أقسام الوصول السريع ( مربع البحث )

أخر الاخبار

روايه دمر حياتي الفصل الثالث عشر

روايه دمر حياتي الفصل الثالث عشر 

رواية دمر حياتي الفصل الثالث عشر 

روايه دمر حياتي الفصل الثالث عشر


 دمر حياتي الفصل الثالث عشر 

دمر حياتي الجزء الثالث عشر

روايه دمر حياتي

.....................

بعد ما لبست هدومي وطارق لبس هدومة خرج قعد علي مكتبة وضرب الجرس ودخلة راجل ضخم قالة خلي البنت سميحة تطلع لينا عشاء وبصلي وقالي تحبي تتعشي ايه

انا :: لا انا مش جعانة

طارق :: لا مينفعش ها .. اجيب مشويات ولا نفسك في ايه

انا :: اي حاجة

طارق :: خلي البت سميحة تطلعلنا شوية كباب علي كفتة وخليها تروش الدنيا

الضخم :: امرك يا بوص

طارق قاعد علي مكتبة وبيراقب الصالة وكل شوية يعمل زوم علي الطرابيزات .. الطربيزات اللي فيها بنات تبعة وشوفت شيماء قاعدة مع راجل باين من لبسة انه خليجي وعمالة تتدلع عليه

طارق :: عايزك تراقبي وتتعلمي علشان كلها يومين وهتبقي قاعدة علي طرابيزة من دول

انا :: حاضر يا طارق

طارق :: انا هنا الكل بيندهلي ب بالبوص

انا :: حاضر يابوص

سميحة دخلت بالأكل .. كانت واحدة بيضة وشعرها اصفر وتقريبا في جسم غادة عبد الرازق ولبسها فاضح جدا

سميحة :: الأكل وصل يابوص

حطيه عندك علي الطرابيزة وهاتي من جوا الكاسات وازازة البيرة

وراح بصلي. الأكل اصله ميتبلعش من غير البيرة المشبرة

انا ابتسمت وانا مش عارفة ارد لاني متعودتش اصلا علي الشرب

طارق :: اعرفكم ببعض دي سميحة .. شغالة معانا والمزه اللي مسؤلة عن طلباتي بخلاف شغل المحل

انا :: اهلا وسهلا

طارق :: ودي بقي يا سميحة سهام .. مزه جديدة وهتشتغل معانا وهتبقي مسؤليتك من بكره تعلميها وتخليها برنسيسة كدة زيك

سميحة :: حاضر يابوص انت تؤمر

طارق :: طيب تقدري انتي تروحي .. طربيزة 12 انا شايف عليها راجل شكلة متريش .. روحي جسي النبض وشوفي شغلك

سميحة :: ماشي يابوص .. واكيد هتعرف عليكي بكره ياسهام باي

طارق :: يلا بقي نروح نتعشي لحسن انتي هديتي حيلي

ابتسمت وقومت اكلت معاه وبقي بيصبلي كل شوية كاس بيرة وانا باكل

خلصت اكل ومبقتش عارفة انا المفروض هقعد معاه للصبح ولا همشي .. ولو مشيت همشي ازاي في الوقت المتأخر ده لان الساعة دخلت علي 12

طارق عرفني من نظرة واحدة وفهم اللي بيدور في دماغي

ضرب الجرس دخلة نفس الراجل الضخم وقالة ابعتلي سمير السواق حالا

الضخم خرج ومفيش دقايق كان السواق بتاع طارق جه قالوا عايزك توصل سهام للمكان اللي تقولك عليه وترجع تديني تمام

وصلت البيت وكانت ماما صاحية وقلقانة عليا واول ما سمعت صوت الباب ندهتلي

دخلت ليها الأوضة

ماما :: ايه يابنتي اللي اخرك لغاية دلوقت

انا :: مش علي ماروحت ياماما وقعدت مع الراجل واتكلمنا

ماما :: ايه الريحة دي .. انتي ريحتك كلها سيبرتو ليه

انا :: اه اه مش مستشفي ياماما وانا وقفت معاه وهو بيكشف علي المرضي وبيديهم حقن علشان اتعلم

ماما :: مانتي يابنتي بتعرفي تدي حقن انتي لسة هتتعلمي

انا :: لكن هو ميعرفش ياماما وانا كنت بقولوا حاضر ونعم وخلاص

ماما :: خدي بالك من نفسك يابنتي انا لو عشت النهاردة بكرة مش هكون عايشة

انا :: ليه بتقولي كدة بس يا ماما ربنا يخليكي لينا


......... في الكباريه ..........


شيماء راحت ل طارق في مكتبة اللي في اول دور ودخلت

شيماء :: ايه رأيك يا بوص في سهام

طارق :: لا البت جامدة وهيجي منها

شيماء :: طب ماكدة بردو هتتعبنا في الأول

طارق :: ليه ؟؟

شيماء :: البت لسة بنت بنوت وانت عارف شغلتنا دي ... انا لسة هقولك انت يابوص

طارق :: ههههههههههههه وحط رجليه علي المكتب وولع السيجار .. اخد نفس ونفخه لفوق ونزل رجليه من علي المكتب وقام من المكتب وراح ل شيماء ووقف وراها ووطي علي ودانها وبسخرية

البت مالها يا شوشو

شيماء بأستغراب بنت بنوت ... ايه ؟

طارق :: هههههههههه بنت بنوت هههههههههههه

البت دي خبرة و.......... يا شوشو

شيماء ::....... ؟ ازاي

طارق :: ازاي ؟ ... ابقي اسأليها انتي بقي ازاي ده مش موضوعي انا كنت ناوي ابعتلك قبل ما تجيلي بدقيقة واحدة

شيماء :: خير

طارق :: انتي كنتي حكيتيلي علي ظروفها المادية

شيماء :: ايوة ظروفها مسح خالص

طارق :: طيب بكره تاخديها للمحل بتاعي اللي في فيصل وانا هكلمهم في المحل تاخد اللي عيزاه من ملابس علشان لبسها اللي كانت لابساه مينفعش هنا

شيماء :: طب وانا يابوص مخدليش طقم ولا اتنين

طارق :: ابقي نقيلك طقمين مفيش مشكلة

وبعد ما تاخد اللي هي عيزاه. تجيبي ليها كام جزمة من المحل اللي جنبي وانا هبقي احاسبهم

شيماء :: وانا كمان عايزة جزمتين

طارق :: يابنتي بطلي ام الاستغلال بتاعك ده .. عموما ماشي

شيماء :: هههههههههههه ربنا يخليك لينا يابوص

طارق :: طب يلا مع السلامة انتي روحي شوفي شغلك.. اه البت ليلي ابعتهالي

شيماء :: ليلي قاعدة مع زبون علي طربيزه 5

طارق عمل زوم علي طربيزه خمسة وفعلا ليلي كانت قاعدة مع زبون باين من شكلة انه رجل اعمال واول مرة يشوفة

طارق :: الزبون ده جديد ... خلاص سيبيها .. ليلي شاطرة وهتعرف تظبط الزبون

....................

تاني يوم صحيت علي الساعة 11 وكنت مصدعة اوي بسبب الشرب بتاع امبارح دخلت الحمام غسلت وشي وبعدين عديت علي ماما لقيتها صاحية

انا :: صباح الخير ياماما

ماما :: صباح الخير يابنتي

انا :: عاملة ايه النهاردة

ماما :: اهو كويسة وبعمل التمارين بتاعة ايدي ورجلي

نسيت اقولكم ان ماما بتتكلم بس بطريقة صعبة بسبب الشلل اللي جالها بسبب الجلطة بس انا فاهمة هي بتقول ايه وكلامها رغم صعوبتها وهي بتنطق الا ان كلامها مفسر ومفهوم

انا :: انا هروح اعمل فطار وبعد كدة هتصل بالمركز واحاول اخلي الجلسات بدري شوية

علشان ميعاد شغلي

ماما :: ماشي يابنتي وربنا يقويكي عليا وعلي شغلك ويعينك ويرزقك

روحت عملت فطار واتصلت بمركز العلاج الطبيعي

وظبطت معاهم ميعاد تاني يتناسب مع ظروف شغلي الجديد

وبعد ما خلصت المكالمة دخلت الفطار لماما وفطرنا سوا

الساعة اتنين اتصلت بيا ايمان علشان تطمن عليا وعرفت منها انها نزلت شغل في محل ملابس تاني وان عاطف قرب يفتح المحل بتاعة من جديد بس قدامة لسة شوية

بتاع شهر كدة

وانا بكلم ايمان جالي اتصال من شيماء

خلصت مع ايمان وكلمت شيماء

قالتلي انها هتعدي عليا علشان هنروح فيصل هنجيب لبس من محل طارق اللي هناك وعلي حسابه

قولت ليها خلاص ماشي

دخلت لماما وقولت ليها ان شيماء صاحبتي

عايزني انزل معاها نشتري ليها لبس علشان مبتعرفش هي تنقي وماما قالتلي ماشي بس متتأخريش

لبست هدومي وشيماء عدت عليا ومشينا

روحنا ودخلت المحل اللي كان باين من شكلة من برة ومن جوه ان اسعارة خيالية

لانة محل فخم جدا

دخلت واول ما شيماء بلغتهم اننا تبع طارق اتصلو بيه وهي كلمتة وهو كلم الشاب اللي كان واقف معايا وبعدين الشاب قالي اختاري يامدام الهدوم اللي تعجبك

بصيت له بضيق جدا انه قالي مدام وقولت له انسة يا خويا

دخلنا نقينا الهدوم وطبعا كانت كلها ملابس فاضحة جدا. وكنت كل ما اعترض علي طقم شيماء تقولي لا حلو وهو ده المطلوب

خرجت من المحل وانا محملة ليا اربع اطقم

واحنا خلاص مروحين وخارجين من المحل قولت لشيماء انا مش هينفع اروح بالهدوم دي

شيماء :: لا ما احنا مش هنروح بيها احنا هنعدي علي الكازينو نحط هدومنا دي في الاوضة بتاعتنا وكل يوم هنخرج بلبس محترم وفي الكازينو هنغير هدومنا بهدوم الشغل

انا :: اه كدة احسن بردو

شيماء :: طيب يلا بينا ياختي

روحنا الكباريه ودخلت الأوضة اللي هتبقي بتاعتي مع شيماء وسميحة وكانت اوضة جميلة والبنات حاطين صورهم بحجم كبير

شيماء :: ده بقي هيبقي سريرك

وهدومك هتحطيها في الدولاب ده ومفتاح الدولاب ده هتلاقيه فوق منة لانه كان بتاع البت سارة بس دي خلاص سابت هنا واتجوزت راجل مريش

طلعت علي كرسي وبصيت فوق الدولاب لقيت المفتاح فعلا فتحتة وحطيت فيه الهدوم واخدت المفتاح وحطيتة في البوك بتاعي

مشينا من الكباريه وروحت البيت

الساعة 6.30 بالليل اخدت ماما مركز العلاج الطبيعي علشان تاخد جلستها وبعد ماخلصت الجلسة علي 8 اخدتها وروحت

الساعة 10 دخلت اخدت حمام  ولبست هدومي واتصلت ب

شيماء علشان نمشي

واتقابلنا انا وهي علي اخر الشارع .. ركبنا تاكسي وروحنا الكباريه

وزي ما حصل امبارح حصل الليلة .. قعدت انا وطارق وبقي بيعلمني المفروض اعمل ايه

واخلي الزبون يطلب اغلي انواع الخمور ازاي

وبعد ما شربت اخدني في الأوضة اللي في المكتب وبعد ما خلصنا. نده علي سميحة وقالها خدي سهام الصالة علشان تشوف بعيونها ازاي البنات بتتعامل مع الزباين

ونبهت عليا ان الكباريه كلة متراقب بالكاميرات يعني سرقة الزباين ممنوعة. محاولة انك تاخدي فلوس ومتعرفيش بيها ادارة الكباريه بردو ممنوعة .. هنا كل اللي بيجيلك من الزباين ليكي نسبة فيه

وحتي لو زبون طلبك بره بتروحي معاه بس بتروحي تبلغي قبل ما تمشي .. واللي بتاخديه الكباريه بيكون له نسبة فيه

سميحة :: انا هلف كام لفة كدة وهبعتلك شيماء تقعد معاكي وتفهمك الدنيا هنا ماشية ازاي

انا :: ماشي

وقفت اتفرج علي الصالة وبصراحة بقي مقولكمش عليها .. طربيزات كتير .. كل طرابيزه عليها اربع كراسي والطرابيزة عليها حاجة كدة زي فانوس جواه لمبة منورة الوان .. فيه الاحمر وفيه الازرق وفيه الاصفر والاخضر .. السقف عبارة عن زجاج ونازل منة كوره كبيرة مدورة ومصنوعة من الزجاج الملون كلها منورة

الصالة عبارة عن الوان بتطفي وبتنور والموسيقي كانك في استديو بسبب السماعات الكبيرة اللي مش باين مكانهم لكن صوتهم بيجلجل .. ومطربين بيقدموا نمر ورقصات بترقص والبنات اللي علي كل طرابيزة بنت واتنين علي حسب رغبة ومذاج الزبون

قعدت علي طربيزة وبقيت بتفرج علي الرجالة اللي مبسوطة والبنات اللي بتدلع والمسخرة اللي في كل مكان حواليا وانا حاسة من جوايا اني في مكان غلط مش مكاني

لا تربيتي ولا اخلاقي .. بس اخلاق ايه ما خلاص انا قلعت توب الأخلاق من يوم ما اتخطبت للي ربنا ياخده اللي اسمة سيد

وكان هو سبب كل اللي انا فيه ده

يمكن لو مكنش اغتصبني وخد شرفي كنت حافظت علي نفسي وعلي شرفي مهما كانت الظروف .. سرحت لغاية ما لقيت ايد بتتحط علي كتفي وصوت حاسة اني سمعتة قبل كدة .. بت يا سهام ايه اللي جابك هنا

لفيت بوشي علشان اشوف مين ده اللي يعرفني وكانت المفاجئة اللي شلتني

الواد ابراهيم ابن خالتي نصره اللي ساكنين فوق مننا

اول ما شوفتة كان نفسي الأرض تتشق وتبلعني وبقيت مصدومة .. عمري ما كنت اتخيل ان ابراهيم هيكون هنا .. ولا هو كمان عمرة ما كان يصدق ان سهام البت المتربية

ممكن يشوفها هنا

شيماء جت بسرعة ايه يا هيما مالك

ابراهيم :: ايه ده ياشيماء ؟ مين اللي جاب سهام هنا

شيماء :: تعالا عيزاك يا هيما .. وانتي يابت اقعدي واطلبي حاحة تشربيها

قعدت وبقيت عمالة الطم علي وشي وكل شوية ابص علي ابراهيم وعلي شيماء وهي بتتكلم معاه وارجع الطم علي وشي

وقولت خلاص انا كدة اتفضحت

بعد شوية شيماء جت وندهت علي هيما وقالت له هاتلنا كاسين وسكي يا هيما

هيما :: حاضر يا ست شوشو .. وراح مخبط ايد علي ايد

انا :: هو ايه اللي جاب ابراهيم هنا

شيماء :: ابراهيم شغال هنا من ست شهور

انا :: شغال هنا يامصيبتي يا مصيبتي

شيماء :: مالك يابنتي فيه ايه .. مالك خايفة ومرعوبة كدة ليه

انا :: نعم ياختي بقالوا قد ايه ؟ ولما هو شغال بقالوا ست شهور هنا مقولتليش ليه

ابراهيم :: الوسكي يا ست شيماء .. اتفضلي يا برنسيسة سهام

ابراهيم كان بيتكلم بسخرية لانه اتصدم في سهام وبعد ما حط الوسكي علي الطربيزة قدام سهام وشيماء

سهام :: شايفة بيتكلم ازاي .. ولسة لما يقول لمامتة ول باباه

شيماء :: يقول لمين انتي هبلة ؟ يابنتي محدش يعرف ان ابراهيم شغال هنا وهو اصلا هو خايف اكتر منك انه يتعرف

انا :: ياسلام ياختي .. ثم انتي ليه معرفتنيش من الاول ان ابراهيم شغال هنا .. هو انتي مش عارفة انه ساكن فوق مننا

شيماء :: عارفة ومكنش ينفع اقولك علشان لو كنت قولتلك مكنتيش هتشتغلي .. وانا عاملة علي مصلحتك .. متحطيش ابراهيم في دماغك وانسي خالص انك تعرفية

هو ميقدرش يفتح بوقة

انا :: انا مش هاجي هنا تاني .. وهقوم امشي

شيماء :: تفتكري لما هتمشي هو كدة خلاص مش هيظن فيكي الظن اللي ظنة... ما خلاص شافك واللي حصل حصل .. استهدي كدة واشربي كاسك

شوية وجه واحد من زباين المحل سلم علي شيماء

:: ايه يا شوشو

شيماء ::محسن بيه .. اتفضل

محسن :: بصوت واطي وميل علي ودان شيماء مين يابت المزه الجامدة دي

شيماء :: دي جديدة في المحل .. اصبر بس عليها يومين وانا هخليك تدوق

محسن :: بصوت واطي ماشي يا شوشو

ورجع علا صوتة. مش تعرفينا بالجميل يا شوشو

شيماء :: سهام صاحبتي وشغالة معانا في المحل جديدة يعني

محسن :: عاشت الأسامي يا سهام.. خد يابني تعالا شوف البرنسسات دول يشربوا ايه

شيماء :: مانت عارف يا محسن

محسن :: هات ازازة شامبنيا يابني ولا الجميل عايز حاجة تانية

اللي اسمة محسن بيكلمني وانا مش عارفة اتعامل معاه ازاي وكانت شيماء هي اللي علي طول بترد علشان عارفة اني لسة متأقلمتش علي الجو هنا

يتبع __________________________________________

لمعرفة باقي الاحداث علقو ب20تعليق اوملصقات وانتظروني بجزء جديد وأحداث مثيرة لاتنسو تعليق للاستمرار بنشر القصة وتكملتها بدون توقف...... 

لقراءة أو تحميل رواية دمر حياتي
 الفصل الثالث عشر 

لقراءة باقي حلقات الرواية اضغط على 

  رواية دمر حياتي

للتواصل 👇👇👇😘

يُمكنك الانضمام لقناتنا على التليجرام

    اضغط هنا 

يمكنك الانضمام لجروب علي التلجرام 

او الانضمام علي جروب الفيس بوك 

     اضغط هنا

تعليقات



حجم الخط
+
16
-
تباعد السطور
+
2
-