القائمة الرئيسية

الصفحات

أخبار

 كامل



-انهارده كتب كتابك وده آخر كلام عندي سمعاني!

= لا مش سمعاك..ومش هتجوز وهندمك ع كل اللي بتعمله فيا

- اخرسي يا سافله

" ضربني قلم وقعني ع الكنبه"

= انا لا يمكن أسامحك أبدا

" دخلت اوضتي وانا بلم جروحي وبحط ايدي ع خدي اهدي وجع الضربه"

- أنا أسف والله مقادر أساعدك

= لا هتقدر

- ازاي! وأنا سداد

- هقولك.................

= تمام وربنا يسترها

- يارب

= انزل ومتتأخرش

- حاضر

" انا أسمي ملك ودول بيت عمي، بيكرهوني بس بيحبو فلوسي...أهلي ماتو في حادث من سنتين وانتقلت أعيش مع عمي، كنت مفكراهم بيحبوني وهعيش مرتاحه بس من أول يوم سكنت فيه عندهم وأنا حاسه بالذل والإهانه..كسروني وجرحو كرامتي كتير، وطمعانين في ورثي من ماما لأنها ليها فلوس كتير في البنك وليها أراضي غير إنهم ضحكو عليا في ورث بابا وأخدوه مني....عمي طلب أعمله توكيل وكنت مأمناه وللأسف هو خاني وسرق فلوسي بس مكنش عارف بورث ماما وإلا كان أخدو، واللي بيساعدني ده ابنه وابن عمي وعايزين يجوزوني أخوه الكبير عشان يعرف يسرقو فلوسي بس انا هحاول أهرب.... للأسف حاولت كتير وكنت بتمسك"

- خدي الفستان ده وجهزي نفسك عشر دقايق والمأذون هيوصل

= مش هلبس حاجه ومش هتجوز يا مرات عمي...

- متجادلنيش يا ملك، أنا سكتالك لانك هتبقي مرات ابني بس

= وهو فين ابنك ده....! 

- جاي

= وهو بقا يا تري مع وحده ولا بيشرب حشيش؟

- إياك اسمعك بتتكلمي عن ابني كده، وامسكي ده البسيه ومفيش خروج من باب الأوضه لحد ما يتكتب كتابك

= أوووف

" خرجت وسابتني ما بين أربع حيطان الحيره والخوف بيخدشو في قلبي.... خايفه تتكتب عليا وأتجوزه وقتها هبقا خسرت نفسي وخسرت كل حاجه، وقتها افتكرت أهلي واتمنيت لو كانو موجودين مكنش كل ده حصل معاهم افتكرت ماما وهي بتقولي

Flash back

- خليكِ واثقه إنك هتبقي أجمل عروسه في الدنيا

= بوجودك يا ماما وخليكِ واثقه إنك أجمل أم في الدنيا

- متأمنيش لحد يا ملك، وخليكِ غاليه يا حبيبتي....وأنا وأبوكِ هنسافر يومين وهنرجع فتعالي معانا نغير جو

= لا حابه أفضل هنا، حضرتك عارفه اني بحب قعدة البيت

- تمام يا حببتي اللي يريحك، بس مش هينفع أسييك لوحدك

= مرات عمي وولادها هنا فهبقا أقعد معاهم وبعدها أروح بيتنا

- احذرِ منها بحسها ع عكس ما بتبين لنا 

= ازاي!!!

- مش عارفه بس بحسها بتغير منّا وبتكرهنا

= لا يا ماما متقوليش كده دي بتحبني زي ولادها بالظبط، وبتعاملني كويس فمتخفيش أنا هبقا معاها في أمان

- تمام يا حببتي يلا باي

Back

ودعت ماما وأنا مبسوطه وقولت اليومين هيعدو وترجعلي بس مكنتش اعرف انها هتسيب الدنيا كلها وتمشي...... وللأسف شكها في مرات عمي صح وانها بتكرهنا وكمان عمي خاين وحرامي"

- اي يا حمزه فينك كل ده

= يلا بسرعه انزلي

- هنزل ازاي! وأهلك بره

= بس يلا مفيش وقت هحكيلك ع كل حاجه بعدين

" حمزه نزل وانا نزلت وراه بهدوء، مش عارفه هو ليه مفيش صوت رغم انه من وقت قليل كان صوتهم مالي الشقه فضلت ساكته لحد ما طلب مني أركب تاكسي وركب جمبي، قلبي بدأ يطمن أول ما خرجت م البيت بس فوقت وقررت أعرف حصل اي وازاي قدرت أهرب بالسهوله دي"

- حمزه فهمني ايه اللي حصل

= ودينا العنوان ده يسطا

- تمام

" حمزه اتجنب كلامي ومردش معرفش ليه بدأت اتوتر وخوفت يلحقونا بس حمزه طمني اني ده مش هيحصل، وكان باين ع ملامحه الهدوء... هو جه في العيله دي غلط كلهم أنانيين ووحشين إلا هو"

- يلا انزلي

= حاضر

- عايزه أفهم اي اللي حصل وازاي هربنا بالسهولة دي

= رغم انه مش وقته بس هقولك.. بعد ما خرجت من عندك لقيت ماما بترن ع طارق أخويا ومبيردش فبدأت تقلق عليه فجالي فكره وكلمتهم من رقم أرضي في الشارع وقولتلهم إبنكم طارق عمل حادثة وقولت ع اسم مستشفى جه في بالي وقتها شوفتهم نزلو جري م البيت فكان أحسن وقت نهرب فيه ودلوقتي أكيد وصلو المستشفى وعرفو إني الموضوع كدبه وهيشكو إنك هربتِ وأكيد هيدورو عليكِ والله اعلم ايه اللي هيحصل بعد كده!

- شكرا جدا يا حمزه بس انا خايفه يعملو فيك حاجه

= متقلقيش عليا انا إبنهم وحتا لو عرفو هتبقي إنتي بعدتِ عن هنا المهم مترجعيش هنا تاني

- مش عارفه أروح فين!

= روحي لأهل مامتك وهما هيحموكي منهم

- لأ...عمي ومرات عمي راسمين الطيبة ع وشهم ومحدش عارف وشهم الحقيقي غيري واحتمال يعصو أهل ماما عليا وإني هربت من كتب كتابي وجده وتيته ماتو وأكيد أخوالي هيوافقوا ع جوازي وهيرجعوني ليهم

= طيب هتعملي اي دلوقتي؟

- كان ليا وحده صحبتي من إسكندرية كنت أعرفها من الفيس فهكلمها وممكن تقدر تساعدني

= ده مبلغ كده اتمنا إنه يفيدك

- خلي فلوسك أنا معايا فلوس وللمره التانيه شكرا

= خلي بالك من نفسك

- وانت كمان

" حمزه مشي وانا ودعته وركبت تاكسي وداني محطة القطر ولسه ع قطر إسكندرية ساعتين لما يطلع... طب يا تري هقعد الوقت ده فين! يارب خليك معايا

- وسعي كده يا أنسه

= المحطه واسعه تقدر تقعد في اي مكان

- بس ده مكاني وبقعد هنا ديما

= وسع كده مش مكتوب عليه إسمك اهو

" اتشاكلت معاها بسبب المكان فسيبتها ومشيت ، يمكن ده مكان برتاح ليه نفسياً بس معنديش طاقه للمناهده"


"قومت حجزت تزكره وجبت بسكوت لإني يعتبر بقالي يوم مأكلتش وأنا راجعه من عند البقال لمحت عمي فاتداريت ورا الكُشك....مسك الفون وبقا يوجهه لأي حد معدي وتقريبا دي صورتي وبيسألهم عني .....إحترت ازاي هسافر وهو موجود وازاي عرف مكاني معقول حمزه يكون قلهم ع مكاني! طيب ولو قلهم هو ليه ساعدني وهربني! بقيت أفكر كتير لحد ما سمعت موبايلي بيرن برقم حمزه

- اهربي من عندك بسرعه قبل ما بابا يوصلك

= وصلني بس مشفنيش، هو اي اللي حصل!

- حصل اني خالي سامح مشي ورانا لما شافنا خارجين من البيت وهو عارف اني كتب كتابك انهارده فاستغرب احنا هنروح فين وعرف مكانك وبلغهم وانا لسه واصل البيت وعرفت منهم فقولت أبلغك

= انا دلوقتي مش...... خلاص لقيتها هكلمك بعدين

- لو سمحتِ

= نعم

- ممكن..........

" قابلت ست منتقبه وباين ع شكلها انها مستنيه حد ومعاها شنطه كبيرة فقولت يمكن معاها نقاب زياده وأشتريه منهاوالحمد لله ساعدتني بعد ما حكيتلها كل حاجه حصلت ليا"

- ده مبلغ بسيط حق اللبس اللي حضرتك إدتهوني

= خلي فلوسك لنفسك وأنا مسافره إسكندرية خليكِ جمبي وكإنك أختي وقتها محدش هيقدر يشك فيكِ

" حقيقي انا ممتنه ليها ومش عارفه أشكرها ازاي، ساعدتني مرتين إدتلي نقاب وعبايه سمره ولبستهم وبكده محدش هيقدر يعرفني، وساعدتني إني هسافر معاها لدرجة إني الشك يتمحي من أي حد يشوفني، وقفنا شويه وبعدين لقيت بنوته صغيره جايه ومعاها نفس الشاب اللي اتخانقت معاه ع المكان بس سكت لانه ميعرفش إني انا المنتقبه"

- السلام عليكم

= وعليكم السلام يا مالك، كنت فين كل ده انت وجني

- كنت بجبلها حاجه من هنا...هي مين يا سمر؟

= دي وحده صحبتي قابلتها صدفه هنا ومسافره معانا

- اسمها اي

" وقتها افتكرت اني مسألتهاش حتا عن اسمها وقبل ما اتكلم القطر كان جه فقومت ومسكت ايد بنتي انا بقرب للقطر"

- مقولتليش إسمك اي

= بتوتر اسمي ملك

- وأنا سمر

" ركبت القطر جمب سمر وأهلها وأنا حاسه بالراحة شويه... كل ما القطر بيقف في محطة خوفي يزيد إني عمي يقدر يوصلني..... عدا وقت كبير ولقيت سمر بتمدلي ايدها ببسكوت وعصير

- أكيد مكلتيش

= لا أن.. ....

- امسكي واسمعي الكلام يلا

= أخدتهم من إيدها بإحراج وأنا بشكرها، ما هو الصراحه جمايلها كترت وأنا حقيقي مش أدها!

- لسه كتير ع إسكندرية؟

= يعني مش اوي.... بهمس انتي هتروحي فين هناك!

- هنزل فندق لحد ما ألاقي بيت أتأجرو

= طيب ما تسكني معانا في البيت

- لا مش هينفع وخصوصا عشان جوزك

= جوزي مسافر وساكنه أنا وولادي بس

- أمال مين ده؟

= ده أخويا مالك

- معلش في السؤال هو انتو أصلا منين؟

= أصلنا من إسكندرية، وكنا في القاهره عند ناس قرايبنا وسايبه شريف مع ماما

- ده ابنك

= أيوه

- ربنا يخليهم ليكِ

= يارب

- رشحيلي فندق آمن وكويس أعيش فيه

= يعني مش هتيجي معايا

- سامحيني بس مش هقدر

= تمام هسأل مالك وهقولك وهسيب معاكِ عنوان بيتي لو حبيتي تيجي في اي وقت البيت بيتك

- تسلميلي والله

" كان مالك قاعد في الكرسي ورانا وسرحان سمر راحت ليه وبعدها جت إدتني ورقه بإسم فندق والعنوان أخدتهم منها ووصلنا إسكندرية أخدت رقم سمر وودعتهم وركبت تاكسي ومشيت وصلت الفندق"

- لو سمحت أنا عايزة أحجز أوضه

= تمام يا فندم، تفضلي مفاتيح الاوضه ٣٦ وانت يبني اطلع  وريها أوضتها"

- طلعت الاوضه ومن تعب اليوم نمت محستش بحاجة غير والباب بيخبط

= أيوه

- الفطار يا فندم

= شكرا

" أخدت صنيه الفطار وأكلت وأخدت دوش وقتها افتكرت إني ممعيش لبس فلبست لبسي اللي قلعتو تاني وأخدت الڤيزا لاني محتاجه فلوس فهسحب من رصيد ماما"

- صباح الخير

= صباح النور يا فندم

- مفيش هنا مكان أسحب منه فلوس

= مش فاهم!

- معايا ڤيزا ومحتاجه فلوس وأنا عندي رصيد في البنك ومحت....

= فهمتك يا فندم، في بنك قريب من هنا هكتب لحضرتك العنوان وممكن أي حد فيه يفيدك

- شكرا

" أخدت الورقة مكتوب فيها العنوان وسألت حد بره الفندق دلني عليه وإنه مش بعيد بس من تعبي مقدرتش أمشي وكنت هركب تاكسي بس افتكرت إني ممكن الفلوس متكفيش فاضطريت أمشي لحد ما وصلت البنك"

- ممكن أفيدك؟

= محتاجه أسحب فلوس

- عندك المكنه أهي ممكن تسحبي منها

= تمام

- أخدت الفيزا وروحت اسحب لقيت أكتر من واحد واقف عليها حسيت بدوخه وإني مش قادره أقف فقعدت في جمب لحد ما المكان يهدأ بتلفت أشوف مكان أجيب منه ميه لقيت مالك

- انت......!

= انتي ايه اللي جابك هنا وبتعملي اي

- وانت مالك

= انتي عارفه اني ممكن أبلغ عنك وخصوصا إنك هربانه من عيلتك!

- وقفت مكاني ومحستش غير وأنا بقع ع الأرض


= اعمل ايه في المصيبه دي دلوقتي!

" الناس بدأت تجمع ونظراتهم موجهه عليها....احترت أعمل اي في الموقف ده لحد ما لقيت بنات معديه فنديت ليهم وطلبت يسندوها يقعدوها في جنب ويحاولو يفوقوها

- لو سمحت هات ميه

" روحت أقرب سوبر ماركت وجبت ميه وحطو ع وشها وبدأت تفوق...شربوها الميه وقعدت ع جمب والناس اتطمنو انها كويسه وبدأوا يمشو"

- انتي كويسه!؟

= لا....انت عرفت ازاي اني هربانه

- وأنا في المحطة شخص وجهلي موبايله وكان في صورتك وبيسألني عليكِ، فقولت اكيد مش ضايعه وإنك هربانه رغم اني شوفتك هناك بس محبتش أشغل بالي بالموضوع وقولت لا مشوفتهاش...ولما شوفتك هنا وخصوصا انك كان مغما عليكِ فكان ممكن أبلغ قسم الشرطة انك هربانه ووقتها كانو هياخدوكِ ويحولوكِ ع القاهره وهتقدري توصلي لأهلك

= طيب وليه معملتش كده!!

- لاني ببساطه معرفش اي هي ظروفك، واي السبب اللي يخليكِ تسيبي بيتك وأهلك وحتا بلدك عشانه!

= هو سبب قوي بس للأسف مش هينفع أقوله ليك

- وأنا مش مستني أعرف

" سابني ومشي وقفت سحبت مبلغ من الفلوس ومشيت وصلت الأوتيل ومسكت موبايلي رنيت ع دينا صحبتي أعرف عنوانها اي هنا عشان أروحلها"

- ألو

= إذيك يا دينا

- تمام يا ملك وانتي؟

= انا في ورطه يا دينا ومحتجاكي تساعديني

- انا بجهز لفرحي ومش فاضيه دلوقتي وقت تاني وهكلمك سلام

" قفلت قبل ما أتكلم حتا، كنت فكراها هتساعدني..فكرتها بتحبني بس اللي اتضحلي غير كده، ومش هلومها لاني اصلا شخص متحبش دول حتا أهلي محبونيش!

- عدا اسبوع وانا ديما في الأوتيل ومبخرجش منه خالص لحد ما زهقت وقررت أخرج أتمشا.... مشيت كتير لدرجة مبقتش عارفه انا فين والمكان شبه مقطوع مش لاقيه حد يدلني ع طريق الرجوع ولا حتا ع موقف الباصات، جت في بالي سمر فرنيت عليها وأنا ايدي وجسمي بيترعشو

- اذيك يا ملك، عملتي ايه

= سمر انا في مكان شبه مقطوع ومفيش حد فيه انا خايفه تقدري تيجي تاخديني!

- انا حاليا في مدرسة جني لانها تعبانه وكلموني أجي أخدها.... بس عندي فكره هبعتلك مالك أخويا ييجي ياخدك ابعتيلي اللوكيشن واتس

= حاضر

" رغم خوفي بس بدأت اتطمن شويه والمكان كان فيه أشجار قليله والشارع طويل لحد ما لقيت عربيه معديه شاورت ليه ووقف

- لو سمحت هو المكان ده اسمه ايه

= لو تايهه تعالي اوصلك

" خوفت من نظراته فرجعت بضهري وانا بطلب منه يمشي، عدت نص ساعة ولقيت عربيه تانيه بس وقفت لوحدها ومحدش خرج قربت منها وببص من إزاز العربية لقيتو مالك.

- انتي تاني! هو معدش ورايا غيرك!

= لو سمحت خدني من هنا

- انا جاي لناس صحاب اختي عن إذنك

" كان لسه هيتحرك بالعربيه صوت موبايله رن فرد.... بس مفيش حد هنا غير بنت

- اسألها عن اسمها؟

= وجه نظرو عليا: اسمك اي

- ملك

= اسمها ملك

- ركبها معاك وهاتها عندي البيت

= بس انتي مقولتيش انها بنت وحده

- لما تيجي هفهمك

= تمام....اركبي

" ركبت جمبو..... والخوف اللي جوايا بدأ يتلاشي، حسيت اني متطمنه في وجوده، الاحساس ده محستهوش غير مع بابا معرفش ليه حسيت كده في وجود مالك وخصوصا اني معرفوش غير من أيام بس!

- هتفضلي سرحانه كده ولا هتنزلي!

= انا اسفه... بس انا فين

- انزلي بس مش خاطفك انا

= اخرجي خديها لانها واقفه بره مش عايزه تتحرك

- حاضر

" سمر خرجت والمره دي مكنتش لابسه النقاب بس انا عرفتها من صوتها وعينيها وخصوصا حنيتها اللي أول ما شافتني جريت عليا حضنتني وكأننا صحاب من سنين وحقيقي فرحت بحبها ليا.

- انتي كويسه، وكنتي فين بقالك أسبوع

= كنت ساكنه في اوتيل ولما خرجت وحبيت امشي توهت في الطريق بس الحمد لله لولا وجودك مكنتش عارفه هيحصل فيا اي

- الحمد لله واعملي حسابك هتفضلي معايا هنا لحد ما تحفظي اسكندريه كلها

= لا يا سمر تعالي عايزك

" مالك جه من ورانا ونده لسمر ودخلت معاه الاوضه وانا مستنيه تقولي امشي لانه اكيد مش هيوافق افضل هنا وهو عنده حق.


- انتي ازاي تطلبي منها تفضل هنا! انتي تعرفيها منين عشان كده

= عادي يا مالك دي صحبتي و

- صحبتك ازاي! وياتري عارفه انها هاربه من أهلها؟

= بتوتر: هاربه! وانت عرفت بده ازاي

- لان ببساطه اليوم اللي سافرنا فيه حد من اهلها سألني عليها

= ما يمكن مش هي

- لا هي انا شوفت صورتها بعيني

= بس هي هتفضل عندي

- ده لا يمكن يحصل، انتي متعرفيش اصلها ويمكن هي وحدة مش كويسه

= متظلمهاش اقعد وانا هقولك ع كل حاجه

- وكمان بتدافعي عنها

= اسمعني الاول وبعدها احكم

" اسمها ملك وهي م القاهره اهلها ماتو في حادث وعاشت مع بيت عمها وسرقو ورثها من ابوها ولما عرفو انها ورثت من أمها طمعو فيها زياده وكانو هيجوزوها ابنهم وطبعا مقولكش كمية الذل والاهانه اللي مرت بيها أديه بس القدر وقف في صفها وابن عمها التاني ساعدها وقدرت تهرب واه صح انا مكنتش اعرفها وشوفتها في المحطه طلبت مني نقاب وحكتلي ع كل ده وصدقتها عارف ليه لاني شوفت الكسره في عنيها، الحزن كان محاوط قلبها وحتا وهي بتتكلم كان صوتها بيرتعش لعمها يشوفها وهي نفس البنت اللي كانت جمبنا في القطر.... هي مرت بظروف وحشه وصعبه اتحرمت من عيلتها وهي صغيره بس ده مش ذنبها ومش ذنبها انها تلاقي اهل ابوها وحشين ومش ذنبها انها ترحم نفسها من العذاب والقرف فتهرب هي أجبرت ع كل ده... هي استحملت كتير وأنا هساعدها ومش هسيبها تمشي يا مالك"

- تمام يا سمر همشي انا

= مالك

" هو طيب بس دماغه صعبة شويه، هو اكيد خايف عليا وانها غريبه عنا بس انا واثقه انها كويسه والدنيا كلها جت عليها وقررت انها هتفضل هنا معايا وم اليوم ده هعتبرها اختي"

- اتأخرت عليكِ

= ولا يهمك..... بس ليه مالك طالع متعصب ومتدايق، انا اسفه لو انا السبب انا ممكن امشي عادي

- هو بس بيتنرفز بسرعه ولما يروح هكلمو وهيبقا كويس...تعالي يلا ادخلي الاوضه دي ارتاحي وهجبلك لبس تاخدي شاور عشان نتغدا

= انا لازم اروح الاوتيل الاول اجيب حاجتي من هناك وابلغهم اني همشي الاول

- خليكِ لبكره وهنروح مع بعض

= تمام

" سمر جابتلي بيجامه واخدت شاور ومقدرتش اعمل حاجه غير اني أنام.....صحيت بعد المغرب

- بقيتي أحسن

= الحمد لله

- محتاجه أعمل تليفون

= خدي موبايلي اهو

- لا معايا موبايلي شويه وهرجعلك

" ملك دخلت اوضتها ولاول مره امشي وراها معرفش ليه عملت كده بس حبيت أبين اني صح وانها فعلا مظلومه فسمعتها وهي بتتكلم

- اي الاخبار يا حمزه

= لسه بيدورو عليكِ بس وقت وهيبطلو

- هما عارفين انك هربتني صح؟

= ايوه وحاولوا معايا بكل الطرق وانا اقولهم مشوفتهاش

- طب انت كويس

= أيوه المهم انتي وساكنه فين؟

- انا كويسه متقلقش، ساكنه مع وحده صحبتي زي ما قولتلك اتطمن عليا

= انتي غيرتي رقمك ليه!

- لان الرقم التاني معاهم وممكن يترقبو المكالمه ويوصلوني، المهم متسجلش الرقم ده وانا كل فتره هكلمك

= خلي بالك من نفسك

- وانت كمان

" دلوقتي بس اقدر اثبت لمالك اني صح واني ملك فعلا مظلومه واكيد هيصدقني"

- ملك انا هنزل اروح لماما والبيت بيتك ولو حابه تيجي معايا اعرفك عليها

= لا هفضل هنا ارتاح

" نزلت ووصلت بيت ماما سلمت عليها وسبت ولادي معاها وقالت اني مالك في اوضته"

- خبط: ممكن ادخل

= تفضلي

- اي يا بطل زعلان ليه!

= مفيش يا سمر واخرجي عشان هنام

- طب اسمع ده

= قبل ما انطق ولا كلمه كانت شغلت تسجيل في الفون واللي عرفته إني كلامها صح وملك فعلا كويسه زي ما سمر قالت

- اتأكدت من كلامي؟

= هو لسه في ناس بالشر ده! 

- أديك سمعت بودنك وأه في، وهمشي بقا عشان سيباها لوحدها

" قعدت في البيت وأنا ببص ع كل ركن فيه، وأد اي سمر وثقت فيا وسابتني في بيتها.... افتكرت ماما وبابا وأد اي هما وحشوني عيطت بكل طاقتي لحد ما لقيت ايد بتتمد تمسح دموعي

- انتي جيتي امتا؟

= دلوقتي، بتعيطي ليه!

- ماما وبابا وحشوني اوي، ياريتني كنت سافرت معاهم ع الاقل كنت هبقا معاهم دلوقتي

= بعد الشر عليكي يا ملك، متقوليش كده قومي يلا نامي عشان هتصحي بدري

" نزلت تاني يوم ولقيت مالك تحت بعربيتو فسمر راحت مع جني المدرسة وطلبت من مالك يوديني الاوتيل، والغريبة انه وافق ومعترضش!

- انزلي هاتي حاجتك وهستناكي هنا

= هزيت دماغي وطلعت" عرفتهم اني هسيب الأوتيل واخدت شنطتي ومشيت وقبل ما أركب لقيت ايد بتمسكني

- عمي!!!!!

= كنتي فاكره انا مش هنوصلك! ده انتي بتحلمي، هربتي يوم فرحك صدقيني يا ملك هقتلك

- انت ازاي كده! انا عملت فيك اي عشان كل الكره ده

= امشي معايا وانتي ساكته

- تمشي تروح فين ومين انت!

= الحقني يا مالك عايز ياخدني غصب عني

" دققت في ملامح الراجل لقيتو عمها لانها سألني عليها وانا ع المحطه ولسه فاكر شكله"

- سيب ايدها وتعال نتكلم باحترام

= وانت اللي هتعلمني الاحترام يلا!

- وليه الغلط بس!

= امشي يا ملك يلا

- واخد مراتي ورايح بيها ع فين

= انا وعمي بصدمه: مراتك!

" توقعت انه يساعدني بس مش لدرجه يقول اني مراتو، وأكيد عمي مش هيصدق وهيطلب ورق يثيت بس سكت بعد ما مالك بصلي وبيهزلي أه بدماغه ففهمت اني اقول اه واجاريه في الكلام"

- ده جوزك!!!!

= ايوه جوزي

- انتو اكيد كدابين، فين القسيمه!

= ممكن تيجي معايا وانا اجيبهالك

- ماشي

" ياربِ ع الورطه اللي وقعني ووقع نفسه فيها، دلوقتي عمي هيتأكد انا متجوزناش ووقتها هياخدني معاك... يعني يا مالك لما تفكر تساعدني تورطنا أكتر!

ركبت العربية جمب مالك وعمي ورايا لحد ما وصلنا بيت سمر رن الجرس ودخلنا

- مين اللي معاكو ده!

= ده عمي يا سمر

- ميستهلش كلمة عمي اصلا بس انت في بيتي فاتفضل

=بزعيق: واضح انك فضحاني يا ست ملك

- لما تتكلم مع مراتي تكلمها بأدب

= مراتك!!!

- اه مراتي اتجوزنا من ساعتين

= نعم!!!!

- فين القسيمه عشان امشي

= هكلم المأذون وهو يأكدلك كلامي ولانا لسه متجوزين انهارده فهتاخد وقت لما تطلع واول ما تطلع هجيبهالك تشوفها

" كنت باصه ع سمر وهي عنيها حزينه وحساها مكسوره ولانها لابسه النقاب فمش ظاهر ملامح وشها، خوفت عليها تزعل وانها تصدق كل اللي بيحصل فمسكت ايدها ودخلت الاوضه

- اتجوزتو من ورايا يا ملك؟

= يا حبيبة ملك والله ما حصل بس عمي ظهرلنا فجأة واخوكِ حب يساعدني بس ورطنا، اذاكان هو مبيقبلنيش هيتجوزني مثلا!

- وليه لا ده انتي قمر، الا قوليلي هو لو طلب يتجوزك حقيقي هتوافقي؟

= بارتباك:اي اللي بتقوليه ده يا سمر يلا نخرج

- ممكن يامأذون تيجي في المكان اللي هقولك عليه دلوقتي وتجيب دليل جوازي من ملك محمود السيد، ساعه وتبقا هنا

= انا حقيقي مستغربه هو بيكلم مين! وازاي بيقول.....اها طب وعرف اسمي منين عشان يقوله!

- ممكن يا مالك ثواني

= حاضر

" اي اللي هببتو ده! وازاي هتجيب ورق يثبت انا متجوزين! فهمني

- ده واحد صحبي وهيجيب ورق مزور، والمحفظه وقعت منك في العربيه فشوفت اسمك في البطاقة ومتقلقيش انا بعمل كده عشان اساعدك مش اكتر وعمك اكيد لما يشوف الورق هيسافر وهينهي علاقته بيكِ

= شكرا

" عدت ساعتين وشخص جه لابس جلبيه وعمه زي شكل المأذون والغريب انه معاه دفتر وكأنه مأذون حقيقي وفعلا طلع لعمي ورق وكأن مكتوب كتابنا حقيقي"

- دلوقتي اتأكدت انا ماشي

= وفلوس بابا، انت سرقتني واخدت كل حاجه

- ملكيش حاجه عندي

" عمي مشي وقعدت مع سمر شهرين قدرت فيهم اتأجر بيت ولقيت شغل كويس، ونقلت فيه...علاقتي انا ومالك بقت قويه وبقينا شبه اصدقاء...البيت اللي اتأجرتو قريب من بيت مالك وأحيانا كنت بروح اقعد مع مامته.. هي ست كبيره وطيبه وبحبها اوي.

- جهزي نفسك والبسي الفستان ده عشان عندنا مناسبه انهارده

= بابتسامه: مناسبة اي يا سمر

- اولا جوزي جاي م السفر وهعرفك عليه

= حمدالله ع سلامته

- وأه صح مالك هيتقدم لوحده زميلته انهارده

= زميلته فين! 

- في الشغل وبيحبو بعض

= بحزن تمام

" مقدرش انكر اني في أخر فتره بدأ قلبي يميل لمالك وبعترف اني حبيته وكنت اتمنا ابقا البنت اللي يختارها"

- لبست فستان ونزلت سلمت ع جوز سمر وطلبو نمشي نروح عند مالك

= جاهزين

- اه هتروح فين

= متفقين ع كافيه هيكونو أهلها هناك وهيستنونا

" كنت ببص ع مالك بطرف عيني وانا حاسه بوجع قلبي بس راسمه ابتسامه لان دي مناسبه سعيده بالنسبة ليه وأكيد لازم أفرحله، وصلنا الكافيه ولقيت شخص واحد قاعد ومدي لينا ضهرو

- ده اخوها تعالو

= الس......حمزه!!!!

- وحشاني، عامله ايه

= انت اللي عامل اي وبتعمل اي هنا

- انا جاي عش ........

= عشان هطلب ايدك منه

- ايدي انا!!!

= اه عيزاني اخطب حد تاني؟

- لا

" كلهم ضحكو وانا اتكسفت وبصيت في الارض، طلع علبه من جيبه فيها دبله توافقي تتجوزيني

- ومين ميوافقش عليك...مديت ايدي ولبست الدبله ولبستو دبلتو

= كلهم باركولنا وقعدت انا ومالك في مكان لوحدنا

- انتي ازاي خطفتيني وخلتيني احبك

= نفس السؤال

- والمعنى!

= ده ميوحلكش بحاجه

- اني بحبك مثلا!

= بابتسامه: مثلا!


-بتعملي اي؟

= بكتب في مزكراتي ده اول يوم شوفنا بعض من سنه

- طيب وده زكره حلوه؟

= اني بحبك مثلا

" القدر بيرمي في طريقنا ناس بيحبونا ومهما ضاقت هتفرج بس خليك واثق ومتأكد اني ربنا هيعوضك...إن بعد الصبر جبر"

" لتكن لي ملكا وأناملكك و ملكتك ومالكتك

# يوميات ملك ومالك ١٢

الرواية الجديده 

الرواية السابقه 

تعليقات