رواية اصبت بالعشق الفصل الثالث والرابع بقلم رضوي اسامه
أُصـبـتُ العشق البارت التالت
وعدا الوقت ولسه نهى طالعه من البيت علشان التسليم الباب خبط..
نهى: اتفضلي يا ست هناء..
'_____
هناء دي ست كبيره ساكنه في دور تحتيهم بس رخمه وباصلهم في فلوس الخياطه وحد قالها انهم عاملين صفقه وان ارباحها كتير وعرفت ان معاد تسليمها النهارده فعلشان ميسلموهاش جت وقررت تكمل اليوم معاهم ..
______
هناء بشك: كنتي طالعه ولا اي يا ختي..
نهى طبعا مكنتش ماسكه غير شنطه صغيره لان الشغل كتير فهيتسلم في عربيه تحت البيت اما اللي في ايدها فهوا عباره عن طقم واحد گ عينه..
نهى: اه كنت...
ولسه هتقولها ليلى قاطعتها..
ليلى: ماما كانت نزلالك يا طنط اتفضلي ادخلي..
شكت في كلام ليلى فدخلت وقعدت قصاد الباب علشان لو حد فيهم خرج تشوفه..
ليلى: ادخلي يا طنط..
هناء بابتسامه متصنعه : لا يا حبيبتي مرتاحه هنا..
ونهى قلقانه وسرحانه: ازاي هنسلم الشغل كدا مفيش وقت شكلها مش مكتوبالنا..
ليلى دخلت المطبخ بسرعه ونادت على مامتها وقالتلها على حاجه وخرجوا..
ليلى: اتفضلي يا طنط العصير اتفضلي يا ماماا..
ليلى : ماما هي طنط متعرفش حاجه عن الصفقه.؟؟
نهى: لا يا بنتي لسه مجاش وقت اقولها.
هناء في نفسها: شكلهم هيحكوا انا لازم اسمع واقنعهم يلغوا واخوفهم من اللي عاملين معاه الصفقه داا..
ليلى: سرحانه في اي يا طنط..!
هناء: لا ابدا بس صفقه ايي.!!
نهى : احتمال نلغيها يا بنتي..
هناء بخبث: لي بس كدا يا حبيبتي..
نهى: الشغل الاستاذه ليلى بوظته ومش هنحلق الوقت خلاص..
هناء: امتى معاد تسليمه..
ليلى: بكرا..
هناء بصتلها نظره مش مفهومه...
ليلى في نفسها: سعاده دي ولا ايي هي مبسوطه ان الشغل باظ ومعاد تسليمه قرب ومش هنحلق..!
نهى: تحبي تشوفي اللي الاستاذه بوظته...!
هناء بحزن متصنع: ياعيني عليكي يابنتي وريني..
ودخلوا اوضة الخياطه وكانت ليلى نقلت الشغل لاوضه تانيه وهما دخلوا وهي فتحت الباب ونادت على الرجاله اللي في العربيه تحت وحملوا الشغل كان كتير بس خلصوا بسرعه، ونهى طبعا مع هناء بتوريها اللي بوظوهم وقت ما كانوا بيشتغلوا..
حملوا الشغل وخلصوا وليلى اخدت الشنطه اللي كانت في ايد مامتها وموبايل مامتها وجريت لتحت..
ليلى: هعمل اي دلوقتي انا حتى معرفش المكان.. ولسه بتتكلم راحت فتحت موبايل مامتها لقت الموظف باعتلها على اسم الكافيه والوقت عشان لو نسيت لان كان فاضل حوالي 10 دقايق..
ليلى: الحمدلله، كدا عرفت هروح انا اسلم الشغل وامري لله.. وافتكرت محمد..
ليلى: بس ازاي هروح من غير ما اقوله. !! دا اكيد هيزعل... بس لو قولتله ممكن ميوافقش.. انا هرن اشوف وربنا يسترها..
"الرقم المطلوب مغلق........"
ليلى بحزن: هو ديما كدا مقفول او مبيردش او يرد يقول كلمتين ويقفل.. وكملت طريقها..
____
عند مصطفى في الشركه....
مصطفى: انا لازم امشي دلوقتي معاد الصفقه ودي مهمه مينفعش اتاخر..
الموظف: تحب اجي مع حضرتك..!
مصطفى: لا مفيش داعي هروح لوحدي المرادي...
مصطفى في نفسه: مش عارف لي متشجع للصفقه دي..! يمكن علشان ارباحها كتير..!! بس انا من امتى بيفرق معايا ارباح..! وبعدين انا كل صفقاتي ارباحها كتير.! يلا خير وربنا يستر..
_____
في الكافيه...
ليلى: ااييي الناس دي يحددوا مواعيد مش قدها ليييي.!! لما هو مشغول حدد المعا....
وقاطعها شخص بيتكلم وراها..
مصطفى: حضرتك مدام نهى..!
ليلى لفت وشها عنده وبدأت تتكلم بعصبيه: الساعه كام في ايدك يا استاذ.!!
مصطفى:........
ليلى: الساعه 3:20.... حضرتك متفق على الساعه كاامم.!!
مصطفى مش بيتكلم ولا بيرد عليها واقف متنح.!
ليلى: متفق على الساعه 3.. تماام ليي التاخير.؟؟
الجارسون: معلش يا استاذه توطي صوتك هنا مكان هادي مينف....
وقاطعه مصطفى: احنا اسفين بس هما البنات كدا لما خطيبهم بيتاخر عليهم خمس دقايق..
ليلى: عفوا.!! دي 20 دقيقه.!!
الجارسون ضحك ومشي..
مصطفى بجديه: يعني دا اللي فارق معاكي.!!
ليلى تقصد ايي.
مصطفى: لا مفيش بس تقريبا في كلمه وقعت منك كدا... يلا المهم الشغل.!!
ليلى قعدت ومصطفى كمان قعد..
مصطفى: تشربي ايي.!
ليلى: ولا حاجه شكرا..
مصطفى: لو سمحت..
الجارسون: تحت امرك..
مصطفى: اتنين قهوه..
ليلى قاعده متنحه: ااييي دااا.!!!
مصطفى بعدم فهم: ايي.!!
ليلى: انا قولت مش هشرب حاجه.
مصطفى: وشربتي.!!
ليلى: لا بس..
الجارسون بيحط القهوه..
مصطفى:شكراً.
ليلى باستغراب: هتشرب الاتنين.!!
مصطفى: لأ.
ليلى بضيق: الشغل تقريبا وصل تمام ودي علشان تشوف وتتطمن "بتتكلم وهي بتديه الشنطه" اتفصل..
مصطفى وهوا بيشرب القهوه: هو انتي ازاي كدا.!
ليلى بعدم فهم: ازاي ايي.!
مصطفى: لا مفيش بس الموظف كان مفهمني اني هقابل...
ليلى قاطعته: اه اه مدام نهى صح.!
مصطفى: ااه
ليلى بضحك: وانت فاكرني المدام نهى.!
مصطفى مش بيتكلم سرحان في ضحكتها..
ليلى خلصت ضحك وبتكمل : انا بنتها.. ليلى، اسمي ليلى..
مصطفى وهو سرحان : مصطفى..
ليلى بابتسامه: تشرفنا..
مصطفى: مش هتشربي.!!
ليلى وهي بتشرب: مع اني مش بحب القهوه.
وسلموا الشغل وقعدوا شويه ومصطفى مكنش عاوزها تمشي..
وبعدها قرر مصطفى انه مينهيش التعامل معاهم وان دي مش هتكون اخر صفقه..
___
عند مصطفى في الشركه..
مصطفى قاعد سرحان في ليلى...
فاق على صوت خبط الباب..
مصطفى: ادخل..
الموظف: حضرتك السكرتيرة الجديده برا تدخل.؟
مصطفى: تمام دخلها..
بعد شويه الباب خبط....
مصطفى: اتفضل..
الموظفه دخلت واتكلموا شويه وقدمتله الورق المطلوب وخرجت..
_____
الـكـاتـبـه: رضـوى أسـامـه❤️. "
أُصـبـتُ بـألـعـشـقل البارت الرابع
الموظفه دخلت واتكلموا شويه وقدمتله الورق المطلوب وخرجت..
كان اسمها "نسمه" (ايوه نسمه اللي كانت بتكلم لوجي علشان يدمروا مصطفى) وهنفهم الباقي قدام...
_
ليلى بفرح: مااااماااا ماااامااا.
نهى: اييي عملت اي قولي..
ليلى مسكت ايد مامتها بتلف بيها: ماااماا وافق وقال انه مش اخر تعاامل ومش اخر صفقه واداني مبلغ حلو اووي وكمان لسه..
وقعدوا اليوم كله فرحانين.....
_
بعد شهر..
نسمه بدات تقرب من مصطفى اكتر لكن مصطفى رافضها... ومصطفى بقى مُعجب بليلى اكتر وحصل بينهم كذا صفقه،،والصفقه دي كان مصمم ان ليلى هي اللي تشتغل فيهم لوحدها وليلى وافقت ومعاد تسليمها بعد يومين...
اليومين عدو وليلى خلصت الشغل المطلوب وفي طريقها علشان يتكلموا على الصفقه الجديده..
بس المره دي ليلى قررت تلبس الدبله، دبلة خطوبتها..
ليلى: مش عارفه لي بس حاسه اني لازم البسها النهارده خلاص انا اتخطبت لمحمد حتى لو هوا مبقاش بيهتم واتغير معايا بس هو خطيبي وهلبسها..
___
في الكافيه....
ليلى: اسفه على التاخير..
مصطفى بابتسامه: ولا يهمك اتفض...
ولسه هيكمل شاف دبله وقف وهوا مصدوم ومتنح مش بيتكلم..
مصطفى بغضب: اي داا...!!
ليلى بخوف وحست ان قصده على الدبله..
مصطفى رجع لوعيه وقال بجديه: لا مفيش بس هو انتي مخطوبه..!
ليلى: اه بس ليي.!
مصطفى بحزن: لا مفيش انا لازم امشي..
ليلى: والصفقه.!
مصطفى: مش مهم..
ليلى: امال جبتني لي.؟
مصطفى بحزن: ك.... كنت فاكر ان..... انك لي.. وسكت..
ليلى لاحظت حزنه بس يمكن مش فاهمه هو لي قلب حزين كدا.؟؟
ليلى: طيب في اي.؟
مصطفى استأذن منها ومشي على طول وفضل حزين وعلشان نسمه قريبه منه حكالها غصب عنه وهو مضايق في الشركه تاني يوم اجبرته وخلته يحكي وهي كانت غيرانه...
ترن ترن ترن..
نسمه: الو
لوجي: هاا في جديد..
نسمه: مين ليلى!
لوجي بعدم فهم: ايي
نسمه حكتلها على كل حاجه ولوجي عرفت انها ليلى نفسها اللي معاها في الكليه واضايقت..
نسمه: الوو..
لوجي بغضب وخباثه: خلاص عرفت هعمل ايي.... سلام..
ترن ترن
شخص: الو..
لوجي: هبعتلك صوره وحده مش عايزه اشوفها تااني فاهم..
شخص: تماام..
وقفلت معاه وبعتتله صورة ليلى ومكان جامعتها لانها متعرفش بيتها..
____
عند ليلى...
ليلى حزينه وسرحانه من يوم ما مشي مصطفى ومبقاش في شراكه بينهم...
نهى: ليلى يا حبيبتي جهزي نفسك محمد جاي النهارده يقعد معانا يلاا...
ليلى في نفسها: انا مش عارفه حزينه لي، رغم اني المفروض افرح، بس مش عارفه افرح....
وعدا الوقت وجهزت نفسها وعملوا اكل ومحمد جه
_
وهما قاعدين...
ليلى في نفسها: مش عارفه لي مش مرتاحه...! رغم اني بحبه، واصلا كانت امنيتي، بس كل لما الوقت بيقرب والفرح خلاص قرب بخاف وبحس اني مش في امان ليي.!
محمد بحب متصنع: مالك يا حبيبتي..!
ليلى: لا مفيش..
وقعدوا مع بعض شويه ومحمد روح وسابهم..
_
تااني يوم....
عند مصطفى..
مصطفى: الوو
شخص: تحت امرك كل المعلومات عن ليلى وصلت لحصرتك.
مصطفى: ومحمد..!
شخص: اه يا باشا وهو قريبها وباقي المعلومات عند حضرتك..
مصطفى قفل معاه بسرعه وجاب المعلومات يقرأها...
وعرف ان ليلى عايشه مع مامتها بس وانها مخطوبه لشخص بتحبه، مصطفى وشه قلب لحزن وقرر يبعد عنها بس للحظه شاف حاجه خلته مش متطمن. ....
شاف صور لمحمد مع بنت تانيه بنت باينه انها اكبر منه لكنها مش مامتها، كان ممكن يقول انها قريبته بس المعلومات اللي وصلتله عنه تبين انه ملهوش قرايب غير عم ومعندهوش اولاد...
مصطفى: انا مش مرتاح للشخص دا لازم اتصرف...
_
لقراءه وتحميل روايه اصبت بالعشق
الفصل الخامس
للتواصل 👇👇👇😘
يُمكنك الانضمام لقناتنا على التليجرام
الانضمامالـكـاتـبـه: رضـوى أسـامـه❤️. "