أقسام الوصول السريع ( مربع البحث )

أخر الاخبار

روايه دمر حياتي الفصل الرابع عشر

دمر حياتي الجزء الرابع عشر

روايه دمر حياتي الفصل الرابع عشر 

روايه دمر حياتي الفصل الرابع عشر


روايه دمر حياتي الفصل الرابع عشر 

روايه دمر حياتي 

دمر حياتي الفصل الرابع عشر 

بعد يوم طويل بدأت افهم طبيعة الشغل واللي ليا واللي عليا

روحت انا الصبح الساعة 6 اخدت تاكسي وشيماء علي الساعة ثلاثة سابتني علشان طلعت سهرة حمرا مع زبون في المحل

كنت مروحة تعبانة جدا ودماغي بتلف بسبب كمية الخمرا اللي شربتها في اليوم ده

ومصدقت ارمي نفسي عالسرير ومحستش بنفسي غير الساعة 1 بعد الضهر

قومت مصدعة جدا قومت دخلت اخدت دش علشان افوق نفسي ولما خرجت كانت خالتي نصرة كانت موجودة مع ماما وفطرتها

دخلت سلمت عليها .. ازيك ياخالتي

نصرة :: ازيك انتي ياحبيبتي .. عاملة ايه في شغللك الجديد مامتك قالتلي انك اشتغلتي في مستشفي خاصة

انا : اه ياخالتي لسة كان اول يوم ليا امبارح

ماما :: دي حبة يعني طول الليل فشغلة التمريض دي وراجعة بعد الفجر حيلها مهدود ومصدقت اترمت علي سريرها

نصرة :: ومين سمعك ياختي و**** وماعليكي عليا حلفان ياسهام يابنتي الواد ابراهيم ابني كل يوم ينزل الساعة 10 وميرجعش غير الصبح بدري علشان شغال

في مطعم كبير

انا :: اه ربنا يعينة ويعينا جميعا ياخالتي

تشربي شاي

ماما :: ماهو يا نصرة ياختي لو مكنش يجيب الجنيه دلوقت هيجيبة امتي ربنا يخلهولك

نصرة :: ماشي يابنتي كوباية شاي

ربنا يخليكي يانادية ياختي ويكرمك بخروج حسن ابنك وتجوزي سهام بنتك

روحت عملت شاي ل خالتي نصرة وخرجت

كان فيه غسيل عايز يتغسل .. شغلت الغسالة

شوية باب الشقة خبط روحت فتحت الباب وكان اللي علي الباب احمد صاحب اخويا وكان جاي يطمن علي ماما

انا :: اتفضل يا احمد

ماما :: احمد بره وجاي علشان يطمن عليكي

ماما :: خليه يدخل يابنتي

خالتي :: طيب اقوم انا ياحبيبتي عايزة مني حاجة

ماما :: مانتي قاعدة يانصرة

خالتي :: معلش هقوم احضر اكل ل ابراهيم تلقيه قام من النوم ياختي وكمان الحج محسن زمانة جه اصلة راح من بدري يزور اختة في الكونيسة

ماما :: ماشي ياحبيبتي

احمد :: ازيك ياخالتي يام حسن

ماما :: نحمد ربنا يابني .. انت عامل ايه

احمد :: نحمد ربنا ياخالتي

عملت انا شاي ودخلتة ل احمد وقعدت معاه شوية وبعدين خرجت وهو خرج بعد مني بشوية

بعد ما احمد مشي ماما ندهتلي وقالتلي ان احمد طلب ايدي وعايز يخطبني

انا :: احمد عايز يتجوزني

ماما :: ايوة يابنتي وانا بصراحة شايفة انه شاب محترم ومتربي .. اه ظروفة علي قده لكنة زينا يابنتي .. ايه رأيك

انا :: لا ياماما انا خلاص مش ناوية علي جواز دلوقت

ماما :: ليه يابنتي بس

انا :: كدة يا ماما جواز وخطوبة ووجع قلب مش عايزة دلوقت .. انا ماصدقت نسيت الزفت اللي قبلة وكمان مصدقت القي شغل مرتبة حلو مش عايزة جواز

ماما :: يابنتي انا نفسي اطمن عليكي قبل ما روحي تطلع فوق

انا :: ماما ربنا يخليكي بس علشان خاطري

متجبيش سيرة الموضوع ده تاني .. انا جواز دلوقت مش هتجوز .. ولو اتجوزت مش هتجوز واحد يدوقني الفقر .. انا شبعانة منة

ومش هتجوز واحد يعيشني تاني في الفقر

ماما :: ربنا يهديكي يابنتي

خرجت وانا مضايقة من جوايا علي رفضي ل احمد خصوصا انه فعلا محترم ووقف معانا كتير .. لكن مكنش عندي استعداد بعد الظروف الزفت اللي مريت بيها ولسة بمر بيها اني اربط اللي باقي من عمري في الفقر

وهدفي دلوقت ازاي اعمل فلوس تسترنا في غياب اخويا اللي لسة قدامة سنين وسنين في الحبس ومين عالم يمكن اقدر بشغلي في الكباريه انتشل من حياة الفقر والغلب اللي احنا فيه

ماما ندهتلي وانا بغسل

انا :: نعم يا ماما ..

ماما :: ماتعمليلي كوباية لبن يابنتي

انا :: حاضر ياماما هلبس واروح اشتري لبن

دخلت لبست هدومي وخرجت علشان اشتري لبن وانا بقفل الباب كان ابراهيم نازل من علي السلم وعيونة عليا

عيني جت في عينة وروحت بصيت في الأرض.. وكنت حاسة كأنه ماسك عليا ذلة

ابراهيم :: ازيك يا سهام

انا وعيني في الأرض ازيك انت يا ابراهيم

ابراهيم :: الحمد لله

مشيت وانا مش عارفة اعمل ايه .. مليش عين خالص حتي اقف قدامة

ابراهيم :: سهام

انا :: وقفت وانا باصة في الأرض ايوة يا ابراهيم

ابراهيم :: انا عارف الظروف والضغوط اللي انتي فيها .. وانا بس مش عايزك تخافي مني .. انا مشوفتش حاجة

هزيت دماغي وروحت مشيت بسرعة.. روحت اشتريت اللبن ورجعت

وانا بعمل اللبن سرحت في منظري لما ابراهيم شافني في الكباريه وطبعا اكيد حط في دماغة مليون حاجة وحشة عني

ومن بعد ماكان شايفني البنت المحترمة المتربية .. نظرتة ليا اتغيرت

اللبن فار واندلق علي البوتجاز .. طفيت النار وصبيت اللبن لماما ودخلتة ليها

ايام بتيجي ورا ايام وانا كل يوم بكسب حب الناس في الشغل سواء من ادارة الكباريه او من الزباين وبقي فيه زباين بتطلبني بالاسم اقعد معاها وطارق مكنش بيرضي يخليني اطلع مع زباين وده كان في الاول بس لغاية ما ابقي عندي خبرة في التعامل مع الزباين وبقيت بعرف اطلع منهم الفلوس

وكانت اول طلعة ليا مع زبون بعد تقريبا 20 يوم من الشغل في الكباريه

شيماء :: الزبون اللي علي طرابيزه 12 شكلة مريش وعينة مبتنزلش من عليكي

انا :: خلاص سيبهولي وانا هروحلة

اتمشيت قدام الطرابيزه بتاعتة وعنيه مش نازلة من عليا وانا ببصلة ومبتسمة وماسكة كاس في ايدي وعمالة احرك صباعي براحة علي شفايف الكاس

:: ايه يا جميل ماتيجي تقعد معايا شوي وتسليني

انا :: بس كده من عنيا ...

:: الجميل يشرب ايه

انا :: اللي هتطلبة ليا هشربة انا مش طماعة

:: لا دانا انتي تؤمري وانا عنيا ليكي

:: شكلك كريم اووي وانا بصراحة شكلي كدة هتبسط منك اوي هو انت اسمك ايه

:: انا اسمي حازم .. حازم بدران مدير شركة البناء الحديث

انا :: تشرفنا يا حازم

وانت بقي كام سنة ؟

حازم انا 47سنة

انا :: العمر كلة يا حزوم

طلبلي وسكي وقعدنا اكتر من ساعة وبعدين طلب مني اروح معاه الشقة وقالي انها قريبة مش بعيدة

انا :: طيب ثواني ياسي .. يوه هو انت قولتلي اسمك ايه

حازم :: اسمي حازم ياقمر اسمي حازم

انا :: ههههههههه طيب ثواني ورجعالك

طلعت بلغت البوص ووافق المرة دي اطلع مع الزبون

رجعت وقولت له انا جاهزة خلاص يلا بينا

حازم شخص جسمة حلو رياضي .. قمحي اللون .. شعرة ابيض علي اسود .. دقنة خفيفة متحدده مع شنب خفيف

خرجنا وروحنا ركبنا عربيتة الچيب السودا

واحنا ماشيين قالي افتحي تبلوه العربية يا جميل هتلاقي شريط برشام ازرق هاتي منة حباية

انا :: ايه ده انت عيان ولا ايه

حازم :: هههههه عيان ايه بس تفي من بوقك

انا :: ايه ده ؟ ده برشااااااااام اااه يا لئيم

حازم :: ايوة بقي علشان نولع الليلة

انا :: اه بس كدة يا حزوم انت كدة هتعدمني العافية

حازم :: متخفيش ياجميل هبسطك وعنيا ليكي

انا :: انا كان كدة انا كلي ليك ههههههههه

حازم :: هههههههه ليلتنا لبن

وصلنا قدام عمارة وحازم ركن العربية في چراج تحت العمارة وطلعنا الشقة

دخلنا الشقة وقالي تحبي بقي تشربي ايه ايه

انا:: ايه ده انت عامل بار هنا

حازم :: ايوة .. اصلي عامل الشقة دي لمذاجي بس وفيه كل سبل الراحة والمذاج

ايه بقي

انا :: ايه انت .. ما تسيبك من الشرب دلوقت ويلا بينا

حازم :: شكلك مستعجلة اوي هههههههه

انا :: ههههههههههه طب يلا بقي

................................................................ بعد سهرة طويلة ... حازم قالي انه عمره ماحد قدر يمتعة المتعة دي... واداني 3000 جنيه وقالي ان لو حد سالني اخدت كام قولي 1000جنيه بس

اخدت الفلوس وخليتة وصلني الملهي. غيرت هدومي وبعدين روحت البيت.. 

#يتبع...... 

تفاعل و20 كومنت للاستمرار فى نشر باقى احداث القصه...

لقراءة أو تحميل رواية دمر حياتي
 الفصل الخامس عشر 

لقراءة باقي حلقات الرواية اضغط على 

  رواية دمر حياتي

للتواصل 👇👇👇😘

يُمكنك الانضمام لقناتنا على التليجرام

    اضغط هنا 

يمكنك الانضمام لجروب علي التلجرام 

او الانضمام علي جروب الفيس بوك 

     اضغط هنا

تعليقات



حجم الخط
+
16
-
تباعد السطور
+
2
-