حوار صحفي مع الكاتبة آيه امير بقلم آيه نور
حوار صحفي مع الكاتبة آيه امير بقلم آيه نور
حوار صحفي مع الكاتبة آيه امير
حوار صحفي
مع الكاتبة آيه امير بقلم آيه نور
س/حدثينا عن سيرتك الذاتية ؟
ج/ اسمي أية امير ومن القاهره أثناء دراستي قدرت انمي موهبتي ومش بس أثناء دراستي كنت كمان بشتغل وكان غريب لبعض الناس دراسه وشغل وفي نفس الوقت بتنمي موهبتك اللي جواكي ورغم كل ده مأثرتش في حاجه من التلاته الكتابه كانت بالنسبه ليا عالمي الخاص
س/متي اكتشفتي قدراتك الإبداعية في الكتابة وكيف كان ذلك ؟
ج/ اكتشفت قدراتي الإبداعية وانا عمري 14 سنه / كنت من عشاق القراءه جدا اي كتاب بيكون قدامي احب أقرأه من هنا بدأت اعقب علي تفاصيل في الكتب واني عندي افكار كتير وبعديها كتبت اول روايه ليا و ده اداني دافع كبير اوي لكتابه و قبل كل ده كنت بألف قصص مع نفسي و اكتبها و كنت ساعتها بقول اي ده لا و اقوم مقطعه اللي كتبته لحد ما واحده واحده قدرت اني أتجاوز مخوفي واني مخفش من الفشل وخصوصا مجال زي كتابه كتر فيه الكتاب بشكل كبير و مواجهة الخوف و الفشل كان اهم حاجه وساعتها وجهت ده وقولت اني هوصل و يكون لي اسم كبير
س/حديثنا عن عملك وماذا يعني لكِ؟
ج/ كتير جدا ... اول روايه ليا كانت عذاب الحب
ما بين الانتقام و العشق جزئين
الجزء التاني باسم مازلت احبك
عندما يخفق القلب مرتين
قدرك انا وقدري انت
نار حبك
صغيره في قلب صعيدي
جوزوني من مختل عقليا
أنقذني بعد ضياع
عشق من نوع اخر
أحببته رغم عذابي
مفقوده الهويه
وغيرهم كتير
س/ من هو الكاتب الذي تأثرتي به ؟ الاول كنت دائما بقرا كتب ل كتاب كبار ..لكن حاليا وقتي مضغوط جدا ومن النوادر لو قرأت لحد
س/ماذا تعني لكِ الكتابة ؟
ج/...تعني لي هروب من الواقع ومن كما الضغوطات اللي ممكن تقابلنا في حياتنا و في الكتابه احنا بنبني احلامنا اللي مش قادرين نحققها في الواقع بنعيش مع الشخصيات حزنهم و فرحهم و سلاحي هو قلمي الكتابه خدتني لدنيا تانيه لما بكون حزينه بلاقي قلمي بيرحب بيا لما بكون فرحانه قلمي بيرحب بيا قلمي هو خير الصديق
س/من الذي دعمك وشجعك لتصلي إلي ماأنتِ عليه الآن ؟
ج/ في اول طريقي لكتابه كنت اعرف كاتبه وبعت لها اول روايه ليا و نزلتها عندها في البيدج وخلتني ادمن و بيدج كانت كبيره و كلام الفانز خلينا اتشجع استمر واطلع افضل مهو عندي .. وطبعا الأهم من كل ده ولدتي شجعتني علي موهبتي واني استمر
س/ هل يحدث لكِ مايطلقون عليه بلوك الكتابة وكيف تتخلصين من هذا الشعور ؟
ج/ اكيد اغلبنا بيجي له الوقت ده أنه مش قادر يفكر الكتابه قبل اي حاجه هيه متعبه وتفكير مرهق لازم تحبها الاول علشان تقدر تحب تعبها ..اللي بيعمل حاجه بيحبها عمره ما يحس بتعبها رغم الكل ممكن يقول الكتابه تافهه الكتابه عمرها ما كانت تافهه ده مجهود بس انك تعمل حاجه بتحبها ده قادر يشجعك علي استمرارك رغم كل حاجه / عمري ما حبيت حاجه تأثر عليا حتي حزني كنت بتجاوز كل ده و اتغلب علي بلوك. الكتابه و اكتب و اول ما بكتب بنسي كل حاجه من الضغوط
س/ ما الدافع الذي يشجعك علي الكتابة ؟ ومالذي يلهم قلمك
ج/ دايما كنت بسمع أن ربنا إذا حط في قلب حد موهبه أو حلم فهو متاكد انه ها يحققها وده اللي بيشجعني اني متاكده يوم ما هوصل انا مش بس كاتبه روائية انا سيناريست و هيجي يوم افلامي و مسلسلات تكسر فيها التلفزيون و السينمات و ساعتها هرجع اقرا الحوار ده و اقول انا كنت قدها و هوصل لحلمي .. ربنا قال اسعي يا عبدي وانا اسعي معاك وانا بسعي و هوصل
س/أود أن أري بعض من كتاباتك ؟
ج/ اوي اوي اغلب كتاباتي علي اليوتيوب
س/ حدثينا عن الصعوبات الاى تواجهك اثناء الكتابة؟
ج/ النفسيه بتأثر علي قلمك للاسف ومش دايما احنا بنكون في احسن حال ..بس كل صعب فهو سهل. مافيش حاجه هتيجي لك سهله و المتعه الحقيقيه في مواجهه المصاعب. و لذه شعورك انك بتتغلب علي مصاعبك
س/ مانوع الدعم الذي يحتاجه الكاتب في الوقت الراهن ؟
ج/ الكاتب في بدايته بيكون محتاج لتشجيع إذا كان من أهل أو من المتابعين كلمه واحده حلوه قادره تخلي الكاتب يطلع احلي ما عنده و كلمه احباط قادره تخلي الكاتب يحس بفشل وعلشان كده التشجيع مهم اوي بالنسبة لكاتب
س/هل تمتلكين مواهب أخري ؟
ج/ الكتابه اهم مواهبه عندي واه
انا كمان اعلاميه
س/ هل حصلتى على جوائز من قبل؟
ج/ اه حصلت علي شهادات تقدير
س/ كلمتك الأخيرة للحوار؟
ج/ احب اقول لكل لو عندك موهبه طلعها و نمي المواهبه دي علي قد ما تقدر وخليك ورا حلمك و اوعي تحس بفشل خوفك من الفشل ها يخليكم تفشلوا. محدش بيطلع السلم مره واحده احنا بنطلع السلم سلمه سلمه و الاهم انك كا كاتب تقدر توصل من كتاباتك حكمه أو عظه أو حاجه مفيده الناس تستفيد منها الكتابه مش كتابه وخلاص
الكتابه هيه رساله ولازم نحسن الرساله و أن كتاباتكم تكون ملائمة لجميع الاعمار و اعملوا حساب أن أغلب اللي بيقرأوا حاليا هما أطفال ..واحب اشكر
وفي الاخر احب اشكر الجروب الحلو اوي ده و الحوار اللطيف و المشاركه ليا فيه شكرا جزيلا لكم