رواية فارس الحي الشعبي الفصل الرابع بقلم اميره اسامه
روايه فارس الحي الشعبي الفصل الرابع
رواية فارس الحي الشعبي بقلم اميره اسامه
رواية فارس الحي الشعبي
فارس الحي الشعبي البارت الرابع
في صباح يوم جديد تشرق شمس المعز علي ابطالنا...ونروح عند فارس...
صحي فارس من نومه الساعه 9صباحا خد لبسه ودخل خد شاور وخرج كان لابس بنطلون جينس وتيشيرت اخضر بلون عينه..وحط من البرفان بتاعه وظبط نفسه ونزل عند شقتهم..
نجوي...الباب بيخبط... حاضر ياسمين افتحي الباب
ياسمين . حاضر ياماما.
ياسمين... ابي فارس صباح الفل..
فارس.... حضنها... صباح الفل علي احلي ياسو فالدنيا..مش ناويه تبطلي كلمه ابي دي انتي والجزم اللي تحت دول انا كبرت يابت ولا ايه.🤔 .
ياسمين... كبرت ايه بس ده انت احلي واحد فالدنيا وبعدين ده انت الموز بتاع المعز كلها وكل البنات هتتجنن عليك وانت منفضلهم بس صراحه يعني انا اتعودت ومش عارفه اقول غير ابي
فارس... لا يا بكاشه اتعودي وبعدين صاحيه بدري يعني
ياسمين.. انت ناسي يا ابي فارس ان الدراسه فاضل عليها اسبوعين بس ..وصحيت بدري عشان هنزل انا وسمر وسما نجيب هدوم جديده..
فارس... نعم... مقولتيش يعني انك نازله..
ياسمين ..بخوف ولله يا ابي استأذنت من بابا وماما امبارح.
فارس... اه يعني عشان استأذنتي يبقي انا معرفش صح🤔.
ياسمين لا ولله مش كده بس انت امبارح اتغديت ونزلت ولحد ما احنا طلعنا مكنتش جيت ودخلت عالاوضه وبصراحه نمت ومحستش انت طلعت امته..حقك عليا
فارس.... ماشي ياستي عموما انا فعلا طلعت متأخر امبارح كان في شغل كتير ...بس علي فكره في موبايل .. بس هعديها المرادي .. المهم هتنزلي امته الساعه داخله علي عشره واكيد هتلفو كتير خلصي يلا عشان هخلي السواق يوصلكم..
ياسمين...😳😳🙆♀️🙆♀️🙆♀️لا ما هو يعني اصل.
فارس... نعم في ايه..
ياسمين ... عشان خاطري يا ابي فارس نروح احنا لوحدنا انا زهقت من حوار السواق ده هو احنا صغيرين نفسي امشي لوحدي واركب لوحدي واتعامل لوحدي..
فارس.. انا قولت اللي عندي كبرتي صغيرتي السواق هيوصلكم مفيش مرواح مكان لوحدكم انتو التلاته.. وضربها علي دماغها وبعدين حد لاقي راحه وميرتاحش..
ياسمين يا ابي فارس هنبقي متأيدين بيه وبعدين يعني لو حسينا اننا جعانين من كتر اللف هنسيبه يعني..
فارس... متأيدين هتشيلوه علي دماغكم مثلا وبعدين لما تجوعو ادخلو كلو وانا موديه معاكم عشان يدخل ياعد معاكم انا موديه يوصلكم المكان اللي تحبوه.. خلص الكلام
ياسمين ... بقله حيله...حاضر يا ابي
فارس... افردي وشك 🤨وخدي دول.
ياسمين... ايه دول يا ابي
.. فارس... ده ورق كوتشينه.. فلوس ايه مش شيفاها عشان تجيبي كل اللي يعجبك.
ياسمين ... بس بابا اداني كتير ولله انا مش عايزه.
فارس... بابا اداكي مليش دعوه.. ده مني انا عشان لو الفلوس مقضتش وعشان بقالكم كتير انتي والبلوتين اللي تحت مخرجتوش..
ياسمين.حضنت فارس... انا بحبك اوي ربنا يخليك ليا..
نجوي... الله الله عالصبح ايه الحلاوه دي صباح الفل يا حبيبي.
فارس...وراح علي نجوي باس دماغها... صباح الفل يا احلي نجوي..
نجوي... يلا اعد افطر..انا جهزت الفطار خلاص...وابوك بيصلي وخارج..وادهم فالحمام
ادهم... مين بينادي انا جيت اهو..
محمد والده... صباح الفل انا كمان خلصت..
فارس ... صباح الخير ياحاج وباس دماغه.
انا مش هفطر انا نزلت بس اصبح عليكم قبل ما انزل..
نجوي... اعد افطر يافارس مش معقول كل يوم متفطرش كده.وقهوه وسجاير عالريق
فارس... بيجز علي سنانه عشان مش بيحب ابوه يشوفه ولا يجيب سيره السجاير ادامه من باب الاحترام..
فارس...انا مش بحب افطر عالصبح..
والده ..وهو بيضحك عليه.. مالك وشك جاب الوان وبتجز لامك علي سنانك ما انا عارف انك بتشرب وانت عارف اني عارف..يلا تعالي افطر وبعدين روح لقهوتك وسجايرك وتعالي قولي ايه حكايه الناس اللي سكنو جديد دول..
فارس... حاضر واعد فارس يفطر معاهم ويحكيلهم عن. وجود رحمه وبناتها ..
في شقه .. عمه.. سمر..بابا يلا عشان نفطر بسرعه عشان الحق انزل بقي..
محمود... انا جيت اهو فين زين..
سمر... بيلبس وخارج.
زين ... انا جيت اهو يلا ناكل انا صاحي جعان جدا.
سمر... يلا يا حبيبي كل..
سمر ... بتبصلي كده ليه يا بابا.
محمود... بتفكريني بأمك ياسمر الله يرحمها كانت بتحب المطبخ اوي ومقضيه نص يومها فيه
سمر... الله يرحمها يابابا..يلا بقي كل عشان تنزل عمي هيعدي عليك.
زين.... نازلين امته..ياسموره
سمر... انا لابسه خلاص هفطر ولو محدش عدي عليا هطلع اجيب ياسمين ونعدي علي سما..وبعد اذنكم يعني ممكن نتغدي مع بعض انا والبنات..
محمود ... ماشي يا حبيبتي انا حاطتتلك ظرف عالتربيزه هناك ..في فلوس عشان تجيبي اللي يعجبك..
سمر... شكرا يابابا ربنا يخليك ليا.
زين...انا شبعت خلاص هقوم انزل انا بقي لحد ما فارس وادهم ينزلو عايزين حاجه..
محمود... لا يا ابني انا كمان خلصت وهستني عمك يعدي عليا عشان ننزل المصنع انهرده انا وهو.
وانا خلصت وهنزل اجيب سما ونطلع للبطيئه اللي فوق..
نزلت سمر لسماولقتها جهزت... رباب خلو بالكم من بعض.
سمر... متقلقيش ياعمتو انهرده اصلا احلي يوم هننطلق وهنروح لوحدنا..
رباب... مين ده مش هتاخدو السواق
سمر.... لا طبعا ولسه هتتكلم
سمعت صوت فارس من بره ومعاه ياسمين....
فارس هو ايه اللي لا طبعا... يلا يا حلوه انتي وهي السواق مستنيكم...
رباب ..مش قولتلكم فارس مش هيرضي
سمر...ليه بس يا ابي فارس
فارس... مفيش ليه هتنزلو انتو التلاته لوحدكم اخلصو مش هعيد المرشح اللي قولته لياسمين فوق.
سما عشان خاطري يا ابي فارس
رباب واقفه هتتشل من بنتها عشان بتقوله يا ابي وهي هتموت وتجوزهولها..
فارس انجزو يا سما عشان مأعدكوش خالص
جدهم وهو جاي... يلا يابنات اسمعو كلام فارس بدل ما يتعصب عليكم وانتو عارفين دماغه
سمر وياسمين وسما في نفس واحد ... لا وعلي ايه.. يلا بااااي
فارس... استنو... وراح لسما وسمر وطلع لكل واحده ظرف
سمر .وسما.. ايه ده يا ابيه
فارس... دي فلوس خلوها معاكم جيبو اللي انتو عايزينه
سما.. جدي اداني يا ابيه فارس
سمر ...وانا بابا اداني.
فارس... علي راسي جدي وعمي بس دي حاجه مني
انا زيكم زي ياسمين هي خدت ظرفها فوق🤨
سمر وسما ... ربنا يخليك لينا يارب
فارس يلا انجزو السواق هيموت تحت.
ونزلو البنات...رباب ليه كده بس يافارس..
فارس.. دول زي ياسمين ياعمتي وبعديين بقالهم كتير منزلوش ولا خرجو خليهم يتبسطو..
جده... رباب اعمليلنا فنجانين قهوه تعالي يافارس عايزك
دخل فارس وراه...
جده .. مقولتليش يعني ايه حكايه الناس اللي سكنو جديد
فارس... يادي الناس الجداد ولله مجت فرصه انا لسه حاكلهم فوق وحاضر هحكيلك ..وحكاله كل حاجه حصلت جده... انا فاكر الراجل ده كان طيب وابن حلال كان من دور ابوك كان في حاله طول الدراسه... ولما اتجوز اعد كام شهر فعلا وسافر
فارس... بابا قالي برده انه فاكره وكان بياعد معاه هو وعمي..
عمه محمود وابوه دخلو ..
عمه مين ده يا فارس...
فارس.. لا ولله ما هحكي تاني اتأخرت عالشغل جدي يحكيلك او توأمك يلا صباحكم فل..
ضحك جده علي فارس اللي وارثه بالمللي واعد مع ولاده وحكو لمحمود..
نزل فارس ودخل يشوف الشغل ومعاه زين وادهم وعمر ووزع الشغل كالعاده ...
ونزل عمه وابوه.. راحو عالمصنع ..يباشرو الشغل
في بيت رحمه...
يلا يابنات الفطار جهز الساعه عشره ..
فريده انا جايه اهو
ريم... مامي صباح الخير..
رحمه... صباح النور ياحبيبتي.
فريده... صباح النور...مامي مش هنكلم بابي الاول
رحمه.. كلمني عالفجر كده واطمنت عليه هو اكيد نايم الوقت..انتو ناسيين فرق التوقيت
فريده... كنت عايزه اكلمه قبل ما ننزل.
رحمه... لما ترجعو ياحبيبتي.
ريم... مامي انا خايفه معرفش اقدم فالجامعه خايفه السنه تروح عليا..
رحمه.. متقلقيش ياحبيتي انتي جايبه تقدير كويس جدا في سنه تانيه.. وبعدين انتي جايه من اكبر جامعه في امريكا.. يعني خلي عندك ثقه في نفسك..
ريم... مش حكايه ثقه يامامي بس انا راحه اقدم قبل الدراسه بأسبوعين خايفه اترفض..
رحمه نعمل اللي علينا والباقي علي ربنا.. ولو متقبلتيش في جامعه القاهره.. هنشوف الجامعه الامريكيه ودي هتتقبلي فيها هوا لانها بفلوس..
فريده.. طيب ما كنا رحنا قدمنا فيها علي طول وخلاص..
رحمه... فريده حبيبتي لازم نحاول الاول جامعه القاهره من اهم جامعات مصر انا وباباكي اتخرجنا منها وبعدين بقي انا مش عايزه اضايقكم بس لازم نحاول نوفر الفلوس علي اد ما نقدر محدش عارف الاحنا فيه ده هيخلص امته.
فريده.. مش بابي اداكي فلوس كتير.
رحمه.. انا قسمتها معاه يافريده.. لاحظي ان الفلوس وكل البنوك وقفت حساب بابي. يعني هو كمان زينا ميعرفش هيخلص امته من اللي هو فيه ده..
فريده.. عندك حق.. ومتقلقيش يامامي انا هحاول انزل اشوف شغل انا معايا شهاده وواخده ميت كورس مع اللغه اكيد هلاقي اماكن كتير اشتغل فيها..
رحمه... مش وقت الشغل يافريده احنا لسه تايهيين ومتعودناش عالناس ولا الاماكن خصوصا انتي واختك خلينا نتأقلم شويه ..مش كفايه هتنزلو انهرده. وانتو مش عارفين اي حاجه اصلا.
فريده.. مش هنتأقلم يامامي غير لو اتعاملنا مع الناس. ومتقلقيش يامامي .
رحمه.. ربنا يسترها. علي فكره احنا لازم نجيب خطوط مصريه عشان نعرف نوصل بيها لبعض انا مش هقدر اكون قلقانه عليكم كده..
فريده.. صح يامامي هشوف انا الموضوع ده ولازم عالاقل انهرده نجيبه..
وخلصو كلام وخدو فلوس من مامتهم وودعتهم ونزلو وكانو لابسين فريده لا بسه فستان ابيض لحد ركبتها وواخد شكل جسمها ورافعه شعرها ديل حصان ولا بسه كوتشي ابيض..
ريم لابسه بنطلون برموده ابيض وتيشيرت ابيض في فراشات سوده وكوتشي اسود.. كان شكلهم يجنن..نزلو وركبو تاكسي وكانو في طريقهم للجامعه وطبعا فارس مشافهمش عشان كان مشغول جوه المحل ...
عند الثلاثي المرح وصلو لمول العرب وفضلو داخلين من محل لمحل ويختارو اللي هما عايزينه من لبس لشنط لجزم لاكسسوري لطرح عشان هما التلاته محجبين😉😉وقضو يومهم بين اختيارات تعجبهم وحجات متعجبهمش والساعه بقت 3ياسمين انا جعت مش هقدر اكمل غير لما ارتاح شويه واكل ..
سمر ..انا كمان جعت اوي تعالو نروح ناكل الاول ونكمل
سما... انا عايزه ايس كريم
ياسمين .. تعالو ناكل الاول وبعدين نجيب كل اللي انتو عايزينه... سمر ... انا عايزه اكلمه ادهم..
سما وانا عايزه اكلم زين ده هيروقني عشان كنسلت عليه كذا مره
ياسمين طب يلا يا اختي انتي وهي ناعد واعملو الانتو عايزينه بس ناااااااكل😭😭
وراحو عشان يتغدو...
عند .. فريده وريم...
وصلو الجامعه .. وانبهرو من مساحتها وشكلها اللي يخض ورغم ان الدراسه لسه مبتدتش لاكن كان فيها عدد كبير
ريم... لما الدراسه لسه مبتدتش وعامله كده امال لما تبتدي... دي هتولع يارب يقبلوني..
فريده... انا خايفه حاسه اني تايهه
ريم.. الحمد لله انك خلصتي دراسه مكنتيش هتمشي انتي هنا خالص.. تعالي نسأل السيكيورتي اللي عالبوابه ده
وراحو سألوه وعرفهم يروحو انهي مبني..
دخلو جوه وقابلهم موظف الاستقبال..
الموظف.. يعني ده ورق بيثبت انك درستي فامريكا بس للاسف ده مش ورق تحويل من الجامعه هناك يعني انتي كده ورقك هناك حتي مفيش اثبات انك سبتي الجامعه.
فريده... حضرتك احنا جينا في وقت سريع ومش عارفين هنفضل اد ايه..ومش عايزين السنه تضيع عليها
الموظف.. انا للاسف مش هقدر افيدكم
فريده.. طيب ممكن ندخل للعميد..
الموظف للاسف هو حاليا مش موجود عنده اجتماع بره..ممكن تيجو بكره اكيد هيكون موجود وجربو معاه وان شاء الله خير...
فريده .. طيب شكرا جداا بعد اذنك..وخرجو.
ريم .. بقله حيله.. شكل كده السنه هتروح عليا.
فريده.. ليه كده متقلقيش هنيجي بكره ونقابل العميد وكله هيبقي تمام وبعدين احناا عملنا انجاز اصلا اننا نخرج لوحدنا ونعرف نيجي الجامعه وندخل لموظف الاستقبال اتفائلي بقي ياريمو..
ريم.. ربنا يسترها.. يلا نروح.
فريده.. يلا عشان مامي متقلقش
عند رحمه.. خلصت اللي وراها وحضرت الغدا واعده مستنيه البنات الباب خبط. طلعت الحاجه ناديه.. عامله ايه يابنتي
رحمه الحمد لله يا حبيبتي تعالي اتفضلي..
الحاجه ناديه.. لا انا جايه اخدك تاعدي معايا شويه عملت الشاي وجيت اناديلك..رحمه.. حاضر يا حاجه ناديه كده كده البنات مش موجودين راحو يقدمو لريم فالجامعه وانا لوحدي..الحاجه ناديه... طيب يلا .. وراحت معاها ياعدو مع بعض ويرغو ويشربو الشاي..
عند فارس...
فارس واقف مع عمر يتكلمو شويه يشتغلو شويه وزين وادهم بيوصلو طلبيات وبيخلصو شغل بره فارس كل شويه يبص علي بلكونه بيت فريده من جواه نفسه يشوفها..
عمر لاحظ انه كل شويه يبص..
عمر... هو انت في حاجه ضايعه منك فالبيت اللي ادامنا..
فارس... بصله ورفع حواجبه والسيجاره في بوئه من غير ما يمسكها وسكت..
عمر... لا يعني اصلي ملاحظ انك كل شويه تبص هناك فقولت يمكن بتدور علي حاجه...
فارس... شال السيجاره.. اسطبح وقول ياصبح هااا متفوقش عليا انا ببص عادي...مش زي اللي طول اليوم متنح عالشبابيك كلها. زي الاهبل
عمر... ايه ده انا باين عليا🤔🤔
فارس.... ومفضوح كمان.
عمر... هي وصلت لمفضوح كمان
واثناء ما بيتكلمو عمر لمح فريده وريم جايين من اول الشارع...
عمر... طب الحق كده
فارس بص مكان ما عمر شاورله..لمح فريده وريم علي اول الشارع ساب اللي في ايده ووقف وحط السيجاره في بوئه وكان هيولع من شكل فريده ولبسها اللي مخليها ملفته بطريقه مش طبيعيه حس ان شياطين الدنيا وقفت في وشه.وقبل ما يوصلو للبيت وقفت فريده وريم وبيتكلمو..
فريده في محل بتاع موبايلات ماتيجي نسأل علي ارقام مصريه ريم لا انا مش هقدر انا هموت وادخل التويلت هسبقك انا وكده كده احنا تحت البيت..يلا باي
فريده.. ندله.
وقف فارس.. متابعها وعايز يعرف وقفت ليه..
وعمر.. ركز مع ريم وهي بتمد علي بيتها ومضايق من لبسها بس معجب بشكلها اوي..
وفجأه واثناء ما فريده راحه عالمحل اتعرضلها. عادل وشلته الفاسده هو و3صحابه معروفين فالمكان انهم فاسدين وبلطجيه اه بيعملو حساب فارس المعز وعارفين ان الغلطه عنده بفوره بس عادل كان بيغير من فارس جدا ومن حب الناس ليه وان الكل بيعمله الف حساب ورغم ان سنهم تقريبا قريب بس فارس اتفوق عليه دراسيا واتفوق عليه فالشغل وبقي من اهم الناس في مجاله فارس رغم انه يعتبر في مكان شعبي وميقدرش يبعد عن مكانه ولا يغير من جلده بس هو من اقوي الناس اللي اسمهم واصل في مجال الدهب وتصنيعه..وده كان بيزود الحقد والكره عند عادل..
عادل... علي فين ياقمر... يخربيتك ايه الحلاوه دي..
صاحب عادل 1.....استني بس عرفينا طلباتك واحنا مش هنتأخر
صاحب عادل 2...شكلها اجنبيه.
صاحب عادل3... اجنبيه او مش اجنبيه هنشوف طلباتها.
طبعا باين عليهم انهم شاربين مخدرات..
فريده.. بخوف لو سمحت ابعدو
عادل.. الله دي طلعت بتتكلم زينا بس هو في مصريين حلوين كده..
فاللحظه دي فريده غيرت وجهتها من المحل وكانت بتحاول تمد عالبيت ورا ريم وعشان تبقي تحت البيت بسرعه وابتدت تمدبسرعه وهما وراها.
والخوف هيموتها.. واثناء ما هي بتمد وقربت خلاص من تحت البيت وفارس واقف شياطين الارض متجمعين حواليه وفي لحظه عادل جه من ورا ضهرها ولسه هيحط ايده علي وسطها عشان يلفها ليه.......
- لقراءة الفصل الخامس : اضغط هنا
- لقراءة باقي حلقات الرواية اضغط على
- ( رواية فارس الحي الشعبي
..استوووووووب نتقابل فالبارت الخامس😉😉😉😉