قصه المقهورة كامله جميع الفصول

 روايه راجل بالاسم بس الفصل الاول بقلم هويدا زغلول 

راجل بالاسم بس الحلقه الاولى 

رواية راجل بالاسم بس الفصل الاول بقلم هويدا زغلول 

رواية راجل بالاسم بس 

بقلم هويدا زغلول

هاني _بقولك اي يا نورا انتي فرصتك 

في الشغل احسن مني انا كل ما اشوف 

وظيفه هو اسبوع بالظبط وبترفد منها 

نورا _مش فاهمه كلامك يا هاني يعني عايز ايه يعني

هاني _ايه رايك تشوفي شغلانه تانيه قصاد الشغلانه دي وانا ستي طلبات البيت كلها عليا

هغسل واطبخ واعملك كل حاجه 

**************"****

وقبل ما نبدا الحكايه اعرفكم بنفسي أنا نورا 

عندي 32سنه كنت انسه وعايشه لوحدي 

لحد ما لقيت جارتي بتخبط عليا وبتقولي 

فايزه _مساء الخير يا نورا يا بنتي شفتك طالعه من الشغل وقلت اجي اتكلم معاكي عايزاكي في موضوع مهم

نورا _اه طبعا اتفضلي بعدها دخلت قعدت وقالت 

فايزه _انا جايبه ليك عريس انما ايه حاجه كده 

ادب واخلاق وذوق

نورا  _يا عريس انتي عارفه انا ما بفكرش في الموضوع ده دلوقتي

فايزه _يا بنتي ده اللي راجل ولا ضل حيطه يعني عاجبك قعدتك لوحدك دي والناس ما بتسكتش يا حبيبتي

نورا _طيب اديني فرصه افكر بعد كده هرد على حضرتك

فايزه _ما فيش وقت تفكري انت معزومه بكره عندي على الغداء علشان تشوفيه باذن الله يعجبك اصل هو صاحب جوزي بس عايزه اقولك 

حاجه هو كان متجوز بس محصلش نصيب 

نورا _لا طبعا مش موافقه ان انتي عايزني  اتجوز واحد كان متجوز قبل كده

فايزه _دي مراته يا حبيبتي المفتريه مش هو خالص انتي هتشوفيه وهتعرفي كل حاجه

هستناكي بكره عندي على الغداء اوعي تتاخر

نورا _باذن الله حاضر هبقى اجيلك وفعلا مشيت 

وانا بدأت أفكر وتاني يوم روحت عندها وشوفت العريس كان شكله شيك جدا لبس وبرفن 

وكمان شكله مؤدب عينه مش مش جت عليا الا مره واحده بس ، وبعدها مشي

فايزه _ايه رايك بقى مافيهوش غلطه خالص

نورا _خلاص ماشي باذن الله بس عرفي ان في الخطوبه مش هينفع يجي البيت خالص لان انا عايشه لوحدي زي ما انتي عارفه

فايزه _خطوبه ايه يا نورا انا بقولك راجل كان متجوز يعني عفشه موجود احنا هنعمل دخله على طول

نورا _هو ازاي عفش موجود يمشي المفروض مراته الاولانيه خدته ولا ما هو ما كانش كاتب قايمه ولا ايه

فايزه _الله يستر على وليانا خليني ساكته يا بنتي المهم انا هكلمه انك موافقه نتم  الموضوع على طول ، واكمن كان شكله محترم فعلا 

وافقت عليه واتجوزنا وكان أسلوبه معايا 

محترم اوي وكويس لحد ما في يوم 

لقيته راجع من الشغل وانا كنت في المطبخ خرجت وقولت 

نورا _ايه ده انت جيت يا حبيبي ما دخلتش المطبخ ليه تعرفني منين تاني ايه مالك شكلك متضايق ليه كده

هاني _اترفدت من الشغل مدير غبي ما بيفهمش اساسا 

نورا _اهدى بس يا حبيبي وربنا باذن الله هيرزقك بشغل احسن منه مش عايزاك تزعل نفسك

هاني _طيب احنا هنصرف منين دلوقتي ما انتي شايفه مصاريف البيت عامله ازاي

نورا _ما هو انا بشتغل يا حبيبي هحط مرتبي البيت لحد ما تلاقي شغل باذن الله

هاني _والله العظيم من يوم ما اتجوزك وانا بقول عليك بنت اصول وجدعه ربنا يخليكي ليا يا حبيبتي واوعدك هدور على شغل على طول

نورا _حبيبي ما تقولش كده ما كنتش انا شايلك  مين اللي هيشيلك يعني ، وفعلا كنت بروح 

الشغل ويوم لما رجعت لقيت الشقه مكركبه 

وهو قاعد عامل ياكل لب وبيتفرج علي الماتش 

وبيقول 

هاني _ ما تشوط بقي يا ابني حرام عليك تعبت اعصابنا ايه ده انت جيتي يا نور الحمد لله على السلامه

نورا _ايه المنظر اللي انت قاعد فيه ده هاني وانت لما اكلت ما دخلتش المطبخ ليه وايه اللب اللي مرمي على الارض ده 

هاني _اه يا حبيبتي معلش حقك عليا اصل كنت منفعل شويه علشان خاطر الماتش انا هلم 

كل حاجه بس ادخلي انتي اعملي لينا الغدا 

اصل جعان اوي 

نورا _حاضر يا حبيبي ماشي انا كلمت مديري في الشغل علشان خاطر اشوف شغل ليك ولقلك شغل في شركه وبكره عندك مقابله 

وفي الوقت ده لقيته قام مضايق وقال 

هاني _وهو انتي ازاي تعملي حاجه زي كده يعني روحتي قولتي لمديرك ايه جوزي عاطل في البيت ما بيشتغلش يشوفله شغل والنبي

نورا _ايه طريقه كلامك دي لا طبعا ما قلتش الكلام بالطريقه دي وعادي جدا احنا كلنا بنجيب شغل لبعض

هاني _وانا مش رايح الشغل ده بالذات يا نورا عشان ما تطلعنيش عيل  تاني قدام الناس

نورا _انا مستغربك على فكره مهو كان بيدور 

برضه علي شغل لمراته وانا جبت ليها شغل 

هاني _الكلام خلص يا نورا ولو سمحت قومي اعملي الغدا انا جعان وبعدها قومت دخلت 

المطبخ والباب خبط وفتح هاني وكان صاحب البيت 

صاحب البيت _خير يا استاذ هاني ما تبعتش الايجار الشهر اللي فات والشهر ده كمان جاي اهو ناوي تدفع ولا ايه

هاني _في طريقه الكلام دي يا عم ما تقول السلام عليكم الاول وهدفع اصبر ، وبعدها 

فتح شنتطي واخد فلوس الايجار 

وقالو 

هاني _اتفضل ده الشهر اللي فات والشهر ده وشهر كمان مقدم اصل انا قاعد من 

الشغل وكنت شايل فلوس علي جنب 

قولت ادفعها 

صاحب البيت _اه ما انا شفتك ربنا يقويك على اللي انت بتعمله ويقويها هي كمان ، بعدها دخل المطبخ وانا كنت عماله اعيط

هاني _ايه ده انتي بتعيطي يا نورا حقك عليا يا حبيبتي انا اسف والله ما

 كان قصدي ازعلك مني 

نورا _والله يا هاني انا ما كان قصدي اكسفك مع حد انا كنت عايزاك تنزل تشتغل بس 

هاني _خلاص يا ستي علشان خاطر عيونك هروح اشوف الوظيفه دي المهم هو انتي قبضه جمعيه ولا ايه  انا لقيت في شنطتك فلوس كثيره معلش انا اسف بقى 

نورا _يا نهارك ابيض يا هاني دي مش فلوسي ازاي تاخد منها وبعدها حصل 

لقراءه وتحميل رواية راجل بالاسم بس كامله هنا 👇👇

1. راجل بالاسم بس

 لقراءه وتحميل الفصل الثاني من هنا

1. الفصل الثاني 

للتواصل 👇👇👇😘

يُمكنك الانضمام لقناتنا على التليجرام 

1. الانضمام

يمكنك الانضمام لجروب علي التلجرام 

1.  الانضمام

او الانضمام علي جروب الفيس بوك 

1.  الانضمام

ولحد هنا تكون خلصت حلقتنا

تعديل المقال