رواية بعت نفسي الفصل الاول والثاني بقلم نسرين بلعجيلي

رواية بعت نفسي

رواية بعت نفسي الفصل الاول بقلم نسرين بلعجيلي

البارت 1

في قصر الشرقاوي

علي السفره الفطار

_ادهم صباح الخير يا جدو

_رحيم صباح الخير يابني مراتك فين؟

_ادهم بتنهيده المدام يا جدي راجعه وش الفجر من سهرتها مش حاتصحي دلوقتي وحتي لو صحيت حاتعمل ايه يعني

_رحيم انا اسف يابني خليتك تتجوزها غصب عنك

_ادهم ياه يا جدي انت بتعتذر مني وفهمت أنو كان غصب عني

_رحيم يا بني انت مش بس حفيدي انت اغلي حاجه عندي حتي من ولادي اللي مش بيسالو عني

_ادهم جدي ارجوك حاول تصلح علاقتك بي عمامي بلاش تسمع كلام عمتو

_رحيم قولي ولاد عمك لسه علي تواصل معاك؟؟

_ادهم الحمدلله علاقتنا فضلت كويسه من غير اكرم وفارس وعدني انو ينزل مصر

_رحيم بجد يابني

_ادهم اه يا جدو كفايه علاقتي اللي بازت مع اكرم

_رحيم ماتجيبش سيرتو قدامي

_ادهم ليه؟؟ عشان ...

_رحيم بعصبيه اه عشان كان بدور عليها ويملا رأسك بكلام فارغ

_ادهم ليه يا جدي مايمكن كلامو صح

عصمت كانت نازله من فوق

_رحيم قفل علي الموضوع عمتك نازله

_عصمت صباح النور عليكم

_ادهم صباح الخير

_رحيم جوزك فين ؟

_عصمت نزل بدري عندو شغل كثير

_رحيم بنتك كانت سهرانه فين؟

_عصمت عادي وحده من الشله كانت عامله حفله

_ادهم بقولك يا عمتي وحماتي كلميها عشان انا زهقت وقوليلها تخلي بالها من بنتها اللي رامياها مع الدادا

عن اذنكم رايح شغلي

وطلع من القصر

**عصمت عاجبك كلام حفيدك المدلل ؟؟

**رحيم عندو حق يا بنتي انت مش شايفه تصرفاتها كفايه دلع فيها كفايه انها مش عارفه تجيب ليا حفيد تاني دا حتي بنتها مش عارفه عنها حاجه

**عصمت بعصبيه ايه يا بابا حفيدك شحنك علي بنتي وبعدين الخلفه من عند ربنا بنتي مالهاش يد فيها وكمان حفيدك مش مدي وش لبنتي بيهملها جدا ومش مديها حقوقها الشرعيه حاتخلف منو ازاي

رحيم ضحك بطريقه مستفزه

**رحيم بتتكلمي علي الحقوق هو عارف يتلم عليها وهي علي طول سهرانه ومش واخدا بالها من جوزها كفايه انو اتجوزها غصب عنو ومحافظ عليها ومدلعها بنتك حياتها سفر وسهر واخر اهتمامها جوزها وبنتها كفايه انو مستحمل كل دا لو راجل تاني كان كل يوم مع ست شكل

**عصمت لا والله هو دا اللي ناقص بنتي مستحمله ادهم بكل قرفو وعقدو في الدنيا من ساعه ما ...

**رحيم خلاص كفايه انا طالع عندي اجتماع مهم

**عصمت اجتماع ايه؟؟

**رحيم اسألي جوزك

سلام عليكم

في بيت الرشيدي

**مليكه يا سها اصحي بقا

**سها اوف سيبيني انام

**مليكه يا بنتي مش قولتي عندك انترفيو يلا يبقا

وطلعت من اوضه

**عبد الرحمن لسه مش عايزه تصحي؟

**مليكه لا المصيبه عندها انترفيو

**عبد الرحمن معلش يا حبيبتي تاعبينك معانا

**مليكه لا والله يلا يا بكاش

**خالد صباح النور يا مامي

**مليكه يا صباح الفل والعسل علي احلي خالودي في الدنيا اختك فين ؟

**خلود راحت تجري علي مليكه حضنتها صباح الورد يا مامي

**مليكه يا خواتي علي احلي بنوته

يلا علي الفطار

**مليكه حبيبي النهارده عندي ورديه و حتأخر شويه يعني لو ينفع تيجي بدري البيت عشان الولاد انت شايف سها اخاف تصحي وتنزل وتنسا زي عوايدها

**عبد الرحمن ان شاء الله

**مليكه مافيش جديد في الشغل ؟؟

**عبد الرحمن والله لسه انا دفعت في كدا شركه ومستني

عارفه ان الشركه تغير نشاط في اخر لحظه و يستغنو عننا

**مليكه الخير في ما ختاره الله ماتقلقش ربنا حايكرمك من وسع دا انت احسن مهندس ميكانيكا فيكي يا مصر

**عبد الرحمن بضحك ربنا يخليك ليا علي طول بتشجيعيني

**مليكه انت الراجل اللي طلعت بيه من الدنيا

**خالد كده يا ست ماما هو انا مش مالي عينك

**مليكه بضحك لا يا حبيبي انت راجل وسيد الرجاله

يلا يا حبايبي عشان ما نتاخرش علي المدرسه

عبد الرحمن انا صحيت بدري وعملت ليكم الغدا انت تسخنو وتتغدو من غير ما تستنوني

انت عارف انهارده جرد المحل

**عبد الرحمن ربنا معاكي اسف تقلت عليكي في المصاريف والله اول ما اشتغل

**مليكه من غير ما تكمل انت طول عمرك جنبي وبتساعدني وحتي لما كنت شغال بتصرف معايا

يلا حبايبي عشان نمشي

في شركه الشرقاوي

**ادهم مافيش اخبار ؟؟

**طارق سكرتير شخصي لي ادهم

لا يا ادهم بيه

**ادهم حاتجنن طول السنين مش عارفين نوصل لي حاجه

**طارق معلش يا ادهم بيه ماضي وخلص

**ادهم بسهوله دي اكيد جدي ليه ايد في الموضوع دا

**طارق اعمل ايه دلوقتي ؟؟

**ادهم سألت في البلد ؟؟

**طارق سألت ومافيش حاجه جديده والله يا ادهم بيه انا مش ساكت

**ادهم مش حوصيك الكلام دا يفضل بينا

**طارق اكيد يا ادهم بيه نسيت اقولك بعد ساعتين في اجتماع ورحيم بيه حايحضر

**ادهم غريبه

ماقاليش حاجه خالص

طيب امشي انت دلوقتي وشكرا علي كل حاجه

في القصر

**عصمت كامي يلا اصحي

**كاميليا يوه يا ماما سيبيني

**عصمت قومي بقا عايزاكي في موضوع مهم

**كامي بعدين يا ماما

**عصمت بصوت عالي قومي يلا

**كامي في ايه الواحد مش عارف يرتاح في الزفت دا

**عصمت زفت علي دماغك يلا قومي خودي دوش فوقي وانزيليلي الجنينه

بعد ساعه نزلت

**عصمت كل دا عشان تنزلي

**ملك مامي وحشتيني

**كامليا حلي عن دماغي انت كمان

**عصمت انا اتجننت ازاي تكلمي بنتك كده

**كامليا اوف يا ماما انا راسي بيوجعني ماشبعتش نوم

بصوت عالي انت يا زفته جبيلي فنجان قهوه

**عصمت يا دادا تعالي خدي ملك اوضتها

**كامليا في ايه يا ماما؟؟؟

**عصمت في ان جوزك بيشتكي منك وكمان جدم اداني درس في الأخلاق

**كامليا وايه الجديد

**عصمت الجديد ان شكل ادهم عرف حاجه عن الماضي وبدور فيه وانت فاهمه وانا فاهمه

**كامليا انت بتقولي ايه؟؟

**عصمت بقولك انك نايمه علي وذانك ونسيتي جوزك مش هو دا ادهم اللي كنتي حاتموتي عليه وانتحرت عشانو ولا خلاص وصلت اللي انت عايزاه

**كامليا عمرو ما حايوصل لي حاجه ماتخفيش خلاص انا حاتصرف ماما ادهم ما بحبنيش حاولت كثير معاه انت ماتعرفيش هو صعب قد ايه

**عصمت رغم ان شايفه العكس جوزك بيحترمك عمرو ماقل من احترامو ليكي قدامنا عايشه عيشه الكل بيحسدك عليها بتسافري وتطلعي لحد مانسيتي انك ام انت عارفه ايه عن بنتك ؟

قوليلي اخر مره سافرتي مع جوزك ؟ ولا طلعت معاه

سيبك من دا كلو

أمتي اخر مره كانت بينكم علاقه ؟؟

**كامليا مش عايزه افتكر هو انت فاكره اني مبسوطه ادهم انا مش فارقه معاه خالص مش بعيد بكون بخوني ولا متجوز عليا

**عصمت متخافيش مش بخونك انا عامله مراقبه عليه ولا متجوز عليكي

بس مش بعيد يتجوز ما جدك عايز حفيد عايز وريت ليه فوقي يا بنتي

**كامليا ماما هو انت بتهزري ؟ انت عارفه وانا عارفه ليه تفتحي الموضوع دا

**عصمت ما عشان عارفه لازم نتصرف

**كامليا قولتلك حاتصرف

**الشغاله القهوه يا مدام

**كامليا بعصبيه اتاخرتي ليه ؟؟

**الشغاله معلش اصل ادهم بيه اتصل كان بيسال ادا صحيتي ولا لا

**كامليا ماشي يلا غوري

**عصمت شوفتي بقا يكلم الشغاله عشان يسأل عليكي

**كامليا اشرب قهوتي واطلع اغير اروح عندو الشركه واعزمو علي الغدا

**عصمت كامي انت اللي ليا في الدنيا ماتخليش اللي عملناه يروح كده

اعقلي خففي سهرك وحاولي ترجعي علاقتك بيه

****************************

ايه رايكم في اول بارت ؟!؟!

رواية بعت نفسي الفصل الثاني بقلم نسرين بلعجيلي

البارت 2

**كامليا حاضر يا ماما حاقوم البس

طلعت كامليا اوضتها اخدت دوا شربتو ولبست ونزلت راحت الشركه

في الشركه

قاعه الاجتماع

**ادهم ايه رأيكم نفتح فرع في القاهره ؟

**رحيم مش كثير عليك الشغل كلو ؟؟

**ادهم بعد اذنك طبعا عايز فارس واكرم يمسكو معايا الشغل

**رحيم وانا معاك بس اكرم مش فاهم ازاي

**ادهم لو سمحت ليا عايز اعمل الفرع بفلوسي واكرم لازم يرجع

**رحيم ضحك فلوسي وفلوسك واحد

بس انت ضامن ان الفرع حايشتغل كويس وكمان اكرم يرجع ؟؟

**ادهم اكيد انا دارس الملف كويس واكرم ربنا يسهل

**رحيم انت ناوي علي ايه ؟؟

**ادهم كل خير

**رحيم وصلت لي حاجه ؟؟

**ادهم لسه

فضلو في الاجتماع لما خلصو ادهم راح المكتب استقبلتو كامليا

راحت حضنتو

**كامليا حبيبي وحشتني

ادهم فضل واقف من غير مايبدلها الحضن

**ادهم وحشتك ليه كنت مسافر ؟؟

**كامليا انا اسفه حبيبي انشغلت عليك الفتره اخيره

**ادهم ياه انشغلتي بقالك كم سنه

وبعدها عنو

راح قعد في المكتب

عايزه ايه ؟؟

**كامليا ممكن نتغدا مع بعض ؟

**ادهم ليه؟؟

**كامليا يعني ايه ليه؟؟

**ادهم ليه عايزانا نروح نتغدا مع بعض لخصي وقولي عايزه ايه وكام اصلي لسه مخلص اجتماع ومصدع

**كامليا بنرفزه في ايه يا ادهم انت ليه بتعاملني كده علي فكره انا مراتك و ام بنتك

**ادهم بجد ماكنتش عارف كويس انك فكرتيني

**كامليا ادهم كفايه استفزاز

**ادهم وطي صوتك وانت بتكلميني

**كامليا انت ليه مش طايقني كده ؟؟

**ادهم من عمايلك السوده ممكن تقوليلي ايه اللي كان في حفله امبارح ؟؟

**كامليا عادي حفله زي اي حفله

**ادهم ماتنسيش انك متجوزه ادهم الشرقاوي وأنك ام

الحفلات دي مشبوهه وحظرتك الف مره

**كامليا انت بتقول ايه ؟؟ مشبوهه ازاي ؟؟

**ادهم بصوت مرتفع كامليا ماتستعبطيش عليا انت عارفه ان شلتك بيشربو وبياخدو مخدرات

**كامليا بس انا ماليش دعوه

** ادهم تنكري انك كنت شاربه امبارح ؟

انا ساكت ليكي مستني اخرك

** كامليا اوف تعبت منك يا ادهم

**ادهم الشعور متبادل

**كامليا ادهم انا بحبك وتعبت من معاملتك عاجبك حياتنا ؟؟

**ادهم لا واتكلمت معاكي كثير بس انت مش عايزه تتغيري كل اللي يهمك نفسك وبس

**كامليا اوعدك يا حبيبي اتغير بس انت كمان لازم تتغير

**ادهم ان شاء الله انا مشغول دلوقتي

**كامليا طيب ممكن نتعشا مع بعض

**ادهم كامليا خلي بالك من بنتك حاولي ترجعي البيت وماتطلعيش و

خليكي مع ملك وبليل نطلع نتعشا

**كامليا حاضر حبيبي

في القاهره

في محل لبس شيك بتشتغل فيه مليكه

**مروي مالك يا بنتي سرحانه كده ليه ؟؟

**مليكه الحمل تقل عليا جامد مابقتش حمل مصاريف

**مروي سيبيها علي الله يا بنتي اخواتك كبرو لازم يعتمدو علي نفسهم شويه

حاتفضلي تصرفي عليهم لحد أمتي انت عندك طفلين محتاجين كل قرش

**مليكه اخويا ربنا يكرمو لما كان شغال كان بساعدني بس البت سها قطمت وسطي والله

**مروي انت دلعتيها زياده عن اللزوم البت كبرت تنزل تساعدك فيها ايه لو اشتغلت معاكي هنا في المحل لحد متلاقي شغل اللي هي عايزاه

**مليكه مارضاش انها تتبهدل

**مروي وانت تتبهدلي وياريت بيتمر فيها دا حتي شغل البيت مش بتساعدك فيه

**مليكه انا اتعودت علي المرمطي والتعب

**مروي انا اسفه حاقولك كلمتين محشورين في زوري

روحي لي اهل اولاد يساعدوكي

**مليكه بخضه ارجوكي قفلي علي الموضوع دا

**مروي يا حبيبتي انا عايزه مصلحتك اكيد ولادك حايكون ليهم ورث من ابوهم مش قولتي ان عيلتو غنيه

**مليكه ايوه ومش بعيد ياخدو ولادي مني

**مروي ياخدوهم ازاي ؟؟

**مليكه يابنتي دول ناس واصله ياخدو ولادي يربوهم وانا ماليش غيرهم بالله عليكي قفلي علي السيره دي

**مروي والله انت صعبانه عليا اوي اوي

**مليكه الحمدالله انا راضيه بنصيبي

يلاه حاطلع المخزن افرز السلعه لما تخلصي حصليني

طلعت مليكه المخزن وهي حزينه افتكرت كل اللي حصل ليها من 10 سنين

ودموعها نزلت

افتكرت لما ابوها اتوفي في قريه في اسوان وهي عندها 16 سنه.

اخواتها صغيرين وازاي عمامها اكلو حقهم في الارض و الورت

وراحو عاشو عند خالها في المنصوره

وابن عمها كان عايز يتجوزها وهربو علي الاسكندريه اجرو اوضه فوق السطوح

وكانت امها نعمات تنزل تمسح السلالم وتشتغل في البيوت عشان تصرف عليهم

ودخلت الجامعه وكانت من المتفوقين وتنزل تساعد امها في الشغل لحد ما نعمات ابتدت تتعب

ومابقتش تقدر علي الشغل

وكانت بتقاوح

**مليكه ياما انت تعبانه لازم نروح نكشف

**نعمات ماتشغليش بالك بيا يا بنتي حابقا كويسه ان شاء الله ماتنسيش لازم ندفع ايجار

**مليكه انا حاكلم صاحب البيت يصبر علينا شويه

**نعمات كفايه يا بنتي صبر علينا كثير راجل مالوش ذنب

**مليكه طيب ياما حادور علي شغل عشان اساعدك

**نعمات وجامعتك يابنتي ؟

**مليكه متخافيش حازبط اموري اشتغل واروح الجامعه في امتحانات يلا ياما اطلعي ريحي وانا حاكمل الشغل بدالك

باك

**مروي مليكه مالك ؟؟ الولاد كويسين ؟؟

**مليكه امي وحشتني اوي اوي

**مروي ربنا يرحمها ادعيلها كثير

**مليكه بدعيلها والله اللي مزعلني انها ماتت بسببي و زعلانه مني

**مروي ماتقوليش كده دا انت نسمه ماحدش يزعل منك

**مليكه اه يا مروي قلبي محروق اوي اوي اتعذبت كثير في حياتي

**مروي انت اللي غاويه شقا ماتتجوزي اوسطا حسن الراجل شريكي وبحبك وبحب ولادك

**مليكه ماينفعش اتجوزو

**مروي ليه يا بنتي ناقصك ايه دا انت قمر وبنت حلال ولسه صغيره ولادك محتاجين اب يحن عليهم واوسطا حسن حابهالك علي بلاطه انو عايزك في الحلال

**مليكه بس انا مش بفكر في الجواز

**مروي ليه بس ؟؟

**مليكه مش عايزه اجيب جوز ام لي ولادي وانا هدفي اربي ولادي كويس

**مروي انت غريبه اوي

**مليكه غريبه ليه؟؟

**مروي مش عارفه حاسه انو وراكي سر كبير مش عايزه تقوليه

**مليكه لا سر ولا حاجه مش انا اول ولا اخر وحده جوزها يموت وتربي عيالها

خلينا نخلص انا تعبانه انا صاحيه من 5 الصبح

في شقه مليكه

**عبد الرحمن كنتي فين؟؟

**سهي كنت مع صحابي

**عبد الرحمن يادي صحابك اللي طلعتلنا بيهم

يابنتي خلي عندك شويه احمر وساعدي اختك الغلبانه

**سهي اساعدها ازاي ؟

**عبد الرحمن مصاريفك كثرت انا سامعك الصبح انت بتطلبي منها 200 جنيه عشان تنزلي تقابلي صحابك مش قولتي انو كان عندك انترفيو شغل؟

**سهي راحت عليا نومه

**عبد الرحمن خفي علي مليكه شويه كفايه اللي هي فيه وكفايه اللي عملتو عشانا

**سهي بعصبية هي الاسطوانه دي مش حاتخلص حاتفضل تزلنا بيها انها باعت نفسها عشان خاطرنا وخاطر امنا اللي ماتت بسببها

**عبد الرحمن عيب الكلام دا

**سهي مش هي دي الحقيقه امك ماتت بسبب الفضيحه اللي عملتها اختك خلتنا نهرب من الاسكندريه في نصاص الليالي بعد ما دفنا امنا

Nisrine Bellaajili

عبد الرحمن اتعصب وضرب سهي بي القلم في وشها

**عبد الرحمن اخر مره تتكلمي علي اختك بي الأسلوب دا فضيحه ايه ؟ اختك اشرف من الشرف اللي حصلها مالهاش يد فيه وامنا قدرها تموت واختك اتحملت كثير كفايه انها ماكملتش دراستها ونزلت تشتغل و صرفت علينا لحد ما خلصنا الدراسه بتاعتنا اختك دي ضحت بي راحتها عشان انت تعيشي وتدرسي وتلبسي هدومك دي اختك بتدفعها بي التقسيط من مرتبها عشان انت تتفشخري بيهم قدام صحابك مستحمله دلعك وتمردك وقله ادبك معاها دا حتي الاوضه طمعتي فيها لوحدك بدل ماتسبيها لي خالد وخلود احسن حاجه ليكي انت دا شغل البيت مابتحطيش فيه ايدك

عايزه ايه ثاني ؟؟

تعديل المقال

موقع المجد للقصص والحكايات

رواية بعت نفسي الفصل الاول والثاني بقلم نسرين بلعجيلي