رواية بعت نفسي الفصل الثالث والرابع بقلم نسرين بلعجيلي
رواية بعت نفسي
رواية بعت نفسي بقلم نسرين بلعجيلي
رواية بعت نفسي الفصل الثالث بقلم نسرين بلعجيلي
البارت 3
الوقت دا مليكه كانت طالعه السلم وفتحت الباب
**مليكه مالكم صوتكم عالي اوي
**سها تعالي شوفي اخوكي بي مد ايدو عليا
**مليكه ليه يا عبد الرحمن ؟
**عبد الرحمن ماتشغليش بالك انت ادخلي ريحي واتعشي
**مليكه ارتاح ازاي ؟ مين أمتي بتمد ايدك عليها حصل ايه ؟اوعي يا بت تكوني عامله مصيبه ؟؟
**سها وهي بتعيط انا عارفه انك على طول في صفو
وراحت دخلت اوضتها
**مليكه قولي اختك عملت ايه؟؟
**عبد الرحمن مافيش نفس الموال بتاعها عصبتني ماقدرتش اسمعها بتقول كلام وحش عليكي
**مليكه بس مش بي الضرب انت راجلنا واللي بيحمينا ماينفعش تمد ايدك عليها ارجوك ادخل صالحها بي كلمتين
وانا حادخل اكل و اتوضي واصلي
عبد الرحمان قرب منها وباس راسها
**عبد الرحمن ربنا يخليكي لينا
راح دخل اوضه عندها لاقاها بتعيط
**عبد الرحمن مايهونش عليا دموعك يا سها انا اسف والله
**سها انا عايزاك تحكيلي اللي حصل لمليكه
**عبد الرحمن حبيبتي ماقدرش احكيلك حاجه تخص مليكه خاصه انها مابتحبش تتكلم فيه كل السنين دي اختك مجروحه اوي ومضلومه وساكته
سها اختك اشرف من الشرف وقعت في ايدين ناس مابترحمش
**سها انا كنت صغيره بس فاكره طشاش هو ابو خالد وخلود لسه عايش ؟؟
**عبد الرحمن اظن اه والله يا سها طول السنين دي عمري ما فتحت معاها القصه دي خلاص بالنسبه لينا هو مات
**سها هو سر ولا ايه هي مش من حقها تحرم ولادها من ابوهم
هنا دخلت مليكه
**مليكه ايه اتصالحتو ؟؟
**عبد الرحمن اه طبعا
**مليكه الحمدلله
**سها انا ...
**عبد الرحمن قاطعها بسرعه خلاص يا سها نامي وسيبي اختك كمان ترتاح راجعه تعبانه من الشغل
**مليكه انا سمعت كلامكم عايزه تعرفي ايه يا سها ؟
**سها حكايتك كلها
**عبد الرحمن وبعدين معاكي
**مليكه من حقها تعرف عشان تبطل نضره الشك اللي باشوفها في عنيها
انا حاعمل شاي وحاطلع البلكونه اشم هواء لو عايزين تعرفو القصه تعالو بس بشرط اخر مره حاتكلم في الموضوع دا
في قصر الشرقاوي
كانت كامليا لابسه قميص نوم مغري جدا و مجهزه العشا بعد ما اتصلت بيه وعرفت انو طلع من الشركه
دخلت عليها عصمت
**عصمت ايه دا ايه دا ؟
**كامليا ايه رأيك ؟
**عصمت قمر يا بنتي يلا اتجدعني كده وجبيلنا الحفيد اللي نفسنا فيه
**كامليا ثوثرت ايه من اول مره كده
**عصمت لا ما انت حاتتغيري وتفضلي ورا جوزك لحد ما تحملي خودي دا حطيه في العصير
**كامليا ايه دا ؟؟
**عصمت دي الحبايه الزرقا مطحونه ايه نسيتها
**كامليا ماما من فضلك انت كده بتهنيني يعني ايه احط لجوزي منشطات جنسيه عشان يقرب مني ؟؟
**عصمت اعملك ايه البعيد ماعندوش دم خالص ولا بحس انت ناسيه انك خلفتي ملك بسبب الحبوب لو عليه هو مش شايفك قدامو خالص
**كامليا خلاص يا ماما انت السبب في كل حاجه
**عصمت انا السبب ؟؟ لولايا انا كنت اتفضحتي انا خليتك تتجوزي راجل ستات مصر حاتموت عليه بس انت اللي خايبه مش مخلياه يشوفك بصي انا زهقت منك ومن ابوكي ومن عمايلكم
ادهم وصل القصر وطلع علي طول اوضه ملك
**ادهم ايه دا انت لسه صاحيه؟؟
**ملك ايوه يا بابي عشان اشوفك انت وحشتني اوي اوي
**ادهم راح جنبها السرير وحضنها وانت كمان يا ملوكه وحشتيني اوي اوي
**ملك بابي انا عايزه اروح الملاهي معاك
**ادهم حاضر حبيبتي اوعدك يوم الاجازه نروح
**ملك انا وانت وبس
**ادهم ليه حبيبتي مامي حاتروح معانا
**ملك لا مش عايزه
** ادهم ليه يا حبيبتي ؟
** ملك عشان مامي مش حاتكون فاضيه وتفضل تنفخ وتتعصب علينا مش حانعرف نلعب علي راحتنا
**ادهم بحزن شديد حاضر حبيبتي
**ملك هو ليه مامي مش بتحبني؟
**ادهم مين قالك كده هي بتحبك
**ملك بعدت منو لا يا بابي هي مش بتحبني علي طول بتعاملني وحش
**ادهم مامي بس تعبانه شويه انا حاتكلم معاها
**ملك انت احلي بابي في الدنيا
**ادهم يلا يا حبيبتي نامي انا راجع تعبان
حضنها عشان ينيمها
وسرح في الماضي
ياتري لو فضلت موجوده في حياتو وكانت ملك بنتها حاتكون ازاي معاها
ولا حياتو كانت حاتكون ازاي ليه عملت كده؟ ليه هربت ؟ راحت فين؟
صحي من سرحانو لما دخلت كامليا
**كامليا حبيبي انت نمت ؟
**ادهم معلش وقام راح اوضه
راحت وراه
ادهم شاف الاوضه كلها شموع و ورد احمر
واخد بالو من كامليا
**كامليا حبيبي حضرت ليك الحمام
**ادهم كمان ؟!
**كامليا ليه مستغرب ؟
**ادهم طبيعي استغرب مش عوايدك
**كامليا قربت منو وحطت ايديها علي رقبتو
حبيبي من انهارده اتعود
**ادهم ماشي وشال ايديها ودخل الحمام
يعمل دوش وهو مش عارف يعمل ايه معاها
طول السنين دي ماعرفش يحبها بعاملها كويس عشان هي بنت عمتو وام بنتو اللي بموت فيها رغم انو مستحمل كثير من تصرفاتها
كامليا فضلت رايحه جايه في اوضه ومتعصبه من بروده تصرفات ادهم
و قررت تحط من المنشط الجنسي في الأكل و العصير وخبتو في دريسينك في صندوق مجوهراتها
جناح ادهم اكبر جناح في القصر كلو
متقسم تقسيمه مودرن بلكونه كبيره عليها زرع و ورد كثير و وكرسي مرجيحه وطربيزه وكراسي لان ادهم بحب يشرب قهوتو علي طول في البلكونه
في وسط جناح سرير كبير لون ابيض من افخر محل موبيليا حمام كبير متقسم لي 3
مكان الدش ومكان بانيو كبير بي جاكوزي
ومكان حوض كبير
جنب الحمام فيه دريسنك الهدوم و تسريحه كبيره بتاعت كامليا
وعلي اليمين دريسينك ادهم
وفي ناحيه البلكونه مكان التليفزيون شاشه كبيره و طقم كنب في الاسود و الابيض
جناح هادي كلو من اختيار ادهم
طلع ادهم راح دريسنك لبس بيجامه حرير في اسود
وقعد علي كنبه عشان يتعشا
**كاميليا نعيما حبيبي
**ادهم شكرا
**كامليا حبيبي انت ليه ناشف معايا ؟؟
**ادهم ممكن نتعشا و اوعدك حانتكلم في كل حاجه
عند مليكه كانت مثوثره جدا جدا
**سها حبيبتي انا اسفه اوي اوي ان فتحت الموضوع دا
**مليكه انا قررت احكي ليكم عبد الرحمان كان عارف شويه
وانت من حقك كمان بس زي ماقلت اخر مره نتكلم فيه واياكي ولادي يعرفو حاجه
**سها حاضر والله ما حاقول حاجه خالص طول عمري عندي اسئله كثير رفضك انك تتجوزي خوفك علينا وعلي اولادك هروبنا من اسكندريه
**مليكه جابت المصحف
و حطت ايديها فوق المصحف
اقسم بالله العظيم اي كلمه حاقولها ماحكذب فيها وربنا شاهد عليا
**عبد الرحمن حبيبتي من غير ماتحلفي
**سها اسفه اوي اوي خلاص باين الموضوع بيتعبك مش عايزه اعرف حاجه انتي اللي ليا انت امي اللي بترمي في حضنها
**مليكه عشان كده لازم تعرفي الحقيقه عشان تخافي علي نفسك وتعرفي اننا عايشين في غابه
لما ابونا مات روحنا عند خالنا وطبعا عمي اكل حقنا في الارض وكان عايز بجوزني ابنو
هربنا علي الاسكندريه
رواية بعت نفسي الفصل الرابع بقلم نسرين بلعجيلي
البارت 4
امنا الله يرحمها نزلت تشتغل وانا كنت بساعدها
اجرنا اوضه فوق السطوح
الامور كانت ماشيه يعني دخلتكم المدرسه وروحت الجامعه كان نفسي اكمل تعليمي امنا ابتدت تتعب شويه وكنت بتحايل عليها تروح تكشف بس هي مكانتش بتردا عشان الفلوس احنا يادوب كنا بناكل طقه وحده في اليوم ومع مصاريفكم مكناش بنعرف ندفع ايجار
قررت انزل اشتغل اليوم كامل واروح الجامعه في امتحانات
دورت كثير كنت بروح امسح سلالم وانضف بيوت كان عمري ساعتها يادوب مكمله 18 سنه لحد ما لاقيت شغل في مطعم سمك قبلوني
امورنا اتزبطت شويه من اول مرتب شهري دفعنا اللي علينا في ايجار و للبقال وكل الي كنا مستلفين منهم
اصريت علي امنا انها ماتشتغلش وكفايه مرمطه بس هي مارضيتش
شغلي كان صعب شويه من الصبح لحد بليل كنت برجع هلكانه علي الاخر
في اول كنت بشتغل في المطبخ لحد ما في يوم طلب مني صاحب المطعم اطلع بره اخد اوردرات
ولازم البس يوني فورم
كان عباره عن جيبه ضيقه لحد ركبه لونها اسود و قميص ابيض مع فيونكه سوده وجزمه كعب عالي
ماكنتش عايزه بس هو اصر عليا وطبعا ماينفعش ارفض والا يطردني
كنت خايفه جدا لاني كنت بسمع إن الزبائن بترخم علي البنات وانا ماليش في في الجو دا
بس قولت دا شغل واكل عيش
نزلت وابتديت اتعلم شويه شويه بس كنت مديه وش الخشب
الشغل زاد عليا لاني بفضل واقفه كثير بس كنت بحمد ربنا انو علي اخر اليوم بكون معايا بقشيش من الزبائن وكنت بجيب ليكم بيها حاجات احيانا كنت باخد بواقي الاكل من المطعم ونتعشا بيه الحمدالله امورنا اتحسنت شويه
صممت اخد امنا لدكتور عشان اطمن عليها
روحنا كشفنا وطلب مننا نعمل تحاليل
وطبعا التحاليل دي غاليه
اخدت سلفه من الشغل ونزلنا عملناها وقال لينا علي بليل النتيجه حاتطلع
بصراحه كنت خايفه اوي اوي لان الدكتور من وشو مكانش بي طمن
اليوم دا كانت حاترجع لدكتور لوحدها عشان انا كنت شغاله واستئذنت من الشغل بس صاحب المطعم مارضيش خالص عشان كان فيه عشاء عمل وفي
حجز طربيزه كبيره واختارني انا اللي اخدم عليها مع بنت تانيه
الوقت دا كنت في المطبخ بجهز طلبيه لحد ما امي اتصلت بيا
********فلاش باك ************
**نعمات الو يابنتي فينك انا عند داكتور
**مليكه معلش ياما مش حاقدر خالص اطلع عندي شغل كثير جدا
**نعمات ودا كلام يا ضنايا اعمل ايه هو عايزك
**مليكه خلاص ياما ادخلي الكشف واتصلي بيا اكلم الدكتور
بعد 20 دقيقه الوفد وصل وراحو قعدو علي الطرابيزه وانا كنت مستنيه اتصال امي
زميلتي شروق كانت معايا وهي اللي حتساعدني بنت شمال كانت ساكنه في الحاره معانا بنت لعوب كده وبتشاغل الزباين
سبقتني طلعت تشوف طلباتهم وانا كنت بكلم الدكتور
**مليكه خير يا دكتور طمني ؟
**الدكتور بصي يا بنتي امك كان عندها عيب خلقي في صمامات القلب
ودا سبب ليها انسداد في صمامات محتاجه راحه تامه ممنوع اي مجهود خالص حاطلع ليها علاج تمشي عليه ولازم تعملو اشاعه و رنين مغناطيسي ضروري
**مليكه والحاجات دي غاليه ؟
**الدكتور طبعا يا بنتي بس ضروري جدا عشان اتاكد بس نسبه انسداد ومن تعب والدتك انا شايف انها محتاجه عمليه
**مليكه اتخضت عمليه ؟؟
**الدكتور ايوه يا بنتي عشان نعالج انسداد
عشان كده عايزين نعمل اشاعات
**مليكه ولو قدر الله في عمليه هي تكلفتها كام ويمكن نعملها في مستشفي حكومي؟؟
**الدكتور العمليات دي بتكون في مستشفى خاصه وبتكون مكلفه تقريبا ما بين 80 الف جنيه لحد 100 الف جنيه
**مليكه يا نهار اسود احنا غلابه يا دكتور حانجيب منين
**الدكتور يا بنتي دا كلام سابق لي اوانو انا بس بشرح بس اهم حاجه العلاج تلتزم بيه
**مليكه حاضر
قفلت معاه والدنيا ابتدت تلف بيا
اعمل ايه اجيب منين
يارب يجيب العواقب سليمة
**صاحب المطعم مليكه بتعملي ايه ؟؟
**مليكه معلش انا طالعه اهو
**صاحب المطعم واقفه عندك كده ليه وسايبه شغلك يلا اطلعي انجزي
**مليكه حاضر
طلعت وياريتني ماطلعت حياتي اتشقلبت
**شروق يلا يابنتي خودي الصينيه القهوه
اخدت الصينيه القهوه وانا ماشيه خبطت في واحد طول بي عرض القهوه ادلقت عليه
**مليكه انا اسفه يا فندم
**ادهم ايه عاميه ايه القرف دا
**مليكه معلش ماكنتش اقصد
**ادهم انتو ازاي تشغلو ناس غبيه كده
**مليكه يا فندم بلاش الغلط انا اعتذرت
**ادهم اعمل ايه بي اعتذارك انت شايفه انت عملتي ايه ؟؟
هدومي اتبهدلت
**مليكه والله العظيم مكان قصدي حضرتك كنت جاي عليا ودخلت فيا
**ادهم كمان بتكذبي
**مليكه بعد ما تعصبت ما تحترم نفسك بقا اعتذرت ليك ايه مش مكفي
**ادهم مش مكفي عشان انت قليله الادب
بصوت عالي هو فين صاحب المطعم
مليكه اتخضت عشان عارفه رخامتو
**مليكه خلاص يا بيه انا والله اسفه لحضرتك
**اكرم في ايه يا ادهم صوتك عالي والناس مستنين
**ادهم شوف منضري بسبب الغبيه دي
**مليكه استغفر الله
يا استاذ قولتلك اسفه
**ادهم حاعمل ايه بي اسفك
**اكرم خلاص يا ادهم عندي بدله احتياطي في العربيه حاروح اجيبها البس وانجز الناس مش فاضيه
**مليكه اهو صاحبك حلها من عندو اوعي كده من طريقي خليني اشوف شغلي
ايه البلاوي اللي بتتحدف علينا
وراحت وسابتهم
دخلت المطبخ
**شروق يخرب بيتك عملت ايه ؟
**مليكه مش عارفه الجدع دا طلعلي منين
** شروق دا ادهم بيه اللي حاجز الطرابيزه ليليتنا سوده
**صاحب المطعم اتفضل يا بيه المكتب نتفاهم
** ادهم ايه القرف دا اللي انت مشغلهم هنا
**صاحب المطعم معلش البنت غلبانه ولسه جديده
امسحها فيا
**اكرم اهو يا سيدي اتفضل
**صاحب المكتب تعالا عندي المكتب في حمام ممكن تدخل تعمل دوش وتغير هدومك
دخل ادهم المكتب
وهو قرفان ودخل الحمام
**ادهم ايه القرف دا
صاحب المطعم راح عند مليكه بهدلها وهددها بي الطرد
**مليكه ابوس ايدك انا محتاجه الشغل دا انا والله اعتذرت ليه بس هو شايف نفسو حبتين
** صاحب المطعم يلا انجري شوفي شغلك
اكرم راح عندو المكتب
**اكرم يلا يا ادهم المندوب عايز يمشي
**ادهم اهو خلاص خلصت الزفته دي عصبتني
**اكرم معلش البت عيله واعتذرت ولسه جديده في الشغل حاتحطها في دماغك
**ادهم مستفزه اوي
**اكرم هو في حد مستفز قدك يلا يابني
وراحو قعدو
**شروق يخربيت جمالو شايفه حلاوتو ولا هيبتو
**مليكه هو مين ؟؟
**شروق اللي دلقتي عليه القهوه
يلا انا رايحه اشوف طلابتهم وانت خفي شويه وفكي وش الخشب شويه
**مليكه حاضر
راحت شروق اخدت الطلبات ورجعت
**شروق يلا خدي القهوه بعد ما الاكل يجهز
**مليكه ماتخديها انت
**شروق يلا يابت
اخدت الصينيه القهوه وراحت حطت القهوه
**ادهم ايه دا ؟؟
**مليكه قهوه حضرتك
**ادهم انا ماطلبتش قهوه
**مليكه معلش
رجعت الفنجان ورجعت
**اكرم خف علي البت
اتكلمو في الشغل
لحد ما خلص السمك
اخدتو مليكه الطرابيزه
مليكه كانت متوثره جدا وخايفه علي امها وهي بتحط الاكل سمعت الملايين ببتتشاير وهي مش معاها ثمن المواصله
حطت طبق شربه السيفود
ادهم بحركه منو الشوربه ادلقت
**ادهم لا لا انت حد موصيكي عليا
وهو بزعق
**مليكه حضرتك اللي اتحركت
**ادهم اه زي القهوه
**اكرم خلاص اهدا يا ادهم
**ادهم اهدا ازاي انت مش شايف بنطلوني
**اكرم فتحي يا بنتي شويه
**مليكه والله مش قصدي
**ادهم غوري من وشي يلا
راحت مليكه
**رجل اعمال معلش يا ادهم بيه خلينا ناكل
**رجل اعمال تاني انهارده مش يومك
**ادهم عن اذنكم اروح الحمام