ارتفاع ضحايا سف.اح الإسكندرية
تعديل..تخيلوا ان س..فاح المعمورة طلع مأجر شقق كتير وكل شقة كان بيأجرها كان بيدفن فيها جث.ث. ولحد دلوقتي بينكشوا وراه والناس اللي عندهم شقق متأجرة ومقفوله بيطالبوا الشرطة انها تنزل صورته عشان لو طلعت صورة الس.فاح يكسروا الشقق واتعمل بلاغات ف منطقه العصافرة و 45 لشقق متأجرة ومقفوله
ده ماشي علي نهج ريا وسكينه بيد.فن الجث.ث جوه البيوت والانقح من كده انه طلع من كفر الشيخ اساسا ..
التفاصيل..
"ارتفاع ض.حايا سف..اح الإسكندرية.. العثور على جث.مان ثالث في منزل بمنطقة 45
تمكنت الأجهزة الأمنية في الإسكندرية من العثور على ج.ثة جديدة، بإحدى الشقق، أخفاها المحامي المتهم بق..تل وإخفاء جث.تين، في منطقة المعمورة، ليرتفع بذلك عدد ض.حايا المحامي المتهم إلى 3 ض..حايا، من السيدات.
واصطحب فريق من الجهات الأمنية المتهم إلى منزل، بشارع 45 التابع لقسم أول المنتزه، وتم استخراج الج.ث..مان، مدفونًا على نفس الطريقة التي تم العثور بها على الج.ثتين السابقتين، ليرتفع عدد ضح.ايا المحامي المعروف إعلاميًّا بس.فاح الإسكندرية، إلى 3 ضح.ايا من بينهن زوجته وموكلته.
وتم العثور على الجث.مان مد..فونًا ومغطى بطبقة أسمنتية خرسانية، وهو جثم..ان لرجل، وتم العثور على الفيزا كارد الخاصة بالض..حية الثالثة، مدف.ونة بجواره.
ربنا يرحمنا برحمته الواسعة..
سفاح اسكندرية
محامى اسمه نصر الدين السيد ٥١ سنة من كفر الشيخ مستقل عن أسرته وبعيد عنهم وميعرفوش اخباره ومبيحضرش أفراحهم ولا مناسباتهم
اخته بتقول اخر مره شافته لما طلبت منه حضور كتب كتاب بنتها
يقال انه كان ساكن فى القنطرة وجه عاش فى اسكندرية من عام 2021 سلوكه العام غير منضبط وله علاقات مشبوهه وبيشرب مخدرات بيتنقل فى شقق إيجار جديد وبيختار دايما شقق الدور الارضى بيستخدمها كمكتب ومعيشة ولنزواته وكمان بيدفن فيها ضحاياه يعنى اربعة فى واحد
اخر ست كانت مقيمة معاه بتقول كان بيشغل القرآن طول اليوم
اتاريه بسبب الميتين المدفونين فى أرضية الشقة
وكان اخرهم شقة فى المعمورة بجوار مدرسة مى زيادة لقوا فيها جثتين لسيدتين ومن تحقيقات النيابة بعد القبض عليه اتضح انه كان مأجر شقة تانية قبل دى بشارع ٧ متفرع من شارع ٤٥ قبلى بالبحث والتنقيب لقوا فيها جثة رجل
ولسه مع التحقيقات اللى شغاله حاليا حتظهر جثث تانية
بداية الواقعة صرخة مدوية سمعها الجيران من سيدة كانت تقيم معه حديثا بالشقة وكان مانعها من فتح غرفة معينة ولكن فضولها جعلها تبحث عن سر الغرفة واستطاعت ان تحصل على مفتاحها خلسة منه وفتحتها فى غير وجوده وتفاجأت بوجود حفر فى أرضية الغرفة وأثار دماء وجثة مدفونة فكان المنظر صاعق رقعت بالصوت الحيانى وجريت خرجت من الشقة من خوفها الجيران نزلوا يشوفوا ايه اللى جرى واكتشفوا الجثة وبلغوا النيابة والمحامي مكنش موجود وقتها المباحث انتظرته حتى حضوره وقبضوا عليه
والمباحث اكتشفت وجود جثتين لسيدتين الاولى سيدة من الجيزة كان متزوجها عرفى من تلات سنوات بدون رغبة أهلها فقاطعوها وكانت بتنتقل معه فى الشقق المستأجرة وبسبب مشاكل بينهم بسبب علاقاته النسائية وغيرتها عليه قتلها
والجثة التانية لسيدة
كانت موكله عنده وكانت ست وحدانيه وعرف انه معاها ٣٠٠ الف لعب عليها وسحبهم منها وعشان يخلص منها قتلها من حوالى ٣ شهور
الضحية التالتة مهندس محمد ابراهيم محمد مواليد 1956 وعلى المعاش
متزوج وعنده بنت متزوجة
اشتغل فى السعودية وفى المانيا لدية سيارة ومنزل ورصيد كبير فى البنك
الضحية اتعرف على المحامى فى المحكمة أثناء استخراجه بعض الأوراق وعرف المحامى ان المهندس عنده بيت فى المندره شارع النبوى المهندس وعاوز يبيعه وطمنه المحامى انه عنده مشترى للبيت والمهندس وعده انه حيديله خمسين ألف سمسرة
الكلام ده فى اول شهر فبراير 2022 فى خلال شهر يعنى شهر مارس 2022 استدرجه المحامى بغية وجود مشترى للبيت وطلب منه الحضور ومعاه عقد البيت
بعدها اختفى المهندس ومرجعش البيت اهله عارفين علاقته بالمحامى وانه راح يقابله اتصلوا على المحامى طمنهم عليه وبلغهم انه كان عنده ومشى
اتارى المحامى حبسه فترة قبل مايقتله خلاه تحت التهديد يكلم اخته ويبلغها انه باع البيت والعربية واتجوز اوكرانية وحيعيش معاها فى شارم الشيخ وبلغها انه بخير ويطمنوا عليه وبلغها بلاش بلاغات الأقسام والنيابة ولكن حب يوصل لها رسالة مخفية أثناء المكالمة اللى تحت التهديد عشان يفهمها انه فى خطر فبلغها انه مع صاحبه المحامى نصر الدين وبلغها انها توصل السلام لجوزها جمال وجمال ده ميت من تلات سنين فشكوا فى المحامى
ولاد اخت المهندس اتنين شباب كبار ومعاهم واحد صاحبهم وجوز بنته وجوز اختهم لموا بعضهم و عرفوا يوصلوا للمحامى ويقابلوه على قهوة فى منطقة الساعة فى اسكندرية ومسكوه بالقوة وراحوا قسم الشرطة وبلغوا انه خاطف خالهم والمباحث حققوا مع المحامى وللاسف خرج الساعة ٢ بالليل لعدم وجود أدلة تدينه
المحامى استولى على البيت وعلى العربية واخد الفيز وسحب رصيده وكمان بقى يسحب معاشه كل شهر لمدة سنتين لغاية ما تاريخ صلاحية الفيزا انتهى وبقت محتاجة تجديد
المحامى حاليا محجوز فى قسم منتزة تانى لاستكمال التحقيق معاه
وواضح انه حتظهر جثث جديدة فى الايام القادمة لانه أى صاحب شقة اجر للمحامى شقتة حيبلغ النيابة
#سفاح_اسكندرية
#سفاح_إسكندرية
#سفاح_الإسكندرية
#سفاح_الاسكندرية