أخر الاخبار

رواية السفله الفصل الثاني المجدللقصص والحكايات للكبار فقط


 #قصتي_مع_السفله

#الجزء_الثاني


بعدها لقيت عيون مراتي بقا السواد فيها اكتر وافتكرت المنظر اللي شفته لما كانت في المطبخ  من جوايا  حسيت الدنيا بتلف كل ده وانا بصرخ بصوت عالي لقيت امي واخواتي كلهم جايين عليا جري  بيقولولي فيه ايه وكله ملهوف  وخايف ومرعوب عليا وانا جسمي ببترعش بصيت علي مراتي لاني مش عارف اقولهم ايه.  مراتي كانت جايه معاهم من برا هقولهم ازاي انها اللي واقفه جنبي  وبتضحك  وهي واقفه وسطهم ومفزوعه  قلبي كان مخلوع من مكانه وانا شايف اتنين واقفين شبه مراتي ومش عارف مين فيهم  مراتي الحقيقيه  اكيد اللي بتعيط اللي واقفه عيونها غريبه  دي استحاله  تكون مراتي    لقيت نفسي بقول لماما اقريلي  قرأن.  اقريلي قرأن ياماما  وببص للي واقفه جنبي بخوف شديد لقيتها بصتلي جامد بمجرد ماسمعت كلمة قرأن نظره  مرعبه  وصوت همهمه  وبتقرب مني وانا احرك نفسي علي السرير بس مش قادر وهي تقرب لحد اما وشها بقي قدام وشي.   بشكل مرعب ملامحها تغيرت  وشها بقا شكله مرعب  فوق الوصف وصوتها الرجولي ببقول . أوقفها ايها الطيني  ‘‘ وامي تقرأ.  بسم الله الرحمن الرحيم  والمخلوق اللي قدامي يرجع لورا  شويه وتكمل امي آية الكرسي اول ماسمع اولها صرخ وحط ايده فوق ودانه وفجأه جري بسرعه رهيبه ناحية اقرب حائط وانا مرعوب حاسس اني خلاص هموت من الرعب  وامي تقرأ لحد اما شفته دخل الحائط.  وشويه بشويه بدأت اهدي.  وامي تقولي فيك ايه يا احمد.   وتعيط وقتها قررت اني احكي لكن لساني مش مطاوعني مش عشان حاجه منعاني بس خايف يغضب   قولتلها ماما انا عاوز اروح من هنا شفت حاجه مش  كويسه في المكان ده   فعلا استجاب اهلي لرغبتي وروحت بيتي ومحصلش اي حاجه وكان كل شئ طبيعي ومراتي الحقيقيه ايوه الحقيقيه مش الشكل المرعب اللي شفته هي اللي معايا  وقضيت الوقت لحد بالليل  وقتها كان لازم يروحو بيتهم لانهم مرهقين  جدااا

ماما قربت مني وقالتلي عاوز حاجه ياحبيبي؟ احنا هانمشي  وهانيجي تاني الصبح وقتها الخوف ملك قلبي من جديد.  قولتلها لا محدش يمشي نامو هنا

كان رد ماما سريع قالت انا عارفه فيك ايه بس متخافش لازم اروح. والصبح هتلاقي الحل.  قولتلها حل ايه ياماما انتي مش فاهمه حاجه  بصت امي لمراتي اللي كانت في المطبخ ومالت علي ودني وقالت بصوت واطي وقالتلي انا فاهمه كل حاجه  متخافش من حاجه والصبح هاجي وهجيب معايا الحل. 

استغربت جدا من كلام ماما.  هي فهمت ايه . وليه بتبص لمراتي تتطمن انها مش موجوده  وبعدها تهمس وتقولي انها هاتجيب الحل.  حل ايه.   طب هو فيه ايه.   كان مليون سؤال جوايا  لكن رد امي عليا بانها هاتجيب الحل خلاني  قررت انهم يمشو.  مش مهم الليله دي هاتعدي واكيد انا تعبان  جدا وهنام علطول . قولتلها ماشي ياماما خلاص هستناكم الصبح.    لقيتها قربت لودني تاني وهمست وقالت خليك راجل. اتوضي وشغل قرأن في شقتك لحد الصبح ومهما حصل متخافش.      ربنا يجازي المؤذي . ومتحسسش مراتك بحاجه خالص  قولتلها ماما كده خوفتيني اكتر.  ردت بصوت اوطي وقالت متخافش.   ربنا يفك ضيقتك.   وراحت ماشيه.  بمجرذ خروجها من باب شقتي وانا حسيت قلبي اتقبض جامد  حسيت انها اخر ليله ف حياتي خلاص لازم استسلم وخلاص.     اللي كانت طلعالي في المستشفي كانت غضبانه مني وانا هبقا لوحدي وهتنتقم  وفي وسط تفكيري وخوفي  لقيت ايد بتطبطب علي ضهري.  اتنفضت وصرخت  اااااااه    ولفيت راسي بسرعه لقيتها مراتي بتبص ومستغربه جدا وبتقولي مالك ياحبيبي.  كنت بابص في عينيها ومتوقع انها هتبقا كلها سواد.   لكن لقيت عيونها مليانه دموع.   تأكدت  وقتها انها مراتي انا عارف النظره دي كويس دي نظرة مراتي.   قولتلها معلهش حقك عليا انا متوتر    يالا ندخل عشان ننام قالتلي يلا ونسيت خاااالص ان اللي قالتلي ماما اعمله وفعلا دخلت معاها  ودخلنا وننام وياريتني مادخلت.

تابع

تفااعلوا عشان اكملها 😍

الفصل التالي

تعليقات