدا وبيحبني اوي.... وباهر كمان... محترم اوي وبيحب هدى من قلبه بجد.

ملك : حلمنا اتحقق... اتجوزنا اتنين اخوات وعملنا خطوبتنا في نفس اليوم كمان

- بجد انا فرحانة اوي يا ملك.... عمري ما فرحت كده فعلا

- وانا كمان.... هنفضل طول عمرنا مع بعض ومفيش اي حاجة هتفرقنا

- طبعا.... احنا صداقتنا اقوى من اي حاجه

- اقوى من المخدرات

- يا بنتي مفيش لحظة نتكلم فيها جد شوية

- جد ولا جدة

ضربتني ع كتفي وقالتلي : بحبك يا مجنونة

- انا اكتر يا توأمي

لن_نفترق 💖

الجديد

هنا

اسكريبت مشوهة سرقت قلبي 

تعليقات