أقسام الوصول السريع ( مربع البحث )

أخر الاخبار

روايه دمر حياتي الفصل السادس عشر

روايه دمر حياتي الفصل السادس عشر 

رواية دمر حياتي الجزء السادس عشر

روايه دمر حياتي الحلقه السادسه عشر 

روايه دمر حياتي الفصل السادس عشر


روايه دمر حياتي 

دمر حياتي 

.......................

انا :: ملكش دعوة هنقضيها المهم انك انت الليلة معايا ماشي

هيما :: ماشي .. بس كدة هيتخصملي يوم

وممكن البوص اصلا يطيرني لو عرف اننا مقضيين الليلة مع بعض

انا :: ياعم متقلقش .... اطلع بينا علي فيصل يا اسطي

هيما :: فيصل ؟ اشمعني فيصل

انا :: هتعرف بس مش دلوقت

وصلنا عند العمارة اللي فيها شقتي وطلعنا بالأسنسير انا وهيما اللي كان كل شوية يسألني احنا طالعين عند مين

خرجت من الأسنسير وفتحت الشقة

اتفضل ياهيما ... انت اول واحد يدخل الشقة دي

هيما :: هي دي شقتك يا سهام

انا :: ايوة بس مفيش جن ولا انس يعرف بيها

هيما :: ماشي سرك في بير

انا اتفضل بقي وقولي رأيك في الشقة علي ما ادخل انا اغير هدومي

دخلت ولبست بنطلون استيرتش احمر وبضي ابيض  وخرجت كان هيما بيتفرج علي الشقة

وكانت الشقة فيها مطبخ في الصالة وبار كبير كنت حاطة في البار ده خمور لذوم قعدتي وتلاجة كبيرة مليانة بالخير وتلاجة صغيرة تاني فيها بعض المشروبات الغازية والتلج

روحت المطبخ جهزت اكلة حلوة وحطيت الأكل عي طرابيزة السفرة

ونديت علي هيما

هيما :: ايه ده هنتعشي كمان

انا :: يلا بقي ياهيما تعالا اقعد جنبي علشان ناكل لقمة مع بعض

قعدنا اكلنا مع بعض وبعدين خرجنا علي الصالة وانا دخلت صبيت كاسين وسكي وخرجت قعدت جنب هيما واديته الكاس بتاعه

انا :: مقولتليش بقي ايه رأيك في الشقة بتاعتي

هيما :: جميلة جدا بس دي هتعيشي فيها علي طول

انا :: لا طبعا هعيش فيها علي طول ازاي

انا مقدرش اقول لماما هقولها ايه ؟ وجبت الشقة دي منين

هيما :: معني كدة انك مش بتيجي هنا غير مع زباينك

انا :: اخص عليك يا هيما .. انا محدش دخل الشقة دي غيرك ومحدش يعرف عنها حاجة

هيما :: مش قصدي انا اقصد انك اكيد اشترتيها علشان كدة طالما مش ناوية تعيشي فيها

انا :: لا ياهيما الشقة دي انا مخليها للزمن لاني عارفة ومتأكد ان هيجي اليوم اللي مش هقدر ادخل فيه المنطقة .. وبدل ما يجي اليوم ده والقي نفسي في الشارع. القي حتة تتاويني وتلم فيها

ابراهيم :: طب ما تبطلي يا سهام واديكي عملتي قرش ودلوقت تقدري تعيشي مرتاحة

انا :: انا نفسي ياهيما بس اللي بيدخل العالم ده استحالة يتساب كدة بسهولة

عارف انا لو قولت بس اني ناوية اسيب الكباريه ايه اللي ممكن يحصل

هيما :: ايه يعني اللي ممكن يحصل

طارق :: هيبعت اللي يفضحني ويكشف ستري وبدل ما الناس شاكة مجرد شك هتتأكد وساعتها امي ممكن تموت فيها

هيما :: في دي عندك حق

اقوم اصبلك كاس تاني

هيما ماشي وانا هروح اقعد في البلكونة شوية .. اكيد الجو فيها جميل جدا

عملت كاسيين وروحت قعدت مع ابراهيم في البلكونة

هيما :: تعرفي يا سهام اني كان لا يمكن ابدا اني اصدق انك تكوني شغالة في كباريه

يعني طول عمري عارفك ملتزمة ومامتك واخوكي حسن ملتزمين وطول عمرهم مربينك علي الالتزام والعادات والتقاليد

من واحنا صغيرين واحنا متربيين مع بعض

ولولا اننا شغالين في مكان واحد كان لا يمكن اصدق الكلام اللي بيتقال عليكي

انا :: علشان انا اتحطيت في ظروف ل يمكن واحدة كانت تقدر تستحملها

يلا بقي الكلام مش هيفيد ... الا صحيح بيتقال عليا ايه

ابراهيم :: مانتي لسة قايلة الكلام مش هيفيد

انا :: علي رأيك .. انا بردت اوي هنا ... تعالا ندخل جوا

ابراهيم :: ماشي

دخلت وابراهيم دخل ورايا روحت طفيت كل انوار الشقة وشغلت انوار هادية وشغلت التليفزيون وقعدت جنب ابراهيم علي الكنبة

انا :: ابراهيم ممكن اسألك سؤال شخصي شوية

ابراهيم :: اه طبعا

انا :: هو انا عجباك ؟

ابراهيم :: اتعدل ومبقاش عارف يقول ايه

انا :: ايه هو السؤال صعب اوي كدة ؟

ابراهيم :: لا مش موضوع صعب بس السؤال مفاجئ ليا .. مكنتش متوقعة بس

انا :: انا عارفة انك معجب بيا وبشوف ده في نظراتك ليا ومن واحنا لسة عيال علي فكرة

ابراهيم :: بصراحة انا معجب بيكي وكنت كلمت بابا زمان علشان اتقدملك بس ظروفي المادية هي اللي خلت بابا يرفض انه يقابل اخوكي قبل ما سيد يتقدملك

انا :: قطيعة تاخدة .. بس انا اول مرة اعرف انك كنت عايز تتجوزني

هيما :: اللي حصل حصل بقي ومكنش ينفع اقولك لان سيد ساعتها اتقدم واخدك مني

انا :: يلا اهو غار .. داهية تاخدة وتاخد اليوم اللي شفتة فيه

طب انت تعرف ان جدعنتك معايا وانك حافظت علي سري ومفضحتنيش دي خلتني اشوفك راجل اوي وخلتني معجبه بيك

بعد ما قولت كدة ل هيما لقيت وشة احمر ومبقاش عارف يقول ايه

انا :: انت بتتكسف امال بتنام مع البت شيماء ازاي

بصلي بأستغراب اوي

انا :: هههههه ايه مستغرب ليه ... ايوة انا عارفة ان فيه علاقة بينكم متستغربش

انا ليا عيوني جوه الكباريه برضو

وروحت مقربة علي هيما وحطيت ايدي علي فخادة وعيني في عينة

ايه مش نفسك تقرب مني ولا ايه

هيما ارتبك وبقي بيبلع ريقة بصعوبة وانا بقرب..................................................................... فضلنا نصف ساعة وبعد مخلصنا ارتميت عليه نمت في حضنة. ونعست وبعد ساعتين نوم قومت لقيت ابراهيم قاعد في البلكونة

قومت لبست هدومي وروحت عملت كوبايتين نسكافية وقعدت معاه في البلكونة

ابراهيم :: هو انتي لما اشتغلتي في الكباريه كنتي لسة بنت بنوت !؟

انا :: ليه بتسأل السؤال ده

ابراهيم :: معرفش اهو سؤال جه علي بالي

يوم شوفتك وعرفت انك جاية تشتغلي في الكباريه

انا :: طب وانت شايف ايه

ابراهيم :: انا ؟ انا مش عارف بس يومها قولت انك تاني يوم مش هتيجي وهتخافي علي ... يعني شرفك ... لكن حصل العكس

وجيتي وكملتي وانا مأظنش انك لما جيتي كنتي بنت

انا :: اشمعني ؟

ابراهيم :: علشان اللي زيك مستحيل يفرط في شرفة علشان الفلوس .. اكيد قبلها فيه حاجة حصلت خلتك مش بنت

انا :: انا هحكيلك

وقعدت مع ابراهيم وحكيت له كل اللي حصل من يوم الخطوبة لغاية ما سيد ماسابني وراح اتجوز وكان مفهمني انه مسافر شرم في شغل

وفي النهاية اهو مرمي زي الكلب في السجن ومنتظر مصيرة الا هو الاعدام

ابراهيم :: ياااااه يا سهام كل ده حصل معاكي

انا :: احنا هنقلبها درما ياعم انت ولا ايه

تعالا عايزاك في موضوع جوه

واخدتة ودخلنا تاني وعملنا احلي ليلة  ... وكانت ليلة عمرها ما هتتنسي....... 


طارق رايح جاي في مكتبة ومش عارف يعمل ايه مع كمال بيه اللي طالبني بالاسم

وكمال بيه لما بيطلب حاجة لازم طارق ينفذها في الحال خوفا من زعله

كمال محدش يعرف هو شغال ايه لكن معروف انه صاحب مركز مهم وفي اكتر من موقف واكتر من بنت تتاخد اداب وبتليفون صغير منة كانت البنات دي بتخرج قبل ما تتعرض علي النيابة

طارق كل ما يتصل بسهام كان يلاقي تليفونها مقفول واخر ما ذهق راح متصل ب شيماء

وكان تليفونها بردو غير متاح

كمال اتصل ب بطارق

كمال :: ايه يا طارق لسة موصلتش ل سهام

طارق :: ياباشا علي يدك تليفونها مقفول وانت اتصلت قبل مني وعارف

كمال :: يعني انت عايز تفهمني انك مش عارف توصل ليها يا طارق

طارق :: يعني انا عمري اتأخرت عليك يا كمال بيه في طلب .. حتي تليفون شيماء مقفول وانت عارف انا مينفعش ابعتلهم حد البيت .. هنعمل شوشرة احنا في غني عنها

كمال :: طيب ابعتلي البت ليلي تقضي الليلة دي معايا وانا ليا تصرف مع سهام لما تبقي تنزل الشغل...... 

........................

تاني يوم احمد راح زيارة لحسن في السجن

احمد :: عامل ايه ياحسن

حسن :: اهو عايش يا صاحبي وايام كلها هنا شبه بعضيها

احمد :: ربنا يقرب البعيد ويبتلي باللي كان سبب حبستك دي

حسن :: المهم امي عاملة واختي ..بتشوفهم يا احمد

احمد سكت شوية كويسين

حسن :: مالك يا احمد سكت ليه .. امي جرالها حاجة

احمد :: لا يا صاحبي امك واختك بخير بس

حسن :: بس ايه ؟ انطق

احمد :: بص يا حسن بصراحة كدة انا طلبت اختك للجواز .. قولت اشوف رأي امك واختك قبل ما اجي افاتحك في الموضوع

وامك كانت موافقة واختك رفضتني

حسن :: معلش ياصاحبي انا لما تيجي هشوف هي رفضت ليه .. هو احنا هنلاقي اعز منك ياض

احمد :: لا خلاص يا حسن اختك مبقتش تلزمني

حسن :: يعني ايه .. انت فيه حاجة مخبيها عليا

احمد :: بصراحة اختك بقي الكلام عليها كتير في المنطقة. وسمعتها

حسن :: انت بتقول ايه يابن الكلب انت

انا اختي جزمتها اشرف منك ومن اهلك

احمد :: ياحسن اختك بتخرج كل يوم بالليل ومش بترجع غير الصبح

حسن :: امشي يابن الكلب من هنا .. هي علشان اختي رفضتك جاي تطعن في شرفها

امشي بدل ما اقتلك هنا .. ومش عايز اشوف خلقتك هنا تاني

احمد :: ماشي ياعم حسن بس عايز اقولك علي حاجة كمان .. انا اتقدمت ل اختك مش علشان بحبها لا انا اتقدمت بعد ما طلع عليها كلام ان سيد بعد ما اخد اللي عايزة منها سابها وانا للاسف كنت فاكر ان كل ده مجرد تلسين وكنا عايز اقطع لسانهم واثبتلهم ان اختك شريفة

حسن :: انت بني ادام زبالة ... امشي من قدامي بدل ما هقتلك

حسن نده علي العسكري علشان يرجعة الحبس واول ما دخل الزنزانة بقي بيضرب

بأيده ورجلة علي السرير

سعيد سبيرتو:: في ايه ياجدع مالك جاي من الزيارة وانت متعصب كدة ليه

حسن :: سبني في حالي يا سعيد **** لا يسيئك

سعيد :: ياعم في ايه احكيلي

حسن مسك السرير وفضل يشد فيه ويلخلخة.. بقولك سبني في حالي ياعم سبني في حالي وراح نازل علي الأرض علي ركبة وحط ايده علي راسة وبقي بيعيط زي العيال الصغيرة

وسعيد سابة وراح علي سريرة وهو بيبص علي حسن اللي شكلة عرف حاجة كبيرة حاصلة بره وهي اللي عاملة فيه كدة...... 

#يتبع.... 

تفاعل والتعليق ب 20 ملصق للاستمرار فى نشر باقى الاحداث........تعليقات كتيييير عشان انزل جزء كمان النهارده 

لقراءة أو تحميل رواية دمر حياتي
 الفصل السابع عشر 

لقراءة باقي حلقات الرواية اضغط على 

  رواية دمر حياتي

للتواصل 👇👇👇😘

يُمكنك الانضمام لقناتنا على التليجرام

    اضغط هنا 

يمكنك الانضمام لجروب علي التلجرام 

او الانضمام علي جروب الفيس بوك 

     اضغط هنا

تعليقات



حجم الخط
+
16
-
تباعد السطور
+
2
-