رواية ضحية اغتصاب كامله جميع الفصول

 

ضحية اغتصاب الحلقه الاولى 

-انا اتجوزت واحدة تانية وعايزة اطلقك 

قالها وهو باصص علي الأرض ...بصتله بصدمة وعيوني دمعت ...هو اكيد بيهزر ...مستحيل يجرح قلبي بالشكل ده ...

- علي ...انت مستحيل تعمل كده ...مستحيل تتخلي عني في الوقت ده حرام عليك ليه صدقني ه*تدمر لو بعتني دلوقتي ...انا مليش حد غيرك 

-اسف يا حبيبة انا مش قادر والله ما قادر ...مش قادر اتحمل فكرة ان راجل غيري لمسك ...وان شرفي راح...انا مبنمش بسبب الموضوع ده يا حبيبة ...انتي خلاص اتلوثتي...شرفك راح 

-بس ده كان اغتصاب مش بمزاجي 

-انتي اللي غلطانة 

-ايه ؟!انا غلطانة ازاي يا علي ...قولي ازاي ده انا الضحية 

-انتي خرجتي من بيتك 

- انا خرجت بالنهار عشان اروح السوق ...لانك سايب كل حاجة عليا وانا مبرضاش ازعجك واتعبك

كنت ببكي ...مكنتش مصدقة انه يلومني لاني ضحية ...

- مليش دعوة ...اكيد فيه حاجة غلط ...اشمعنا انتي يعني من دون الستات يخطفك ويعمل كده فيكي ...اكيد انت تجاوبتي معاه...اكيد اغوتيه ...

 صرخت وقولت:

-اخرس ...اخرس 

- انتي السبب ...مفيش راجل هيلمس واحدة الا وكانت غلطانة ....امي عندها حق ...انت خاطية...انتي اللي اغوتيه

مستحملتش وضربته بالقلم ....لحظة وردلي القلم تاني ومسكني من شعري وصرخ:

-اطلعي من برا بيتي يا خاطية ...انتي طالق  

وبعدين فتح الباب ...ورماني وقفل الباب ...قعدت اعيط واخبط علي الباب :

- علي لو سمحت افتح ابوس ايديك مترمنيش كده ...انا مليش حد ...يا علي والله انا مش خاطية انا الضحية!! ....

مردش عليا ومفتحش الباب...بصيت حواليا وانا ببكي وبعدين قومت ...خلاص كل حاجة انتهت ...علي اتخلي عني واهلي كمان ...كلهم بيلوموني ...انا مليش حد ...مليش حد خالص....

مشيت في الشوارع من غير هدف وانا بعيط مكنتش عارفة اروح فين ....العمل ايه محاكمتي بعد اسبوع....انا رفعت قضية علي المغ*تصب وقدروا يمسكوه ...بس خرج لعدم وجود أدلة ولأنه طلع ابن ناس كبار في البلد ...انا حاليا لوحدي وحقي هيضيع مني ...

قعدت علي النيل وانا ببكي ...كنت ببكي جامد وانا بضم نفسي ...ليه انا ...ليه بيحصل معايا كده ...فجأة حسيت بحد جمبي ...بصيت واتصدمت لما لقيت اللي اغ*تصبني قاعد ومبتسم بنصر ....قومت وفار الدم في عروقي ومسكت طوبه وكنت هخبطه في دماغه بس مسك ايدي جامد وقال:

-لا ...لا يا حبيبة متتهوريش 

زقيته وانا بصرخ:

-متلمسنيش 

-طب ما انا لمستك قبل كده وصدقيني انبسطت ...

- يا و*اطي ربنا ياخدك 

ولسه هضربه تاني بس زقني لحد ما وقعت علي الأرض ....بكيت فنزل قصادي وهو بيبصلي من فوق لتحت 

-جوزك غبي اووي عشان طلقك انتي لو مراتي مفرطش فيكي ابدا 

بصتله بصدمة :

- انت ...عرف...

-ايوة انا عارف كل حاجة عنك خطوة بخطوة احنا لينا ذكريات حلوة مع بعض 

- انت حقير

-مقبولة منك يا قمر اسمعي عرضي بقا ...اتنازلي عن القضية 

- مستحيل مش هرتاح الا لما اشوفك في السجن

ضحك بتريقة وقال:

-سجن ...انتي طيبة اووي يا بيبة حبيبتي انا ابن عادل صفوت اكبر رجل أعمال في مصر اكيد مش واحدة زيك مش لاقية تاكل تحبسني ...انا بفكر في مصلحتك ...ايه رايك اتنازلي. عن القضية والمقابل ان بعد عدتك هسترك واتجوزك!!!

ضحية اغتصاب الحلقه الثانيه 

↚

بصيتله وانا مصدومة ...اكيد بيهزر انا مستحيل اتجوزه ...بغل مسكت طوبة وخبطتها في رأسه وجريت ...سمعته بيصرخ من ورايا ...بصيت لقيت رأسه بتنزل دم ...قعدت اجري بسرعة ...فجأة لقيت نفسي في حتة مقطوعة 

..جسمي اترعش ودموعي نزلت وقعدت علي الأرض وانا ببكي ....مش عارفة اروح فين ولا عند مين ...ابويا لو شافني هيقتلني ...اكيد عرف من علي انه طردني ...اكيد عرف ان حتي علي اللي اتحاميت فيه يوم ما كان عايز يموتني هو كمان باعني هو كمان خلاني المجرمة بدل الضحية...

- هو القمر بيبكي ليه 

سمعت صوت حد باين انه سكران ...اترعبت وقومت وانا بشوف شاب ضخم بيقرب مني ...حاولت ابعد بس مسك ايدي وشوفت شاب تاني بيضحك وقال:

-شكلها هتكون سهرة حلوة 

اتفزعت وأحداث اليوم إياه المشئوم ...حسيت وكأن أحداثه كلها هتتكرر تاني معايا 

-لا لا ابوس ايديكم سيبوني امشي

صرخت وانا بترجاهم ودموعي بتنزل علي خدي ...

-ليه بس يا قطة ده احنا هنتبسط 

قالها واحد فيهم وهو بيشدني ...قعدت اصرخ ...كتم بوقي وهو بياخدني جهة مبني قديم ...ساعتها كل ذكرياتي السودا جات في عقلي افتكرت لما. الحيوان اغتصبني ودمر حياتي ...قعدت ابكي واصرخ واقول :

-ابوس ايديكم سيبوني ...ابوس ايديكم ...

بس هما كانوا بيضحكوا متأثروش لا بدموعي ولا بصراخي...ضربت واحد فيهم عشان اهرب بس لقيت التاني ضربني بالقلم علي وشي جامد لحد ما وقعت علي الأرض وانا شبه فاقدة للوعي ...بعدين حسيت بواحد فيهم بيشيلني ...قال صاحبه:

-اوعي تكون ماتت يا رزق 

-لا يا سيد اغمي عليها بس ..

-هنعمل ايه دلوقتي فيها 

-ولا حاجة هناخد غرضنا منها ونرميها زي الكلبة

بكيت وانا مش قادرة احرك جسمي ...خلاص هيحصل نفس اللي حصلي قبل كده ...وساعتها قررت اني هنت*حر خلاص ...مش هقدر ابص علي نفسي تاني ...مش هقدر اقاوم واهلي وجوزي اتخلوا عني ...اللي شايلني رماني علي الأرض جامد ولسه وقرب مني ولسه هيلمسني حسيت بحد ضربه بالعصاية من ورا ...بعدين قرب مني وقال بفزع :

-مدام حبيبة انتي كويسة 

قعدت ابكي وانا مش واعية وحسيته بيشلني وبيمشي بيا ....

.........

شهقت لما حسيت بماية ساقعة علي وشي ...قومت ولقيت ابويا واخويا قدامي وامي قاعدة بعيد. بتبكي ...بصيت علي نفسي لقيتهم رابطيني بالحبل ...

- بابا 

- انتي فضحتينا ...بقا انا جمال العدلي الموظف المحترم بنته تطلع خاطية بالشكل ده ...مرة شرفنا ضاع بسببك والمرة التانية سمعتنا باظت لما جارنا جه في الشارع بيكي. هو شايلك ...كنتي بتعملي ايه في حتة مقطوعة بالمنظر ده 

- بابا والله ...

-اخرسي ...

زعق جامد فبكيت ...بعدين قال بتشفي :

- انا هخلص عليك ...مؤمن هات الجاز 

-هتعمل ايه 

سألت وانا مصدومة

مسك ابويا جردل الجاز وكبه عليا بعدين ولع نار وقال:

-الخاطية لازم تم*وت!!!

 ضحية اغتصاب الحلقه الثالثه 

↚

قعدت اصرخ وابكي وانا بقول :

- يا بابا لا ابوس ايديك انا مش خاطية ....

متأثرش وبصلي بحقد ولسه هيرمي عليا النار باب البيت انكسر ودخل البوليس.....

-اقف مكانك 

صرخ الضابط وأمر اللي معاه يقبضوا علي ابويا واخويا ...قبض الضابط عليهم ...وجه من وراهم حمزة جاري اللي كان اساسا محامي ولما سمع الدوشة عرف انهم هيعملوا فيا حاجة فبلغ البوليس 

.....

بعد ما فكوني الشرطة ...امي قربت مني وضربتني بالقلم. صرخت:

-ابوكي بسببك اتسجن هو واخوكي ...منك لله يا بعيدة يا خاطية...

- ماما 

قالتها مصدومة وانا ببكي ...بس هي مسكت ايدي وزقتني وقالت:

-برة ...برة مش عايز اشوف وشك تاني ...غوري ...فضحتينا وحبستي ابوكي ....انا كنت عارفة ان خلفة البنات عار ...جيبتيلي العار ربنا ياخدك ...

-ميصحش كده يا مدام عيب

قالها حمزة وهو متضايق فردت امي بغيظ:

-وانت ايه بقا لتكون عشيقها الجديد ما هي متعودة 

حطيت ايدي علي بوقي وانا بعيط 

-امي حرام عليكي انتي اكتر واحدة عارفة اني مظلومة

مسكت امي شعري وقالت :

-اطلعي برة يا بت ....برة 

بعدين زقتني وطردت حمزة وقفلت الباب 

قعدت علي الأرض وانا ببكي ....الناس كانت بتبص عليا ...فيه اللي شمتان ومصدق اني خاطية وفيه قليل اووي ايه اللي شفقان عليا...

-مدام حبيبة قومي لو سمحتي وتعالي معايا 

هزيت راسي وانا بعيط 

-مدام مينفعش الناس بتبص عليكي تعالي معايا لو سمحتي ...امي في البيت متخافيش ...قومي .

قومت وانا منهارة وروحت معاه ....

....

وداني بيته عند الحاجة كوثر امه صحيح مليش تعامل معاها كتير بس اعرف كويس انها ست طيبة جدا...اول ما شافتني حضنتني وقالت :

- يا حبيبتي يا بنتي اهدي شوية الف سلامة عليكي ...

دخلت البيت وانا مكسوفة ...كنت حاسة ان مستقبلي وحياتي اتدمرت ...جوزي اتخلي عني واهلي وابويا اتحبس ...

- ماما خلي مدام حبيبة ترتاح دلوقتي لو سمحتي ...انا هطلع فوق شقتي عشان تاخد راحتها اكتر 

وبعدين طلع وسابنا ...

وديتني مامته في أوضة الضيوف وحضرتلي اكل وأصرت اني اكل ...اكلت زي المفجوعة...كنت جعانة اوووي ...وبعد الاكل نومت علطول

....

مرت الايام وطلبت من حمزة انه يطلع ابويا ..راح طلعه بشرط مضاه علي عدم تعرض ليا ...مش هنسي وش ابويا ساعتها كان غضبان عليا وقالي في وشي:

-انتي موتي بالنسبالي 

  بعدين عرض عليا حمزة وقالي انه هيساعدني اكسب القضية وهيترافع عني بعد ما اتخلي عني المحامي التاني عشان معييش فلوس....وافقت وشكرته ...ومسك هو قضيتي وتعب معايا من القسم للدكاترة ...كلم اصحابه ضباط يساعدوه....جه يوم المحاكمة ...كان جمع شوية أدلة ...بس اللي معملناش حسابه ان اقرب ما ليا يخونوني!!!

-قول يا علي والله العظيم هقول الحق 

-والله العظيم هقول الحق 

قاله المحامي :

-لو كنت مع حبيبة يا علي لاحظت عليها اي سلوك مش مضبوط 

بصلي وقال:

-ايوة يا باشا ...انا قفشت حبيبة مرتين بتبعت صور مش كويسة ليها لشاب اتعرفت عليه علي النت وسامحتها!!

يتبع 

ضحيه اغتصاب الحلقه الرابعه الاخير

↚

-ده كداب يا سيادة القاضي ...حسبي الله ونعم الوكيل فيك يا علي ...حسبي الله ...

القاضي بصلي بغضب وقال:

-اي تجاوز منك في المحكمة هطردك برة 

دموعي نزلت وانا ببص لعلي بلوم...حط عينيه في الارض فبصيت للمحامي اللي ابتسم وقال :

-انت خلصت كده يا سيادة القاضي 

قام حمزة والتمس انه يأجل القضية والقاضي وافق ....

......

- يا بنتي كفاية كده قطعتي قلبي 

قالتها ام حمزة وانا ملحوظة من العياط كنت حاسة بالخيانة ....مقدرتش اصدق ان علي اللي حبيته يعمل فيا كده ...انا اديتله حياتي يقوم يطعن في شرفي ....

قعد حمزة جمبي وهو بيقول :

-حبيبة اقسملك بالله اني هجيب حقك منهم بس ابوس ايديك متستلميش دلوقتي. 

بصيتله وانا بمسح دموعي ...حسيت بالأمان. كأن حد مد ايده وطلعني من النيران اللي محوطاني 

.......

تاني يوم جه حمزة وهو متعصب ...

قعد علي الانتريه فقعد جمبه بخوف وقولت :

-حصل ايه ؟!

- طلع واخد رشوة قليل الشرف .

-مين 

-علي طليقك خليت حد تبعي يراقبه شافه بياخد فلوس من حسام ابن عادل صفوت ...علي باعك

غمضت عيني بألم بس معيطش وكأن دموعي خلصت ...وكمان متصدمتش ...كلهم اتخلوا عني فمتوقعة منهم اي حاجة

-هنعمل ايه دلوقتي 

-متقلقيش يا حبيبة هنكسب القضية ...انتي واثقة فيا 

هزيت راسي فابتسم ليا وبصلي جامد ...فجأة حس علي نفسه وقام بسرعة 

....

المحاكمة قربت ...وكنت متوترة ...حمزة كان بيشتغل كتير ...كان احيانا بيطبق باليومين...ووالدته كانت معايا ...حقيقي مكنتش عارفة ارد جميلهم ازاي ...جه يوم المحاكمة كنت قاعدة متوترة ....

بدأ حمزة يسأل علي وقال:

-اللهم بارك يا علي مظاهر العز باينة عليك اووي ...

-متشكر 

رد علي ببرود فقال حمزة :

- من اين لك هذا ممكن اعرف 

اتكلم المحامي وقال:

- انا بعترض يا سيادة القاضي المحامي بيتدخل في حاجة ملوش فيه

-وده برضه كلام يا متر ...

قدم حمزة شوية صور وقال:

-دي صور لأستاذ علي بياخد فلوس من حسام ...رشوة يعني .

الكل اتصدم وعلي اتوتر ...

كمل حمزة :

-الفلوس دي شكلها نقلته نقلة تانية سبحان الله ...باع شرف اللي كانت مراته عشان الفلوس ...مش صح يا علي 

ارتعش علي واتوتر وبص للارض ...كان باين عليه الخجل. الندم وقال:

- صح 

اتصدمت انه اعترف علي نفسه بالسرعة دي

ابتسم حمزة وقال:

-كمان يا سيادة القاضي ...استاذ حسام خطف مدام حبيبة من قدام دكان ولحسن الحظ كان فيه كاميرا مراقبة والتسجيل اهو 

عرض حمزة التسجيل ...

وبكده تم إثبات جريمة الاغتصاب علي حسام ..ووالده بسبب مركزه وخوفا عليه اتبري منه واتحكم علي حسام بالسجن المؤبد وعلي بالسجن لسنتين ....

........

بعد مرور ست شهور ....

بعد ما ربنا نصرني بفضله وبعده بفضل حمزة...اصرت مامته اني اعيش معاها...وافقت بشرط اني اشتغل ...اشتغلت وقدمت دراسات عليا وعشت معاهم ...حمزة كان عايش في الشقة اللي فوقينا عشان اقعد براحتي ...وعشت مع والدته اللي اعتبرتني بنتها...اهلي بعد المحاكمة حاولوا يكلموني ويصالحوني بس رفضت ...عارفة ان ممكن تكون دي قساوة مني مهما كان هما اهلي ...بس حاليا مش قادرة اسامح الناس اللي باعتني ...

وفي يوم  

دخلت البيت لقيته هادي تمام ...

-ماما كوثر انتي فين 

فجأة خرجت ماما وهي لابسة طاقيات عيد الميلاد وبتزمر وخرج وراها حمزة وهو لابس زيها ...قعدت اضحك عليهم كانوا شايفين تورتة كبيرة عليها صورتي ...حطوها علي التربيزة وهما بيقولوا:

-كل سنة وانتي طيبة يا بيبة 

ضحكت وعيوني دمعت وحضنت ماما ...اول مرة حد بفتكر عيد ميلادي ويحتفل بيه 

اتكلم حمزة وقال:

-كل سنة وانتي طيبة يا اشطر كتكوت 

ابتسمت بخجل ...وطفيت الشمع ...

قعدنا واحنا بناكل الكيك فجأة حمزة ساب الكيك وقرب مني وهو قاعد علي ركبته وقال:

- محبتش أجل الموضوع اكتر من كده انا كبرت وامي نفسها تفرح بيا وكنت مستني اللي تخطف قلبي ومحدش خطفه غيرك انتي❤ ...عشان كده يشرفني اني احبك و انك تكوني في حياتي ...عايزاكي تنوري قلبي زي ما نورتي حياتي بوجودك وقوتك ..

طلع من جيبه خاتم وقال:

-تتجوزيني يا اشطر كتكوت❤

ضحكت وبكيت وقولت:

-لو وعدتني انك تعملي المكرونة بشاميل اللي بحبها هتجوزك ❤

-ايه الطفاسة دي يا ناس

ضحكنا كلنا ...وفكرت غريبة ان اقرب ما ليك يتخلي عنك ..والغريب هو اللي يمسك ايدك ..حمزة مسك ايدي وانا قررت اني مش هسيب ايده ابدا ...انا معاه للنهاية❤

تمت

تعديل المقال